Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Исаиа 1: “Хилэнц нүгэл чинь час улаан мэт байвч цасан адил цагаан болно”

“Исаиа 1: ‘Хилэнц нүгэл чинь час улаан мэт байвч цасан адил цагаан болно’” Хуучин Гэрээний семинарын багшийн гарын авлага (2026)

“Исаиа 1: ‘Хилэнц нүгэл чинь час улаан мэт байвч цасан адил цагаан болно’” Хуучин Гэрээний семинарын багшийн гарын авлага

Исаиа 1–12: 114-р хичээл

Исаиа 1

“Хилэнц нүгэл чинь час улаан мэт байвч цасан адил цагаан болно”

Хэдийгээр бид бүгд нүгэл үйлддэг бас уучлал хэрэгтэй ч гэсэн зарим үед уучлагдаж чадахгүй гэдэгт итгэчихдэг. Бидний Аврагчийн захиас тодорхой: “Хилэнц нүгэл чинь час улаан мэт байвч цасан адил цагаан болно” (Исаиа 1:18). Энэ хичээл Аврагч тэдний гэм нүглийг ариусгана гэдэг итгэлтэй болоход суралцагчдад тусална.

Суралцагчийн бэлтгэл: Төгс эзэмших сургаалын судрын хэсэг болох Исаиа 1:18-ыг уншаад, Исаиагийн ашигласан дүрслэлийг олж мэдэхэд суралцагчдыг урь. Суралцагчдыг энэ судрын хэсэг өөрсдөд нь ямар утга учиртай болохыг тунгаан бодож, хуваалцахад бэлдэхэд урамшуулан дэмж. Суралцагчид мөн судрын гол үг хэллэгийг цээжлэх дадлага хийж болно: “Хилэнц нүгэл чинь час улаан мэт байвч цасан адил цагаан болно” (Исаиа 1:18).

Боломжит суралцах үйл ажиллагаа

Нүглийн толбо

Эхлээд дараах зургийг эсвэл толбо болсон хувцасны тухай нэг өгүүллийг үзүүлснээр хичээлийг эхлээрэй.

Stain spot on the clothes, white t-shirt

Хувцас тань арилахгүй толботой байсан үеэ эргэн санаарай.

Бидний гэм нүгэл юугаараа толботой адилхан байж болох вэ?
Хүмүүс нүглээ ариусгаж чадахгүй гэж боддог ямар ямар шалтгаан байдаг вэ?

Та суралцагчдад дараах тусламжийг үзүүлж болно, тэгвэл суралцагчид төрсөн мэдрэмжээ эргэцүүлэх боломжтой болно.

Дараах өгүүлбэрийн аль нь танд хамгийн их хамаатай байгаа талаар бодоорой. Яагаад тэгж бодсоноо өөрөөсөө асууж болох юм.

Аврагч намайг бүх нүглээс минь ариусгаж чадна гэдэгт би итгэлтэй байна.
Аврагч намайг зарим нүглээс минь ариусгаж чадна гэдэгт би итгэдэг.
Аврагч минийх биш, харин бусдын нүглийг ариусгаж чадна гэдэгт би итгэдэг.
Аврагч нүглийг ариусгаж чадна гэдэгт би итгэдэггүй.

Ариун Сүнсний гол үүргийн нэг бол Есүс Христийн талаар гэрчлэх юм ( 3 Нифай 28:11). Исаиа 1-ийг судлахдаа Тэнгэрлэг Эцэг таныг Есүс Христийн тухай болон нүглийг ариусгах Түүний хүчний талаар Ариун Сүнсээр дамжуулан юу сураасай гэж хүсдэгийг анхаар.

Нүгэлт ард түмэн

Исаиа 1:2–4-ийг уншаад, Израилчуудын сүнслэг байдал ямар байгааг олж мэдээрэй.

Олж мэдсэн зүйлээ тайлагнахад суралцагчдыг урь.

Дараах зүйл суралцагчдад Исаиаг судлах чухал ур чадварт суралцахад тусална.

