Fuakava Motuʻá – Tohi Lēsoni ʻa e Faiako Seminelí

Kanotohi
Peesi Talamuʻakí
Talateu ki he Tohi Lēsoni ʻa e Faiakó
Ngaahi Lēsoni ʻo e Fuakava Motuʻá
- Talitali Lelei Koe ki he Fuakava Motuʻá
- Mōsese 1; ʻĒpalahame 3
- Sēnesi 1–2; Mōsese 2–3; ʻĒpalahame 4–5
- Sēnesi 3–4; Mōsese 4–5
- Sēnesi 5; Mōsese 6
- Mōsese 7
- Sēnesi 6–11; Mōsese 8
- Sēnesi 12–17; ʻĒpalahame 1–2
- Sēnesi 18–23
- Sēnesi 24–33
- Sēnesi 37–41
- Sēnesi 42–50
- ʻEkesōtosi 1–6
- Toetuʻú
- ʻEkesōtosi 7–13
- ʻEkesōtosi 14–18
- ʻEkesōtosi 19–20; 24; 31–34
- ʻEkesōtosi 35–40; Levitiko 1; 4; 16; 19
- Nōmipa 11–14; 20–24; 27
- Teutalōnome 6–8; 15; 18; 29–30; 34
- Sōsiua 1–8; 23–24
- Fakamaau 2–4; 6–8; 13–16
- Lute; 1 Samuela 1–7
- 1 Samuela 8–10; 13; 15–16
- 1 Samuela 17–18; 24–26; 2 Samuela 5–7
- 2 Samuela 11–12; 1 Ngaahi Tuʻi 3; 6–9; 11
- 1 Ngaahi Tuʻi 12–13; 17–22
- 2 Ngaahi Tuʻi 2–7
- 2 Ngaahi Tuʻi 16–25
- 2 Fakamatala Meʻa Hokohoko 14–20, 26, 30
- ʻĒsela 1, 3–7; Nehemaia 2, 4–6, 8
- ʻĒseta
- Siope 1–3; 12–14; 19; 21–24; 38–40; 42
- Saame 1–2; 8; 19–33; 40; 46
- Saame 49–51; 61–66; 69–72; 77–78; 85–86
- Saame 102–103; 110; 116–119; 127–128; 135–139; 146–150
- Lea Fakatātā 1–4; 15–16; 22; 31; Tangata Malanga 1–3; 11–12
- ʻĪsaia 1–12
- ʻĪsaia 13–14; 22; 24–30; 35
- ʻĪsaia 40–49
- ʻĪsaia 50–57
- ʻĪsaia 58–66
- Selemaia 1–3, 7, 16–18, 20
- Selemaia 31–33; 36–38; Tangilaulau ʻa Selemaia 1, 3
- ʻIsikieli 1–3; 33–34; 36–37; 47
- Taniela 1–7
- Hōsea; Soeli
- ʻĀmosi; ʻOpataia; Siona
- Maika; Nēhumi; Hapakuki, Sefanaia
- Hakeai 1–2; Sakalaia 1–4, 7–14
- Malakai
Ngaahi Lēsoni Teuteu ki he Moʻuí
- Fakataukei Fakatokāteliné: Ko Hono Kumi ʻa e Ngaahi Tali ki Heʻeku Ngaahi Fehuʻí
- Ngaahi Taukei Ako Folofolá
- Tohi Fakahinohino Ki Hono Fakamālohia ʻo e Toʻu Tupú
- Ko Hono Tanumaki ʻo e Moʻui Fakafalala Pē Kiate Kitá
- Tuʻunga Moʻui Lelei Fakatuʻasinó mo Fakaelotó
- Ko e Teuteu ki he Ako mo e Ngāue Maʻuʻanga Moʻui ʻi he Kahaʻú
- Lavameʻa ʻi he Akó
- Teuteu ki he Ngāue Fakafaifekaú
- Teuteu ki he Temipalé
- Ngaahi Akonaki ʻa e Kau Taki ʻo e Siasí
Fakamatala Fakalahí

Talateu ki he Ngaahi Sāmé, Konga 1: Ngaahi Kikite kia Sīsū Kalaisi ʻi he Ngaahi Sāmé

