Manwal sa Magtutudlo sa Seminary sa Daang Tugon

Mga Sulod
Ulohan nga Pahina
Pasiuna sa Manwal sa Magtutudlo
Daang Tugon nga mga Leksiyon
- Welcome sa Daang Tugon
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko sa Pagkabanhaw
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Numeros 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Maghuhukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Mga Cronicas 14–20, 26, 30
- Esdras 1, 3–7; Nehemias 2, 4–6, 8
- Ester
- Job 1–3; 12–14; 19; 21–24; 38–40; 42
- Mga Salmo 1–2; 8; 19–33; 40; 46
- Mga Salmo 49–51; 61–66; 69–72; 77–78; 85–86
- Mga Salmo 102–103; 110; 116–119; 127–128; 135–139; 146–150
- Mga Panultihon 1–4; 15–16; 22; 31; Ecclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3, 7, 16–18, 20
- Jeremias 31–33; 36–38; Mga Pagbangotan 1, 3
- Ezequiel 1–3; 33–34; 36–37; 47
- Daniel 1–7
- Oseas; Joel
- Amos; Abdias; Jonas
- Miqueas; Nahum; Habacuc, Sofonias
- Hageo 1–2; Zacarias 1–4, 7–14
- Malaquias
Mga Leksiyon sa Pagpangandam sa Kinabuhi
- Doktrinal nga Kahanas: Pagpangita og mga Tubag sa Akong mga Pangutana
- Mga Kahanas sa Pagtuon sa Kasulatan
- Giya sa Alang sa Kalig-on sa mga Kabatan-onan
- Pag-ugmad sa Pagbarog pinaagi sa Kinaugalingong Paningkamot
- Pisikal ug Emosyonal nga Kahimsog
- Pagpangandam alang sa Umaabot nga Edukasyon ug Panarbaho
- Magmalamposon sa Pag-eskwela
- Pagpangandam sa Misyonaryo
- Pagpangandam alang sa Templo
- Mga Pagtulun-an sa mga Lider sa Simbahan
Apendiks

Isaias 58:13–14: “Pagtawag sa Adlaw nga Igpapahulay nga usa ka Kahimut-an”

“Isaias 58:13–14: ‘Pagtawag sa Adlaw nga Igpapahulay nga usa ka Kahimut-an,’” Manwal sa Magtutudlo sa Seminary sa Daang Tugon (2026)

“Isaias 58:13–14: ‘Pagtawag sa Adlaw nga Igpapahulay nga usa ka Kahimut-an,’” Manwal sa Magtutudlo sa Seminary sa Daang Tugon

Isaias 58–66: Leksiyon 127

Isaias 58:13–14

“Pagtawag sa Adlaw nga Igpapahulay nga usa ka Kahimut-an”

South Africa. Members attending church on Sunday, young woman listening in Sunday School class.

Ang Manluluwas nagtudlo nga ang Igpapahulay gihatag aron sa pagpanalangin sa Iyang katawhan.(tan-awa sa Marcos 2:27). Unsa nga mga panalangin ang inyong nakita pinaagi sa pagtahod sa Langitnong Amahan ug ni Jesukristo sa adlaw nga Igpapahulay? Sa Isaias, atong nakat-onan nga kon motahod kita sa Langitnong Amahan ug sa Anak sa Ilang balaang Igpapahulay, ang maong adlaw mahimong panalangin kanato. Kini nga leksiyon makatabang sa mga estudyante sa pagtahod sa Ginoo sa adlaw nga Igpapahulay.

Pagpangandam sa estudyante: Dapita ang mga estudyante sa pagpamalandong kon unsay ila nang nahibaloan mahitungod sa pagsimba sa Langitnong Amahan ug ni Jesukristo sa Igpapahulay. Pwede silang maghimo og lista sa mga butang nga gibati nilang maayong buhaton aron mahimong balaan ang adlawng Igpapahulay.

Posibleng mga Kalihokan sa Pagkat-on

Unsay inyong pagbati mahitungod sa Igpapahulay?

