Fuakava Motuʻá – Tohi Lēsoni ʻa e Faiako Seminelí

Kanotohi
Peesi Talamuʻakí
Talateu ki he Tohi Lēsoni ʻa e Faiakó
Ngaahi Lēsoni ʻo e Fuakava Motuʻá
- Talitali Lelei Koe ki he Fuakava Motuʻá
- Mōsese 1; ʻĒpalahame 3
- Sēnesi 1–2; Mōsese 2–3; ʻĒpalahame 4–5
- Sēnesi 3–4; Mōsese 4–5
- Sēnesi 5; Mōsese 6
- Mōsese 7
- Sēnesi 6–11; Mōsese 8
- Sēnesi 12–17; ʻĒpalahame 1–2
- Sēnesi 18–23
- Sēnesi 24–33
- Sēnesi 37–41
- Sēnesi 42–50
- ʻEkesōtosi 1–6
- Toetuʻú
- ʻEkesōtosi 7–13
- ʻEkesōtosi 14–18
- ʻEkesōtosi 19–20; 24; 31–34
- ʻEkesōtosi 35–40; Levitiko 1; 4; 16; 19
- Nōmipa 11–14; 20–24; 27
- Teutalōnome 6–8; 15; 18; 29–30; 34
- Sōsiua 1–8; 23–24
- Fakamaau 2–4; 6–8; 13–16
- Lute; 1 Samuela 1–7
- 1 Samuela 8–10; 13; 15–16
- 1 Samuela 17–18; 24–26; 2 Samuela 5–7
- 2 Samuela 11–12; 1 Ngaahi Tuʻi 3; 6–9; 11
- 1 Ngaahi Tuʻi 12–13; 17–22
- 2 Ngaahi Tuʻi 2–7
- 2 Ngaahi Tuʻi 16–25
- 2 Fakamatala Meʻa Hokohoko 14–20, 26, 30
- ʻĒsela 1, 3–7; Nehemaia 2, 4–6, 8
- ʻĒseta
- Siope 1–3; 12–14; 19; 21–24; 38–40; 42
- Saame 1–2; 8; 19–33; 40; 46
- Saame 49–51; 61–66; 69–72; 77–78; 85–86
- Saame 102–103; 110; 116–119; 127–128; 135–139; 146–150
- Lea Fakatātā 1–4; 15–16; 22; 31; Tangata Malanga 1–3; 11–12
- ʻĪsaia 1–12
- ʻĪsaia 13–14; 22; 24–30; 35
- ʻĪsaia 40–49
- ʻĪsaia 50–57
- ʻĪsaia 58–66
- Selemaia 1–3, 7, 16–18, 20
- Selemaia 31–33; 36–38; Tangilaulau ʻa Selemaia 1, 3
- ʻIsikieli 1–3; 33–34; 36–37; 47
- Taniela 1–7
- Hōsea; Soeli
- ʻĀmosi; ʻOpataia; Siona
- Maika; Nēhumi; Hapakuki, Sefanaia
- Hakeai 1–2; Sakalaia 1–4, 7–14
- Malakai
Ngaahi Lēsoni Teuteu ki he Moʻuí
- Fakataukei Fakatokāteliné: Ko Hono Kumi ʻa e Ngaahi Tali ki Heʻeku Ngaahi Fehuʻí
- Ngaahi Taukei Ako Folofolá
- Tohi Fakahinohino Ki Hono Fakamālohia ʻo e Toʻu Tupú
- Ko Hono Tanumaki ʻo e Moʻui Fakafalala Pē Kiate Kitá
- Tuʻunga Moʻui Lelei Fakatuʻasinó mo Fakaelotó
- Ko e Teuteu ki he Ako mo e Ngāue Maʻuʻanga Moʻui ʻi he Kahaʻú
- Lavameʻa ʻi he Akó
- Teuteu ki he Ngāue Fakafaifekaú
- Teuteu ki he Temipalé
- Ngaahi Akonaki ʻa e Kau Taki ʻo e Siasí
Fakamatala Fakalahí

ʻĪsaia 40–43: ʻOku Fakafiemālieʻi ʻe he ʻOtuá ʻa Hono Kakaí

“ʻĪsaia 40–43: ʻOku Fakafiemālieʻi ʻe he ʻOtuá ʻa Hono Kakaí,” Fuakava Motuʻá – Tohi Lēsoni ʻa e Faiako Seminelí (2026)

“ʻĪsaia 40–43: ʻOku Fakafiemālieʻi ʻe he ʻOtuá ʻa Hono Kakaí,” Fuakava Motuʻá – Tohi Lēsoni ʻa e Faiako Seminelí

ʻĪsaia 40–49: Lēsoni 119

ʻĪsaia 40–43

ʻOku Fakafiemālieʻi ʻe he ʻOtuá Hono Kakaí

Jesus is standing on a hill. You can see the sun in the background

He ʻikai teitei siʻaki ʻe he ʻOtuá Hono kakai ʻi he fuakavá. Naʻe fakafiemālieʻi ʻe he ʻOtuá ʻo fakafou ʻi Heʻene palōfita ko ʻĪsaiá, ʻa kinautolu ʻe faifai pea ʻave pōpula ki Pāpiloné. ʻOku foaki mai ʻe he ʻOtuá kiate kitautolu, ko ʻEne kakai ʻo e fuakavá he ʻahó ni, ʻa e ngaahi lea fakafiemālie tatau: “ʻOua naʻá ke manavahē; he ʻoku ou ʻiate koe” (ʻĪsaia 41:10). ʻE lava ke tokoni ʻa e lēsoni ko ʻení ke ongoʻi ʻe he kau akó ʻa e fakafiemālie ʻa e ʻOtuá.

Teuteu ʻa e tokotaha akó: Fakaafeʻi e kau akó ke nau lau pe fanongo ki he ngaahi lea ʻa ha konga pe kotoa ʻo e ngaahi veesi ʻi he himi “ʻE Kāinga Kuo Langa ha Tuʻungá” (Ngaahi Himí—maʻá e ʻApí mo e Lotú). Kole ange ke nau feinga ke ʻiloʻi ha ngaahi foʻi lea pe kupuʻi lea fakafiemālie pea haʻu mateuteu ki he kalasí ke vahevahe.

Ngaahi ʻEkitivitī Ako ʻOku Ala Fakahokó

ʻOku ʻikai ko ha meʻa foʻou ʻa e ilifiá

Fakakaukau ke kamata e kalasí ʻaki hano fakaʻaliʻali e fakamatala mo e fehuʻi ko ʻení. ʻE lava ke fakaafeʻi e kau akó ke lisi ʻenau ngaahi talí ʻi he palakipoé.

Naʻe vahevahe ʻe ʻEletā Lānolo A. Lasipeni ʻo e Kōlomu ʻo e Kau ʻAposetolo ʻe Toko Hongofulu Mā Uá ʻa e fakakaukaú ni:

ʻOku ʻikai foʻou e meʻa ko e ilifia. Naʻe ilifia e kau ākonga ʻa Sīsū Kalaisí, ʻi heʻenau ʻi he Tahi ʻo Kālelí ʻi ha pō kaupōʻuli, ki he “[matangí mo e peaú]” (Maʻake 4:34). ʻI heʻetau hoko ko ʻEne kau ākonga he ʻaho ní, ʻoku ʻi ai foki ha ngaahi meʻa ʻoku tau ilifia ai. (“ʻOua ʻe Puputuʻu,” Liahona, Nōvema 2018, 18)

Ko e hā ha niʻihi ʻo e ngaahi meʻa ʻe ala ilifia ki ai ʻa e kakai ʻi he funga ʻo e māmaní, kau ai e kau ākonga ʻa Sīsū Kalaisí?