“Talateu ki he Ngaahi Sāmé, Konga 1: Ngaahi Kikite kia Sīsū Kalaisi ʻi he Ngaahi Sāmé,” Fuakava Motuʻá – Tohi Lēsoni ʻa e Faiako Seminelí (2026)

“Talateu ki he Ngaahi Sāmé, Konga 1: Ngaahi Kikite kia Sīsū Kalaisi ʻi he Ngaahi Sāmé,” Fuakava Motuʻá – Tohi Lēsoni ʻa e Faiako Seminelí

Saame 1–2; 8; 19–33; 40; 46: Lēsoni 100

Talateu ki he Ngaahi Sāmé, Konga 1

Ngaahi Kikite kia Sīsū Kalaisi ʻi he Ngaahi Sāmé

An open hymnbook with a violin in the background.

Ko e hā ʻoku akoʻi atu ʻe he ngaahi himi ʻokú ke manako taha aí fekauʻaki mo Sīsū Kalaisí? Kuo laui senituli hono fakafaingamālieʻi ʻe he ngaahi himí ‘a e kau hivá mo e kau punaké ke nau fakahaaʻi ʻenau ngaahi ongo fekauʻaki mo e Fakamoʻuí. Hangē ko e ngaahi himi lahi ʻi onopōní, ʻoku akoʻi mo fakamoʻoni ha niʻihi ʻo e ngaahi sāmé ki he moʻui mo e misiona ʻa e Fakamoʻuí. ʻE lava ke tokoni ʻa e lēsoni ko ʻení ke mahino lelei ange ki he kau akó ʻa e moʻui mo e misiona ʻo Sīsū Kalaisí ʻo hangē ko hono kikiteʻi ʻi he Ngaahi Sāmé.

Teuteu ʻa e tokotaha akó: Fakaafeʻi e kau akó ke fakalaulauloto ki he founga ʻoku akoʻi mo fakamoʻoniʻi ai ʻe he ngaahi himi ʻoku nau saiʻia taha aí ʻa Sīsū Kalaisí. Fakaafeʻi kinautolu ke teuteu ke vahevahe ha himi ʻoku nau manako ai fekauʻaki mo Sīsū Kalaisi ʻi he kalasí. Kapau ʻoku ongoʻi ʻe he kau akó ʻoku ʻikai ke ʻi ai haʻanau himi ʻoku nau manako ai, fakaafeʻi kinautolu ke kumi ʻi he tohi himí ha ngaahi hiva ʻoku akoʻi ai fekauʻaki mo Sīsū Kalaisi.

Ngaahi ʻEkitivitī Ako ʻOku Ala Fakahokó

Ngaahi himi ʻoku akonaki kau kia Sīsū Kalaisí

Ko e hā e meʻa ʻoku tau ako fekauʻaki mo e Fakamoʻuí mo ʻEne moʻuí mei he ngaahi lea ʻo e himi ko ʻení?
ʻOku ʻi ai nai ha himi ʻe taha fekauʻaki mo e Fakamoʻuí ʻoku ʻi ai hano ʻuhinga makehe kiate koe? Kapau ʻoku ʻio, ko e hā hono ʻuhingá?

ʻI hoʻo ako he ʻaho ní, fakaafeʻi ʻa e Laumālie Māʻoniʻoní ke ne tokoniʻi koe ke ke ongoʻi ʻa e mālohi ʻo e lea mo e mūsika ʻokú ne akoʻi mo fakamoʻoni kia Sīsū Kalaisí.

Ko e tohi ʻo e Ngaahi Sāmé

Ko e tohi Sāmé ko hano fakatahatahaʻi ia ʻo ha ngaahi lotu, maau, mo ha ngaahi himi ʻoku faitatau ʻi ha ngaahi founga ʻe niʻihi ki heʻetau tohi himi he kuonga ní.

Fakaafeʻi e kau akó ke vakai ki he tohi ʻo e Ngaahi Sāmé. ʻOange ki he kau akó ha miniti ʻe ua ki he tolu ke nau lau vave ai ha niʻihi ʻo e ngaahi sāmé, ʻo kumi ha ongo fakalūkufua.