Hatagi ang mga estudyante og oras sa pagpamalandong sa ilang mga pagbati mahitungod sa mga kamatuoran sa ebanghelyo nga makadapit sa Espiritu Santo aron makatabang nila sa pag-ila sa mga butang nga maayo sila ug sa mga dapit nga tingali kinahanglan pa nilang palamboon.

Hunahunaa sa makadiyot ang mahitungod sa imong pagbati sa Dominggo. Dapita ang Espiritu Santo nga motabang ninyo nga mahinumdoman ang pipila ka butang nga inyong buhaton sa Dominggo nga makatabang sa inyong mga pagbati mahitungod sa Igpapahulay. Dayon, tubaga ang mosunod nga mga pangutana diha sa inyong journal sa pagtuon.

Usnaon ninyo sa paghulagway sa inyong kasamtangang mga pagbati mahitungod sa Igpapahulay?
Unsa nga mga butang sa kasamtangan ang inyong gipaningkamotan sa pagbuhat (o dili buhaton) sa Igpapahulay?
Gibati ba ninyo nga kon unsay inyong kasagarang gibuhat sa Dominggo magtabang ninyo nga mapaduol ngadto sa Langitnong Amahan ug ni Jesukristo?

Samtang inyong tun-an ang Isaias 58:13–14 karon, dapita ang Espiritu Santo sa pagtabang ninyo nga makaila sa mga panalangin nga gisaad sa Langitnong Amahan ug ni Jesukristo samtang kamo mosimba Kanila sa Ilang balaan nga adlaw.

Pagtahod sa Ginoo sa Iyang Igpapahulay

Ang Isaias 58:13–14 usa ka tudling sa doktrinal nga kahanas. Ikonsiderar ang pagdapit sa mga estudyante sa pagmarka sa mga tudling sa doktrinal nga kahanas sa lahi nga paagi aron dali ra kini nilang makit-an.

Atol sa ikapito nga yugto sa paglalang, ang Langitnong Amahan ug si Jesukristo nagpahulay gikan sa Ilang paghago. Ilang gipanalanginan kini nga adlaw ug miestablisar niini isip usa ka panahon sa sagradong pagpahulay gikan sa yutan-ong “buhat” (tan-awa sa Moises 3:3). Ang Langitnong Amahan ug si Jesukristo nagdapit natong tanan sa pagsunod niini nga sundanan (tan-awa sa Exodo 20:8–10 ug Deuteronomio 5:12–14). Pinaagi sa Iyang propeta si Isaias, ang Ginoo misugo pag-usab sa Iyang katawhan sa pagpahinungod sa adlaw nga Igpapahulay ngadto Kaniya.

Tabangi ang mga estudyante sa pag-ila sa pipila ka pagdapit sa Ginoo nga gihatag kanato kalabot sa Igpapahulay pinaagi sa pagsulat sa mosunod nga dili kompletong pamahayag sa pisara: Kami nagbalaan sa adlaw nga Igpapahulay pinaagi sa …

Sa dihang ang Ginoo mihatag sa mga Israelita sa Napulo ka Sugo, Siya mimando nga ang Igpapahulay himoon nga balaang adlaw sa pagsimba Kaniya.

Basaha ang Isaias 58:13, nga markahan ang mga pulong ug hugpong sa mga pulong nga nagpatigbabaw nganha kanimo.

Unsa ang pipila ka mga paagi nga ang Ginoo mihangyo kanato sa paghimo nga balaan sa Iyang adlaw nga Igpapahulay?

Tabangi ang mga estudyante nga mogamit sa ilang kaugalingon nga mga pulong sa pagpasabot sa mga hugpong sa mga pulong sa bersikulo 13 nga mokompleto sa pamahayag sa kamatuoran. Tingali pwede nimong tabangan sila sa pag-ila sa mga hugpong sa mga pulong sama sa:

dili pagsunod sa atong mga interes o mga tinguha
pagtan-aw sa Igpapahulay nga usa ka adlaw sa hingpit nga kalipay (kahimut-an)
pagtahod sa Langitnong Amahan ug ni Jesukristo matag adlaw nga Igpapahulay

Ang mosunod nga kalihokan mahimong himoon sa indibidwal nga mga estudyante.

Pagpili og usa sa hugpong sa mga pulong sa bersikulo 13. Hunahunaa pag-ayo kon unsaon tingali ang paggamit niini nga hugpong sa mga pulong sa inyong kinabuhi. Mahimo ninyong irekord ang pipila sa inyong mga hunahuna diha sa inyong journal sa pagtuon. Samtang kamo mamalandong, dapita ang Espiritu Santo aron makatabang ninyo nga adunay mas dakong pagsabot sa mga butang nga inyong mabuhat.

Tingali makatabang ang pagpasabot nga ang pagbalaan sa adlaw nga Igpapahulay puno sa personal nga mga pagpili. Likayi ang paghisgot sa sakto ug sayop nga mga paagi sa pagbalaan sa adlaw nga Igpapahulay ug sa pag-awhag sa mga estudyante sa paglikay sa paghukom sa uban sa ilang mga pagpili.

Mga panalangin sa pagtahod sa Ginoo sa Iyang adlaw

Basaha ang Isaias 58:14, nga markahan ang mga pulong ug hugpong sa mga pulong nga makatabang nato sa pagsabot sa pipila sa mga panalangin nga gisaad sa Ginoo niadtong kinsa motahod Kaniya sa Iyang Igpapahulay.

Unsaon ninyo sa pagpasabot niini nga mga panalangin gamit ang inyong kaugalingong mga pulong?

Aron sa pagtabang sa mga estudyante sa pag-ila sa mga panalangin nga gisaad sa Ginoo, tingali kinahanglan ninyong ipakigbahin ang gipasabot sa hugpong sa mga pulong sama sa:

“Unya ikaw magakalipay sa imong kaugalingon sa [Ginoo]” – Kita adunay hingpit nga kalipay diha sa Ginoo.

“Pasak-on ko ikaw sa hatag-as nga mga dapit sa yuta ug pakan-on ko ikaw uban sa kabilin ni Jacob” – Ang Ginoo misaad og mga panalangin ngadto sa Iyang katawhan sa pakigsaad.

Tingali makatabang ang pagpakigbahin nga ang “hatag-as nga mga dapit” mahimong nagpasabot sa mga bukid, mga bungtod, mga salipdanan, o balaan nga mga lugar. Kini nga hugpong sa mga pulong nagpasabot nga “ang Ginoo mopanalangin sa Iyang katawhan sa pakigsaad nga makabuntog sa tanang mga babag, maprotektahan ug dili mamiligro, mahimong modaog batok sa mga kaaway (tan-awa sa Deuteronomio 33:29), ug mapaduol ngadto sa Ginoo.” (“Line upon Line: Isaiah 58:13-14,” New Era, Feb. 2016)

Mahimo nimong dapiton ang mga estudyante sa pagdugang diha sa pisara sa mga panalangin nga ilang nakaplagan. Kon ang mga estudyante nagkinahanglan og dugang tabang sa pagsabot sa mga baroganan sa pagsimba sa Igpapahulay, mahimo nimo silang dapiton sa pagpangita og dugang mga panalangin, sama sa makita sa Ezequiel 20:20 ug Doktrina ug mga Pakigsaad 59:9–13.

Ngano tingali nga ang pipila naglimbasog sa pagtan-aw nga ang pagbalaan sa adlaw nga Igpapahulay usa ka “kahimut-an.”?
Unsa nga mga babag ang tingali ilang gisagubang?

Si Presidente Russell M. Nelson mipakigbahin sa mosunod mahitungod kon unsa ang nakatabang niya sa pagbuntog sa babag nga iyang gisagubang sa paghimo og mga desisyon mahitungod kon unsaon sa pagtahod ang Langitnong Amahan ug si Jesukristo sa mga Dominggo.

