Manwal sa Magtutudlo sa Seminary sa Daang Tugon

Mga Sulod
Ulohan nga Pahina
Pasiuna sa Manwal sa Magtutudlo
Daang Tugon nga mga Leksiyon
- Welcome sa Daang Tugon
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko sa Pagkabanhaw
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Numeros 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Maghuhukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Mga Cronicas 14–20, 26, 30
- Esdras 1, 3–7; Nehemias 2, 4–6, 8
- Ester
- Job 1–3; 12–14; 19; 21–24; 38–40; 42
- Mga Salmo 1–2; 8; 19–33; 40; 46
- Mga Salmo 49–51; 61–66; 69–72; 77–78; 85–86
- Mga Salmo 102–103; 110; 116–119; 127–128; 135–139; 146–150
- Mga Panultihon 1–4; 15–16; 22; 31; Ecclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3, 7, 16–18, 20
- Jeremias 31–33; 36–38; Mga Pagbangotan 1, 3
- Ezequiel 1–3; 33–34; 36–37; 47
- Daniel 1–7
- Oseas; Joel
- Amos; Abdias; Jonas
- Miqueas; Nahum; Habacuc, Sofonias
- Hageo 1–2; Zacarias 1–4, 7–14
- Malaquias
Mga Leksiyon sa Pagpangandam sa Kinabuhi
- Doktrinal nga Kahanas: Pagpangita og mga Tubag sa Akong mga Pangutana
- Mga Kahanas sa Pagtuon sa Kasulatan
- Giya sa Alang sa Kalig-on sa mga Kabatan-onan
- Pag-ugmad sa Pagbarog pinaagi sa Kinaugalingong Paningkamot
- Pisikal ug Emosyonal nga Kahimsog
- Pagpangandam alang sa Umaabot nga Edukasyon ug Panarbaho
- Magmalamposon sa Pag-eskwela
- Pagpangandam sa Misyonaryo
- Pagpangandam alang sa Templo
- Mga Pagtulun-an sa mga Lider sa Simbahan
Apendiks

Mga Pagbangotan 1; 3: “Walay Kinutoban ang Iyang [Kapuangod]”

Mga Pagbangotan 1; 3: “Walay Kinutoban ang Iyang Kapuangod’” Manwal sa Magtutudlo sa Seminary sa Daang Tugon (2026)

Mga Pagbangotan 1; 3: “Walay Kinutoban ang Iyang Kapuangod’” Manwal sa Magtutudlo sa Seminary sa Daang Tugon

Jeremias 31–33; 36–38; Mga Pagbangotan 1; 3: Leksiyon 136

Mga Pagbangotan 1; 3

“Walay Kinutoban ang Iyang Kapuangod”

A Hispanic man gives the Savior, Jesus Christ, a hug. Christ is wearing a white robe.

Tungod kay puno sa kapuangod ang Manluluwas, andam Siya nga moayo, mohupay, ug mopasaylo, bisan kon kita makasala batok Niya. Human napukan ang Jerusalem tungod sa sala ug rebelyon, si Jeremias nagtinguha sa pagtabang sa mga Judeo nga makasabot sa kapuangod sa Manluluwas ug makakita og paglaom niini. Kini nga leksiyon makatabang sa mga estudyante nga mobati sa kapuangod sa Manluluwas alang kanila, bisan kon sila makasala.

Pagpangandam sa estudyante: Dapita ang mga estudyante sa paghinumdom og istorya gikan sa mga kasulatan nga nagpakita sa maluloy-ong kinaiya sa Manluluwas. Ang mga estudyante adunay kahigayonan nga makita kini nga istorya diha sa leksiyon.

Posibleng mga Kalihokan sa Pagkat-on

Human kita makasala

Handurawa ang usa ka batan-ong lalaki nga mibuhat sa iyang labing maayo sa paghimo og maayo nga mga pagpili sa iyang kinabuhi. Usa ka adlaw samtang nagtambong sa usa ka party, nadala siya sa pagpamugos sa iyang kaedad ug miinom og alkohol tungod kay gusto niyang mahiapil. Pagkabuntag, mimata siya nga mibati nga nag-inusara, sad-an, ug nasagmuyo. Siya hinay siya nagsugod sa paghimo og lain pa nga dili maayo nga mga pagpili ug nagsugod ang pagkahanaw sa paglaom sa iyang umaabot.

