Manwal ng Guro ng Seminary para sa Lumang Tipan

Mga Nilalaman
Pahina ng Pamagat
Pambungad sa Manwal ng Guro
Mga Lesson sa Lumang Tipan
- Halina’t Basahin ang Lumang Tipan
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko ng Pagkabuhay
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Mga Bilang 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Hukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Cronica 14–20; 26; 30
- Ezra 1; 3–7; Nehemias 2; 4–6; 8
- Esther
- Job 1–3; 12–14; 19; 21–24; 38–40; 42
- Mga Awit 1–2; 8; 19–33; 40; 46
- Mga Awit 49–51; 61–66; 69–72; 77–78; 85–86
- Mga Awit 102–103; 110; 116–119; 127–128; 135–139; 146–150
- Mga Kawikaan 1–4; 15–16; 22; 31; Eclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3; 7; 16–18; 20
- Jeremias 31–33; 36–38; Mga Panaghoy 1; 3
- Ezekiel 1–3; 33–34; 36–37; 47
- Daniel 1–7
- Oseas; Joel
- Amos; Obadias; Jonas
- Mikas; Nahum; Habakuk; Sefanias
- Hagai 1–2; Zacarias 1–4; 7–14
- Malakias
Mga Lesson sa Paghahanda sa Buhay
- Doctrinal Mastery: Paghahanap ng mga Sagot sa Aking mga Tanong
- Mga Kasanayan sa Pag-aaral ng Banal na Kasulatan
- Para sa Lakas ng mga Kabataan: Paggawa ng mga Pagpili
- Pagkakaroon ng Pag-asa sa Sariling Kakayahan o Self-Reliance
- Pisikal at Emosyonal na Kalusugan
- Paghahanda para sa Edukasyon at Trabaho sa Hinaharap
- Pagtatagumpay sa Paaralan
- Paghahanda ng Missionary
- Paghahanda para sa Templo
- Mga Turo ng mga Lider ng Simbahan
Apendiks

Isaias 29: “Kahanga-hangang mga Gawa … at Kagila-gilalas”

“Isaias 29: ‘Kahanga-hangang mga Gawa … at Kagila-gilalas’” Manwal ng Guro ng Seminary para sa Lumang Tipan (2026)

“Isaias 29: ‘Kahanga-hangang mga Gawa … at Kagila-gilalas,’” Manwal ng Guro ng Seminary para sa Lumang Tipan

Isaias 13–14; 22; 24–30; 35: Lesson 118

Isaias 29

“Kahanga-hangang mga Gawa … at Kagila-gilalas”

Paano naging kahanga-hanga sa iyo ang ebanghelyo ni Jesucristo at ang Aklat ni Mormon? Inilarawan ni Isaias ang Pagpapanumbalik ng ebanghelyo ni Jesucristo, kabilang ang paglabas ng Aklat ni Mormon, bilang “kahanga-hangang mga gawa … at kagila-gilalas ” (Isaias 29:14). Ang lesson na ito ay makatutulong sa mga estudyante na makadama ng pasasalamat para sa Pagpapanumbalik ng ebanghelyo ni Jesucristo at sa Aklat ni Mormon.

Paghahanda ng estudyante: Sabihin sa mga estudyante na isipin kung ano ang ibig sabihin ng mga salitang kagila-gilalas at kahanga-hanga. Gamit ang kanilang paliwanag, anyayahan silang maghanap ng isang talata o kuwento sa Aklat ni Mormon na kagila-gilalas o kahanga-hanga sa kanila.

Mga Posibleng Aktibidad sa Pag-aaral

Apostasiya

Para makita ang pangangailangan sa Pagpapanumbalik ng ebanghelyo, makatutulong sa mga estudyante na maunawaan ang Malawakang Apostasiya.

Para magawa ito, sabihin sa mga estudyante na susubukan nilang hulaan ang isang pangyayari batay sa mga clue. Pagkatapos ay ipakita nang paisa-isa ang mga sumusunod na parirala habang sinusubukang hulaan ng mga estudyante “ang Malawakang Apostasiya.” Kapag natukoy na ito ng mga estudyante, sabihin sa kanila na itaas ang kanilang kamay ngunit huwag munang ibahagi ang sagot.

