« អេសាយ ១–១២ ៖ ទិដ្ឋភាពទូទៅ » សៀវភៅសិក្សាព្រះគម្ពីរសញ្ញាចាស់ សម្រាប់គ្រូបង្រៀនថ្នាក់សិក្ខាសាលា ( ឆ្នាំ២០២៦ )
« អេសាយ ១–១២ ៖ ទិដ្ឋភាពទូទៅ » សៀវភៅសិក្សាព្រះគម្ពីរសញ្ញាចាស់ សម្រាប់គ្រូបង្រៀនថ្នាក់សិក្ខាសាលា
អេសាយ ១–១២
អេសាយ ១–១២
ទិដ្ឋភាពទូទៅ
ព្រះអង្គសង្រ្គោះបានប្រកាសថា « ពាក្យពេចន៍របស់អេសាយជាពាក្យដ៏មហិមា » ( នីហ្វៃទី៣ ២៣:១ ) ហើយបានបង្គាប់យើងឲ្យស្វែងរកការព្យាកររបស់លោកដោយឧស្សាហ៍ព្យាយាម ។ ការព្យាកររបស់អេសាយគឺសំខាន់ណាស់ដែលគាត់ត្រូវបានគេដកស្រង់ជាញឹកញាប់នៅទូទាំងព្រះគម្ពីរបរមាណីជាងព្យាការីឯទៀត ។ ការព្យាករជាច្រើនរបស់អេសាយផ្ដោតលើព្រះមែស៊ី និងការស្ដារអ៊ីស្រាអែលឡើងវិញនៅថ្ងៃចុងក្រោយ ។ តាមរយៈអេសាយ ព្រះអម្ចាស់បានសន្យាថា ទោះបីជា « អំពើបាបរបស់ [ យើង ] ដូចជាពណ៌ក្រហមទែងក៏ដោយ គង់តែនឹងបានសដូចហិមៈ » ( អេសាយ ១:១៨ ) ។ លោកក៏បានព្រមានពីគ្រានៅពេលមនុស្សនឹង « រាប់សេចក្ដីអាក្រក់ថាជាល្អ ហើយសេចក្ដីល្អថាជាអាក្រក់វិញ » ( អេសាយ ៥:២០ ) ។ យើងក៏រៀនផងដែរថា ព្រះអម្ចាស់បានសន្យានឹង « លើកទង់ ១ ឡើងសម្រាប់អស់ទាំងសាសន៍ » ( អេសាយ ១១:១២ ) ដើម្បីប្រមូលអ៊ីស្រាអែលដែលខ្ចាត់ខ្ចាយ ។
ស្រឡាញ់អស់អ្នកដែលអ្នកបង្រៀន—ព្យាយាមបញ្ជាក់ និងយល់ពីគោលបំណងពិតនៃសំណួរ អារម្មណ៍ និងជំនឿរបស់សិស្ស ។ របៀបមួយដើម្បីស្រឡាញ់អ្នកដែលអ្នកបង្រៀនគឺត្រូវស្វែងយល់ពីកាលៈទេសៈ និងតម្រូវការរបស់ពួកគេ ។ នៅពេលសិស្សសួរសំណួរ និងបញ្ចេញមតិ សូមស្វែងរកការបញ្ជាក់ និងយល់ពីអារម្មណ៍ និងជំនឿរបស់ពួកគេ និងគោលបំណងពិតនៃសំណួររបស់ពួកគេ ។ បន្ទាប់ពីសិស្សសួរសំណួរ ឬបញ្ចេញមតិរួចហើយ អ្នកអាចអរគុណពួកគេ ហើយសួរពួកគេប្រសិនបើពួកគេបើកចិត្តឆ្លើយសំណួរពីរបី ។ បន្ទាប់មក អ្នកអាចសួរសំណួរដើម្បីយល់ពីគោលបំណងពិតនៃសំណួរ ឬមតិយោបល់របស់ពួកគេ ។
សម្រាប់ការបណ្តុះបណ្តាលបន្ថែមអំពីរបៀបស្វែងរកការបញ្ជាក់ និងយល់ពីគោលបំណងពិតនៃសំណួរ អារម្មណ៍ និងជំនឿរបស់សិស្ស សូមមើល ៖ « ព្យាយាមស្គាល់ពួកគេ—យល់ពីកាលៈទេសៈ តម្រូវការ និងចំណុចខ្លាំងរបស់ពួកគេ » នៅក្នុង ជំនាញអភិវឌ្ឍន៍គ្រូបង្រៀន ។
