« សុភាសិត ១–៤; ១៥–១៦; ២២; ៣១; សាស្ដា ១–៣; ១១–១២ ៖ ទិដ្ឋភាពទូទៅ » សៀវភៅសិក្សាព្រះគម្ពីរសញ្ញាចាស់ សម្រាប់គ្រូបង្រៀនថ្នាក់សិក្ខាសាលា ( ឆ្នាំ២០២៦ )
« សុភាសិត ១–៤; ១៥–១៦; ២២; ៣១; សាស្ដា ១–៣; ១១–១២ ៖ ទិដ្ឋភាពទូទៅ » សៀវភៅសិក្សាព្រះគម្ពីរសញ្ញាចាស់ សម្រាប់គ្រូបង្រៀនថ្នាក់សិក្ខាសាលា
សុភាសិត ១–៤; ១៥–១៦; ២២; ៣១; សាស្ដា ១–៣; ១១–១២
សុភាសិត ១–៤; ១៥–១៦; ២២; ៣១; សាស្ដា ១–៣; ១១–១២
ទិដ្ឋភាពទូទៅ
ក្នុងចំណោមកិច្ចការផ្សេងៗទៀត គម្ពីរសុភាសិតលើកទឹកចិត្ដយើងឲ្យស្វែងរក និងអនុវត្តប្រាជ្ញានៅក្នុងជីវិតរបស់យើង ។ វាក៏ជួយយើងឲ្យដឹងពីសារៈសំខាន់នៃការទុកចិត្តលើការដឹកនាំរបស់ព្រះអម្ចាស់ជាជាងលើប្រាជ្ញា និងការយល់ដឹងរបស់យើងផ្ទាល់ផងដែរ ។ នៅក្នុងសាស្ដា គ្រូប្រដៅរំឭកយើងថា អ្វីៗក្នុងលោកនេះ គឺបណ្តោះអាសន្នទេ ។ លោកទូន្មានយើងឲ្យរៀបចំខ្លួនសម្រាប់ថ្ងៃដែលព្រះនឹងវិនិច្ឆ័យបុត្រាបុត្រីទាំងអស់របស់ទ្រង់ ។
សង្កត់ធ្ងន់លើគំរូរបស់ព្រះយេស៊ូវគ្រីស្ទ ។ នៅពេលយើងខិតខំរស់នៅតាមដំណឹងល្អរបស់ព្រះអង្គសង្គ្រោះ នោះយើងមិនគ្រាន់តែធ្វើតាមគោលការណ៍ទាំងឡាយនោះទេ—យើងកំពុងធ្វើតាមទ្រង់ ។ ព្រះយេស៊ូវគ្រីស្ទគឺជាគំរូដ៏ល្អឥតខ្ចោះនៃគោលការណ៍ដំណឹងល្អទាំងឡាយ ។ ការផ្តោតលើគំរូរបស់ទ្រង់នឹងផ្តល់ឱកាសដល់ព្រះវិញ្ញាណបរិសុទ្ធដើម្បីថ្លែងទីបន្ទាល់អំពីព្រះអង្គសង្គ្រោះ ហើយបំផុសគំនិតសិស្សរបស់អ្នកឲ្យធ្វើតាមទ្រង់ ។ ឧទាហរណ៍មួយពីរបៀបធ្វើបែបនេះ អាចរកបាននៅមេរៀនទី ១០៩ ៖ « បុព្វកថាទៅកាន់សុភាសិត » ។
ដើម្បីរៀនបន្ថែមទៀត សូមមើល « សង្កត់ធ្ងន់លើគំរូរបស់ព្រះយេស៊ូវគ្រីស្ទ » ( ការបង្រៀនតាមរបៀបរបស់ព្រះអង្គសង្គ្រោះ [ ឆ្នាំ២០១៦ ] ទំព័រ ៦ ) ។
រៀបចំខ្លួនបង្រៀន
ព័ត៌មានខាងក្រោមផ្តល់ឲ្យអ្នកនូវគំនិតខ្លះៗអំពីអ្វីដែលអ្នកអាចត្រូវរៀបចំទុកជាមុនសម្រាប់មេរៀននីមួយៗ ។
បុព្វកថាទៅកាន់សុភាសិត
គោលបំណងមេរៀន ៖ ដើម្បីជួយសិស្សឲ្យស្វែងរកសេចក្តីពិតដែលអាចជួយពួកគេដើរតាមមាគ៌ារបស់ព្រះអម្ចាស់ ។
-
ការរៀបចំសិស្ស ៖ សូមអញ្ជើញសិស្សឲ្យជ្រើសរើសដំបូន្មានដ៏មានតម្លៃ ឬពាក្យទូន្មានដ៏មានប្រយោជន៍ ដែលពួកគេបានទទួលពីឪពុកម្ដាយ ថ្នាក់ដឹកនាំ និងមិត្តភក្តិដែលទុកចិត្ត ។ សូមអញ្ជើញសិស្សឲ្យរៀបចំដើម្បីចែកចាយដំបូន្មាន និងរបៀបដែលវាបានផ្ដល់ពរដល់ជីវិតរបស់ពួកគេ ។
-
