Manwal sa Magtutudlo sa Seminary sa Daang Tugon

Mga Sulod
Ulohan nga Pahina
Pasiuna sa Manwal sa Magtutudlo
Daang Tugon nga mga Leksiyon
- Welcome sa Daang Tugon
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko sa Pagkabanhaw
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Numeros 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Maghuhukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Mga Cronicas 14–20, 26, 30
- Esdras 1, 3–7; Nehemias 2, 4–6, 8
- Ester
- Job 1–3; 12–14; 19; 21–24; 38–40; 42
- Mga Salmo 1–2; 8; 19–33; 40; 46
- Mga Salmo 49–51; 61–66; 69–72; 77–78; 85–86
- Mga Salmo 102–103; 110; 116–119; 127–128; 135–139; 146–150
- Mga Panultihon 1–4; 15–16; 22; 31; Ecclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3, 7, 16–18, 20
- Jeremias 31–33; 36–38; Mga Pagbangotan 1, 3
- Ezequiel 1–3; 33–34; 36–37; 47
- Daniel 1–7
- Oseas; Joel
- Amos; Abdias; Jonas
- Miqueas; Nahum; Habacuc, Sofonias
- Hageo 1–2; Zacarias 1–4, 7–14
- Malaquias
Mga Leksiyon sa Pagpangandam sa Kinabuhi
- Doktrinal nga Kahanas: Pagpangita og mga Tubag sa Akong mga Pangutana
- Mga Kahanas sa Pagtuon sa Kasulatan
- Giya sa Alang sa Kalig-on sa mga Kabatan-onan
- Pag-ugmad sa Pagbarog pinaagi sa Kinaugalingong Paningkamot
- Pisikal ug Emosyonal nga Kahimsog
- Pagpangandam alang sa Umaabot nga Edukasyon ug Panarbaho
- Magmalamposon sa Pag-eskwela
- Pagpangandam sa Misyonaryo
- Pagpangandam alang sa Templo
- Mga Pagtulun-an sa mga Lider sa Simbahan
Apendiks

Isaias 58:1–12: Ang Gahom sa Pagpuasa ug Pag-ampo

“Isaias 58:1–12: Ang Gahom sa Pagpuasa ug Pag-ampo,“ Manwal sa Magtutudlo sa Seminary sa Daang Tugon (2026)

“Isaias 58:1–12: Ang Gahom sa Pagpuasa ug Pag-ampo,“ Manwal sa Magtutudlo sa Seminary sa Daang Tugon

Isaias 58–66: Leksiyon 126

Isaias 58:1–12

Ang Gahom sa Pagpuasa ug Pag-ampo

Ang Ginoo mihangyo kanato sa pagpuasa. Unsa ang inyong gibati mahitungod niini nga kasugoan? Ang mga Judeo mibati nga wala ilha sa Ginoo ang ilang pagpuasa. Pinaagi ni Isaias, ang Ginoo mitudlo sa katawhan mahitungod sa husto nga pagpuasa. Kini nga leksiyon makatabang sa mga estudyante nga mobati sa usa ka tinguha sa pagpuasa sa pamaagi sa Ginoo.

Pagpangandam sa estudyante: Dapita ang mga estudyante sa pagpamalandong unsa ang ilang gibati mahitungod sa pagpuasa ug ngano. Mahimo usab nilang hangyoon ang usa ka ginikanan o kasaligan nga higala sa pagpakigbahin sa ilang mga hunahuna ug mga pagbati.

Posibleng mga Kalihokan sa Pagkat-on

Pagpuasa

Aron matabangan nga maandam ang mga estudyante nga makat-on mahitungod sa pagpuasa, ikonsiderar ang pagbuhat sa mosunod. Samtang hisgotan nimo kini nga hilisgotan, paghimo og sitwasyon diin ang mga estudyante libre nga mopakigbahin nga wala mapugos o gihukman.

Handurawa nga usa ka buntag sa Dominggo, andam namo nga mokaon sa pamahaw sa dihang nakahinumdom ka nga Dominggo sa pagpuasa diay.

Unsa ang inyong unang mahunahunaan?

