Manwal ng Guro ng Seminary para sa Lumang Tipan

Mga Nilalaman
Pahina ng Pamagat
Pambungad sa Manwal ng Guro
Mga Lesson sa Lumang Tipan
- Halina’t Basahin ang Lumang Tipan
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko ng Pagkabuhay
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Mga Bilang 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Hukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Cronica 14–20; 26; 30
- Ezra 1; 3–7; Nehemias 2; 4–6; 8
- Esther
- Job 1–3; 12–14; 19; 21–24; 38–40; 42
- Mga Awit 1–2; 8; 19–33; 40; 46
- Mga Awit 49–51; 61–66; 69–72; 77–78; 85–86
- Mga Awit 102–103; 110; 116–119; 127–128; 135–139; 146–150
- Mga Kawikaan 1–4; 15–16; 22; 31; Eclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3; 7; 16–18; 20
- Jeremias 31–33; 36–38; Mga Panaghoy 1; 3
- Ezekiel 1–3; 33–34; 36–37; 47
- Daniel 1–7
- Oseas; Joel
- Amos; Obadias; Jonas
- Mikas; Nahum; Habakuk; Sefanias
- Hagai 1–2; Zacarias 1–4; 7–14
- Malakias
Mga Lesson sa Paghahanda sa Buhay
- Doctrinal Mastery: Paghahanap ng mga Sagot sa Aking mga Tanong
- Mga Kasanayan sa Pag-aaral ng Banal na Kasulatan
- Para sa Lakas ng mga Kabataan: Paggawa ng mga Pagpili
- Pagkakaroon ng Pag-asa sa Sariling Kakayahan o Self-Reliance
- Pisikal at Emosyonal na Kalusugan
- Paghahanda para sa Edukasyon at Trabaho sa Hinaharap
- Pagtatagumpay sa Paaralan
- Paghahanda ng Missionary
- Paghahanda para sa Templo
- Mga Turo ng mga Lider ng Simbahan
Apendiks

Mga Awit 61–86: “O Diyos, Dalangin Ko’y Pakinggan Mo”

“Mga Awit 61–86: ‘O Diyos, Dalangin Ko‘y Pakinggan Mo,’” Manwal ng Titser ng Seminary para sa Lumang Tipan (2026)

“Mga Awit 61–86: ‘O Diyos, Dalangin Ko‘y Pakinggan Mo,’” Manwal ng Titser ng Seminary para sa Lumang Tipan

Mga Awit 49–51; 61–66; 69–72; 77–78; 85–86: Lesson 105

Mga Awit 61–86

“O Diyos, Dalangin Ko‘y Pakinggan Mo”

A women with her hands together, she is praying

Maaaring makaisip ka ng mga sandali sa iyong buhay na ninais mong mapalapit sa Ama sa Langit.Marami sa Mga Awit ay mga taos-pusong panalangin na nagbibigay ng halimbawa ng paglapit sa Ama sa Langit nang may mapagpakumbabang pananampalataya.Ang panalangin ay isang mabisang kasangkapan na nagbibigay-daan sa sinuman sa anumang oras na humingi sa Diyos ng kapanatagan, lakas, o patnubay.Tulad sa maraming kasangkapan, matututuhan nating gamitin ang panalangin nang mas epektibo.Ang lesson na ito ay tutulong sa mga estudyante na makipag-ugnayan nang mas makabuluhan sa Ama sa Langit sa pamamagitan ng panalangin.

Paghahanda ng estudyante: Maaari mong sabihin sa mga estudyante na pagtuunan ng pansin mula ngayon hanggang sa susunod na klase kung paano nila nadaramang nakakaugnay sila sa Ama sa Langit sa kanilang mga panalangin.

Mga Posibleng Aktibidad sa Pag-aaral

Maingat laban sa kaswal

Bago magkalase, isulat sa pisara ang “maingat” at “kaswal.”Tiyaking nauunawaan ng mga estudyante ang mga sumusunod na kahulugan ng mga salitang ito.Maingat: ginawa nang pinag-iisipan o pinagtutuunan.Kaswal: basta-basta lang o walang pakialam.

Maaari mong pagpartner-partnerin o hatiin sa maliliit na grupo ang mga estudyante para ibahagi kung ano sa palagay nila ang mangyayari kung magiging maingat o kaswal sila sa mga sumusunod na aktibidad.Bilang alternatibo, maaari mong anyayahan ang mga magkakapartner o grupo na mag-isip ng mga bagay na maingat at kaswal nilang ginagawa.

Paglalaro ng sport

Pagkatuto sa paggamit ng instrumento

Gawain sa paaralan

Pagkatapos magkaroon ng pagkakataon ang mga estudyante na magbahagi, isulat sa pisara ang “panalangin.”

Ano kaya ang mangyayari kapag maingat o kaswal sa panalangin?

Sabihin sa mga estudyante na isipin kung paano nila ginagawa sa kasalukuyan ang sarili nilang mga panalangin.Ang sumusunod ay isang paraan upang magawa ito.Tiyakin sa mga estudyante na hindi nila ibabahagi sa iba ang kanilang mga sagot.

Tahimik na pag-isipan ang inyong mga sagot sa mga sumusunod na tanong:

Itinuturing mo bang mas maingat ang iyong mga panalangin o mas kaswal?Bakit?
Paano ka mapagpapala kung ang iyong mga panalangin ay mas maingat at makabuluhan?

Marami sa mga awit ay mga taos-pusong panalangin na nagbibigay ng halimbawa ng paglapit sa Ama sa Langit nang may mapagpakumbabang pananampalataya.Habang pinag-aaralan ninyo ang mga awit na ito, maging sensitibo sa mga kaisipan at damdamin na magmumula sa Espiritu Santo tungkol sa kung paano makipag-ugnayan nang mas makabuluhan sa Ama sa Langit sa pamamagitan ng panalangin.

Ang mga awit ay maaaring magturo sa atin tungkol sa panalangin

Upang matulungan ang mga estudyante na maunawaan ang mga paraan kung paano sila makikipag-ugnayan nang mas makabuluhan sa Ama sa Langit sa panalangin, maaari mong ipakita sa pisara ang sumusunod na mga scripture passage at tanong.Maaaring basahin ng mga estudyante ang isang scripture passage, at pagkatapos ay isipin kung paano nito sinasagot ang isa o mahigit pa sa mga tanong.

Maaaring makatulong ang tahimik na pagpapatugtog ng instrumental na musika habang nag-aaral ang mga estudyante.

Basahin ang kahit tatlo sa sumusunod na mga scripture passage, at alamin ang mga sagot sa isa o mahigit pa sa mga kasunod na tanong.

Mga Awit 55:16–17

Mga Awit 61:1–3

Mga Awit 63:1–7

Mga Awit 69:13–18

Mga Awit 86:3–12

Kailan ako dapat manalangin sa Ama sa Langit?
Paano ako magiging mas maingat sa aking mga panalangin?
Ano ang dapat na maging pag-uugali ko kapag lumalapit sa Ama sa Langit sa panalangin?

Sabihin sa mga estudyante na ibahagi ang nalaman nila.Bilang bahagi ng talakayan, isulat sa pisara ang sumusunod na hindi kumpletong pahayag: Maaaring maging mas makabuluhan ang ating mga panalangin sa Ama sa Langit kapag …

Sabihin sa mga estudyante na kumpletuhin ang pahayag gamit ang natutuhan nila tungkol sa panalangin mula sa mga awit na binasa nila.Kasama sa ilang halimbawa ng mga maaaring sabihin ng mga estudyante ang sumusunod:

manalangin sa anumang oras ng araw (tingnan sa Mga Awit 55:16–17).

manalangin kapag nahihirapan tayo (tingnan sa Mga Awit 61:2).

manalangin para sa kaligtasan (tingnan sa Mga Awit 69:13–18).

manalangin para sa awa (tingnan sa Mga Awit 86:3–5).

manalangin nang may pagmamahal, pagpipitagan, at papuri (tingnan sa Mga Awit 63:4–6; 86:8–13).

Pagdarasal nang may pagmamahal at pagpipitagan sa Ama sa Langit

Ang bahaging ito ng lesson ay nakatuon sa katotohanang ito: Maaaring maging mas makabuluhan ang ating mga panalangin sa Ama sa Langit kapag nananalangin tayo nang may pagmamahal, pagpipitagan, at papuri.

Ang isang paraan upang manalangin tayo sa Ama sa Langit nang may higit na pagmamahal at pagpipitagan ay sa pamamagitan ng tono at mga salita ng ating panalangin.

Itinuro ni Pangulong Dallin H. Oaks ng Unang Panguluhan:

Ang natatanging wika ng panalangin ay ayon sa magkakaibang anyo ng pananalita sa iba’t ibang wika, ngunit ang alituntunin ay pareho pa rin.Dapat nating iukol ang ating mga panalangin sa ating Ama sa Langit sa mga salitang maiuugnay ng mga nagsasalita ng wikang iyon sa pagmamahal at paggalang at pagpipitagan at pagiging malapit. …

… Hinahangad nating masunod ang itinuro ng Tagapagligtas, “At sa pananalangin ay huwag kayong gumamit ng walang kabuluhang paulit-ulit, na tulad ng ginagawa ng mga Hentil, sapagkat inaakala nilang sila ay pakikinggan dahil sa marami nilang salita.”[Mateo 6:7; tingnan din sa 3 Nephi 13:7.]Ang ating mga panalangin ay dapat maging simple, tuwiran, at tapat.(“The Language of Prayer,” Ensign, Mayo 1993, 16)

Maaari mong ipaliwanag na maipapakita natin ang pagmamahal, paggalang, at pagpipitagan sa Ama sa Langit sa pamamagitan ng paggamit ng mga salitang ninyo, inyo, at kayo.Tingnan ang “The Language of Prayer,” Ensign, Mayo 1993, para sa mas maraming impormasyon.

Isipin ang mga salitang ginagamit ninyo sa inyong mga panalangin at kung paano ito nagpapakita ng inyong nadarama para sa Ama sa Langit.

Bakit makabubuti ang pagsisikap na gumamit ng magalang at mapitagang wika sa inyong mga panalangin?

Basahin ang Mateo 6:5–13 at alamin kung paano ipinakita ni Jesucristo sa panalangin ang pagmamahal at pagpipitagan sa Ama sa Langit.

Ano ang natutuhan ninyo mula sa mga turo at halimbawa ng Tagapagligtas na maaaring makaimpluwensya sa paraan ng inyong pananalangin?
Paano napagpala ng taimtim na panalangin ang inyong buhay?

Pagsasabuhay

Ang sumusunod na diagram ay makatutulong sa mga estudyante na mag-isip ng mga paraan para maipamuhay ang natutuhan nila tungkol sa panalangin.Anyayahan ang mga estudyante na idrowing ang diagram sa kanilang study journal.Pagkatapos ay anyayahan sila na magsulat ng mga sagot sa mga tanong sa graphic sa bawat bahagi.

Tulungan ang mga estudyante na maunawaan na ang isinulat nila ay mga bagay na maaari nilang simulang ipamuhay ngayon.Anyayahan silang gawin ang isa o dalawa sa mga bagay na isinulat nila.Kung magagawa ng mga estudyante, maaari mo silang anyayahan na kunan ng retrato ang kanilang graphic upang maalala ang isinulat nila.

Isiping ibahagi ang iyong patotoo tungkol sa kung paano tayo makikipag-ugnayan sa Ama sa Langit sa mga makabuluhang paraan sa pamamagitan ng panalangin.

Karagdagang Resources

Paano makatutulong ang panalangin sa mga panahong nakababagabag?

Itinuro ni Pangulong M. Russell Ballard (1928–2023):

Sa mga nakalipas na buwan, nakatanggap ako ng inspirasyon na ang pinakamainam na paraan para makatulong sa kasalukuyang sitwasyon ng mundo ay ang lubos na pag-asa sa Diyos ng lahat ng tao at ang pagbaling ng kanilang puso sa Kanya sa pamamagitan ng taos-pusong panalangin.Ang pagpapakumbaba ng sarili at paghahangad ng inspirasyon ng langit para mapagtiisan o mapagtagumpayan ang ating mga kinahaharap ay ang pinakaligtas at pinakasiguradong paraan na makasusulong tayo nang may tiwala sa mga panahong ito ng kaguluhan. …

Tunay ngang makapangyarihan ang panalangin at tunay ring kailangan ng mundo ngayon ang ating mga panalangin ng pananampalataya sa Diyos at sa Kanyang Minamahal na Anak!Nawa’y alalahanin at pahalagahan natin ang kapangyarihan ng panalangin.(“Subalit Maging Handa Kayo sa Bawat Panahon, na Nananalangin,” Liahona, Nob. 2020, 78, 79)

Paano natin magagawang mas makabuluhan ang ating mga panalangin?

Sinabi ni Elder David A. Bednar ng Korum ng Labindalawang Apostol:

Pinatototohanan ko na nagiging mas makahulugan ang panalangin kapag nakipagsanggunian tayo sa Panginoon sa lahat ng ating ginagawa, sa taimtin na pasasalamat, at sa pagdarasal para sa iba nang may tunay na hangarin at tapat na puso.

Pinatototohanan ko na buhay ang Ama sa Langit at pinakikinggan at sinasagot Niya ang bawat taimtim na panalangin.(“Laging Manalangin,” Liahona, Nob. 2008, 44)

Ano ang makatutulong sa atin kapag humihingi tayo ng mga sagot sa ating mga panalangin?

Itinuro ni Pangulong Russell M. Nelson:

Ipanalangin sa pangalan ni Jesucristo ang inyong mga alalahanin, ang inyong mga takot, mga kahinaan—oo, ang pinakainaasam ng inyong puso.At makinig!Isulat ang mga naiisip ninyo.Itala ang inyong nadama at isagawa ang mga bagay na ipinahiwatig sa inyong gawin.Habang inuulit ninyo ang prosesong ito araw-araw, buwan-buwan, taun-taon, kayo ay “uunlad sa alituntunin ng paghahayag” [Mga Turo ng mga Pangulo ng Simbahan: Joseph Smith (2007), 153].(“Paghahayag para sa Simbahan, Paghahayag para sa Ating Buhay,” Liahona, Mayo 2018, 95)

Ibinahagi ni Pangulong Dieter F. Uchtdorf, na noon ay miyembro ng Unang Panguluhan:

May malasakit ang Diyos sa inyo.Siya ay makikinig, at sasagutin Niya ang inyong mga personal na tanong.Ang mga sagot sa inyong mga panalangin ay darating sa Kanyang sariling paraan at sa Kanyang sariling panahon, at samakatwid, kailangan ninyong matutong makinig sa Kanyang tinig.Nais ng Diyos na mahanap ninyo ang daan pabalik sa Kanya, at ang Tagapagligtas ang daan.(“Pagtanggap ng Patotoo sa Liwanag at Katotohanan,” Liahona, Nob. 2014, 21)

Mga Karagdagang Aktibidad sa Pag-aaral

Ang alam ng mga mang-aawit tungkol sa Ama sa Langit

Ang pag-aaral tungkol sa Ama sa Langit ay makatutulong sa mga estudyante na lumapit sa Kanya sa panalangin.Kung mayroon kang ekstrang oras sa iyong lesson, bago pumunta sa bahaging pagsasabuhay, maaari mong anyayahan ang mga estudyante na basahin ang mga sumusunod na scripture reference.Maaaring makatulong sa mga estudyante na pagpartner-partnerin sila at ipabasa sa isang kapartner ang unang dalawang hanay ng talata at basahin ng isa pang kapartner ang pangatlong hanay ng mga talata.Sabihin sa mga estudyante na basahin ang mga talata at alamin kung ano ang naunawaan ng mang-aawit tungkol sa Diyos na maaaring makaimpluwensya sa kanilang mga panalangin.