Hili hono hiki ʻe he kau akó ha ngaahi ilifia kehekehe, vahevahe ʻa e toenga ʻo e lea ʻa ʻEletā Lasipení, ʻa ia ʻoku kau ai ʻa e ilifia kuó ne mamata ai ʻi he māmaní he ʻahó ni. ʻE lava ke ke tānaki atu ha niʻihi ʻo e ngaahi meʻá ni ki he palakipoé.

Naʻe hoko atu ʻa ʻEletā Lasipeni ʻo pehē:

15:41

ʻOku ilifia mo e kau taautaha lalahí ʻi hono fai ʻo ha ngaahi tukupā hangē ko e malí. ʻE lava ke ilifia e kakai kei talavou ʻosi malí … ke ʻomi ha fānau ki ha māmani ʻoku fakautuutu ai e faiangahalá. ʻOku lahi fau e meʻa ʻoku ilifia ki ai e kau faifekaú, tautefito ki he fakalea ki ha kakai ʻoku ʻikai ke nau maheni. ʻOku ilifia e kau uitoú ke hoko tokotaha atu e moʻuí. ʻOku ilifia e toʻu tupú naʻa ʻikai tali lelei kinautolu; ilifia e fānau ako lautohi siʻí ke ʻalu ʻo ako he fuofua ʻaho ʻoku fokotuʻu ai e akó; ilifia e fānau ako ʻunivēsití ke maʻu mai ha ola ʻo ha sivi. ʻOku tau ilifia ke tōnounou, fakasītuʻaʻi kitautolu, loto-mamahi, kae pehē ki he taʻeʻiloá. ʻOku tau ilifia ki he afaá, mofuiké, mo e afi ʻokú ne fakaʻauha e fonuá mo ʻetau moʻuí. ʻOku tau ilifia telia naʻa ʻikai fili kitautolu, pea tau toe ilifia pē hono fili kitautolú. ʻOku tau ilifia he ʻikai ke tau lelei feʻungá; ʻoku tau ilifia naʻa ʻikai tāpuakiʻi kitautolu ʻe he ʻEikí. ʻOku tau ilifia ki he liliú, pea ʻe ala iku ʻetau ilifiá ki ha meʻa fakamanavahē. Kuó u fakakau nai e taha kotoa? (“ʻOua ʻe Puputuʻu,” Liahona, Nōvema 2018, 18)

Ko e hā ha uesia ʻo e ngaahi meʻa ʻoku tau ilifia ki aí kiate kitautolu?

ʻE lava ke ke fakaafeʻi e kau akó ke fakakaukau pe te nau lava ʻo fakafekauʻaki mo ha taha ʻa e ngaahi meʻa ʻoku nau ilifia ki ai kuo lisi atú pe fakakaukau ki he meʻa ʻoku nau ilifia aí. Vahevahe ʻa e puipuituʻa ko ʻení ke tokoni ki he kau akó ke nau vakai ki he ngaahi tūkunga naʻá ne fakatupu e ilifia ʻa e kakai ʻIsilelí.

Naʻe kikiteʻi ʻe ʻĪsaia ʻa e fakaʻauha mo e nofo pōpula ʻe hoko ki ʻIsileli mo Siutá. ʻI he kamataʻanga ʻo e ʻĪsaia 40, naʻe ueʻi fakalaumālie ʻe he ʻOtuá ʻa ʻĪsaia ke ne tohi ki he kau Siu ʻi he kahaʻu mamaʻó ʻa ia ʻe nofo pōpulá.

Ko e hā ha ngaahi ilifia pe hohaʻa ʻe ala fehangahangai mo ha taha ʻi he nofo pōpulá?

Lau ʻa e ʻĪsaia 40:1–2, ʻo kumi e pōpoaki naʻe fakahinohinoʻi ʻe he ʻOtuá ʻa ʻĪsaia ke ʻave ki Hono kakai ʻo e fuakavá.

Ko e hā ha ngaahi founga pe ʻulungaanga ʻo e ʻOtuá ʻokú ke ako mei he ngaahi veesi ko ʻení?

