Manwal ng Guro ng Seminary para sa Lumang Tipan

Mga Nilalaman
Pahina ng Pamagat
Pambungad sa Manwal ng Guro
Mga Lesson sa Lumang Tipan
- Halina’t Basahin ang Lumang Tipan
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko ng Pagkabuhay
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Mga Bilang 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Hukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Cronica 14–20; 26; 30
- Ezra 1; 3–7; Nehemias 2; 4–6; 8
- Esther
- Job 1–3; 12–14; 19; 21–24; 38–40; 42
- Mga Awit 1–2; 8; 19–33; 40; 46
- Mga Awit 49–51; 61–66; 69–72; 77–78; 85–86
- Mga Awit 102–103; 110; 116–119; 127–128; 135–139; 146–150
- Mga Kawikaan 1–4; 15–16; 22; 31; Eclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3; 7; 16–18; 20
- Jeremias 31–33; 36–38; Mga Panaghoy 1; 3
- Ezekiel 1–3; 33–34; 36–37; 47
- Daniel 1–7
- Oseas; Joel
- Amos; Obadias; Jonas
- Mikas; Nahum; Habakuk; Sefanias
- Hagai 1–2; Zacarias 1–4; 7–14
- Malakias
Mga Lesson sa Paghahanda sa Buhay
- Doctrinal Mastery: Paghahanap ng mga Sagot sa Aking mga Tanong
- Mga Kasanayan sa Pag-aaral ng Banal na Kasulatan
- Para sa Lakas ng mga Kabataan: Paggawa ng mga Pagpili
- Pagkakaroon ng Pag-asa sa Sariling Kakayahan o Self-Reliance
- Pisikal at Emosyonal na Kalusugan
- Paghahanda para sa Edukasyon at Trabaho sa Hinaharap
- Pagtatagumpay sa Paaralan
- Paghahanda ng Missionary
- Paghahanda para sa Templo
- Mga Turo ng mga Lider ng Simbahan
Apendiks

Mga Awit 136: “O Magpasalamat Kayo sa Panginoon“

“Mga Awit 136: ‘O Magpasalamat Kayo sa Panginoon,’” Manwal ng Guro ng Seminary para sa Lumang Tipan (2026)

“Mga Awit 136: ‘O Magpasalamat kayo sa Panginoon,’” Manwal ng Guro ng Seminary para sa Lumang Tipan

Mga Awit 102–3; 110; 116–19; 127–28; 135–39; 146–50: Lesson 108

Mga Awit 136

“O Magpasalamat kayo sa Panginoon“

Tulad ng maraming himno, ipinaaalala sa atin ng Mga Awit na magpasalamat para sa lahat ng bagay. Ang taos-pusong pasasalamat sa Ama sa Langit at kay Jesucristo ay makapagbubukas ng ating mga mata at puso sa Kanilang pagmamahal at awa at makapagpapalalim ng ating pagmamahal sa Kanila. Ang lesson na ito ay makatutulong sa mga estudyante na madama ang pagmamahal ng Ama sa Langit at ni Jesucristo kapag nagpasalamat sila sa Kanila.

Paghahanda ng estudyante: Anyayahan ang mga estudyante na mag-alay ng panalangin na nagpapasalamat sa Ama sa Langit nang walang hinihinging kapalit. Maaaring maghanda ang mga estudyante na ibahagi sa klase ang kanilang mga impresyon mula sa karanasan.

Mga Posibleng Aktibidad sa Pag-aaral

Paano ko madarama ang pagmamahal ng Diyos?

Simulan ang klase sa pamamagitan ng pagtulong sa mga estudyante na pagnilayan kung paano nila madarama ang pagmamahal ng Diyos. Ang isang paraan para magawa ito ay anyayahan ang mga estudyante na isipin ang sumusunod na sitwasyon.

Isang araw ay sinabi sa iyo ng isang kaibigan: “Kung minsan sa simbahan at seminary, pinag-uusapan ng mga tao ang pagdama sa pagmamahal ng Diyos. Hindi ako sigurado kung nadarama ko ito. Ano ang maaari kong gawin para madama ang Kanyang pagmamahal sa aking buhay?”

Ano ang isasagot mo sa iyong kaibigan?

Maaaring magkakaiba ang sagot ng mga estudyante, o maaaring hindi nila alam ang sasabihin. Matapos sumagot ang mga estudyante, maaari mong ibahagi ang sumusunod na pahayag.

Ipinaliwanag ni Pangulong Thomas S. Monson (1927–2018) ang isang bagay na magagawa natin para madama ang pagmamahal ng Diyos:

Mga kapatid ko, naaalala ba nating magpasalamat sa mga pagpapalang natatanggap natin? Ang taos-pusong pasasalamat ay hindi lamang nakakatulong para makilala natin ang ating mga pagpapala, kundi nagbubukas din ng pintuan ng langit at nagpapadama sa atin ng pag-ibig ng Diyos. (“Ang Banal na Kaloob na Pasasalamat,” Liahona, Nob. 2010, 87)

Paano ninyo ibubuod ang itinuro ni Pangulong Monson?

