Fuakava Motuʻá – Tohi Lēsoni ʻa e Faiako Seminelí

Kanotohi
Peesi Talamuʻakí
Talateu ki he Tohi Lēsoni ʻa e Faiakó
Ngaahi Lēsoni ʻo e Fuakava Motuʻá
- Talitali Lelei Koe ki he Fuakava Motuʻá
- Mōsese 1; ʻĒpalahame 3
- Sēnesi 1–2; Mōsese 2–3; ʻĒpalahame 4–5
- Sēnesi 3–4; Mōsese 4–5
- Sēnesi 5; Mōsese 6
- Mōsese 7
- Sēnesi 6–11; Mōsese 8
- Sēnesi 12–17; ʻĒpalahame 1–2
- Sēnesi 18–23
- Sēnesi 24–33
- Sēnesi 37–41
- Sēnesi 42–50
- ʻEkesōtosi 1–6
- Toetuʻú
- ʻEkesōtosi 7–13
- ʻEkesōtosi 14–18
- ʻEkesōtosi 19–20; 24; 31–34
- ʻEkesōtosi 35–40; Levitiko 1; 4; 16; 19
- Nōmipa 11–14; 20–24; 27
- Teutalōnome 6–8; 15; 18; 29–30; 34
- Sōsiua 1–8; 23–24
- Fakamaau 2–4; 6–8; 13–16
- Lute; 1 Samuela 1–7
- 1 Samuela 8–10; 13; 15–16
- 1 Samuela 17–18; 24–26; 2 Samuela 5–7
- 2 Samuela 11–12; 1 Ngaahi Tuʻi 3; 6–9; 11
- 1 Ngaahi Tuʻi 12–13; 17–22
- 2 Ngaahi Tuʻi 2–7
- 2 Ngaahi Tuʻi 16–25
- 2 Fakamatala Meʻa Hokohoko 14–20, 26, 30
- ʻĒsela 1, 3–7; Nehemaia 2, 4–6, 8
- ʻĒseta
- Siope 1–3; 12–14; 19; 21–24; 38–40; 42
- Saame 1–2; 8; 19–33; 40; 46
- Saame 49–51; 61–66; 69–72; 77–78; 85–86
- Saame 102–103; 110; 116–119; 127–128; 135–139; 146–150
- Lea Fakatātā 1–4; 15–16; 22; 31; Tangata Malanga 1–3; 11–12
- ʻĪsaia 1–12
- ʻĪsaia 13–14; 22; 24–30; 35
- ʻĪsaia 40–49
- ʻĪsaia 50–57
- ʻĪsaia 58–66
- Selemaia 1–3, 7, 16–18, 20
- Selemaia 31–33; 36–38; Tangilaulau ʻa Selemaia 1, 3
- ʻIsikieli 1–3; 33–34; 36–37; 47
- Taniela 1–7
- Hōsea; Soeli
- ʻĀmosi; ʻOpataia; Siona
- Maika; Nēhumi; Hapakuki, Sefanaia
- Hakeai 1–2; Sakalaia 1–4, 7–14
- Malakai
Ngaahi Lēsoni Teuteu ki he Moʻuí
- Fakataukei Fakatokāteliné: Ko Hono Kumi ʻa e Ngaahi Tali ki Heʻeku Ngaahi Fehuʻí
- Ngaahi Taukei Ako Folofolá
- Tohi Fakahinohino Ki Hono Fakamālohia ʻo e Toʻu Tupú
- Ko Hono Tanumaki ʻo e Moʻui Fakafalala Pē Kiate Kitá
- Tuʻunga Moʻui Lelei Fakatuʻasinó mo Fakaelotó
- Ko e Teuteu ki he Ako mo e Ngāue Maʻuʻanga Moʻui ʻi he Kahaʻú
- Lavameʻa ʻi he Akó
- Teuteu ki he Ngāue Fakafaifekaú
- Teuteu ki he Temipalé
- Ngaahi Akonaki ʻa e Kau Taki ʻo e Siasí
Fakamatala Fakalahí