14:46

Ang Manluluwas mipaila sa iyang Kaugalingon isip Ginoo sa Igpapahulay. Kini ang Iyang adlaw! Balik-balik, Siya mihangyo kanato sa pagtuman sa Igpapahulay o sa pagbalaan sa adlaw nga Igpapahulay. Ubos kita sa pakigsaad sa pagbuhat sa ingon.

Unsaon nato sa pagbalaan ang adlaw nga Igpapahulay? Niadtong mas batan-on pa ko, gitun-an nako ang lista nga gibuhat sa ubang tawo sa mga butang nga buhaton ug mga butang nga dili buhaton sa Igpapahulay. Ulahi na nakong nasayran gikan sa mga kasulatan nga ang akong binuhatan ug kinaiya panahon sa Igpapahulay maoy usa ka timailhan tali kanako ug sa akong Langitnong Amahan. Ubos nianang pagsabot, wala na ko magkinahanglan og listahan sa angay buhaton ug dili buhaton. Kon kinahanglan nakong modesisyon nga ang usa ka kalihokan angay ba o dili angay alang sa Igpapahulay, mangutana lang ko sa akong kaugalingon, “Unsa man nga timailhan ang gusto nakong ihatag ngadto sa Dios?” Kana nga pangutana nakapaklaro kaayo sa akong mga pagpili sa adlaw nga Igpapahulay. (“Ang Igpapahulay usa ka Kahimut-an,” Liahona, Abril 2015, 130)

Sa unsang paagi tingali ang Isaias 58:13–14 ug ang mensahe ni Presidente Nelson makatabang sa usa ka tawo kinsa nakigbisog sa mga babag nga inyong giila?

Ang mga estudyante mahimong mopakigbahin og angay nga mga kasinatian kon gibati nila nga napanalanginan sa ilang mga paningkamot sa pagtutok sa Langitnong Amahan ug ni Jesukristo sa Dominggo. Ang mosunod nga mga pangutana makatabang sa mga estudyante nga mopakigbahin sa ilang mga kasinatian.
Unsay inyong nakit-an nga nakatabang sa inyong abilidad sa pagtahod sa Ginoo sa Igpapahulay? Unsa nga mga panalangin ang inyong nakita gikan sa inyong mga panigkamot?

Unsa man nga timailhan ang gusto ninyong ihatag ngadto sa Dios?

Aron sa pagtabang sa mga estudyante nga makahimo og plano sa pagpalambo sa ilang kasinatian sa Igpapahulay, ipakita ang mosunod nga mga instruksiyon.

Paggahin og panahon sa pagpamalandong sa unsay inyong nakat-onan ug gibati mahitungod sa pagdapit sa Isaias 58:13–14 sa pagpadaplin sa personal nga tinguha ug iprayoridad ang pagtahod sa Langitnong Amahan ug ni Jesukristo sa Igpapahulay. Dapita ang Espiritu Santo sa pagtabang ninyo samtang tubagon ninyo ang mosunod nga pangutana diha sa inyong journal sa pagtuon.

Sa pagtahod sa Langitnong Amahan ug ni Jesukristo sa Igpapahulay, ako .

Pagsag-ulo

Pwede nimong tabangan ang mga estudyante sa pagsag-ulo sa pakisayran sa doktrinal nga kahanas ug sa mahinungdanong hugpong sa mga pulong sa kasulatan atol niini nga leksiyon ug dayon pagrebyo niini sa umaabot nga mga leksiyon. Ang importante nga hugpong sa mga pulong sa kasulatan alang sa Isaias 58:13–14 mao ang “Likay … gikan sa pagbuhat sa imong kalipayan sa akong adlaw nga balaan; ug sa pagtawag sa igpapahulay nga usa ka kahimut-an.” Ang mga ideya alang sa mga kalihokan sa pagsag-ulo anaa sa mga materyal sa apendiks ubos sa “Mga Kalihokan sa Pagrebyo sa Doktrinal nga Kahanas.”

