Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Salamo 61–86: “Le Atua e, Ia E Faafofoga Mai i Laʻu Tatalo”

“Salamo 61–86: ‘Le Atua e, Ia E Faafofoga Mai i Laʻu Tatalo,’” Tusi Lesona a le Faiaoga Seminare o le Feagaiga Tuai (2026)

“Salamo 61–86: ‘Le Atua e, Ia E Faafofoga Mai i Laʻu Tatalo,’” Tusi Lesona a le Faiaoga Seminare o le Feagaiga Tuai

Salamo 49–51; 61–66; 69–72; 77–78; 85–86: Lesona 105

Salamo 61–86

“Le Atua e, Ia E Faafofoga Mai i Laʻu Tatalo”

A women with her hands together, she is praying

Atonu e mafai ona e mafaufau i taimi o lou olaga na e manao ai e faalatalata atu i le Tama Faalelagi.O le tele o Salamo o ni tatalo mai le loto lea e maua ai se faataitaiga o le faalatalata atu i le Tama Faalelagi i le faatuatua lotomaualalo.O le tatalo o se meafaigaluega mamana e mafai ai e soo se tasi i soo se taimi ona vala’au atu i le Atua mo le fa’amafanafanaga, le malosi, po o le ta’ita’iga.E faapei o le tele o meafaigaluega, e mafai ona tatou aoao e faaaoga le tatalo i se auala sili atu ona lelei.O le a fesoasoani lenei lesona i tagata aoga ia anoa atili fesootaiga ma le Tama Faalelagi e ala i le tatalo.

Sauniuniga a le tagata a’oga: Mafaufau e vala’aulia tagata a’oga ia ua’i atu i le va o le taimi lenei ma le vasega o soso’o mai pe fa’apefea ona latou lagona o loo latou feso’ota’i ma le Tamā Fa’alelagi i ā latou tatalo.

Gaoioiga e Ono Mafai Ona Aoao Ai

Fa’aeteete e fa’atusatusa i le faasamasamanoa

Ao le’i amatalia le vasega, tusi le “fa’aeteete” ma le “faasamasamanoa” i luga o le laupapa.Ia mautinoa ua malamalama tagata aoga i faauigaga nei o upu nei.Fa’aeteete: faia ma le mafaufau po o le gaua’i atu.Faasamasamanoa: faaleleva po o le lē popole vale.

Mafaufau e faavasega tagata a’oga i ni paga po o ni vaega toalaiti ina ia fa’asoa pe o le a faape’ī foliga o le taumafai ai e faaeteete po o le faasamasamanoa i gaoioiga nei.O se isi auala, e mafai ona e vala’aulia paga po o vaega ia latou fa’ailoa mai mea latou te fa’aeteete i ai, ma mea latou te faasamasamanoa i ai.

Ta’alo i se ta’aloga

A’oa’oina o se mea fai faaili

Galuega o meaaoga

A uma ona maua e tagata aoga se avanoa e faasoa ai, tusi le “tatalo” i luga o le laupapa.

E ono faape’ī foliga o le fa’aeteete po o le faasamasamanoa i tatalo?

Valaa’ulia tagata a’oga ia mafaufau pe fa’apefea ona fa’atino a latou lava tatalo i le taimi nei.O se tasi lenei o auala e fai ai lenei mea.Ia faamautinoa atu i tagata aoga latou te lē faasoaina atu a latou tali i se isi tagata.

Mafaufau lē leoa au tali i nei fesili:

Pe e te manatu o au tatalo e sili atu ona faia ma le fa’aeteete po o le faasamasamanoa?Aiseā?
E fa’apefea ona ono fa’amanuiaina oe pe a faapea o au tatalo e sili atu ona fa’aeteete ma anoa?

O le tele o salamo o tatalo mai le loto lea e maua ai se faataitaiga o le faalatalata atu i le Tama Faalelagi i le faatuatua lotomaualalo.A o e su’esu’e i nei salamo, ia magafagafa i manatu ma fa’alogona mai le Agaga Pa’ia i le auala e atili talanoa ’anoa atu ai ma le Tamā Fa’alelagi e ala i le tatalo.

E mafai ona aʻoaʻoina i tatou e salamo e uiga i le tatalo

Ina ia fesoasoani i tagata a’oga ia malamalama i auala e atili talanoa anoa atu ai ma le Tamā Fa’alelagi i tatalo, mafaufau e fa’aali atu fuaitau o mau nei ma fesili o loo i luga o le laupapa.E mafai e tagata aoga ona faitau se fuaitau, ona mafaufau lea pe faapefea ona taliina se tasi pe sili atu foi o fesili.

E mafai ona fesoasoani le taina filemu o musika a o suesue tagata aoga.

Faitau ni fuaitau o mau ia le itiiti ifo ma le tolu, vaava’ai ni tali i se tasi pe sili atu o fesili nei.

