Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Исаиа 5: “Мууг сайн, сайныг муу гэж нэрлэгчид … хөөрхий еэ”

“Исаиа 5: ‘Мууг сайн, сайныг муу гэж нэрлэгчид … хөөрхий еэ’” Хуучин Гэрээний семинарын багшийн гарын авлага (2026)

“Исаиа 5: ‘Мууг сайн, сайныг муу гэж нэрлэгчид …хөөрхий еэ’” Хуучин Гэрээний семинарын багшийн гарын авлага

Исаиа 1-12: 115-р хичээл

Исаиа 5

“Мууг сайн, сайныг муу гэж нэрлэгчид… хөөрхий еэ”

Их Эзэн бошиглогч Исаиагаар дамжуулан израилыг “мууг сайн, сайныг муу” (Исаиа 5:20) гэх зэрэг нүгэлт сонголтоос нь сэрэмжлүүлжээ. Өнөө үед сайн мэт харагдах олон хөнөөлт санаа, зан үйл бий. Энэ хичээл нь суралцагчдын сайн мууг ялган таних чадварыг нэмэгдүүлнэ.

Суралцагчийн бэлтгэл: Хор хөнөөлгүй эсвэл бүр сайн гэж бодсон ч эцэстээ хор хөнөөлтэй байсан ямар нэгэн зүйлийн жишээг хуваалцах бэлтгэлтэйгээр ангид ирэхэд суралцагчдыг урь.

Боломжит суралцах үйл ажиллагаа

Сүнслэг байдлын хувьд аюултай санаа бодол, үйлдлүүд

Энэ хичээлийн эхэнд харуулсан шиг нуугдсан ирвэсийн зургийг үзүүлж, хичээлээ эхлүүлээрэй. Дараа нь та дараах асуултыг асуугаад, ахлагч Дэвид А.Бэднарын хэлсэн үгийг үзүүлж болно.

Ирвэсийн юу нь олзных нь хувьд аюултай болгож байна вэ?

Арван хоёр төлөөлөгчийн чуулгын ахлагч Дэвид А.Бэднар ирвэсийг аюултай санаа бодол, үйлдэлтэй зүйрлэжээ.

15:59

Миний хувьд үчимбар нь тансаг, сэтгэл татам, дур булаам амьтан юм. Африкийн өвсөн дундуур олзныхоо араас гэтэх үед үчимбарын хар толбо бүхий бор шаргалаас цагаан саарал арьсны өнгө нь эдгээр амьтныг бараг үзэгдэхгүй болгодог үзэсгэлэнтэй баг юм.

Үүнтэй адил сүнслэг байдалд аюул учруулагч санаа бодол, үйлдлүүд нь ихэвчлэн сэтгэл татам, хүсүүштэй эсвэл тааламжтай санагддаг. Иймээс орчин цагийн дэлхийд хүн бүр сайн дүр эсгэж буй муу муухай зүйлсийг мэддэг байх хэрэгтэй. (“Үргэлж залбирахаа анхаар,” Ерөнхий чуулган, 2019 оны 10 сар, 31-35)

“Сэтгэл татам, хүсүүштэй эсвэл тааламжтай санагддаг”, “сүнслэг байдалд аюул учруулагч санаа бодол, үйлдлүүд[ийн]” ямар жишээнүүд байдаг вэ?

Суралцагчдын хариултуудыг самбарт бичвэл илүү тустай байна. Суралцагчид “Энэ бол миний бие. Би түүгээр хүссэн зүйлээ хийж болно”, эсвэл “Баригдахгүй л бол зүгээр шүү дээ” гэх зэрэг зүйлсийг хэлж болно. Та дараа нь самбар дээр бичсэн эдгээр санааг дахин дурдаж болно.
Сайн дүр эсгэж буй муу явдлыг ялгаж таних нь танд яагаад чухал вэ?

Дараах тайлбар ба урилга нь энэ хичээлээр судлах зүйл нь тэдний амьдралд хэрхэн чухал болохыг харж эхлэхэд суралцагчдад тусална.

Эдгээр хууран мэхлэх санаа, үйлдлийг таньж мэдэхэд хэцүү байж болно, ялангуяа тэд бидэнд нөлөөлж эхлэх үед улам хэцүү болдог. Бидний хүн нэг бүр Есүс Христийн сургаалуудтай бүрэн нийцээгүй арга замаар бодож, үйлддэг ( Ром 3:23-ыг үзнэ үү). Биднийг Ариун Сүнсээр дамжуулан Тэнгэрлэг Эцэг, Есүс Христ хоёрын тусламжийг эрэлхийлэх үед Тэд үүнийг өөрсдөө таньж мэдэхэд бидэнд туслах болно. Өнөөдөр суралцах зуураа Ариун Сүнс үнэнийг худлаас ялган танихад тань хэрхэн тусалж болох талаар анхааралтай судал.

