Fuakava Motuʻá – Tohi Lēsoni ʻa e Faiako Seminelí

Kanotohi
Peesi Talamuʻakí
Talateu ki he Tohi Lēsoni ʻa e Faiakó
Ngaahi Lēsoni ʻo e Fuakava Motuʻá
- Talitali Lelei Koe ki he Fuakava Motuʻá
- Mōsese 1; ʻĒpalahame 3
- Sēnesi 1–2; Mōsese 2–3; ʻĒpalahame 4–5
- Sēnesi 3–4; Mōsese 4–5
- Sēnesi 5; Mōsese 6
- Mōsese 7
- Sēnesi 6–11; Mōsese 8
- Sēnesi 12–17; ʻĒpalahame 1–2
- Sēnesi 18–23
- Sēnesi 24–33
- Sēnesi 37–41
- Sēnesi 42–50
- ʻEkesōtosi 1–6
- Toetuʻú
- ʻEkesōtosi 7–13
- ʻEkesōtosi 14–18
- ʻEkesōtosi 19–20; 24; 31–34
- ʻEkesōtosi 35–40; Levitiko 1; 4; 16; 19
- Nōmipa 11–14; 20–24; 27
- Teutalōnome 6–8; 15; 18; 29–30; 34
- Sōsiua 1–8; 23–24
- Fakamaau 2–4; 6–8; 13–16
- Lute; 1 Samuela 1–7
- 1 Samuela 8–10; 13; 15–16
- 1 Samuela 17–18; 24–26; 2 Samuela 5–7
- 2 Samuela 11–12; 1 Ngaahi Tuʻi 3; 6–9; 11
- 1 Ngaahi Tuʻi 12–13; 17–22
- 2 Ngaahi Tuʻi 2–7
- 2 Ngaahi Tuʻi 16–25
- 2 Fakamatala Meʻa Hokohoko 14–20, 26, 30
- ʻĒsela 1, 3–7; Nehemaia 2, 4–6, 8
- ʻĒseta
- Siope 1–3; 12–14; 19; 21–24; 38–40; 42
- Saame 1–2; 8; 19–33; 40; 46
- Saame 49–51; 61–66; 69–72; 77–78; 85–86
- Saame 102–103; 110; 116–119; 127–128; 135–139; 146–150
- Lea Fakatātā 1–4; 15–16; 22; 31; Tangata Malanga 1–3; 11–12
- ʻĪsaia 1–12
- ʻĪsaia 13–14; 22; 24–30; 35
- ʻĪsaia 40–49
- ʻĪsaia 50–57
- ʻĪsaia 58–66
- Selemaia 1–3, 7, 16–18, 20
- Selemaia 31–33; 36–38; Tangilaulau ʻa Selemaia 1, 3
- ʻIsikieli 1–3; 33–34; 36–37; 47
- Taniela 1–7
- Hōsea; Soeli
- ʻĀmosi; ʻOpataia; Siona
- Maika; Nēhumi; Hapakuki, Sefanaia
- Hakeai 1–2; Sakalaia 1–4, 7–14
- Malakai
Ngaahi Lēsoni Teuteu ki he Moʻuí
- Fakataukei Fakatokāteliné: Ko Hono Kumi ʻa e Ngaahi Tali ki Heʻeku Ngaahi Fehuʻí
- Ngaahi Taukei Ako Folofolá
- Tohi Fakahinohino Ki Hono Fakamālohia ʻo e Toʻu Tupú
- Ko Hono Tanumaki ʻo e Moʻui Fakafalala Pē Kiate Kitá
- Tuʻunga Moʻui Lelei Fakatuʻasinó mo Fakaelotó
- Ko e Teuteu ki he Ako mo e Ngāue Maʻuʻanga Moʻui ʻi he Kahaʻú
- Lavameʻa ʻi he Akó
- Teuteu ki he Ngāue Fakafaifekaú
- Teuteu ki he Temipalé
- Ngaahi Akonaki ʻa e Kau Taki ʻo e Siasí
Fakamatala Fakalahí

ʻĪsaia 61: Ko e Misiona ʻo Sīsū ko e Mīsaiá

“ʻĪsaia 61: Ko e Misiona ʻo Sīsū ko e Mīsaiá,” Fuakava Motuʻá – Tohi Lēsoni ʻa e Faiako Seminelí (2026)

“ʻĪsaia 61: Ko e Misiona ʻo Sīsū ko e Mīsaiá,” Fuakava Motuʻá – Tohi Lēsoni ʻa e Faiako Seminelí

ʻĪsaia 58–66: Lēsoni 128

ʻĪsaia 61

Ko e Misiona ʻo Sīsū ko e Mīsaiá

Jesus healing a lame man. Outtakes include some of the other cast members, Jesus and disciples, and Jesus helping the lame man up by the hand.

Naʻe akoʻi ʻe ʻĪsaia ʻi he ʻĪsaia 61, fekauʻaki mo e misiona ʻo Sīsū Kalaisi ʻi he palani ʻa e Tamai Hēvaní ke fakamoʻui, fakatauʻatāina, fakafiemālieʻi, mo fakahaofi kitautolú. Mahalo he ʻikai fakapapauʻi ʻe ha kakai ʻe niʻihi pe ʻoku ʻomi ʻe Sīsū Kalaisi ʻa e tokoni mo e fakafiemālie ko iá ʻi heʻetau moʻuí he taimi ʻe niʻihi. ʻE lava ke tokoni ʻa e lēsoni ko ʻení ke fakatupulaki ʻe he kau akó ʻenau loto-falala ki he ivi malava ʻo e Fakamoʻuí ke fakamoʻui, fakatauʻatāinaʻi, mo fakafiemālieʻi kitautolú.

Teuteu ʻa e tokotaha akó: Fakaafeʻi e kau akó ke fakakaukau ki he fakamoʻoni kuo nau mātā ʻi heʻenau moʻuí pe moʻui ʻa e niʻihi kehé ʻoku fakamoʻui, fakafiemālieʻi, mo hiki hake ai ʻe Sīsū Kalaisi ʻa e kakaí he ʻahó ni. Kole ange ke nau omi mateuteu ke vahevahe ʻenau ngaahi fakakaukaú.

Ngaahi ʻEkitivitī Ako ʻOku Ala Fakahokó

Ko ʻetau fiemaʻu ʻa e Mīsaiá

Ke tokoni ke ʻiloʻi ʻe he kau akó ʻetau fiemaʻu ʻa Sīsū Kalaisí, fakakaukau ke kamata e kalasí ʻaki hano fakaʻaliʻali ʻa e fakatātā ʻokú ne fakatātaaʻi ʻa e fefine mei he Fuakava Foʻoú naʻe ʻau totó (vakai, Maʻake 5:24–34).

Fakaafeʻi e kau akó ke vahevahe ʻa e meʻa ʻoku nau ʻilo fekauʻaki mo hono tūkungá. Kapau ʻe lava, fakamatalaʻi ange naʻe ʻi ai ʻene palopalema fakaemoʻui lelei, naʻe “hongofulu mā ua ʻa e taʻu ʻo e ʻau totó” (Maʻake 5:25). “Kuo fakaʻosi ʻe ia ʻene meʻa kotoa pē” ʻi he fekumi ki ha faitoʻo mei he kau toketaá, ka naʻe ʻāsili pē hono mahakí (Maʻake 5:26). ʻI he fono ʻa Mōsesé, naʻe lau ʻoku taʻemaʻa ha taha naʻe ʻau toto (vakai, Levitiko 15:19–33), ko ia naʻe hangē ne taʻofi ʻa e fefiné ni mei he sosaietí ʻi ha ngaahi founga ʻe niʻihi lolotonga e taʻu ʻe 12 ko iá.

Fai ʻa e ngaahi fehuʻi ko ʻení lolotonga hono fakaʻaliʻali e fakatātaá.

ʻOkú ke pehē ko e hā ha meʻa naʻá ne mei fakakaukau ki ai pe ongoʻi?
ʻE aʻusia fēfē nai ʻe ha taha taʻu hongofulu tupu ha ngaahi fakakaukau pe ongo tatau he ʻahó ni?

ʻE lava ke fakaafeʻi ʻe he kau akó ʻa e fakahā fakatāutahá ki heʻenau akó ʻaki ʻenau fakakaukau ki heʻenau moʻuí mo honau ngaahi tūkungá. Ko e founga ʻe taha ke tokoniʻi ai kinautolu ke nau fai ʻení ko hono fakaʻaliʻali ha ngaahi fakahinohino hangē ko ʻení:

Fakakaukau ki he ngaahi faingataʻa ʻokú ke fehangahangai mo ia pe ko ha taha ʻokú ke ʻiloʻi he taimí ni pea mo e founga ʻoku fiemaʻu ai e tokoni ʻa e Fakamoʻuí. Naʻe kikiteʻi ʻe ʻĪsaia ʻa e founga ʻe lava ke tokoniʻi ai kitautolu mo e fefine ko ʻení ʻe he Fakamoʻuí. ʻI hoʻo ako ʻa e ʻĪsaia 61 he ʻaho ní, fekumi ki ha fakahinohino mei he Laumālié ke tokoniʻi koe ke vakai ki he founga ʻoku ngāue ai ʻa e Tamai Hēvaní mo Sīsū Kalaisi ʻi hoʻo moʻuí.

Ko e misiona ʻo e Mīsaiá

Ke teuteuʻi e kau akó ke nau ako ʻa e ʻĪsaia 61, hiki ʻi ʻolunga he palakipoé ʻa e kupuʻi lea ko ʻení: Naʻe fekauʻi mai ʻe he Tamai Hēvaní ʻa Sīsū Kalaisi ke …

Naʻe kikiteʻi ʻe ʻĪsaia ʻi he ʻĪsaia 61, ʻa e Fakamoʻuí mo Hono misioná. ʻI he ngaahi veesi ko ʻení, ʻoku lea faka-Mīsaia ʻa ʻĪsaia pe hangē pē ko e Fakamoʻuí ʻokú Ne folofola ʻaki e ngaahi leá.

Lau ʻa e ʻĪsaia 61:1–3, pea fakaʻosi ʻa e fakamatala ʻi he palakipoé: Naʻe fekauʻi mai ʻe he Tamai Hēvaní ʻa Sīsū Kalaisi ke …

Mahalo te ke fie fakamatalaʻi ʻoku ʻuhinga ʻa e fakanofo ʻi he veesi 1 naʻe vaheʻi pe fekauʻi mai ʻa Sīsū Kalaisi mo ha taumuʻa pau. “Ko e Kalaisí (ko ha foʻi lea faka-Kalisi) mo e Mīsaiá (ko ha foʻi lea faka-Hepelū) ʻoku ʻuhinga ia ki he ‘tokotaha kuo paní’” (“Sīsū Kalaisi,” Fakahinohino ki he Ngaahi Folofolá).

Te ke lava foki ʻo fakamatalaʻi ange ʻe lava ke ʻuhinga ʻa e angamalū ʻi he puipuituʻa ʻo e veesi 1 ki he masiva, faingataʻaʻia, pe loto-fakatōkilalo.

Ko e hā naʻá ke maʻu ʻoku tokoni ke mahino kiate koe ʻa e founga ʻe lava ke tokoniʻi ai ʻe he Fakamoʻuí ha taha he ʻaho ní?

Te ke lava ʻo hiki ʻi he palakipoé ʻa e meʻa ʻoku vahevahe ʻe he kau akó pe fakaafeʻi kinautolu ke nau fai ia. ʻI he vahevahe ʻa e kau akó, te nau lava ʻo fakaʻosi ʻa e fakamatala ko ʻení: Naʻe fekauʻi mai ʻe he Tamai Hēvaní ʻa Sīsū Kalaisi ke …

Malanga ʻaki ʻa e ongoongoleleí ki he masivá, faingataʻaʻiá, mo e loto-fakatōkilaló (vakai, veesi 1).
Fakamoʻui ʻa e loto-mafesí (vakai, veesi 1).
Fakatauʻatāinaʻi ʻa e pōpulá (vakai, veesi 1).
Fakafiemālieʻi ʻa kinautolu kotoa pē ʻoku mamahí (vakai, veesi 2).
Foaki ʻa e hoihoifua mo e fiefia kiate kinautolu ʻoku mafasiá (vakai, veesi 3).

Ko hono fai ʻo e ngaahi fehuʻi vakaiʻí ko ha taukei lelei ia ke tokoni ki he kau akó ke vakavakaiʻi ʻa e meʻa kuo nau toki ako ʻi he folofolá pe ko e meʻa kuo nau fanongo ʻoku vahevahe ʻe ha taha. Mahalo te ke fakakaukau ke fai ha ngaahi fehuʻi vakaiʻi hangē ko ʻení ke tokoni ki he kau akó ke nau fakakaukau ki he ʻuhinga ʻo e kupuʻi lea: “Ko e hā ha ngaahi founga ʻe lava ke pōpula ai ha taha?” pe “ʻOkú ke pehē ʻoku ʻuhinga ki he hā te ne ʻomi kiate kitautolu ʻa e ʻhoihoifuá ko e fetongi ʻo e efuefu’?”

Ko hono ʻiloʻi e founga ʻoku fakahoko ai ʻe he Fakamoʻuí Hono misioná

Mahalo te ke fie vahevahe mo e kau akó ʻa e fakamatala fakanounou ko ʻeni ʻo e Luke 4:16–21.

Lolotonga e moʻui ʻa Sīsū Kalaisi ʻi he māmaní, naʻá Ne lau mei he ʻĪsaia 61 ʻi he falelotu lahi ʻi hono kolo tupuʻanga ko Nāsaletí. Naʻe fakamoʻoni ʻa Sīsū Kalaisi ʻo fakafou ʻi he ngaahi lea ʻa ʻĪsaiá, ko Ia ʻa e Mīsaia kuo talaʻofá ne fekauʻi mai ʻe he Tamai Hēvaní mo ha misiona ke fakamoʻui, fakatauʻatāinaʻi, fakafiemālieʻi, mo fakahaofi (vakai, Luke 4:16–21).

Ke tokoni ke kamata vakai e kau akó ki he founga ʻe lava ke fakahoko ai ʻe he Fakamoʻuí Hono misioná ʻi heʻenau moʻuí, te ke lava ʻo fakaafeʻi e kau akó ke nau ako ha ngaahi sīpinga mei he folofolá ʻi ha ngaahi kulupu.

Fili ha taha ʻo e ngaahi fakamatala ʻi he palakipoé. Ako ha sīpinga ʻi he folofolá ʻa ia ʻoku fakahoko ai ʻe he Fakamoʻuí Hono misioná ʻaki hono tokoniʻi ha taha ʻi hano faingataʻaʻia makehe. Te ke lava ʻo fakaʻaongaʻi ʻa e sīpinga fakafolofola ʻoku ʻomí pe kumi haʻo sīpinga pē ʻaʻau. Te ke lava foki ʻo fakakaukau ki ha sīpinga ʻi onopooni.

Faingataʻaʻia: Tangata mahaki tete (Maʻake 2:1–12)
Loto-mafesí: Ko e fefine naʻe ʻau totó (Maʻake 5:24–34)
Pōpula: ʻAlamā ko e Siʻí (ʻAlamā 36:16–21)
Tengihia: Mele mo Māʻata (Sione 11:20–36)
Mafasia: ʻAlamā mo hono kakaí (Mōsaia 24:8–21)

Kumi ʻa e tali ki he ngaahi fehuʻi ko ʻení, he lolotonga hoʻo akó:

Ko e hā ʻoku akoʻi atu ʻe he fakamatala ko ʻení fekauʻaki mo e founga ʻe lava ke fakahoko ai ʻe Sīsū Kalaisi Hono misiona maʻau ʻi hoʻo moʻuí?
Ko e hā ʻoku akoʻi atu ʻe he fakamatala ko ʻení fekauʻaki mo e founga te ke lava ai ʻo fakaafeʻi Hono mālohí ki hoʻo moʻuí?

ʻI he ako ʻa e kau akó, ʻai ke ke ʻatā ke tokoni ʻi hono tali ha faʻahinga fehuʻi pē te nau ala maʻu.

Hili ʻenau akó, te ke lava ʻo fakaafeʻi e kau akó ke vahevahe ʻa e meʻa ne nau ako ʻe lava ʻo tokoni ki ha taha ʻoku fehangahangai mo ha pole faingataʻa.

ʻE lava ke tokoni hono fai ha ngaahi fehuʻi te ne fakaafeʻi e kau akó ke nau fakakaukau ki ha ngaahi aʻusia fakataautaha, hangē ko ʻení, ke nau fakatokangaʻi ʻa e ʻofa, mālohi, mo e ʻaloʻofa ʻa Sīsū Kalaisí ʻi heʻenau moʻuí. (Ki ha ako lahi ange ʻi hono fakahoko ha ngaahi fakaafe ʻoku tokoni ki he kau akó ke nau fakatokangaʻi e ʻofa, mālohi, mo e ʻaloʻofa ʻa e ʻEikí ʻi heʻenau ngaahi aʻusiá, vakai ki he “Tokoniʻi e kau akó ke ʻilo ʻa e ʻofa, mālohi, mo e ʻaloʻofa ʻa e ʻEikí ʻi heʻenau moʻuí” ʻi he Fakatupulaki ʻa e Ngaahi Taukei ʻa e Faiakó.)

Kapau ʻe ʻaonga ki he kau akó ʻenau mamata ki ha sīpinga ʻi onopooni kimuʻa pea vahevahe ʻenau ngaahi aʻusiá, te mou lava ʻo mamata ʻi he aʻusia ʻa Tāliní ʻi he “Feeling the Lord’s Love and Goodness in Trials” (4:18).

4:17
Ko e hā ha ngaahi founga kuó ke vakai ai ki hano fakahoko ʻe Sīsū Kalaisi Hono misioná ʻi hoʻo moʻuí pe ʻi he moʻui ʻa ha taha ʻokú ke ʻilo?

Ko hono vahevahe ʻa e meʻa ʻokú ke tui ki ai fekauʻaki mo Iá

ʻOange ha taimi ki he kau akó ke nau fakakaukau ki he founga ʻe lava ke liliu ai ʻe he ngaahi meʻa kuo nau akó ʻa ʻenau moʻuí ʻi tuʻa mei he kalasí. ʻOku fakafehokotaki ʻa e ʻekitivitī ko ʻení ki he faingataʻa naʻa nau fakakaukau ki ai ʻi he kamataʻanga ʻo e kalasí.

Hiki ha pōpoaki ki he tokotaha naʻá ke fakakaukau ki ai he ʻahó ni ʻa ia ʻokú ne lolotonga aʻusia ha faingataʻa ʻi heʻenau moʻuí (ʻe lava pē ko koe ʻa e tokotaha ko ʻení). Fekumi ki he tokoni ʻa e Laumālié ke ne tataki koe ʻi hoʻo tohí. Vahevahe ʻi he tohí ha ngaahi moʻoni pe ngaahi aʻusia kuó ke fanongo mo ako fekauʻaki mo e Fakamoʻuí ʻi he ʻahó ni ʻokú ke pehē te ne lava ʻo fakalotolahiʻi pe ʻomi ha ʻamanaki lelei ki he tokotaha ko ʻení.

Fakakaukau ke fakaʻosi ʻaki hoʻo fakamoʻoni kia Sīsū Kalaisi mo Hono mālohí.

Ngaahi Maʻuʻanga Tokoni Kehé

ʻĪsaia 61:3. ʻOku ʻuhinga ki he hā ʻa e “ʻatu kiate kinautolu ʻa e hoihoifua ko e fetongi ʻo e efuefu”?

Naʻe anga ʻaki ʻe he kakai ʻIsilelí hono lilingi ha efuefu ʻi honau ʻulú ʻi he taimi naʻa nau fuʻu loto-mamahi lahi ai lolotonga e ngaahi taimi ʻo e fakaʻauhá, maté, pe loto-foʻí. ʻOku ngalingali ko e fakaʻaongaʻi ʻa e efuefu ʻi he veesi ko ʻení ʻoku toʻo ia mei he fakataipe ko iá.

Naʻe akoʻi ʻe ʻEletā Pulusi C. Heifeni ʻo e Kōlomu ʻo e Kau Fitungofulú:

Te tau takitaha aʻusia ʻa e efuefu ʻo e moʻuí, mei he angahalá pea liʻaki ʻa e mamahí mo e loto mamahí. Ka ʻe lava ʻe he fakalelei ʻa Kalaisí ʻo hiki hake kitautolu ʻi he hoihoifua mei hotau efuefú ʻi he kapakau ʻo ha talaʻofa pau ʻo e moʻui taʻe-faʻa-maté mo e moʻui taʻengatá. Te Ne hiki hake kitautolu, ʻo ʻikai ʻi he ngataʻanga pē ʻo e moʻuí, ka ʻi he ʻaho takitaha ʻo ʻetau moʻuí. (“Beauty for Ashes: The Atonement of Jesus Christ,” Liahona, April 1990, 48)

Naʻe fakamoʻoni ʻa Sisitā Kilisitini M. Ī, ko e Tokoni Ua ʻi he Kau Palesitenisī Lahi ʻo e Fineʻofá:

10:7

Kuó u aʻusia tonu ʻa e mana ʻo hono fakamoʻui ʻe Kalaisi ʻa hoku loto-ʻitá mo e tāufehiʻá. ʻI he fakangofua ʻa ʻeku tamaí, ʻoku ou vahevahe ʻa ʻeku tupu hake ʻi ha ʻapi ʻa ia ne ʻikai ke u ongoʻi maʻu pē ʻoku ou malu koeʻuhí ko e ngaohikovia fakaelotó mo e lea taʻe-feʻungá. ʻI heʻeku kei finemuí mo e ngaahi taʻu ʻo ʻeku kei talavoú, ne u fehiʻa ki heʻeku tamaí pea ne u nofo mo e loto-ʻitá koeʻuhí ko e mamahi ko iá.

ʻI he fakalau e ngaahi taʻú pea ʻi heʻeku feinga ke maʻu ha nonga mo e fakamoʻui ʻi he hala ko ia ʻo e fakamolemolé, ne u ʻiloʻi ai ʻi ha founga mahuʻinga ko e ʻAlo tatau pē ʻo e ʻOtuá ʻa ia naʻá Ne fakalelei ʻeku ngaahi angahalá, ko e Huhuʻi tatau pē ia te Ne fakahaofi ʻa kinautolu ne nau fakamamahiʻi lahi aú. Naʻe ʻikai ke u lava ʻo tui ki he moʻoni ʻuluakí taʻe te u tui ki he meʻa hono uá.

ʻI he tupulaki ko ia ʻeku ʻofa ki he Fakamoʻuí, kuo tupulaki foki ai mo ʻeku holi ke fakafetongi e mamahí mo e ʻitá ʻaki ʻEne lolo faifakamoʻuí. Ko ha ngāue faingataʻa ia ʻi ha ngaahi taʻu lahi, naʻe fiemaʻu ki ai ʻa e loto-toʻá, fakavaivaí, faʻa kātakí, mo e ako ke falala ki he mālohi faka-ʻOtua ʻo e fakamoʻuí ke fakahaofi mo fakamoʻuí. ʻOku kei ʻi ai pē ʻeku ngāue ke fai, ka kuo ʻikai ke u toe maʻu ʻa e loto-ʻitá mo e tāufehiʻá. Kuo foaki mai kiate au “ha loto-foʻou” [ʻIsikeli 36:26]—ko ha loto kuó ne ongoʻi ʻa e ʻofa loloto mo tāumaʻu ʻo ha Fakamoʻui fakataautaha, ʻa ia kuó Ne ʻi hoku tafaʻakí, kuó Ne tataki au ʻi he angavaivai mo e faʻa kātaki ki ha feituʻu lelei ange, kuó Ne tangi mo au, kuó Ne ʻafioʻi ʻeku loto-mamahí. (“Hoihoifua Ko e fetongi ‘o e Efuefú: Ko e Halanga Faifakamoʻui ʻo e Fakamolemolé,” Liahona, Nōvema 2022, 37)

ʻĪsaia 61:3, 10. Ko e hā nai e ʻuhinga ʻa ʻĪsaia ʻi he taimi ʻokú ne lea ai fekauʻaki mo e “fakakofu ʻaki … ʻa e kofu ʻo e fakamoʻuí” pe “ʻufiʻufi ʻaki … ʻa e kofu tōtōlofa ʻo e māʻoniʻoní”?

Naʻe akoʻi ʻe Palesiteni Lāsolo M. Nalesoni, “ʻI he lea faka-Hepeluú, ko e tefitoʻi lea ki he fakaleleí ko e kaphar, ko ha foʻi lea ngāue ʻoku ʻuhinga ʻke ʻufiʻufi’ pe ʻke fakamolemoleʻi’” (“The Atonement,” Ensign, Nov. 1996, 34). Ko ia ai, ko e ngaahi ʻīmisi ʻo hono fakakofuʻi ʻaki e ngaahi kofu ʻo e fakamoʻuí pea mo hono ʻufiʻufi ʻaki ʻa e kofu tōtōlofa ʻo e māʻoniʻoní ʻoku fekauʻaki hangatonu ia mo e ngaahi tāpuaki ʻoku tau maʻu ʻo fakafou ʻia Sīsū Kalaisi mo ʻEne Fakaleleí.

Naʻe akoʻi ‘e ʻEletā Keniti F. Lisiate ʻo e Kōlomu ʻo e Kau Fitungofulú:

ʻOku ʻikai mamata fakalongolongo pē e Fakamoʻuí. ʻOkú Ne ʻafioʻi tonu mo taʻefakangatangata ʻa e mamahi ʻoku tau fekuki mo iá ….

ʻOku faʻa ʻahiʻahiʻi kitautolu ʻi he lahi hotau mamahí ke tau fehuʻi, “ʻIkai ʻoku ʻi ai e lolo faitoʻo ʻi Kiliati; ʻikai ʻoku ai ha faitoʻo ʻi ai?” [Selemaia 8:22] ʻOku ou fakamoʻoni atu ko e talí ko e ʻio, ʻoku ʻi ai ʻa e faitoʻo. ʻOku lava ʻe he Fakalelei ʻa Sīsū Kalaisí ʻo faitoʻo e ngaahi tūkunga mo e ngaahi taumuʻa ko ʻeni ʻo e moʻui matelié. (“ʻOku Faitoʻo ʻe he Fakaleleí ʻa e Mamahi Kotoa Pē,” Liahona, Mē 2011, 15–16)

Ngaahi ʻEkitivitī Fakalahi ki he Akó

Founga ʻe taha ke kamata ʻakí

Ke kamata e kalasí, te ke lava ʻo tā ha fakatātā ʻi he palakipoé ʻo ha foʻi mafu kuo kafo pea kole ki he kau akó ke nau lisi ha ngaahi tūkunga ʻe ala ongoʻi loto-mamahi ai ha taha taʻu hongofulu tupu. ʻE lava foki ke hiki ʻe he kau akó ha ngaahi fakakaukau pe ongo kehe ʻe ala ongoʻi ʻe ha taha taʻu hongofulu tupu ʻi he ngaahi tūkunga ko iá. Hili iá, ʻe lava ke fakakakato ʻe he kau akó ʻa e ʻekitivitī tohinoá ʻo hangē ko hono hiki ʻi he lēsoní.

Founga ʻoku fakahoko ai ʻe Sīsū Kalaisi Hono misioná he ʻaho ní

ʻI he taimi ʻoku fakaafeʻi ai e kau akó ke nau lau e ngaahi sīpinga ʻi he folofolá naʻe fakahoko ai ʻe Sīsū Kalaisi ha niʻihi ʻo e ngaahi kikite ʻi he ʻĪsaia 61, te ke lava foki ʻo fakaafeʻi e kau ako ʻoku ʻi ai ʻenau meʻangāue fakaʻilekitulōnika mo ha ngaahi meʻafanongó ke fili ha taha ʻo e ngaahi vitiō mei he ʻū vitiō “His Grace” ʻoku maʻu ʻi he Gospel Library. Te nau lava ʻo mamata ʻi he vitioó pea fakakaukau ki he ngaahi fehuʻi tatau mo kinautolu ʻoku fili ke lau e ngaahi talanoa mei he folofolá. ʻOku ʻi he ngaahi vitiō ko ʻení ʻa e ngaahi talanoa mo e fakamoʻoni ʻa e kaungā-kāingalotu kuo nau aʻusia ʻa e ʻaloʻofa ʻa e Fakamoʻuí lolotonga ha ngaahi tūkunga faingataʻa.