Եսայի 40–43

Տասներկու Առաքյալների Քվորումից երեց Ռոնալդ Ա․ Ռասբանդը կիսվել է հետևյալ դիտարկումով․

Վախը նոր երևույթ չէ։ Հիսուս Քրիստոսի աշակերտները Գալիլեայի ծովում գիշերվա մթության մեջ վախենում էին «քամուց և ալիքներից» (Մարկոս 4․34)։ Որպես նրա աշակերտներ, մենք նույնպես վախեր ունենք: («Be Not Troubled», Լիահոնա, նոյ․ 2018, 18)

• Ի՞նչ վախեր կարող են ունենալ ողջ աշխարհի մարդիկ, ներառյալ Հիսուս Քրիստոսի աշակերտները:

երեց Ռասբանդը շարունակում է.

15:42

Մեր չափահաս երիտասարդները վախենում են պարտավորություններ ստանձնելուց, օրինակ՝ ամուսնությունից: Նորապսակները … կարող են վախենալ երեխաներ ունենալուց ամբարիշտ դարձող աշխարհում: Միսիոներները վախենում են շատ բաներից, հատկապես, անծանոթների հետ խոսելուց: Այրիները վախենում են միայնակ ապրելուց: Դեռահասները վախենում են իրենց հասակակիցների կողմից ընդունված չլինելուց, տարրական դասարանի աշակերտները վախենում են դպրոցի առաջին օրվանից, համալսարանի ուսանողները վախենում են ստուգարքի արդյունքներն իմանալուց: Մենք վախենում ենք ձախողումից, մերժումից, հիասթափությունից և անհայտությունից: Մենք վախենում ենք փոթորիկներից, երկրաշարժերից, հրդեհներից, որոնք կործանում են երկիրն ու մեր կյանքը: Մենք վախենում ենք, երբ մեզ չեն ընտրում, մեկ այլ իրավիճակում վախենում ենք, որ մեզ կընտրեն: Վախենում ենք, որ բավականաչափ լավը չենք լինի, վախենում ենք, որ Տերը մեզ համար օրհնություններ չունի: Մենք վախենում ենք փոփոխությունից և մեր վախերը կարող են վերածվել խուճապի: Արդյո՞ք ես ընդգրկեցի բոլորին: («Be Not Troubled», Լիահոնա, նոյ․ 2018, 18)

• Ինչպե՞ս կարող են վախերն ազդել մեզ վրա:

Եսային մարգարեացել էր Իսրայելին և Հուդային սպասվող գերության և կործանման մասին։ Եսայի 40 գլխից սկսած Աստված ոգեշնչել է Եսայուն, որ հիշատակի հրեաների հեռավոր ապագայի մասին, որոնք պետք է ապրեին գերության մեջ:

• Ի՞նչ վախեր կամ մտահոգություններ կարող է ունենալ գերության մեջ գտնվող մարդը:

Կարդացեք Եսայի 40․1–2 հատվածները՝ փնտրելով այն ուղերձը, որն Աստված պատվիրել էր Եսայուն՝ փոխանցելու Իր ուխտի ժողովրդին:

• Աստծո ո՞ր հատկանիշների կամ բնավորության մասին իմացաք այս հատվածներից:

Վախ Մխիթարություն

• Ընդհանուր առմամբ, այս սանդղակի որ մասում կտեղադրեիք ներկայիս կյանքի մասին ձեր զգացմունքները:

• Ո՞ր մասում կտեղադրեիք ապագայի մասին ձեր զգացմունքները:

Ուսումնասիրելիս փնտրեք, թե ինչ է Աստված ուսուցանում, որը կարող է օգնել ձեզ ավելի շատ զգալ Նրա մխիթարությունը։ Եթե կարդում կամ լսում եք ինչ-որ բան, որն, ըստ ձեզ, կարող է մխիթարություն բերել, այդ մտքերը կարող են լինել Սուրբ Հոգուց, որը հաղորդակցվում է ձեզ հետ: Կարող եք այդ պատկերացումները գրել ձեր օրագրում՝ նկարի կողքին:

Իր ուխտյալ ժողովրդին մխիթարելու համար Աստված ոգեշնչել է Եսայուն շատ բաներ ուսուցանել Իր մասին Եսայի 40–43 գլուխներում։ Դուք հնարավորություն կունենաք նշելու այդ ճշմարտություններից մի քանիսը և մտածել, թե դրանք ինչպես կարող են օգնել մխիթարել մարդուն, որը վախեր ունի:

Օգտագործելով մի հատված Եսայու գրքից, ստեղծեք կարճ ուղերձ, որը կարող է մխիթարել վախեր ունեցող մարդուն: Ներառեք հետևյալներից յուրաքանչյուրը.

