« សុភាសិត ៣ ៖ ‹ ចូរទីពឹងដល់ព្រះយេហូវ៉ា › » សៀវភៅសិក្សាព្រះគម្ពីរសញ្ញាចាស់ សម្រាប់គ្រូបង្រៀនថ្នាក់សិក្ខាសាលា ( ឆ្នាំ២០២៦ )
« សុភាសិត ៣ ៖ ‹ ចូរទីពឹងដល់ព្រះយេហូវ៉ា › » សៀវភៅសិក្សាព្រះគម្ពីរសញ្ញាចាស់ សម្រាប់គ្រូបង្រៀនថ្នាក់សិក្ខាសាលា
សុភាសិត ១–៤; ១៥–១៦; ២២; ៣១; សាស្ដា ១–៣; ១១–១២ ៖ មេរៀនទី ១១០
សុភាសិត ៣
« ចូរទីពឹងដល់ព្រះយេហូវ៉ា »
ពេលខ្លះ វាអាចពិបាកក្នុងការទុកចិត្តលើព្រះអម្ចាស់ ។ ប៉ុន្តែនៅពេលយើងស្គាល់ទ្រង់ នោះយើងដឹងថា « ទ្រង់មិនធ្វើការណ៍ណាឡើយ លើកលែងតែការណ៍នោះមានប្រយោជន៍ដល់មនុស្សលោក » ( នីហ្វៃទី២ ២៦:២៤ ) ។ ពេលនោះ យើងអាចមើលឃើញប្រាជ្ញាក្នុងការទុកចិត្តលើទ្រង់ ជាជាងការពឹងផ្អែក « លើយោបល់ [ របស់យើង] ឡើយ » ( សុភាសិត ៣:៥ ) ។ មេរៀននេះអាចជួយសិស្សជ្រើសរើសដាក់ការទុកចិត្តរបស់ពួកគេទៅលើព្រះអម្ចាស់ ។
ការរៀបចំសិស្ស ៖ សូមអញ្ជើញសិស្សឲ្យពិចារណាគូសចំណាំនៅក្នុងព្រះគម្ពីររបស់ពួកគេនូវឃ្លាបទគម្ពីរគន្លឹះសម្រាប់វគ្គចំណេះចំណានខាងគោលលទ្ធិ សុភាសិត ៣:៥–៦ ៖ « ចូរទីពឹងដល់ព្រះយេហូវ៉ាឲ្យអស់អំពីចិត្ត … នោះទ្រង់នឹងតម្រង់អស់ទាំងផ្លូវច្រករបស់ឯង » ។ ដើម្បីរៀបចំសម្រាប់ថ្នាក់ សិស្សអាចអនុវត្តការសូត្រឃ្លានេះជាច្រើនដង ហើយជញ្ជឹងគិតពីស្ថានភាពក្នុងជីវិតរបស់ពួកគេ ដែលពួកគេនឹងត្រូវទុកចិត្តលើព្រះអម្ចាស់ ។
សកម្មភាពរៀនសូត្រដែលអាចមាន
ទំនុកចិត្ត
សូមពិចារណាចាប់ផ្តើមថ្នាក់ដោយសរសេរពាក្យ ទុកចិត្ត នៅលើក្ដារខៀន ។ បន្ទាប់មកសួរសំណួរខាងក្រោមខណៈដែលបង្ហាញពីស្ថានភាពដែលភ្ជាប់មកជាមួយម្ដងមួយៗ ។ សូមពិចារណាបត់បែនស្ថានភាពនេះទៅនឹងតម្រូវការរបស់សិស្សអ្នក ។
-
តើនរណាដែលអ្នកស្ម័គ្រចិត្តដើម្បីទុកចិត្តលើ …
-
ជូនអ្នកទៅផ្ទះនៅយប់ជ្រៅ ?
-
ជាមួយនឹងលុយគ្រួសាររបស់អ្នក ?
-
ផ្តល់ដំបូន្មានដល់អ្នកដែលអ្នកគួរណាត់ជួប ឬរៀបការ ?
-
ដើម្បីបង្រៀនអ្នកអំពីព្រះយេស៊ូវគ្រីស្ទ និងរបៀបធ្វើតាមទ្រង់ ?
សូមពិចារណារាយបញ្ជីការឆ្លើយតបរបស់សិស្សនូវសំណួរខាងក្រោមនៅលើក្ដារខៀននៅក្រោមពាក្យ ទុកចិត្ត ។
-
-
តើគុណសម្បត្តិអ្វីខ្លះដែលនរណាម្នាក់ត្រូវការសម្រាប់អ្នកដើម្បីទុកចិត្តលើពួកគេ ?
សូមអាន សុភាសិត ៣:៥ ដោយការជញ្ជឹងគិតអត្ថន័យរបស់វាចំពោះអ្នក ។ បន្ទាប់មក សូមឆ្លើយសំណួរខាងក្រោមនេះនៅក្នុងសៀវភៅកំណត់ហេតុការសិក្សារបស់អ្នក ៖
-
តើអ្នកទុកចិត្តនរណាជាង ៖ ព្រះអម្ចាស់ ឬខ្លួនរបស់អ្នក ? ហេតុអ្វី ?
-
តើស្ថានភាពក្នុងជីវិតរបស់អ្នកឥឡូវនេះមានអ្វីខ្លះ ដែលអ្នកមានអារម្មណ៍ថាអ្នកត្រូវការទុកចិត្តលើព្រះអម្ចាស់ច្រើនជាងខ្លួនរបស់អ្នក ?
នៅពេលអ្នកសិក្សាព្រះគម្ពីរថ្ងៃនេះ សូមរកមើលអ្វីដែលអ្នករៀនពីព្រះវិញ្ញាណបរិសុទ្ធ ដែលជួយអ្នកដាក់ការទុកចិត្តរបស់អ្នកលើព្រះអម្ចាស់ ។
« ចូរទីពឹងដល់ព្រះយេហូវ៉ា … កុំឲ្យពឹងផ្អែកលើ »
សុភាសិត ៣:៥–៦ គឺជាវគ្គចំណេះចំណានខាងគោលលទ្ធិ ។ សូមពិចារណាអញ្ជើញសិស្សឲ្យគូសចំណាំវគ្គបទគម្ពីរចំណេះចំណានខាងគោលលទ្ធិតាមរបៀបដែលងាយចំណាំ ដើម្បីពួកគេអាចងាយរកវាឃើញ ។
សូមអាន សុភាសិត ៣:៥–៦ ដោយរកមើលពីរបៀបដែលអ្នកនឹងបំពេញសេចក្តីថ្លែងការណ៍ខាងក្រោម ៖ « បើយើង … នោះព្រះអម្ចាស់នឹង … »
សូមអញ្ជើញសិស្សឲ្យចែកចាយសេចក្តីថ្លែងការណ៍ដែលពេញលេញរបស់ពួកគេ ។ ស្វែងរកការបញ្ជាក់នូវអ្វីដែលពួកគេចែកចាយ ។ សេចក្តីពិតមួយដែលពួកគេអាចចែកចាយគឺ បើសិនយើងទុកចិត្តលើព្រះអម្ចាស់ដោយអស់ពីដួងចិត្តយើង នោះទ្រង់នឹងដឹកនាំផ្លូវយើង ។
-
តើអ្នកគិតថាវាមានអត្ថន័យដូចម្តេចដើម្បីទុកចិត្តលើព្រះអម្ចាស់ « អស់អំពីចិត្ត [ របស់យើង ] » ( ខទី ៥ ) ?
-
តើអ្នកគិតថាការទុកចិត្តលើព្រះអម្ចាស់ជំនួសឲ្យ « យោបល់របស់ខ្លួន » របស់យើងមានអត្ថន័យដូចម្តេច ? ( ខទី ៥ ) ?
ដើម្បីជួយសិស្សឲ្យយល់វគ្គបទគម្ពីរនេះកាន់តែច្បាស់ សូមអញ្ជើញសិស្សពីរនាក់ឲ្យឈរប្រហែលជាជិតមួយម៉ែត្រពីអ្វីដែលរឹងមាំ ដូចជាជញ្ជាំងជាដើម ។ សូមអញ្ជើញសិស្សម្នាក់ឲ្យផ្អែកទៅលើជញ្ជាំង ហើយប្រើវាដើម្បីជួយទប់លំនឹង ។ សូមអញ្ជើញសិស្សម្នាក់ទៀតឲ្យផ្អែកលើខ្យល់ តាមដែលពួកគេអាចធ្វើបាន ពីមុនពួកគេបាត់បង់តុល្យភាពរបស់ពួកគេ ។
-
តើឧទាហរណ៍ទាំងនេះអាចជួយយើងឲ្យយល់ សុភាសិត ៣:៥–៦ កាន់តែច្បាស់ដោយរបៀបណា ?
សូមពិចារណាបែងចែកសិស្សទាំងឡាយទៅជាក្រុមតូចៗ ។ សូមអញ្ជើញសិស្សឲ្យសរសេរនៅលើក្រដាសមួយសន្លឹកនូវស្ថានភាពដែលក្មេងវ័យជំទង់ពួកបរិសុទ្ធថ្ងៃចុងក្រោយអាចមានអារម្មណ៍ចង់ប្រើការវិនិច្ឆ័យរបស់ពួកគេផ្ទាល់ជាជាងការទុកចិត្តលើដំបូន្មានរបស់ព្រះអម្ចាស់ ។ ឧទាហរណ៍អាចរួមបញ្ជូននូវការជ្រើសរើសការកម្សាន្ត ការសម្រេចចិត្តថាតើត្រូវណាត់ជួបនរណា ឬពេលណា ប្រើភាសាជាក់លាក់ ឬការបង្កើតគោលដៅអប់រំ ឬអនាគត ។
បន្ទាប់ពីមានពេលគ្រប់គ្រាន់ហើយ អ្នកអាចបង្ហាញសំណួរខាងក្រោម ។ សិស្សអាចប្រើបញ្ជីរបស់ពួកគេដើម្បីពិភាក្សាសំណួរនៅក្នុងក្រុមរបស់ពួកគេ ។
-
តើអ្វីអាចធ្វើឲ្យមានការពិបាកសម្រាប់នរណាម្នាក់ក្នុងការទុកចិត្តលើព្រះអម្ចាស់លើសពីការពឹងផ្អែកលើការយល់ដឹងរបស់ខ្លួនរបស់ពួកគេ ?
-
តើអ្នកនឹងផ្តល់ដំបូន្មានអ្វីខ្លះដល់នរណាម្នាក់ដើម្បីជួយពួកគេយកឈ្នះលើឧបសគ្គទាំងនេះ ?
« ទ្រង់នឹងតម្រង់អស់ទាំងផ្លូវច្រករបស់ឯង »
ដើម្បីជួយសិស្សបង្កើនបំណងប្រាថ្នារបស់ពួកគេក្នុងការទុកចិត្តលើព្រះអម្ចាស់ នោះពួកគេអាចសិក្សាវគ្គមួយចំនួន ឬទាំងអស់ខាងក្រោម ។ សិស្សអាចនៅក្នុងក្រុមរបស់ពួកគេ ហើយសិស្សម្នាក់ៗអាចអានអត្ថបទផ្សេងៗ ។
សូមអានវគ្គបទគម្ពីរខាងក្រោម ដោយរកមើលមូលហេតុដែលយើងចង់ទុកចិត្តលើព្រះអម្ចាស់ ជាជាងយោបល់ផ្ទាល់ខ្លួនរបស់យើង ៖
-
អេសាយ ៥៥:៨–៩
-
នៅពេលសិស្សបានអានវគ្គបទគម្ពីររបស់ពួកគេចប់ហើយ សូមអញ្ជើញពួកគេឲ្យចែកចាយអ្វីដែលពួកគេបានរកឃើញជាមួយនឹងក្រុមរបស់ពួកគេ ។ បន្ទាប់មក សិស្សពីរបីនាក់អាចចែកចាយជាមួយសិស្សក្នុងថ្នាក់ ។
ប្រសិនបើអ្នកបានរាយបញ្ជីគុណសម្បត្តិគួរឲ្យទុកចិត្តនៅលើក្ដារខៀននៅដើមមេរៀននេះ សូមពិចារណាសួរសិស្សអំពីរបៀបដែលព្រះអម្ចាស់បង្ហាញពីគុណសម្បត្តិទាំងនេះ ។ សិស្សអាចបន្ថែមទៅលើក្ដារខៀននូវគុណសម្បត្តិបន្ថែមទៀតរបស់ព្រះអម្ចាស់ដែលពួកគេគិតដល់ ឬដែលពួកគេបានរកឃើញនៅក្នុងវគ្គបទគម្ពីរខាងលើ ។
-
តើគុណសម្បត្តិរបស់ព្រះអម្ចាស់មួយណាដែលជួយអ្នកទុកចិត្តលើទ្រង់—សូម្បីតែនៅពេលដែលដំបូន្មានរបស់ទ្រង់អាចប្រឆាំងនឹងយោបល់របស់អ្នកផ្ទាល់ក៏ដោយ ?
ដើម្បីរៀបចំសិស្សឲ្យឆ្លើយសំណួរខាងក្រោម សូមពិចារណាបង្ហាញវីដេអូ « Trust in the Lord » ( ៣:៣០ ) ដែលមាននៅលើគេហទំព័រ ChurchofJesusChrist.org ។ ក្នុងវីដេអូនេះ យុវវ័យចែកចាយអំពីមូលហេតុដែលពួកគេជ្រើសរើសទុកចិត្តលើព្រះអម្ចាស់ ។
សូមពិចារណាចែកចាយចម្លើយរបស់អ្នកចំពោះសំណួរខាងក្រោម បន្ថែមពីលើអ្វីដែលសិស្សចែកចាយ ។
3:30 -
តើនៅពេលណាដែលអ្នក ឬនរណាម្នាក់ដែលអ្នកស្គាល់បានទុកចិត្តលើព្រះអម្ចាស់ ជាជាងយោបល់ផ្ទាល់ខ្លួនរបស់អ្នក ? តើទ្រង់បានជួយអ្នក ឬដឹកនាំអ្នកដោយរបៀបណា ?
ការទុកចិត្តរបស់ខ្ញុំទៅលើព្រះអម្ចាស់
ដើម្បីជួយសិស្សអនុវត្តអ្វីដែលពួកគេបានរៀន សូមពិចារណាអញ្ជើញពួកគេឲ្យធ្វើដូចខាងក្រោមរៀងៗខ្លួន ។
ជញ្ជឹងគិតអំពីអ្វីដែលអ្នកបានសរសេរនៅក្នុងសៀវភៅកំណត់ហេតុការសិក្សារបស់អ្នកនៅដើមមេរៀន ។ ស្វែងរកការណែនាំពីព្រះអម្ចាស់ ដើម្បីឆ្លើយតបទៅនឹងសំណួរខាងក្រោមនៅក្នុងសៀវភៅកំណត់ហេតុរបស់អ្នក ៖
-
តើអ្នកបានរៀនអ្វីខ្លះនៅថ្ងៃនេះអំពីព្រះអម្ចាស់ ដែលលើកទឹកចិត្តអ្នកឲ្យទុកចិត្តលើទ្រង់ ?
-
តើអ្វីជារបៀបមួយដែលអ្នកអាចទុកចិត្តព្រះអម្ចាស់ជាមួយនឹងស្ថានភាពដែលអ្នកបានសរសេរអំពី ?
-
តើអ្នកអាចធ្វើការណ៍នេះ « ឲ្យអស់អំពីចិត្ត [ របស់អ្នក ] » ( សុភាសិត ៣:៥ ) ដោយរបៀបណា ?
វាអាចមានប្រយោជន៍ក្នុងការចែកចាយអារម្មណ៍របស់អ្នកអំពីព្រះអម្ចាស់ និងរបៀបដែលទ្រង់បានដឹកនាំអ្នក ដូចដែលអ្នកបានទុកចិត្តលើទ្រង់ ។ សូមពិចារណាពីការថ្លែងទីបន្ទាល់អំពីសមត្ថភាព និងព្រះឆន្ទៈរបស់ទ្រង់ដើម្បីប្រទានពរដល់សិស្សរបស់អ្នក នៅពេលពួកគេទុកចិត្តលើទ្រង់ ។
ទន្ទេញ
អ្នកអាចជួយសិស្សឲ្យទន្ទេញសេចក្ដីយោងចំណេះចំណានខាងគោលលទ្ធិ និងឃ្លាបទគម្ពីរគន្លឹះក្នុងអំឡុងមេរៀននេះ ហើយរំឭកវាក្នុងមេរៀនក្រោយៗទៀត ។ ឃ្លាបទគម្ពីរគន្លឹះសម្រាប់ សុភាសិត ៣:៥–៦ គឺ « ចូរទីពឹងដល់ព្រះយេហូវ៉ាឲ្យអស់អំពីចិត្ត … នោះទ្រង់នឹងតម្រង់អស់ទាំងផ្លូវច្រករបស់ឯង » ។ គំនិតសម្រាប់សកម្មភាពទន្ទេញមាននៅក្នុងឯកសារឧបសម្ព័ន្ធដែលនៅក្រោម « សកម្មភាពរំឭកចំណេះចំណានខាងគោលលទ្ធិឡើងវិញ » ។