Salamo 55:16–17

Salamo 61:1–3

Salamo 63:1–7

Salamo 69:13–18

Salamo 86:3–12

O le ā se taimi e ao ona ou tatalo ai i le Tamā Fa’alelagi?
E fa’apefea ona ou fa’aeteete atili i a’u tatalo?
E ao ona faape’ī o’u uiga faaalia pe a faalatalata atu i le Tama Faalelagi i le tatalo?

Vala’aulia tagata a’oga e fa’asoa mai mea na latou mauaina.I le avea ai o se vaega o le talanoaga, tusi faamatalaga le uma nei i luga o le laupapa: O a tatou tatalo i le Tama Faalelagi e mafai ona atili anoa a o tatou …

Fai atu i tagata a’oga e fa’amae’a le fa’amatalaga e fa’aaoga ai mea ua latou a’oa’oina e uiga i le tatalo mai salamo sa latou faitauina.O nisi o fa’ata’ita’iga o ni mea e ono tali mai ai tagata a’oga e aofia ai:

tatalo i soo se taimi o le aso (tagai Salamo 55:16–17).

tatalo pe a tatou lagona le lofitūina (taga’i Salamo 61:2).

tatalo mo se lavea’iga (taga’i Salamo 69:13–18).

tatalo mo le alofa mutimutivale (taga’i Salamo 86:3–5).

tatalo ma se uiga o le alofa, migao, ma le vivi’i (taga’i Salamo 63:4–6; 86:8–13).

Tatalo ai ma le alofa ma le migao mo le Tama Faalelagi

O lenei vaega o le lesona e taula’i atu i lenei upumoni: O a tatou tatalo i le Tamā Fa’alelagi e mafai ona anoa atili pe a tatou tatalo ma se uiga o le alofa, migao, ma le vivi’i.

O se tasi o auala e tatou te tatalo ai i le Tamā Fa’alelagi ma se uiga alofa sili atu ma le migao e ala i le leo ma le gagana tatou te fa’aaogaina i a tatou tatalo.

Sa a’oa’o mai Peresitene Dallin H. Oaks o le Au Peresitene Sili:

O le gagana fa’apitoa o le tatalo, e mulimuli i faiga eseese i gagana eseese, ae o le fa’avae e tutusa lava i taimi uma.E ao ona tatou faia a tatou tatalo i lo tatou Tamā Fa’alelagi i upu e feso’otai ma le alofa ma le fa’aaloalo ma le migao ma le vavalalata a tagata o lena gagana. …

… Tatou te moomoo ia mulimuli i a’oa’oga a le Fa’aola, “Pe a outou tatalo, aua le fa’aaogaina soo manatu lē aogā, e pei ona faia e le au fa’apaupau: latou te manatu e fa’alogoina i le tele o a latou upu.”[Mataio 6:7; taga’i 3 Nifae 13:7.]O a tatou tatalo e ao ona fa’afaigofie, tu’usa’o, ma fa’amaoni.(“O le Gagana o Tatalo,” Ensign, Mē 1993, 16)

E te ono fa’amatala atu e faapea e mafai ona tatou fa’aali le alofa, fa’aaloalo, ma le migao i le Tamā Fa’alelagi e ala i le fa’alagiina o Ia i upu e pei o le o lau afio, matai, afioga.Tagai i le “O le Gagana o Tatalo,” Ensign, Me 1993, mo nisi faamatalaga.

Mafaufau i le gagana e te faaaogaina i au tatalo ma le auala e atagia ai ou lagona mo le Tama Faalelagi.

Aisea atonu e aoga ai le taumafaiga e faaaoga le gagana faaaloalo ma le migao i au tatalo?

Faitau le Mataio 6:5–13 vaava’ai pe na fa’apefea e Iesu Keriso ona fa’aa’oa’o mai le alofa ma le migao i le Tamā Fa’alelagi i le tatalo.

O le a se mea ua e aoaoina mai aoaoga ma faataitaiga a le Faaola e mafai ona aafia ai le ala e te tatalo ai?
E fa’apefea e le tatalo fa’amaoni ona fa’amanuiaina lou olaga?

Fa’aaogaina

O le ata lenei e mafai ona fesoasoani i tagata aoga e mafaufau ai e uiga i auala e faaaoga ai mea sa latou aoaoina e uiga i le tatalo.Vala’aulia tagata a’oga e tusi le ata i a latou api tala’aga o su’esu’ega.Ona valaaulia lea o i latou e tusi tali i fesili i le kalafi i vaega taitasi.

Fesoasoani i tagata a’oga ia iloa o mea ua latou tusia, e mafai ona latou amata fa’aaogaina i le asō.Valaaulia i latou e faatino se mea se tasi pe lua o mea na latou tusia.A mafai e tagata a’oga, e te ono vala’aulia i latou e pu’e se ata o le latou kalafi ia manatua ai mea na latou tusia i lalo.