Gamitin ang mga sumusunod na parirala upang matukoy kung anong pangyayari ang inilalarawan:

“tatakpan ang lupa ng kadiliman” (Isaias 60:2)
“taggutom … sa pakikinig sa mga salita ng Panginoon” (Amos 8:11)
“papasok sa kalagitnaan ninyo ang mababangis na asong-gubat” (Mga Gawa 20:29)
“ang pagtalikod” (2 Tesalonica 2:3)

Basahin ang Isaias 29:8–10, at alamin ang mga paglalarawan sa Malawakang Apostasiya.

Paano inilalarawan sa passage ang mga taong iniwan o hindi kailanman natamo ang katotohanan ng Panginoon dahil sa Malawakang Apostasiya?

Nabubuhay tayo sa mundong marami pa rin ang nagugutom, nalilihis ng landas, o natutulog sa espirituwal. Maaari din tayong gumawa ng mga desisyong maglalayo sa atin sa Panginoon. Maglaan ng ilang sandali upang pagnilayan ang mga paraan na maaaring ganito ang madama ninyo, o ng mga mahal ninyo sa buhay.

Sa inyong pag-aaral ngayon, humingi ng tulong sa Espiritu Santo para mapahalagahan ang ibinigay sa atin ng Ama sa Langit at ni Jesucristo para madaig ang mga hamong ito at bumaling sa Kanila.

Kahanga-hangang mga Gawa … at Kagila-gilalas

Basahin ang Isaias 29:4 para matukoy ang ipinropesiya ni Isaias na pagpapalain tayo ng Panginoon para madaig ang mga epekto ng Malawakang Apostasiya.

Para matulungan ang mga estudyante na maunawaan na ang talata 4 ay tumutukoy sa Aklat ni Mormon, maaari mong ibigay sa mga estudyante ang ilan sa mga sumusunod na scripture reference:

2 Nephi 33:13
Mormon 8:23
Ang huling talata ng “Ang Patotoo ng Propetang si Joseph Smith” na matatagpuan sa pambungad na mga pahina ng Aklat ni Mormon.

Bilang alternatibo, maaari mong ipakita ang lahat ng scripture reference sa pisara at anyayahan ang mga estudyante na gumamit ng mga ito hangga’t kinakailangan nila para matukoy kung ano ang ipinagkaloob sa atin ng Panginoon. Maaaring pumili ang mga estudyante ng isa o mahigit pa sa scripture reference na ito at i-cross-reference, o iugnay, ang mga ito sa Isaias 29:4. Makatutulong ito sa kanila na maalaala ang natutuhan nila.

Maaari mong ipabasa sa mga estudyante ang Isaias 29:11–12 at ipahanap sa kanila ang iba pang mga parirala na maaaring tumutukoy sa paglabas ng Aklat ni Mormon. Maaaring markahan ng mga estudyante ang, “ang aklat ay ibigay sa isa na hindi marunong bumasa” (Isaias 29:12). Ang pariralang ito ay tumutukoy kay Joseph Smith, na hindi gaanong pormal na nakapag-aral. Kung hindi ito alam ng mga estudyante, maaari mong ipaliwanag na ang mga talatang ito ay tumutukoy sa isang pangyayari sa kasaysayan ng Simbahan na matatagpuan sa Joseph Smith—Kasaysayan 1:62–65.

Ang Isaias 29:13–14 ay isang doctrinal mastery passage. Maaari mong anyayahan ang mga estudyante na markahan ang mga doctrinal mastery passage sa natatanging paraan upang madali nilang mahanap ang mga ito.

Basahin ang Isaias 29:13–14, at alamin ang sinabi ng Panginoon na gagawin Niya para madaig ang mga epekto ng Apostasiya.