Isulat ang mga tubag sa mga estudyante sa mosunod nga mga pangutana diha sa pisara. Ang nasulat nga mga tubag mahimong mao ang tamdanan sa tibuok leksiyon.

Kon makasala ang mga tawo, unsa tingali ang ilang nakita o nabati mahitungod sa ilang kaugalingon?
Unsa tingali ang ilang nakita o nabati mahitungod sa Langitnong Amahan ug ni Jesukristo?

Dapita ang mga estudyante sa pagpamalandong sa mosunod nga mga pangutana sa pagsusi sa ilang kaugalingong mga pagbati.
Nahunahuna naba ninyo ang bisan asa sa mga pamahayag diha sa pisara?
Asa niini nga mga pamahayag ang inyong nahibaloan nga sayop? Asa ang dili kamo segurado?

Importanteng hinumdoman nga kitang tanan makasala ug “nahilayo sa himaya sa Dios” (Mga Taga-Roma 3:23). Samtang inyong tun-an ang Mga Pagbangotan karon, pangita og mga impresyon gikan sa Balaang Espiritu nga makatabang ninyo sa pag-ila kon unsa ang gibati sa Langitnong Amahan ug ni Jesukristo mahitunogd kaninyo, bisan kon kamo makasala.

Kaguol tungod sa sala

Ikonsiderar ang pagpakita sa mosunod nga hulagway. Dapita ang mga estudyante sa pagpakigbahin sa ilang nakit-an niini nga imahe o unsa ang ilang gibati. Ipasabot nga kini nga imahe nagpakita ni Jeremias ug sa iyang dakong kasubo. Mahimong mopakigbahin ang mga estudyante sa ilang nahinumdoman mahitungod sa istorya ni Jeremias ug nganong mibati siya sa kasubo. Kon gikinahanglan, ipakigbahin ang mga detalye gikan sa mosuod nga mga parapo.

The Cry of Jeremiah. From an engraving done at the Nazareen School.

Mga 40 ka tuig, ang Ginoo misulti ni Jeremias sa pagpanagna sa balay ni Israel mahitunod sa pagkapukan sa Jerusalem ug pagkabihag kon mopili sila nga dili maghinulsol ug mobalik sa Dios (tan-awa sa Jeremias 16:1–13). Atol sa pagpangulo ni Hari Sedechias, ang mga Taga-Babilonia mipukan sa Jerusalem ug midala ug daghang mga tawo nga bihag, mituman sa panagna sa Ginoo (tan-awa sa Jeremias 52). Dili pa dugay human niini nga panghitabo, si Jeremias misulat sa basahon sa Mga Pagbangotan.

Mahimo usab nimong ipasabot nga ang termino nga Pagbangotan nagpasabt sa mga ekspresyon sa lawon nga kasubo o kaguol.

Ang mosunod nga kalihokan makatabang sa mga estudyante nga makasabot sa pag-antos nga nasinati sa katawhan sa Ginoo. Pwede tingali nimong iorganisa ang mga estudyante nga magpares o sa gagmay nga mga grupo aron sa pagtuon sa mga tudling sa kasulatan. Ipasabot nga si Jeremias misulat sa labing daghan niini nga mga bersikulo gikan sa panglantaw sa Jerusalem nga daw ang siyudad ang nagsulti.

Basaha ang usa o duha sa mosunod nga mga tudling, nga mangita sa mga pulong o hugpong sa mga pulong nga nagpahayag unsa ang gibati sa katawhan human sa pag-antos tungod sa ilang mga sala.

Mga Pagbangotan 1:1–4

Mga Pagbangotan 1:16–18

Mga Pagbangotan 1:20–22

Unsa nga mga pulong o mga hugpong sa mga pulong ang inyong nadiskobrehan?

Aron matabangan ang mga estudyante nga masusi kon ang ilang nadiskobrehan gikan sa mahangturon nga panglantaw, mahimo nimong isukna ang mosunod nga pangutana.
Kita nasayod nga gihigugma kita sa Langitnong Amahan ug ni Jesukristo, sa inyong hunahuna ngano kaha nga gitugotan Nila kita nga makasinati niini nga klase sa pag-antos kon makasala ta?

Kon ang mga estudyante nagkinahanglan og tabang sa pagtubag niini nga pangutana, mahimo nimong dapiton sila sa pagbasa sa mga tudling sama sa 2 Mga Taga-Corinto 7:9–10; Alma 42:18, 29; Doktrina ug mga Pakigsaad 95:1, nga mangita sa posibleng mga tubag.

Ang kapuangod sa Manluluwas

Ang nahabilin sa leksiyon makatabang sa mga estudyante nga mobati sa kapuangod sa Manluluwas alang kanato bisan kon kita makasala.

Mahimo nimong organisahon ang mga estudyante nga magpares aron sa pagtuon sa mosunod nga mga tudling ug sa pagtubag sa nakalakip nga mga pangutana. Pananglitan, ang usa ka estudyante mahimong magtuon sa mga bersikulo 22–26, ug ang uban sa mga bersikulo 31–33.

Pamalandongi ang mga pamahayag sa pisara gikan sa sinugdanan sa leksiyon. Basaha ang Mga Pagbangotan 3:22–26, 31–33, nga mangita sa mga pulong o hugpong sa mga pulong nga imong ipakigbahin sa usa ka tawo nga mibati og sama niini.

Unsang mga pulong o hugpong sa mga pulong ang imong ipakigbahin? Ngano man?
Unsa nga mga kamatuoran gikan niini nga mga bersikulo nga imong ganahan nga masabtan nila?

Samtang ang mga estudyante mopakigbahin, tingali ilang mailhan ang mosunod nga kamatuoran: Ang Ginoo adunay kapuangod kanato, bisan kon kita makasala.

Kon ang mga estudyante nagkinahanglan og tabang sa pagsabot sa pulong nga kapuangod, mahimo nimong ipakigbahin ang mosunod nga kahulogan: “Diha sa mga kasulatan, ang kapuangod nagpasabot sa tinud-anay ‘sa pag- antus uban sa.’ Kini usab nagpasabot sa pagpakita og pagbati [simpatiya], kalooy, ug kalooy alang sa uban” (Giya ngadto sa mga Kasulatan, “Kapuangod,” Librarya sa Ebanghelyo).

Aron mas makasabot sa kapuangod sa Manluluwas, mahimong buhaton sa mga estudyante ang mosunod nga mga kalihokan. Imbis nga magtuon sa usa sa mosunod nga mga opsiyon, ang mga estudyante mahimong maghunahuna ug magtuon sa lahi nga istorya gikan sa mga kasulatan nga nagpakita sa kapuangod sa Manluluwas.

Kompletoha ang usa sa mosunod nga mga opsiyon sa pagtuon, nga mangita unsay mas makatabang aron makasabot unsaon ninyo nga makasinati sa kapuangod sa Manluluwas sa inyong kinabuhi.

Tun-i ang usa sa mosunod nga mga istorya nga nagpakita sa kapuangod sa Manluluwas: Mateo 18:23–35; Juan 8:1–11.
Tun-i ang usa o duha sa mosunod nga mga tudling sa kasulatan nga nagtudlo mahitungod sa kapuangod sa Manluluwas: Mosiah 15:7–9; Doktrina ug mga Pakigsaad 64:2–4; Doktrina ug mga Pakigsaad 101:9.

Ikonsiderar ang pagdapit sa mga estudyante sa pagtudlo sa matag usa unsa ang ilang nakat-onan ug gibati. Mahimo usab nimong dapiton ang andam nga mga estudyante sa pagpakigbahin ngadto sa klase.

Ang mosunod nga pagpamatuod tingali makatabang niini nga panaghisgot.

Si Elder Dale G. Renlund sa Korum sa Napulog Duha ka Apostoles mipatuod:

15:46

Si Jesukristo makapasaylo tungod kay gibayaran Niya ang kantidad sa atong mga sala.

Ang atong Manunubos mipili sa pagpasaylo tungod sa Iyang dili matandi nga kapuangod, kalooy, ug gugma.

Ang atong Manluluwas gusto nga mopasaylo tungod kay mao kini ang usa sa Iyang balaan nga mga hiyas.

Ug, tungod kay Siya ang Maayong Magbalantay, malipay Siya kon kita mopili sa paghinulsol.

Bisan kon mobati kita og diosnon nga kasubo alang sa atong mga binuhatan, kon mopili kita nga maghinulsol, diha-diha atong gidapit sa atong mga kinabuhi ang Manluluwas. (“Paghinulsol: Usa ka Mahimayaon nga Pagpili,” Liahona,, Nob. 2016, 123-124)

Pagbati sa kapuangod sa Manluluwas alang kanako

Kanus-a ka o ang usa ka tawo nga imong kaila nakasinati sa kapuangod sa Manluluwas? (Hinumdomi nga dili ipakigbahin ang nangaging mga sala o bisan unsa nga personal ra kaayo.)