Исаиагийн сургаалуудыг судлахдаа тэрээр Их Эзэний үгсийг параллелизм хэмээн нэрлэгддэг шүлэг хэлбэрээр бичсэн гэдгийг ойлгох хэрэгтэй. Параллелизм гэдэг нь бичээч нэгэн санааг илэрхийлээд дараа нь өөр үгс ашиглан уг санаагаа давтах юм уу эсрэгцүүлдэг үзэгдэл юм. Жишээ нь: 2-р шүлгээс холбоотой үг хэллэгийг ол.

Та суралцагчдад “Тэнгэр ээ, сонсогтун. Газар аа, чих тавигтун” (Исаиа 1:2) гэсэн нийлэмж үгсийг олж тогтооход тусалж болно. Энэ бол параллелизмын жишээ юм.

Исаиа бас сургаалаа тайлбарлахдаа дүрслэл ашигласан. Жишээ нь: 3-р шүлгийг уншиж, Исаиа Израилчуудад сургаалаа заахдаа ямар ялгаатай дүрсүүдийг ашигласан болохыг олж мэд.

Та суралцагчдаас үхэр, илжигний дүрс ашиглан Исаиа Израилчуудад юу заасныг асууж болно. Хэрэв шаардлагатай бол үхэр ба илжигнээс ялгаатай нь Израилчууд Эзнийгээ таниагүй гэдгийг тайлбарлаж өгөөрэй.

Дараах догол мөрийг танилцуулан 5–15-р шүлэг-ийг товч дүгнээрэй.

Их Эзэн Израилчуудад нүгэл нь тэдэнд сөрөг нөлөө үзүүлж байгааг анхааруулсан ( Исаиа 1:5–9-ийг үзнэ үү). Тэр мөн тэдэнд өргөлөө чин сэтгэлээсээ өргөөгүй учраас шүтэн бишрэх шашны үйл нь Их Эзэнд таалагдаагүй гэдгийг тайлбарласан (Исаиа 1:10–15-ыг үзнэ үү).

Час улаанаас цагаан хүртэл

Исаиа 1:16-17-г уншаад, Их Эзэний хүмүүст өгсөн урилгыг олж мэдээрэй.

Их Эзэн тэднийг юуг хийхэд урьсан бэ?

Исаиа 1:18-ыг уншаад, биднийг наманчлах үед Их Эзэний өгсөн амлалтыг олж мэдээрэй. Исаиа энэ амлалтыг дүрслэхийн тулд параллелизм болон дүрслэлийн аль алиныг ашигласныг анхаарна уу.

Исаиа 1:18 бол төгс эзэмших сургаалын судрын хэсэг юм. Төгс эзэмших сургаалын судрын хэсгийг амархан олохын тулд онцгойлон тэмдэглэхэд суралцагчдыг урих талаар бодож үзээрэй.

18-р шүлэгт ашигласан дүрслэлийг илүү сайн ойлгоход суралцагчдад туслахын тулд дараах зургийг харуулах талаар бодож үзээрэй.

Час улаан, хүрэн улаан дүрс нь нүглийн талаар бидэнд юу зааж чадах вэ?

Халамжийн нийгэмлэгийн ерөнхий ерөнхийлөгч асан Шарон Юбанк эгч ийн заасан:

11:29

Хуучин Гэрээнд гардаг час улаан будаг өнгөлөг төдийгүй тогтоц сайтай байсан. Энэ нь үүний тод өнгө ноосонд нэвтэрч, хэчнээн олон удаан угаасан ч өнгө нь гандахгүй гэсэн үг юм. Час улаан толботой цагаан ноос хэзээ ч дахин цагаан болж чадахгүй гэх энэ шалтгааныг Сатан зэмсгээ болгон ашигладаг. Гэхдээ Есүс Христ “Зам минь та нарын замаас өндөр [билээ]” хэмээн тунхагласан бөгөөд энэ нь биднийг гэм нүглээ наманчлахад Түүний ач ивээлийн гайхамшгийн ачаар Түүний час улаан цус биднийг эргээд цэвэр ариун болгодогт оршдог. Энэ нь логикийн алдаатай ч гэсэн үнэн билээ. (“Христ бол харанхуйг гийгүүлэгч гэрэл,” Ерөнхий чуулган, 2019 оны 4-р сар, 87-91)

Цас болон ноосны дүрсүүд нь биднийг наманчлах үед Аврагчийн амлалтын талаар бидэнд юу зааж байгаа вэ?
Та 16–18-р шүлэг-ийг хэрхэн үнэний мэдэгдэл болгон нэгтгэн дүгнэх вэ?