Vahevahe hoʻo fakamoʻoní ʻoku fakafiemālieʻi ʻe he ʻOtuá ʻa Hono kakai ʻo e fuakavá ʻi hotau kuongá. Fakakaukau ke fakaʻaliʻali ʻa e fakatātā ko ʻení. ʻE lava ke tā ʻeni ʻe he kau akó, pe ko ha meʻa tatau, ʻi heʻenau tohinoa akó. Fakaafeʻi kinautolu ke hiki ha ngaahi fakaʻilonga ʻi heʻenau fakatātaá ke tali e ngaahi fehuʻi ʻoku ʻoatu fakataha mo iá.

Ilifia ki he Fakafiemālié

Ko hono fakalūkufuá, ko e fē feituʻu ʻi he meʻafua ko ʻení te ke fokotuʻu ai hoʻo ngaahi ongo fekauʻaki mo hoʻo moʻuí he taimí ni?
Te ke fokotuʻu nai ʻi fē hoʻo ngaahi ongo fekauʻaki mo e kahaʻú?

ʻI hoʻo akó, kumi ʻa e meʻa ʻoku akoʻi ʻe he ʻOtuá ʻe lava ʻo tokoni atu ke ke aʻusia ha tuʻunga lahi ange ʻo ʻEne fakafiemālié. Kapau te ke lau pe fanongo ki ha meʻa ʻokú ke pehē te ne ʻomi ha fakafiemālie, ʻe lava ke hoko e ngaahi fakakaukau ko iá ko e fetuʻutaki atu ʻa e Laumālie Māʻoniʻoní kiate koé. ʻE lava ke ke lekooti ʻa e ngaahi fakakaukau ko ʻení ʻo ofi ki he fakatātā ʻi hoʻo tohinoa akó.

ʻOku fakafiemālieʻi ʻe he ʻOtuá Hono kakaí

Ke tokoni ke fakafiemālieʻi e kakai ʻo e fuakava ʻa e ʻOtuá, naʻá Ne ueʻi fakalaumālie ʻa ʻĪsaia ke ne akoʻi ha ngaahi meʻa lahi fekauʻaki mo Ia ʻi he ʻĪsaia 40–43. Te ke maʻu ʻa e faingamālie ke ʻiloʻi ha niʻihi ʻo e ngaahi moʻoni ko ʻení pea fakakaukau ki he founga te nau lava ai ʻo tokoni ke fakafiemālieʻi ha taha ʻoku ilifia.

Fakaʻaliʻali e ngaahi fakahinohino ko ʻení pea fakamatalaʻi ange ʻe maʻu ʻe he kau akó ha faingamālie ke fakakakato ʻa e ʻekitivitī ko ʻení ʻamui ange ʻi he lēsoní.

Fakaʻaongaʻi ha potufolofola meia ʻĪsaia, faʻu ha pōpoaki nounou te ne lava ʻo fakafiemālieʻi ha taha ʻoku ilifia. Fakakau ai e ngaahi meʻa takitaha ko ʻení:

Sitepu 1. Ngaahi foʻi lea pe kupuʻi lea mei he potufolofolá ʻe lava ʻo tokoni ki ha taha ke ne ongoʻi ʻoku fakafiemālieʻi ia ʻe he ʻOtuá. Fakamatalaʻi fakanounou ʻeni ki ha fakamatala faingofua ʻo e moʻoní.

Sitepu 2. Ko ha potufolofola, himi, pe fakamatala mei ha taki ʻo e Siasí ke poupouʻi ʻa e ngaahi akonaki ʻi he potufolofolá.

Sitepu 3. Ko ha aʻusia fakataautaha pe sīpinga fakaeonopooni ʻokú ne fakatātaaʻi ʻa e founga ʻe lava ke ʻomi ai ha fakafiemālie ʻi hono ʻiloʻi ʻeni fekauʻaki mo e ʻOtuá.