ʻĪsaia 51–52: “Fanongo kiate Au”

“ʻĪsaia 51–52: ‘Fanongo kiate Au,’” Fuakava Motuʻá – Tohi Lēsoni ʻa e Faiako Seminelí (2026)

“ʻĪsaia 51–52: ‘Fanongo kiate Au,’” Fuakava Motuʻá – Tohi Lēsoni ʻa e Faiako Seminelí

ʻĪsaia 50–57: Lēsoni 123

ʻĪsaia 51–52

“Fanongo kiate Au”

Jesus Christ reaching out his hand near water outdoors, closeup

Naʻe folofola ʻa e ʻEikí ʻo fakafou ʻia ʻĪsaia ki Hono kakai ʻo e fuakavá, ʻi he kuonga muʻá pea mo e ʻahó ni fakatouʻosi. Naʻá Ne ʻoange ha ngaahi talaʻofa fakaʻofoʻofa kiate kinautolu ʻo kapau te nau fili ke fanongo ki Heʻene ngaahi fakaafe ʻofá. ʻI heʻetau hoko ko e kakai ʻo e fuakava ʻa e ʻEikí, ʻokú Ne ʻomi ʻa e ngaahi talaʻofa mo e ngaahi fakaafe tatau ko ʻení kiate kitautolu. ʻE lava ke tokoni ʻa e lēsoni ko ʻení ke fanongo ʻa e kau akó ki he ngaahi fakaafe ʻa e Fakamoʻuí.

Teuteu ʻa e tokotaha akó: Fakaafeʻi e kau akó ke nau fakalaulauloto ki ha taimi naʻa nau talangofua ai pe ko ha taha ʻoku nau ʻilo, ki ha taha ʻo e ngaahi fakaafe pe ngaahi fekau ʻa e ʻEikí pea naʻe tāpuekina ai kinautolu. ʻE ʻomi ʻe he lēsoní ha faingamālie ki he kau ako ʻe loto-fiemālie ke vahevahé.

Ngaahi ʻEkitivitī Ako ʻOku Ala Fakahokó

Ko hai ʻokú ke fanongo ki aí?

Fakakaukau ke hiki ʻi he palakipoé ʻa e niʻihi fakafoʻituitui ʻoku hā atu ʻi laló pe ko ha niʻihi kehe ʻokú ke ongoʻi ʻoku nau tākiekina ʻa e toʻu tupú.

Mātuʻá, Kaungāmeʻá, Faiakó, Faiako Vaʻingá, Taha ʻIloa ʻi he Mītia Fakasōsialé, Tokotaha ʻIloa

ʻOkú ke pehē ko hai ʻoku meimei ke fanongo mo muimui e toʻu tupú ʻi heʻenau faleʻí? Ko e hā hono ʻuhingá?
Ko e hā ʻoku mahuʻinga ai pe ko hai ʻoku tau fanongo mo muimui ki aí?

ʻI hono lau ʻe he kau akó ʻa e ngaahi veesi ko ʻení, mahalo te ke fie fakamahinoʻi ange ʻoku faʻa toutou fakaʻaongaʻi ʻe he kau faʻu tohi ʻi he folofolá ha ngaahi foʻi lea mo ha fakakaukau mahuʻinga ke fakamamafaʻi e ngaahi fakakaukau ʻoku mahuʻingá. ʻE lava ke akoako kumi ʻe hoʻo kau akó ʻa e ngaahi foʻi lea mo e kupuʻi lea mahuʻinga ʻoku toutou ʻasi ʻi he ngaahi veesi ko ʻení.

Lau ʻa e ʻĪsaia 51:1, 4, 7, ʻo kumi pe ko hai naʻe faleʻi ʻe he ʻEikí ʻa Hono kakai ʻo e fuakavá ke nau fanongo mo muimui ki aí. Mahalo te ke fie fakaʻilongaʻi ʻa e meʻa ʻokú ke maʻú.