Суралцагчид өөр үгээр хэлж болох ч Хэрэв бид чин сэтгэлээсээ наманчлах юм бол Есүс Христ биднийг нүглээс маань ангижруулах болно гэсэн үнэнийг олж тогтооход тэдэнд тусал.

Бидэнд наманчлах боломж олгохын тулд Аврагч юуг туулсан бэ?

Дараах судрууд нь нүглээсээ ариусгагдахын тулд Аврагчийн туулсан зүйлсийг эргэцүүлэн бодоход суралцагчдад тусалж чадна. Суралцагчдыг хоёр хоёроор нь хуваах талаар бодож үзээрэй. Хос бүр дараах судруудыг уншиж, сурсан зүйлээ хоорондоо ярилцаж болно. Дагалдах асуултуудыг үүнд ашиглаж болно. Суралцагчид хүсвэл хариултаа ангийнхантайгаа хуваалцаж болно.

Алма 7:13–14 болон Сургаал ба Гэрээнүүд 19:16–19-ийг уншаад, наманчилж, нүглээсээ ангижрах боломжийг танд олгохын тулд Аврагч юуг туулсан талаар олж мэдээрэй.

Та нар юу олж мэдсэн бэ?
Та эдгээр шүлгээс хэн нэгэнд наманчлахыг сонгоход нь туслах Тэнгэрлэг Эцэг, Есүс Христ хоёрын талаар юу мэдэж авсан бэ?

Аврагч тэднийг ариусгаж чадна гэдгийг мэдрэхэд нь суралцагчдад туслахын тулд “There Is No Limit to God’s Love” (видео бичлэгийн 0:00–4:54 хүртэлх хэсэг) зэрэг видеог үзүүлээрэй. Энэ видеог ChurchofJesusChrist.org-оос үзэх боломжтой. Суралцагчид уг видео бичлэг дээрх охин Исаиа 1:18-д заасан үнэний тухай нотолгоо болон нүглийнхээ улмаас юу мэдэрснийг эргэцүүлэн бодож болно. Дараа нь та зарим суралцагчийг олж мэдсэн зүйлээ хуваалцахад урьж болно.

5:37

Ариун Сүнсийг урих нэг арга зам бол суралцагчдад мэдрэмж, гэрчлэл, туршлагаасаа хуваалцах боломж олгох юм. Дараах асуулт бол суралцагчид үүнийг хийх нэг арга юм. Суралцагчдыг уг асуултад эхлээд тэмдэглэлдээ хариулаад, дараа нь бичсэн зүйлээ ангийнхантайгаа хуваалцахыг хүсэх талаар бодож үзээрэй. Суралцагчдыг санаагаа хуваалцаж байх үед тэдэнд нэр эсвэл хэт хувийн мэдээллийг хуваалцахгүй байхыг сануулаарай.
Та Есүс Христийн талаар болон нүглээс таныг ариусгах Түүний чадварын талаар юу мэдэрч байсан бэ?

Аврагчийн болон биднийг наманчлах үед гэм нүглийг маань ариусгах Түүний хүчний талаарх мэдрэмжээ ашиглан хичээлийг өндөрлөх талаар бодож үзээрэй.

Цээжлэх

Та энэ хичээлийн турш төгс эзэмших сургаалын судрын эшлэл, судрын түлхүүр үг хэллэгийг цээжлэхэд нь суралцагчдад тусалж, дараа дараагийн хичээлүүд дээр давтаж болно. Исаиа 1:18-ын судрын гол үг хэллэг нь “Хилэнц нүгэл чинь час улаан мэт байвч цасан адил цагаан болно” юм. “Төгс эзэмших сургаалыг давтах үйл ажиллагаа” хэсгийн хавсралт материалуудад цээжлэх үйл ажиллагаанд зориулсан санаанууд бий.

Нэмэлт эх сурвалжууд

Наманчлахад надад юу туслах вэ?

Тэргүүн зөвлөлийн гишүүн асан ерөнхийлөгч Дийтр Ф.Угдорф ийн тайлбарлажээ:

19:7

Та хэчнээн замаасаа хазайсан ч, хэчнээн холдсон ч буцах зам нь илэрхий хийгээд тодорхой байдаг. Ирцгээ, Эцэгээс суралц; харууссан зүрх, гэмшсэн сэтгэлийг тахил болгон өргө. Итгэлтэй байж, Есүс Христийн хязгааргүй Цагаатгалын ариусгах хүчинд итгэ. Хэрэв бид нүглээ хүлээж, наманчлах юм бол Бурхан шударга, итгэмжит бөгөөд биднийг уучлан, бүхий л ёс бусаас биднийг ариусгана. “Хилэнц нүгэл чинь час улаан мэт байвч цасан адил цагаан болно.” (“A Matter of a Few Degrees,” Лиахона, 2008 оны 5-р сар, 60)

Өөрийгөө уучилж чаддаггүй бол яах вэ?

Ням гаргийн ангийн ерөнхий ерөнхийлөгч асан Тэд Р.Каллистэр ийн заасан:

11:46

Заримдаа би өөрсдийгөө уучлах тал дээр асуудалтай, өөрийн мэдэлгүй алдаа гарган, Аврагчийн гэтэлгэх хүч чадалд хязгаар тавьдаг сайн гэгээнтнүүдтэй уулзаж байсан. Тэд өөрийн мэдэлгүй хэмжээлшгүй Цагаатгалыг өөрсдийнх нь яг тэр гэм нүгэл эсвэл сул талд ямар нэгэн байдлаар үйлчилдэггүй мэт болгож хязгаарлан өөрчилсөн байдаг. Гэвч хэмжээлшгүй Цагаатгалд [хэсэгчлэн] бүх гэм нүгэл, сул тал орохоос гадна энэ нь бусдын зовлон шаналал, хүчирхийлэл бүрийг хамарсан байдаг. (“Есүс Христийн Цагаатгал,” Ерөнхий чуулган, 2019 оны 4-р сар, 103-106)

Наманчлал миний амьдралыг хэрхэн адисалж чадах вэ?

Ерөнхийлөгч Рассэлл М.Нэлсон ийн хуваалцсан:

14:57

Өдөр бүр арай илүү сайныг үйлдэж, сайн байснаар өдөр тутам наманчлахын хүчирхэгжүүлэгч хүчийг мэдэр.

Бид наманчлахыг сонгохдоо өөрчлөгдөхийг сонгож байна гэсэн үг! Бид өөрсдийгөө хамгийн сайн хувилбараар өөрчлөх боломжийг Аврагчид олгодог. Бид сүнслэг байдлын хувьд өсөж хөгжин, баяр баясгаланг хүлээн авах буюу Түүнд байдаг гэтэлгэлийн баяр баяслыг мэдрэх сонголтыг хийдэг. Бид наманчлахыг сонгохдоо Есүс Христтэй илүү адил болохыг сонгодог! (“Бид илүү сайн үйлдэж, илүү сайн байж чадна,” Ерөнхий чуулган, 2019 оны 4-р сар, 77-80)

Нэмэлт суралцах үйл ажиллагаа

Суралцагчдад хэрхэн наманчлахыг заах нь

Суралцагчдад хэрхэн наманчлахаа ойлгоход нь туслахын тулд “How to Really Repent” нийтлэлийг ашиглаарай. Энэ нийтлэлд Арван хоёр төлөөлөгчийн чуулгын ахлагч Д. Тодд Кристоффэрсоны сургаалуудыг багтаасан. Та суралцагчдыг ахлагч Кристоффэрсоны заасан зарчмуудыг эргэн харж, бид хэрхэн наманчлах талаар юу сурснаа бие биедээ заахад урамшуулан дэмжиж болно.

