Manwal sa Magtutudlo sa Seminary sa Daang Tugon

Mga Sulod
Ulohan nga Pahina
Pasiuna sa Manwal sa Magtutudlo
Daang Tugon nga mga Leksiyon
- Welcome sa Daang Tugon
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko sa Pagkabanhaw
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Numeros 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Maghuhukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Mga Cronicas 14–20, 26, 30
- Esdras 1, 3–7; Nehemias 2, 4–6, 8
- Ester
- Job 1–3; 12–14; 19; 21–24; 38–40; 42
- Mga Salmo 1–2; 8; 19–33; 40; 46
- Mga Salmo 49–51; 61–66; 69–72; 77–78; 85–86
- Mga Salmo 102–103; 110; 116–119; 127–128; 135–139; 146–150
- Mga Panultihon 1–4; 15–16; 22; 31; Ecclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3, 7, 16–18, 20
- Jeremias 31–33; 36–38; Mga Pagbangotan 1, 3
- Ezequiel 1–3; 33–34; 36–37; 47
- Daniel 1–7
- Oseas; Joel
- Amos; Abdias; Jonas
- Miqueas; Nahum; Habacuc, Sofonias
- Hageo 1–2; Zacarias 1–4, 7–14
- Malaquias
Mga Leksiyon sa Pagpangandam sa Kinabuhi
- Doktrinal nga Kahanas: Pagpangita og mga Tubag sa Akong mga Pangutana
- Mga Kahanas sa Pagtuon sa Kasulatan
- Giya sa Alang sa Kalig-on sa mga Kabatan-onan
- Pag-ugmad sa Pagbarog pinaagi sa Kinaugalingong Paningkamot
- Pisikal ug Emosyonal nga Kahimsog
- Pagpangandam alang sa Umaabot nga Edukasyon ug Panarbaho
- Magmalamposon sa Pag-eskwela
- Pagpangandam sa Misyonaryo
- Pagpangandam alang sa Templo
- Mga Pagtulun-an sa mga Lider sa Simbahan
Apendiks

Jeremias 31: Siya Mosulat sa Iyang Sugo diha sa Atong Kasingkasing

“Jeremias 31: Siya Mosulat sa Iyang Sugo diha sa Atong Kasingkasing,” Manwal sa Magtutudlo sa Seminary sa Daang Tugon (2026)

“Jeremias 31: Siya Mosulat sa Iyang Sugo diha sa Atong Kasingkasing,” Manwal sa Magtutudlo sa Seminary sa Daang Tugon

Jeremias 31–33; 36–38; Mga Pagbangotan 1; 3: Leksiyon 134

Jeremias 31

Siya Mosulat sa Iyang Sugo diha sa Atong Kasingkasing

Sa unsang paagi tingali ang usa ka tawo molihok kon sila nasayod sa ebanghelyo ni Jesukristo sa ilang hunahuna apan wala mobati niini sa ilang kasingkasing? Posible ba nga sila molihok nga wala mabati ang gahom sa gugma sa Manluluwas? Sa unsang paagi mausab ang atong mga lihok kon atong mabati ang gugma sa Langitnong Amahan ug ni Jesukristo sa atong mga kasingkasing? Ang Jeremias 31 nagsaad kanato nga kon mobalik kita sa Ginoo, Siya mosulat sa Iyang sugo diha sa atong mga kasingkasing (tan-awa sa Jeremias 31:18, 33). Kini nga leksiyon makatabang sa mga estudyante nga makasabot unsay ipasabot sa pagbaton sa ebanghelyo sa Ginoo nga nahisulat diha sa ilang mga kasingkasing.

Pagpangandam sa estudyante: Dapita ang mga estudyante nga mangutana sa mga sakop sa pamilya ug mga higala niini nga pangutana: “Unsa ang kalainan tali sa pagkahibalo sa kamatuoran sa ebanghelyo diha sa inyong hunahuna ug sa pagbati niini diha sa inyong kasingkasing?” Mahimo silang mag-andam sa pagpakigbahin sa unsay ilang nahisgotan.

