Seminary
Ezequiel 1–3; 33–34; 36–37; 47: Kinatibuk-ang Pagpasabot

“Ezequiel 1–3; 33–34; 36–37; 47: Kinatibuk-ang Pagpasabot,” Manwal sa Magtutudlo sa Seminary sa Daang Tugon (2026)

“Ezequiel 1–3; 33–34; 36–37; 47: Kinatibuk-ang Pagpasabot,” Manwal sa Magtutudlo sa Seminary sa Daang Tugon

Ezequiel 1–3; 33–34; 36–37; 47

Ezequiel 1–3; 33–34; 36–37; 47

Kinatibuk-ang Pagpasabot

Gitawag sa Ginoo si Ezequiel isip usa ka propeta nga moserbisyo isip magbalantay sa mga Israelinhon samtang nabihag sa Babilonia (tan-awa sa Ezequiel 3:16–17). Sa ulahi, gitandi ni Ezequiel kon giunsa pag-atiman sa mga magbalantay sa Israel ang ilang mga karnero ngadto sa kon giunsa pag-atiman ni Jesukristo, “ang Maayong Magbalantay” (Juan 10:11), ang mga anak sa Langitnong Amahan. Si Ezequiel nanagna nga moabot ang adlaw dihang ang Biblia (ang sungkod ni Juda) ug ang Basahon ni Mormon (ang sungkod ni Jose) mahimong magkauban nga mga testamento ni Jesukristo ug sa Iyang gipahiuli nga ebanghelyo (tan-awa sa Ezequiel 37:15–17). Nakita ni Ezequiel sa usa ka panan-awon ang usa ka templo sa ulahing mga adlaw diin nag-agas ang makaayo nga tubig nga nagsimbolo sa ihatag nga mga panalangin sa Ginoo samtang simbahon nato Siya diha sa Iyang templo.

icon sa seminary Pagkat-on sa Doktrina ni Jesukristo alang sa imong kaugalingon. Nahibaloan ug nasabtan sa Manluluwas ang Iyang doktrina. Sa bata pa ang pangidaron, gitudloan Niya ang uban ug gitubag ang ilang mga pangutana (tan-awa sa Hubad ni Joseph Smith, Lucas 2:46). Ikaw, usab, mahimong magtinguha sa pagkat-on og mas lawom ngatinuod nga doktrina ug awhaga ang imong mga estudyante sa pagbuhat sa ingon. Alang sa dugang pa kabahin kon sa unsang paagi nasabtan sa Manluluwas ang Iyang doktrina, tan-awa sa “Mikat-on ang Manluluwas sa Doktrina,” (Pagtudlo Sumala sa Pamaagi sa Manluluwas [2022], 20).

Makakita ka og pananglitan kon unsaon pag-awhag ang mga estudyante nga mokat-on sa doktrina ni Jesukristo para sa ilang kaugalingon sa Leksiyon 141: “Ezequiel 47.”

Pangandam sa pagtudlo

Ang mosunod nga impormasyon mohatag nimo og mga ideya kon unsay kinahanglan nimong andamon daan para sa matag leksiyon.

Ezequiel 1–3, 33

Katuyoan sa leksiyon: Aron tabangan ang mga estudyante nga mobati og mas dakong tinguha nga paminawon ang mga pasidaan sa mga propeta sa Ginoo.

  • Pagpangandam sa estudyante: Dapita ang mga estudyante nga basahon ang “Propeta” diha sa Giya ngadto sa mga Kasulatan o “Mga Propeta” sa Mga Hilisgotan ug mga Pangutana diha sa Librarya sa Ebanghelyo. Pwede nilang pangitaon ang tahas sa mga propeta ug pamalandongan kon sa unsang paagi ilang nakita nga ang mga propeta mituman niini nga tahas.

