Jeremia 1

Për t’i ndihmuar nxënësit të përgatiten për të mësuar që Ati Qiellor i njeh ata dhe që Ai ka një qëllim hyjnor për ta, ftojini të imagjinojnë situatën vijuese. (Ju mund ta rregulloni situatën për t’iu përshtatur më mirë nxënësve tuaj. Për shembull, mund të jetë një mësues që i sfidon të marrin një notë të caktuar në një lëndë të vështirë.)

Paraqitni vetëvlerësimin vijues për t’i ndihmuar nxënësit të reflektojnë se sa përsosmërisht i njohin Ati Qiellor dhe Jezu Krishti ata dhe qëllimin e tyre hyjnor. (Shënim: Nxënësit do të ftohen t’i referohen sërish këtij vetëvlerësimi në Mësimin 148: “Vlerësoni të Mësuarit Tuaj 9”.)

Ftojini nxënësit t’i kushtojnë vëmendje mendimeve dhe ndjenjave nga Fryma e Shenjtë ndërsa mësojnë më shumë rreth qëllimit të tyre hyjnor.

Për t’i ndihmuar nxënësit ta kuptojnë Jeremian, mund t’i pyesni se si mund të ndiheshin nëse Zoti do t’u kërkonte të bëjnë diçka të vështirë, të tillë si të flasin në kishë, të japin një mësim, të shërbejnë në një mision e kështu me radhë.

Jeremia mund të jetë ndier në mënyrë të ngjashme kur Zoti e thirri që të shërbente si një profet për mbretërinë e Judës. Nxënësit mund të jenë të interesuar të dinë se Jeremia profetizoi në Jerusalem rreth të njëjtës kohë me Lehin (shihni te 1 Nefi 7:14).

Ndërsa nxënësit flasin, ndihmojini ata të përcaktojnë se para se të lindnim, Zoti na njihte dhe na dha përgjegjësi të caktuara për t’i kryer në vdekshmëri.

Merreni parasysh t’i ftoni nxënësit të bëjnë çdo pyetje që mund të kenë rreth kësaj të vërtete. Nëse ata bëjnë pyetje të cilave Zoti nuk u ka dhënë ende qartësisht përgjigje, falënderojini për pyetjet e tyre reflektuese, por bëni kujdes të mos spekuloni për përgjigjet.

Thëniet te Burime Shtesë mund të ndihmojnë që pyetjet e nxënësve të marrin përgjigje.

Për shembuj të të tjerëve që u thirrën për të kryer përgjegjësi të caktuara në vdekshmëri, nxënësit mund të lexojnë një ose më shumë nga vargjet vijuese: Lluka 1:13–17, 1 Nefi 11:14–20, Mosia 3:5–10, Doktrina e Besëlidhje 138:53–56.

Bazuar në pyetjet dhe nevojat e nxënësve tuaj, përzgjidhni një ose më shumë nga tri pjesët vijuese të mësimit që ju mendoni se do t’i ndihmonin ata më mirë.

Për studimin vijues të shkrimeve të shenjta, mund të ftoni gjysmën e klasës të shenjojë këshillën që dha Zoti dhe gjysma tjetër të shenjojë premtimet që bëri Zoti. Më pas, vërini nxënësit të gjejnë një partner që shenjoi gjëra të ndryshme me të cilin të flasin.

Më pas diskutojini pyetjet më poshtë si klasë.

Për t’i ndihmuar nxënësit të ndiejnë një dëshirë për të mësuar dhe për të përmbushur qëllimin e tyre hyjnor, mund të shihni “The Choice Generation” [“Brezi i Zgjedhjeve”], në dispozicion në ChurchofJesusChrist.org, nga kodi kohor 5:43 deri në 7:14. Aty tregohet se si një i ri u bekua me anë të njohjes së qëllimit të tij hyjnor.

11:24

Ftojini nxënësit në grupe të vogla që në dy minuta të mbledhin sa më shumë përgjigje të ndryshme që munden për pyetjen vijuese. Më pas ftojini ata të bëjnë një listë në tabelë të ideve që krijuan.

Nxënësit mund të japin përgjigje të tilla si leximi i bekimeve patriarkale, lutja, zbulesa vetjake, këshillimi me njerëzit e dashur dhe lartësimi i thirrjeve.

Merreni parasysh ta paraqitni thënien vijuese. Ftojeni secilin grup të zgjedhë një nga katër sugjerimet e Plakut Pingri dhe të diskutojë mënyrën se si ndjekja e atij sugjerimi mund ta ndihmojë një adoleshent të kuptojë përgjegjësitë hyjnore që i ka dhënë atij Ati Qiellor.

Për t’i ndihmuar nxënësit ta tregojnë atë që kanë mësuar dhe ndier sot, ftojini ata të bëjnë sa vijon. Inkurajojini nxënësit të ndjekin çdo nxitje që mund të marrin nga Fryma e Shenjtë ndërsa e bëjnë këtë.

Nëse dëshironi, mund t’i ndihmoni nxënësit ta mësojnë përmendsh referencën e zotërimit doktrinor dhe frazën kyç të shkrimit të shenjtë gjatë këtij mësimi dhe t’i përsëritin ato në mësimet e ardhshme. Fraza kyç e shkrimit të shenjtë për vargun te Jeremia 1:4–5 është: “Para se unë të të formoja në barkun e nënës sate, … të kam caktuar profet të kombeve.” Idetë për veprimtaritë e mësimit përmendsh janë në materialet e shtojcës nën titullin “Veprimtari për Përsëritjen e Zotërimit Doktrinor”.