« យេរេមា ៣១–៣៣; ៣៦–៣៨; បរិទេវ ១; ៣ ៖ ទិដ្ឋភាពទូទៅ » សៀវភៅសិក្សាព្រះគម្ពីរសញ្ញាចាស់សម្រាប់គ្រូបង្រៀនថ្នាក់សិក្ខាសាលា ( ឆ្នាំ២០២៦ )
« យេរេមា ៣១–៣៣; ៣៦–៣៨; បរិទេវ ១; ៣ ៖ ទិដ្ឋភាពទូទៅ » សៀវភៅសិក្សាព្រះគម្ពីរសញ្ញាចាស់ សម្រាប់គ្រូបង្រៀនថ្នាក់សិក្ខាសាលា
យេរេមា ៣១–៣៣; ៣៦–៣៨; បរិទេវ ១; ៣
យេរេមា ៣១–៣៣; ៣៦–៣៨; បរិទេវ ១; ៣
ទិដ្ឋភាពទូទៅ
យេរេមាបានព្យាករនៅក្រុងយេរូសាឡិមមុន និងអំឡុងពេលសេវកភាពរបស់ពួកបាប៊ីឡូន ។ លោកបានព្រមានពួកសាសន៍យូដាថា ប្រសិនបើពួកគេមិនប្រែចិត្តទេ ទីក្រុងរបស់ពួកគេនឹងត្រូវវាយប្រហារ ហើយគេនឹងត្រូវចាប់ជាឈ្លើយសឹក ។ ស្ដេច និងប្រជាជនក្រុងយេរូសាឡិមមិនស្ដាប់តាមយេរេមាទេ ហើយពួកគេត្រូវបានបំផ្លាញចោល ។ យេរេមាក៏បានបង្រៀនប្រជាជនរបស់លោកអំពីសេចក្ដីស្រឡាញ់របស់ព្រះអម្ចាស់ និងរបៀបដែលទ្រង់នឹងប្រមូលរាស្ត្ររបស់ទ្រង់នៅថ្ងៃចុងក្រោយផងដែរ ។ ដោយជាផ្នែកមួយនៃការប្រមូលនេះ ព្រះអម្ចាស់បានសន្យាថានឹងចារឹកក្រឹត្យវិន័យរបស់ទ្រង់នៅក្នុងចិត្តរបស់អ្នកដើរតាមទ្រង់ ។ បន្ទាប់ពីក្រុងយេរូសាឡិមត្រូវបានបំផ្លាញចោល យេរេមាបានសរសេរការទួញសោកសម្រាប់ប្រជាជនរបស់លោក ដោយរំឭកពួកគេអំពីសេចក្តីអាណិតអាសូររបស់ព្រះអម្ចាស់ ហើយថាពួកគេមិនត្រូវបានបោះចោលជារៀងរហូតនោះទេ ។
សូមត្រៀមខ្លួនជានិច្ច ដើម្បីឆ្លើយតបទៅនឹងការបំផុសគំនិតខាងវិញ្ញាណអំពីសេចក្តីត្រូវការរបស់សិស្ស ។ នៅពេលអ្នកស្វែងរកការបង្រៀនដោយព្រះវិញ្ញាណ សូមរកមើលរបៀបដើម្បីឆ្លើយតប និងផ្តោតលើតម្រូវការ សំណួរ និងចំណាប់អារម្មណ៍របស់សិស្សអ្នក ហើយមិនគ្រាន់តែផ្តោតលើសម្ភារដែលអ្នកបានរៀបចំនោះទេ ។ ការធ្វើដូច្នេះអាចយាងអញ្ជើញព្រះវិញ្ញាណឲ្យជួយអ្នកឆ្លើយតបនឹងស្ថានភាពរបស់សិស្សអ្នក ។ ដើម្បីស្វែងយល់បន្ថែមអំពីរបៀបដែលព្រះអង្គសង្គ្រោះបានឆ្លើយតបទៅនឹងតម្រូវការរបស់អ្នកដទៃ សូមមើលផ្នែក « ព្រះអង្គសង្គ្រោះត្រៀមព្រះកាយរួចស្រេចជានិច្ច ដើម្បីឆ្លើយតបទៅនឹងតម្រូវការរបស់អ្នកដទៃ » ( ការបង្រៀនតាមរបៀបរបស់ព្រះអង្គសង្គ្រោះ [ ឆ្នាំ២០២២ ] ទំព័រ ១៧ ) ។ សម្រាប់ឧទាហរណ៍មួយអំពីរបៀបដែលអ្នកអាចឆ្លើយតបនឹងការបំផុសគំនិតខាងវិញ្ញាណអំពីតម្រូវការរបស់អ្នករៀន សូមមើលមេរៀនទី ១៣៥ ៖ « យេរេមា ៣៦ » ។
រៀបចំខ្លួនបង្រៀន
ព័ត៌មានខាងក្រោមផ្តល់ឲ្យអ្នកនូវគំនិតខ្លះៗអំពីអ្វីដែលអ្នកអាចត្រូវរៀបចំទុកជាមុនសម្រាប់មេរៀននីមួយៗ ។
យេរេមា ៣១
