« ទំនុកដំកើង ៤៩–៥១; ៦១–៦៦; ៦៩–៧២; ៧៧–៧៨; ៨៥–៨៦ ៖ ទិដ្ឋភាពទូទៅ » សៀវភៅសិក្សាព្រះគម្ពីរសញ្ញាចាស់ សម្រាប់គ្រូបង្រៀនថ្នាក់សិក្ខាសាលា ( ឆ្នាំ២០២៦ )
« ទំនុកដំកើង ៤៩–៥១; ៦១–៦៦; ៦៩–៧២; ៧៧–៧៨; ៨៥–៨៦ ៖ ទិដ្ឋភាពទូទៅ » សៀវភៅសិក្សាព្រះគម្ពីរសញ្ញាចាស់ សម្រាប់គ្រូបង្រៀនថ្នាក់សិក្ខាសាលា
ទំនុកដំកើង ៤៩–៥១; ៦១–៦៦; ៦៩–៧២; ៧៧–៧៨; ៨៥–៨៦
ទំនុកដំកើង ៤៩–៥១; ៦១–៦៦; ៦៩–៧២; ៧៧–៧៨; ៨៥–៨៦
ទិដ្ឋភាពទូទៅ
បន្ទាប់ពីបានប្រព្រឹត្តអំពើបាបដ៏ធ្ងន់ធ្ងរ ដាវីឌបានបង្ហាញពីបំណងប្រាថ្នារបស់លោកដើម្បីប្រែចិត្ត ហើយធ្វើឲ្យជ្រះស្អាតនៅក្នុងទំនុកដំកើង ( សូមមើល ទំនុកដំកើង ៥១ ) ។ ព្រះគម្ពីរភាគច្រើនគឺព្រះមានព្រះបន្ទូលទៅកាន់មនុស្ស ប៉ុន្តែទំនុកដំកើងជាច្រើនគឺជាការបង្ហាញរបស់មនុស្សដែលទូលទៅកាន់ព្រះ ។ នៅក្នុងទំនុកដំកើង អ្នកនិពន្ធបានបង្ហាញពីក្តីសង្ឃឹម និងអារម្មណ៍របស់ពួកគេដូចជាភាសាការអធិស្ឋាន ។ នៅពេលយើងសិក្សាពីរបៀបការអធិស្ឋានរបស់អ្នកនិពន្ធក្នងទំនុកដំកើង យើងអាចរៀនពីរបៀបដើម្បីពង្រឹងទំនាក់ទំនងរបស់យើងជាមួយព្រះវរបិតាសួគ៌តាមរយៈការអធិស្ឋាន ។
បង្រៀនគោលលទ្ធិ នៅពេលព្រះអង្គសង្គ្រោះបានបង្រៀនដោយប្រើរឿងប្រៀបប្រដូច ទ្រង់បានអនុញ្ញាតឲ្យអ្នករៀនតភ្ជាប់ជាមួយផ្នែកផ្សេងៗនៃដំណើររឿងនោះ ។ ការណ៍នេះបានជួយអ្នកសិក្សាស្វែងរកភាពទាក់ទងផ្ទាល់ខ្លួនក្នុងការបង្រៀនរបស់ទ្រង់ ។ នៅពេលយើងបង្រៀនគោលលទ្ធិរបស់ព្រះអង្គសង្គ្រោះ យើងអាចជួយសិស្សស្វែងរកភាពទាក់ទងផ្ទាល់ខ្លួននៅក្នុងអ្វីដែលពួកគេកំពុងរៀន ។ របៀបមួយដែលយើងអាចធ្វើកិច្ចការនេះបាន គឺតាមរយៈការជួយសិស្សពិចារណាពីស្ថានភាពផ្ទាល់ខ្លួនរបស់ពួកគេ នៅពេលពួកគេសិក្សាព្រះគម្ពីរ ។ ដើម្បីស្វែងយល់បន្ថែម សូមមើលផ្នែក « ព្រះអង្គសង្គ្រោះបានជួយមនុស្សឲ្យស្វែងរកវិវរណៈផ្ទាល់ខ្លួននៅក្នុងគោលលទ្ធិរបស់ទ្រង់ » ( ការបង្រៀនតាមរបៀបរបស់ព្រះអង្គសង្គ្រោះ ទំព័រ ២៣ ) ។ ឧទាហរណ៍មួយនៃរបៀបធ្វើបែបនេះ អាចមាននៅក្នុងមេរៀនទី ១០៥ ៖ « ទំនុកដំកើង ៦១–៨៦ » ។
រៀបចំខ្លួនបង្រៀន
ព័ត៌មានខាងក្រោមផ្តល់ឲ្យអ្នកនូវគំនិតខ្លះៗ អំពីអ្វីដែលអ្នកអាចត្រូវរៀបចំខ្លួនសម្រាប់មេរៀននីមួយៗ ។
ទំនុកដំកើង ៥១
គោលបំណងមេរៀន ៖ ដើម្បីជួយសិស្សឲ្យយល់ថា នៅពេលពួកគេប្រែចិត្ត ព្រះអង្គសង្គ្រោះអាចធ្វើឲ្យពួកគេបានជ្រះស្អាត ។
-
ការរៀបចំសិស្ស ៖ អញ្ជើញសិស្សឲ្យស្រមៃមើលខ្លួនឯងក្នុងស្ថានភាពខាងក្រោម ៖ ស្រមៃមើលមិត្តភក្តិរបស់អ្នកចែកចាយថា ពួកគេដឹងថាពួកគេត្រូវតែប្រែចិត្ត ប៉ុន្តែមិនដឹងត្រូវប្រែចិត្តដោយរបៀបណា ។ តើអ្នកចង់ឲ្យពួកគេយល់យ៉ាងណាអំពីការប្រែចិត្ត និងតួនាទីរបស់ព្រះអង្គសង្គ្រោះក្នុងការយកឈ្នះលើអំពើបាប ?
-
មាតិកាដែលត្រូវបង្ហាញ ៖ ការណែនាំដើម្បីឆ្លើយតបទៅនឹងសំណួរផ្នែកលើស្ថានភាពពីទស្សនាវដ្តី ដើម្បីកម្លាំងនៃយុវជន ការណែនាំនៅពេលសិស្សសិក្សាអំពីទំនុកដំកើង ៥១:១–១៩
ទំនុកដំកើង ៦១–៨៦
គោលបំណងមេរៀន ៖ ដើម្បីជួយសិស្សប្រាស្រ័យទាក់ទងកាន់តែមានអត្ថន័យជាមួយព្រះវរបិតាសួគ៌តាមរយៈការអធិស្ឋាន ។
-
ការរៀបចំសិស្ស ៖ សូមពិចារណាអំពីការអញ្ជើញសិស្សឲ្យយកចិត្តទុកដាក់នៅចន្លោះពេលនេះ និងថ្នាក់បន្ទាប់ អំពីរបៀបដែលពួកគេមានអារម្មណ៍ថាពួកគេកំពុងភ្ជាប់ទំនាក់ទំនងជាមួយព្រះវរបិតាសួគ៌ក្នុងការអធិស្ឋានរបស់ពួកគេ ។
-
មាតិកាដែលត្រូវបង្ហាញ ៖ សេចក្តីយោងបទគម្ពីរទំនុកដំកើង និងសំណួរអមជាមួយ ដ្យាក្រាមដើម្បីជួយសិស្សអនុវត្តអ្វីដែលពួកគេបានរៀនអំពីការអធិស្ឋាន
ការអនុវត្តចំណេះចំណានខាងគោលលទ្ធិទី ៧
គោលបំណងមេរៀន ៖ ដើម្បីជួយសិស្សទន្ទេញឃ្លាបទគម្ពីរគន្លឹះនៅក្នុងវគ្គបទគម្ពីរចំណេះចំណានខាងគោលលទ្ធិ ហើយអនុវត្តគោលការណ៍ដ៏ទេវភាពនៃការទទួលបានចំណេះដឹងខាងវិញ្ញាណ ។
-
ការរៀបចំសិស្ស ៖ សូមអញ្ជើញសិស្សឲ្យពិនិត្យមើលបញ្ជីនៃ វគ្គបទគម្ពីរចំណេះចំណានខាងគោលលទ្ធិ និងឃ្លាបទគម្ពីរគន្លឹះក្នុងព្រះគម្ពីរសញ្ញាចាស់ ដែលមាននៅក្នុងបណ្ណាល័យដំណឹងល្អ ។ សិស្សអាចជ្រើសរើសវគ្គបទគម្ពីរ និងឃ្លាបទគម្ពីរគន្លឹះមួយនៅក្នុងបញ្ជីនេះ ។ សូមអញ្ជើញសិស្សឲ្យចំណាយពេលពីរបីនាទីដើម្បីទន្ទេញវគ្គបទគម្ពីរ និងឃ្លាបទគម្ពីរគន្លឹះដែលពួកគេបានជ្រើសរើស ។ ពួកគេអាចប្រើកម្មវិធីចំណេះចំណានខាងគោលលទ្ធិសម្រាប់ឧបករណ៍ចល័តដែលជាឧបករណ៍មួយដើម្បីជួយពួកគេឲ្យទន្ទេញចាំ ។
-
សម្ភារដែលត្រូវរៀបចំ ៖ ក្រដាសបួនសន្លឹកតូចៗកិបចូលគ្នាសម្រាប់សិស្សម្នាក់ៗ
-
មាតិកាដែលត្រូវបង្ហាញ ៖ ការណែនាំសម្រាប់សកម្មភាពទន្ទេញចាំ រូបភាពនៃស៊ុមពីរ ។
-
វីដេអូ ៖ « Examining Questions with an Eternal Perspective » ( ២:៥៦ )