សម្រាប់ព័ត៌មានបន្ថែមទៀតអំពីរបៀបដែលព្រះអង្គសង្គ្រោះបានធ្វើការណ៍នេះ សូមមើល« ព្រះអង្គសង្គ្រោះស្គាល់ពួកយើង ហើយយល់ពីកាលៈទេសៈ តម្រូវការ និងកម្លាំងរបស់ពួកយើង » នៅក្នុង ការបង្រៀនតាមរបៀបរបស់ព្រះអង្គសង្គ្រោះ ( ឆ្នាំ២០២២ ) ទំព័រ ១៣ ។ ( សម្រាប់ការបំពាក់បំប៉នបន្ថែមលើការសង្កេត និងសួរអំពីចំណាប់អារម្មណ៍របស់សិស្ស សូមមើល « ព្យាយាមស្គាល់ពួកគេ—យល់ពីកាលៈទេសៈ តម្រូវការ និងចំណុចខ្លាំងរបស់ពួកគេ » ) ។
រៀបចំខ្លួនបង្រៀន
ព័ត៌មានខាងក្រោមផ្តល់ឲ្យអ្នកនូវគំនិតខ្លះៗសម្រាប់អ្វីដែលអ្នកអាចត្រូវរៀបចំទុកជាមុនសម្រាប់មេរៀននីមួយៗ ។
បុព្វកថាទៅកាន់អេសាយ
គោលបំណងមេរៀន ៖ ដើម្បីជួយសិស្សឲ្យទទួលអារម្មណ៍មានកម្លាំងចិត្តដើម្បីរៀនអំពីព្រះយេស៊ូវគ្រីស្ទ តាមរយៈការសិក្សាអេសាយ ។
-
ការរៀបចំសិស្ស ៖ សូមពិចារណាអញ្ជើញសិស្សឲ្យមកថ្នាក់ដោយបានត្រៀមខ្លួនដើម្បីចែកចាយការពិតដ៏សំខាន់មួយអំពីអេសាយ ។ ពួកគេអាចរកមើលពីអេសាយនៅក្នុង Bible Dictionary ឬសេចក្តីណែនាំដល់បទគម្ពីរទាំងឡាយ ។
-
មាតិកាដែលត្រូវបង្ហាញ ៖ សេចក្តីថ្លែងការណ៍អំពីការបញ្ចុះបញ្ចូលឲ្យអានសៀវភៅមួយ ក្រាហ្វិកព័ត៌មាន « The Kingdoms of Israel and Judah at a Glance » ជាដ្យាក្រាមសម្រាប់សិស្សសរសេរអ្វីដែលពួកគេរៀនអំពីព្រះនាម និងព្រះបរមងាររបស់ព្រះយេស៊ូវគ្រីស្ទ ។ រូបថតព្រះយេស៊ូវគ្រីស្ទ
អេសាយ ១
គោលបំណងមេរៀន ៖ ដើម្បីជួយសិស្សឲ្យទទួលអារម្មណ៍ថា ព្រះអង្គសង្រ្គោះអាចសម្អាតពួកគេពីអំពើបាបរបស់ពួកគេ ។
-
ការរៀបចំសិស្ស ៖ អញ្ជើញសិស្សឲ្យអានវគ្គបទគម្ពីរចំណេះចំណានខាងគោលលទ្ធិ អេសាយ ១:១៨ ហើយរកមើលការប្រើជានិមិត្តរូបដែលអេសាយបានប្រើ ។ សូមលើកទឹកចិត្តសិស្សឲ្យជញ្ជឹងគិត ហើយរៀបចំដើម្បីចែកចាយនូវអត្ថន័យដែលវគ្គបទគម្ពីរនោះមានចំពោះពួកគេ ។ សិស្សក៏អាចហាត់ទន្ទេញឃ្លាបទគម្ពីរគន្លឹះ ៖ « ទោះបើអំពើបាបរបស់ឯងដូចជាពណ៌ក្រហមទែងក៏ដោយ គង់តែនឹងបានសដូចហិមៈ » ( អេសាយ ១:១៨ ) ។