Pahinumdomi ang mga estudyante sa batan-ong lalaki sa senaryo gikan sa sinugdanan sa leksiyon.
Unsa ang inyong ipakigbahin niini nga batan-ong lalaki base sa inyong nakat-onan karon?

Dugang nga mga Kapanguhaan

Unsa kaha kon ang akong mga pagpili nakapalayo pag-ayo kanako gikan sa Langitnong Amahan ug ni Jesukristo?

Si Elder Dieter F. Uchtdorf sa Korum sa Napulog Duha ka Apostoles mitudlo:

14:31

Tingali ang uban naghunahuna gani, “Posible pa ba gayod nga mobalik? Ako ba nganlan sa kahangtoran, isalikway, ug likayan sa akong kanhi nga mga higala? Dili ba mas maayo nga magpabilin lang nga nahisalaag? Unsay reaksiyon sa Dios kon maningkamot ko nga mobalik?” …

Ang atong Langitnong Amahan modagan paingon kanato, Iyang kasingkasing naghingapin sa gugma ug kapuangod. …

Ang langit magmaya sa atong pagbalik. (Dieter F. Uchtdorf, “Ang Nahisalaag ug ang Dalan nga Makapabalik Kanato sa Dios,” Liahona, Nob. 2023, 88)

Sa unsang paagi nga ang kapuangod sa Manluluwas makatabang kanako?

Si Elder Dale G. Renlund sa Korum sa Napulog Duha ka Apostoles mipasabot:

Ang kapuangod sa Manluluwas bisan unsa pa man ang atong pagkadili hingpit modala nato ngadto Kaniya ug makapadasig nato diha sa atong balik-balik nga mga panlimbasog nga maghinulsol ug mosunod Kaniya. (“Ang Atong Maayong Magbalantay,” Liahona, Mayo 2017, 29)

Si Elder Peter F. Meurs sa Seventy mipamatuod:

10:2

Bisan kon kamo nagpas-an sa gibug-aton sa wala masulbad nga sala, ang pag-antos tungod sa kaligotgot nga dugay na kaayo, o nanglimbasog sa pagpasaylo sa inyong kaugalingon sa wala tuyoa nga sayop, kamo makagamit sa makaayo ug matubsanon nga gahom sa Manluluwas nga si Jesukristo.

Mopamatuod ko nga Siya buhi. Siya ang atong Manluluwas ug Manunubos. Siya nahigugma kanato. Siya adunay kapuangod alang kanato, Siya puno sa kaluoy, ug Siya makaayo kaninyo. (“Siya Makaayo Kanako!,” Liahona, Mayo 2023, 41)

Unsa kaha kon ako naningkamot sa paghinulsol apan nagpadayon sa pagpakigbisog?

Si Elder Richard G. Scott (1928–2015) sa Korum sa Napulog Duha ka Apostoles mipamatuod:

15:26

Ang nindot nga balita alang sa tanang nagtinguha nga malikay sa mga sangpotanan sa sayop nga mga pagpili kaniadto mao nga lahi ang pagtan-aw sa Ginoo sa mga kahuyang kay sa pagsupak. Samtang ang Ginoo mipasidaan nga ang wala mahinulsoli nga pagsupak magdala og silot, kon ang Ginoo maghisgot bahin sa mga kahuyang, kanunay inubanan kini sa kaluoy. (“Personal nga Kalig-on pinaagi sa Pag-ula ni Jesukristo,” Liahona, Nob. 2013, 83)

Si Elder Neil L. Andersen sa Korum sa Napulog Duha ka Apostoles mipakigbahin:

Kon imong nakita ang imong kaugalingon nga naghimo sa sama nga sayop, nakigbisog nga mahimong lig-on sa imong tinguha nga mausab, ipahayag sa imong Langitnong Amahan ang imong gugma alang Kaniya ug molig-on sa imong hugot nga pagtuo diha ni Ginoong Jesukristo. Pagkat-on Kaniya, tun-i kabahin sa Iyang sagradong Pag-ula, ug hunahunaa pag-ayo mahitungod kon unsa ang Iyang gi-antos alang kaninyo. Pagsunod sa Iyang mga sugo nga mas tukma. Samtang buhaton nimo ang imong bahin sa pagpalambo sa imong pagtuo sa Manluluwas, ako mosaad kanimo nga ang langit modugang niini nga gasa sa hugot nga pagtuo, ug maangkon ninyo ang espirituwal nga kalig-on sa paghinulsol sa imong mga sala ug dili na mobalik niini. (The Divine Gift of Forgiveness [2019], 104)