Habang ibinabahagi ng mga estudyante ang kanilang mga sagot, isulat sa pisara ang sumusunod na katotohanan: Ang pagpapasalamat para sa ating mga pagpapala ay nakatutulong sa atin na madama ang pagmamahal ng Diyos.

Basahin ang Mga Awit 136:1–3, 26, at alamin kung bakit nagpapasalamat ang mang-aawit sa Diyos.

Ano ang napapansin ninyo?

Maaari mong anyayahan ang mga estudyante na markahan ang pariralang “sapagkat ang kanyang tapat na pag-ibig ay magpakailanman.” Maaari mong banggitin na sa tuwing nagpapasalamat ang mang-aawit, kinikilala niya ang pagmamahal ng Diyos. Maaari mong ipaliwanag na sa Hebreo, ang salitang katumbas ng awa sa mga talatang ito ay hesed, na ”isang espesyal na uri ng pagmamahal at awa na nadarama at ipinagkakaloob ng Diyos sa mga nakipagtipan sa Kanya” (Russell M. Nelson, “Ang Walang Hanggang Tipan,“ Liahona, Okt. 2022, 6).
Sa inyong palagay, bakit nakatutulong sa atin ang pagpapasalamat para sa ating mga pagpapala upang madama ang pagmamahal ng Diyos?

Pagkilala sa mga pagpapala ng Diyos

Upang matulungan ang mga estudyante na masuri kung paano sila nagpapasalamat sa Panginoon, maaari mong gawin ang sumusunod na aktibidad. Ipaalala sa mga estudyante na matutulungan tayo ng Espiritu Santo na makaalala upang matuto at bumuti tayo. Anyayahan ang mga estudyante na pakinggan ang mga impresyon mula sa Espiritu Santo habang pinag-iisipan nila ang kanilang mga sagot.

Isipin ang iyong mga karanasan sa nakalipas na linggo. Sa iyong study journal, sagutin ang mga sumusunod na tanong gamit ang mga pariralang hindi kailanman, isa o dalawang beses, ilang beses, o maraming beses.

Gaano kadalas mong kinikilala ang isang partikular na pagpapala mula sa Panginoon sa iyong buhay?
Gaano kadalas mong pinasasalamatan ang Panginoon para sa iyong mga pagpapala?
Gaano kadalas mong nadarama ang Kanyang pagmamahal?

Pagpapahayag ng pasasalamat sa Diyos

Upang matulungan ang mga estudyante na magsanay na magpasalamat sa Diyos, maaari mo silang anyayahang gawin ang isa sa mga sumusunod na aktibidad.

Pumili ng isa sa mga sumusunod na opsiyon para ipahayag ang iyong pasasalamat sa Ama sa Langit at kay Jesucristo. Bigyang-pansin ang pagmamahal na maaari mong madama mula sa Kanila habang ginagawa mo ito.

Ipahayag ang iyong pasasalamat sa Ama sa Langit at kay Jesucristo sa isang post sa social media o sa pamamagitan ng pagsulat sa iyong journal.
Gumawa ng listahan ng mga bagay na ipinagpapasalamat mo. Tandaang isama ang mga bagay na iyon sa susunod mong panalangin.

Bilang pagtatapos, maaari mong ibahagi kung paano nakatutulong ang pasasalamat sa Ama sa Langit at kay Jesucristo para madama natin ang Kanilang pagmamahal at mapalalim ang ating pagmamahal sa Kanila.

Karagdagang Resources

Ano ang ilang pagpapala na nagmumula sa pagpapahayag ng pasasalamat?

Ibinahagi ni Pangulong Henry B. Eyring ng Unang Panguluhan:

Sinisikap kong maalala ang sakripisyo ng Tagapagligtas at ang pagmamahal Niya sa akin. Pagkatapos, kapag nagdarasal ako sa Ama sa Langit upang magpasalamat, nakadarama ako ng pagmamahal at katiyakan na naririnig ang mga panalangin ko at matatanggap ko ang anumang pinakamainam para sa akin at sa mga taong mahal ko. Pinalalakas nito ang aking patotoo. (“Ang Ating Kasama sa Tuwina,” Liahona, Nob. 2023, 94)

Bakit dapat akong magpasalamat para sa mga pagsubok?