Posibleng mga Kalihokan sa Pagkat-on

Ang pagkasayod sa usa ka butang diha sa atong hunahuna ug pagbati niini diha sa atong mga kasingkasing

Sa pagsugod sa klase, dapita ang mga estudyante sa pagtubag sa mosunod nga pangutana.

Unsa ang pipila ka sitwasyon diin kita tingali nasayod nga kinahanglang natong buhaton apan nanglimbasog sa pagbuhat niini?

Ang mga estudyante tingali mopakigbahin og mga ehemplo sama sa pagkatulog og sayo, mopili og pagkaon nga makahimsog, o buhaton daan ang homework sa dili pa ang deadline. Tabangi ang mga estudyante nga makasabot nga normal ra ang manglimbasog sa pagpahiangay sa atong mga aksiyon sa kon unsay nasayran nato nga sakto. Tinuod usab kini kon bahin sa pagkahibalo ug sa pagbuhat sa unsay atong nahibaloan mahitungod sa ebanghelyo ni Jesukristo. Tingali kita nasayod unsa ang gikinahanglan sa ebanghelyo sa Manluluwas, apan wala nato kini buhata sa kanunay. Bisan paman, kita mahimong maningkamot nga maimpluwensiyahan sa Manluluwas ug sa Iyang ebanghelyo sa tanan natong gibuhat.

Unsa ang atong nasayran sa pagsunod sa Manluluwas dili kanunay mao ang gibuhat sa atong mga aksiyon. Si Elder D. Todd Christofferson sa Kurom sa Napulog Duha ka Apostoles misukna og usa ka pangutana nga tingali kita usahay anaa niini nga mga sitwasyon:

Unsaon nimo nga ang ebanghelyo ni Jesukristo dili lang impluwensiya sa imong kinabuhi apan ang nagkontrol sa impluwensiya ug, sa pagkatinuod, ang kinauyokan kon si kinsa ka? (“Kon Makabig na Kamo,” Liahona, May 2004, 11)

Samtang kamo magtuon sa Jeremias 31, dapita ang Balaang Espiritu sa pagtabang kaninyo sa pagpangita og mga paagi nga mahimo ninyo ang ebanghelyo sa Manluluwas nga “ang kinauyokan kon si kinsa ka.”

Si Jeremias nanagna sa mga panalangin sa Manluluwas ngadto sa Israel

Alang niini nga kalihokan sa pagtuon, pwede nimong grupohon og tinagtulo ang mga estudyante. Dapita ang matag sakop sa grupo sa pagbasa og usa sa mosunod nga mga tudling ug sa pagpakigbahin sa ilang mga tubag sa mga pangutana sa uban diha sa grupo.

Human sa pagpasidaan sa mga sangpotanan nga mahimong antoson sa mga daotan sa kataposang mga adlaw (tan-awa sa Jeremias 30:23–24), si Jeremias nanagna nga ang Ginoo mopundok pag-usab sa Iyang katawhan sa pakigsaad ngadto Kaniya.

Basaha ang mosunod nga mga tudling, nga mangita sa unsay buhaton sa Ginoo alang sa Iyang katawhan:

Jeremias 31:1–3

Jeremias 31:6–10

Jeremias 31:17–20

Unsa ang pipila sa saad nga inyong nakaplagan?
Unsa ang gitudlo niini nga mga pagdapit mahitungod sa Ginoo?

Basaha ang Jeremias 31:31–33, nga mangita sa unsang paagi ang Ginoo mopakita sa Iyang mahigugmaong kaayo sa Iyang katawhan sa pakigsaad.

Unsaon nimo pag-summarize kini nga pagtulun-an isip pamahayag sa kamatuoran?

Tabangi ang mga estudyante sa pag-ila nga ang Ginoo misaad sa pagpundok kanato ngadto Kaniya isip Iyang katawhan sa pakigsaad ug sa pagsulat sa Iyang sugo diha sa atong mga kasingkasing.
Sa inyong hunahuna unsa kaha ang gipasabot sa pagbaton sa sugo sa Ginoo nga nahisulat diha sa atong mga kasingkasing?

