Fuakava Motuʻá – Tohi Lēsoni ʻa e Faiako Seminelí

Kanotohi
Peesi Talamuʻakí
Talateu ki he Tohi Lēsoni ʻa e Faiakó
Ngaahi Lēsoni ʻo e Fuakava Motuʻá
- Talitali Lelei Koe ki he Fuakava Motuʻá
- Mōsese 1; ʻĒpalahame 3
- Sēnesi 1–2; Mōsese 2–3; ʻĒpalahame 4–5
- Sēnesi 3–4; Mōsese 4–5
- Sēnesi 5; Mōsese 6
- Mōsese 7
- Sēnesi 6–11; Mōsese 8
- Sēnesi 12–17; ʻĒpalahame 1–2
- Sēnesi 18–23
- Sēnesi 24–33
- Sēnesi 37–41
- Sēnesi 42–50
- ʻEkesōtosi 1–6
- Toetuʻú
- ʻEkesōtosi 7–13
- ʻEkesōtosi 14–18
- ʻEkesōtosi 19–20; 24; 31–34
- ʻEkesōtosi 35–40; Levitiko 1; 4; 16; 19
- Nōmipa 11–14; 20–24; 27
- Teutalōnome 6–8; 15; 18; 29–30; 34
- Sōsiua 1–8; 23–24
- Fakamaau 2–4; 6–8; 13–16
- Lute; 1 Samuela 1–7
- 1 Samuela 8–10; 13; 15–16
- 1 Samuela 17–18; 24–26; 2 Samuela 5–7
- 2 Samuela 11–12; 1 Ngaahi Tuʻi 3; 6–9; 11
- 1 Ngaahi Tuʻi 12–13; 17–22
- 2 Ngaahi Tuʻi 2–7
- 2 Ngaahi Tuʻi 16–25
- 2 Fakamatala Meʻa Hokohoko 14–20, 26, 30
- ʻĒsela 1, 3–7; Nehemaia 2, 4–6, 8
- ʻĒseta
- Siope 1–3; 12–14; 19; 21–24; 38–40; 42
- Saame 1–2; 8; 19–33; 40; 46
- Saame 49–51; 61–66; 69–72; 77–78; 85–86
- Saame 102–103; 110; 116–119; 127–128; 135–139; 146–150
- Lea Fakatātā 1–4; 15–16; 22; 31; Tangata Malanga 1–3; 11–12
- ʻĪsaia 1–12
- ʻĪsaia 13–14; 22; 24–30; 35
- ʻĪsaia 40–49
- ʻĪsaia 50–57
- ʻĪsaia 58–66
- Selemaia 1–3, 7, 16–18, 20
- Selemaia 31–33; 36–38; Tangilaulau ʻa Selemaia 1, 3
- ʻIsikieli 1–3; 33–34; 36–37; 47
- Taniela 1–7
- Hōsea; Soeli
- ʻĀmosi; ʻOpataia; Siona
- Maika; Nēhumi; Hapakuki, Sefanaia
- Hakeai 1–2; Sakalaia 1–4, 7–14
- Malakai
Ngaahi Lēsoni Teuteu ki he Moʻuí
- Fakataukei Fakatokāteliné: Ko Hono Kumi ʻa e Ngaahi Tali ki Heʻeku Ngaahi Fehuʻí
- Ngaahi Taukei Ako Folofolá
- Tohi Fakahinohino Ki Hono Fakamālohia ʻo e Toʻu Tupú
- Ko Hono Tanumaki ʻo e Moʻui Fakafalala Pē Kiate Kitá
- Tuʻunga Moʻui Lelei Fakatuʻasinó mo Fakaelotó
- Ko e Teuteu ki he Ako mo e Ngāue Maʻuʻanga Moʻui ʻi he Kahaʻú
- Lavameʻa ʻi he Akó
- Teuteu ki he Ngāue Fakafaifekaú
- Teuteu ki he Temipalé
- Ngaahi Akonaki ʻa e Kau Taki ʻo e Siasí
Fakamatala Fakalahí

ʻĪsaia 49: “Kuó u Tohi Tongi Koe ʻi Hoku ʻAofi Nimá”

“ʻĪsaia 49: ‘Kuó u Tohi Tongi Koe ʻi Hoku ʻAofi Nimá,’” Fuakava Motuʻá – Tohi Lēsoni ʻa e Faiako Seminelí (2026)

“ʻĪsaia 49: ‘Kuó u Tohi Tongi Koe ʻi Hoku ʻAofi Nimá,’” Fuakava Motuʻá – Tohi Lēsoni ʻa e Faiako Seminelí

ʻĪsaia 40–49: Lēsoni 121

ʻĪsaia 49

“Kuó u Tohi Tongi Koe ʻi Hoku ʻAofi Nimá”

The Christus statue in the Salt Lake North Visitors' Center. The sculpture portrays the resurrected Jesus Christ standing with His arms slightly extended. The wounds of the Crucifixion are visible in the hands, feet and side of the figure. The holdings include details of various parts (such as the hands or feet) of the sculpture.

ʻOku ʻafioʻi mo ʻofaʻi fakataautaha mo haohaoa koe ʻe he Tamai Hēvaní mo Sīsū Kalaisi. Ka ʻi he taimi ʻe niʻihi, ʻoku tau mamata ki he ngaahi faingataʻa ʻo e moʻui fakamatelié mo tangi, “Kuo liʻaki au ʻe [he ʻEikí]” (vakai, ʻĪsaia 49:14). ʻOku fakapapauʻi mai ʻe he ngaahi lea ʻa ʻĪsaiá kuo tohi tongi kitautolu ʻi he toʻukupu ʻo e Fakamoʻuí pea he ʻikai toe liʻaki pe fakangaloʻi (vakai, ʻĪsaia 49:16). ʻE lava ke tokoni ʻa e lēsoni ko ʻení ke ongoʻi ʻe he kau akó ʻoku ʻofa ʻa e Tamai Hēvaní mo Sīsū Kalaisi ʻiate kitautolu pea he ʻikai te Na fakangaloʻi kitautolu.

Teuteu ʻa e tokotaha akó: Fakaafeʻi e kau akó ke omi ki he kalasí kuo nau fakalaulauloto ki ha ngaahi aʻusia ne nau ongoʻi ai ne manatuʻi kinautolu ʻe he Tamai Hēvaní mo Sīsū Kalaisi. Mahalo te nau fehuʻi ki ha mēmipa ʻo e fāmilí pe kaungāmeʻa fekauʻaki mo ha ngaahi aʻusia ʻo e ongoʻi ʻoku manatua ʻe he Tamai Hēvaní mo Sīsū Kalaisí.

Ngaahi ʻEkitivitī Ako ʻOku Ala Fakahokó

Manatua ʻe he ʻEikí

Fakakaukau ke kamata e kalasí ʻaki hano fakaʻaliʻali ha fakatātā ʻo e fanga kiʻi matalaʻi ʻakau iiki ʻoku ui ko e “ʻoua naʻa ngalo aú.”

ʻI hono vahevahe ʻe Palesiteni Tieta F. ʻUkitofa ha manatu melie ki heʻene kei siʻí, lolotonga ʻene ʻi he Kau Palesitenisī ʻUluakí, naʻá ne pehē:

21:42

ʻI heʻeku kei siʻí, ne u faʻa siofi e fanga kiʻi matalaʻi ʻakaú peá u ongoʻi tatau tofu pē mo e matalaʻi ʻakau ko iá—ʻo siʻisiʻi pea ʻikai haku mahuʻinga. Ne u fifili pe ʻe ngalo nai au ʻi hoku fāmilí pe ko ʻeku Tamai Hēvaní. (“ʻOua naʻa Ngalo Au,” Liahona, Nōvema 2011, 122)

Ko e hā ha ngaahi ʻuhinga ʻe ala ongoʻi ai ʻe ha taha taʻu hongofulu tupu ʻoku fakangaloʻi ia ʻe he niʻihi kehé pe ko e Tamai Hēvaní?
Ko e hā kuó ke ʻosi ʻilo fekauʻaki mo e Tamai Hēvaní mo Sīsū Kalaisi te ke fie vahevahe mo ha taha ʻokú ne ongoʻi ʻoku fakangaloki iá?

Naʻe hoko atu ʻa Palesiteni ʻUkitofa:

21:42

Hili ha ngaahi taʻu lahi mei ai, naʻe lava ke u toe manatu atu ki he kiʻi talavou ko iá ʻi he anga vaivai mo e manavaʻofa. Pea ʻoku ou ʻilo he taimí ni—naʻe ʻikai pē ke teitei ngalo au. Pea ʻoku ou ʻiloʻi mo ha meʻa kehe: pea ʻi heʻeku hoko ko ha ʻAposetolo ʻo hotau ʻEiki ko Sīsū Kalaisí, ʻoku ou talaki ia ʻi he loto ʻiloʻilo pau mo e loto-fakapapau—pea ʻoku pehē pē mo kimoutolu! ʻOku ʻikai ke ngalo ʻa kimoutolu. (“ʻOua naʻa Ngalo Au,” Liahona, Nōvema 2011, 122)

Fakalaulauloto ki hoʻo ngaahi aʻusia mo e Tamai Hēvaní mo Sīsū Kalaisí ʻi hoʻo tali ʻa e ngaahi fehuʻi ko ʻení:

ʻOkú ke ongoʻi loto-falala fēfē ʻokú Na ʻafioʻi mo manatuʻi koé?
Ko e hā ha ngaahi aʻusia kuó ke maʻu pe ko ha taha ʻokú ke ʻilo ʻe tokoni ke mahino lelei ange kiate koe ʻa e founga ʻokú Na ʻafioʻi mo manatuʻi lelei ange ai koé?

ʻI hoʻo ako ʻa e ʻĪsaia 49 he ʻaho ní, fekumi ki ha ngaahi ueʻi mei he Laumālie Māʻoniʻoní ʻoku nau fakamoʻoniʻi he ʻikai ke ke teitei ngalo ʻi he Tamai Hēvaní mo Sīsū Kalaisi.

He ʻikai ngalo ʻi he ʻEikí ʻa Saione

Te ke lava ʻo fakamahinoʻi ange ʻoku faʻa tohi ʻa ʻĪsaia ʻi ha founga ʻe lava ke fakahaaʻi ai ʻene ngaahi leá ʻe ha kakai kehekehe, kau ai ʻa e Fakamoʻuí, ʻĪsaia tonu, ʻIsileli fuakava ʻo e kuonga muʻá, pe ko ʻIsileli fuakava ʻo onopōní. Koeʻuhí ko e faʻahinga founga fakapunake ko ʻení, ʻoku ʻaonga lahi ʻa e ngaahi tohi ʻa ʻĪsaiá ki ha ngaahi taimi mo ha ngaahi tūkunga kehekehe. Ko e ʻuhinga ia naʻe ongoʻi fiemālie ai ʻa Nīfai ʻi hono fakatatau e ngaahi lea ʻa ʻĪsaiá kiate ia mo hono kakaí (vakai, 1 Nīfai 19:23).

Te ke lava foki ʻo fakamatalaʻi ange ki he kau akó, ʻi he taimi naʻe ui ai ʻe he ʻEikí ʻa ʻĪsaia ke ne malanga ʻaki ʻa e fakatomalá, naʻá Ne ʻafioʻi he ʻikai tali lelei ʻa e pōpoakí (vakai, ʻĪsaia 6:9–10). Te ke lava ʻo ʻeke ki he kau akó pe te nau ongoʻi fēfē fekauʻaki mo ha ngāue tatau.

Lau ʻa e ʻĪsaia 49:4–5, ʻo fakakaukau ki he ʻuhinga naʻe ongoʻi pehē ai ʻa ʻĪsaiá. Hili iá pea lau kinautolu ʻo fakakaukau ki he founga ʻe lava ke ongoʻi peheni ai ʻa e kakai fuakava ʻa e ʻOtuá.

Naʻa mo e taimi ʻoku tau faingataʻaʻia aí, ko e hā ʻoku tokoniʻi kitautolu ʻe he ngaahi veesi ko ʻení ke tau manatuʻi fekauʻaki mo e ʻEikí?

Lau ʻa e ʻĪsaia 49:13–16, ʻo kumi e meʻa naʻe finangalo ʻa e ʻEikí ke mahino ki Hono kakai ʻo e fuakavá (Saioné).

Te ke fakamatalaʻi fakanounou fēfē nai ʻeni ko ha fakamatala ʻo e moʻoní?

ʻE lava ke fakaʻaongaʻi ʻe he kau akó ha lea pē ʻanautolu, ka ke tokoniʻi ke nau ʻiloʻi ʻa e foʻi moʻoni ʻoku ʻofa ʻa e ʻEikí ʻiate kitautolu pea he ʻikai teitei ngalo pe liʻaki kitautolu.

ʻI hoʻo teuteu ki he ʻekitivitī tohinoa ko ʻení, te ke lava ʻo fakaʻaliʻali ha ngaahi fakatātā ʻo e Fakamoʻuí ʻi he kolosí pea mo e matakafo ʻo e faʻó ʻi Hono toʻukupu toetuʻú.

Christ hanging on a cross at Calvary. Two thieves, also hanging on crosses are at the left and right of Christ. Numerous observers, including Mary, the mother of Christ, Mary Magdalene, other mourners and Roman soldiers are gathered around the crosses. Thunder clouds are gathering in the sky.

Jesus Christ’s hands showing the nail prints from his crucifixion in Jerusalem.

Fakakaukau ke tā ha hiva leʻosiʻi mo toputapu ke fakaafeʻi ʻa e Laumālié ʻi he taimi ʻoku tohi ai ʻa e kau akó.

Fakafekauʻaki pe fakafehokotaki ʻa e ʻĪsaia 49:16 mo e Sione 19:15–19 mo e 3 Nīfai 11:10–15. Lau māmālie ʻa e ngaahi potufolofola ko ʻení, ʻo fakaʻilongaʻi ʻa e ngaahi foʻi lea mo e kupuʻi lea ʻoku tokoni atu ke ke ongoʻi ʻa e ʻofa ʻoku maʻu ʻe he Tamai Hēvaní mo Sīsū Kalaisi kiate koé. Kumi ha ngaahi akonaki ʻe tokoni ke mahino kiate koe ʻa e ʻuhinga he ʻikai ke Na fakangaloʻi pe liʻaki ai koé.

He ‘ikai teitei ngalo kitautolu ʻiate Ia

Hiki ʻi hoʻo tohinoa akó ha palakalafi ʻokú ne fakamatalaʻi ʻa e ʻuhinga kiate koe ʻa e folofola ʻa e Fakamoʻuí “Kuó u tohi tongi koe ʻi hoku ʻaofi nimá” (ʻĪsaia 49:16).

Vahevahe ʻa e meʻa kuó ke ongoʻí

ʻI he ʻosi hono ako ʻe he kau akó ʻa e laʻipepa tufá, ʻe lava ke vahevahe ʻe ha niʻihi ʻe loto-fiemālie ke vahevahe ʻa e meʻa naʻa nau pehē ʻoku mahuʻingamālie mei he ngaahi kupuʻi leá, folofolá, mo e ngaahi fakakaukau fakatāutahá.

Ke fakaʻosi e kalasí, te ke lava ʻo fakaafeʻi e kau akó ke nau tali e ngaahi fehuʻi ko ʻení mo hanau hoa, ʻi ha fanga kiʻi kulupu iiki, pe mo e kalasí.

Ko e hā ʻokú ke ʻamanaki ke manatuʻi mei he meʻa kuó ke ako mo ongoʻi ʻi hoʻo ako ʻa e ʻĪsaia 49 ʻi he ʻaho ní?
Ko e hā ha meʻa te ke lava ʻo fai ke ke manatuʻi ai he ʻikai teitei ngalo koe ʻi he Tamai Hēvaní mo Sīsū Kalaisi?

Ngaahi Maʻuʻanga Tokoni Kehé

ʻOku fakahaaʻi fēfē ʻe he ʻOtuá ʻokú Ne manatuʻi kitautolú?

Naʻe vahevahe ʻe Palesiteni Lāsolo M. Nalesoni ʻo pehē:

Ko ʻetau fakahoko pē ha fuakava mo e ʻOtuá, ʻoku tau mavahe leva mei he tuʻu tauʻatāiná ʻo taʻengata. He ʻikai liʻaki ʻe he ʻOtuá Hono vā fetuʻutaki mo kinautolu kuo nau fokotuʻu ha faʻahinga vā fetuʻutaki pehē mo Iá. Ko hono moʻoní, ko kinautolu kotoa pē kuo nau fakahoko ha fuakava mo e ʻOtuá, ʻoku nau lava ʻo maʻu ha faʻahinga ʻofa mo ha ʻaloʻofa makehe. ʻI he lea faka-Hepeluú, ʻoku ui ʻa e ʻofa fakafuakava ko iá ko e hesed. …

Koeʻuhí kuo fakahoko ʻe he ʻOtuá ʻa e hesed kiate kinautolu kuo nau fakahoko ha fuakava mo Iá, te Ne ʻofa ʻiate kinautolu. ʻE hokohoko atu ʻEne ngāue mo kinautolú mo ʻoange ha ngaahi faingamālie ke nau liliu ai. Te Ne fakamolemoleʻi kinautolu ʻi he taimi te nau fakatomala aí. Pea kapau te nau hē, te Ne tokoniʻi kinautolu ke nau ʻilo honau hala ke foki ai kiate Iá. (“Ko e Fuakava Taʻengatá,” Liahona, ʻOkatopa 2022, 5–6)

Te tau ongoʻi fēfē ʻoku ʻafioʻi mo ʻofaʻi kitautolu ʻe he ʻOtuá?

Naʻe fakamanatu mai ʻe Palesiteni Henelī B. ʻAealingi ʻo e Kau Palesitenisī ʻUluakí:

13:50

ʻE hokosia ʻa e ʻaho te tau toe mamata ai kiate Iá. Naʻe fakamatalaʻi ia ʻe Palesiteni Penisoni ʻi he foungá ni: “ʻOku ʻikai ha meʻa te ne fakaʻohovaleʻi lahi ange kitautolu ʻi heʻetau fou atu ʻi he veilí ki he tafaʻaki ʻe tahá ka ko hono fakatokangaʻi e lelei ʻo ʻetau ʻiloʻi ʻetau Tamai ʻi Hēvaní pea mo ʻetau maheni mo hono fofongá.” (“Jesus Christ—Gifts and Expectations,” ʻi he Speeches of the Year, 1974, Provo: Brigham Young University Press, 1975, p. 313.)

Neongo ʻe moʻoni ʻi he kahaʻú ʻa e meʻa naʻe lea ʻaki ʻe Palesiteni Penisoní, ka ʻoku fiemaʻu ke tau ongoʻi he taimí ni ʻoku ʻafioʻi mo ʻofaʻi fakafoʻituitui kitautolu ʻe he ʻOtuá. ʻOku ʻi ai e ngaahi taimi kuó ke ongoʻi ai e ofi atu ʻa e ʻOtuá, ko hoʻo Tamaí, pea ko ʻEne fānau koe. ʻE lava ke lahi ange ʻene hoko mai ʻa e ngaahi taimi ko iá. ʻOku ʻi ai ha founga faingofua ke fakakaukau ai ki ai.

Kapau ʻokú ke loto ke vāofi mo ha taha naʻá ke ʻofa ai, ka kuó mo vāmamaʻo, ʻokú ke ʻiloʻi ʻa e founga ke fai ai iá. Te ke kumi ha founga ke ke talanoa mo kinautolu, te ke fakafanongo kiate kinautolu, pea te ke ʻiloʻi ʻa e ngaahi founga ke mou fetokoniʻaki aí. Ko e lahi ange ʻene hokó, mo ʻene fuoloa angé, ko e loloto ange ia ʻa e fehokotaki ʻa e ʻofá. Kapau ʻe ʻosi atu ha taimi lahi ʻoku ʻikai ha feleaʻaki, fakafanongo, mo fai ha meʻa, ʻe vaivai leva ʻa e fehokotakí.

ʻOku haohaoa mo māfimafi ʻa e ʻOtuá, ka ʻokú ta kei matelie pē. Ka ko Ia ʻetau Tamaí, ʻokú Ne ʻofa ʻiate kitautolu, pea ʻokú Ne foaki mai ʻa e faingamālie tatau ke ofi ange ai kiate Ia ʻo hangē ha kaungāmeʻa ʻofá. Pea te ke fai ia ʻi he founga tatau pē: ʻa e leá, fanongó, mo hono fakahokó. (“To Draw Closer to God,” Ensign, May 1991, 66)

Ngaahi ʻEkitivitī Fakalahi ki he Akó

Ko e hā kuo talaʻofa ʻe he ʻEikí he ʻikai “te [Ne] manatu [ki aí]” (ʻĪsaia 43:25)?

ʻI heʻenau ako ʻa e ʻĪsaia 49 mo e talaʻofa ʻa e ʻEikí ke ʻoua naʻa teitei ngalo pe liʻaki kitautolú, ʻe ala ʻaonga ki he kau akó haʻanau toe vakaiʻi e talaʻofa ʻa e ʻEikí fekauʻaki mo e meʻa he ʻikai “ke [Ne] manatuʻí.” Fakaafeʻi e kau akó ke nau lau ʻa e ʻĪsaia 43:24–25 pea fakafekauʻaki pe fakafehokotaki ʻa e ngaahi veesi ko ʻení ki he Tokāteline mo e Ngaahi Fuakava 58:42–43. Te ke lava ʻo fai ha fehuʻi alēlea hangē ko ʻení:

Ko e hā te ke ʻamanaki ʻe mahino ki ha taha taʻu hongofulu tupu fekauʻaki mo e talaʻofa ʻa e ʻEikí ʻi he ngaahi veesi ko ʻení?

ʻE lava ke ʻiloʻi ʻe he kau akó ha foʻi moʻoni hangē ko e: ʻI he taimi ʻoku tau fakatomala aí, ʻoku talaʻofa mai ʻa e ʻEikí “[he] ʻikai te [Ne] manatuʻi [ʻetau] ngaahi angahalá (ʻĪsaia 43:25). Te ke lava ʻo tokoni ke mahino ki he kau akó ʻoku ʻikai ʻuhinga ʻeni ʻe ngalo ʻi he ʻEikí ʻa e meʻa kuo tau faí. ʻOku talaʻofa mai ʻe he ʻEikí he ʻikai ke Ne tohoakiʻi mai ʻetau tokangá pe ʻai ke tau haʻisia ki he ngaahi angahala kuó Ne fakamolemoleʻí.

Ke tokoni ke mahino ki he kau akó ʻa e foʻi moʻoni ko ʻení, te ke lava ʻo vahevahe ʻa e pōpoaki ʻa ʻEletā Tieta F. ʻUkitofa ʻi he foʻi vitiō “Point of Safe Return,” taimi 09:58 ki he 11:35.

15:40

ʻOku tokoniʻi ʻe he ʻEikí ʻa kinautolu ʻoku ongoʻi liʻekiná

ʻE ala tokoni ke ako ʻe he kau akó ʻa e ngaahi fakamatala kehe ʻi he folofolá ki ha kakai naʻa nau fefaʻuhi mo ha ngaahi tūkunga faingataʻa pea mo e founga naʻe fakahaaʻi ai ʻe he ʻEikí kuo teʻeki ai ngalo kinautolu ʻiate Iá. Ke fai ʻení, te ke lava ʻo fakaʻaliʻali ʻa e saati ko ʻení pea fakaafeʻi e kau akó ke fili ha potufolofola ʻe taha ke ako.

Founga na‘a nau faingataʻaʻia aí	Ko e meʻa ne nau ako fekauʻaki mo e ʻEikí
Founga na‘a nau faingataʻaʻia aí Hekaʻā: Sēnesi 21:14–16	Ko e meʻa ne nau ako fekauʻaki mo e ʻEikí Sēnesi 21:17–20
Founga na‘a nau faingataʻaʻia aí Selaia: 1 Nīfai 5:1–3	Ko e meʻa ne nau ako fekauʻaki mo e ʻEikí 1 Nīfai 5:4–8
Founga na‘a nau faingataʻaʻia aí Nīfai: 2 Nīfai 4:17–18	Ko e meʻa ne nau ako fekauʻaki mo e ʻEikí 2 Nīfai 4:19–25
Founga na‘a nau faingataʻaʻia aí Molomona: Molonai 9:18–21	Ko e meʻa ne nau ako fekauʻaki mo e ʻEikí Molonai 9:22–26
Founga na‘a nau faingataʻaʻia aí Siosefa Sāmita: Tokāteline mo e Ngaahi Fuakava 121:1–6	Ko e meʻa ne nau ako fekauʻaki mo e ʻEikí Tokāteline mo e Ngaahi Fuakava 121:7–8, 29

Te ke lava ʻo fokotuʻutuʻu ʻa e kau akó mo ha niʻihi kehe naʻa nau fili ha fakamatala fakafolofola kehe, ke vahevahe ʻa e meʻa naʻa nau akó.

Te mou lava ʻo toe vakaiʻi ko ha kalasi, ʻa e momeniti naʻe ongoʻi liʻekina ai ʻa e Fakamoʻuí. ʻE lava ke lau ʻe he kau akó ʻa e Mātiu 27:46. Te ke lava ʻo fehuʻi ki he kau akó e founga ʻe lava ke tokoni ai hono ʻilo ʻeni fekauʻaki mo e Fakamoʻuí ki ha taha ʻokú ne ongoʻi kuo ngalo ia.

Kapau ʻe ʻaonga ki he kau akó ʻenau mamata ki he fehokotaki ʻoku fakatupulaki ʻe ha talavou mo e Fakamoʻuí ʻi ha taimi ʻo e mamahí, te ke lava ʻo huluʻi ʻa e vitiō “Be Kind to Your Self, Beloved Child of God” (6:21). ʻE lava ke tokoni ʻa e vitiō ko ʻení ke ʻiloʻi ʻe he kau akó ʻa e founga naʻe ʻiloʻi ai ʻe he talavoú ni naʻe ʻafioʻi fakataautaha ia ʻe he Tamai Hēvaní mo Sīsū Kalaisí.

6:23