Dugang nga mga Kalihokan sa Pagkat-on

Laing paagi sa pagsugod

Alang sa laing paagi sa pagsugod sa leksiyon, ikonsiderar ang pagpasalida sa bidyo nga “Punto sa Luwas nga Pagbalik” gikan sa time code 0:00 ngadto sa 1:58. Niini nga bidyo, si Elder Dieter F. Uchtdorf sa Kurom sa Napulog Duha ka Apostoles mipakigbahin sa usa ka analohiya sa pagtudlo mahitungod sa abilidad sa Manluluwas sa pag-ayo ug pagpasaylo.

15:40

Dapita ang mga estudyante sa paghisgot sa mosunod nga pangutana:

Unsa ang mga pamaagi ni Satanas nga misulay sa pagkumbinser kanato nga nakalapas na kita sa usa ka “punto nga wala nay pagbalik” kon kita makasala?

Dapita ang mga estudyante sa pagpamalandong kon mibati ba sila nga dili na mapasaylo sa usa ka sala o sayop nga ilang nahimo. Ikonsiderar ang pagpakigbahin sa mosunod nga pamahayag.

Mipadayon si Elder Uchtdorf:

Si Kristo miabot aron sa pagluwas kanato. Kon sayop nga dalan ang atong gitaak, ang Pag-ula ni Jesukristo makahatag kanato sa kasiguroan nga ang sala dili usa ka punto nga wala nay pagbalik. Ang luwas nga pagbalik posible kon atong sundon ang plano sa Dios alang sa atong kaluwasan. (“Punto sa Luwas nga Pagbalik,,” Liahona, Mayo 2007, 99)

Samtang sila magtuon, ang mga estudyante mahimong mangita sa ebidensiya sa abilidad sa Manluluwas sa pagluwas kanato gikan sa atong mga sala.

Ang panginahanglan sa diosnong kasubo

Ang mga estudyante tingali adunay mga pangutana mahitungod kon nganong mobati kita nga sad-an o mag-antos kon makasala kita. Usa ka paagi sa pagtubag niini nga mga pangutana mao ang pagtuon sa tahas sa diosnong kasubo.

Dapita ang mga estudyante sa pagpamalandong sa kalahian tali sa diosnong kasubo ug kalibotanong kasubo. Ang mga estudyante mahimong magtuon unsa ang gisulti ni Apostol Pablo sa 2 Mga Taga-Corinto 7:9–10. Mahimo usab silang mobasa mahitungod sa mga Nephita kinsa nakasinati og kasubo tungod sa ilang mga sala sa Mormon 2:11–14. Ang mga estudyante mahimong maghisgot sa usa ka pangutana sama sa mosunod:

Unsay inyong makat-onan mahitungod sa diosnon nga kasubo ug sa kalibotanon nga kasubo?

Pwede usab nimong ipakigbahin ang mosunod nga pamahayag gikan ni Presidente Dieter F. Uchtdorf, kanhi sa Unang Kapangulohan:

16:19

Ang diosnong kasubo modasig og kausaban ug paglaom pinaagi sa Pag-ula ni Jesukristo. Ang kasubo nga kalibotanon mobira kanato, mowagtang sa paglaom, ug moagni kanato sa pagtugyan ngadto sa tentasyon.

Ang diosnong kasubo mosangpot sa pagkakabig ug kausaban sa kasingkasing. Tungod niini masilag kita sa sala ug mahigugma sa kamaayo. Kini modasig kanato sa pagbarog ug paglakaw diha sa kahayag sa gugma ni Kristo. Ang tinuod nga paghinulsol nagpasabot nga pag-usab, dili pagpanakit o pagpaantos. Oo, ang kinasingkasing nga pagmahay ug tinuod nga pagbasol sa pagkamasinupakon sagad sakit ug importante kaayo nga lakang sa sagradong proseso sa paghinulsol. Apan kon ang kahasol sa tanlag mosangpot sa kasilag sa kaugalingon o mopugong sa atong pagbangon og balik, kini makababag imbis makadasig sa atong paghinulsol. (“Makahimo Kamo Niini Karon!,” Liahona, Nob. 2013, 56)