Ang mga estudyante tingali mopakigbahin og nagkadaiya nga mga ideya. Tabangi nga makasabot ang mga estudyante sa hugpong sa mga pulong nga nahisulat sa diha atong mga kasingkasing (tan-awa sa bersikulo 33) nagpasabot nga mahimong nakabig, nakasinati og kausaban, ug nagtinguha sa pagtuman sa kabubut-on sa Langitnong Amahan ug ni Jesukristo sa tibuok nilang kasingkasing. Mahimo nimong ipasabot nga si Pablo migamit sa samang sambingay sa dihang siya mihulagway sa mga Santos sa Corinto isip usa ka “sulat … ni Kristo sinulat dili sa tinta …o dili diha sa mga papan nga bato , kondili sa mga papan nga mga kasingkasing sa tawo” (2 Corinto 3:3).

Ang ebanghelyo sa Manluluwas nahisulat ba sa inyong kasingkasing?

Ipakita ang pagsabot

Ikonsiderar ang paghatag og kahigayonan sa mga estudyante sa pagpraktis pagtubag sa pangutana nga ilang napili. Mahimo nimong organisahon ang mga estudyante uban niadtong kinsa nagtuon sa uban nga pangutana.

Mahimo nimong dapiton ang mga estudyante sa pagpakigbahin sa unsay ilang nakat-onan nga makatabang sa usa ka tawo nga mas makanunayon sa pagbuhat unsa ang ilang nahibaloan nga husto. Aron sa pagtabang sa mga estudyante nga makapakita unsa ang ilang nakat-onan ug gibati, ikonsiderar ang pagpakita sa mosunod nga mga instruksiyon.

Sa inyong journal sa pagtuon, tubaga ang usa o mas daghan pa sa mosunod nga mga pangutana:

Unsa nga ebidensiya ang imong gipangita nga ang Ginoo mosulat sa Iyang sugo diha sa inyong kasingkasing?
Unsa ang usa ka butang nga kamo giaghat sa pagbuhat aron sa pagdapit sa Manluluwas sa pagsulat sa Iyang ebanghelyo diha sa inyong kasingkasing?

Pwede usab kamong mangutana sa andam nga mga estudyante sa pagpakigbahin sa ilang mga kasinatian sa pag-ila nga ang Manluluwas misulat sa Iyang sugo diha sa ilang mga kasingkasing. Pwede kamong mopakigbahin sa unsang paagi kamo nakakita sa Ginoo nga misulat sa Iyang sugo diha sa inyong kasingkasing. Awhaga ang mga estudyante nga mangayo og tabang sa Ginoo ug sa paglihok sa mga impresyon nga ilang madawat.

Dugang nga mga Kapanguhaan

Unsa ang mga aksiyon nga nagpakita nga ang Ginoo misulat sa Iyang sugo diha sa akong kasingkasing?

Si Elder Dale G. Renlund sa Korum sa Napulog Duha ka Apostoles mipakigbahin:

Ang pagkakabig ngadto sa Ginoo magsugod sa walay pagkapaling nga pasalig ngadto sa Dios, sundan sa paghimo niana nga pasalig nga porsyon kon si kinsa kita. Ang pag-angkon og ingon niana nga pasalig usa ka tibuok kinabuhing proseso nga nagkinahanglan og pailob ug padayong paghinulsol. Sa kataposan, kini nga pasalig mahimong kabahin kon si kinsa kita, nga gitisok diha sa atong kaugalingon, ug kanunayng maanaa sa atong kinabuhi. Sama ra nga kita dili gayod makalimot sa kaugalingon natong ngalan bisan unsa pay atong gihunahuna, dili gayod nato makalimtan ang pasalig nga natisok sa atong kasingkasing. …