Mafaufau e faasoa atu lau molimau i le auala e mafai ai ona tatou fesootai ma le Tama Faalelagi i ni auala anoa e ala i le tatalo.

O Puna’oa Fa’aopoopo

E mafai faapefea ona fesoasoani le tatalo i taimi faigata?

Na a’oa’o mai e Peresitene M. Russell Ballard (1928–2023):

I ni nai masina ua mavae atu, sa ou maua ai se u’una’iga na oo mai iā te au e fa’apea, o le auala aupito sili e fesoasoani ai i le tulaga ua i ai nei le lalolagi o le fa’alagolago atili lea o tagata uma i le Atua ma ia liliu atu o latou loto iā te Ia e ala i le tatalo faamaoni.[Ia] fa’amaualaloina i tatou ma saili atu le musumusuga a le lagi, ia onosa’ia pe manumalō ai i mea ua i o tatou luma, o se auala sili lea ona saogalemū ma mautinoa e aga’i ai i luma ma le mautinoa i nei taimi faigatā. …

Maeu le maoae o le mana o le tatalo ma lo tatou manaomia tele ai o a tatou tatalo o le faatuatua i le Atua ma Lona Alo Pele i le lalolagi i ona po nei!Ia tatou manatua ma talisapaia le mana o le tatalo.(“Ia Outou Mataala ai, ma Tatalo e lē Aunoa,” Liahona, Nov. 2020, 78, 79)

E mafai fa’apefea ona faia a tatou tatalo ia atili anoa?

Na saunoa mai Elder David A.Bednar o le Korama a le Au Au Aposetolo e To’asefululua e fa’apea:

Ou te molimau atu o tatalo e fa’asolo ina anoa atili, pe a tatou feutaga’i ma le Alii i a tatou gaoioiga uma, ao fa’ailoa atu lo tatou agaga ootia fa’afetai, ma a o tatou tatalo mo isi ma le faamoemoega moni ma le loto fa’amaoni.

Ou te molimau atu o loo soifua le Tamā Fa’alelagi, ma e fa’afofoga mai o Ia ma tali mai i tatalo fa’atauanau uma.(“Tatalo e lē Aunoa,” Liahona, Nov. 2008, 44)

O le a se mea e mafai ona fesoasoani ia i tatou a o tatou sailia tali i a tatou tatalo?

Na a’oa’o mai Peresitene Russell M. Nelson:

Tatalo atu i le suafa o Iesu Keriso e uiga i ou atuatuvalega, ou popolega, ou vaivaiga—ioe, o fa’anaunauga lava o lou loto.Ona fa’alogo lea!Tusi i lalo manatu e oo mai i lou mafaufau.Fa’amaumau i lalo ou lagona ma tulitatao i fa’atinoga e u’una’ia oe e fai.Ao e fa’aauau pea lenei faiga i aso ta’itasi, masina ta’itasi, tausaga ta’itasi, o le a e “tuputupu a’e i le fa’avae o fa’aaliga” [A’oa’oga a Peresitene o le Ekalesia: Iosefa Samita (2007), 132].(“Fa’aaliga mo le Ekalesia, Fa’aaliga mo o Tatou Olaga,” Liahona, Me 2018, 95)

Na fa’asoa mai e Peresitene Dieter F. Uchtdorf, ao avea ma se tasi o le Au Peresitene Sili:

E popole le Atua iā te oe.O le a Ia faafofoga atu ma o le a Ia tali atu i au fesili patino.O tali i au tatalo o le a oo mai i Lana lava ala ma i Lana lava taimi, ma o lea, e manaomia ai ona e aoao ia faalogo atu i Lona siufofoga.E finagalo le Atua ia e toe maua lou ala e toe foi atu ai ia te Ia, ma o le Faaola o le ala lea.(“Mauaina o se Molimau o le Malamalama ma le Upumoni,” Liahona, Nov. 2014, 21)

Gaoioiga Fa’aopoopo e A’oa’o Ai

O mea na iloa e le fai salamo e uiga i le Tamā Fa’alelagi

O le a’oa’o ai e uiga i le Tamā Fa’alelagi, e fesoasoani i tagata a’oga e fa’alatalata atu ai iā te Ia i le tatalo.Afai e iai sou taimi faaopoopo i le lesona, ae le’i oo atu i le vaega o le fa’aaogaina, mafaufau e vala’aulia tagata a’oga e faitau mau faasino nei.Atonu e aoga mo tagata aoga le faatulagaina i ni paga ma tuu atu i le isi paga e faitau ia le seti muamua o seti e lua o fuaiupu ae faitau e le isi paga le seti lona tolu o fuaiupu.Vala’aulia tagata a’oga e faitau fuaiupu i mea na malamalama ai le faisalamo e uiga i le Atua, e mafai ona a’afia ai a latou tatalo.

Salamo 62:5–8

Salamo 63:7

Salamo 86:8–10, 13, 15–16

A uma ona faitauina e tagata aoga ma faasoa mai mea na latou mauaina, e mafai ona e talanoaina le fesili lenei ma le vasega:

E fa’apefea e le iloaina o nei mea e iuga i le Tamā Fa’alelagi ona fesoasoani i se tasi e tatalo atu ma le fa’atauanau atili?
O le ā se mea ua e iloa e uiga i le Tamā Fa’alelagi e mafai ona fesoasoani iā te oe i au tatalo?

Faaavanoa se taimi e tatalo ai

Ia fesoasoani i tagata a’oga e fa’aavanoa se taimi e feso’ota’i ai ma le Tamā Fa’alelagi i le tatalo, mafaufau e fa’aali atu le vitiō “Fa’afesāga’i ma Peresitene Eyring ma Elder Holland” mai le faailo taimi 44:35 i le 46:09.Na fa’asoa mai e Peresitene Jeffrey R. Holland auala e faia ai e ia ma lona to’alua o Patricia, taimi e tatalo ai.

96:16

A uma le vitio, atonu e te valaaulia tagata aoga e faasoa mai mea sa latou aoaoina pe mafaufauina.E ono mafai ona valaaulia tagata aoga e faatulaga se taimi patino i aso taitasi mo le tatalo.

Faamoemoe ma faalagolago i o tatou talavou

O leSalamo 71:5 e mafai ona fa’aaoga e fesoasoani i tagata a’oga ia maua le fa’amoemoe i le Atua ma fa’atuatua iā te Ia i lo latou talavou.

O nisi o taimi, e va’ai fa’atauva’a talavou i le taua o le mulimuli i le talalelei a’o talavou, e mafaufau e faapea latou te fa’ato’a fa’ataua lenā tulaga pe a avea ma tagata matutua.E mafai ona taua i tagata aoga le mafaufau e uiga i le mana e mafai ona maua e le Atua i o latou olaga a o latou faalagolago ia te Ia.Valaaulia tagata aoga e faitau le Salamo 71:5 ma le Alema 38:2 mafaufau ai e uiga i le taua o le faalagolago i le Atua i lo latou talavou.Atonu e te tuu atu le avanoa i tagata a’oga e talanoaina ai vaega nei:

Aisea e te manatu ai e taua le aoao i lo tatou talavou ia maua le faamoemoe ma le faalagolago i le Atua?
Sa faapefea ona avea le Atua ma puna o le malosi po o le faamoemoe mo oe i lou talavou?

“E tupu a‘e le upumoni mai le lalolagi” (Salamo 85:11)

Ina ia fesoasoani i tagata a’oga e su’esu’e e uiga i le oo mai o le Tusi a Mamona, e mafai ona e faatulaga tagata a’oga i paga ma vala’aulia e faitau se tasi o vaega nei, vaava’ai mo valoaga o le Tusi a Mamona: Salamo 85:11, Isaia 29:4, ma le Mose 7:62.Afai e mana’omia, fesoasoani iā i latou ia iloa [o mau taitasi] ua faasino atu i afioga a le Atua ua tuuina a’e mai le eleele (po o le palapala), o loo fa’asino atu i papatusi auro na nātia i le ele’ele ina ia sailia ma faaliliuina e Iosefa Samita.

Na fa’apefea e le Tusi a Mamona ona fesoasoani iā te oe ia e latalata atili atu ai i le Tamā Fa’alelagi ma Iesu Keriso?

“Ou te Tatalo Pe a”

E te ono mana’o e fa’aali atu le vitiō “Ou te Tatalo Pe a” (1:56) o se vaega o le talanoaga e uiga i taimi e tatau ai ona tatou tatalo i le Tamā Fa’alelagi.Ona fesili atu lea i tagata a’oga po o a ni manatu na latou va’aia o loo ta’ua pea i totonu o mau o loo su’esu’eina i le Salamo, pe fai atu fo’i ia fa’asoa e uiga i taimi fa’aopoopo latou te tatalo ai.

1:56

“O E Iinā Moni Ea?”

O le vitiō musika “O E Iinā Moni Ea?” (3:46) ua faaalia ai tagata taitoatasi ua liliu i le Tamā Fa’alelagi i le tatalo ma le mauaina o tali o a latou tatalo.E mafai ona e faaali atu le vitio lenei e fesoasoani ai i tagata aoga e mafaufau e uiga ia latou lava tatalo ma lagona le faamoemoe o le a tali mai le Tama Faalelagi ia latou tatalo.

3:45