ʻI hoʻo lau vave hifo he tohí, ko e hā e meʻa ʻokú ke fakatokangaʻi fekauʻaki mo e Ngaahi Sāmé ʻokú ne ʻai ke makehé?
Ko e hā ha ngaahi fehuʻi ʻokú ke maʻu fekauʻaki mo e tohi ko ʻení?

Vakaiʻi vave ʻa e Saame 3, ʻo fakaʻilongaʻi ʻa e taimi kotoa pē ʻokú ke maʻu ai e foʻi lea ko e Sila. Neongo ʻoku ʻikai ke fakapapauʻi ʻa e ʻuhinga ʻo e Silá, kae mahalo ko ha fakaʻilonga ia ki he tokotaha hivá pe tokotaha laukongá ke kiʻi taitaimi ʻo fakakaukau (hangē ha mālōlō fakamūsiká).

Lau ʻa e Saame 3, ʻo kiʻi taʻofi ʻi he taimi kotoa pē ʻokú ke lau ai ʻa e foʻi lea Sila. Fakaafeʻi ʻa e Laumālie Māʻoniʻoní ke tokoni atu ke ke fakalaulauloto ki he ngaahi veesi ko ʻení.

Ko e hā nai e ʻuhinga naʻe fiemaʻu ai ʻe he tokotaha faʻu tohí ke tau kiʻi taitaimi ʻo fakakaukauloto ʻi he ngaahi feituʻu ko ʻení?
ʻE tokoni pe fakafiemālieʻi fēfē nai ʻe he fakalaulauloto ʻi ha taha ʻo e ngaahi feituʻu ko ʻení pe ʻi ha ngaahi feituʻu lahi ange ha toʻu tupu he ʻahó ni?

Makatuʻunga ʻi he ngaahi fehuʻi mo e aʻusia hoʻo kalasí, te ke lava ʻo fakamahinoʻi nounou ange ha niʻihi pe kotoa ʻo e ngaahi meʻá ni:

Ko e lahi taha ʻo e ngaahi sāmé ʻoku fakapatonu ia ki ha kau faʻu tohi pau hangē ko Tēvitá (Saame 3). ʻOku ʻi ai ha ngaahi Saame ʻoku ʻikai ʻiloʻi e tokotaha ia naʻá ne faʻú (vakai, Saame 1).
ʻOku maʻu e ngaahi ʻelemēniti faʻu maau faka-Hepeluú ʻi he kotoa ʻo e ngaahi Sāmé.
- Ko e palālelí ko ha faʻu maau ia ʻoku fehokotaki ai e ngaahi fakakaukau ʻo ha foʻi laine ʻe ua pe lahi ange (vakai, Saame 29:4).
- Ko e toutou fakaʻasí ko ha founga faʻu maau faka-Hepelū ia ʻokú ne fakamamafaʻi ha foʻi laine ʻaki hano toutou ngāue ʻaki ia (hangē ko e “Fakamālō kiate ia” ʻi he Saame 150).
ʻI he lea faka-Hepeluú, ʻoku hoko ʻa e Saame 119 ko ha sīpinga ʻo e maau faka-ʻakolositikí (acrostic poem). ʻOku fakaʻaongaʻi ʻe he maau fakaʻakolositikí ʻa e ʻuluaki mataʻitohi ʻo e laine takitaha ke sipela ʻaki ha ngaahi foʻi lea pe ko e ʻalafapeti faka-Hepeluú.
ʻOku fakaʻaongaʻi tuʻo 115 ʻa e tohi Sāmé ʻi he Fuakava Foʻoú (vakai, Saame 6:8 mo e Luke 13:27).
Hili ʻa e ʻOhomohe Fakaʻosí, naʻe hivaʻi ʻe Sīsū mo ʻEne kau ākongá ha himi (vakai, Mātiu 26:30). Mahalo ko e Saame 113–118 ʻeni, ko e “Hallel,” ko e himi ʻoku angamaheni ʻaki hono hivaʻi ʻi he Laka Atú (vakai, Merrill J. Bateman, “The Power of Hymns,” Ensign, Siulai 2001, 17).