Dugang nga mga Kapanguhaan

Unsa tingali nga mga panalangin ang moabot gikan sa pagpalambo sa atong pagsimba sa Igpapahulay?

Si Elder Quentin L. Cook sa Korum sa Napulog Duha ka Apostoles mitudlo:

15:36

Ang [p]agbalaan sa Igpapahulay usa ka matang sa pagkamatarong nga mopanalangin ug molig-on sa mga pamilya, magsumpay nato ngadto sa atong Tiglalang, ug modugang sa kalipay. Ang Igpapahulay mopalayo kanato gikan sa mga walay pulos, dili angay, o imoral. Magtugot kini nga kita maanaa sa kalibotan apan dili iya sa kalibotan.

Sa milabayng unom ka bulan, usa ka labing talagsaong kausaban ang nahitabo sa Simbahan. Pagsanong kini sa mga miyembro sa gibag-o nga empasis sa Unang Kapangulohan ug sa Korum sa Napulog Duha bahin sa Igpapahulay ug sa hagit ni Presidente Russell M. Nelson sa paghimo sa Igpapahulay nga usa ka kahimut-an. Daghang miyembro ang nakasabot nga ang tinuorayng pagbalaan sa adlawng Igpapahulay usa ka kadangpan gikan sa mga unos sa kinabuhi. Usa usab kini ka timaan sa atong debosyon ngadto sa atong Amahan sa Langit ug sa dugang nga panabot sa kasagrado sa sakramento nga miting. Taas pa gihapon kita og agian, apan may nindot kitang sinugdanan. Mohagit ko natong tanan nga ipadayon ang paghangop niini nga tambag ug palamboon ang atong pagsimba sa Igpapahulay. (“Sama sa Barko ug Sama sa Bristol: Pagpakatakos sa Templo—sa Maayo ug sa Lisod nga mga Panahon,” Liahona, Nob. 2015, 42)

Nganong kinahanglan man natong ibalaan ang adlaw nga Igpapahulay?

Si Elder David A. Bednar sa Napulog Duha ka Apostoles mipasabot:

Human ang Dios milalang sa tanang butang, mipahulay, Siya mipahulay sa ikapito nga adlaw ug misugo nga usa ka adlaw matag semana himoong panahon sa pagpahulay aron sa pagtabang sa mga tawo nga mohinumdom Kaniya. Ang Igpapahulay mao ang panahon sa Dios, usa ka sagrado nga panahon nga piho nga gilahi alang sa pagsimba Kaniya ug sa pagdawat ug paghinumdom sa Iyang dagko ug bililhong mga saad. …

[S]a [Igpapahulay] mosimba kita sa Amahan diha sa ngalan sa Anak pinaagi sa pag-apil sa mga ordinansa ug pagkat-on, pagdawat, paghinumdom, ug pagbag-o sa mga pakigsaad. Sa Iyang balaang adlaw, ang atong mga hunahuna, mga binuhatan, ug kinaiya maoy mga timailhan nga atong gihatag sa Dios ug usa ka timailhan sa atong gugma alang Kaniya.

Dugang nga katuyoan sa Igpapahulay mao ang pag-isa sa atong panan-aw gikan sa mga butang sa kalibotan ngadto sa mga panalangin sa kahangt[o]ran. Napahimulag ang atong kaugalingon atol niining sagradong panahon gikan sa naandang buluhaton sa atong busy nga kinabuhi, kita “[maka]hangad ngadto sa Dios ug magpakabuhi” pinaagi sa pagdawat ug paghinumdom sa dagko ug bililhong mga saad diin kita nahimong mag-aambit sa diosnong kinaiya. (“Bililhon ug Dagko Uyamot nga mga Saad,” Liahona, Nob. 2017, 92)

Dugang nga mga Kalihokan sa Pagkat-on

Gipasidunggan ni Jesukristo ang Langitnong Amahan sa Igpapahulay

Tingali ang mga estudyante makabenepisyo gikan sa pagtuon kon giunsa ni Jesukristo pagtahod ang Langitnong Amahan pinaagi sa Iyang mga aksiyon panahon sa Igpapahulay. Usa ka paagi sa pagbuhat niini mao ang paghatag sa pipila o tanan sa mosunod nga mga tudling. Dapita ang mga estudyante sa pag-ila sa mga asoy, nga mangita sa mga aksiyon nga gibuhat sa Manluluwas panahon sa Igpapahulay.