Fakatātaaʻi

Kimuʻa pea fakakakato ʻe he kau akó ʻa e ʻekitivitī ko ʻení, fakamatalaʻi ange te ke ʻoange ha sīpinga ʻo fakaʻaongaʻi ʻa e ʻĪsaia 41:10–14. Ko ha founga ʻeni ʻe taha te ke lava ʻo fakatātaaʻi ai e ngaahi sitepu ko ʻení. Hokohoko atu hono fakaʻaliʻali e sitepu ʻe tolú pea ʻai ke mahino lelei ki he kau akó ʻi he taimi ʻokú ke fakatātaaʻi ai e sitepu takitaha.

Lau ʻa e ʻĪsaia 41:10–14, ʻo kumi e ngaahi folofola fakafiemālie ʻa e ʻOtuá ki Hono kakai ʻo e fuakavá. Fakatokangaʻi ange ʻe lava ke ʻuhinga ʻa e kelemutu ʻi he veesi 14 ki he angamalū mo e angavaivai.

Sitepu 1

Ko e hā ha ngaahi foʻi lea pe kupuʻi lea ʻokú ke pehē ʻe lava ke fakafiemālie? Ko e hā hono ʻuhingá?
Te ke fakamatala fakanounouʻi fēfē kinautolu ki ha fakamatala nounou ʻo e moʻoní?

Mahalo naʻe ʻiloʻi ʻe he kau akó ʻi he lea pē ʻanautolu ha meʻa hangē ko ʻení: ʻOku ʻikai fiemaʻu ke tau ilifia, koeʻuhí ʻe ʻiate kitautolu ʻa e ʻOtuá mo fakamālohia Hono kakai ʻo e fuakavá.

Sitepu 2

ʻE tokoniʻi fēfē kitautolu ʻe heʻetau ʻiloʻi ʻe ʻiate kitautolu ʻa e ʻOtuá mo fakamālohia kitautolu ke ʻoua te tau ilifiá?

Naʻe vahevahe ʻe ʻEletā Niila L. ʻEnitaseni ʻo e Kōlomu ʻo e Kau ʻAposetolo ʻe Toko Hongofulu Mā Uá ʻa e founga ʻe lava ke tokoniʻi ai kitautolu ʻe hotau vā fetuʻutaki mo e ʻEikí ke ʻoua te tau manavaheé:

15:3

Naʻa mo e fakautuutu ko ia e ivi tākiekina ʻo e māmaní ʻi heʻetau moʻuí, ʻoku ʻikai fiemaʻu ke tau manavahē. He ʻikai teitei liʻaki ʻe he ʻEikí ʻEne kakai ʻo e fuakavá. ʻOku ʻi ai ha mālohi totongi huhuʻi ʻo e ngaahi meʻafoaki fakalaumālié mo e fakahinohino fakalangi maʻá e kau māʻoniʻoní. Ka neongo ia, ʻoku ʻikai nofoʻia kitautolu ʻe he tāpuaki makehe ko ʻeni ʻo e mālohi fakalaumālié koeʻuhí pē he ko e konga kitautolu ʻo e toʻu tangatá ni. ʻOku maʻu ia ʻi heʻetau fakamālohia ʻetau tui ki he ʻEiki ko Sīsū Kalaisí mo tauhi ʻEne ngaahi fekaú, ʻi heʻetau ʻiloʻi mo ʻofa ʻiate Iá. (Neil L. Andersen, “ʻUnuʻunu ke Ofi Ange ki he Fakamoʻuí,” Liahona, Nōvema 2022, 73–74)

Sitepu 3

Ko e fē nai ha taimi kuó ke ongoʻi ai naʻe ʻiate koe ʻa e ʻOtuá pe fakamālohia koe?

Pōpoaki ʻo e fakafiemālié

ʻOange ha taimi ki he kau akó ke teuteu ai ʻenau pōpoaki nounou ʻo e fakafiemālié. Te nau lava ʻo fakahoko fakafoʻituitui ʻeni pe mo ha hoa.