Kon gikinahanglan, ipakigbahin ang mosunod nga pagpasabot sa pagpuasa gikan sa Kinatibuk-ang Tamdanan nga Basahon:

Ang Ginoo miestablisar sa balaod sa puasa ug mga halad sa puasa sa pagpanalangin sa Iyang katawhan ug sa paghatag og paagi nga makaserbisyo sila niadtong nanginahanglan. …

Ang pagpuasa mahimong himoon bisan unsang orasa. Hinoon, ang mga miyembro sa kasagaran naghimo sa unang Igpapahulay sa bulan isip adlaw sa pagpuasa. Ang usa ka adlaw sa pagpuasa kasagaran naglakip sa mosunod:

Pag-ampo

Dili pagkaon ug pag-inom sulod sa 24 oras (kon pisikal nga makahimo)

Paghatag og madagayaon nga halad sa puasa

Ang halad sa puasa usa ka donasyon aron sa pagtabang niadtong nanginahanglan. Kon ang mga miyembro magpuasa, sila gidapit sa paghatag og halad nga dili moubos sa bili sa duha ka kan-anan nga wala kan-a. Ang mga miyembro giawhag nga magmadagayaon ug mohatag og sobra pa kay sa kantidad sa duha ka kan-anan kon mahimo nila. (Kinatibuk-ang Tamdanan nga Basahon: Pagserbisyo diha sa Ang Simbahan ni Jesukristo sa mga Santos sa Ulahing mga Adlaw, 22.2.2., Librarya sa Ebanghelyo)

Paggahin og panahon sa pagpamalandong unsay inyong gibati mahitungod sa pagpuasa samtang maghunahuna kamo sa mosunod nga mga pangutana:

Unsay inyong pagbati bahin sa pagpuasa? Ngano man?
Kon nagpuasa kamo sauna, unsay inyong nakat-onan mahitungod sa Ginoo ug pagpuasa gikan sa inyong kasinatian?
Unsa ang inyong mga problema o mga pangutana mahitungod sa pagpuasa?

Samtang magtuon kamo karon, tinguhaa ang giya sa Ginoo aron sa pagtabang sa bisan unsa ninyong mga problema ug mobati sa tinguha sa pagpuasa.

Ang mga pagtulun-an sa Ginoo mahitungod sa pagpuasa

Ang Ginoo misugo ni Isaias nga maisugong mopahibalo sa mga sala sa balay sa Israel. Pananglitan, sa gawas nila gipahigayon ang relihiyosong buluhaton, lakip ang pagpuasa, nga uban sa sayop nga katuyoan.

Ikonsiderar ang pagpasabot o pagpakita sa bisan unsa sa mosunod nga impormasyon nga tingali makatabang sa mga estudyante samtang sila magbasa sa mga bersikulo sa ubos:

“Uway” (bersikulo 5) usa ka taas, nipis nga sagbot nga nangalaya.
“Sakong saput” (bersikulo 5) usa ka gahi nga materyal nga gisul-ob sa mga tawo sa karaan aron pagsimbolo sa ilang pagpaubos o kasubo. Mosablig usab sila og abo sa ilang kaugalingon sa samang rason.

Basaha ang Isaias 58:3–5, nga mangita og tubag niining duha ka pangutana:

Unsa ang gipangutana sa mga tawo ngadto sa Ginoo mahitungod sa ilang pagpuasa?
Unsa ang gisulti sa Ginoo ngadto sa mga tawo mahitungod sa sayop nilang gibuhat kalabot sa ilang pagpuasa?

Dapita ang mga estudyante sa pagpakigbahin sa ilang tubag ug unsa ang nagpatigbabaw nganha kanila. Kon gikinahanglan, ipasabot nga samtang nagpuasa ang Israel, nangita sila sa ilang kaugalingong kalipay (bersikulo 3), naglantaw sa pagpuasa isip kasakit (mga bersikulo 3, 5), ug dili maayo ang pagtratar sa uban (mga bersikulo 3–4).
Sa unsang paagi tingali kita makahimo sa samang mga kasaypanan samtang kita magpuasa?

Ipasabot nga ang Ginoo nagtinguha nga kita magpuasa nga lahi niining mga tawhana. Siya nagtinguha nga kita magpuasa uban ang matinud-anong kinaiya, katuyoan ug tinuod nga katuyoan (tan-awa sa Salmo 35:13; Joel 2:12; Jonas 3:4–10; Mateo 6:16–18; Alma 5:46; 6:6;17:3, 9).
Ngano kaha nga ang Ginoo gusto nga kita mapainubsanong magpuasa, nga adunay pihong matarong nga katuyoan ug tinuod nga katuyoan?