Kini nga mga pakigsaad nag-angkla kanato ngadto sa Manluluwas, ug magtabang kanato subay sa dalan padulong sa atong langitnong panimalay. Ang gahom sa mga pakigsaad magtabang nga atong mamintinar ang dakong kausaban sa kasingkasing, mopalawom sa atong pagkakabig sa Ginoo, ug madawat sa hingpit ang hitsura ni Kristo diha sa atong panagway. Apan ang taphaw nga pasalig sa atong mga pakigsaad dili makagarantiya sa bisan unsa. (“Walay Pagkapaling nga Pasalig ngadto ni Jesukristo,” Liahona, Nob. 2019, 23)

Si Elder Kelly R. Johnson sa Seventy mitudlo:

Sa samang paagi, kadtong nakabaton og hugot nga pagtuo ug pulong sa Dios sa kahiladman sa ilang kasingkasing makapatuhop ug makabuntog sa nagdilaab nga mga pana nga siguradong ipadala sa kaaway aron sa paglaglag kanato. Kondili, ang atong hugot nga pagtuo, paglaom, ug kombiksyon mahimong dili kalahutay, ug … kita mahimong maangol.

Nakat-on ko nga ang pagbaton sa pulong sa Dios sa kahiladman sa akong kalag, inubanan sa hugot nga pagtuo diha ni Ginoong Jesukristo ug sa Iyang Pag-ula, nagtugot kanako nga makagamit sa gahom sa Dios aron mabuntog ang kaaway ug bisan unsang butang nga iyang ibato ngari nako. Samtang kita nag-atubang og mga hagit, makasalig kita sa saad sa Ginoo. …

Pinaagi sa pagpangandam, ang Manluluwas mitubo diha sa gahom ug nakahimo sa pagbatok sa tanang tentasyon ni Satanas. Kon kita mosunod sa ehemplo sa Manluluwas ug mangandam pinaagi sa pagtuon sa pulong sa Dios ug palambuon ang atong pagtuo, kita makagamit usab sa gahom sa Dios sa pagbatok sa mga tentasyon. (“Molahutay nga Gahom,” Liahona, Nob. 2020, 113-114)

Dugang nga mga Kalihokan sa Pagkat-on

Alternatibong pagsugod sa leksiyon

Opsiyon 1

Aron sa pagsugod sa klase, ikonsiderar ang pagpakita og mga litrato ni Presidente Henry B. Eyring ug Presidente Gordon B. Hinckley. Ipakigbahin ang mosunod nga istorya nga gisulti ni Presidente Henry B. Eyring sa haya ni Presidente Hinckley.

Dihang ako ang responsable sa pagtudlo sa ebanghelyo sa atong kabatan-onan sa atong mga programa sa seminary sa tibuok kalibotan, siya miingon, mitapion sa iyang tudlo sa akong dughan: “Hal, unsa kaha kon mas ayohon pa gayod nimo ang pagbutang sa ebanghelyo ngadto sa ilang mga kasingkasing?” (“Masulbad ra Kini,” Liahona [Sa Paghinumdom: Presidente Gordon B. Hinckley, Abr. 2008], Librarya sa Ebanghelyo)

Dapita ang mga estudyante sa paghisgot sa mga pangutana nga sama sa mosunod:

Unsa sa inyong hunahuna ang gipasabot sa pagbaton sa ebanghelyo sa Manluluwas nga nahisulat diha sa inyong kasingkasing?
Nganong importante kini alang sa mga ten-edyer nga mosulod ang ebanghelyo ngadto sa ilang kasingkasing?

Dasiga ang mga estudyante sa pagpangita sa mga saad sa Manluluwas pinaagi sa Iyang propeta si Jeremias ug sa pagdapit sa Espiritu sa pagtabang nila nga makaila sa mga kamatuoran sa ebanghelyo nga ilang mabati sa ilang mga kasingkasing.

Opsiyon 2

Alternatibong paagi, pwede kang magsugod pinaagi sa pagdapit sa mga estudyante sa pagdrowing og kasingkasing nga gahi ug humok diha sa pisara. Pwede nimong ipakigbahin na sa mga kasulatan, ang kasingkasing kasagaran nagsimbolo sa “hunahuna ug kabubut-on” sa usa ka tawo (Giya ngadto sa mga Kasulatan, “Kasingkasing,” Librarya sa Ebanghelyo). Aron sa pag-andam sa mga estudyante sa pagtuon sa unsang paagi ang Ginoo misulat sa Iyang sugo diha sa atong mga kasingkasing, mahimo kang mosukna og mga pangutana sama sa mosunod:

Ngano nga importante man ang estado sa atong mga kasingkasing?
Kon gahi ang atong kasingkasing, unsay atong mahimo aron tinguhaon ang tabang sa Ginoo sa pagpahumok niini?

Pagbati sa mga saad sa Ginoo sa atong mga kasingkasing

Ang mosunod nga kalihokan makatabang sa mga estudyante sa pagtuon sa pipila ka dagkong mga panalangin nga gisaad sa Ginoo sa Iyang katawhan sa pakigsaad. Pagpili og pipila o sa tanan sa mosunod nga mga tudling sa kasulatan ug isulat kini sa piraso nga papel. Pares-paresa ang mga estudyante o tipona sila ngadto sa gagmay nga mga grupo. Dapita ang matag grupo sa pagpili og piraso sa papel ug tun-an ang tudling. Mangandam ang mga grupo sa pagpakigbahin sa mga panalangin nga ilang nailhan.

Jeremias 31:13–14

Jeremias 31:16–17

Jeremias 31:34

Jeremias 32:17–19

Jeremias 32:26–27

Jeremias 33:6–8

Human sa pagtuon sa mga bersikulo, ang tigpamaba sa matag grupo mosulat sa pakisayran sa kasulatan ug ang mga panalangin sa Ginoo diha sa pisara.

Ang musika sa ebanghelyo diha sa atong mga kasingkasing

Aron sa pagtabang sa mga estudyante nga makasabot sa kalahian tali sa pagkasayod sa mga kamatuoran diha sa atong mga hunahuna ug sa pagbati niini diha sa atong mga kasingkasing, mahimo nimong ipasalida ang bidyo nga “Ang Musika sa Ebanghelyo” (5:42).

5:42

Human sa bidyo, pwede kang mangutana sa mga estudyante unsa kaha ang pagkasayod sa mga kamatuoran sa ebanghelyo sa atong mga hunahuna ikompara sa pagbati niini nga mga kamatuoran diha sa atong mga kasingkasing. Ang mga estudyante mahimong mopakigbahin og mga ehemplo gikan sa ilang kinabuhi.

Ang malungtaron nga gahom sa sugo sa Ginoo nga nahisulat diha sa mga kasingkasing

Tingali makabenepisyo ang mga estudyante gikan sa pagtuon sa pipila ka ehemplo sa mga tawo kinsa nakabaton sa sugo sa Ginoo nga nahisulat diha sa ilang mga kasingkasing. Mahimo nimong dapiton ang mga estudyante sa pagpakigbahin sa usa ka asoy sa kasulatan sa usa ka tawo o grupo sa katawhan kinsa mitugot sa Manluluwas sa pagsulat sa Iyang sugo diha sa ilang mga kasingkasing. Kon nagkinahanglan og dugang giya ang mga estudyante, mahimo nimong ipakigbahin ang mga ehemplo sama sa:

Ang mga disipulo sa Jerusalem human nabanhaw ang Manluluwas (tan-awa sa Mga Buhat 2:37–42).
Ang mga Lamanita sa panahon ni Hari Lamoni (tan-awa sa Alma 23:5–8).
Ang mga Nephita human sa pagpakita sa Manluluwas (tan-awa sa 4 Nephi 1:2, 15–18).

Human ang mga estudyante mipakigbahin sa ilang mga ehemplo, pwede nimo silang pangutan-on unsa nga mga leksiyon ang atong makat-onan gikan sa kon unsa ang gibati sa mga tawo ug unsa ang ilang gibuhat nga misangpot sa pagkausab sa ilang kasingkasing.