Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Дуулал 61–86: “Бурхан, залбиралд минь чих тавиач”

“Дуулал 61–86: ‘Бурхан, залбиралд минь чих тавиач,’” Хуучин Гэрээний семинарын багшийн гарын авлага (2026)

“Дуулал 61–86: ‘Бурхан, залбиралд минь чих тавиач,’” Хуучин Гэрээний семинарын багшийн гарын авлага

Дуулал 49–51; 61–66; 69–72; 77–78; 85–86: 105-р хичээл

Дуулал 61–86

“Бурхан, залбиралд минь чих тавиач”

A women with her hands together, she is praying

Та нар амьдралдаа Тэнгэрлэг Эцэгтээ илүү ойр байхыг хүсэж байсан хором мөчөө бодож болно. Дуулал номын ихэнх хэсэг нь даруу итгэлээр Тэнгэрлэг Эцэгтээ ойртох жишээг харуулсан чин сэтгэлийн залбирал юм. Залбирал бол хэнд ч, ямар ч үед Бурханаас тайтгарал, хүч чадал, удирдамж гуйх боломжийг олгодог хүчирхэг хэрэгсэл юм. Олон хэрэгсэлтэй адил бид залбирлыг илүү үр дүнтэй ашиглаж сурах боломжтой. Энэ хичээл залбирлаар дамжуулан Тэнгэрлэг Эцэгтэй илүү утга учиртай харилцахад нь суралцагчдад тусална.

Суралцагчийн бэлтгэл: Энэ болон дараагийн хичээлийн хооронд залбирлаараа Тэнгэрлэг Эцэгтэй холбогдож байгаагаа хэрхэн мэдэрдгээ анхааралтай ажиглахад суралцагчдыг урь.

Боломжит суралцах үйл ажиллагаа

Хянамгай ба хайхрамжгүй

Хичээл эхлэхээс өмнө самбар дээр “хянамгай”, “хайхрамжгүй” гэж бич. Суралцагчид эдгээр үгийн дараах тодорхойлолтыг ойлгосон эсэхийг бататга. Хянамгай: бодолтой эсвэл анхаарал болгоомжтойгоор үйлдэл хийнэ. Хайхрамжгүй: тайван эсвэл санаа зовдоггүй.

Дараах үйл ажиллагаануудад, хянамгай эсвэл хайхрамжгүй байх нь ямар байна гэж бодож байгаагаа хуваалцаж болохын тулд суралцагчдыг хоёр хоёроор нь эсвэл жижиг бүлгүүдэд хуваарил. Үүнээс гадна, та хамтрагчид эсвэл бүлгүүдийг тэдний хянамгай эсвэл хайхрамжгүй ханддаг зүйлсийг бодож гаргахад урьж болно.

Спортоор хичээллэх

Хөгжмийн зэмсэг тоглож сурах

Хичээл

Суралцагчдад хуваалцах боломж олгосны дараа самбар дээр “залбирал” гэж бич.

Залбирахдаа хянамгай эсвэл хайхрамжгүй байх нь ямархуу харагдах вэ?

Одоогоор өөрсдийн залбиралд хэрхэн хандаж байгаа талаараа бодоход суралцагчдыг урь. Дараах нь үүнийг хийж гүйцэтгэх нэг арга зам юм. Хариултаа өөр хэнтэй ч хуваалцахгүй гэдгийг суралцагчдад батлан хэл.

Дараах асуултуудад өгөх хариултаа дотроо бод.

Та нар залбиралдаа илүү хянамгай хандаж байна уу эсвэл хайхрамжгүй хандаж байгаа юу? Яагаад?
Залбирал тань илүү хянамгай, утга учиртай байснаар та нар хэрхэн адислагдаж болох вэ?

Дуулал номын ихэнх хэсэг нь даруу итгэлээр Тэнгэрлэг Эцэгтээ ойртох жишээг харуулсан чин сэтгэлийн залбирал юм. Та нар эдгээр дууллыг судлахдаа Тэнгэрлэг Эцэгтэй залбирлаар дамжуулан хэрхэн илүү утга учиртай харилцах талаар Ариун Сүнсний бодол, мэдрэмжүүдэд мэдрэмжтэй хандаарай.

Дууллууд бидэнд залбирлын талаар зааж чадна

Залбирлаар дамжуулан Тэнгэрлэг Эцэгтэй илүү утга учиртай харилцаж чадах арга замуудыг ойлгоход нь суралцагчдад туслахын тулд дараах судрын хэсгүүд, асуултуудыг самбар дээр үзүүл. Суралцагчид нэг судрын хэсгийг уншаад, нэг эсвэл түүнээс олон асуултад хэрхэн хариулт болж байгааг бодож болно.

Суралцагчдыг судалж байх хооронд хөгжмийн зэмсгийн ая аяархан тоглуулах нь тустай байж болно.

Дараах судрын хэсгүүдээс дор хаяж гурвыг уншаад, дараа нь гарах нэг эсвэл хэд хэдэн асуултын хариултыг олж мэд.

Дуулал 55:16–17

Дуулал 61:1–3

Дуулал 63:1–7

Дуулал 69:13–18

Дуулал 86:3–12

Би хэзээ Тэнгэрлэг Эцэгт хандан залбирах ёстой вэ?
Би залбиралдаа хэрхэн илүү хянамгай байх вэ?
Тэнгэрлэг Эцэгт хандан залбирахдаа миний хандлага ямар байх ёстой вэ?

Суралцагчдаас олж мэдсэн зүйлээ хуваалцахыг хүс. Ярилцлагын нэг хэсэг болгон дараах дутуу өгүүлбэрийг самбар дээр бич: Бид … юм бол Тэнгэрлэг Эцэгт хандсан бидний залбирал илүү утга учиртай болж чадна

Уншсан дууллуудаасаа залбирлын талаар сурч мэдсэн зүйлээрээ уг өгүүлбэрийг гүйцээхийг суралцагчдаас хүс. Суралцагчдын хэлж болох зарим жишээнээс дурдвал:

өдрийн ямар ч үед залбирах (Дуулал 55:16–17-г үзнэ үү).

Цөхрөн доройтох үедээ залбирах (Дуулал 61:2-ыг үзнэ үү).

чөлөөлөлтийн төлөө залбирах (Дуулал 69:13–18-ыг үзнэ үү).

нигүүлслийн төлөө залбирах (Дуулал 86:3–5-ыг үзнэ үү).

хайр, хүндэтгэл, магтаалын сэтгэлээр залбирах (Дуулал 63:4–6; 86:8–13-ыг үзнэ үү).

Тэнгэрлэг Эцэгтээ хайр, хүндэтгэлтэйгээр залбирах нь

Хичээлийн энэ хэсэг дараах үнэн дээр төвлөрнө. Үүнд: Бид хайр, хүндэтгэл, магтаалын сэтгэлээр залбирвал Тэнгэрлэг Эцэгт хандан залбирах бидний залбирал илүү утга учиртай болж чадна.

Тэнгэрлэг Эцэгтээ агуу хайр, хүндэтгэлтэйгээр залбирах нэг арга зам бол залбирлынхаа өнгө аяс, хэл яриагаар дамжуулан залбирах юм.

Тэргүүн зөвлөлийн ерөнхийлөгч Даллин Х.Өүкс ийн заасан.

Залбирлын онцгой үг хэллэг хэл болгонд өөр байдаг боловч зарчим нь бүгд ижил. Бид Тэнгэрлэг Эцэгтээ хандахдаа хайр, хүндэтгэл, бишрэл, ойр дотно байдлыг илэрхийлсэн үг хэллэг хэрэглэн залбирах ёстой. …

… Бид “Залбирахдаа харийнхан шиг утгагүй хоосон үг бүү давт. Олон үг хэлснийх нь төлөө өөрсдийг нь сонсоно хэмээн тэд боддог юм” гэсэн Аврагчийн сургаалыг дагахыг хүсэж байна. [Матай 6:7; мөн 3 Нифай 13:7-г үзнэ үү.] Бидний залбирал энгийн, ойлгомжтой, чин сэтгэлийнх байх ёстой. (“The Language of Prayer,” Ensign, May 1993, 16)

