Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Salamo 51: “Faamamā Mai iā te Aʻu i Laʻu Agasala”

“Salamo 51: ‘Faamamā Mai iā te Aʻu i Laʻu Agasala,’” Tusi Lesona a le Faiaoga Seminare o le Feagaiga Tuai (2026)

“Salamo 51: ‘Faamamā Mai iā te Aʻu i Laʻu Agasala,’” Tusi Lesona a Faiaoga Seminare o le Feagaiga Tuai.

Salamo 49–51; 61–66; 69–72; 77–78; 85–86: Lesona 104

Salamo 51

“Faamamā Mai iā te Aʻu i Laʻu Agasala”

A young man sits on his bed and prays to his Father in Heaven.

Sa tusi e Tavita se salamo e fa’aalia ai lona naunauta’iga ia fa’amagaloina mo agasala sa ia faia.Na ia fa’aalia lona naunau ia salamō fa’amaoni.O lenei lesona e mafai ona fesoasoani i tagata a’oga ia malamalama ai pe a latou salamō, e mafai e le Fa’aola ona fa’amamā i latou.

Sauniuniga a le tagata a’oga: Vala’aulia tagata a’oga e vaau faalemafaufau ia i latou lava i lenei tulaga: Vaai fa’alemafaufau faapea ua fa’asoa atu sau uō ua latou iloa e mana’omia ona latou salamō ae ua taumafaufau pe fa’apefea.O le a se mea e te manao ia latou malamalama i ai e uiga i le salamo ma le matafaioi a le Faaola i le faatoilaloina o le agasala?

Gaoioiga e Ono Mafai Ona Aoaoina Ai

Salamō

O le gaoioiga lenei e tuuina atu ai i tagata aoga se avanoa e toe manatunatu ai i lo latou malamalama i le taimi nei e uiga i le salamo.E te ono mana’o e fa’aali atu fa’atonuga.

Vaai faalemafaufau i le fesili e le mailoa lenei mai se talavou sa aofia i le lomiga o lenei masina o le mekasini Mo le Malosi o le Autalavou :

“E le’i leva atu nei ona ou faia ni agasala matuiā ua matuā lē lelei ai lava o’u fa’alogona e uiga iai.Ou te lē mautinoa pe fa’apefea ona salamō.O le mea moni, o loo o’u tau manatu pe ua siliga ona ou salamō.E i ai se fesoasoani?”

I lau api tala’aga o su’esu’ega, i le fa’aaogaina o mea ua e iloa e uiga i le salamō, tusifa’amaumau manatu ete lagona e ono fesoasoani i lenei tagata ia iloa ma malamalama.

A’o faitau e tagata a’oga le fesili e le mailoa ma tusifa’amau a latou tali, e ono iai ni isi a latou fesili fa’aopoopo e oso ane i o latou mafaufau.E mafai ona e vala’aulia i latou e tusi i lalo soo sa latou fesili atonu o loo iai e uiga i le salamō.Fesoasoani ia latou iloa a’o faia le lesona, o le a latou maua avanoa e su’esu’e atili ai e uiga i le salamō.Ia molimau atu e faapea, o le a mafai ona latou maua tali o a latou fesili mai le Agaga e uiga i le salamō a o latou saili atu ni tali ma le agaga tatalo e ala iā latou su’esu’ega i totonu ma fafo atu o le vasega.

Salamō faamaoni

Fesili atu i tagata a’oga pe o ā ni mea e latou te iloa e uiga i le Tupu o Tavita.E mafai ona e fai atu ia i latou e faasoa mai nisi o mea maoae na ia faia faapea foi ma nisi o agasala na ia faia.Fa’asoa atu se tasi o faatatauga nei ma tagata a’oga latou te le’i ta’ua i ā latou aotelega.

O Tavita “sa lagona nofosala i ana agasala matuiā; ae … sa mafai ona ia salamō moni ma ia maua ai le fa’amagaloga, vaganā ai le tagata valeina o Uria” (Lomifefiloi o le Tusi Paia, “Tavita”, taga’i fo’i i le Mataupu Faavae ma Feagaiga 42:18).I le Salamo 51, na tusia ai e Tavita se salamo i le Atua lea na ia faaalia ai ona lagona salamo ina ua mavae le la agasala ma Patesepa (tagai 2 Samuelu 11– 12).O le lotomaulalo o Tavita ma le naunau mai i lona loto ina ia toe faafoʻisia i le alofa tunoa ma le taliaina e le Atua, ua faaalia ai le uiga o se tasi o loo saʻili e salamō moni.