Fakaafeʻi ʻa e kau akó ke vahevahe ʻa e meʻa naʻa nau maʻú. Kapau ʻoku fiemaʻu tokoni ʻa e kau akó ke mahino ʻa e foʻi lea ko e fanongó, fakakaukau ke fakamatalaʻi ange naʻe akoʻi ʻe Palesiteni Lāsolo M. Nalesoni ʻoku ʻuhinga ʻa e tokangá “ke fanongo ʻi he taumuʻa ʻo e talangofua” (“Fanongo kiate Ia,” Liahona, Mē 2020, 89).

Ko e hā ka fie fanongo mo muimui ai ha taha ki he faleʻi ʻa e Fakamoʻuí ʻi ha toe taha kehe?

Fakalaulauloto ki ha faʻahinga faingataʻa, hohaʻa, pe ngaahi fehuʻi te ke ala maʻu ʻi hoʻo moʻuí he taimí ni. Fakakaukau ki ha ngaahi founga ʻe ʻaonga ai kiate koe hoʻo tokanga ki he faleʻi mo e ngaahi fakaafe ʻa e Fakamoʻuí ʻi hoʻo ako ʻa e ʻĪsaia 51–52.

“Fanongo kiate au”

Lau ʻa e ʻĪsaia 51:1–2, ʻo kumi e ngaahi fakatātā mo e ngaahi fakataipe naʻe fakaʻaongaʻi ʻe ʻĪsaia ke fakamatalaʻi ʻaki ha fakaafe mei he ʻEikí.

Fakaafeʻi e kau akó ke vahevahe ʻa e meʻa ne nau maʻú mo e meʻa ʻoku nau ongoʻi ʻoku ʻuhinga ki ai e ngaahi ʻīmisi ko ʻení.

Fakamatalaʻi ange ʻoku ʻuhinga ʻa e kupuʻi lea ke “vakai ki he maka naʻe tā mei ai ʻa kimoutolú” pea sio kia ʻĒpalahame mo Selá (ʻĪsaia 51:1–2) ki he fakaafe ʻa e ʻEikí ke manatuʻi ʻa ʻĒpalahame mo Sela, ʻa ia naʻe fakahoko ai ʻe he ʻOtuá ʻEne fuakavá (naʻe toe ui foki ko e fuakava faka-ʻĒpalahamé). ʻOku ʻuhinga ʻeni ʻoku totonu ke tau manatuʻi ke tauhi ʻa e fuakava tatau ko ʻení mo e ʻOtuá.

Te ke lava ʻo fakaafeʻi e kau akó ke hiki ʻa e fakamatala taʻekakato ko ʻení ʻi heʻenau tohinoa akó: ʻI heʻetau tauhi ʻetau ngaahi fuakava mo e ʻEikí, te Ne ….

Ko e hā ʻene ʻuhinga kiate koe ke tauhi ʻetau ngaahi fuakava mo e ʻEikí?

Lau ʻa e ʻĪsaia 51:3, ʻo kumi e ngaahi tāpuaki ʻoku talaʻofa mai ʻe he Fakamoʻuí kapau te tau tokanga kiate Ia ke tauhi ʻetau ngaahi fuakavá.

Ko e hā ʻa e meʻa naʻá ke maʻú?

ʻE lava ke tānaki atu ʻe he kau akó ʻa e … tāpuakiʻi kitautolu ʻaki ha fiemālie, fiefia, mo e nēkeneka ki he fakamatala taʻekakató.
ʻOkú ke pehē ʻoku tokoni fēfē hono tauhi ʻetau ngaahi fuakava mo e ʻEikí ke tau maʻu ʻEne fakafiemālié, fiefiá, pe nēkeneká?