Бид Танд, Та, Таны, Таных гэх үгсийг ашиглан Тэнгэрлэг Эцэгт хандсанаар Түүнд хайр, хүндлэл, хүндэтгэлтэй байдлыг үзүүлж чадна гэдгийг та тайлбарлаж болно. Ensign сэтгүүлийн 1993 оны 5-р сарын дугаар дээрх “The Language of Prayer” гэсэн үгээс дэлгэрэнгүй мэдээллийг авна уу.

Залбирахдаа ярьдаг хэлнийхээ тухай мөн энэ нь Тэнгэрлэг Эцэгийн талаарх та нарын мэдрэмжийг хэрхэн тусган харуулдгийг бод.

Залбирахдаа хүндлэл, бишрэл хүндэтгэлтэй үг хэллэг хэлэх нь яагаад зөв бэ?

Maтай 6:5–13-ыг уншаад, Есүс Христ Тэнгэрлэг Эцэгт хандан залбирахдаа хайр, хүндэтгэлийг хэрхэн үлгэр жишээ болгон үзүүлсэн болохыг олж мэд.

Та нар Аврагчийн сургаал, үлгэр жишээнээс залбирах арга барилд тань нөлөөлөх ямар зүйлийг сурч мэдсэн бэ?
Чин сэтгэлийн залбирал та нарын амьдралыг хэрхэн адисалсан бэ?

Амьдралдаа хэрэгжүүлэх нь

Дараах диаграмм нь залбирлын талаар сурч мэдсэн зүйлээ хэрэгжүүлэх арга замуудын тухай бодоход нь суралцагчдад тусална. Тэмдэглэл дээрээ уг диаграммыг зурахад суралцагчдыг урь. Дараа нь хэсэг бүрийн график дээрх асуултуудад хариулт бичихэд тэднийг урь.

Бичсэн зүйл нь өнөөдөр хэрэгжүүлж эхэлж болох зүйлс гэдгийг ойлгоход нь суралцагчдад тусал. Тэднийг бичсэн зүйлийнхээ нэг эсвэл хоёр зүйлийн дагуу үйлдэхэд урь. Хэрэв суралцагчид боломжтой бол бичсэн зүйлээ санаж байхын тулд самбар дээрх графикийн зургийг авахад тэднийг урьж болно.

Бид залбирлаар дамжуулан Тэнгэрлэг Эцэгтэй хэрхэн утга учиртай харилцаж болох тухай гэрчлэлээ хуваалц.

Нэмэлт эх сурвалж

Хэцүү цаг үед залбирал хэрхэн тусалдаг вэ?

Ерөнхийлөгч М.Рассэлл Баллард (1928–2023) ийн заасан.

Өнгөрсөн хэдэн сарын хугацаанд надад төрсөн сүнслэг мэдрэмж бол дэлхийд одоо нүүрлээд байгаа асуудалд туслах хамгийн сайн арга бол бүх хүн Бурханд илүү их найдаж, чин сэтгэлээсээ залбирснаар зүрх сэтгэлээ Түүн рүү хандуулах явдал юм гэсэн мэдрэмж байсан. Өмнөө тулгарсан бүхнийг тэсэж эсвэл ялан гарахын тулд өөрсдийгөө даруусган, тэнгэрлэг өдөөлтийг эрэлхийлэх нь энэ түгшүүртэй цаг үеийг туулан урагшлах аюулгүй бөгөөд баталгаатай арга зам юм. …

Залбирлын хүч юутай агуу вэ. Бидний Бурханд болон Түүний Хайрт Хүүд итгэх итгэлийн залбирал өнөөдөр дэлхийд хэчнээн их хэрэгтэй байна вэ! Бүгдээрээ залбирлын хүчийг санаж, талархацгаая. (“Залбирч, ямагт сэргэг байгтун,” 2020 оны 10-р сарын Ерөнхий чуулган, 81–84)

Бид залбирлаа хэрхэн илүү утга учиртай болгох вэ?

Арван хоёр төлөөлөгчийн чуулгын ахлагч Дэвид А.Бэднар ийн хэлсэн.

Бид бүх ажил үйлсээ Их Эзэнтэй зөвлөсөн үед, зүрх сэтгэлийнхээ талархлыг илэрхийлсэн үед, мөн бид бусад хүний төлөө үнэн бодол санаагаар, чин сэтгэлээсээ залбирах үед залбирал илүү утга учиртай болдог гэдгийг би гэрчилж байна.

Би Тэнгэрлэг Эцэг амьд бөгөөд Тэрээр чин сэтгэлийн залбирал бүрийг сонсож, хариулдаг гэдгийг гэрчилж байна. (“Үргэлж залбир,” 2008 оны 10-р сарын Ерөнхий чуулган, 53)

Залбирлынхаа хариултыг эрэлхийлэхэд бидэнд юу тусалж чадах вэ?

Ерөнхийлөгч Рассэлл М.Нэлсон ийн заасан.

Өөрийн асуудал, айдас, сул талуудын талаар, тийм ээ, бүр зүрхний хүсэл эрмэлзлийнхээ талаар Есүс Христийн нэр дээр залбир. Тэгээд сонс! Оюундаа ирэх бодол санааг бичиж ав. Төрсөн сэтгэгдлээ бичиж тэмдэглээд, хийхээр өдөөгдсөн үйл хэргүүдээ хийж дуусга. Та энэ үйл явцыг өдөр тутам, сар бүр, жил болгон давтсанаар “илчлэлтийн зарчимд өсөн хөгждөг юм” [Сүмийн ерөнхийлөгчдийн сургаалаас: Иосеф Смит (2007), 132]. (“Сүмд болон бидний амьдралд зориулсан илчлэлт,” 2018 оны 4-р сарын Ерөнхий чуулган, 115)

Тэргүүн зөвлөлийн ерөнхийлөгч асан Дийтр Ф.Угдорф ийн хуваалцсан.

Бурхан чамд санаа тавьдаг. Тэрээр таныг сонсдог бөгөөд хувийн асуултуудад тань хариулах болно. Таны залбирлын хариу Түүний арга замаар, Түүний цагт ирэх учир та Түүний дуу хоолойг сонсож сурах хэрэгтэй. Бурхан танаас Түүн рүү буцаж очих замаа олоосой хэмээн хүсдэг бөгөөд тэр зам нь Аврагч мөн болой. (“Гэрэл ба үнэний талаар гэрчлэл хүлээн авах нь,” 2014 оны 10-р сарын Ерөнхий чуулган, 23–24)

Нэмэлт суралцах үйл ажиллагаа

Дуулал номын зохиогчдын Тэнгэрлэг Эцэгийн талаар мэддэг байсан зүйлс

Тэнгэрлэг Эцэгийн талаар суралцах нь суралцагчдыг Түүнд хандан залбирахад тусалдаг. Хэрэв танд хичээл дээр нэмэлт цаг гарвал Амьдралдаа хэрэгжүүлэх нь хэсэг рүү шилжихийн өмнө дараах судрын эшлэлүүдийг уншихад суралцагчдыг урь. Суралцагчдыг хоёр хоёроор нь хуваарилж, нэг хамтрагч нь эхний хоёр шүлгийг, нөгөө хамтрагч нь гурав дахь шүлгийг унших нь тустай байж болох юм. Шүлгүүдийг уншаад, Дуулал номын зохиогчид залбиралд нь нөлөөлж болох Бурханы талаар ямар зүйлийг ойлгосон болохыг олж мэдэхэд суралцагчдыг урь.

Дуулал 62:5–8

Дуулал 63:7

Дуулал 86:8–10, 13, 15–16

Суралцагчдыг уншсан, олж мэдсэн зүйлээ хуваалцсаны дараа та ангийнхантайгаа дараах асуултыг ярилцаж болно.

Тэнгэрлэг Эцэгийн тухай эдгээр зүйлийг мэдэх нь хэн нэгэнд илүү хичээнгүйлэн залбирахад нь хэрхэн тусалж болох вэ?
Та нар залбиралд тань тусалж болох Тэнгэрлэг Эцэгийн тухай юу мэдэх вэ?

Залбирах цаг гарга

Залбирлаар дамжуулан Тэнгэрлэг Эцэгтэй харилцах цаг гаргахад нь суралцагчдад туслахын тулд “Face to Face with President Eyring and Elder Holland” видеог 44:35-аас 46:09 хүртэл үзүүл. Ерөнхийлөгч Жэффри Р.Холланд эхнэр Патришиатайгаа хамт залбирах цаг гаргадаг байсан арга замаасаа хуваалцжээ.

96:16

Видеоны дараа та сурч мэдсэн эсвэл бодсон зүйлээ хуваалцахад суралцагчдыг урьж болно. Өдөр бүр залбирах тодорхой цаг гаргахад суралцагчдыг урьж болно.

Залуу насны минь итгэл ба найдвар

Дуулал 71:5-ыг суралцагчдад өсвөр насандаа Бурханд найдаж, Түүнд итгэхэд нь туслахын тулд ашиглаж болно.

Заримдаа өсвөр үеийнхэн залуу насандаа сайн мэдээг дагахын ач холбогдлыг дутуу үнэлж, насанд хүрсэн хойноо сайн мэдээг илүү зориод дагана гэж боддог. Суралцагчид Бурханд итгэх үед тэдний амьдралд ирж болох Бурханы хүч чадлын талаар бодох нь тэдэнд үнэ цэнтэй байж болно. Дуулал 71:5 болон Алма 38:2-ыг уншаад, өсвөр насандаа Бурханд итгэхийн ач холбогдлын талаар бодоход суралцагчдыг урь. Суралцагчид дараах зүйлсийг ярилцаж болно.

Өсвөр насандаа Бурханд итгэж итгэл, найдвараа олж авахад суралцах нь яагаад чухал гэж та нар бодож байна вэ?
Бурхан хэрхэн та нарын өсвөр насанд хүч чадал эсвэл итгэл найдварын эх сурвалж болж байсан бэ?

“Газраас үнэн соёолно” (Дуулал 85:11)

Мормоны Ном гарч ирэх тухай судлахад нь суралцагчдад туслахын тулд та суралцагчдыг хамтрагчид болгон зохион байгуулж, хамтрагч бүрийг дараахаас аль нэгийг нь уншаад, Мормоны Номын бошиглолуудыг олж мэдэхэд урьж болно: Дуулал 85:11, Исаиа 29:4, Мосе 7:62. Шаардлагатай бол эшлэл тус бүр Иосеф Смит олж, орчуулахын тулд газарт нуусан байсан алтан ялтасуудыг дурдаж, газар дэлхийгээс (эсвэл газраас) гарч ирсэн Бурханы үг бүрийг хэлж байгааг харахад нь тэдэнд тусал.

Тэнгэрлэг Эцэг, Есүс Христ хоёртой илүү ойр болоход тань Мормоны Ном хэрхэн тусалсан бэ?

“Би … залбирдаг”

Бид хэзээ Тэнгэрлэг Эцэгт хандан залбирах ёстой талаарх ярилцлагын нэг хэсэг болгон та “I Pray When” (1:56) видеог үзүүлж болно. Дараа нь суралцагчдаас Дуулал ном дээр судалсан судруудаас эсвэл залбирахдаа өөр ямар санаа олж харсныг нь асууж болно.

1:56

“Та үнэхээр тэнд байна уу?”

“Are You Really There?” (3:46) дууны видео нь Тэнгэрлэг Эцэгт хандан залбирч, залбирлынхаа хариуг хүлээн авч байгаа хүмүүсийг дүрсэлдэг. Өөрсдийн залбирлын тухай бодож, Тэнгэрлэг Эцэг тэдний залбиралд хариулна гэсэн найдварыг мэдрэхэд нь суралцагчдад туслахын тулд та энэ видеог үзүүлж болно.

3:45