សម្ភារសម្រាប់សិស្ស ៖ ក្រដាសតូចៗសម្រាប់សិស្សសរសេរដំបូន្មាន ឬការប្រឹក្សា ចម្រៀកក្រដាសដែលមានសុភាសិត ដែលបានសរសេរនៅលើចម្រៀកក្រដាសទាំងនោះ ( ឬអ្នកអាចសរសេរសុភាសិតនៅលើក្តារខៀន ) ក្រដាស និងសម្ភារគំនូរសម្រាប់សិស្សដើម្បីបង្កើតប័ណ្ណប្រកាស
សុភាសិត ៣
គោលបំណងមេរៀន ៖ ដើម្បីជួយសិស្សឲ្យជ្រើសរើសដាក់ការទុកចិត្តរបស់ពួកគេទៅលើព្រះអម្ចាស់ ។
-
ការរៀបចំសិស្ស ៖ សូមអញ្ជើញសិស្សឲ្យពិចារណាគូសចំណាំនៅក្នុងព្រះគម្ពីររបស់ពួកគេនូវឃ្លាបទគម្ពីរគន្លឹះសម្រាប់វគ្គចំណេះចំណានខាងគោលលទ្ធិ សុភាសិត ៣:៥–៦ ៖ « ចូរទីពឹងដល់ព្រះយេហូវ៉ាឲ្យអស់អំពីចិត្ត … នោះទ្រង់នឹងតម្រង់អស់ទាំងផ្លូវច្រករបស់ឯង » ។ ដើម្បីរៀបចំសម្រាប់ថ្នាក់ សិស្សអាចអនុវត្តការសូត្រឃ្លានេះជាច្រើនដង ហើយជញ្ជឹងគិតពីស្ថានភាពក្នុងជីវិតរបស់ពួកគេ ដែលពួកគេនឹងត្រូវទុកចិត្តលើព្រះអម្ចាស់ ។
-
មាតិកាដែលត្រូវបង្ហាញ ៖ សំណួរដើម្បីជួយក្រុមពិភាក្សាអំពីការទុកចិត្តលើព្រះអម្ចាស់ជាជាងលើការយល់ដឹងរបស់យើងផ្ទាល់
-
វីដេអូ ៖ « Trust in the Lord » ( ៣:៣០ )
សាស្តា
គោលបំណងមេរៀន ៖ ដើម្បីជួយសិស្សឲ្យយល់ពីរបៀបដែលការផ្ដោតលើការជួបព្រះនៅឯការជំនុំជម្រះចុងក្រោយ អាចជួយពួកគេធ្វើការជ្រើសរើសដ៏ឈ្លាសវៃ ។
-
ការរៀបចំសិស្ស ៖ អញ្ជើញសិស្សឲ្យសន្ទនាជាមួយឪពុកម្តាយ ឬអ្នកដឹកនាំដែលគួរឲ្យទុកចិត្ត អំពីរបៀបដែលពួកគេបានឃើញពីផលប៉ះពាល់រយៈពេលវែងនៃការសម្រេចចិត្តដែលពួកគេបានធ្វើកាលពីក្មេង ។
-
មាតិកាដែលត្រូវបង្ហាញ ៖ និយមន័យនៃពាក្យ និងឃ្លាក្នុងសាស្ដា
-
វីដេអូ ៖ « គិតដល់សេឡេស្ទាល ! » ( ១៩:១៥ ) ចាប់ពីនាទីទី ៥:២០ ដល់ ៥:៤៦
វាយតម្លៃការរៀនសូត្ររបស់អ្នកទី ៧
គោលបំណងមេរៀន ៖ ដើម្បីជួយសិស្សឲ្យគិតពិចារណាពីគោលដៅដែលពួកគេបានដាក់ និងការរីកចម្រើនដែលពួកគេបានដកពិសោធន៍ក្នុងអំឡុងពេលសិក្សារបស់ពួកគេនាពេលថ្មីៗអំពីព្រះគម្ពីរសញ្ញាចាស់ ។
-
ការរៀបចំសិស្ស ៖ សូមអញ្ជើញសិស្សឲ្យមករៀនដោយត្រៀមខ្លួនចែកចាយដំណើររឿងនៃព្រះគម្ពីរសញ្ញាចាស់ ឬការបង្រៀនដែលមានឥទ្ធិពលលើការរីកចម្រើនខាងវិញ្ញាណរបស់ពួកគេ ។
-
មាតិកាដែលត្រូវបង្ហាញ ៖ ការណែនាំសម្រាប់សិស្សឲ្យធ្វើស្វ័យវាយតម្លៃនូវគំនិត និងអារម្មណ៍របស់ពួកគេអំពីព្រះវរបិតាសួគ៌ និងព្រះយេស៊ូវគ្រីស្ទពីគម្រោងរបស់ពួកគេ ការណែនាំសម្រាប់សិស្សឲ្យធ្វើស្វ័យវាយតម្លៃការសិក្សាព្រះគម្ពីររបស់ពួកគេ
-
សម្ភារដែលត្រូវបង្ហាញ ៖ ចង្កៀង ឬពិល