គោលបំណងមេរៀន ៖ ដើម្បីជួយសិស្សឲ្យយល់ពីអត្ថន័យនៃការចារឹតដំណឹងល្អនៅក្នុងចិត្តរបស់ពួកគេ ។
-
ការរៀបចំសិស្ស ៖ សូមអញ្ជើញសិស្សឲ្យសួរសមាជិកគ្រួសារ និងមិត្តភក្តិនូវសំណួរនេះ ៖ « តើអ្វីជាភាពខុសគ្នារវាងការដឹងពីសេចក្ដីពិតនៃដំណឹងល្អនៅក្នុងចិត្តរបស់អ្នក និងការទទួលអារម្មណ៍នៅក្នុងចិត្តរបស់អ្នក ? » ពួកគេអាចរៀបចំដើម្បីចែកចាយអ្វីដែលពួកគេបានពិភាក្សា ។
-
សម្ភារដែលត្រូវបង្ហាញ ៖ សំណួរខាងក្រោម៖ « តើខ្ញុំដឹងដោយរបៀបណាថាក្រិត្យវិន័យរបស់ព្រះអង្គសង្គ្រោះត្រូវបានចារឹកនៅក្នុងចិត្តរបស់ខ្ញុំ ? តើមានរឿងអ្វីខ្លះដែលខ្ញុំអាចធ្វើដើម្បីយាងអញ្ជើញព្រះអង្គសង្គ្រោះឲ្យចារឹកក្រឹត្យវិន័យរបស់ទ្រង់នៅក្នុងចិត្តរបស់ខ្ញុំ ? »
-
សំណៅមេរៀន ៖ « ព្រះអង្គសង្គ្រោះនឹងចារឹកក្រិត្យវិន័យរបស់ទ្រង់នៅក្នុងចិត្តរបស់អ្នក »
យេរេមា ៣៦
គោលបំណងមេរៀន ៖ ដើម្បីជួយសិស្សឲ្យយល់ពីរបៀបដែលបទគម្ពីរជួយពួកគេឲ្យងាកទៅរកព្រះយេស៊ូវគ្រីស្ទ ដើម្បីត្រូវបានលើកលែងទោសពីអំពើបាប ។
-
ការរៀបចំសិស្ស ៖ ពិចារណាអញ្ជើញសិស្សឲ្យពិនិត្យមើលនូវគោលដៅសិក្សាព្រះគម្ពីរផ្ទាល់ខ្លួនរបស់ពួកគេ និងការរីកចម្រើនអំពីការអានដែលត្រូវការសម្រាប់ឆ្នាំនេះ ។ អ្នកក៏អាចអញ្ជើញសិស្សឲ្យគិតពិចារណាពីរបៀបដែលការសិក្សាព្រះគម្ពីររបស់ពួកគេកំពុងជួយពួកគេឲ្យងាកទៅរកព្រះអម្ចាស់ផងដែរ ។
បរិទេវ ១; ៣
គោលបំណងមេរៀន ៖ ដើម្បីជួយសិស្សឲ្យទទួលអារម្មណ៍អាណិតអាសូររបស់ព្រះអង្គសង្គ្រោះសម្រាប់ពួកគេ សូម្បីតែនៅពេលពួកគេមានអំពើបាបក៏ដោយ ។
-
ការរៀបចំសិស្ស ៖ សូមអញ្ជើញសិស្សឲ្យរំឭករឿងមួយពីព្រះគម្ពីរដែលបង្ហាញពីនិស្ស័យដ៏អាណិតអាសូររបស់ព្រះអង្គសង្គ្រោះ ។ សិស្សនឹងមានឱកាសមើលរឿងនេះនៅក្នុងមេរៀននេះ ។
-
រូបភាព ៖ រូបភាពរបស់ព្យាការីយេរេមា
-
វីដេអូ ៖ « Painted into a Corner » ( ៣:៤១ )
ការអនុវត្តចំណេះចំណានខាងគោលលទ្ធិទី ៩
គោលបំណងមេរៀន ៖ ដើម្បីជួយសិស្សទន្ទេញឃ្លាបទគម្ពីរគន្លឹះនៅក្នុងវគ្គបទគម្ពីរចំណេះចំណានខាងគោលលទ្ធិ ហើយអនុវត្តគោលការណ៍ដ៏ទេវភាពនៃការទទួលបានចំណេះដឹងខាងវិញ្ញាណ ។
-
ការរៀបចំសិស្ស ៖ សូមអញ្ជើញសិស្សឲ្យជ្រើសរើសវគ្គចំណេះចំណានខាងគោលលទ្ធិមួយ ឬពីរចេញពីព្រះគម្ពីរសញ្ញាចាស់ ហើយទន្ទេញសេចក្តីយោងនៃបទគម្ពីរគន្លឹះ ។ ប្រសិនបើពួកគេចង់ ពួកគេក៏អាចទន្ទេញមេរៀនទាំងមូលបានដែរ ។ សូមអញ្ជើញពួកគេឲ្យគិតអំពីរបៀបដែលការទន្ទេញឃ្លា ឬបទគម្ពីរគន្លឹះអាចជួយពួកគេក្នុងជីវិតរបស់ពួកគេ ។
-
សម្ភារ ៖ ក្រដាសមួយសន្លឹកសម្រាប់សិស្សម្នាក់ៗ