Ngaahi fakaafé mo e ngaahi tāpuakí

Faʻu pe fakaʻaliʻali e saati ko ʻení ʻi he palakipoé. ʻE lava foki ke hiki tatau ia ʻe he kau akó ʻi heʻenau tohinoa akó. Mahalo te ke fie tānaki atu e meʻa naʻe ʻilo ʻe he kau akó ʻi he ʻĪsaia 51:1–3, ko ha sīpinga. Hangē ko ʻení, te ke lava ʻo tānaki atu ʻa e “tauhi ʻetau ngaahi fuakava mo e ʻEikí” ki he kōlomu toʻohemá pea mo e “tāpuakiʻi kitautolu ʻaki ha fiemālie, fiefia, mo e nēkeneka” ki he kōlomu toʻomataʻú.

Naʻe lekooti ʻe ʻĪsaia ha ngaahi fakaafe mo ha ngaahi talaʻofa lahi mei he ʻEikí ʻi he ʻĪsaia 51–52. Lekooti ʻa e ngaahi fakaafe mo e ngaahi talaʻofa ʻokú ke maʻú ʻi hoʻo tohinoá ʻi hoʻo ako ʻa e ngaahi vahe ko ʻení.

Ko e Ngaahi Fakaafe ʻa e ʻEikí ki Hono kakai ʻo e fuakavá	Ko e Ngaahi Talaʻofa ʻa e ʻEikí ki Hono kakai ʻo e fuakavá
Ko e Ngaahi Fakaafe ʻa e ʻEikí ki Hono kakai ʻo e fuakavá	Ko e Ngaahi Talaʻofa ʻa e ʻEikí ki Hono kakai ʻo e fuakavá

Ko e hā ʻoku akoʻi atu ʻe he ngaahi fakaafe ko ʻení fekauʻaki mo e ʻuhinga ke tauhi hoʻo ngaahi fuakavá?
Ko e fē ʻi he ngaahi tāpuaki ʻa e ʻEikí ʻokú ke fuʻu fiemaʻú? Ko e hā hono ʻuhingá?
ʻOkú ke pehē ko e fē ʻi he ngaahi fakaafe ʻa e ʻEikí te ne tokoniʻi koe ke maʻu ʻa e tāpuaki ʻokú ke fekumi ki aí?

Tokanga ki he ʻEikí

Fakaafeʻi e kau akó ke fakakaukau ki he meʻa kuo nau ako mei heʻenau Tamai Hēvaní ʻo fakafou ʻi he Laumālie Māʻoniʻoní lolotonga e lēsoní. Ko ha founga ʻeni ʻe taha te ke lava ʻo fakahoko ai ʻeni.

Fakalaulauloto ki he meʻa naʻá ke ako he ʻaho ní mo ha faʻahinga fakaafe pe faleʻi pē ʻokú ke ongoʻi naʻe fakahoko atu ʻe he Tamai Hēvaní mo Sīsū Kalaisi kiate koe ʻo fakafou ʻi he Laumālie Māʻoniʻoní. Fakakaukau ke tali ‘a e ongo fehuʻi ko ‘ení ‘i hoʻo tohinoa akó:

Ko e hā ʻokú ke ongoʻi ʻoku fakaafeʻi koe ʻe he ʻEikí ke ke fai ke maʻu ʻEne tokoní ʻi hoʻo ngaahi faingataʻaʻiá, hohaʻá, pe ngaahi fehuʻí?

ʻĪsaia 51:3, 12. Ko e hā ha ngaahi founga ʻe lava ke fakafiemālieʻi ai kitautolu ʻe he Fakamoʻuí?