Mga saad sa Ginoo

Ikonsiderar ang pagsulat sa mosunod diha sa pisara: Kon kita magpuasa sa pamaagi sa gitinguha sa Ginoo, nan…

Basaha ang Isaias 58:6–12, nga mangita sa katuyoan ug mga panalangin nga gisaad sa Ginoo niadtong magpuasa sama sa gitinguha sa Ginoo. Mahimo nimong markahan kini.

Ang Isaias 58:6–7 usa ka tudling sa doktrinal nga kahanas. Ikonsiderar ang pagdapit sa mga estudyante sa pagmarka sa mga tudling sa doktrinal nga kahanas sa lahi nga paagi aron dali ra kini nilang makit-an.

Hangyoa ang mga estudyante sa pagkompleto sa kapahayag [sentence] base sa ilang gitun-an. Mahimo nilang isulat sa pisara ang ilang mga tubag. Ang mosunod mao ang pipila ka mga pananglitan:

Iyang tangtangon ang kadaotan o sala ngari kanato (tan-aw sa Isaias 58:6).
Iyang tangtangon ang bug-at nga palas-anon (tan-awa sa Isaias 58:6).
Atong atimanon ang kabos ug nagkinahanglan (tan-awa sa Isaias 58:7).
Siya mopanalangin kanato uban sa kahayag ug kahimsog (tan-awa sa Isaias 58:8).
Siya motubag sa atong mga pag-ampo (tan-awa sa Isaias 58:9).

Ang mga panalangin sa pagpuasa

Aron sa pagtabang sa mga estudyante nga makasabot sa mga panalangin nga ilang nailhan, dapita sila sa pagpili og usa o duha sa mosunod nga sitwasyon:

Ang usa ka batan-ong lalaki na-stress sa iyang trabahoon sa eskwelahan ug sa iyang umaabot.
Usa ka batan-ong babaye naghunahuna nga dili na siya malimpyo pa pag-usab tungod sa iyang mga sala.
Usa ka batan-ong lalaki nag-ampo aron masayod kon ang Simbahan tinuod apan nakigbisog sa pagdawat og tubag.
Usa ka batan-ong babaye ganahan nga motabang sa kabos.
Usa ka batan-ong lalaki nag-atubang og usa ka hagit nga wala siya masayod kon mabuntog ba niya kini.

Pangitaa ang hugpong sa mga pulong sa Isaias 58:6–12 nga tingali makadasig sa tawo diha sa sitwasyon nga magpuasa ug mag-ampo alang sa tabang sa Dios. (Ang pipila ka pangutana mahimong adunay sobra sa usa ka hugpong sa mga pulong ang magamit.)

Diha sa gagmay nga mga grupo o isip usa ka klase, dapita ang mga estudyante sa pagpakigbahin sa mga sitwasyon nga ilang napili ug sa mga hugpong sa mga pulong nga makatabang ug ngano.

Tingali pwede usab nimo silang dapiton sa pagpakigbahin sa ubang mga sitwasyon diin ang mga panalangin nga gisaad sa Ginoo niini nga mga bersikulo mahimong makatabang o mangutana kon aduna ba niini nga mga panalangin ang labing makahuloganon ngadto kanila ug ngano.

Sa unsang paagi tingali ang pagpuasa ug pagdawat niini nga mga panalangin makapaduol kanimo sa Langitnong Amahan ug kang Jesukristo?

Mga ehemplo sa pagpuasa ug mga halad sa puasa

Aron sa pagtabang sa mga estudyante nga makasabot sa panig-ingnan sa Manluluwas, ipasabot nga Siya nagpuasa ug mitudlo mahitungod sa pagpuasa samtang nagsunod usab sa maong baroganan. Siya nagpuasa sa wala pa ang iyang yutan-on nga pagpangalagad (tan-awa sa Mateo 4:1–2 ug timan-i nga Ang Hubad ni Joseph Smith sa Mateo 4:1 nag-usab sa hugpong sa mga pulong nga “aron tentalon sa yawa” ngadto sa “aron makig-uban sa Dios”). Siya usab mitudlo nga ang pipila sa impluwensiya sa yawa mopahawa lamang “pinaagi sa pag-ampo ug pagpuasa” (Mat. 17:19, 21).

Ikonsiderar ang pagpakita sa mosunod nga pipila ka modernong ehemplo sa pagpuasa ug pangutan-aon ang mga estudyante unsay ilang nagustohan o nakat-onan gikan niini:

“Fast Offerings: A Simple Commandment with a Marvelous Promise” (3:01): si Presidente Henry B. Eyring nag-istorya sa kasinatian sa usa ka babaye nga adunay mga halad sa puasa sa Sierra Leone atol sa gubat.