-
មាតិកាដែលត្រូវបង្ហាញ ៖ រូបភាពសម្លៀកបំពាក់ប្រឡាក់ រូបភាពពណ៌ក្រហម ពណ៌ក្រហមទុំ ព្រិល និងរោមចៀម ការបំផុសគំនិតសម្រាប់សិស្សឲ្យជញ្ជឹងគិតអំពីអារម្មណ៍របស់ពួកគេអំពីការត្រូវបានសម្អាតពីអំពើបាប
-
វីដេអូ ៖ « ព្រះគ្រីស្ទ ៖ ជាពន្លឺដែលបំភ្លឺនៅក្នុងភាពងងឹត » ( ១១:២៩ ) ចាប់ពីនាទីទី ៦:៥៦ ដល់ ៧:៤២ « There Is No Limit to God’s Love » ( ៥:៣៨ ) ចាប់ពីនាទីទី ០:០០ ដល់ ៤:៥៤
អេសាយ ៥
គោលបំណងមេរៀន ៖ ដើម្បីជួយសិស្សឲ្យបង្កើនសមត្ថភាពរបស់ពួកគេដើម្បីដឹងរវាងល្អនិងអាក្រក់ ។
-
ការរៀបចំសិស្ស ៖ សូមអញ្ជើញសិស្សឲ្យមករៀនដោយត្រៀមខ្លួនចែកចាយគំរូមួយពីអ្វីមួយដែលសន្មតថាគ្មានគ្រោះថ្នាក់ ឬសូម្បីតែល្អ ដែលនៅទីបំផុតត្រូវបានបង្ហាញថា មានគ្រោះថ្នាក់ ។
-
សម្ភារដែលត្រូវរៀបចំ ៖ ច្បាប់ចម្លង ដើម្បីកម្លាំងនៃយុវជន ៖ សេចក្តីណែនាំដើម្បីធ្វើការជ្រើសរើស ( ឆ្នាំ២០២២ )
-
មាតិកាដែលត្រូវបង្ហាញ ៖ រូបភាពខ្លារខិនបន្លំខ្លួន សេចក្តីថ្លែងការណ៍របស់អែលឌើរ ដេវីឌ អេ បែដណា ការណែនាំសម្រាប់សកម្មភាពសិក្សាដោយប្រើ ដើម្បីកម្លាំងនៃយុវជន ៖ សេចក្តីណែនាំដើម្បីធ្វើការជ្រើសរើស សំណួរទិនានុប្បវត្តិនៅចុងបញ្ចប់នៃមេរៀននេះ
-
វីដេអូ ៖ « ចាំយាមក្នុងការអធិស្ឋានជានិច្ច » ( ១៥:៥៩ ) ចាប់ពីនាទីទី ៥:២៤ ដល់ ៦:០៧
អេសាយ ១១–១២
គោលបំណងមេរៀន ៖ ដើម្បីជួយសិស្សឲ្យទទួលអារម្មណ៍ជំរុញចិត្តក្នុងការចែកចាយដំណឹងល្អជាមួយអ្នកដទៃ ។
-
ការរៀបចំសិស្ស ៖ សូមពិចារណាឲ្យសិស្សម្នាក់ៗនូវសំណួរស្វ័យវាយតម្លៃពីរពីដើមមេរៀន ហើយអញ្ជើញពួកគេឲ្យជញ្ជឹងគិតពីរបៀបដែលពួកគេនឹងឆ្លើយ ។
-
មាតិកាដែលត្រូវបង្ហាញ ៖ រូបភាពមែកឈើ ឫស និងដំបង ការណែនាំអំពីរបៀបប្រើសំណៅមេរៀននេះ
-
វីដេអូ ៖ ដំណើររឿងខាងក្រោមមួយចេញពី ហ្គែរី អ៊ី ស្ទីវ៉ែនសុន « ស្រឡាញ់ ចែកចាយ អញ្ជើញ » លីអាហូណា ខែឧសភា ឆ្នាំ២០២២ ៖
-
បងប្រុស វីសាន ( ទំព័រ ៨៦ ឬនាទីទី ៥:៤០–៧:០៦ )
-
មេរ៉ា ( ទំព័រ ៨៦ ឬនាទីទី ៨:៣៣–៩:៤២ )
-
-
សំណៅមេរៀន ៖ « ទង់ ១ ឡើងសម្រាប់អស់ទាំងសាសន៍ »