E mafai e tagata aʻoga ona suʻesuʻe muamua i le Salamo 51 e i latou lava e vaavaai mo mea o loo latou aʻoaʻoina e uiga i le salamo; ona mafai lea ona e tuuina atu ia i latou se auala e faasoa atu ai mea na latou mauaina ma aoaoina.O nisi nei o faatonuga e mafai ona e faaali atu mo tagata aoga e mulimuli iai.E mafai ona e fetuunaia nisi o nei fa’atonuga ia mafai ona fetaui lelei ma manaoga ma tomai o au tagata a’oga.

Su’esu’e le Salamo 51:1–19 e oe lava ma vaava’ai po o ā ni mea tatou te a’oa’oina mai i le salamo a Tavita e uiga i le (1) Atua, po o le (2) salamō.Fa’ailoga mea e te maua.

Faailoa ni fasifuaitau se tolu na e makaina ma fai se tasi o mea nei:

Tusi se fa’aupuga o se upumoni o loo a’oa’o mai e le fasifuaitau e uiga i le Atua po o le salamō.
Su‘e se mau faasino e faamaonia pe faalolotoina ai lou malamalama i le uiga o le fasifuaitau.
Su’e se upusii mai se taitai o le Ekalesia e mafai ona fesoasoani i le malamalama ai.
Tusi se fesili e uiga i le fasifuaitau.

O se tasi o auala e fesoasoani ai i tagata a’oga ia sauni e fefa’asoaai o le lisi lea o le 1–19 i luga o le laupapa.Vala’aulia tagata a’oga e tusi o latou igoa i autafa o numera o fuaiupu o loo iai se fasifuaitau o loo latou fia fa’asoa mai se mau faasino, upusi’i, po o se fesili e uiga i se mea. A uma loa, e mafai ona e valaaulia lea o tagata aoga e faasoa mai.A o fefa’asoaa’i tagata a’oga, atonu e te ono mana’o e lisi i lalo fa’amatalaga o upumoni i luga o le laupapa.

O nisi nei o anotusi e te ono fia fa’asoa atu o se vaega o le talanoaga.O mau ma faamatalaga ua faatulagaina e ala i le faavasegaina o fuaiupu ma upumoni ua faamatateteleina.Saili e mulimuli i soo se uunaiga a le Agaga e te mauaina e uiga i mea e faasoa atu po o mea e fesili atu ai.

Salamo 51:1–2, 7, 9: E iai i le Atua le mana e fa’amamā ai a’u mai la’u agasala.

Isaia 1:18

Na molimau Peresitene Jeffrey R. Holland o le Korama a le Au Aposetolo e To’asefululua:

[P]o o ā lava le tele o ni mea sēsē e te lagona sa e faia … po o le ā lava foi le mamao mai lou aiga ma le Atua e te lagona ua e malaga ai, Ou te molimau atu e faapea e te, le’i malaga i tala atu o le aapa a le alofa fa’alelagi.E lē ono mafai ona e magoto ia maualalo ifo nai lo le mea o loo susulu ai le malamalama lē gata o le Togiola a Keriso.(“O le Aufaigaluega i le Tovine,” Liahona, Me 2012, 33)

Salamo 51:3–4: O le fa’ailoaina atu o a tatou agasala i luma o le Atua, e tatau ai mo le salamō.

Mosaea 26:29–30

Mataupu Faavae ma Feagaiga 58:42–43

O le Tusitaulima Aoao o loo fa’amatala mai:

O le salamō e mana’omia ai le ta’uta’u atu o agasala i le Tamā Fa’alelagi. …

Pe a faia e tagata o le Ekalesia ni agasala matuiā, o lo latou salamō e aofia ai foi le fa’ailoa atu i lo latou epikopo po o le peresitene o le siteki.O le a mafai ona ia fa’aaoga ki o le talalelei o le salamō mo i latou (taga’i Mataupu Faavae ma Feagaiga 13:1; 84:26–27; 107:18, 20).E fesoasoani lea iā i latou ia fa’amaloloina ai ma toe foi mai i le ala o le talalelei e ala i le mana o le Togiola a le Fa’aola.

