“Fa’ata’ita’iga o le Atamai i A’oa’oga Fa’avae 7: Taulotoina o Fasifuaitau Autū ma le Fa’aaogaina o Mataupu Fa’avae o le Mauaina o le Malamalama Fa’aleagaga,” Tusi Lesona a le Faiaoga Seminare o le Feagaiga Tuai (2026)
“Fa’ata’ita’iga o le Atamai i A’oa’oga Fa’avae 7: Taulotoina o Fasifuaitau Autū ma le Fa’aaogaina o Mataupu Fa’avae o le Mauaina o le Malamalama Fa’aleagaga,” Tusi Lesona a le Faiaoga Seminare o le Feagaiga Tuai
Salamo 49–51; 61–66; 69–72; 77–78; 85–86: Lesona 106
Fa’ata’ita’iga o le Atamai i A’oa’oga Fa’avae 7
Taulotoina o Fasifuaitau Autū ma le Fa’aaogaina o A’oa’oga Fa’avae o le Mauaina o le Malamalama Fa’aleagaga.
O le atamai i a’oa’oga fa’avae e mafai ona fesoasoani i tagata a’oga, e fausia le fa’avae mo o latou olaga iā Iesu Keriso ma Lana talalelei.E mafai ona fesoasoani lenei lesona i tagata a’oga e tauloto fasifuaitau autū o mau i fuaitau o le atamai i a’oa’oga fa’avae ma faaaoga mataupu faavae paia o le mauaina o le malamalama faaleagaga.
Sauniuniga a le tagata a’oga: Vala’aulia tagata a’oga e toe faamanatu le lisi o Fuaitau o le Atamai i A’oa’oga Fa’avae ma fasifuaitau mai mau autū o le Feagaiga Tuai o loo maua i le Potutusi o le Talalelei.E mafai e tagata aoga ona filifili se fuaitau se tasi ma se fuaitau o mau autu mai le lisi.Vala’aulia tagata a’oga e fa’aalu ni nai minute e tauloto ai a latou fuaitau ua filifilia ma fasifuaitau o mau autū.E mafai ona latou fa’aaoga le polokalama feaveai o le atamai i a’oa’oga fa’avae o se meafaigaluega e fesoasoani iā i latou e tauloto ai.
Gaoioiga e Ono Mafai Ona Aoao Ai
Toe fa’amanatu o le Atamai i Aoaoga Faavae: Tauloto
Ina ia fesoasoani i tagata a’oga e tauloto fuaitau ma fasi fuaitau autu o le atamai i a’oa’oga fa’avae mai le Feagaiga Tuai, e mafai ona e vaevave i latou i ni vaega taitoafa.Tuu atu i tagata aoga taitasi ni fasipepa laiti se fa o loo faapipii faatasi.Faamalamalama atu o tagata aoga o le a fesuiai a latou faaputuga pepa i totonu o la latou vaega.O se vaega o lenei gaoioiga, o le a tusi ai e tagata a’oga ni ata.Fa’amanatu atu iā i latou ia aua ne’i fa’aata mai ai [le atua] i ā latou ata.
E mafai ona e faaali atu ia faatonuga taitasi nei i le taimi a o faamaeaina e tagata aoga ia gaoioiga taitasi.(Mo laasaga 1 ma le 3, tuu atu i tagata aoga se minute e tasi e faamaea ai.Mo laasaga 2 ma le 4, tuu atu ia i latou le 30 sekone e faamaea ai.)
-
E aunoa ma le fa’asoaina atu i lau vaega, filifili se fasifuaitau autū mai se mau faasino o a’oa’oga fa’avae.I luga o lau fasi pepa muamua, tusi se ata faigofie e fa’aata mai ai le fasi fuaitau autū o le mau.
-
Fesuia’i faasolosolo pepa aga’i i le itu taumatau i totonu o vaega.Va’ai i le ata i laupepa muamua.I le itulau lona lua, tusi le mau faasino o le atamai i a’oa’oga fa’avae e te manatu e feso’ota’i ma le ata.
-
Faafesuiai pepa i le itu taumatau.A aunoa ma le tilotilo i le ata i le itulau muamua, faitau le tusi o le mau o le atamai i a’oa’oga fa’avae e feso’ota’i ma le itulau lona lua.I le fasipepa lona tolu, tusi se ata faigofie e fa’aata mai ai le fasi fuaitau autū.
-
Faafesuiai pepa i le itu taumatau.E aunoa ma le tilotilo i le mau faasino i le laupepa lona lua, va’ai atu i le ata i le laupepa lona tolu.I le itulau e fa, tusi le mau faasino o le atamai i a’oa’oga fa’avae e te manatu e feso’ota’i ma le ata.
Fa’atonu tagata a’oga e fa’afo’i le pepa i le tagata e ona le pepa.Vala’aulia tagata ta’ito’atasi ia fa’asoa ma le latou vaega ata ma taumatega ua tusiaina i ā latou pepa.E mafai e tagata aoga taitasi ona faasoa atu le uluai fasifuaitau autu o mau sa latou filifilia.
Fa’atasi ma la latou vaega, vala’aulia tagata a’oga e tauloto leotele le fuaitau o le atamai i a’oa’oga fa’avae ma fasifuaitau autū o loo fa’aaogaina i lenei gaoioiga.E mafai ona latou toe fai faalua.
A lava le taimi, mafaufau e toe fai le gaoioiga o le tusiga ata e fa’aaoga ai nisi fasifuaitau autu o mau.Fa’amautinoa o loo lava le taimi mo tagata a’oga (25–30 minute) e faia ai gaoioiga o loo i le vaega o le “A’oa’o ma fa’aaoga mātaupu fa’avae o le mauaina o le atamai fa’aleagaga” o loo i lalo.
A’oa’o ma fa’aaoga matāupu fa’avae o le mauaina o le atamai fa’aleagaga
Fesoasoani i tagata a’oga e toe fa’amanatu matāupu fa’avae o le mauaina o le atamai fa’aleagaga.O gaoioiga toe fa’amanatu fautuaina, o loo aofia atu i le vaega o le fa’aopoopoga ua fa’aautūina “Gaoioiga o le Iloiloga o le Atamai i A’oa’oga Fa’avae.”O lenei iloiloga e lē mana’omia ona faaaluina ai se taimi telē, ae mana’omia e tamaiti a’oga le fa’atino e lē aunoa o iloiloga i nei matāupu fa’avae ina ia mafai ai ona fa’aaoga i latou i o latou olaga.O faʻamatalaga o matāupu fa’avae o loʻo maua i parakalafa 5–12 o le Pepa Autū o le Atamai i A’oa’oga Fa’avae (2023).A maea le iloiloga, tuu atu e faataitai e tagata aoga le faaaogaina o nei matāupu faavae i le tulaga faataitai lenei.
Ina ua uma se lesona talu ai nei i le aoga Aso Sa e uiga i le taua o le alu i le malumalu, sa iloa ai e Paulo ua leva ona le toe alu i le malumalu.Ona o nisi o mea sese na ia faia, ua ia le lagonaina ai le agavaa e ulu atu i le maota o le Alii.E manatu Paulo iā te ia lava, “ailoga e finagalo le Atua ou te ulu atu i Lona malumalu ona o mea sa ou faia.”
-
O le a sou manatu e mafai faapefea e mataupu faavae o le mauaina o le malamalama faaleagaga ona fesoasoani i se tasi e lagonaina le lagona o Paulo?
Uunaia tagata a’oga e fa’ata’ita’i pe fa’apefea ona fesoasoani matāupu fa’avae ta’itasi iā Paulo.O le vaega o totoe o le anotusi o lenei lesona e taulai atu i le fesoasoani i tagata aoga e suesue fesili mai se vaaiga e faavavau.Afai ete manatu e mafai ona fa’aaoga e tagata a’oga nisi fa’ata’ita’iga e fa’aaoga ai nisi matāupu fa’avae, fetu’una’i lenei anotusi ia talafeagai lelei ma mana’oga o au tagata a’oga.
O se tasi o auala e su’esue’ ai i fesili mai se va’aiga e fa’avavau, o le toe feliuliua’i lea o fesili (pe sui se va’aiga) e faavae i luga o mea ua aoaoina mai e le Alii (taga’i i parakalafa 8–9 o le Pepa Autū o le Atamai i A’oa’oga Fa’avae [2023]).