  • Mga bidyo: “Face to Face with President Eyring and Elder Holland” (1:36:15) gikan sa time code 3:33 hangtod 6:35; “The Prophet of God” (16:04) gikan sa time code 6:17 hangtod 6:51; “The Voice of Warning” (15:15) gikan sa time code 3:01 hangtod 3:34

  • Hulagway: Hulagway sa Carcassonne

  • Mga materyal para sa mga estudyante: Kon kinahanglan, bag-ohay nga mga edisyon sa komperensiya sa Liahona aron tan-awon ang mga pakigpulong sa komperensiya; usa ka opsyonal nga kalihokan nagkinahanglan og papel nga sulatan sa propetikanhong mga pasidaan aron i-post sa tibuok lawak klasehanan

Ezequiel 34

Katuyoan sa leksiyon: Aron tabangan ang mga estudyante nga sundon ang ehemplo sa Manluluwas nga pangitaon ug atimanon ang uban.

  • Pagpangandam sa estudyante: Dapita ang mga estudyante sa paghunahuna og mga paagi nga ang “Maayong Magbalantay” (Juan 10:11, 14) haom nga ngalan ni Jesukristo. Pwede nilang pamalandongan kon nganong kini nga ngalan sa Manluluwas motabang nila nga masabtan ang Iyang gugma ug tinguha nga atimanon ang mga anak sa Langitnong Amahan.

  • Mga bidyo: “Shepherds of Israel” (9:14) gikan sa time code 1:07 hangtod 4:09; “Face to Face with President and Sister Oaks (Strive to Be)” (1:20:10) gikan sa time code 57:50 hangtod 59:55

  • Hulagway: Si Jesukristo gihulagway isip usa ka magbalantay

Ezequiel 37

Katuyoan sa leksiyon: Aron tabangan ang mga estudyante nga masabtan ang mga paagi nga nagtinabangay ang Biblia ug ang Basahon ni Mormon isip mga saksi ni Jesukristo ug sa Iyang ebanghelyo.

  • Pagpangandam sa estudyante: Dapita ang mga estudyante sa paghunahuna nga gipangutana sila, “Nganong nagkinahanglan pa man ka og Basahon ni Mormon kon motuo ka og Biblia?” ug mangandam sa pagpakigbahin kon unsaon nila pagtubag. Pwede nilang pangutan-on ang usa ka higala o sakop sa pamilya kon unsaon nila pagtubag ang pangutana.

  • Handout: Hulagway aron tabangan ang mga estudyante sa paghimo og post sa social media

  • Mga materyal para sa mga estudyante: Mga sticky note o gagmayng piraso sa papel ug tape aron maka-post og komentaryo sa mga post sa social media sa ubang estudyante

Ezequiel 47

Katuyoan sa leksiyon: Aron tabangan ang mga estudyante nga mobati og mas dakong tinguha sa pagsimba sa Dios diha sa templo.

  • Pagpangandam sa estudyante: Ikonsiderar ang paghatag sa mga estudyante sa mosunod nga mga pangutana ug pagdapit nila nga mosulod sa klase nga andam nga mopakigbahin sa ilang mga tubag:

    • Unsa ang pipila ka rason kon nganong gusto sa usa ka tin-edyer nga motambong ug mosimba sa templo?

    • Unsa ang pipila ka rason kon nganong dili sila gustong motambong sa templo? Unsay nakapalisod niini?

  • Hulagway: Hulagway sa templo

  • Mga materyal para sa mga estudyante: Papel nga kadrowingan sa mga estudyante, o pwedeng gamiton sa mga estudyante ang ilang journal sa pagtuon

  • Mga bidyo: “And the River Will Grow” (3:43) gikan sa time code 0:25 hangtod 1:28 ug gikan sa time code 1:58 hangtod 2:33; “Temples Are A Beacon” (2:50); “Family History and Temple Work: Sealing and Healing” (14:43) gikan sa time code 7:36 hangtod 12:20

  • Sulod nga ipakita: “Kamingawan sa Judea” (Mga Hulagway sa Biblia, num. 3) ug “Pisikal nga Mapa sa Balaan nga Yuta” (Mga Mapa sa Biblia, num. 1), nga naa sa Mga Tabang sa Pagtuon diha sa Librarya sa Ebanghelyo

  • Handout: “Mga Panalangin sa Templo”