Manwal ng Guro ng Seminary para sa Lumang Tipan

Mga Nilalaman
Pahina ng Pamagat
Pambungad sa Manwal ng Guro
Mga Lesson sa Lumang Tipan
- Halina’t Basahin ang Lumang Tipan
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko ng Pagkabuhay
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Mga Bilang 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Hukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Cronica 14–20; 26; 30
- Ezra 1; 3–7; Nehemias 2; 4–6; 8
- Esther
- Job 1–3; 12–14; 19; 21–24; 38–40; 42
- Mga Awit 1–2; 8; 19–33; 40; 46
- Mga Awit 49–51; 61–66; 69–72; 77–78; 85–86
- Mga Awit 102–103; 110; 116–119; 127–128; 135–139; 146–150
- Mga Kawikaan 1–4; 15–16; 22; 31; Eclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3; 7; 16–18; 20
- Jeremias 31–33; 36–38; Mga Panaghoy 1; 3
- Ezekiel 1–3; 33–34; 36–37; 47
- Daniel 1–7
- Oseas; Joel
- Amos; Obadias; Jonas
- Mikas; Nahum; Habakuk; Sefanias
- Hagai 1–2; Zacarias 1–4; 7–14
- Malakias
Mga Lesson sa Paghahanda sa Buhay
- Doctrinal Mastery: Paghahanap ng mga Sagot sa Aking mga Tanong
- Mga Kasanayan sa Pag-aaral ng Banal na Kasulatan
- Para sa Lakas ng mga Kabataan: Paggawa ng mga Pagpili
- Pagkakaroon ng Pag-asa sa Sariling Kakayahan o Self-Reliance
- Pisikal at Emosyonal na Kalusugan
- Paghahanda para sa Edukasyon at Trabaho sa Hinaharap
- Pagtatagumpay sa Paaralan
- Paghahanda ng Missionary
- Paghahanda para sa Templo
- Mga Turo ng mga Lider ng Simbahan
Apendiks

Isaias 25: Paghihintay sa Panginoon

“Isaias 25: Paghihintay sa Panginoon,” Manwal ng Guro ng Seminary para sa Lumang Tipan (2026)

“Isaias 25: Paghihintay sa Panginoon,” Manwal ng Guro ng Seminary para sa Lumang Tipan

Isaias 13–14; 22; 24–30; 35: Lesson 117

Isaias 25

Paghihintay Sa Panginoon

A young woman kneels at her bedside and looks out the window as if she is pondering or waiting for an answer to her prayer.

Paano ka tutugon kapag tila hindi sinasagot ang iyong mga taimtim na panalangin? Sa banal na kasulatan, binigyang-diin ng Panginoon at ng Kanyang mga propeta ang pangangailangan nating maghintay sa Panginoon (tingnan sa Isaias 25:9), at matiyagang maghanap ng mga pagpapala at sagot. Ang lesson na ito ay makatutulong sa mga estudyante na maunawaan ang kahalagahan ng paghihintay sa Panginoon.

Paghahanda ng estudyante: Sabihin sa mga estudyante na pagnilayan ang isang pagkakataon na kinailangan nila o ng isang kakilala nila na matiyagang maghintay ng sagot o pagpapala mula sa Ama sa Langit. Maaari silang maghandang magbahagi ng kung ano sa tingin nila ang nagpapadali o nagpapahirap sa paghihintay.

Mga Posibleng Aktibidad sa Pag-aaral

Pagkakaroon ng pagtitiyaga sa pamamagitan ng pagsasanay

Upang masubukan ang kakayahan ng mga bata na matiyagang maghintay, inilagay ng mga mananaliksik ang isang malaking marshmallow sa harap ng ilang apat na taong gulang na bata. Sinabihan ang mga bata na maaari nilang kainin kaagad ang marshmallow. Gayunpaman, kung makapaghihintay sila nang 15 minuto, bibigyan sila ng dalawang marshmallow. 30 porsiyento lamang ng mga bata ang nakapaghintay.

Ano sa palagay ninyo ang maaaring dahilan ng pagkakaiba ng mga batang nakapaghintay at ng mga hindi nakapaghintay?
Kailan kayo nahirapan sa paghihintay para sa isang bagay? Ano ang nagpahirap sa inyo?

Kung minsan, maaaring hilingin sa atin ng Ama sa Langit na maghintay para sa ninanais natin na sagot o pagpapala. Kung minsan, maaaring hindi Niya ibigay ang ninanais natin na sagot o pagpapala ayon sa paraan o panahon na gusto natin.

Ano ang ilang halimbawa ng mga pagpapala o sagot mula sa Panginoon na maaaring kailanganin nating matiyagang hintayin?

Maaaring banggitin ng mga estudyante ang paghihintay ng kumpirmasyon na totoo ang Aklat ni Mormon, ang paghahangad ng mga pagpapala ng pagpapagaling para sa isang maysakit na mahal sa buhay, o ang paghiling ng sagot sa Ama sa Langit para sa kanilang mga tanong sa ebanghelyo.

Para matulungan ang mga estudyante na matukoy kung paano naaangkop ang lesson na ito sa kanilang mga indibiduwal na pangangailangan, bigyan sila ng pagkakataong pagnilayan ang sumusunod na mga tanong sa self-assessment.
Anong mga pagpapala o sagot mula sa Ama sa Langit ang hinihintay mong matanggap sa kasalukuyan? Ano ang maaari Niyang hilingin sa iyo na hintayin sa hinaharap?
Bakit madali o mahirap para sa iyo ang paghihintay sa isang bagay mula sa Ama sa Langit?

Sa inyong pag-aaral ngayon, humingi ng tulong sa Espiritu Santo para mas maunawaan ninyo ang kahalagahan ng paghihintay sa kalooban at panahon ng Ama sa Langit at ni Jesucristo. Maaari ninyong mapanalanging anyayahan ang Ama sa Langit na palakasin ang inyong kakayahan na matiyagang maghintay.

Matiyagang naghihintay sa Panginoon

Maaaring makatulong na ibahagi sa mga estudyante na isinugo ng Panginoon ang propetang si Isaias sa bansang Juda sa magulong panahon ng kawalang-katiyakan sa pulitika at lipunan. Ipinaaalala ng Isaias 25 sa sambahayan ni Israel ang mga dakilang pagpapalang mayroon sila at matatanggap nila mula sa Panginoon.

Basahin ang Isaias 25:1–4, 6–9, at alamin ang ginawa na ng Panginoon para sa Israel at ang gagawin Niya para sa kanila sa hinaharap.

Anong mga pagpapala ang pinakamahalaga at pinakanauugnay para sa inyo?
Ayon sa talata 9, ano ang ipinagagawa sa atin ng Panginoon para matanggap ang Kanyang mga pagpapala?

Tulungan ang mga estudyante na matukoy ang isang katotohanang tulad ng kung maghihintay tayo sa Panginoon, matutuwa at magagalak tayo sa Kanyang kaligtasan. Maaari mong isulat ang pariralang “hintayin ang Panginoon” sa pisara.

Sabihin sa mga estudyante na kunwari ay sinabi sa kanila ng isang kaibigan na ipaliwanag ang ibig sabihin ng pariralang ito. Tulungan ang mga estudyante na gumawa ng paliwanag para sa pariralang ito. Kung kailangan ng mga estudyante ng karagdagang tulong para maunawaan ang ibig sabihin ng maghintay sa Panginoon, maaari mong ibahagi ang sumusunod na pahayag.

Itinuro ni Elder Robert D. Hales (1932–2017) ng Korum ng Labindalawang Apostol:

Sa mga banal na kasulatan, ang ibig sabihin ng salitang maghintay ay umasa, umasam, at magtiwala. Ang umasa at magtiwala sa Panginoon ay nangangailangan ng pananampalataya, tiyaga, pagpapakumbaba, kaamuan, mahabang pagtitiis, pagsunod sa mga utos, at pagtitiis hanggang wakas. (“Paghihintay sa Panginoon: Mangyari Nawa ang Iyong Kalooban,” Liahona, Nob. 2011, 71)

May maidaragdag pa ba kayo para matulungan ang isang tao na maunawaan ang ibig sabihin ng maghintay sa Panginoon?
Sa inyong palagay, bakit mahalaga sa Panginoon na matutuhan natin na maghintay sa Kanya? Paano tayo natutulungan nito na higit na maging katulad Niya?

Mga dakilang pagpapala na ipinapangako sa mga naghihintay sa Panginoon

Para matulungan ang mga estudyante na makita ang iba pang pagpapalang ipinangako ng Panginoon sa mga naghihintay sa Kanya, maaari mong gamitin ang sumusunod na aktibidad sa kasanayan sa pag-aaral ng mga banal na kasulatan. Tumutulong ang aktibidad na ito sa mga estudyante na magsanay sa pag-ugnay o pag-cross reference ng mga talata upang mas maunawaan nila ang alituntunin.

Pumili ng isa o mahigit pa sa mga sumusunod na talatang pag-aaralan: Mga Awit 27:14; Isaias 40:31; Doktrina at mga Tipan 133:45. Maghanap ng mga karagdagang pagpapala na ipinapangako ng Panginoon sa mga naghihintay sa Kanya.

Ano kayang mga pagpapala ng paghihintay sa Panginoon ang natatanggap ngayon?

Maaaring magbahagi ang mga estudyante ng mga pagpapalang tulad ng kapayapaan, kagalakan, o lakas habang naghihintay sila sa Panginoon.

Bilang halimbawa ng mga pagpapalang dumarating pagkatapos maghintay sa Panginoon, maaari mong ipanood ang kuwento ni Pangulong Uchtdorf sa video na “Continue in Patience,” mula sa ChurchofJesusChrist.org, sa time code na 1:07–2:41. Sabihin sa mga estudyante na alamin ang ginawa ni Pangulong Uchtdorf, na noon ay miyembro ng Unang Panguluhan, upang kumilos nang may pananampalataya habang hinihintay niya ang mga ipinangakong pagpapala ng pagsunod sa Word of Wisdom.

2:42

Matapos mong ipakita ang sumusunod na mga tanong, maaari kang magbahagi ng maikling karanasan mo habang nag-iisip ang mga estudyante ng isasagot nila.
Kailan ka nakaranas ng paghihintay sa sagot o pagpapala?
Ano ang ginawa mo na nakatulong sa iyo na maghintay sa Panginoon?

Dapat tayong masigasig na maghintay sa Panginoon

Ang pagbibigay ng pagkakataon sa mga estudyante na ibahagi ang kanilang pinag-aralan ay makapagpapadali sa kanila na matanto ang kanilang natutuhan at pag-unlad. Ang isang paraan para magawa ito ay sa pamamagitan ng aktibidad sa ibaba. Kung makatutulong, sabihin sa mga estudyante na mag-isip ng mga karagdagang detalye na maidaragdag sa sitwasyon para maiugnay ito sa kanila.

Ipagpalagay na hiniling sa iyo na magbigay ng payo sa isang taong nahihirapan habang naghihintay ng pagpapala o sagot sa kanilang mga panalangin. Sa iyong study journal:

Maglista ng isang bagay na natutuhan mo ngayon na nakatulong sa iyo na maunawaan ang kahalagahan ng paghihintay sa Panginoon. Maaari kang magbahagi ng isang bagay na nalalaman mo tungkol sa Panginoon na nakatulong sa iyo.
Magsulat ng passage mula sa Isaias 25 o ng ibang banal na kasulatan na maaaring makatulong sa isang taong masigasig na naghihintay sa Panginoon.
Magsulat ng isang bagay na sa palagay mo ay makatutulong sa isang tao na gawin habang hinihintay nila ang mga sagot at pagpapala ng Panginoon. Maaari kang magsama ng isang karanasan kung saan naranasan mo o ng isang kakilala mo ang mga pagpapala ng Panginoon.

Maaari mong tapusin ang klase sa pamamagitan ng pagbabahagi kung paano mo nalaman na mapagkakatiwalaan mo ang Panginoon habang naghihintay ka sa Kanya.

Karagdagang Resources

Paano kung nahihirapan akong maghintay sa Panginoon?

Ibinahagi ni Sister Amy A. Wright, Unang Tagapayo sa Primary General Presidency:

10:39

Kadalasan sa buong buhay natin maaari nating matagpuan ang ating sarili … na matiyaga—o kung minsan ay naiinip na—“naghihintay sa Panginoon.” Naghihintay na mapagaling ang katawan o damdamin. Naghihintay sa mga sagot na titimo sa kaibuturan ng ating puso. Naghihintay ng isang himala.

Ang paghihintay sa Panginoon ay maaaring maging isang sagradong kalagayan—isang kalagayan ng pagpipino at pagpapadalisay kung saan ay mas malalim nating makikilala nang personal ang Tagapagligtas. Ang paghihintay sa Panginoon ay maaari ring maging isang kalagayan kung saan makikita natin ang ating sarili na nagtatanong ng, “O Diyos, nasaan kayo?”—isang kalagayan kung saan ang espirituwal na pagsisikap ay nangangailangan na manampalataya tayo kay Cristo sa pamamagitan ng intensyonal na pagpili sa Kanya nang paulit-ulit. Naranasan ko ito, at nauunawaan ko ang uring ito ng paghihintay.

… Natutuhan ko sa matinding paraan na ang kaligtasan mula sa mga pagsubok ay magkakaiba sa bawat isa sa atin, kaya hindi tayo dapat gaanong magtuon sa paraan ng pagliligtas sa atin at dapat ay mas pagtuunan natin ang Tagapagligtas mismo. Ang dapat nating pagtuunan palagi ay si Jesucristo!

Ang ibig sabihin ng manampalataya kay Cristo ay pagtitiwala hindi lamang sa kalooban ng Diyos kundi maging sa Kanyang takdang panahon. Dahil nalalaman Niya kung ano mismo ang kailangan natin at kung kailan mismo natin ito kailangan. Kapag sumusunod tayo sa kalooban ng Panginoon, sa huli ay tatanggap tayo nang higit pa sa inaasam natin. (“Pinagagaling ni Cristo ang Nawasak,” Liahona, Mayo 2022, 83–84)

Ipinaliwanag ni Pangulong Jeffrey R. Holland ng Korum ng Labindalawang Apostol:

14:19

[M]ay mga pagkakataon sa ating buhay kung saan maging ang ating pinakamatinding pagsisikap sa espirituwal at pinakataimtim na panalangin ay hindi humahantong sa inaasam nating tagumpay, hinggil man ito sa malalaking pandaigdigang isyu o maliliit na personal na problema. Kaya habang sama-sama tayong nagsisikap at naghihintay para sa mga sagot sa ilan sa ating mga panalangin, ibinibigay ko sa inyo ang aking pangako bilang apostol na ang mga ito ay dinirinig at sinasagot, bagaman maaaring hindi sa panahon o paraang nais natin. Ngunit ang mga ito ay palaging sinasagot sa panahon at paraang dapat sagutin ang mga ito ng isang magulang na nakaaalam ng lahat at mahabagin magpakailanman. Mga minamahal kong kapatid, mangyaring unawain na Siya na hindi umiidlip ni natutulog man ay nagmamalasakit sa kaligayahan at kadakilaan sa huli ng Kanyang mga anak higit pa sa anumang bagay na kailangang gawin ng isang banal na nilalang. Siya ay maluwalhating katauhan ng dalisay na pag-ibig, at Maawaing Ama ang Kanyang pangalan. (“Paghihintay sa Panginoon,” Liahona, Nob. 2020, 115–116)

Mga Karagdagang Aktibidad sa Pag-aaral

Isaiah 25:8—“Papahirin … ang mga luha sa lahat ng mga mukha”

Maaaring makinabang ang mga estudyante sa talakayan tungkol sa kung paano tayo bibigyan ng kapanatagan ng Ama sa Langit at ni Jesucristo habang naghihintay tayo ng ginhawa mula sa kalungkutan. Kung naaangkop, maaari mong anyayahan ang mga estudyante na magbahagi ng ilang karanasan ng mga tinedyer na maaaring nagdudulot ng kalungkutan sa kanila. Pagkatapos ay ipabasa sa mga estudyante ang Isaias 25:8, at ipahanap sa kanila ang ipinangako ng Panginoon na gagawin Niya para sa lahat ng taong nakararanas ng kalungkutan sa buhay na ito.

Kailan ninyo naranasan ang kapanatagan ng Ama sa Langit at ni Jesucristo nang makadama kayo ng kalungkutan?
Ano ang ilang paraan kung paano natin mapagsisikapan na tularan Sila at tulungan ang isang taong nalulungkot?

Maaari mong ipanood ang video na “He’ll Be There” (2:43). Sa pamamagitan ng kanta, ibinahagi ng isang binatilyo ang kanyang patotoo na papanatagin tayo ni Cristo sa ating kalungkutan.

2:42

Isaias 26:19—Ang mga patay ay naghihintay sa Pagkabuhay na Mag-uli

Para matulungan ang mga estudyante na maunawaan kung paano natin mapaglilingkuran ang ating mga ninuno na naghihintay na maisagawa ang mga ordenansa sa templo para sa kanila, maaari kang magpakita ng larawan ng isang waiting room o karatula na nagsasabing, “Waiting Room.” Sabihin sa mga estudyante na talakayin ang sumusunod na tanong.

Mula sa nalalaman ninyo tungkol sa plano ng kaligtasan, paano naging katulad ng waiting room ang daigdig ng mga espiritu para sa ating mga ninuno?
Ano ang maaaring ibig sabihin sa kanila ng “maghintay sa Panginoon”?

Maaaring basahin ng mga estudyante ang Isaias 26:19, at alamin ang pangako sa lahat ng anak ng Ama sa Langit.

Paano maaaring makatulong ang talatang ito sa isang taong nawalan ng mahal sa buhay?

Sabihin sa mga estudyante na ibahagi kung paano “naghihintay sa Panginoon” ang mga espiritung ito. Maaari mong sabihin sa mga estudyante na talakayin kung paano matutulungan ng ating mga pagsisikap na tipunin ang Israel ang mga espiritung ito na naghihintay sa Panginoon sa daigdig ng mga espiritu.