Видеоны сонголт

“Бидэнд наманчлах боломж олгохын тулд Аврагч юуг туулсан бэ?” хэсэгт байгаа видео бичлэгийн оронд “There Is Always a Way Back” (2:21) видео бичлэгийг үзүүлэх талаар бодож үзээрэй. Энэ видео бичлэг дээр Арван хоёр төлөөлөгчийн чуулгын ахлагч Нийл Л.Андэрсэн, Тэнгэрлэг Эцэг болон Есүс Христийн хайраас гадуур үлдэх нэгээхэн хүн гэж үгүй гэдгийг хамтдаа мэдсэн нэгэн бишоп болон гэмт хэрэгтний тухай түүхийг өгүүлсэн байдаг. Та суралцагчдыг видео үзэхдээ Аврагчийн бидний нүглийг ариусгах чадварт илүү их итгэхэд туслах зүйлсийг хайхад урьж болно.

2:21

Исаиа 1:10–15: Утгагүй өргөл

Их Эзэнийг чин сэтгэлээсээ шүтэн бишрэхийн ач холбогдлыг ойлгоход нь суралцагчдад туслахын тулд гаднаас нь харахад цэвэр хэр нь дотроо бохир аягыг эсвэл шилэн савыг авчраарай. Та суралцагчдаас энэ аяганаас уух уу гэж асууж болно. Аяга Израилчуудыг төлөөлж байгаа гэдгийг тайлбарлана уу.

Дараа нь суралцагчдыг Исаиа 1:11–15-ыг уншаад, Их Эзэн израилчуудын өргөлийн талаар юу мэдэрснийг олж мэдэхэд урь. Та 13-р шүлэг дэх “өргөл” гэдэг нь өргөлүүдийг хэлж байгааг тайлбарлаж болно.

Тэгээд дараах асуултуудыг тавина уу:

Та нарын бодлоор Их Эзэн яагаад тэдний өргөлөөс татгалзсан бэ?
Эдгээр шүлэг үзүүлэх хичээлтэй хэрхэн холбогдож байна вэ?
Та Бурханыг шүтэн бишрэх талаар эдгээр шүлгээс юу олж мэдсэн бэ?

Та дараах үнэнийг олж тогтооход суралцагчдад тусалж болно: Бидний зорилго цэвэр ариун байх үед Бурханд зориулсан гаднах үйлдлүүд маань Түүний хувьд илүү утга учиртай байдаг.

Суралцагчид Их Эзэнд зориулсан үйлдлүүдийг хийхдээ өөрсдийн зорилгыг тунгаан бодож болно.

Исаиа 2:1–5: Их Эзэний өргөөний уул

Суралцагчид тань Их Эзэний өргөөний талаарх бошиглолоос суралцах нь ашиг тустай гэж үзэж байвал Исаиа 2:1–5-ыг заах талаар бодож үзээрэй. Исаиа ихэвчлэн дүрслэл ашиглан заадаг байсныг суралцагчдад сануулаарай. Дараа нь Исаиа 2:1–5-д Исаиагийн дүрсэлсэн зүйлийг зурахад суралцагчдыг урь. Хангалттай хугацаа гаргаж өгөөд, зургаа өөр суралцагчид тайлбарлахад урь. Тэгээд дараах асуултуудыг тавина уу:

“Эзэний өргөөний уул” (Исаиа 2:2) гэсэн хэллэг нь хэрхэн ариун сүмийн бэлгэ тэмдэг байж болох вэ?
Ариун сүмд орохын амлагдсан адислалууд юу вэ?

Суралцагчдад дараах зарчмыг олж тогтооход тусал: Бид Их Эзэний өргөөнд очиж, Түүнийг дуулгавартай дагаснаар Тэрээр бидэнд Өөрийн арга замуудыг заах болно. Дараах асуултыг тавих талаар бодож үзээрэй:

Исаиагийн үгс хэрхэн биелсэн бэ?