Pagbansay 8 sa Doktrinal nga Kahanas

Ikonsiderar ang paghatag sa matag estudyante og gagmayng piraso sa papel. Dapita sila sa pagsulat og mubo nga paghulagway sa usa ka lisod nga kahimtang nga giatubang sa ilang kaila ug dayon sa pagbutang sa papel sa usa ka sudlanan. Awhaga ang mga estudyante nga dili isulat ang mga ngalan o mga detalye nga personal ra kaayo tungod kay ang ubang mga estudyante mobasa sa ilang mga papel.

Dayon, iparespares ang mga estudyante. Ang matag pares mopili og duha ka papel gikan sa sudlanan ug kompletohon ang tulo ka lakang sa ubos.

Human sa igo nga panahon, dapita ang managpares sa pagpakigbahin sa klase unsay ilang nahisgotan.

Kon ang mga estudyante nagkinahanglan og tabang sa pag-ila sa tudling sa doktrinal nga kahanas nga magamit sa ilang sitwasyon, mahimo nimo silang idirekta sa tudling nga tingali magamit sa daghang sitwasyon, sama sa Mga Proverbio 3:5–6 o 2 Nephi 32:3.

Kini nga kalihokan mokabat lamang og 10–15 ka minuto aron sa paghatag og oras sa mga estudyante sa pagkat-on ug paggamit sa mga baroganan sa pag-angkon og espirituhanong kahibalo alang sa nahabilin nga leksiyon.

Ang nahibiling bahin sa leksiyon gituyo aron sa pagtabang sa mga estudyante sa paggamit sa mga baroganan sa pag-angkon og espirituhanong kahibalo diha sa tinuod nga situwasyon.

Ikonsiderar ang mga pagpakita sa litrato sa usa ka batan-ong babaye ug sa senaryo sa ubos.

Ang senaryo tingali mahimong mas tinuod kon blangkohan nimo ang adunay linya nga mga bahin ug dapita ang mga estudyante nga butangan ang mga blangko sa doktrina sa Simbahan ug mga sumbanan nga may kalabotan sa ilang kinabuhi.

Pipila sa imong mga estudyante dili tingali makasabot kaayo ni Julietta. Pwede ka nga mohangyo og mga bulontaryo kinsa nakasinati sa samang sitwasyon aron sa paghulagway unsa kini ug unsay nakalisod sa pag-atubang niini. Mahimo nimong ipasabot nga kon pareho o dili ang ilang mga kasinatian ni Julietta, ang katuyoan sa senaryo mao ang pagtugot sa pagpraktis gamit ang mga baroganan sa pag-angkon og espirituhanong kahibalo ug sa doktrina nga bag-o nilang nakat-onan.

Hangyoa ang mga estudyante sa pagrebyo sa mga baroganan sa mga parapo 5–12 sa “Pag-angkon og Espirituhanong Kahibalo” nga seksiyon sa Mahinungdanong Dokumento sa Doktrinal nga Kahanas, nga mangita sa mga baroganan nga makatabang sa usa ka tawo nga nakasinati sa samang sitwasyon ni Julietta.

Kon mahuman na sa pagrebyo ang mga estudyante, hatagi sila og taas nga oras sa paghisgot sa mga baroganan nga ilang gibati nga makatabang ni Julietta.

Base sa ilang panaghisgot, pwede kang mopili og mga seksiyon gikan sa nahibiling materyal sa leksiyon nga makatabang sa imong mga estudyante nga mas makasabot sa mga baroganan sa pag-angkon og espirituhanong kahibalo.

Ikonsiderar ang pagpakita sa mosunod nga mga pangutana ug dapita ang mga estudyante sa paghisgot sa ilang mga tubag diha sa gagmay nga mga grupo. Tuyoka ang lawak ug paminawa ang ilang mga panaghisgot, nga magdugang og mga panglantaw o direksiyon kon gikinahanglan.

Ang mosunod nga mga instruksiyon magtugot sa mga estudyante sa pagpakigbahin unsay ilang nakaplagan. Hulata hangtod nga makompleto nila ang matag lakang sa dili pa mohatag sa sunod nga lakang.

(Agig dugang sa pagrebyo sa parapo 8 diha sa Mahinungdanong Dokumento sa Doktrinal nga Kahanas sa lakang 1, pwede usab nimong hatagan ang mga estudyante og pipila ka minuto sa pagtuon sa“Pakisayod sa Kasaligan nga mga Tinubdan” nga seksiyon sa Pagpangita og Tubag sa mga Pangutana [Librarya sa Ebanghelyo, Mga Hiligotan ug mga Pangutana].)

Kon mahuman na ang mga estudyante sa kalihokan, pwede kang mohangyo og mga bulontaryo sa pagpakigbahin sa mga panabot nga gitudlo sa ilang klasmeyt kanila. Pwede usab nimo silang dapiton sa pagsulat sa bisan unsa nila nga mga impresyon nga nadawat sa ilang kaugalingong kinabuhi.

Ang pagdugang sa mosunod ngadto sa senaryo ni Julietta makatabang sa mga estudyante nga maandam sa paghisgot sa kaimportante sa mga tinubdan nga dangpan sa atong kinabuhi.

Ikonsiderar ang pagdapit sa mga estudyante sa paghisgot sa mosunod nga mga pangutana uban sa usa ka pares.

Kon mahuman na ang mga pares sa panaghisgot, pagdapit og bulontaryo sa pagpakigbahin kon unsa ang ilang nahisgotan uban sa klase. Pwede kang mohangyo sa mga estudyante sa pagpakigbahin nganong mao kadto ang ilang tubag. Ikonsiderar ang pagtabang sa mga estudyante nga makasabot nga ang mga tinubdan nga ilang gidangpan makapaduol nila o makapalayo gikan sa Langitnong Amahan.

Aron makapraktis ang mga estudyante sa pagtinguha sa dugang panabot pinaagi sa balaanong gihatag nga mga tinubdan, ang mga managpares pwede usab nga mangita ug mopakigbahin sa mga tudling sa doktrinal nga kahanas nga makatabang ni Julietta. Mga ehemplo sa mga tudling nga tingali ilang magamit naglakip sa Josue 24:15; Mga Proverbio 3:5–6; Isaias 5:20; Mateo 5:14–16; ug Doktrina ug mga Pakigsaad 6:36.

Pwede nimong taposon ang klase pinaagi sa pagdapit sa mga estudyante nga mainampoong tubagon ang usa sa mosunod nga mga pangutana diha sa ilang mga journal sa pagtuon. Awhaga nga hatagan og pagtagad ang mga impresyon gikan sa Espiritu samtang sila namalandong ug nagsulat.