Naʻe akonaki ʻa ʻEletā ʻUlise Soālesi ʻo e Kōlomu ʻo e Kau ʻAposetolo ʻe Toko Hongofulu Mā Uá ʻo pehē:

11:10

Makehe mei hono ʻomi ʻo e meʻafoaki fakaʻeiʻeiki ko ʻeni ʻo e fakamoʻuí, ʻoku toe ʻomi ʻe he Fakamoʻuí e fakafiemālie mo e nonga ʻi heʻetau fehangahangai mo e mamahí, ʻahiʻahí, mo e ngaahi vaivai ʻo e moʻui fakamatelié. … Te u lava ke fakapapauʻi atu ʻoku ʻafioʻi maʻu pē ʻe Kalaisi ʻa e ngaahi faingataʻa ʻoku tau aʻusia ʻi he moʻui matelié. ʻOku mahino kiate Ia e koná, mamahí, mo e mamahiʻia fakatuʻasinó kae pehē ki he ngaahi pole fakaeloto mo fakalaumālie ʻoku tau fehangahangai mo iá. ʻOku fonu e loto ʻo e Fakamoʻuí ʻi he ʻaloʻofá, pea ʻokú Ne mateuteu maʻu pē ke tokoniʻi kitautolu. ʻOku malava ʻení koeʻuhí he naʻá Ne aʻusia fakataautaha pea toʻo kiate Ia ʻi he kakanó ʻa e faingataʻa ʻo hotau vaivaí mo e mamahí. (“Sīsū Kalaisi: Ko e Tauhi ʻo Hotau Laumālié,” Liahona, Mē 2021, 83)

ʻĪsaia 52:7. Ko hai ʻoku ʻuhinga ki ai ʻa e kupuʻi lea “hono ʻikai fakaʻofoʻofa ʻi he ngaahi moʻungá ʻa e vaʻe ʻo ia ʻoku ʻomi ʻa e ongoongo leleí, ʻa ia ʻoku fakahā ʻa e melinó”?

Naʻe fakamatala ʻa Palesiteni Sefilī R. Hōlani ʻo e Kōlomu ʻo e Kau ʻAposetolo ʻe Toko Hongofulu Mā Uá ʻo pehē:

Ko hono aofangatukú ko Kalaisi ʻoku fakaʻofoʻofa ʻi he ngaahi moʻungá. Pea ko ʻEne talaʻofa mohu ʻaloʻofa ia ʻo e “melino ʻi [he] māmaní,” ko ʻEne ongoongo lelei ʻo e “moʻui taʻengata ʻi he maama ka hoko maí” [T&F 59:23] ʻokú ne ngaohi kitautolu ke tau fakatōmapeʻe ʻi Hono toʻukupu kelekelé pea ui Hono huafá ko e monūʻia pea fakafetaʻi koeʻuhí ko hono fakafoki mai Hono Siasi moʻoni mo moʻuí. (“Peaceable Things of the Kingdom,” Ensign, Nov. 1996, 82)

Ngaahi ʻEkitivitī Fakalahi ki he Akó

ʻEkitivitī makehe ki he laʻipepa tufá

Kapau ʻokú ke fie tānaki atu ha ʻekitivitī ʻe taha ki he laʻipepa tufá, fakakaukau ke fakakau e ngaahi meʻá ni:

Lau ʻa e ʻĪsaia 51:15–16, ʻo kumi e ngaahi tāpuaki ʻoku talaʻofa ʻe he ʻEikí ki Hono kakaí.

Ke tokoni ke mahino kiate koe ʻa e kupuʻi lea “Kuó u ʻai ʻeku ngaahi leá ki ho ngutú” (ʻĪsaia 51:16), lau ʻa e Tokāteline mo e Ngaahi Fuakava 100:5–8, ʻo kumi ha talaʻofa tatau naʻe fai ʻe he ʻEikí kia Siosefa Sāmita mo Sitenei Likitoni.

Ke tokoni ke mahino kiate koe ʻa e kupuʻi lea “Kuó u fufū koe ʻaki ʻa e malumalu ʻo hoku nimá” (ʻĪsaia 51:16), fakalaulauloto pe ko e hā ʻoku maluʻi kitautolu ʻe he ngaahi ʻatá mo e malumalú mei aí.

Ko e hā e ngaahi talaʻofa naʻá ke maʻú?
Ko e hā ʻoku akoʻi atu ʻe he ngaahi talaʻofa ko ʻení fekauʻaki mo e ʻEikí mo e meʻa ʻokú Ne fai maʻa Hono kakai ʻoku nau tauhi ʻenau ngaahi fuakava mo Iá?

“Ke ke ʻā, ke ke ʻā” (ʻĪsaia 51:9, 17; 52:1)

Ke tokoni ki he kau akó ke ako e ngaahi veesi ko ʻení, fakakaukau ke fakaʻaliʻali ha uasi tatangi pea fehuʻi ki he kau akó pe ʻoku nau fakaʻaongaʻi ha uasi tatangi ke nau ʻā ai. Kapau ko ia, fehuʻi ange pe ʻoku lelei fēfē ʻenau uasi tatangí ʻi hono fafangu kinautolú.

ʻOkú ke pehē ʻoku ʻuhinga ki he hā ke mohe fakalaumālié?

Fakamatalaʻi ange naʻe tohi ʻe ʻĪsaia ʻi he ʻĪsaia 51:9–10, naʻe ongoʻi ʻe he kau ʻIsilelí naʻe mohe ʻa e ʻEikí ʻi heʻenau ngaahi palopalemá mo e ngaahi faingataʻá. Naʻa nau tautapa ke Ne ʻā hake ʻo tokoniʻi kinautolu ʻo hangē ko ia kuó Ne fai ʻi he kuohilí. Te ke lava ʻo fehuʻi ki he kau akó pe kuo nau ongoʻi tatau nai mo e kakai ʻIsilelí.

Hili iá, fakakaukau ke fakaafeʻi e kau akó ke lau ʻa e ʻĪsaia 51:11–16, ʻo kumi e tali ʻa e ʻEikí ki he kole ʻa e kau ʻIsilelí.

Ko e hā naʻe folofola ʻaki ʻe he ʻEikí ke fakamanatu kiate kinautolu ko hai Ia mo e meʻa te Ne lava ʻo faí?

Hili iá ʻe lava ke lau ʻe he kau akó ʻa e ʻĪsaia 51:17, ʻo kumi pe ko hai naʻe folofola ʻa e ʻEikí naʻe mohe fakalaumālié. Te nau lava leva ke ako ʻa e ʻĪsaia 52, ʻo kumi e ngaahi fakaafe ʻoku ʻomi ʻe he ʻEikí ke tokoniʻi kitautolu ke tau ʻā fakalaumālié.

“Fiefia, pea hanga hake ʻa homou matá ʻo taʻengata” (2 Nīfai 9:3)

Te ke lava ʻo fili ke tokanga taha ki he ʻuhinga naʻe fili ai ʻe Sēkope ke fakakau ʻa e ngaahi vahe ko ʻení ʻi heʻene malanga ki he kau Nīfaí ʻi he Tohi ʻa Molomoná (vakai, 2 Nīfai 8). Fakaafeʻi e kau akó ke lau ʻa e 2 Nīfai 9:3, ʻo kumi ha taha ʻo e ngaahi ʻuhinga naʻe ʻomi ʻe Sēkopé. Fakaafeʻi e kau akó ke nau ako ʻa e ʻĪsaia 51–52, ʻo kumi e ngaahi kupuʻi lea ʻe lava ʻo tokoni ki ha taha ke hiki hake hono ʻulú pea fiefia.

ʻI he taimi ʻoku hangē ʻoku ʻikai maʻu ai ha ngaahi tāpuakí

Ke tokoni ki he kau akó ke nau fili ke hokohoko atu ʻenau tokanga ki he ngaahi fakaafe ʻa e ʻEikí ʻi he taimi ʻoku ʻikai ke nau sio ai ki Heʻene ngaahi tāpuakí, fakakaukau ke huluʻi ʻa e vitiō, “No Blessings Denied the Faithful” (3:01). Hili iá, ʻe lava ke vahevahe ʻe he kau akó ‘a e meʻa ne nau ako pe ongoʻí.

3:2