Далд нуугдсан хууран мэхлэлт

Исаиа 5-ын ерөнхий захиастай суралцагчдыг танилцуулахын тулд дараах догол мөрийг нэгтгэн дүгнэ.

Исаиа 5-р хэсэгт Их Эзэн израилчуудад Өөрийн хайр болон тэдний нүгэлт сонголтуудын үр дагаврын талаар усан үзмийн талбайн зүйрлэлээр дамжуулан заасан. Хэдийгээр Их Эзэн тэдэнд ургахад нь туслахыг хичээсэн ч гэсэн Израилчуудын нүгэлт сонголтууд тэднийг “зэрлэг усан үзэм” ( Исаиа 5:2-ыг үзнэ үү) болгож, энэ нь тэдний ялзрал, гашуун зан чанарын бэлгэдэл болсон юм. Тэд Их Эзэнийг болон Түүний сургаалуудыг “үл тоомсорлохыг” ( Исаиа 5:24-ийг үзнэ үү) сонгосон учраас Их Эзэний тусламжгүйгээр үлдэх байсан.

Та Исаиа 5:8–23-ыг хараад, Их Эзэн “хөөрхий еэ” (зургаан удаа) гэдэг үгийг хэдэн удаа хэрэглэснийг тоолоход суралцагчдыг урьж болно. “Хөөрхий еэ” гэдэг нь үлэмж уй гашуу, зовлон шаналлыг илэрхийлж буй гэдгийг тайлбарлана уу. Их Эзэн израилчуудын нүгэлт сонголтууд нь тэднийг Түүнээс холдуулж, уй гашуу, зовлон руу хөтөлж байгааг заахаар хичээж байсан.

Энэ хичээлээр олон үнэн дээр төвлөрч болох ч хичээлийн үлдсэн хэсэгт Исаиа 5:20 буюу төгс эзэмших сургаалын судрын хэсэг дээр төвлөрөх болно.

Исаиа 5:20 бол төгс эзэмших сургаалын судрын хэсэг юм. Төгс эзэмших сургаалын судрын хэсгийг амархан олохын тулд онцгойлон тэмдэглэхэд суралцагчдыг урих талаар бодож үзээрэй.

Исаиа 5:20-ийг уншаад, юу нь хөөрхийлөл, гуниг, зовлон зүдгүүр авчирдгийг олж мэдээрэй.

Та нар юу олж мэдсэн бэ?

Хэрэв бид мууг сайн, сайныг муу гэж нэрлэвэл эцэстээ уй гашуу, зовлон шаналлыг амсах болно зэрэг үнэнийг тодорхойлоход суралцагчдад тусал. Та энэ шүлэг дээр муу ба сайн, харанхуй ба гэрэл, ба гашуун ба амттай гэсэн гурван хослолыг тэмдэглэхэд суралцагчдыг урьж болно. Исаиа сургаалуудыг нь илүү тодорхой болгоход туслах олон жишээг олонтоо өгсөн гэдгийг тайлбарлаарай.

Мууг сайн, сайныг муу гэж нэрлэх нь эцэстээ уй гашуу, зовлон руу хэрхэн хөтөлдөг вэ?

Эдгээр хууран мэхлэлтийг таньж мэдэхэд хэцүү гэдгийг хүлээн зөвшөөрөх нь суралцагчдад ойлгогдсоныг нь мэдрүүлж, саад бэрхшээлийг таньж мэдэн, Бурхан тэдэнд хэрэгтэй байгааг харахад тусалдаг.

Самбар дээр буй “сүнслэг байдлын хувьд аюултай санаа бодол ба үйлдлүүд”-ийн жагсаалтыг ярилцаж, дараах асуултыг тавь.

Сүнслэг байдлын хувьд аюултай эдгээр үйлдлийг таньж мэдэхэд юу саад болж болох вэ?

Сэтгэл татам, хүсүүштэй эсвэл тааламжтай гэж үзэж болох сүнслэг байдлын хувьд аюултай санаа, үйлдэл байгаа эсэхийг эргэцүүлэн бод.

Есүс Христ бол үнэн юм

Бэрхшээлийг олж тодорхойлсны дараа Есүс Христийг шийдэл гэж үзэхэд суралцагчдад тусал.

