Եսայի 44–47

• Եթե ​​դուք հարցնեիք մեր տարածքի դեռահասներին, թե ովքեր են նրանց հերոսները, ըստ ձեզ, ո՞ւմ մասին նրանք կպատմեին:

Կազմեք ձեր անձնական հերոսների ցանկը: Աստղանիշ դրեք այն մարդկանց անվան կողքին, որոնք, ըստ ձեզ, ամենաշատ ազդեցությունն ունեն ձեր կյանքում:

Նախագահող Եպիսկոպոսությունից եպիսկոպոս Վ. Քրիստոֆեր Վադելը կիսվել է հետևյալ խորհրդով մեր հերոսների մասին:

10:7

Երբ ես փոքր տղա էի, իմ առաջին հերոսները մարզիկներն էին: Իմ ամենավաղ հիշողությունները բեյսբոլի քարտեր հավաքելն էր՝ բեյսբոլի հիմնական լիգայի նկարներով և վիճակագրությամբ։ «Հերոսների պաշտամունքը» մանկության տարիներին կարող է զվարճալի և անմեղ լինել, օրինակ՝ Հելոուինի համար երեխաները հագնում են իրենց սիրելի սուպերհերոսների հագուստները։ Թեև մենք հիանում և հարգում ենք շատ տաղանդավոր և ուշագրավ տղամարդկանց ու կանանց՝ իրենց կարողությունների և ներդրումների համար, սակայն նրանց հարգանքի աստիճանը, եթե չափից ավելի է խորանում, կարող է հավասարազոր լինել Իսրայելի զավակներին Սինայի անապատում ոսկե հորթին երկրպագելուն: …

Հերոսը այժմ և միշտ Հիսուս Քրիստոսն է, և որևէ բան կամ որևէ մեկը, որ շեղում է մեզ Նրա ուսմունքներից, որոնք գտնվում են սուրբ գրություններում և ապրող մարգարեների խոսքերում, կարող է բացասաբար ազդել ուխտի արահետում մեր առաջընթացի վրա: («Ավելին քան հերոս», Լիահոնա, նոյ. 2023, 90)

• Ի՞նչն առավել շատ տպավորեց ձեզ եպիսկոպոս Վադելի ուղերձից:

  Որպեսզի օգնեք ուսանողներին գնահատել, թե որ տեղում են Երկնային Հայրը և Հիսուս Քրիստոսը իրենց կյանքում, կարող եք առաջարկել նրանց վերանայել իրենց հերոսների ցանկը՝ հետևյալ հարցերի շուրջ լուռ խորհելիս:

• Ձեր ցանկի հերոսներից որևէ մեկը շեղո՞ւմ է ձեզ Երկնային Հորը և Հիսուս Քրիստոսին երկրպագելուց:

• Կա՞ն արդյոք հետաքրքրություններ, գործողություններ կամ առարկաներ, որոնք կարող են ձեզ շեղել Նրանց երկրպագելուց:

Կարդացեք Եսայի 44․6, 8 և 46․9 հատվածները՝ փնտրելով, թե ինչ էր ցանկանում Տերը, որ Իսրայելի որդիները հասկանան, թե ինչի շուրջ պետք է կենտրոնացնեն իրենց երկրպագությունը:

Եսայի 44–46 գլուխներում Տերը նկարագրում է իսրայելացիների երկրպագությունը կեղծ աստվածներին։ Նա հիշեցնում է մարդկանց, որ նրանք ստեղծել, երկրպագել և աղոթել են կուռքերին, որոնք պատրաստված են նույն փայտից, որն օգտագործել են կրակ վառելու և ուտելիք պատրաստելու համար: Եվ երբ իսրայելացիներին գերևարեցին, նրանց կենդանիները դժվարությամբ էին քաշում սայլերը՝ բեռնված իրենց ծանր արհեստական կուռքերով։

Կարդացեք Եսայի 44․14–19 և Եսայի 46․1–2 հատվածները՝ փնտրելով հին կուռքերի վերաբերյալ Տիրոջ նկարագրությունը, որոնք վերաբերվում են այն բաներին, որոնցով մարդիկ շեղվում են Տիրոջից մեր օրերում։ (Օգտակար կլինի իմանալ, որ կուռքերից երկուսը, որոնց երկրպագում էին, կոչվում էին Բել և Նեբո։)

• Ի՞նչ գտաք:

  Կարող գրատախտակին եք գրել «Փայտի կո՞ճը երկրպագեմ» արտահայտությունը (Եսայի 44․19)։ Խնդրեք ուսանողներին իրենց բառերով բացատրել, թե ինչ է նշանակում այդ հարցը:

  Ապա հարցից ջնջեք «փայտի կո՞ճը» բառակապակցությունը՝ թողնելով «երկրպագեմ » բառը:

  Ուսանողներին առաջարկեք գալ գրատախտակի մոտ և ավարտել նախադասությունն այնպես, որ այն կիրառելի լինի ժամանակակից մարդկանց համար:

• Ինչո՞ւ է վտանգավոր այդ մարդկանց կամ առարկաները վեր դասել Երկնային Հորից և Հիսուս Քրիստոսից:

• Ինչո՞ւ կարող է դժվար լինել մեր կյանքում միշտ առաջին տեղում դնել Երկնային Հորը և Հիսուս Քրիստոսին:

Ուսումնասիրեք հետևյալ հատվածներից առնվազն երկուսը։ Երբ դանդաղ և ուշադիր կարդաք հատվածները, փնտրեք, թե ինչ կարող ենք սովորել Հիսուս Քրիստոսի մասին, որը մեզ վստահություն կտա՝ մեր կյանքում Նրան առաջին տեղում դնելու համար:

• Եսայի 44․1–4

• Եսայի 44․21–23

• Եսայի 44․24–25

• Եսայի 45․20–22

• Եսայի 46․3–5

  Ուսանողներին խնդրեք գրատախտակին ավելացնել Հիսուս Քրիստոսի ցանկացած այլ հատկանիշ, որի մասին իմացել են իրենց փորձառություններից կամ այլ սուրբ գրություններից:

  Որպեսզի օգնեք ուսանողներին կիսվել իրենց մտքերով Հիսուս Քրիստոսի անզուգական զորության մասին, կարող եք հարցնել հետևյալը։

• Ինչպե՞ս կարող է Հիսուս Քրիստոսի մասին այս ճշմարտությունների վերաբերյալ հասկացողությունն օգնել այն մարդուն, որը դժվարանում է Նրան առաջին տեղում դնել իր կյանքում:

• Ի՞նչ փորձառություններ եք ունեցել, որոնք օգնել են ձեզ ձեր կյանքում առաջին տեղում դնել Երկնային Հորը և Հիսուս Քրիստոսին: