Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Дуулал 136: “Эзэнд талархагтун”

“Дуулал 136: ‘Эзэнд талархагтун,’” Хуучин Гэрээний семинарын багшийн гарын авлага (2026)

“Дуулал 136: ‘Эзэнд талархагтун,’” Хуучин Гэрээний семинарын багшийн гарын авлага

Дуулал 102–3; 110; 116–19; 127–28; 135–39; 146–50: 108-р хичээл

Дуулал 136

“Эзэнд талархагтун”

Дуулал ном олон дууллын адилаар бүх зүйлд талархал илэрхийлэх хэрэгтэйг бидэнд сануулдаг. Тэнгэрлэг Эцэгт болон Есүс Христэд чин сэтгэлийн талархлаа илэрхийлэх нь бидний мэлмий, зүрх сэтгэлийг нээж, Тэдний хайр, нигүүлслийг олж харах, Тэднийг хайрлах бидний хайрыг нэмэгдүүлэх боломж олгоно. Энэ хичээл нь Тэнгэрлэг Эцэг, Есүс Христ хоёрт талархлаа илэрхийлснээр Тэдний хайрыг мэдрэхэд суралцагчдад туслах болно.

Суралцагчийн бэлтгэл: Тэнгэрлэг Эцэгт хариу болгон юу ч гуйхгүйгээр талархлаа илэрхийлэн залбирахад суралцагчдыг урь. Суралцагчид туршлагаасаа олж авсан бодол сэтгэгдлээ ангийнхантайгаа хуваалцахад бэлдэж болно.

Боломжит суралцах үйл ажиллагаа

Би Бурханы хайрыг хэрхэн мэдэрч болох вэ?

Бурханы хайрыг хэрхэн мэдэрч болох талаар тунгаан бодоход нь суралцагчдад туслах замаар хичээлээ эхлүүлнэ үү. Үүнийг хийх нэг арга бол суралцагчдыг дараах хувилбарыг төсөөлөхөд урих явдал юм.

Нэг өдөр нэг найз тань та нарт “Заримдаа сүм, семинар дээр хүмүүс Бурханы хайрыг мэдрэх талаар ярьдаг. Би мэдэрдэг эсэхээ мэдэхгүй байна. Би амьдралдаа Түүний хайрыг мэдрэхийн тулд юу хийж болох вэ?” гэж асуув.

Та найздаа юу гэж хариулах байсан бэ?

Суралцагчид янз бүрийн хариулт өгч эсвэл юу хэлэхээ мэдэхгүй байж болно. Суралцагчдыг хариулсны дараа та дараах мэдэгдлийг хуваалцаж болно.

Ерөнхийлөгч Томас С.Монсон (1927–2018) бид Бурханы хайрыг мэдрэхийн тулд хийж болох нэг зүйлийг тайлбарласан:

Ах эгч нар аа, бид авсан адислалуудынхаа төлөө талархал өргөхөө санадаг бил үү? Чин сэтгэлээсээ талархах нь адислалуудаа хүлээн зөвшөөрөхөд төдийгүй тэнгэрийн үүдийг нээж, Бурханы хайрыг мэдрэхэд бидэнд тусалдаг. (“Талархал бол бурханлаг бэлэг,” Ерөнхий чуулган, 2010 оны 10-р сар, 93-97)

Та Ерөнхийлөгч Монсоны заасныг хэрхэн дүгнэх вэ?

Суралцагчдыг хариултаа хуваалцах үед дараах үнэнийг самбар дээр бич: Адислалууддаа талархал илэрхийлэх нь Бурханы хайрыг мэдрэхэд бидэнд тусалдаг.

Дуулал 136:1–3, 26-г уншаад, дуулал зохиогч Бурханд яагаад талархдаг гэдгийг олж мэднэ үү.

Та юу анзаарсан бэ?

Та суралцагчдыг “Түүний хайр энэрэл мөнхийнх” гэсэн хэллэгийг тэмдэглэхэд урьж болно. Та дуулал зохиогч талархах бүрдээ Бурханы хайрыг ойлгодог гэдгийг онцолж болно. Еврей хэлээр эдгээр шүлэг дээрх нигүүлсэл гэдэг үгийг hesed гэх ба “Бурханы Өөртэй нь гэрээнд орсон хүмүүст үзүүлдэг онцгой хайр, нигүүлсэл” (Рассэлл М.Нэлсон, “Үүрдийн гэрээ,” Лиахона, 2022 оны 10-р сар, 6) гэсэн утгатайг тайлбарлаж болно.
Яагаад адислалуудынхаа төлөө талархал илэрхийлэх нь Бурханы хайрыг мэдрэхэд бидэнд тусалдаг гэж та бодож байна вэ?

