Հին Կտակարան. Սեմինարիայի ուսուցչի ձեռնարկ

Բովանդակություն
Տիտղոսաթերթ
Ուսուցչի ձեռնարկի նախաբան
Հին Կտակարան․ Դասեր
- Բարի գալուստ Հին Կտակարան
- Մովսես 1, Աբրահամ 3
- Ծննդոց 1–2, Մովսես 2–3, Աբրահամ 4–5
- Ծննդոց 3–4, Մովսես 4–5
- Ծնունդ 5, Մովսես 6
- Մովսես 7
- Ծնունդ 6–11, Մովսես 8
- Ծնունդ 12–17, Աբրահամ 1–2
- Ծնունդ 18–23
- Ծնունդ 24–33
- Ծնունդ 37–41
- Ծնունդ 42–50
- Ելք 1–6
- Զատիկ
- Ելք 7–13
- Ելք 14–18
- Ելք 19–20, 24, 31–34
- Ելք 35–40, Ղևտական 1, 4, 16, 19
- Թվեր 11–14, 20–24, 27
- Բ Օրենք 6–8, 15, 18, 29–30, 34
- Հեսու 1–8, 23–24
- Դատավորներ 2–4, 6–8, 13–16
- Հռութ, Ա Թագավորների 1–7
- Ա Թագավորների 8–10, 13, 15–16
- Ա Թագավորների 17–18, 24–26, Բ Թագավորների 5–7
- Բ Թագավորների 11–12, Գ Թագավորների 3, 6–9, 11
- Գ Թագավորների 12–13, 17–22
- Դ Թագավորների 2–7
- Դ Թագավորների 16–25
- Բ Մնացորդաց 14–20, 26, 30
- Եզրաս 1, 3–7, Նեեմիա 2, 4–6, 8
- Եսթեր
- Հոբ 1–3, 12–14, 19, 21–24, 38–40, 42
- Սաղմոսներ 1–2, 8, 19–33, 40, 46
- Սաղմոսներ 49–51, 61–66, 69–72, 77–78, 85–86
- Սաղմոսներ 102–103, 110, 116–119, 127–128, 135–139, 146–150
- Առակներ 1–4, 15–16, 22, 31, Ժողովող 1–3, 11–12
- Եսայի 1–12
- Եսայի 13–14, 22, 24–30, 35
- Եսայի 40–49
- Եսայի 50–57
- Եսայի 58–66
- Երեմիա 1–3, 7, 16–18, 20
- Երեմիա 31–33, 36–38, Երեմիայի ողբերը 1, 3
- Եզեկիել 1–3, 33–34, 36–37, 47
- Դանիել 1–7
- Ովսեե, Հովել
- Ամովս, Աբդիա, Հովնան
- Միքիա, Նաում, Ամբակում, Սոփոնիա
- Անգե 1–2, Զաքարիա 1–4, 7–14
- Մաղաքիա
Կյանքին նախապատրաստվելու դասեր
- Վարդապետության սերտում. ինչպես գտնեմ իմ հարցերի պատասխանները
- Սուրբ գրությունների ուսումնասիրության հմտություններ
- Երիտասարդներին զորացնելու համար․ ուղեցույց
- Զարգացրեք ինքնապահովում
- Ֆիզիկական և էմոցիոնալ առողջություն
- Պատրաստվել ապագա կրթությանը և աշխատանքին
- Հաջողության հասնել դպրոցում
- Միսիոներական նախապատրաստություն
- Տաճարային նախապատրաստություն
- Եկեղեցու ղեկավարների ուսմունքները
Հավելված

Վարդապետության սերտման վարժություն 7․ Մտապահել հիմնական արտահայտությունները և կիրառել հոգևոր գիտելիքներ ձեռք բերելու սկզբունքները

«Վարդապետության սերտման վարժություն 7․ Մտապահել հիմնական արտահայտությունները և կիրառել հոգևոր գիտելիքներ ձեռք բերելու սկզբունքները», Հին Կտակարան․ Սեմինարիայի ուսուցչի ձեռնարկ (2026)

Սաղմոսներ 49–51, 61–66, 69–72, 77–78, 85–86․ Դաս 106

Վարդապետության սերտման վարժություն 7

Մտապահել հիմնական արտահայտությունները և կիրառել հոգևոր գիտելիքներ ձեռք բերելու սկզբունքները

A Korean young man sits on a bench outside and reads the Book of Mormon.

Վարդապետության սերտումը կօգնի ուսանողներին կառուցել իրենց կյանքի հիմքը Հիսուս Քրիստոսի և Նրա ավետարանի վրա: Այս դասը կօգնի ուսանողներին մտապահել վարդապետության սերտման հատվածների սուրբ գրությունների հիմնական արտահայտությունները և կիրառել հոգևոր գիտելիքներ ձեռք բերելու աստվածային սկզբունքները:

Ուսանողի նախապատրաստում. ուսանողներին առաջարկեք կրկնել Հին Կտակարանի Վարդապետության սերտման հատվածները և սուրբ գրությունների հիմնական արտահայտությունները, որոնք հասանելի են Ավետարանի գրադարան հավելվածում։ Ուսանողները կարող են ընտրել մեկ հատված և սուրբ գրության հիմնական արտահայտություն: Ուսանողներին առաջարկեք մի քանի րոպե հատկացնել՝ մտապահելու իրենց ընտրած հատվածը և սուրբգրային հիմնական արտահայտությունը: Մտապահելու համար նրանք կարող են որպես գործիք օգտագործել վարդապետության սերտման բջջային հավելվածը:

Հնարավոր ուսումնական վարժություններ

Վարդապետության սերտման կրկնություն․ Մտապահել

Որպեսզի օգնեք ուսանողներին մտապահել վարդապետության սերտման հատվածների սուրբ գրությունների հիմնական արտահայտությունները Հին Կտակարանից, կարող եք բաժանել նրանց չորս հոգանոց խմբերի։ Յուրաքանչյուր ուսանողի տվեք չորս թերթիկ՝ դակիչով միասին ամրացված: Բացատրեք, որ ուսանողներն իրենց խմբի ներսում միմյանց հետ փոխանակվելու են թերթերով: Այս վարժության ընթացքում ուսանողները նկարներ կնկարեն: Հիշեցրեք, որ իրենց նկարներում աստվածություն չներկայացնեն:

Կարող եք ցուցադրել հետևյալ հրահանգներն առանձին առանձին՝ յուրաքանչյուր վարժությունն ավարտելուց հետո: (1-ին և 3-րդ քայլերը կատարելու համար ուսանողներին մեկ րոպե տրամադրեք: 2-րդ և 4-րդ քայլերը կատարելու համար՝ 30 վայրկյան:)

Առանց ձեր խմբի հետ կիսվելու, ընտրեք սուրբ գրության հիմնական արտահայտություն վարդապետության սերտման հղումից: Առաջին թղթի վրա նկարեք մի պարզ պատկեր, որը ցույց է տալիս սուրբ գրության հիմնական արտահայտությունը:
Թղթերը ժամացույցի սլաքի ուղղությամբ փոխանցեք խմբի մյուս անդամներին: Նայեք առաջին էջի նկարին։ Երկրորդ էջի վրա գրեք վարդապետության սերտման հղումը, որն, ըստ ձեզ, կապված է նկարի հետ:
Թղթերը փոխանցեք ժամացույցի սլաքի ուղղությամբ։ Առանց առաջին էջի նկարին նայելու, կարդացեք երկրորդ էջի վրա գրված վարդապետության սերտման հղումը: Երրորդ թղթի վրա նկարեք մի պարզ պատկեր, որը ցույց է տալիս սուրբ գրության հիմնական արտահայտությունը:
Թղթերը փոխանցեք ժամացույցի սլաքի ուղղությամբ։ Առանց երկրորդ էջի վրա գրված վարդապետության սերտման հղումը կարդալու, նայեք երրրորդ էջի նկարին: Չորորդ էջի վրա գրեք վարդապետության սերտման հղումը, որն, ըստ ձեզ, կապված է նկարի հետ:

Ուսանողներին հանձնարարեք վերադարձնել թղթերն իրենց սկզբնական տերերին։ Յուրաքանչյուր ուսանողի առաջարկեք իր խմբի հետ կիսվել իր թղթերի վրայի նկարներով և ենթադրություններով: Ուսանողներից յուրաքանչյուրը կարող է կիսվել իր ընտրած սկզբնական սուրբ գրության հիմնական արտահայտությունով:

Ուսանողներին առաջարկեք իրենց խմբերի հետ բարձրաձայն արտասանել այս վարժության մեջ օգտագործվող վարդապետության սերտման հատվածները և հիմնական արտահայտությունները: Նրանք կարող են կրկնել դրանք մի քանի անգամ:

Եթե ժամանակը թույլ տա, կրկին նկարներ նկարեք՝ կապված սուրբ գրությունների այլ հիմնական արտահայտությունների հետ: Համոզվեք, որ ուսանողները բավարար ժամանակ ունեն (25–30 րոպե) ստորև բերված «Սովորեք և կիրառեք հոգևոր գիտելիքներ ձեռք բերելու սկզբունքները» բաժնում տրված վարժությունները կատարելու համար:

Սովորեք և կիրառեք հոգևոր գիտելիքներ ձեռք բերելու սկզբունքները

Ուսանողներին օգնեք կրկնել հոգևոր գիտելիքներ ձեռք բերելու սկզբունքները: Կրկնության համար առաջարկվող վարժությունները ներառված են հավելվածի «Վարդապետության սերտման կրկնության վարժություններ» բաժնում: Այս կրկնությունը շատ ժամանակ չի պահանջի, սակայն ուսանողները պետք է կանոնավոր կերպով կրկնեն այս սկզբունքները, որպեսզի կարողանան դրանք օգտագործել իրենց կյանքում: Սկզբունքների նկարագրությունները կարելի է գտնել Վարդապետության սերտման հիմնական փաստաթղթի (2023) 5–12 պարբերություններում։ Կրկնելուց հետո ուսանողներին հանձնարարեք կիրառել այդ սկզբունքները հետևյալ սցենարում։

Վերջերս կիրակնօրյա դպրոցում տաճար գնալու կարևորության մասին դասից հետո Պողոսը գիտակցում է, որ երկար ժամանակ տաճարում չի եղել: Իր գործած որոշ սխալների պատճառով նա իրեն արժանի չի համարում մտնել Տիրոջ տուն: Պողոսն իր մտքում ասում է. «Աստված չի ցանկանա, որ ես Իր տաճարում լինեմ այն ամենից հետո, ինչ արել եմ»:

Ըստ ձեզ, ինչպե՞ս կարող են հոգևոր գիտելիքներ ձեռք բերելու սկզբունքներն օգնել մեկին, ով զգում է այն, ինչ Պողոսն է զգում:

Խրախուսեք ուսանողներին ցույց տալ, թե ինչպես կարող է սկզբունքներից յուրաքանչյուրն օգնել Պողոսին: Այս դասի մնացած մասը կենտրոնացած է՝ օգնելու ուսանողներին քննել հարցերը հավերժության հեռանկարից: Եթե կարծում եք, որ ուսանողներն ավելի շատ ուսուցման կարիք ունեն այլ սկզբունքներ կիրառելու մասին, հարմարեցրեք դասը՝ ավելի լավ համապատասխանեցնելու այն նրանց կարիքներին:

Եղանակներից մեկը, որով մենք կարող ենք քննել հարցերը հավերժության հեռանկարից, այդ հարցերը վերաձևակերպելն է (կամ դրանց այլ տեսանկյունից նայելը)՝ հիմնվելով Տիրոջ ուսմունքների վրա (տես Վարդապետության սերտման հիմնական փաստաթղթի [2023] պարբերություններ 8–9-ը):

Ի՞նչ եզրահանգումների կարող է գալ Պողոսը Երկնային Հոր, Նրա ծրագրի վերաբերյալ և, թե ինչպես է Նա վերաբերվում Իր զավակներին: Ի՞նչ եզրահանգումների կարող է գալ Պողոսն իր մասին:

Ուսանողների հնարավոր պատասխանները կարող են ներառել հետևյալը․ «Աստված ինձ չի սիրում», «տաճարը միայն նրանց համար է, ովքեր կատարյալ են» և «իմ սխալները սահմանում են, թե ով եմ ես»:
Ինչպե՞ս կարող են այդ եզրահանգումներն ազդել Երկնային Հոր և Հիսուս Քրիստոսի հետ Պողոսի հարաբերությունների վրա:

Ջնջեք այդ եզրահանգումները և գրատախտակին գծեք նոր շրջանակ: Հաջորդիվ ուսանողները կարող են վերաիմաստավորել Պողոսի մտահոգությունը: Ուսանողներին առաջարկեք գրատախտակին նոր շրջանակի շուրջ գրել ճշմարտություններ և վարդապետության սերտման հատվածների հղումներ:

Երկնային Հոր ծրագրի կամ Փրկչի ուսմունքների մասին ո՞ր ճշմարտությունները կարող են օգնել Պողոսին վերաիմաստավորել իր մտահոգությունը կամ տեսնել այն Աստծո տեսանկյունից:
Վարդապետության սերտման սուրբ գրությունների ո՞ր հատվածներով կարող եք կիսվել Պողոսի հետ: Ինչո՞ւ։

Ուսանողների հնարավոր պատասխանները ներառում են.

