Fuakava Motuʻá – Tohi Lēsoni ʻa e Faiako Seminelí

Kanotohi
Peesi Talamuʻakí
Talateu ki he Tohi Lēsoni ʻa e Faiakó
Ngaahi Lēsoni ʻo e Fuakava Motuʻá
- Talitali Lelei Koe ki he Fuakava Motuʻá
- Mōsese 1; ʻĒpalahame 3
- Sēnesi 1–2; Mōsese 2–3; ʻĒpalahame 4–5
- Sēnesi 3–4; Mōsese 4–5
- Sēnesi 5; Mōsese 6
- Mōsese 7
- Sēnesi 6–11; Mōsese 8
- Sēnesi 12–17; ʻĒpalahame 1–2
- Sēnesi 18–23
- Sēnesi 24–33
- Sēnesi 37–41
- Sēnesi 42–50
- ʻEkesōtosi 1–6
- Toetuʻú
- ʻEkesōtosi 7–13
- ʻEkesōtosi 14–18
- ʻEkesōtosi 19–20; 24; 31–34
- ʻEkesōtosi 35–40; Levitiko 1; 4; 16; 19
- Nōmipa 11–14; 20–24; 27
- Teutalōnome 6–8; 15; 18; 29–30; 34
- Sōsiua 1–8; 23–24
- Fakamaau 2–4; 6–8; 13–16
- Lute; 1 Samuela 1–7
- 1 Samuela 8–10; 13; 15–16
- 1 Samuela 17–18; 24–26; 2 Samuela 5–7
- 2 Samuela 11–12; 1 Ngaahi Tuʻi 3; 6–9; 11
- 1 Ngaahi Tuʻi 12–13; 17–22
- 2 Ngaahi Tuʻi 2–7
- 2 Ngaahi Tuʻi 16–25
- 2 Fakamatala Meʻa Hokohoko 14–20, 26, 30
- ʻĒsela 1, 3–7; Nehemaia 2, 4–6, 8
- ʻĒseta
- Siope 1–3; 12–14; 19; 21–24; 38–40; 42
- Saame 1–2; 8; 19–33; 40; 46
- Saame 49–51; 61–66; 69–72; 77–78; 85–86
- Saame 102–103; 110; 116–119; 127–128; 135–139; 146–150
- Lea Fakatātā 1–4; 15–16; 22; 31; Tangata Malanga 1–3; 11–12
- ʻĪsaia 1–12
- ʻĪsaia 13–14; 22; 24–30; 35
- ʻĪsaia 40–49
- ʻĪsaia 50–57
- ʻĪsaia 58–66
- Selemaia 1–3, 7, 16–18, 20
- Selemaia 31–33; 36–38; Tangilaulau ʻa Selemaia 1, 3
- ʻIsikieli 1–3; 33–34; 36–37; 47
- Taniela 1–7
- Hōsea; Soeli
- ʻĀmosi; ʻOpataia; Siona
- Maika; Nēhumi; Hapakuki, Sefanaia
- Hakeai 1–2; Sakalaia 1–4, 7–14
- Malakai
Ngaahi Lēsoni Teuteu ki he Moʻuí
- Fakataukei Fakatokāteliné: Ko Hono Kumi ʻa e Ngaahi Tali ki Heʻeku Ngaahi Fehuʻí
- Ngaahi Taukei Ako Folofolá
- Tohi Fakahinohino Ki Hono Fakamālohia ʻo e Toʻu Tupú
- Ko Hono Tanumaki ʻo e Moʻui Fakafalala Pē Kiate Kitá
- Tuʻunga Moʻui Lelei Fakatuʻasinó mo Fakaelotó
- Ko e Teuteu ki he Ako mo e Ngāue Maʻuʻanga Moʻui ʻi he Kahaʻú
- Lavameʻa ʻi he Akó
- Teuteu ki he Ngāue Fakafaifekaú
- Teuteu ki he Temipalé
- Ngaahi Akonaki ʻa e Kau Taki ʻo e Siasí
Fakamatala Fakalahí

ʻĪsaia 58:13–14: “Ui ʻa e ʻAho [Sāpaté] ko e Fakafiefia”

“ʻĪsaia 58:13–14: ‘Ui ʻa e ʻAho [Sāpaté] ko e Fakafiefia,’” Fuakava Motuʻá – Tohi Lēsoni ʻa e Faiako Seminelí (2026)

“ʻĪsaia 58:13–14: ‘Ui ʻa e ʻAho [Sāpaté] ko e Fakafiefia,’” Fuakava Motuʻá – Tohi Lēsoni ʻa e Faiako Seminelí

ʻĪsaia 58–66: Lēsoni 127

ʻĪsaia 58:13–14

“Ui ʻa e ʻAho [Sāpaté] ko e Fakafiefia”

South Africa. Members attending church on Sunday, young woman listening in Sunday School class.

Naʻe akoʻi ʻe he Fakamoʻuí naʻe foaki ʻa e Sāpaté ke tāpuakiʻi Hono kakaí (vakai, Maʻake 2:27). Ko e hā ha ngaahi tāpuaki kuó ke mamata ai ʻi hono fakaʻapaʻapaʻi ʻa e Tamai Hēvaní mo Sīsū Kalaisi ʻi he ʻaho Sāpaté? ʻOku tau ako ʻi he tohi ʻa ʻĪsaiá, kapau te tau fakaʻapaʻapaʻi ʻa e Tamaí mo e ʻAló ʻi Hona Sāpate toputapú, ʻe hoko ʻa e ʻahó ko ha tāpuaki kiate kitautolu. ʻE lava ke tokoni ʻa e lēsoni ko ʻení ke fakaʻapaʻapaʻi ʻe he kau akó ʻa e ʻEikí ʻi he ʻaho Sāpaté.

Teuteu ʻa e tokotaha akó: Fakaafeʻi e kau akó ke fakakaukau ki he meʻa kuo nau ʻosi ʻilo fekauʻaki mo e moihū ki he Tamai Hēvaní mo Sīsū Kalaisi ʻi he ʻaho Sāpaté. Te nau lava ʻo hiki ha lisi ʻo e ngaahi meʻa ʻoku nau ongoʻi ʻoku lelei ʻenau fakahoko ke ngaohi ʻa e ʻaho Sāpaté ke māʻoniʻoní.

Ngaahi ʻEkitivitī Ako ʻOku Ala Fakahokó

ʻOkú ke ongoʻi fēfē ʻi he Sāpaté?

ʻI hono ʻoange ha taimi ki he kau akó ke nau fakalaulauloto ai ki heʻenau ngaahi ongo fekauʻaki mo e ngaahi moʻoni ʻo e ongoongoleleí, ʻe lava ke fakaafeʻi ai ʻa e Laumālie Māʻoniʻoní ke tokoni ke nau ʻiloʻi ʻa e ngaahi meʻa ʻoku nau fakahoko leleí mo e ngaahi tafaʻaki ʻe ala fiemaʻu ke nau fakaleleiʻí.

Fakaʻaongaʻi ha kiʻi taimi ke ke fakakaukau ai ki he ongo ʻokú ke maʻu ʻi he Sāpaté. Fakaafeʻi ʻa e Laumālie Māʻoniʻoní ke tokoni atu ke ke manatuʻi ha ngaahi meʻa ʻe niʻihi ʻokú ke fai ʻi he Sāpaté ʻe ala tokoni ki hoʻo ngaahi ongo fekauʻaki mo e Sāpaté. Hili iá, pea tali ʻa e ngaahi fehuʻi ko ʻení ʻi hoʻo tohinoa akó.

Te ke fakamatalaʻi fēfē hoʻo ngaahi ongo lolotonga fekauʻaki mo e Sāpaté?
Ko e hā ha ngaahi meʻa ʻokú ke lolotonga feinga ke fakahoko (pe ʻikai fakahoko) ʻi he ʻaho Sāpaté?
ʻOkú ke ongoʻi nai ʻoku tokoniʻi koe ʻe he meʻa ʻokú ke faʻa fakahoko ʻi he Sāpaté ke ke ongoʻi ofi ange ai ki he Tamai Hēvaní mo Sīsū Kalaisi?

ʻI hoʻo ako ʻa e ʻĪsaia 58:13–14 ʻi he ʻaho ní, fakaafeʻi ʻa e Laumālie Māʻoniʻoní ke tokoniʻi koe ke ke fakatokangaʻi ʻa e ngaahi tāpuaki kuo talaʻofa mai ʻe he Tamai Hēvaní mo Sīsū Kalaisi ʻi hoʻo moihū kiate Kinaua ʻi Hona ʻaho māʻoniʻoní.

Ko hono fakaʻapaʻapaʻi ʻo e ʻEikí ʻi Hono Sāpaté

Ko ha potufolofola fakataukei fakatokāteline ʻa e ʻĪsaia 58:13–14. Fakakaukau ke fakaafeʻi ʻa e kau akó ke nau fakaʻilongaʻi ʻa e ngaahi potufolofola fakataukei fakatokāteliné ʻi ha founga makehe koeʻuhí ke nau lava ʻo maʻungofua kinautolu.

Lolotonga e ʻaho hono fitu ʻo e fakatupú, naʻe mālōlō ʻa e Tamai Hēvaní mo Sīsū Kalaisi mei Heʻena ngāué kotoa. Naʻá Na tāpuakiʻi ʻa e ʻaho ko ʻení mo fokotuʻu ia ko ha taimi ʻo e mālōlōʻanga toputapu mei he “ngāue” ʻi he māmaní (vakai, Mōsese 3:3). Kuo fakaafeʻi kotoa kitautolu ʻe he Tamai Hēvaní mo Sīsū Kalaisi ke tau muimui ʻi he sīpinga ko ʻení (vakai, ʻEkesōtosi 20:8–10 mo e Teutalōnome 5:12–14). Naʻe toe fekauʻi ʻe he ʻEikí Hono kakaí ʻo fakafou ʻi Heʻene palōfita ko ʻĪsaiá, ke fakatapui ʻa e ʻaho Sāpaté kiate Ia.

Tokoni ke ʻiloʻi ʻe he kau akó ha niʻihi ʻo e ngaahi fakaafe ʻoku ʻomi ʻe he ʻEikí fekauʻaki mo e Sāpaté ʻaki hono hiki e fakamatala taʻekakato ko ʻení ʻi he palakipoé: ʻOku tau tauhi e ʻaho Sāpaté ke māʻoniʻoni ʻaki …

ʻI he taimi naʻe ʻoange ai ʻe he ʻEikí ki he kakai ʻIsilelí ʻa e Fekau ʻe Hongofulú, naʻá Ne fekau ke vaheʻi ʻa e Sāpaté ko ha ʻaho māʻoniʻoni ke moihū ai kiate Ia.

Lau ʻa e ʻĪsaia 58:13, ʻo fakaʻilongaʻi ʻa e ngaahi lea mo e kupuʻi lea ʻoku makehe kiate koé.

Ko e hā ha ngaahi founga kuo kole mai ai ʻa e ʻEikí ke tau ngaohi ʻa Hono Sāpaté ko ha ʻaho māʻoniʻoní?

Tokoni ke fakaʻaongaʻi ʻe he kau akó ha ngaahi lea pē ʻanautolu ke fakamatalaʻi ʻa e ngaahi kupuʻi lea ʻi he veesi 13 ʻokú ne fakakakato ʻa e fakamatala ʻo e moʻoní. Te ke lava ʻo tokoniʻi kinautolu ke ʻiloʻi ha ngaahi kupuʻi lea hangē ko e:

ʻikai tulifua ki he ngaahi meʻa ʻoku tau manako aí pe ngaahi holí
lau ʻa e Sāpaté ko ha ʻaho ʻo e fiefia (fakafiefia)
fakaʻapaʻapaʻi ʻa e Tamai Hēvaní mo Sīsū Kalaisi ʻi he ʻaho Sāpate kotoa pē

ʻE lava ke fakahoko fakafoʻituitui ʻa e ʻekitivitī ko ʻení ʻe he kau akó.

Fili ha kupuʻi lea ʻi he veesi 13. Fakakaukau fakalelei ki he anga hono fakaʻaongaʻi ʻo e kupuʻi lea ko ʻení ʻi hoʻo moʻuí. Mahalo te ke fie lekooti ha niʻihi ʻo hoʻo ngaahi fakakaukaú ʻi hoʻo tohinoa akó. ʻI hoʻo fakalaulaulotó, fakaafeʻi ʻa e Laumālie Māʻoniʻoní ke tokoni atu ke ke maʻu ha mahino lahi ange ki he ngaahi meʻa te ke lava ʻo faí.

Mahalo ʻe tokoni ke fakamatalaʻi ange ko hono tauhi ʻo e ʻaho Sāpaté ke māʻoniʻoní ʻoku fonu ia ʻi he ngaahi fili fakatāutahá. Fakaʻehiʻehi mei hono aleaʻi ʻo e ngaahi founga totonu mo hala ke tauhi ai e ʻaho Sāpaté ke māʻoniʻoní pea poupouʻi e kau akó ke fakaʻehiʻehi mei hono fakamāuʻi e niʻihi kehé ʻi heʻenau ngaahi filí.

Ngaahi tāpuaki hono fakaʻapaʻapaʻi ʻo e ʻEikí ʻi Hono ʻahó

Lau ʻa e ʻĪsaia 58:14, ʻo fakaʻilongaʻi ʻa e ngaahi foʻi lea mo e ngaahi kupuʻi lea ʻoku tokoni ke mahino kiate kitautolu ha niʻihi ʻo e ngaahi tāpuaki kuo talaʻofa ʻe he ʻEikí kiate kinautolu ʻoku fakaʻapaʻapa kiate Ia ʻi Hono Sāpaté.

Te ke fakamatalaʻi fēfē nai e ngaahi tāpuaki ko ʻení ʻi hoʻo lea pē ʻaʻau?

Ke tokoni ke ʻiloʻi ʻe he kau akó ʻa e ngaahi tāpuaki kuo talaʻofa mai ʻe he ʻEikí, mahalo ʻe fiemaʻu ke ke vahevahe ʻa e ʻuhinga ʻo e ngaahi kupuʻi lea hangē ko e:

“Te ke toki fiefia koe ʻi [he ʻEikí]” – Te tau fiefia ʻi he ʻEikí.

“Te u ngaohi koe ke ke heka ʻi he ngaahi potu māʻolunga ʻo māmaní, pea te u fafanga ʻaki koe ʻa e tofiʻa ʻo Sēkopé” – ʻOku talaʻofa ʻe he ʻEikí ha ngaahi tāpuaki ki Hono kakai ʻo e fuakavá.

ʻE ala tokoni ke vahevahe ʻe lava ke ʻuhinga ʻa e “ngaahi potu māʻolungá” ki he ngaahi moʻungá, tafungofungá, ngaahi ʻā maluʻí, pe ngaahi potu māʻoniʻoní. ʻE lava ke ʻuhinga ʻa e kupuʻi lea ko ʻení “ʻe tāpuakiʻi ʻe he ʻEikí ʻa ʻEne kakai ʻo e fuakavá ke nau ikunaʻi ʻa e ngaahi faingataʻa kotoa pē, maluʻi pea mavahe mei he fakatuʻutāmakí, ke ikunaʻi ʻa e filí (vakai, Teutalōnome 33:29), pea ofi ange ki he ʻEikí.” (“Line upon Line: Isaiah 58:13-14,” New Era, Feb. 2016)

Te ke lava ʻo fakaafeʻi e kau akó ke nau tānaki ki he palakipoé ʻa e ngaahi tāpuaki ne nau maʻú. Kapau ʻoku fiemaʻu ʻe he kau akó ha tokoni lahi ange ke mahino ʻa e ngaahi tefitoʻi moʻoni ʻo e moihū ʻi he Sāpaté, te ke lava ʻo fakaafeʻi kinautolu ke kumi ha toe ngaahi tāpuaki, hangē ko ia ʻoku maʻu ʻi he ʻIsikeli 20:20 mo e Tokāteline mo e Ngaahi Fuakava 59:9–13.

Ko e hā ka faingataʻa ai ki ha taha ke sio ko ha meʻa “fakafiefia” ke tauhi ʻa e ʻaho Sāpaté?
Ko e hā e ngaahi faingataʻa te nau ala fehangahangai mo iá?

Naʻe vahevahe ʻe Palesiteni Lāsolo M. Nalesoni ʻa e meʻa ko ʻení fekauʻaki mo e meʻa naʻá ne tokoniʻi ia ke ne ikunaʻi ha faingataʻa naʻá ne fehangahangai mo ia ʻi he taimi naʻá ne fai ai ha ngaahi fili fekauʻaki mo e founga ke fakaʻapaʻapaʻi ai ʻa e Tamai Hēvaní mo Sīsū Kalaisi ʻi he Sāpaté.

14:46

Naʻe fakahā ʻe he Fakamoʻuí ko Ia ʻa e ʻEiki ʻo e Sāpaté. Ko Hono ʻahó ia! Kuó Ne toutou kole mai ke tau tauhi ʻa e Sāpaté pe ke fakamāʻoniʻoniʻi ʻa e ʻaho Sāpaté. ʻOku tau haʻisia ʻi he fuakava ke fai ia.

ʻOku tau fakaʻapaʻapaʻi fēfē ʻa e ʻaho Sāpaté? ʻI hoku ngaahi taʻu kei talavou angé, naʻá ku ʻilo ai ki ha ngāue ʻa ha kakai kehe naʻa nau fakatahaʻi ha ngaahi lisi ʻo e ngaahi meʻa ke fai pea mo ha ngaahi meʻa ke ʻoua ʻe fai ʻi he ʻaho Sāpaté. Naʻá ku toki ako kimui ange mei he folofolá ʻoku hoko ʻeku tōʻonga mo ʻeku fakakaukau ʻi he Sāpaté ko ha fakaʻilonga ʻi hoku vā mo ʻeku Tamai Hēvaní. ʻI he mahino ko iá, ʻoku ʻikai ke u toe fiemaʻu ʻa e ngaahi lisi ʻo e ngaahi meʻa ke fai pe taʻe faí. Ko e taimi kuo pau ai ke u fai ha fili pe tuʻutuʻuni pe ʻoku taau ʻa e ʻekitivitī ko iá pe ʻikai mo e Sāpaté, ʻoku ou fehuʻi pē kiate au, “Ko e hā ʻa e fakaʻilonga ʻoku ou fie foaki ki he ʻOtuá?” Naʻe ʻai ʻe he fehuʻí ni ke mahino ʻaupito ʻeku ngaahi fili kau ki he ʻaho Sāpaté. (“ʻOku Fakafiefia ʻa e ʻAho Sapaté,” Liahona, ʻEpeleli 2015, 130)

ʻE tokoni fēfē nai ʻa e ʻĪsaia 58:13–14 mo e pōpoaki ʻa Palesiteni Nalesoní ki ha taha ʻoku fefaʻuhi mo e ngaahi faingataʻa naʻá ke ʻiló?

ʻE lava ke vahevahe ʻe he kau akó ha ngaahi aʻusia ʻoku tāú ki ha taimi ne nau ongoʻi ne tāpuekina ai kinautolu ʻi heʻenau feinga ke tokanga taha ki he Tamai Hēvaní mo Sīsū Kalaisi ʻi he Sāpaté. ʻE lava ke tokoni ʻa e ngaahi fehuʻi ko ʻení ki he kau akó ke vahevahe ʻenau ngaahi aʻusiá.
Ko e hā kuó ke maʻu kuó ne fakaleleiʻi hoʻo malava ke fakaʻapaʻapaʻi ʻa e ʻEikí ʻi he ʻaho Sāpaté? Ko e hā ha ngaahi tāpuaki kuó ke mātā mei hoʻo ngaahi feingá?

Ko e hā ha fakaʻilonga ʻokú ke fie ʻoange ki he ʻOtuá?

Ke tokoni ke faʻu ʻe he kau akó ha palani ke fakatupulaki ʻenau aʻusia ʻi he Sāpaté, fakaʻaliʻali ʻa e ngaahi fakahinohino ko ʻení.

Fakaʻaongaʻi ha kiʻi taimi ke fakalaulauloto ai ki he meʻa kuó ke ako mo ongoʻi he ʻahó ni fekauʻaki mo e fakaafe ʻi he ʻĪsaia 58:13–14 ke siʻaki ʻa e ngaahi holi fakatāutahá pea fakaʻapaʻapaʻi ʻa e Tamai Hēvaní mo Sīsū Kalaisi ʻi he ʻaho Sāpaté. Fakaafeʻi ʻa e Laumālie Māʻoniʻoní ke tokoni atu ʻi hoʻo fakakakato e fakakaukau ko ʻení ʻi hoʻo tohinoa akó.

Ke fakaʻapaʻapaʻi ʻa e Tamai Hēvaní mo Sīsū Kalaisi ʻi he ʻaho Sāpaté, te u .

Ako Ma‘uloto

Te ke ala tokoni ki he kau akó ke nau ako maʻuloto ʻa e fakamoʻoni fakataukei fakatokāteliné mo e kupuʻi lea fakafolofola mahuʻingá, lolotonga ʻa e lēsoni ko ʻení pea toe vakaiʻi ia ʻi he ngaahi lēsoni ʻi he kahaʻú. Ko e kupuʻi lea fakafolofola mahuʻinga ki he ʻĪsaia 58:13–14 ko e “Taʻofi … pea ʻoua naʻa fai ki ho lotó ʻi hoku ʻaho māʻoniʻoní; pea ke ui ʻa e ʻaho tapú ko e fakafiefia.” ʻOku maʻu ʻa e ngaahi fakakaukau ki he ngaahi ʻekitivitī ako maʻulotó ʻi he naunau fakalahi ʻi he “Ngaahi ʻEkitivitī Fakamanatu ʻo e Fakataukei Fakatokāteliné.”

Ngaahi Maʻuʻanga Tokoni Kehé

Ko e hā ha ngaahi tāpuaki ʻe ala maʻu mei hono fakatupulaki ʻetau moihū ʻi he Sāpaté?

Naʻe akoʻi ʻe ʻEletā Kuenitini L. Kuki ʻo e Kōlomu ʻo e Kau ʻAposetolo ʻe Toko Hongofulu Mā Uá ʻo pehē:

15:36

ʻOku hoko hono tauhi ʻo e Sāpaté … ko ha faʻahinga tuʻunga anga māʻoniʻoni te ne tāpuekina mo fakamālohia ʻa e fāmilí, fakafehokotaki kitautolu mo hotau Tupuʻangá, pea mo fakatupulaki ʻetau fiefiá. ʻE lava ʻa e Sāpaté ʻo tokoni ke fakamavaheʻi kitautolu mei he meʻa ʻoku ʻikai mahuʻingá, taʻe-taau, mo ʻulí. ʻOkú ne tuku ke tau ʻi māmani kae ʻikai ʻo māmani ʻa kitautolu.

Kuo hoko ha liliu fakaofo ʻi he Siasí ʻi he ngaahi māhina ʻe ono kuo hilí. Kuo hoko ʻeni ʻi hono tali ʻe he kāingalotú e fakamamafa foʻou ne toe fakahoko atu kau ki he Sāpaté ʻe he Kau Palesitenisī ʻUluakí mo e Kōlomu ʻo e Kau ʻAposetolo ʻe Toko Hongofulu Mā Uá pea ki he tukupā ʻa Palesiteni Lāsolo M. Nalesoni ke ʻai e Sāpaté ke hoko ko ha meʻa fakafiefiá. ʻOku mahino ki he kāingalotu tokolahi ʻoku hoko hono tauhi ʻo e Sāpaté ke māʻoniʻoní ko ha ungaʻanga ia mei he ngaahi matangi ʻo e moʻuí ni. Ko ha toe fakaʻilonga foki ia ʻo ʻetau moʻui līʻoa ki heʻetau Tamai Hēvaní mo ha mahino lahi ange ki hono toputapu ʻo e houalotu sākalamēnití. ʻOku kei toe lahi e meʻa ke tau faí ka kuo tau kamata lelei. ʻOku ou fakatukupaaʻi kitautolu kotoa ke tau hoko atu ʻi hono pukenimā ʻa e faleʻi ko ʻení pea fakaleleiʻi ʻetau mōihū ʻi he Sāpaté. (“Tuha mo Taau mo Pilisitolo: Moʻui Taau mo e Temipalé—ʻi he Faingamālié mo e Faingatāmakí,” Liahona, Nōvema 2015, 42)

Ko e hā ʻoku totonu ke tau ngaohi ai ʻa e Sāpaté ko ha ʻaho māʻoniʻoní?

Naʻe fakamatala ʻa ʻEletā Tēvita A. Petinā ʻo e Kōlomu ʻo e Kau ʻAposetolo ʻe Toko Hongofulu Mā Uá ʻo pehē:

Hili hono fakatupu ʻe he ʻOtuá e meʻa kotoa pē, naʻá Ne mālōlō he ʻaho hono fitú mo fekauʻi ke tuku ha ʻaho ʻe taha ʻi he uiké ke fai ai ha mālōlō ke tokoni ki he kakaí ke nau manatuʻi Ia. Ko e Sāpaté ko e taimi ia ʻa e ʻOtuá, ko ha taimi toputapu ne tuku pau ke hū ai kiate Ia pea maʻu mo manatua ʻEne ngaahi talaʻofa lahi ʻaupito mo mahuʻingá. …

ʻOku tau hū ki he Tamaí ʻi he ʻaho Sāpaté ʻi he huafa ʻo e ʻAló, ʻi heʻetau kau ki he ngaahi ouaú mo ako ʻo kau ki hono maʻu, manatua, mo fakafoʻou e ngaahi fuakavá. Ko ʻetau fakakaukaú, ngāué, mo e ʻulungāngá ko ha ngaahi fakaʻilonga ia ʻoku tau ʻave ki he ʻOtuá mo fakahaaʻi ai ʻetau ʻofa kiate Iá ʻi Hono ʻaho tapú.

Ko ha taumuʻa ʻe taha ʻo e ʻaho Sāpaté ko hono hikiʻi hake ʻetau visioné mei he ngaahi meʻa ʻo e māmaní ki he ngaahi tāpuaki ʻo ʻitānití. ʻI hono toʻo mei he taimi toputapu ko ʻení e ngaahi meʻa angamaheni ʻoku faʻa femoʻuekina ai ʻetau moʻuí, te tau lava ke “sio ki he ʻOtuá pea moʻui” ʻaki hono maʻu mo manatuʻi e ngaahi talaʻofa lahi ʻaupito mo mahuʻingá ʻo tau maʻu ai e natula faka-ʻOtuá. (“Ngaahi Talaʻofa Lahi ʻAupito mo Mahuʻinga,” Liahona, Nōvema 2017, 92)

Ngaahi ʻEkitivitī Fakalahi ki he Akó

Naʻe fakaʻapaʻapaʻi ʻe Sīsū Kalaisi ʻa e Tamai Hēvaní ʻi he ʻaho Sāpaté

ʻE ala ʻaonga ki he kau akó hono ako e founga naʻe fakaʻapaʻapaʻi ai ʻe Sīsū Kalaisi ʻa e Tamai Hēvaní ʻaki ʻEne ngaahi ngāue ʻi he ʻaho Sāpaté. Ko e founga ʻe taha ke fai ai ʻení ko hono ʻoange ha niʻihi pe kotoa ʻo e ngaahi potufolofola ko ʻení. Fakaafeʻi e kau akó ke nau ako e ngaahi fakamatalá, ʻo kumi e ngaahi ngāue naʻe fai ʻe he Fakamoʻuí ʻi he Sāpaté.

Te ke lava ʻo fakaʻaliʻali e ngaahi fehuʻi ko ʻení ke aleaʻi ʻe he kau akó:

Naʻe tāpuekina fēfē nai ʻa e kakai ʻi he ngaahi fakamatala ko ʻení ʻe he ngāue ʻa e Fakamoʻuí?
Ko e hā ha ngaahi founga te tau lava ai ʻo muimui ki he sīpinga ʻa e Fakamoʻuí ʻo e ngāue fakaetauhi ki he niʻihi kehé ʻi he ʻaho Sāpaté?

Ko hono fakalahi hotau mālohi fakalaumālié ʻi he ʻaho Sāpaté

Ke teuteuʻi e kau akó ki he akó, te ke lava ʻo fakaʻaliʻali ha fakatātā ʻo ha telefoni toʻotoʻo ʻoku mate hono maká. Fakaafeʻi e kau akó ke vahevahe ʻa e ongo ʻoku nau maʻu ʻi he taimi ʻoku nau sio ai ki he meʻá ni pea mo e meʻa te nau fai ke fakaleleiʻi ʻaki e palopalema ko ʻení.

ʻE lava fēfē ke fakafehoanaki e maka ʻo e telefoni toʻotoʻó ki heʻetau moʻui fakalaumālié?
Ko e hā ʻokú ke fai ke fakaivia fakalaumālie koe ʻi he taimi ʻokú ke ongoʻi hōloa fakalaumālie aí?

Kapau he ʻikai talaatu ia ʻe he kau akó, te ke lava ʻo vahevahe hangē pē ko ha maka telefoni toʻotoʻo kuo maté, ʻoku fiemaʻu ke tau fetuʻutaki maʻu pē ki ha maʻuʻanga mālohi ke tokoni ʻi hono fakafoʻou hotau ivi fakalaumālie mo fakatuʻasinó.

Hili ʻenau ʻiloʻi ʻa e moʻoni mei he ʻĪsaia 58:13–14, te ke lava ʻo fehuʻi ki he kau akó e founga ʻe lava ai hono maʻu e ngaahi tāpuaki ʻo e Sāpaté ne nau ʻiló ʻo hoko ko ha fakaivia fakalaumālie kiate kitautolu.

Te tau lava ʻo tokanga taha ki he ngaahi tāpuaki ʻo e Sāpaté

Ke tokoni ke ʻilo lahi ange ʻe he kau akó ʻa e ngaahi tāpuaki ʻo hono fakaʻapaʻapaʻi ʻo e Sāpaté, te ke lava ʻo huluʻi ʻa e vitiō, “Upon My Holy Day – Honoring the Sabbath” (1:30). ʻOku akoʻi kitautolu ʻe Palesiteni Sefilī R. Hōlani ʻi he vitioó ke tau tokanga taha ki he ngaahi tāpuaki ʻo e talangofua ke fakaʻapaʻapaʻi ʻa e Sāpaté kae ʻikai ko e vakai pē ki he ngaahi fakangatangatá.

1:30

Hili iá, fakakaukau ke ʻoange ha taha ʻo e ngaahi meʻa ko ʻeni ke fili mei aí:

ʻOange ki he kau akó ha tatau ʻo e lea ʻa Palesiteni Lāsolo M. Nalesoni, “ʻOku Fakafiefia ʻa e ʻAho Sāpaté,” Liahona, Mē 2015, 129–132.
ʻE lava ke toe vakaiʻi ʻe he kau akó ʻa e konga ʻo e ʻaho Sāpaté mei he Malanga ʻAki ʻEku Ongoongoleleí: Ko ha Fakahinohino ki Hono Vahevahe ʻo e Ongoongolelei ʻo Sīsū Kalaisí, 99–100.
ʻE lava ke fekumi ʻa e kau akó ki he fakamatala “ʻAho Sāpaté” ʻi he fakamatala ki he Ngaahi Tefitó mo e Ngaahi Fehuʻí ʻi he Gospel Library pea kumi ha kupuʻi lea nounou mei he kau taki ʻo e Siasí fekauʻaki mo e Sāpaté.

Hili ʻenau ʻekitivitī akó, ʻe lava ke vahevahe ʻe he kau akó ʻa e founga naʻe tokoniʻi ai kinautolu ʻe he meʻa naʻa nau maʻú ke nau ongoʻi ʻa e mālohi ʻo e ngaahi tāpuaki kuo talaʻofa mai ʻe he ʻEikí.