Ipinaliwanag ni Pangulong Russell M. Nelson kung ano ang kahanga-hangang mga gawa … at kagila-gilalas:

Kasama sa [kahanga-hangang] gawaing iyon [at kagila-gilalas] na gawa ang paglabas ng Aklat ni Mormon at ang Pagpapanumbalik ng ebanghelyo. (“Mga Saksi sa mga Banal na kasulatan,”Liahona, Nob. 2007, 46)

Paano ninyo ibubuod ang matututuhan natin mula sa Isaias 29:13–14?

Maaaring magbahagi ang mga estudyante ng isang bagay na tulad ng sumusunod: Ipinanumbalik ng Panginoon ang ebanghelyo ni Jesucristo, kabilang ang paglabas ng Aklat ni Mormon, upang madaig ang mga epekto ng Malawakang Apostasiya.

Ipaliwanag na ang Pagpapanumbalik ng Ebanghelyo ay ang “pagtatatag muli ng Diyos ng mga katotohanan at ordenansa ng Kanyang ebanghelyo sa gitna ng mga tao sa mundo” (“Pagpapanumbalik ng Ebanghelyo,” Gabay sa mga Banal na Kasulatan, Gospel Library). Bilang alternatibo, maaari mong ipanood ang “What Is the Restoration?” mula sa time code na 2:09 hanggang 5:13.

5:1

Upang matulungan ang mga estudyante na masuri ang katotohanang ito, maaari mo silang igrupo upang talakayin ang mga sumusunod na tanong.
Ano ang maituturo sa atin ng katotohanang ito tungkol sa Ama sa Langit at kay Jesucristo?
Paano makatutulong sa atin ang Pagpapanumbalik ng ebanghelyo ni Jesucristo at ng Aklat ni Mormon na madaig ang mga espirituwal na paghihirap na dulot ng Malawakang Apostasiya?

Ang mga pagpapala ng kahanga-hanga at kagila-gilalas na mga gawa

Ang sumusunod ay makatutulong sa mga estudyante na makita kung paano tayo matutulungan ng Pagpapanumbalik at ng Aklat ni Mormon na madaig ang mga epekto ng Malawakang Apostasiya.

Isulat sa iyong journal ang tanong na “Paano ako mapagpapala ng Panginoon sa pamamagitan ng Pagpapanumbalik at ng Aklat ni Mormon?” Basahin ang Isaias 29:18–19 at isulat ang mahahanap ninyo na mga sagot sa tanong.

Gawin ang isa sa mga sumusunod na aktibidad:

Aktibidad 1

Tumukoy ng isang talata o kuwento mula sa Aklat ni Mormon na naglalapit sa iyo sa Ama sa Langit at kay Jesucristo. Kung makatutulong, maaari mong tingnan ang mga doctrinal mastery passage ng Aklat ni Mormon.

Ipaliwanag kung bakit kahanga-hanga ito sa iyo.

Aktibidad 2

Tumukoy ng isang doktrina, ordenansa, pagpapala, o iba pang aspeto ng Pagpapanumbalik ng ebanghelyo ni Jesucristo (mga makabagong propeta, templo, priesthood, at iba pa) na tumutulong sa iyo na mas mapalapit sa Ama sa Langit at kay Jesucristo.

Ipaliwanag kung bakit kahanga-hanga ito sa iyo.

Pagkatapos ng sapat na oras, anyayahan ang mga estudyante na bumuo ng maliliit na grupo at ibahagi ang kanilang mga paliwanag.

Maaari mong tapusin ang klase sa pamamagitan ng pag-anyaya sa mga estudyante na pagnilayan kung bakit sila nagpapasalamat sa Ama sa Langit at kay Jesucristo para sa Pagpapanumbalik at Aklat ni Mormon. Maaari mong ibahagi ang iyong nadarama kung bakit mo ipinagpapasalamat ang Pagpapanumbalik o ang Aklat ni Mormon.

Isaulo

Maaari mong tulungan ang mga estudyante na isaulo ang doctrinal mastery reference at mahalagang parirala ng banal na kasulatan sa lesson na ito at rebyuhin ang mga ito sa mga lesson sa hinaharap. Ang mahalagang parirala ng banal na kasulatan para sa Isaias 29:13–14 ay “Ang Pagpapanumbalik ng ebanghelyo ay ‘kahanga-hangang mga gawa … at kagila-gilalas.’” Ang mga ideya para sa mga aktibidad sa pagsasaulo ay nasa mga materyal sa appendix sa ilalim ng “Mga Aktibidad sa Pagrerebyu ng Doctrinal Mastery.”

Karagdagang Resources

Kumpleto na ba ang Pagpapanumbalik ng ebanghelyo?

Itinuro ni Pangulong Dieter F. Uchtdorf, na noon ay kabilang sa Unang Panguluhan:

18:31

Kung minsan iniisip natin na ang Panunumbalik ng ebanghelyo ay isang bagay na kumpleto, na tapos na—isinalin ni Joseph Smith ang Aklat ni Mormon, tinanggap niya ang mga susi ng priesthood, inorganisa ang Simbahan. Ang totoo, ang Panunumbalik ay tuluy-tuloy na proseso; nabubuhay tayo rito ngayon mismo. Kasama rito ang “lahat ng [inihayag] ng Diyos, [at] lahat ng Kanyang [inihahayag] ngayon,” at ang “maraming dakila at mahahalagang bagay” na “ihahayag pa Niya” (Mga Saligan ng Pananampalataya 1:9). … Ang kapana-panabik na mga nangyayari ngayon ay bahagi ng matagal nang ipinropesiyang panahon ng paghahanda na magwawakas sa maluwalhating Ikalawang Pagparito ng ating Tagapagligtas na si Jesucristo. (“Kabahagi Ba Kayo sa Gawain ng Panunumbalik?,” Liahona, Mayo 2014, 59)

Ipinaliwanag ni Pangulong Russell M. Nelson:

Ang Pagpapanumbalik ay isang proseso, hindi isang pangyayari, at magpapatuloy ito hanggang sa muling pagparito ng Panginoon. …

Ang patuloy na Pagpapanumbalik ay nangangailangan ng patuloy na paghahayag. (“Ang Templo at ang Inyong Espirituwal na Pundasyon,” Liahona, Nob. 2021, 94)

Paano ako magkakaroon ng personal na patotoo tungkol sa kabanalan ng Pagpapanumbalik?

Isinasaad sa Ang Pagpapanumbalik ng Kabuuan ng Ebanghelyo ni Jesucristo: Isang Proklamasyon sa Mundo para sa Ika-200 Taong Anibersaryo:

Lakip ang lubos na paggalang at pasasalamat, kami bilang Kanyang mga Apostol ay nag-aanyaya sa lahat na malaman—tulad ng pagkakaalam namin—na bukas ang kalangitan. Ipinapahayag namin na ipinababatid ng Diyos ang Kanyang kalooban sa Kanyang mga minamahal na anak. Nagpapatotoo kami na yaong mga mapanalanging pag-aaralan ang mensahe ng Pagpapanumbalik at kikilos nang may pananampalataya ay pagpapalaing magkamit ng kanilang sariling patotoo sa kabanalan nito at sa layunin nitong ihanda ang mundo para sa ipinangakong Ikalawang Pagparito ng ating Panginoon at Tagapagligtas, na si Jesucristo. (“Ang Pagpapanumbalik ng Kabuuan ng Ebanghelyo ni Jesucristo: Isang Proklamasyon sa Mundo para sa Ika-200 Taong Anibersaryo,” Gospel Library)

Mga Karagdagang Aktibidad sa Pag-aaral

Mga propesiya tungkol sa Aklat ni Mormon sa Isaias 29

Nagbigay si Isaias ng iba pang mga propesiya tungkol sa Aklat ni Mormon sa Isaias 29. Kung sa palagay mo ay makatutulong ito, maaari mong ipaliwanag ang mga propesiyang ito, o maaaring basahin ng mga estudyante ang sumusunod na mga talata at tukuyin kung paano nauugnay ang mga ito sa Aklat ni Mormon:

Isaias 29:4—Ipinropesiya ni Isaias ang tungkol sa paglabas ng mga laminang ginto mula sa lupa.
Isaias 29:11–12—Ipinropesiya ni Isaias ang tungkol sa pagdadala ni Martin Harris kay Propesor Charles Anthon ng mga kopya ng ilan sa mga character o titik sa Aklat ni Mormon.

Para matulungan ang mga estudyante na makita kung paano natupad ang propesiya ni Isaias sa Isaias 29:11–12, maaari mong isulat sa pisara ang sumusunod na chart:

Ang paksa ng isa sa mga propesiya ni Isaias	Ang propesiya ni Isaias kung ano ang gagawin ng tao o mga tao	Ang katuparan ng propesiya
Isaias 29:11—“mga tao”		Joseph Smith—Kasaysayan 1:63–65
Isaias 29:11—“isang marunong bumasa”		Joseph Smith—Kasaysayan 1:63–65
Isaias 29:12—“isa na hindi marunong bumasa”		Joseph Smith—Kasaysayan 1:59

Maaari mong pagpartner-partnerin ang mga estudyante at sabihin sa bawat magkapartner na basahin nang magkasama ang mga scripture reference sa chart at ibuod sa gitnang column ang mga propesiya ni Isaias at ang katuparan ng mga ito sa mga huling araw. (Maaari mong ipaliwanag na itinala rin ni Nephi ang salaysay ni Isaias sa 2 Nephi 27:6–10, 15–20. Ang salaysay ni Nephi ay nagbibigay ng higit na detalye kaysa sa salaysay ni Isaias sa Biblia.)

Bilang alternatibo sa aktibidad sa chart, maaari mong ipanood ang “A Marvelous Work and Wonder” (3:57) o ipabasa sa mga handang estudyante ang salaysay tungkol kina Martin Harris at Charles Anthon sa pahina 51–54 sa Mga Banal, Tomo 1: Ang Pamantayan ng Katotohanan, 1815–1846.

3:57

Ang Aklat ni Mormon—Kahanga-hangang mga gawa … at kagilas-gilas

Maaari mong gamitin ang mga sumusunod na video bago tapusin ng mga estudyante ang aktibidad 1 o 2 sa lesson. Maaari mo ring ipanood ang mga ito upang matulungan ang mga estudyante na matukoy kung paano magdudulot ng pag-asa at galak ang Aklat ni Mormon sa ating buhay.

“Basahin ang Aklat, Umasa sa Panginoon” mula sa time code na 1:32 hanggang 3:22. Ibinahagi ni Elder Gary E. Stevenson ng Korum ng Labindalawa ang karanasan ni Mary Elizabeth Rollins sa pagbabasa ng Aklat ni Mormon.

15:7

“Go Ye Therefore” mula sa time code na 1:22 hanggang 3:05. Ibinahagi ni Sister Silvia H. Allred, dating miyembro ng Relief Society General Presidency, ang kanyang karanasan sa pag-aaral tungkol sa Aklat ni Mormon.

10:24

Pananampalataya sa bawat paghakbang

Ang pagtulong sa mga estudyante na matukoy ang ilan sa mga pagpapala ng Pagpapanumbalik ay makatutulong sa kanila na maragdagan ang kanilang pasasalamat para sa kahanga-hangang “at kagila-gilalas [na mga gawa]” ng Panginoon. Ang isang paraan para matulungan ang mga estudyante na magawa ito ay sa pamamagitan ng pagkanta o pakikinig sa “Faith in Every Footstep.” Maaaring sundan ng mga estudyante ang mga titik at tukuyin ang (1) mga paraan na makalalahok tayo sa kahanga-hanga “at kagila-gilalas [na mga gawa]” ng Panginoon at (2) mga pagpapalang nagmumula sa Kanyang dakilang gawain. Pagkatapos ay maaari nilang ibahagi ang kanilang nalaman.

5:37