Fili ha taha ‘o e ngaahi veesi ko ‘ení. Faʻu ha kiʻi pōpoaki nounou te ne lava ʻo fakafiemālieʻi ha taha ʻoku ilifia. Muimui ʻi he ngaahi sitepu ʻe tolu ke fakahoko ai ʻení.

ʻI he maau ʻa e kau akó, fakaafeʻi kinautolu ke vahevahe fakakulupu pe mo e kalasí ʻenau ngaahi pōpoaki ʻo e fakafiemālié. Kapau ʻe vahevahe ʻe he kau akó ha himi ko ha konga ʻo ʻenau pōpoakí, te ke lava ʻo fakaafeʻi kinautolu ke fili ha veesi ʻokú ne poupouʻi e meʻa ne nau vahevahé. Hivaʻi fakataha fakakalasi ʻa e veesi ko iá. Te ke lava ʻo toe fai ʻeni, ʻo fakatatau mo e lahi ʻo e taimi ʻokú ke maʻú.

Fakaʻosí

ʻOange ha taimi ki he kau akó ke fakakaukau ki he meʻa kuo nau ako fekauʻaki mo e ʻOtuá ʻa ia te ne lava ʻo ʻomi kiate kinautolu ha fakafiemālié. Fakamanatu ange kiate kinautolu mahalo naʻe ueʻi fakalaumālie ʻa e ngaahi fakakaukau ko ʻení ʻe he Laumālie Māʻoniʻoní, ʻa ia ʻokú ne akoʻi mo fakamoʻoniʻi ʻa e Tamai Hēvaní mo Sīsū Kalaisi. Fakaafeʻi e kau akó ke lekooti ʻenau ngaahi fakakaukaú ʻi heʻenau tohinoa akó.

Ngaahi Maʻuʻanga Tokoni Kehé

ʻOku tokoniʻi fēfē au ʻe he maʻu ʻa e ʻOtuá ʻi heʻeku moʻuí ke u ikunaʻi ʻa e ilifiá?

Naʻe akonaki ʻa Palesiteni Lāsolo M. Nalesoni ʻo pehē:

14:48

ʻOku ou ʻilo ko e moʻui ʻoku ʻikai kau ai ʻa e ʻOtuá ko ha moʻui mohu tailiili ia. ʻOku ou ʻilo foki ko e moʻui ʻoku kau ai ʻa e ʻOtuá ko ha moʻui ia ʻoku mahu ʻi he melino, fiefia mo e mālohi. Fakapapauʻi ke ke moʻui mo e ʻOtuá.

Siʻoku kāinga kei talavou, ʻoku mateuteu ʻetau Tamai Hēvaní mo Hono ʻAlo ʻOfaʻanga ko Sīsū Kalaisí, ke tāpuakiʻi kimoutolu. He ʻikai ke Na liʻaki kimoutolu. (“Worldwide Day of Testimony: I Can Do All Things Through Christ,” Oct. 22, 2023)

Neongo ʻoku talaʻofa mai ʻa e ʻEikí te Ne ʻiate au, fēfē kapau te u ongoʻi tuenoa?

Naʻe akoʻi ʻe Palesiteni Tieta F. ʻUkitofa, ʻi heʻene kei ʻi he Kau Palesitenisī ʻUluakí ʻo pehē:

ʻOku ʻikai te ke tuenoa he fonongá ni. ʻOku ʻafioʻi koe hoʻo Tamai Hēvaní. ʻOkú Ne kei fanongo atu, ʻo aʻu ki he taimi he ʻikai fie fanongo atu ai ha taha kiate koé. ʻI hoʻo fiefia he angatonú, ʻokú Ne fiefia mo koe. ʻI hoʻo fefaʻuhi mo e faingataʻá, ʻokú Ne faingataʻaʻia fakataha ai mo koe.

… ʻOku ou fakapapauʻi atu, ʻoku ʻikai te ke tuenoa. (“Ko Hoʻo Fononga Fiefia ki ʻApí,” Liahona, Mē 2013, 127–128)

ʻĪsaia 41:10, 13. Ko e hā hono mahuʻinga ʻo e nima toʻomataʻú?