3:2

Dapita ang mga estudyante sa pagpamalandong sa ilang kaugalingong mga kasinatian sa pagpuasa, ingon man usab ang mosunod nga mga pangutana, alang sa pipila ka gutlo:

Unsa nga mga panalangin ang gihatag sa Ginoo kanimo o niadtong imong kaila tungod sa pagpuasa?
Sa unsang paagi nimo o mahimo nimo nga mas makahuloganon ang imong pagpuasa?

Ikonsiderar ang pagpakigbahin usab sa imong kaugalingong mga kasinatian.

Ang imong pagbati mahitungod sa pagpuasa

Ikonsiderar ang bisan unsa ninyong mga impresyon nga nadawat pinaagi sa Espiritu Santo atol niini nga leksiyon samtang kamo magsulat sa inyong journal sa pagtuon unsa ang inyong pagbati mahitungod sa pagpuasa. Mahimo ninyong ilakip ang mga panalangin gikan sa Ginoo nga gusto ninyo sa inyong kinabuhi ug ngano.

Pagsag-ulo

Pwede nimong tabangan ang mga estudyante sa pagsag-ulo sa pakisayran sa doktrinal nga kahanas ug sa mahinungdanong hugpong sa mga pulong sa kasulatan atol niini nga leksiyon ug dayon pagrebyo niini sa umaabot nga mga leksiyon. Ang mahinungdanong hugpong sa mga pulong sa kasulatan alang sa “Isaias 58:6–7” mao ang “mga panalangin sa husto nga pagpuasa.” Ang mga ideya alang sa mga kalihokan sa pagsag-ulo anaa sa mga materyal sa apendiks ubos sa “Mga Kalihokan sa Pagrebyo sa Doktrinal nga Kahanas.”

Dugang nga mga Kapanguhaan

Unsa ang pipila ka ehemplo sa mga panalangin sa pagpuasa nga gitudlo ni Isaias?

Si Elder Carl B. Pratt sa Seventy mitudlo:

9:59

Kon kita magpuasa ug mag-ampo uban sa katuyoan nga maghinulsol sa mga sala ug makabuntog sa personal nga mga kahuyang, sa pagkatinuod kita nagtinguha sa “pagbugto sa mga gapos sa pagkadautan” sa atong kinabuhi. Kon ang katuyoan sa atong pagpuasa mao ang mahimong mas epektibo sa pagtudlo sa ebanghelyo ug sa pagserbisyo sa uban sa atong mga calling sa Simbahan, sa pagkatinuod kita “[n]agtangtang sa higot sa yugo” sa uban. Kon kita magpuasa ug mag-ampo alang sa tabang sa Ginoo sa atong misyonaryo nga mga paningkamot, wala ba kita magtinguha sa “paghatag og kagawasan sa mga dinaugdaug”? Kon ang katuyoan sa atong pagpuasa mao ang pagpalambo sa atong gugma sa isig katawo ug pagbuntog sa atong pagkahakog, atong garbo, ug paghigugma sa mga butang sa kalibotan, sa pagkatinuod kita “nagbali sa tanang yugo.” (Ang mga Panalangin sa Husto nga Puasa, Liahona, Nob. 2004, 48–49)

Ngano ug unsaon nato sa pagpuasa?

Si Presidente Russell M. Nelson mitudlo:

Ako nasayod nga ang Dios “aduna sa tanan, nga kaalam, ug tanan nga salabutan; siya nakatugkad sa tanan nga mga butang, ug siya usa ka maloloy-on nga Binuhat, gani ngadto sa kaluwasan, ngadto kinsa mohinulsol ug motuo diha sa iyang ngalan” (Alma 26:35).

Busa, atol sa mga panahon sa hilabihan nga kalisud … ang labing natural nga butang nga atong buhaton mao ang pagtawag sa atong Langitnong Amahan ug sa Iyang Anak—ang Bantugang Tig-ayo—sa pagpakita sa Ilang talagsaong gahum nga mopanalangin sa mga tawo dinhi sa yuta. …

Unsaon nato sa pagpuasa? Ang duha ka kan-anan o 24 oras maoy naandan. Apan kinahanglan kamong modesisyon kon unsay maglangkob og sakripisyo alang kaninyo, samtang maghinumdom kamo sa labing dako nga sakripisyo nga gihimo sa Manluluwas alang kaninyo. (“Pag-abli sa Kalangitan alang sa Tabang,” Liahona, Mayo 2020, 74)

Unsa ang akong buhaton nga dawaton sa Ginoo ang akong pagpuasa?

Si Elder Joseph B. Wirthlin (1917–2008) mitudlo:

15:23

Kon walay pag-ampo, ang pagpuasa dili hingpit nga pagpuasa; pagpagutom lamang kini. Kon gusto nato ang atong pagpuasa nga labaw pa kay sa dili lang pagkaon, kinahanglang ibayaw nato ang atong mga kasingkasing, atong mga hunahuna, ug atong mga tingog sa pakig-istorya sa atong Langitnong Amahan. Ang pagpuasa, inubanan sa hugot nga pag-ampo, gamhanan. Makapuno kini sa atong mga hunahuna sa mga pagpadayag sa Espiritu. Makalig-on kini nato batok sa mga panahon sa tentasyon. (“The Law of the Fast,” Liahona, May 2001, 73)

Unsay mahitabo kon ang mga baroganan sa pagpuasa anaa sa tibuok kalibotan?

Si Presidente Gordon B. Hinckley (1910–2008) mitudlo:

Unsay mahitabo kon ang mga baroganan sa adlaw sa pagpuasa ug ang halad sa puasa gibuhat sa tibuok kalibotan[?] Ang gigutom mahimong pakan-on, bistihan ang hubo, pagpasilong sa walay kapoy-an. … Motubo ang pagbati sa pagpakabana ug motubo ang pagkadili hakog sa kasingkasing alang sa katawhan bisan asa. (“The State of the Church,” Ensign, May 1991, 52–53)

Dugang nga mga Kalihokan sa Pagkat-on

Laing paagi sa pagsugod

Handurawa ang inyong ward o branch nga nagpuasa alang sa usa ka miyembro nga naglisod sa isyu sa kahimsog. Usa ka bag-ong miyembro sa Simbahan ganahan nga moapil apan dili pamilyar sa baroganan sa puasa. Ikonsiderar ang pagdapit sa mga estudyante sa pagtrabaho sa kapares ug ipakigbahin sa unsang paagi tingali motubag sa mosunod nga mga pangutana:

Unsa ang pagpuasa?
Unsa ang gitudlo sa Ginoo mahitungod sa pagpuasa?
Sa unsang paagi kini magtabang kanako o sa uban?

Pagbayad og mga halad sa puasa

Kon ang mga estudyante mopakigbahin sa ilang kaugalingon nga mga kasinatian sa pagpuasa, mahimo nimong ipakigbahin nga si Elder Joseph B. Wirthlin (1917–2008) sa Korum sa Napulog Duha ka Apostoloes mitudlo sa kabatan-onan “mahimo usab nga mobayad og halad sa puasa kon sila mopili” (“The Law of the Fast,” Ensign, May 2001, 74). Pwede nimong pangutan-on kon kinsa sa mga estudyante ang nagbayad sa ilang mga halad sa puasa ug ganahan nga mopakigbahin sa ilang kasinatian.

Mga ehemplo sa mga panalangin sa pagpuasa

Ang mosunod nga mga ehemplo sa bidyo mahimong gamiton imbis ang bidyo sa leksiyon:

Alang sa ehemplo sa mga panalangin nga nasinati sa young adult samtang nagsugod siya sa pagpuasa, ipasalida ang “Fasting: A Young Single Adult Ward- Amanda” (2:41).

2:41

Alang sa ehemplo kon sa unsang paagi ang mga halad sa puasa makatabang niadtong nanginahanglan, ipasalida ang “The Fast Offering” (8:08) gikan sa 2:02 hangtod sa 7:17

8:8

Alang sa ehemplo sa kasinatian ni Elder Joseph B. Wirthlin nga nakatabang niya nga higugmaon ang kabos, mga miyembro sa Simbahan nga nagbayad sa mga halad sa puasa, ug ang mga lider kinsa nangalagad sa tabang, Ipasalida ang“The Law of the Fast,” (15:23) gikan sa timecode 9:01–10:20.

15:23

Alang sa ehemplo kon unsaon sa pagpahiangay sa baroganan sa pagpuasa alang niadtong dili makapuasa og 24 oras, ipasalida ang“Is Not This the Fast that I Have Chosen?” (17:19) gikan sa timecode 14:07–15:45.

17:19