Mga Awit 62:5–8

Mga Awit 63:7

Mga Awit 86:8–10, 13, 15–16

Pagkatapos basahin at ibahagi ng mga estudyante ang kanilang nalaman, maaari mong talakayin sa klase ang sumusunod na tanong:

Paano makatutulong ang kaalaman sa mga bagay na ito tungkol sa Ama sa Langit upang manalangin nang mas taimtim ang isang tao?
Ano ang alam mo tungkol sa Ama sa Langit na makatutulong sa iyo sa mga panalangin mo?

Maglaan ng oras para manalangin

Para matulungan ang mga estudyante na maglaan ng oras upang makipag-ugnayan sa Ama sa Langit sa pamamagitan ng panalangin, maaari mong ipanood ang video na “Face to Face with President Eyring and Elder Holland” mula sa time code na 44:35 hanggang 46:09.Nagbahagi si Pangulong Jeffrey R. Holland ng mga paraan na nakapaglaan sila ng kanyang asawa na si Patricia ng panahon para manalangin.

96:16

Pagkatapos ng video, maaari mong anyayahan ang mga estudyante na ibahagi ang kanilang natutuhan o naisip.Maaaring anyayahan ang mga estudyante na maglaan ng partikular na oras bawat araw para manalangin.

Pag-asa at tiwala sa ating mga kabataan

Ang Mga Awit 71:5 ay maaaring gamitin upang tulungan ang mga estudyante na magkaroon ng pag-asa sa Diyos at ng tiwala sa Kanya sa kanilang kabataan.

Kung minsan ay maaaring maliitin ng mga kabataan ang kahalagahan ng pagsunod sa ebanghelyo sa kanilang kabataan dahil iniisip nila na mas susundin nila ito kapag sila ay nasa hustong gulang na.Maaaring maging mahalaga para sa mga estudyante na isipin ang kapangyarihan ng Diyos sa kanilang buhay kapag nagtitiwala sila sa Kanya.Ipabasa sa mga estudyante ang Mga Awit 71:5 at Alma 38:2 nang iniisip ang kahalagahan ng pagtitiwala sa Diyos habang sila ay bata pa.Maaari mong ipatalakay sa mga estudyante ang sumusunod:

Sa palagay ninyo, bakit mahalagang matuto sa ating kabataan na umasa at magtiwala sa Diyos?
Paano naging pinagmumulan ng lakas o pag-asa ang Diyos para sa inyo sa inyong kabataan?

“Bubukal sa lupa ang katotohanan” (Mga Awit 85:11)

Para matulungan ang mga estudyante na pag-aralan ang tungkol sa paglabas ng Aklat ni Mormon, maaari mong pagpartner-partnerin ang mga estudyante at anyayahan ang bawat isa na basahin ang isa sa mga sumusunod, at alamin ang mga propesiya tungkol sa Aklat ni Mormon: Mga Awit 85:11, Isaias 29:4, at Moises 7:62.Kung kinakailangan, tulungan silang makita na ang bawat isa ay tumutukoy sa salita ng Diyos na lalabas sa lupa, na tinutukoy ang mga laminang ginto na nakatago sa lupa para mahanap at maisalin ni Joseph Smith.

Paano nakatulong ang Aklat ni Mormon para mas mapalapit kayo sa Ama sa Langit at kay Jesucristo?

“I Pray When [Nananalangin Ako Kapag]”

Maaari mong ipanood ang video na “I Pray When” (1:56) bilang bahagi ng talakayan tungkol sa kung kailan tayo dapat manalangin sa Ama sa Langit.Pagkatapos ay maaari mong itanong sa mga estudyante kung aling mga ideya ang nakita nilang inulit-ulit sa mga banal na kasulatan na pinag-aralan sa Mga Awit, o maaaring sabihin sa kanila na magbahagi ng mga karagdagang pagkakataong nagdarasal sila.

1:56

“Are You Really There [Nariyan Ka Ba Talaga]?”

Ipinapakita sa music video na “Are You Really There” (3:46) ang mga taong bumabaling sa Ama sa Langit sa panalangin at nakatatanggap ng mga sagot sa kanilang mga panalangin.Maaari mong ipakita ang video na ito para matulungan ang mga estudyante na mapag-isipan ang sarili nilang mga panalangin at makadama ng pag-asa na sasagutin ng Ama sa Langit ang kanilang mga panalangin.

3:45