ʻI hono fakaʻaongaʻi ʻo e kupuʻi lea “Te u puke ho nima toʻomataʻú” (ʻĪsaia 41:13), naʻe vahevahe ai ʻe ha kāingalotu mataotao ʻa e fakakaukaú ni:

Ko e nima toʻomataʻú ʻa e nima fuakavá. ʻOku fakamanatu mai ʻe he kupuʻi lea ko ʻení ʻa e fuakava ʻoku tau maʻu mo e ʻEikí, ʻi heʻetau hoko ko ʻEne “tamaioʻeiki” mo e “[kakai kuo] filí” (vakai, ʻĪsaia 41:8–9). ʻOkú ne fokotuʻu mai ʻe hiki hake ʻe he ʻEikí hotau nimá, ʻo ʻuhinga te Ne poupouʻi kitautolu ʻi heʻetau feinga ʻi he māʻoniʻoni ke tauhi ʻetau ngaahi fuakavá. ʻOkú ne fokotuʻu mai foki ʻe puke ʻe he ʻEikí hotau nimá ko ha fakahaaʻi ʻo e fakafiemālie mo e poupou (vakai, ʻĪsaia 42:6). (Donald W. Parry, Understanding Isaiah [1998], 353–354)

Ngaahi ʻEkitivitī Fakalahi ki he Akó

Ko e maʻongoʻonga ʻo e ʻOtuá

Kimuʻa pea ako ʻa e ʻĪsaia 41:10, 13, tuku ha taimi ke tokoni ke mahino ki he kau akó ʻa e meʻa ʻoku akoʻi ʻe ʻĪsaia fekauʻaki mo e maʻongoʻonga ʻo e ʻOtuá.

Ko e founga ʻe taha ke fai ai ʻení ko hono ʻomi ha meʻafua mo ha ngaahi meʻa kehekehe ki he kalasí. Fakaafeʻi e kau akó ke mateʻi pe ko e hā e lahi ʻo e meʻa takitaha pea hili ia ʻi he meʻafuá. Fakaafeʻi leva e kau akó ke lau ʻa e ʻĪsaia 40:12, ʻo kumi e meʻa naʻe folofola ʻaki ʻe he ʻOtuá ko Ia pē te Ne lava ʻo fua pe fakafuofuaʻí.

Pe te ke lava ʻo ʻomi ha ipu lahi ki he kalasí pea fakaafeʻi e kau akó ke lau ʻa e ʻĪsaia 40:15, ʻo kumi e founga naʻe fakaʻaongaʻi ai ʻe he ʻOtuá ha ipu ke fakamatalaʻi ʻaki ʻEne maʻongoʻongá.

ʻE fakafiemālie fēfē nai kiate kinautolu naʻe nofo pōpula ʻi Pāpiloné ʻa e feinga ke mahino ʻa e maʻongoʻonga ʻo e ʻOtuá?
ʻE fakafiemālieʻi fēfē kitautolu ʻe he ʻilo ko ʻení ʻi hotau ngaahi faingataʻaʻia he ʻaho ní?

ʻI hoʻo ako ʻa e ʻĪsaia 40–43, hokohoko atu hoʻo fekumi ki ha fakamoʻoni ʻo e māfimafi ʻo e ʻOtuá mo e founga ʻe lava ke ʻomi ai ʻe he ʻilo ko ʻení ha fakafiemālie kiate koé.

ʻIsaia 41:10. Ngaahi potufolofola fakafekauʻaki ki hono ikunaʻi ʻo e ilifiá

Ke tokoni ke mahino ki he kau akó e fakaafe ʻa e ʻOtuá ke “ʻOua ʻe manavaheé,” fakaafeʻi kinautolu ke fakafehokotaki pe fakafekauʻaki ʻa e Tokāteline mo e Ngaahi Fuakava 6:36–37 pe 68:5–6 mo e ʻĪsaia 41:10. Pe poupouʻi kinautolu ke kumi ha ngaahi potufolofola mahuʻinga kehe ʻaki haʻo kumi e kupuʻi lea “ʻoua ʻe manavahē” ʻi he Gospel Library.

Fakaafeʻi e kau akó ke vahevahe mo ha hoa ʻa e founga ʻoku tokoniʻi ai kinautolu ʻe he potufolofola pe ngaahi potufolofola naʻa nau fakafehokotakí ke mahino lelei ange kiate kinautolu ʻa e fakaafe ʻa e ʻOtuá ke “ʻoua ʻe manavaheé.”

Moʻui ʻi he tui

Ke fakamamafaʻi e ngaahi moʻoni fekauʻaki mo e ʻEikí naʻe vahevahe ʻe he kau akó, pea mo e ʻuhinga te tau lava ai ʻo tui kiate Iá, fakakaukau ke mamata ʻi he “Live by Faith, Not by Fear,” (1:09) ʻoku maʻu ʻi he Gospel Library. Fakamanatu ki he kau akó ke lekooti ʻa e meʻa ʻoku nau akó ʻi heʻenau tohinoa akó.

1:9

Ko ha maama ʻo e kau Senitailé

Kapau ʻoku vahevahe ʻe he kau akó ha pōpoaki ʻo e fakafiemālié mei he ʻĪsaia 42:5–7, tuku ha taimi ke tokoni ke mahino ki he kalasí hotau fatongia ke vahevahe e pōpoaki ʻa e ʻOtuá mo e niʻihi kehé. Te ke lava ʻo fakamatalaʻi ange ʻoku ʻi ai ha ʻuhinga ʻe ua ʻo e foʻi lea Senitailé. ʻOku faʻa ʻuhinga ia he taimi ʻe niʻihi ki he kakai ʻoku ʻikai ko e hako ʻo ʻIsilelí. ʻOku ʻuhinga ia he taimi ʻe niʻihi ki he kakai ʻoku ʻikai ke nau maʻu ʻa e ongoongolelei ʻo Sīsū Kalaisí ʻi heʻenau moʻuí (vakai, Fakahinohino ki he Ngaahi Folofolá, “Senitailé”).

Ko e hā te tau lava ʻo fai ke tau hoko ai ko ha maama kiate kinautolu ʻoku nofo ʻi he fakapoʻuli fakalaumālié?
ʻOku fekauʻaki fēfē ʻa e ngaahi veesi ko ʻení mo e ngāue ʻoku fakahoko ʻi he ngaahi temipalé?
Te nau fekauʻaki fēfē nai mo e ngāue fakafaifekaú?

Naʻe fakamatalaʻi ʻe Palesiteni Lāsolo M. Nalesoni ʻo pehē:

Siʻoku ngaahi kaungāmeʻa kei talavou, ʻoku mou mahuʻinga kotoa ki he ʻEikí. Naʻá Ne tuku fakatatali kimoutolu ki he taimí ni ke tokoni ki hono tānaki ʻo ʻIsilelí. Ko hoʻo fili ko ia ke ngāue fakafaifekaú, neongo pe ko ha ngāue fakafaifekau malanga pe faifekau tokoni, ʻe tāpuekina ai koe mo e niʻihi kehé. …

ʻOku faiako mo fakamoʻoni e faifekau kotoa pē ki he Fakamoʻuí. ʻOku hanga ʻe he fakapoʻuli fakalaumālie ʻo e māmaní ʻo ʻai ke fiemaʻu lahi ange e maama ʻo Sīsū Kalaisí ʻi ha toe taimi. ʻE fiemaʻu ʻe he taha kotoa pē ha faingamālie ke ne ʻilo fekauʻaki mo e ongoongolelei ʻo Sīsū Kalaisi kuo fakafoki maí. (“Malangaʻi e Ongoongolelei ʻo e Melinó,” Liahona, ʻEpeleli 2022, 7)