E fa’aopoopo i le fa’asinoina atu o tagata a’oga i le Pepa Autū, e mafai fo’i ona e fa’asino foi tagata a’oga i le “O le fuafuaga a le Atua mo le fa’aolataga e maua ai le va’aiga mamao,” e maua i le vaega “Fa’atotonugalemu Iesu Keriso i Lou Olaga” i le “Sai’li Tali i Au Fesili” i Matāupu ma Fesili i le Potutusi o le Talalelei.Ina ia fa’ata’ita’i mea e mafai e tagata a’oga ona faia i le fesili a Paulo, e mafai ona e fa’aali atu “Su’esu’eina o Fesili ma se Va’aiga e Fa’avavau” (2:56), e maua i leChurchofJesusChrist.org.
Mafaufau e tusi se ata o se fa’ava’a i luga o le laupapa.Tusi le popolega o Paulo i le ogatotonu o le faavaa.E mafai ona lisi e tagata a’oga tali i fesili nei fa’ata’amilo i le fa’ava’a.
-
O a ni manatu taumatemate atonu o loo faia e Paulo e uiga i le Tama Faalelagi, Lana fuafuaga, ma le auala e taulima ai e Ia Lana fanau?O a ni manatu taumatemate atonu o loo faia e Paulo e uiga ia te ia lava?
O nisi o tali e ono maua e tagata a’oga e ono aofia ai le “E lē alofa le Atua iā te a’u,” “o le malumalu e mo na o i latou e lelei atoatoa,” ma le “o a’u mea sēsē e lauiloa ai le ituaiga tagata e iai a’u.”
-
E fa’apefea e nei manatu taumatemate ona a’afia ai le sootaga a Paulo ma le Tamā Fa’alelagi ma Iesu Keriso?
Tapeese manatu taumatemate ma tusi se faavaa fou i luga o le laupapa.Ona mafai lea e tagata a’oga ona fa’ata’ita’i ona toe fa’avasega le popolega o Paulo.Vala’aulia tagata a’oga e tusi ni upumoni ma se fuaitau o le atamai i a’oa’oga fa’avae i luga o le laupapa fa’ata’amilo i le fa’ava’a fou.
-
O a upumoni e uiga i le fuafuaga a le Tama Faalelagi pe mai aoaoga a le Faaola e mafai ona fesoasoani ia Paulo e toe faatulaga ai lona popolega po o le vaai atu i ai mai le silafaga a le Atua?
-
O ā ni fuaitau i le atamai i a’oa’oga fa’avae e te ono fa’asoa atu ia Paulo?Aiseā?
O tali e ono iai i tagata aoga e aofia ai:
-
E mana’omia ona tatou agava’a e ulu atu i le malumalu (taga’i Salamo 24:3–4).
-
E mafai e le Alii ona fa’amamā i tatou mai a tatou agasala ma faia ia tatou agava’a (taga’i Isaia 1:18; 53:3–5).
-
E lauiloa i tatou e ala i lo tatou fa’asinomaga o ni fanau a le Atua (taga’i Kenese 1:26–27), e lē ala iā tatou agasala ma mea sēsē.
Mafaufau e fa’asoa atu le fa’amatalaga mai iā Elder Quentin L. Cook e maua i Puna’oa Fa’aopoopo.
Ina ia fesoasoani i tagata e toe manatunatu i mea ua latou a’oa’oina, vala’aulia i latou e faia mea nei.
I le faaaogaina ai o mea ua e aoaoina ma lagonaina i le aso, tusi se tali ia Paulo o le a fesoasoani ia te ia e vaai ai i lana fesili e ala i le vaaiga e faavavau o le fuafuaga a le Tama Faalelagi ma aoaoga a Iesu Keriso.
Va’alaulia tagata a’oga naunauta’i e fa’asoa mai a latou tali ma le vasega.A o faalogo atu tagata aoga i isi, valaaulia i latou e vaai faalemafaufau pe o a ni lagona o Paulo a o ia faalogo atu i nei tali.
Afai e oo mai se aafiaga i lou mafaufau, atonu e te manao e faasoa atu pe na faapefea e le mataupu faavae o le suesueina o mataupu faavae ma fesili faatasi ai ma se vaaiga e faavavau ona sa fesoasoani ia te oe e foia ai fesili po o popolega.