… O le ofo faitalia e ta’uta’u [agasala] e fa’aalia ai e lenā tagata o loo naunau moni ia salamō.(Tusityaulima Aoao: Auauna Atu i Le Ekalesia a Iesu Keriso o le Au Pa’ia o Aso e Gata Ai, 32.4.1, Potutusi o le Talalelei)

Salamo 51:10–12: A o tatou salamo, e mafai ona fesoasoani le Atua ia i tatou ia suia, lagona le olioli, ma maua le Agaga Paia e faatasi ma i tatou.

Mosaea 4:2–3

Na a’oa’o mai Peresitene Russell M. Nelson:

A tatou filifili e salamō, ua tatou filifili e sui!Ua tatou fa’atagaina le Fa’aola e suia i tatou i o tatou lava itūaiga tagata silisili.Tatou te filifili e tuputupu a’e fa’aleagaga ma maua le olioli—le olioli o le togiolaina e Ia.A tatou filifili e salamō, ua tatou filifili e avea atili e fa’apei o Iesu Keriso!(“E Mafai Ona Tatou Faia ia Lelei Atu ma Ia Tatou Lelei Atu,” Liahona, Mē 2019, 67)

Salamo 51:16–17: E ao ina ia te a’u se loto momomo ma se agaga salamo e salamō moni ai i luma o le Atua.

3 Nifae 9:19–20

Na fa’amalamalama mai e Elder Neil L. Andersen o le Korama a le Au Aposetolo e To’asefululua:

O le i ai o se loto momomo o le lotomaualalo lea, loto salamo, ma le agamalu, ma le naunautai e talia gofie le finagalo o le Atua.O le agaga salamō e tu’u atu ai o tatou ma’oi uma i aao o le Atua, ma le talitonuga o Lona finagalo, ae lē o i tatou lava, o le a fesoasoani iā i tatou e avea ma tagata e tatau ona avea ai.(O Le Meaalofa Paia o le Faamagalo Atu [2019], 153)

Fa’amatala le salamō

Ina ia fesoasoani i tagata aoga e faaali atu lo latou malamalamaga i le salamo faamaoni ma le matafaioi a le Faaola i ai, valaaulia i latou e toeiloilo mea ua latou aoaoina i le vasega i le asō.

Toe tepa i tua i mea na e tusia i le amataga o le vasega e uiga i le fesili i le mekasini Mo le Malosi o le Autalavou .I le fa’aaogaina ai o mea ua e a’oa’oina i lenei aso e uiga i le salamō faamaoni, fa’aopoopo ni fuaiupu se lua pe tolu i lau tali muamua.

Mafaufau e vala’aulia ni nai tagata a’oga o loo fia fa’asoa mai e fa’atatau i le auala latou te tali atu ai lenā fesili.Uunaia tagata a’oga e fa’asoa la latou savali ma se uō po o se tasi o le aiga latou te lagona e fa’amanuiaina pe a fa’alogo iai.

Mafaufau e fa’ai’u le vasega i le vala’auliaina o tagata a’oga e liliu atu i le Fa’aola e ala i le salamō ma molimau ai i Lona mana e mafai ai ona ia fa’amamā i tatou a o tatou salamō.

O Puna’oa Fa’aopoopo

E fa’apefea ona ou fa’amagalo a’u lava?

Na a’oa’o mai Elder Peter F. Meurs o le Fitugafulu:

10:2

O le mana faamalolo ma le togiola o le Faaola e faaaoga i mea sese faafuasei, faaiuga leaga, luitau, ma tofotofoga o soo se ituaiga—faapea foi i a tatou agasala.Ina ua ou liliu atu ia te Ia, sa suia malie o’u lagona o le ta’usalaina ma le loto salamo i le filemu ma le mapusaga.

Na a’oa’o mai e Peresitene Russell M. Nelson: “Ina ua togiola le Fa’aola mo tagata uma, na Ia tatala ai le avanoa mo i latou o e mulimuli iā te Ia ia maua ai Lana fa’amalologa, malosi’aga, ma le mana e togiolaina ai.O nei faamanuiaga faaleagaga ua maua e i latou uma o e saili atu iā te Ia ma mulimuli iā te Ia.“

Uso e ma tuafafine, pe o e tauaveina le avega o agasala e le’i fo’iaina, mafatia ai ona o se mea ua loa ona fa’atigā ai se tasi iā te oe, pe o tauivi e fa’amagalo oe lava mai se mea sēsē e le’i fuafuaina, e mafai ona e maua le mana fa’amalolo ma le [mana] togiola a le Fa’aola o Iesu Keriso.(“E Mafai ona Ia Faamaloloina Au!,” Liahona, Me 2023, 41)

Ae fa’apefea pe a ou toe faia le agasala lava lea e tasi ae ua uma ona salamōina?

Na fa’asoa mai Elder Dale G. Renlund o le Korama a le Au Aposetolo e To’asefululua:

14:9

E tusa lava pe ua uma ona salamo faamaoni, e ono mafai lava ona tatou tautevateva.O le tautevateva e le faapea ua le lava le salamo ae atonu e atagia ai vaivaiga faaletagata.E maeu le mafanafana o le iloaina “e ese le silasila a le Alii i vaivaiga nai lo Lana [silasila] i le fouvale.”E lē tatau ona tatou masalosalo i le gafatia o le Fa’aola e fesoasoani ai iā i tatou i o tatou vaivaiga, aua “pe a fetalai le Ali’i e uiga i vaivaiga, e lē aunoa lava ma le alofa mutimutivale” [Richard G. Scott, “Malosi Patino e ala i le Togiola a Iesu Keriso,” Liahona, Nov. 2013, 83].(“O Lou Natura Pa’ia ma le Taunu’uga e Fa’avavau,” Liahona, Me 2022, 76)

Gaoioiga Fa’aopoopo e A’oa’o Ai

O le faataitaiga a Alema le Itiiti o le salamo

Ina ia fesoasoani i tagata aoga ia iloa se fa’ata’ita’iga o le salamō faamaoni, e mafai ona e fai atu i se tagata a’oga e toe tomanatu i le mea na tupu iā Alema le Itiiti i le Tusi a Mamona, na taitai atu ai o ia i le manaomia ai ona salamō (taga’i Mosaea 27).E mafai e tagata aoga ona faitau le Alema 36:17–18 ma faailoa mai le mea na faia e Alema na taitai atu ai i le suiga i lona loto.

Ona mafai lea ona e tusi ni ulutala se lua i luga o le laupapa: Ao le’i liliu atu iā Iesu Keriso (Alema 36:12–17) ma le I le mavae ai o le liliu atu iā Iesu Keriso (Alema 36:19–21).Atofa atu i tagata aoga se tasi o ulutala ma valaaulia i latou e suesue a latou fuaiupu e faatatau i ai, ma vaavaai mo lagona po o mafaufauga na i ai ia Alema.E mafai ona latou lisi mea ua latou maua i lalo o ulutala talafeagai i luga o le laupapa.

O le alofa o le Tamā Fa’alelagi

I le Salamo 51:1, ua tusia ai e Tavita e fa’atatau i le alofa mutimutivale ma mutimuti alofa o le Ali’i.O se tasi o nofoaga tatou te va’aia ai le alofa mutimutivale ma le agalelei o le Alii, o loo i le fa’ataoto a le Fa’aola i le atali’i fa’amaumau’oa.O se tasi o auala e mafai ona e fesoasoani atu ai i tagata a’oga ia latou iloa nei uiga o le Tamā Fa’alelagi, o le faitau lea o le Luka 15:11–32 pe matamata i le “The Prodigal Son” (5:36).E mafai e tagata a’oga ona va’ai po o ā ni mea ua latou a’oa’oina e uiga i le Tamā Fa’alelagi mai faatinoga a le tamā i lenā fa’ataoto.

0:10

Ona e fa’asoa atu lea o mea na fa’amatala e Elder Dieter F. Uchtdorf e mafai ona tatou a’oa’oina e uiga i le Tamā Fa’alelagi mai lenā fa’ataoto.E mafai ona e matamata i le “The Prodigal and the Road That Leads Home,” mai le faailo taimi 9:16 i le 10:54.

14:32