Иохан 14:6-г уншаад Есүс Өөрийгөө хэн болох талаар юу гэж хэлснийг олж мэдээрэй.

Есүс Өөрийгөө үнэн гэж хэлэхдээ ямар утгыг илэрхийлсэн гэж та нар бодож байна вэ?
Дээр дурдсан худал хуурмаг санаа, үйлдлүүдийг таньж мэдэхэд бидэнд туслахын тулд Тэнгэрлэг Эцэг, Есүс Христ хоёр юу өгсөн бэ?

Хэдийгээр энэ нь бүх талыг хамарсан жагсаалт биш ч гэсэн суралцагчид дараахтай адил зүйлсийг хуваалцаж болно.

Сүнс ( Сургаал ба Гэрээнүүд 11:12–13-ыг үзнэ үү)
Христийн гэрэл ( Moронай 7:16–19-ийг үзнэ үү)
Бошиглогчид (Сургаал ба Гэрээнүүд 21:1, 4–6-г үзнэ үү)
Судрууд (2 Тимот 3:15–17-г үзнэ үү)

Хэрэв суралцагчдад тань хэрэгцээтэй гэж үзвэл өгөгдсөн судрын заримыг уншиж, хэлэлцэн ярилцаж болно.

Дараагийн үйл ажиллагаа нь суралцагчдад Аврагчийн үнэнийг таньж мэдэхэд туслах Түүний сургаалуудыг судлах боломж олгоно. Суралцагчдын анхаарлыг самбар дээрх сүнслэг байдлын хувьд аюултай санаа, үйлдлүүдийн жагсаалт руу төвлөрүүл. Дараах зааврыг үзүүл.

Бид үнэнийг худлаас ялган танихын тулд Есүс Христ болон Түүний бошиглогчдын сургаалд хандаж болно. “Есүс Христийн болон Түүний бошиглогчдын сургаалуудыг олж болох” нэг эх сурвалж бол Өсвөр үеийнхний бат бөх байдлын төлөө: Сонголт хийхэд туслах хөтөч юм (“Сүнслэгээр өдөөгдсөн сонголтуудыг хий,” Өсвөр үеийнхний бат бөх байдлын төлөө: Сонголт хийхэд туслах хөтөч [2022]).

Сайн юм шиг харагддаг муу эсвэл муу гэж нэрлэдэг сайн нэг санаа эсвэл үйлдлийг сонгоно уу. Өсвөр үеийнхний бат бөх байдлын төлөө хөтчийг судлахдаа чөтгөрийн худал хуурмаг захиасуудын оронд Есүс Христийг дагахыг сонгоход тань туслах Есүс Христ болон Түүний бошиглогчдын сургаалыг хайж ол. Аврагчийн сургаалууд хэрхэн хуурамч санаануудыг залруулдаг тухай бич.

Олж мэдсэн зүйлээ хуваалцахад суралцагчдыг урь. Үүний тулд суралцагч самбар дээрх санаа эсвэл үйлдлээс сонгож болно. Сурсан зүйл нь уг санаа эсвэл үйлдлийг сүнслэг байдлын хувьд хэрхэн сүйтгэгч болохыг харуулж байгааг тайлбарлахыг ангийнхнаас хүснэ үү. Жишээлбэл: хэрэв суралцагч “Чи баригдаагүй л бол зүгээр шүү дээ” гэдгийг сонгосон бол, суралцагчид Өсвөр үеийнхний бат бөх байдлын төлөө хөтөч дэх “Үнэн таныг чөлөөлнө” хэсгээс буюуҮнэнч шударга амьдарна гэдэг нь үнэнийг бүх зүрх сэтгэлээрээ хайрлана гэсэн үг” эсвэл “Үнэнийг хайрла” гэсэн догол мөрүүдээс сурсан зүйлсээ хуваалцаж болно.

Суралцах үйл явцаа эргэн харах нь

Суралцагчдад дараахтай адил асуултыг тавьж, сурч мэдсэн зүйлээ эргэцүүлэн бодох боломж олгоно уу.

Судлах тэмдэглэлдээ дараах асуултад өгсөн хариултаа бич.

Та үнэнийг таньж мэдэн, Есүс Христийг илүү сайн дагахад туслах юуг өнөөдөр сурч мэдсэн бэ?

Та бичсэн зүйлээ хуваалцах замаар өөрсдийн мэдрэмж, гэрчлэлийг хуваалцахад суралцагчдыг урьж болно. Есүс Христ болон Түүний нэрийг үнэн хэмээн гэрчлэх талаар бодож үзнэ үү.

Цээжлэх

Та энэ хичээлийн турш төгс эзэмших сургаалын эшлэл, судрын түлхүүр үг хэллэгийг цээжлэхэд нь суралцагчдад тусалж, дараа дараагийн хичээлүүд дээр давтаж болно. Исаиа 5:20-ийн судрын гол үг хэллэг бол “Мууг сайн, сайныг муу гэж нэрлэгчид … хөөрхий еэ” юм. “Төгс эзэмших сургаалыг давтах үйл ажиллагаа” хэсгийн хавсралт материалуудад цээжлэх үйл ажиллагаанд зориулсан санаанууд бий.

Нэмэлт эх сурвалжууд

Сайн, мууг ялгахад надад юу туслах вэ?

Тэргүүн зөвлөлийн ерөнхийлөгч Даллин Х.Өүкс ийн хэлсэн:

Бид Бурханы үг болон Түүний амьд бошиглогчдын заасан зүйлст өгөгдсөн Бурханы төлөвлөгөө, захиас хэмээн бидний мэддэг зүйлсийн эсрэг орчин үеийн үзэл санааг хэмжиж эхлэхэд … энэ нь биднийг мөнхөд аюулгүй байх газарт аваачдаг гэдгийг бид мэддэг. (“Тэрээр зүрх сэтгэлдээ тунгаахдаа,” [ахлагч Даллин Х.Өүкстэй хамт нэгэн үдэш, 2013.02.08], 5)

“Сүнслэг мэдлэг олж авах нь” хэсгийн 11 ба 12-р догол мөрийг Төгс эзэмших сургаалыг судлах үндсэн материал (2023) дээрээс үзнэ үү.

“Амьдралаа Есүс Христэд төвлөрүүл” эсвэл “Найдвартай эх сурвалжуудад ханд”-ыг Асуултын хариултыг эрэлхийлэх цувралаас Gospel Library дээрх Сэдэв ба Асуулт хэсгээс үзнэ үү.

Тэнгэрлэг Эцэгийн болон дайсны захиасууд нь хэрхэн өөр байдаг вэ?

Ерөнхийлөгч Рассэлл М.Нэлсон ийн заасан:

24:24

Дайсан маш ухаантай. Тэрээр мянга мянган жилийн турш сайныг муу, мууг сайн болгон харагдуулсаар ирсэн. Түүний захиас чанга, түрэмгий, ихэрхүү маягтай байдаг.

Гэвч Тэнгэрлэг Эцгийн маань захиас үүнээс тэс ондоо. Тэрээр буруу ташаа ойлгохын аргагүй энгийн, намуухан бөгөөд маш тодорхой байдлаар ярьдаг. (“Түүнийг сонс,” Ерөнхий чуулган, 2020 оны 4-р сар, 108-112)

Нэмэлт суралцах үйл ажиллагаа

Видеоны өргөтгөсөн сонголт

Ахлагч Бэднар эхнэрийнхээ хамт Африкт айлчлах үеэрээ үчинбэрийн ан агнах хэв маягийн талаар юу анзаарсан тухай ярихыг сонсох нь суралцагчдад ашиг тустай байж болох юм. Та түүний хэлсэн үгийг илүү дэлгэрэнгүй үзэх бол “Үргэлж залбирахаа анхаар” гэсэн видео бичлэгийн 2:13-аас 6:07 хүртэлх хэсгийг үзэж болно.

15:59

“Харанхуйг гэрэл, … гашууныг амттай” (Исаиа 5:20)

Зарим суралцагч ямар нэг үйлдэл эсвэл санааг сайн эсвэл муу гэж шууд нэрлэхгүй байж болох учраас та Исаиагийн өгсөн нэмэлт жишээнүүд болох харанхуй, гэрэл, гашуун, амттай гэсэн холбиролтгүй үнэнийг олж тодорхойлсны дараа ярилцах цаг гаргаж болно.

“Харанхуйг гэрэл, гэрлийг харанхуйгаар солигч, гашууныг амттай, амттайг гашуунаар орлуулагч” (Исаиа 5:20) сүнслэг байдлын хувьд аюултай үйлдлүүд болон санааны өөр ямар жишээнүүд байна вэ?

Суралцагчид хөгжмийн тодорхой сонголтыг эсвэл бусдыг шоолохыг муу зүйл гэж нэрлэхгүй байж болох ч зарим хөгжмийн сонголт хэрхэн харанхуйг эсвэл гэрлийг нэмэгдүүлж болохыг эсвэл бусад хүнд хандах бидний хандлага хэрхэн гашуун эсвэл амттай туршлагуудыг бий болгодог талаар хуваалцаж болно.

Найдвартай, найдваргүй эх сурвалжуудыг хэрхэн ялган таних вэ?

Сатаны хууран мэхлэлтийг мэдэх нэг арга бол найдвартай бөгөөд найдваргүй эх сурвалжийг ялган таних явдал юм. Та үүнийг хэрхэн хийхийг суралцагчдад зааж өгөхийн тулд “Бичил сургалт 3: Эх сурвалжийн найдвартай байдлыг хэрхэн үнэлэх вэ” дэх материалыг ашиглаж болох ба үүнийг Миний сайн мэдээний асуултуудад хариулах багшийн материал институтийн хичээлээс олж болно. Эсвэл та Gospel Library дахь Сэдэв ба асуултын доор байдаг “Асуултуудад хариулт эрэлхийлэх” нь эх сурвалж дээрх найдвартай эх сурвалжуудын тухай материалыг ашиглаж болно.

Исаиа 6: Есүс Христ болон Түүний Цагаатгалаар дамжуулан өөрчлөгдөх нь

Та Исаиа 6 дээр ашигласан бэлгэдлээр дамжуулан Есүс Христийн тухай заах талаар бодож үзэж болно. Та ямар нэг зүйл тохиолдохын өмнө болон дараахыг харуулсан хос зураг үзүүлж болно. Жишээлбэл: машины угаахаас өмнөх болон дараах үеийн зургийг үзүүлж болно.

Исаиа Их Эзэний өмнө зогсож байгаа үзэгдэл үзсэн гэдгийг тайлбарлах замаар Исаиа 6:1–4-ийг нэгтгэн дүгнэх талаар бодож үзээрэй. Исаиа Бурханы оршихуйгаас мэдэрсэн хүч, алдар сууг дүрслэн хэлэхийг оролджээ.

Исаиа 6:5-ыг уншаад, Исаиа Их Эзэний оршихуйгаас юу мэдэрснийг олж мэдэхэд суралцагчдыг урь.

Та Исаиатай адилхан юуг мэдэрч байсан бэ?

Дараа нь суралцагчид Исаиа 6:6–10-ыг судалж, Есүс Христ болон Түүний Цагаатгалаар дамжуулан бид хэрхэн өөрчлөгдсөн тухай заах зураг, үг хэллэгүүдийг хайж болно. Тэд тахилын ширээ нь Есүс Христийн золиослолыг (6-р шүлгийг үзнэ үү), аманд хүрэх нь Есүс Христийн цэвэршүүлэх хүчийг (7-р шүлгийг үзнэ үү), 8-р шүлэг дэх Исаиагийн хариулт нь мөнх бус байдлын өмнөх оршихуйд Тэнгэрлэг Эцэгтээ өгсөн Есүс Христийн хариултыг (Абрахам 3:27-г үзнэ үү) бидэнд хэрхэн сануулдаг тухай онцолж болно.

Суралцагчдыг олж мэдсэн зүйлээ хуваалцах үед Есүс Христ, Түүний Цагаатгалаар дамжуулан би өөрчлөгдөж, цэвэр болж чадна зэрэг үнэнийг олж тогтооход нь тусал.

Есүс Христ болон Түүний Цагаатгалтай холбоотой Исаиагийн туршлага зохисгүй эсвэл тэнцэхгүй мэт санагдах хэн нэгэнд хэрхэн найдвар төрүүлж болох вэ?
Та нар хэтэрхий хувийн ямар нэгэн зүйлээ дурдахгүйгээр Есүс Христээр болон Түүний Цагаатгалаар дамжуулан хэрхэн өөрчлөгдсөнөө хуваалцана уу?

Та Есүс Христийн цагаатгах хүчийг өөрийн биеэр мэдрэх нь Түүний тааллыг гүйцэлдүүлэх хүслийг маань хэрхэн нэмэгдүүлж болохыг ойлгоход суралцагчдад туслаарай. Суралцагчид 5-р шүлэг дэх Исаиагийн анхны мэдрэмжийг (“Би сүйрсэн тул золгүй еэ!”) 8-р шүлэг дэх Аврагчийн урилгад өгсөн хариулттай (“Би энд байна; намайг явуулаач”) харьцуулж болно. Суралцагчид Есүс Христийн цагаатгах хүчийг мэдрэх нь Түүний тааллыг үйлдэх хүслийг яагаад нэмэгдүүлдэг талаар эсвэл хүсэл зорилгын ийм өөрчлөлтийг харуулсан судрын эсвэл таньдаг хүмүүсийнхээ жишээг хуваалцаж болно.