Մենք պետք է արժանի լինենք տաճար մտնելուն (տես Սաղմոսներ 24․3–4)։
Տերը կարող է մաքրել մեզ մեր մեղքերից և արժանի դարձնել (տես Եսայի 1․18, 53․3–5)։
Մենք՝ որպես Աստծո զավակներ, ճանաչվում ենք մեր ինքնությամբ (տես Ծնունդ 1․26–27), այլ ոչ թե մեր մեղքերով և սխալներով:

Կիսվեք երեց Քվենթին Լ. Քուքի հայտարարությամբ «Լրացուցիչ նյութերից»:

Որպեսզի օգնեք ուսանողներին մտածել իրենց սովորածի մասին, առաջարկեք նրանց անել հետևյալը.

Օգտագործելով ձեր այսօրվա սովորածը և զգացածը՝ գրեք պատասխան Պողոսին, որը կօգնի նրան դիտարկել իր հարցը Երկնային Հոր ծրագրի և Հիսուս Քրիստոսի ուսմունքների հավերժության հեռանկարից:

Պատրաստակամ ուսանողներին առաջարկեք իրենց պատասխաններով կիսվել դասարանի հետ: Երբ ուսանողները լսեն իրենց համադասարանցիների պատասխանները, առաջարկեք նրանց պատկերացնել, թե Պողոսն ինչ կարող է զգալ՝ այս պատասխանները լսելիս:

Եթե հիշում եք որևէ փորձառություն, կարող եք կիսվել, թե ինչպես է հավերժության հեռանկարից գաղափարները և հարցերը քննելու սկզբունքն օգնել ձեզ գտնել հարցերի կամ մտահոգությունների պատասխանները:

Լրացուցիչ նյութեր

Ինչպե՞ս կարող եմ արժանանալ տաճարային երաշխավորագրին:

Տասներկու Առաքյալների Քվորումից երեց Քվենթին Լ Քուքը հայտարարել է.

16:23

Մեր մեծագույն ցանկությունն է, որ Եկեղեցու անդամները տաճարային երաշխավորագրի համար արժանի ապրեն: Խնդրում եմ, մի համարեք տաճարը հեռավոր ու գուցե անհասանելի մի նպատակ: Շատ անդամներ, աշխատելով իրենց եպիսկոպոսի հետ, համեմատաբար կարճ ժամանակում կարողանում են բավարարել բոլոր արդարացի պահանջները, եթե ունեն արժանի լինելու և մեղքերից ապաշխարելու վճռականություն: Սա ներառում է ինքներս մեզ ներելու պատրաստակամությունը և մեր թերությունների կամ մեղքերի վրա չկենտրոնանալը՝ մեզ համարելով անարժան՝ սրբազան տաճար երբևէ մտնելու համար: («Ինքներդ ձեզ տաճարում տեսեք», Լիահոնա, մայիս 2016, 98)

Օժանդակ ուսումնական վարժություններ

Այլընտրանքային սցենար

Օգնեք ուսանողներին ուսումնասիրել մի սցենար, որը վերաբերում է տաճարային երաշխավորագրի կամ տաճարը մեր կյանքի մաս դարձնելու կարևորությանը: Հետևյալ սցենարը դա անելու եղանակներից մեկն է: Ստեղծեք մանրամասներ այն սցենարի համար, որոնք, ըստ ձեզ, կիրառելի են ձեր ուսանողների իրավիճակի համար:

Աննայի երիտասարդ կանանց դասարանն այս շաբաթ այցելելու է Տիրոջ տուն: Աննան շատ զբաղված է և տաճար այցելելն առաջնահերթություն չի համարում: Երբ նա իմանում է իր համադասարանցիների հանդիպման օրվա և ժամի մասին, մտածում է. «Եթե ես գնամ տաճար, ժամանակ չեմ ունենա անելու այն ամենը, ինչ պետք է անեմ»:

Կարող եք այս և դասի ընթացքում ներկայացված սցենարները տրամադրել ուսանողներին և առաջարկել նրանց ընտրել դրանցից մեկը՝ պատասխանելու համար: