“Jeremias 31–33; 36–38; Mga Pagbangotan 1; 3: Kinatibuk-ang Pagpasabot,” Manwal sa Magtutudlo sa Seminary sa Daang Tugon (2026)
“Jeremias 31–33; 36–38; Mga Pagbangotan 1; 3: Kinatibuk-ang Pagpasabot,” Manwal sa Magtutudlo sa Seminary sa Daang Tugon
Jeremias 31–33; 36–38; Mga Pagbangotan 1; 3
Jeremias 31–33; 36–38; Mga Pagbangotan 1; 3
Kinatibuk-ang Pagpasabot
Si Jeremias nanagna didto sa Jerusalem sa wala pa ug sa panahon sa pagkabihag sa Babilonia. Gipasidan-an niya ang mga Judeo nga kon sila dili maghinulsol, ang ilang siyudad atakehon, ug sila mahimong binihag. Ang mga hari ug katawhan sa Jerusalem wala maminaw ni Jeremias ug nalaglag. Si Jeremias nagtudlo usab sa iyang katawhan mahitungod sa gugma sa Ginoo ug sa unsang paagi Siya mopundok sa Iyang katawhan sa kataposang mga adlaw. Isip kabahin sa pagpundok, ang Ginoo misaad sa pagsulat sa Iyang sugo diha sa mga kasingkasing sa Iyang mga sumusunod. Human malaglag ang Jerusalem, si Jeremias misulat og kasubo alang sa iyang katawhan, nagpahinumdom kanila sa kapuangod sa Ginoo ug nga sila dili isalikway sa kahangtoran.
Pangandam kanunay sa pagtubag sa espirituhanong mga pag-aghat mahitungod sa mga panginahanglan sa mga tigkat-on. Samtang nagtinguha ka sa pagtudlo pinaagi sa Espiritu, pangita og mga paagi sa pagtubag ug pagtutok sa mga panginahanglan, mga pangutana, ug mga interest sa mga estudyante ug dili lang sa materyal nga imong giandam. Ang pagbuhat sa ingon makadapit sa Espiritu sa pagtabang nimo nga matubag ang mga kahimtang sa imong mga estudyante. Sa pagkat-on pa bahin kon giunsa pagtubag sa Manluluwas sa mga panginahanglan sa uban, tan-awa sa “Ang Manluluwas Kanunay nga Andam sa Pagtubag sa mga Panginahanglan sa Uban” (Pagtudlo Sumala sa Pamaagi sa Manluluwas [2022], 17). Alang sa ehemplo kon unsaon nimo nga makatubag sa espirituhanong mga pag-aghat kabahin sa mga panginahanglan sa mga tigkat-on, tan-awa ang Leksiyon 135: “Jeremias 36.”
Pangandam sa pagtudlo
Ang mosunod nga impormasyon naghatag kanimo og mga ideya kon unsa ang imong gikinahanglan nga andamon daan alang sa matag leksiyon.
Jeremias 31
Katuyoan sa leksiyon: Aron sa pagtabang sa mga estudyante nga masabtan kon unsa ang ipasabot nga masulat ang ebanghelyo sa Manluluwas diha sa ilang mga kasingkasing.
-
Pagpangandam sa estudyante: Dapita ang mga estudyante nga mangutana sa mga sakop sa pamilya ug mga higala niini nga pangutana: “Unsa ang kalainan tali sa pagkahibalo sa kamatuoran sa ebanghelyo diha sa inyong hunahuna ug sa pagbati niini diha sa inyong kasingkasing?” Mahimo silang mag-andam sa pagpakigbahin sa unsay ilang nahisgotan.
-
Mga aytem nga ipakita: Ang mosunod nga mga pangutana: “Unsaon nako pagkahibalo nga ang sugo sa Manluluwas nakasulat diha sa akong kasingkasing? Unsa man ang pipila ka butang nga akong mabuhat sa pagdapit sa Manluluwas sa pagsulat sa Iyang sugo diha sa akong kasingkasing?”
Jeremias 36
Katuyoan sa leksiyon: Aron sa pagtabang sa mga estudyante nga masabtan kon unsaon sa mga kasulatan sa pagtabang nila nga modangop ni Jesukristo aron mapasaylo sa sala.
-
Pagpangandam sa estudyante: Ikonsiderar ang pagdapit sa mga estudyante sa pagrebyo sa ilang personal nga mga tumong sa pagtuon sa kasulatan ug sa pag-uswag sa gikinahanglan nga pagbasa alang sa tuig. Mahimo usab nimong dapiton ang mga estudyante sa pagpamalandong kon sa unsang paagi ang ilang pagtuon sa kasulatan nagtabang nila nga modangop sa Ginoo.
Mga Pagbangotan 1; 3
Katuyoan sa leksiyon: Aron sa pagtabang sa mga estudyante nga mobati sa kaluoy sa Manluluwas alang kanila, bisan kon sila makasala.
-
Pagpangandam sa estudyante: Dapita ang mga estudyante sa paghinumdom og istorya gikan sa mga kasulatan nga nagpakita sa maluloy-ong kinaiya sa Manluluwas. Ang mga estudyante adunay kahigayonan nga makita kini nga istorya diha sa leksiyon.
-
Hulagway: Usa ka hulagway ni propeta Jeremias
-
Bidyo: “Painted into a Corner [Natanggong diha sa usa ka Suok]” (3:41)
Pagbansay 9 sa Doktrinal nga Kahanas
Katuyoan sa leksiyon: Aron sa pagtabang sa mga estudyante sa pagsag-ulo sa mahinungdanong hugpong sa mga pulong sa kasulatan diha sa mga tudling sa doktrinal nga kahanas ug sa paggamit sa balaanong mga baroganan sa pag-angkon og espirituhanong kahibalo.
-
Pagpangandam sa estudyante: Dapita ang mga estudyante sa pagpili og usa o duha ka tudling sa doktrinal nga mga kahanas gikan sa Daang Tugon ug sa pagsag-ulo sa mahinungdanong hugpong sa mga pulong sa kasulatan ug sa pakisayran. Kon gusto sila, pwede nilang sag-ulohon ang tibuok tudling. Dapita sila sa paghunahuna kon sa unsang paagi makatabang nila ang pagsag-ulo sa mahinungdanong hugpong sa mga pulong o mga tudling diha sa ilang kinabuhi.
-
Aytem: Usa ka palid sa papel alang sa matag estudyante