Քայլ 1․ Բառեր կամ արտահայտություններ հատվածից, որոնք կարող են օգնել մարդուն զգալ Աստծո մխիթարությունը: Ամփոփեք դրանք ճշմարտության մի պարզ դրույթով:

Քայլ 2․ Սուրբ գրություն, օրհներգ կամ Եկեղեցու ղեկավարի ուղերձ՝ հատվածի ուսմունքները հաստատելու համար:

Քայլ 3․ Անձնական փորձառություն կամ ժամանակակից օրինակ, որը ցույց է տալիս, թե Աստծո մասին դա իմանալն ինչպես կարող է մխիթարություն բերել:

Կարդացեք Եսայի 41․10–14 հատվածները՝ փնտրելով Աստծո մխիթարիչ խոսքերն Իր ուխտյալ ժողովրդին: Նշեք, որ որդ բառը հատված 14-ում կարող է նշանակել հեզ և խոնարհ։

Քայլ 1

• Ըստ ձեզ, ո՞ր բառերը կամ արտահայտությունները կարող են մխիթարիչ լինել: Ինչո՞ւ։

• Ինչպե՞ս կարող եք ամփոփել դրանք ճշմարտության մեկ պարզ դրույթով:

Քայլ 2

Որպեսզի օգնեք ուսանողներին հասկանալ այդ ճշմարտությունը, կարող եք ամբողջ դասարանով երգել կամ լսել «How Firm a Foundation» օրհներգը (Hymns—for Home and Church)։ Ուսանողներին առաջարկեք փնտրել և կիսվել բառերով կամ արտահայտություններով, որոնք, ըստ իրենց, մխիթարիչ են: Կախված, թե ինչքան ժամանակ ունեք, կարող եք երգել օրհներգի միայն 3-րդ և 7-րդ տները: Կարող եք նաև առաջարկել ուսանողներին կապել Եսայի 41․10 հատվածն այս օրհներգի 3-րդ տան հետ, որը կարելի է գտնել Gospel Library հավելվածում:

3:60

• Ինչպե՞ս կարող է իմանալը, որ Աստված մեզ հետ կլինի և կզորացնի մեզ, օգնել մեզ, որպեսզի չվախենանք:

Տասներկու Առաքյալների Քվորումից երեց Նիլ Լ. Անդերսենը կիսվել է, թե Տիրոջ հետ մեր հարաբերություններն ինչպես կարող է օգնել մեզ չվախենալ.

15:4

Մենք չպետք է վախենանք նույնիսկ մեզ շրջապատող աշխարհիկ աճող ազդեցություններից։ Տերը երբեք չի լքի Իր ուխտյալ ժողովրդին: Արդարների համար գոյություն ունի հոգևոր պարգևների և աստվածային առաջնորդության փոխհատուցող զորություն: Սակայն, հոգևոր զորության այս լրացուցիչ օրհնությունը մենք չենք ստանում միայն այն պատճառով, որ այս սերնդի մի մասն ենք: Այն ստանում ենք, երբ ամրացնում ենք մեր հավատքն առ Տեր Հիսուս Քրիստոսը և պահում Նրա պատվիրանները և, երբ սկսում ենք ճանաչել ու սիրել Նրան: (Նիլ Լ․ Անդերսեն «Մոտենալ Փրկչին», Լիահոնա, նոյ. 2022, 73–74)

Քայլ 3

• Ե՞րբ եք զգացել, որ Աստված ձեզ հետ է կամ զորացրել է ձեզ:

Ընտրեք հետևյալ հատվածներից մեկը։ Ստեղծեք կարճ ուղերձ, որը կարող է մխիթարել վախեր ունեցող մարդուն: Դա անելու համար հետևեք վերոնշված երեք քայլին:

Եսայի 40․9–11

Եսայի 40.28–31

Եսայի 41․17–20

Եսայի 42․5–7

Եսայի 43․1–2

Եսայի 43․25–26