Itinuro ni Pangulong Dallin H. Oaks ng Unang Panguluhan:

17:27

Ang mga paghahayag, na ipinagpapasalamat natin, ay nagpapakita na dapat nating ipagpasalamat maging ang ating mga paghihirap dahil ibinabaling ng mga ito ang ating puso sa Diyos at binibigyan tayo ng mga pagkakataong maghanda na maging ng nais ng Diyos na maging tayo. … Sa gitna ng mga pag-uusig na dinanas ng mga Banal sa mga Huling Araw sa Missouri, nagbigay ang Panginoon ng gayon ding turo at pangako: “Katotohanang sinasabi ko sa inyo aking mga kaibigan, huwag matakot, maaliw sa inyong mga puso; oo, magalak kailanpaman, at sa lahat ng bagay ay magbigay-pasasalamat; … at lahat ng bagay na kung saan kayo pinahirapan ay magkakalakip na gagawa para sa inyong ikabubuti“ (D at T 98:1, 3). At kay Joseph Smith sa kanyang mga paghihirap sa Liberty Jail, sinabi ng Panginoon, “Alamin mo, aking anak, na ang lahat ng bagay na ito ay magbibigay sa iyo ng karanasan, at para sa iyong ikabubuti“ (D at T 122:7). Naunawaan ito ni Brigham Young. Sabi niya, “Wala ni isang kalagayan sa buhay o isang oras ng karanasan na hindi nakabubuti sa lahat ng nag-aaral, at naglalayong mapagyaman ang mga karanasang kanilang tinatamasa” (Mga Turo ng mga Pangulo ng Simbahan: Brigham Young [1997], 200).” (“Give Thanks in All Things,“ Liahona, Mayo 2003, 96)

Mga Karagdagang Aktibidad sa Pag-aaral

Alternatibong simula

Maaari mong simulan ang klase sa pamamagitan ng pagbabahagi ng sumusunod.

Noong COVID-19 pandemic noong Nobyembre 2020, ibinahagi ni Pangulong Russell M. Nelson ang sumusunod na karanasan:

Ilang linggo na ang nakalipas, nagising ako sa kalagitnaan ng gabi na may kaisipan na dapat akong mag-alay ng panalangin ng pasasalamat sa Diyos para sa lahat ng Kanyang mga anak sa buong mundo. Pumasok sa aking isipan ang lahat ng mga bagay na dapat nating ipagpasalamat at kung paanong ang pagpapasalamat na iyon ay maaaring maging isang diwa na nakapagpapagaling sa ating buhay. Sa pagdating ng inspirasyon, ang partikular na mga detalye, pati na ang kailan at paano ko dapat ibahagi ang mensaheng ito, ay dumating sa aking puso’t isipan. (“The Story behind My Global Prayer of Gratitude,” Inspiration [blog], Gospel Library, Nov. 20, 2020)

Pagkatapos ay hinikayat ni Pangulong Nelson ang mga tao sa iba’t ibang panig ng mundo na magpasalamat sa Panginoon at sa iba.

Anong mga pagpapala ang maaaring dumating dahil sa pagpapasalamat sa Ama sa Langit at kay Jesucristo?

Mga karagdagang opsiyon sa video

Kapag nakumpleto na ng mga estudyante ang handout, maaari mong ipanood ang isa sa mga sumusunod na video kapalit ng iminumungkahi:

“President Russell M. Nelson on the Healing Power of Gratitude” (mula sa time code na 2:45 hanggang 4:27)

11:39
“In the Spirit of Thanksgiving” (4:48)

4:49

Mga paraan kung paano maipapahayag ang pasasalamat

Bukod sa pagtuturo sa atin na dapat tayong magpasalamat sa Panginoon, nagbahagi rin ang Mga Awit ng mga paraan upang magawa ito. Maaari mong anyayahan ang mga estudyante na basahin ang Mga Awit 149:1–6 at Mga Awit 150, at alamin ang mga paraan kung paano tayo makakapagpasalamat sa Panginoon. Maaaring magdagdag ang mga estudyante ng iba pang mga paraan ng pagpapahayag ng pasasalamat, kabilang ang iba pang turo sa mga banal na kasulatan. Pagkatapos ay maaari mong anyayahan ang mga estudyante na magbahagi ng paboritong himno ng pagpapasalamat na maaaring sabay-sabay na kantahin o pakinggan ng klase.

Ang Mga Awit ay nagtuturo tungkol sa pamilya

Ang isa pang binibigyang-diin sa Mga Awit ay ang pamilya. Maaari mong anyayahan ang mga estudyante na basahin ang Mga Awit 127:3–5, at alamin ang itinuturo nito tungkol sa pamilya. Maaari mong anyayahan ang mga estudyante na ibahagi ang pinakatumimo sa kanila. Maaari mong itanong kung ano ang maaaring alalahanin ng isang tao tungkol sa mga turong ito. Itanong kung paano maaaring tumugon ang mga estudyante sa mga alalahaning iyon. Maaaring maging kapaki-pakinabang na resource ang Ang Mag-anak: Isang Pagpapahayag sa Mundo.

Nagtuturo ang Mga Awit tungkol sa panalangin

Maaaring hindi mo pa natalakay ang panalangin sa mga nakaraang lesson sa Mga Awit. Kung hindi pa, maaari mong anyayahan ang mga estudyante na basahin ang Mga Awit 145:18–20, at alamin kung ano ang itinuturo ng mga talatang ito tungkol sa panalangin. Maaari mong ipaliwanag na ang ibig sabihin ng “natatakot sa kanya“ ay gumagalang o nagbibigay-pitagan sa Diyos. Maaari mong sabihin sa mga estudyante na magbahagi ng mga karanasan kung saan nasaksihan nila ang mga katotohanang itinuro sa awit na ito.