Mateo 12:8–13

Marcos 2:23–28

Lucas 13:11–17

Juan 5:2–16

Pwede nimong ipakita ang mosunod nga mga pangutana aron hisgotan sa mga estudyante:

Sa unsang paagi ang mga tawo niini nga mga asoy napanalanginan pinaagi sa pag-alagad sa Manluluwas?
Unsa ang pipila ka paagi nga kita makasunod sa ehemplo sa Manluluwas sa pagpangalagad sa uban panahon sa Igpapahulay?

Pagkonekta sa atong espirituwal nga gahom sa Igpapahulay

Aron maandam ang mga estudyante sa pagkat-on, mahimo nimong ipakita ang imahe sa usa ka cell phone nga wala nay battery. Dapita ang mga estudyante sa pagpakigbahin kon unsa ang ilang gibati sa ilang pagkakita niini ug unsa ang ilang buhaton sa pagsolbad niini nga problema.

Sa unsang paagi makompara ang battery sa cell phone sa atong espirituwal nga kinabuhi?
Unsay inyong gibuhat aron sa pagkonekta [recharge] kon gibati ninyo nga nawad-an sa espirituwal nga kadasig?

Kon kini wala masulti sa mga estudyante, imong ipakigbahin nga sama sa wala nay battery nga cell phone, kita kinahanglang kanunay mokonektar sa usa ka tinubdan sa gahom aron sa pagtabang sa pagbag-o sa atong espirituwal ug pisikal nga battery.

Human nila mailhan ang kamatuoran gikan sa Isaias 58:13–14, tingali pwede nimong pangutan-on ang mga estudyante sa unsang paagi ang pagdawat sa mga panalangin sa Igpapahulay nga ilang nailhan mahimong espirituwal nga pagkonekta alang kanato.

Kita makatutok sa mga panalangin sa Igpapahulay

Aron sa pagtabang nga mas makaila ang mga estudyante sa mga panalangin sa pagbalaan sa Igpapahulay, mahimo nimong ipasalida ang bidyo nga “Upon My Holy Day – Honoring the Sabbath [Sa Akong Adlaw nga Balaan – Pagbalaan sa Igpapahulay]” (1:30). Sa bidyo, si Presidente Jeffrey R. Holland mitudlo kanato sa pagtutok sa mga panalangin sa pagsunod sa pagbalaan sa Igpapahulay kaysa pagtan-aw lamang sa mga limitasyon.

1:30

Dayon, ikonsiderar ang paghatag sa usa sa mosunod nga mga opsiyon:

Hatagi ang mga estudyante og kopya sa pakigpulong ni Presidente Russell M. Nelson, “Ang Igpapahulay Usa ka Kahimut-an,” Liahona, Mayo 2015, 129–132.
Mahimong rebyohon sa mga estudyante ang adlaw nga Igpapahulay gikan sa Isangyaw ang Akong Ebanghelyo: Usa ka Giya sa Pagpakigbahin sa Ebanghelyo ni Jesukristo, 101–102.
Mahimong pangitaon sa mga estudyante ang “Adlawng Igpapahulay” nga anaa sa Mga Hilisgotan ug mga Pangutana diha sa Librarya sa Ebanghelyo ug mangita og mubo nga kinutlo gikan sa mga lider sa Simbahan mahitungod sa Igpapahulay.

Sunod sa ilang mga kalihokan sa pagkat-on, ang mga estudyante mahimong mopakigbahin kon sa unsang paagi ang ilang nakit-an nakatabang nila nga mobati sa gahom sa mga panalangin nga gisaad sa Ginoo.