Бурханы адислалуудыг танин мэдэх

Их Эзэнд талархлаа илэрхийлэхдээ хэр байгаагаа дүгнэхэд нь суралцагчдад туслахын тулд та дараах үйл ажиллагааг хийж болно. Ариун Сүнс бидэнд санахад тусалдаг учраас бид суралцаж, сайжрах боломжтой гэдгийг суралцагчдад сануулаарай. Суралцагчдыг хариултаа бодох үедээ Ариун Сүнсний өдөөлтүүдийг сонсоход урина уу.

Өнгөрсөн долоо хоногт тохиолдсон үйл явдлынхаа талаар бод. Судлах тэмдэглэлдээ хэзээ ч, нэг эсвэл хоёр удаа, хэдэн удаа, эсвэл олон удаа гэсэн үг хэллэгүүдийг ашиглан дараах асуултад хариулна уу.

Та амьдралдаа Их Эзэнээс ирсэн тодорхой адислалыг хэр олон удаа таньж байсан бэ?
Та адислалуудынхаа төлөө Их Эзэнд хэр олон удаа талархлаа илэрхийлсэн бэ?
Та Түүний хайрыг хэр олон удаа мэдэрсэн бэ?

Бурханд талархал илэрхийлэх

Та Бурханд талархал илэрхийлэх дадлага хийхэд нь суралцагчдад туслахын тулд тэднийг дараах үйл ажиллагаанаас нэгийг хийхэд урьж болно.

Тэнгэрлэг Эцэг, Есүс Христ хоёрт талархлаа илэрхийлэх дараах сонголтоос нэгийг сонгоно уу. Та үүнийг хийж байхдаа Тэднээс мэдэрч болох хайранд анхаарлаа хандуулаарай.

Олон нийтийн мэдээллийн хэрэгслээр эсвэл тэмдэглэлдээ бичиж, Тэнгэрлэг Эцэг болон Есүс Христэд талархаж явдгаа илэрхийл.
Та талархдаг зүйлсийнхээ жагсаалтыг гарга. Эдгээр зүйлийг дараагийн залбиралдаа багтаахаа битгий мартаарай.

Төгсгөлд нь та Тэнгэрлэг Эцэг болон Есүс Христэд талархлаа илэрхийлэх нь Бидэнд Тэдний хайрыг мэдрэх, Тэднийг хайрлах бидний хайрыг өсгөхөд хэрхэн тусалдаг талаар хуваалцаж болно.

Нэмэлт эх сурвалжууд

Талархлаа илэрхийлснээр ямар адислалууд ирж болох вэ?

Тэргүүн зөвлөлийн ерөнхийлөгч Хэнри Б.Айринг ийн хуваалцсан:

Би Аврагчийн золиослолыг болон намайг гэх хайрыг нь санахыг хичээдэг. Тэгээд Тэнгэрлэг Эцэгт залбиран талархахдаа Тэр залбирлыг минь сонсдог бөгөөд надад болон хайртай хүмүүст маань хамгийн сайныг өгөх болно гэсэн хайр, баталгааг мэдэрдэг. Энэ нь миний гэрчлэлийг хүчирхэгжүүлдэг. (“Бидний байнгын хамтрагч,” Лиахона, 2023 оны 11-р сар, 92-95)

Би яагаад сорилтын төлөө талархах ёстой вэ?

Тэргүүн зөвлөлийн ерөнхийлөгч Даллин Х.Өүкс ийн заасан:

17:27

Бидний талархалтай байдаг илчлэлүүд бидний зүрх сэтгэлийг Бурханд хандуулаад, Бурхан биднийг ямар болоосой гэж хүсдэгт бэлтгэх боломж олгодог учраас зовлон зүдгүүрийнхээ төлөө талархах ёстойг харуулдаг. … Миссурид Хожмын үеийн гэгээнтнүүдийн зовж байсан мөрдлөг хавчлагын дунд Их Эзэн үүнтэй адил сургаал, амлалт өгсөн: “Үнэнээр би та нарт хэлж байна, найз нар минь, бүү ай, зүрх сэтгэл чинь тайтгаруулагдаг; тийм ээ, үргэлж баясагтун, мөн бүх зүйлд талархал илэрхийлж бай; … мөн та нарын зовж зүдэрсэн бүх зүйл нийлээд та нарын сайн сайхны төлөө ажиллах болно” (С&ба Г 98:1, 3). Мөн Либерти шоронд зовон шаналж байсан Иосеф Смитэд Их Эзэн “Эдгээр бүх зүйл чамд туршлага суулгах болно, мөн чиний сайн сайхны төлөө байх болно гэдгийг мэдэгтүн, хүү минь” (С&ба Г 122:7) хэмээн хэлжээ. Бригам Янгийн ойлголт. “Амьдралын ганц ч нөхцөл [эсвэл] нэг цагийн туршлага байдаггүй ч үүнийг судалж, олж авсан туршлага дээрээ илүү сайжрахыг зорьдог хүмүүст юутай тустай вэ” (Сүмийн ерөнхийлөгчдийн сургаал: Бригам Янг[1997], 179).” (“Give Thanks in All Things,” Liahona, 2003 оны 5-р сар, 96)

Нэмэлт суралцах үйл ажиллагаа

Хичээлийг эхлүүлэх өөр хувилбар

Та дараах жишээг хуваалцсанаар хичээлээ эхлүүлж болно.

2020 оны 11-р сард болсон КОВИД-19 цар тахлын үеэр ерөнхийлөгч Рассэлл М.Нэлсон дараах туршлагыг хуваалцсан:

Хэдэн долоо хоногийн өмнө дэлхийн өнцөг булан бүрд байх хүүхдүүдийнх нь өмнөөс Бурханд зориулан талархлын залбирал өргөх ёстой гэсэн бодол орж ирэн шөнө дунд би сэрсэн юм. Талархах ёстой олон зүйлийн талаар мөн талархлаа ийн илэрхийлэх нь хэрхэн бидний амьдралын эдгээгч сүнс болж болох тухай бодлууд оюун ухаанд минь урсан орж ирсэн юм. Сүнслэг өдөөлт орж ирснээр энэ захиасыг хэзээ, хэрхэн хуваалцаж болох талаар тодорхой дүр зураг оюун ухаан, зүрх сэтгэлд минь орж ирсэн. (“The Story behind My Global Prayer of Gratitude”, Сүнслэг өдөөлт [blog], Gospel Library, 2020 оны 11-р сарын 20)

Дараа нь ерөнхийлөгч Нэлсон дэлхий даяарх хүмүүсийг Их Эзэнд болон бусдад талархлаа илэрхийлэхийг уриалжээ.

Тэнгэрлэг Эцэгт болон Есүс Христэд талархлаа илэрхийлснээр ямар адислалууд ирж болох вэ?

Нэмэлт видео сонголтууд

Суралцагчдыг тараах материалыг бөглөсний дараа та санал болгосон видео бичлэгийн оронд дараах видео бичлэгүүдийн нэгийг үзүүлэх талаар бодож үзэж болох юм.

“Ерөнхийлөгч Рассэлл М.Нэлсон Талархлын эдгээх хүчний тухай” (видео бичлэгийн 2:45-аас 4:27 хүртэлх хэсэг)

11:38
“In the Spirit of Thanksgiving” (4:48)

4:49

Талархлаа илэрхийлэх арга замууд

Дуулал номд бид Их Эзэнд талархлаа илэрхийлэх ёстойг заахаас гадна үүнийг хийх арга замуудыг хуваалцдаг. Та Дуулал 149:1–6 болон Дуулал 150-ыг уншаад, Их Эзэнд талархлаа илэрхийлж болох арга замуудыг хайж олж мэдэхэд суралцагчдыг урьж болно. Суралцагчид талархлаа илэрхийлэх өөр арга замууд, түүний дотор судар дээрх бусад сургаалыг нэмж болно. Дараа нь та ангийнхантайгаа хамт дуулж эсвэл сонсож болох дуртай талархлын дууллаа хуваалцахад суралцагчдыг урьж болно.

Дуулал ном гэр бүлийн тухай заадаг

Дуулал номд онцолсон өөр нэг зүйл бол гэр бүл юм. Суралцагчдыг Дуулал 127:3–5-ыг уншиж, гэр бүлийн тухай юу зааж байгааг олж мэдэхэд урих талаар бодож үзээрэй. Та чухал санагдсан зүйлсээ хуваалцахад суралцагчдыг урьж болно. Та эдгээр сургаалын талаар хэн нэгэнд ямар санаа зовнил байгааг асууж болно. Суралцагчдаас эдгээр санаа зовнилд хэрхэн хариулж чадахыг асуу. Гэр бүл: Дэлхий дахинаа өргөх тунхаг тус болох эх сурвалж байж болно.

Дуулал ном залбирлын тухай заадаг

Та Дуулал номын өмнөх хичээлээр залбирлын талаар хараахан ярилцаагүй байсан байж болох юм. Хэрэв үгүй бол та Дуулал 145:18–20-ийг уншаад, эдгээр шүлэг залбирлын талаар юу зааж байгааг олж мэдэхэд суралцагчдыг урьж болно. Та “ойр” гэдэг нь ойрхон, “Түүнээс эмээх” гэдэг нь Бурханыг хүндлэх эсвэл бишрэх гэсэн утгатай гэдгийг тайлбарлаж болно. Та энэ дуулалд заасан үнэнүүдийг хаана гэрчилсэн туршлагаасаа хуваалцахыг суралцагчдаас хүсэж болно.