Lau ʻa e Luke 24:44, ʻo kumi e meʻa naʻe akoʻi ʻe he Fakamoʻuí ki Heʻene kau ākongá fekauʻaki mo e ngaahi sāmé ʻi he hili pē ha taimi nounou ʻo ʻEne Toetuʻú.

ʻI he lea ʻa Palesiteni Sefilī R. Hōlani ʻo e Kōlomu ʻo e Kau ʻAposetolo ʻe Toko Hongofulu Mā Uá kau ki he taha ʻo e ngaahi pōpoaki mahuʻinga taha ʻi he tohi Sāmé, naʻá ne akoʻi ai ʻo pehē:

Naʻe folofola ʻaki ʻe Sīsū ʻa e tohi Sāmé ʻo lahi ange ʻi ha toe tohi ʻi he Fuakava Motuʻá. … ʻE lava pē ke pehē ʻi he ngaahi folofola māʻoniʻoní kotoa, ʻoku ʻikai ha tohi folofola ʻe lave lahi ʻo kau ki he misiona ʻo e Mīsaiá pe ko e tatali mo e fakaʻamu ki Heʻene toe hāʻele maí ʻo hangē ko hono fakahaaʻi ʻi he ngaahi hiva ʻa e tangata faʻu Sāmé. (For Times of Trouble: Spiritual Solace from the Psalms [2012], 7–8)

Ko e hā e meʻa naʻá ke ako mei he Luke 24:44 pea meia Palesiteni Hōlaní? Ko e hā ʻoku mahuʻinga ai ke ako e tohi Sāmé?

Tokoni ke fakatokangaʻi ʻe he kau akó te tau lava ʻo ako fekauʻaki mo e moʻui mo e misiona ʻo Sīsū Kalaisí ʻaki hono ako e ngaahi sāmé. Fakakaukau ke hiki ʻa e moʻoni ko ení ʻi he palakipoé.

Ngaahi Saame ʻokú ne kikiteʻi ʻa Sīsū Kalaisí

Ke tokoni ke mahino ki he kau akó ha niʻihi ʻo e ngaahi fakamatala fakaepalōfita ʻi he Sāmé fekauʻaki mo e moʻui mo e misiona ʻo Sīsū Kalaisí, ʻoange ha niʻihi pe kotoa ʻo e ngaahi fakamoʻoni fakafolofola ʻi laló. Ko ha ngaahi founga ʻeni ʻe niʻihi te ke ala tuku ai ki hoʻo kalasí ke nau ako e ngaahi veesi ko ʻení:

Hiki e ngaahi vēsí ʻi ha ʻū laʻipepa pea tuku takai ʻa e laʻipepa takitaha ʻi he lokí. ʻOange ha taimi ki he kau akó ke nau lue takai ʻi he lokí pea lau ha niʻihi ʻo e ngaahi kikité mo hono fakahokó.
Tuifio ʻa e ngaahi veesi folofolá pea fakaafeʻi e kau akó ke fakatauhoa ʻa e ngaahi kikite ʻi he Sāmé mo hono fakahokó.
Fakaʻaliʻali pē ʻa e ngaahi veesi Sāmé. Fakaafeʻi e kau akó ke fakaʻaongaʻi ʻa e futinoutí mo e ngaahi meʻangāue ako folofola kehé ke maʻu ha ngaahi fakamoʻoni fakafolofola mei he moʻui ʻa e Fakamoʻuí ʻokú ne fakahoko ʻa e kikite takitaha.

Ngaahi Saame ʻokú ne kikiteʻi ʻa Sīsū Kalaisí	Fakahoko ʻa e kikité
Ngaahi Saame ʻokú ne kikiteʻi ʻa Sīsū Kalaisí Saame 22:1	Fakahoko ʻa e kikité Mātiu 27:46
Ngaahi Saame ʻokú ne kikiteʻi ʻa Sīsū Kalaisí Saame 22:7–8	Fakahoko ʻa e kikité Mātiu 27:41–43
Ngaahi Saame ʻokú ne kikiteʻi ʻa Sīsū Kalaisí Saame 22:16	Fakahoko ʻa e kikité Tokāteline mo e Ngaahi Fuakava 6:36–37
Ngaahi Saame ʻokú ne kikiteʻi ʻa Sīsū Kalaisí Saame 22:18	Fakahoko ʻa e kikité Sione 19:23–24
Ngaahi Saame ʻokú ne kikiteʻi ʻa Sīsū Kalaisí Saame 31:5	Fakahoko ʻa e kikité Luke 23:46
Ngaahi Saame ʻokú ne kikiteʻi ʻa Sīsū Kalaisí Saame 34:20	Fakahoko ʻa e kikité Sione 19:31–36
Ngaahi Saame ʻokú ne kikiteʻi ʻa Sīsū Kalaisí Saame 41:9	Fakahoko ʻa e kikité Luke 22:47–48; Ngāue 1:16–17
Ngaahi Saame ʻokú ne kikiteʻi ʻa Sīsū Kalaisí Saame 69:20–21	Fakahoko ʻa e kikité Sione 19:28–29
Ngaahi Saame ʻokú ne kikiteʻi ʻa Sīsū Kalaisí Saame 118:22	Fakahoko ʻa e kikité Ngāue 4:10–12

Fakakaukau ki ha tūkunga ʻokú ke fehangahangai mo ia pe ʻoku fehangahangai mo ha taha ʻokú ke ʻofa ai, ʻa ia ʻoku tokoni ke ʻiloʻi ha meʻa naʻá ke ako fekauʻaki mo e moʻui pe misiona ʻa e Fakamoʻuí mei he ngaahi kikite ko ʻení. Lekooti hoʻo ngaahi fakakaukaú ʻi hoʻo tohinoa akó.

Ko e moʻui ʻa Sīsū Kalaisí

Fakaafeʻi e kau akó ke fakahaaʻi ʻenau mahino ki he moʻui mo e misiona ʻo e Fakamoʻuí ʻo hangē ko hono kikiteʻi ʻi he Ngaahi Sāmé. Ko e founga ʻe taha ko hono fakaafeʻi e kau akó ke aleaʻi e ngaahi fehuʻi ko ʻení mo ha hoa, kulupu tokosiʻi, pe ko e kalasí.

Fili ha taha ʻo e ngaahi kikite mei he Ngaahi Sāmé naʻá ke pehē ʻoku mātuʻaki mahuʻingamālie.

Ko e hā e meʻa ʻoku akoʻi atu ʻe he kikité ni fekauʻaki mo Sīsū Kalaisí?
Ko e hā e ʻuhinga ʻoku mahuʻinga ai ke ʻiloʻi ʻa e meʻa naʻá ke ako fekauʻaki mo Iá?

Fakakaukau ke vahevahe hoʻo fakamoʻoni ki he moʻui mo e misiona ʻo Sīsū Kalaisí. Te ke lava ʻo fakaafeʻi e kau akó ke hokohoko atu ʻenau fekumi ki he ngaahi fakamoʻoni fakafolofola kia Sīsū Kalaisí ʻi heʻenau ako e tohi Sāmé ʻi he ngaahi uike siʻi ka hoko maí. Mahalo naʻa lelei ke fakaʻosi e kalasí ʻaki hano hivaʻi pe ko haʻamou fanongo ki ha himi fekauʻaki mo e Fakamoʻuí, ʻo hangē ko ia kuo fili ʻe he kau akó.

ʻI he Lēsoni 101: “Talateu ki he Ngaahi Sāmé, Konga 2,” ʻe faʻu ai ʻe he kau akó ha founga ki hono fakahaaʻi ʻenau ʻofa mo e līʻoa ki he Tamai Hēvaní mo Sīsū Kalaisí ʻo hangē ko ia naʻe fai ʻe he kau faʻu Sāmé. Fakakaukau ke fakaafeʻi e kau akó ke nau kamata fakakaukau ki he meʻá ni he taimí ni. Kole ange ke nau fakalaulauloto ki he ongo ʻoku nau maʻu fekauʻaki mo e Tamai Hēvaní mo Sīsū Kalaisí pea mo e founga te nau fakahaaʻi ai e ngaahi ongo ko iá.

Ngaahi Maʻuʻanga Tokoni Kehé

Ko e hā e ʻuhinga ʻoku totonu ke tau ako ai e tohi ʻo e Ngaahi Sāmé?

Naʻe akoʻi ʻe Palesiteni Sefilī R. Hōlani ʻo e Kōlomu ʻo e Kau ʻAposetolo ʻe Toko Hongofulu Mā Uá ʻo pehē:

Kuo pehē kuo lahi ange e ivi tākiekina ʻo e tohi Sāmé ʻi he Māmani Fakahihifó ʻi ha toe faʻahinga veesi fakapunake kuo tohi. Mahalo ʻe makatuʻunga ʻi he meʻa ʻoku saiʻia e kakaí ke laukongá pe ʻoku moʻoni nai ia pe ʻikai,, ka ʻoku moʻoni ia ki he kau laukonga ʻo e Tohi Tapú fakalūkufua, kuo kau ʻa e ngaahi Sāmé ʻi he ngaahi folofola fakataautaha ʻoku kaunga tonu mo fakamahuʻingaʻi fakataautaha ʻi he kotoa ʻo e ngaahi folofolá. ʻI he faʻunga ko iá, ʻoku makehe ai e tohí ni ʻi heʻene fakataumuʻa lahi ke fakahaofi, fakafiemālie, mo malú. … [ʻOku ʻikai ha toe tohi ʻi he Fuakava Motuʻá ʻe lava ke] fakafehoanaki mo e ongo fakataautaha, kanotohi, lahi, mo e tuʻunga lelei ʻo e ngaahi sāmé, ʻa e ngaahi tautapa ko ʻeni ki ha ʻOtua manavaʻofá, ki he faifakamoʻui ʻo e loto-mafesifesí, ki he Fakamoʻui ʻo e faingataʻaʻiá mo e masivá. ʻI heʻene peheé, mahalo ko e tohi Sāmé ʻa e tohi fakatohitapu pē ʻe taha ʻoku mālieʻia ai ʻa e kau Kalisitiané mo e kau Siú fakatouʻosi, ʻoku ʻikai foki ha lau ia ki he niʻihi mei he ngaahi tui fakalotu kehé—pe niʻihi ʻoku ʻikai pē ke nau kau ki ha tui fakalotú—ʻa ia ʻoku nau maʻu ha fiemālie ʻi hono ngaahi vēsí mo e fakalotolahi ʻi he ʻamanaki lelei ʻoku fakahaaʻi aí. (For Times of Trouble: Spiritual Solace from the Psalms [2012], 7–8)

Naʻe mei fakaʻaongaʻi fēfē nai ʻe he Fakamoʻuí ʻa e ngaahi sāmé?

Lolotonga e hoko ʻa ʻEletā Melili J. Peitimeni ko ha mēmipa ʻo e Kau Fitungofulú, naʻá ne akoʻi ʻo pehē:

Kapau naʻe fakaafeʻi koe ki he ʻOhomohe Fakaʻosí, ko e hā nai ha ngaahi himi mei heʻetau tohi himí naʻe mei tāú? …

ʻOku ngalingali naʻe hivaʻi ha ngaahi himi lahi he efiafi ko iá. ʻOku fakahaaʻi ʻe Mātiu naʻe fakaʻosi ʻe he ʻEikí mo ʻEne kau ʻAposetoló ʻa e ʻOhomohe Fakaʻosí ʻaki ha himi kimuʻa pea nau mavahe ki he Moʻunga ʻŌlivé (vakai, Mātiu 26:30). Ko e hā e meʻa ne nau hivá? Neongo ʻoku ʻikai ha founga ke tau ʻiloʻi ai e himi fakaʻosí, ka ʻoku tau ʻiloʻi ha foʻi hiva ʻe taha. ʻOku ui ia ko e Hallel, ʻa ia ʻoku kau ai ʻa e Saame 113–18. Kimuʻa ʻi he kuonga ʻo Kalaisí ʻo aʻu mai ki he ʻahó ni, ʻoku tukufakaholo hono hivaʻi ʻe he ngaahi fāmili Siú ʻa e Saame 113–14 kimuʻa ʻi he maʻu meʻatokoni ʻo e kātoanga Laka Atú mo e Saame 115–18 ʻi heʻene ʻosí. …

Kapau te ke lava, fakakaukau angé ki hano hivaʻi ʻe he Fakamoʻui ʻo e māmaní ʻa e ngaahi himi ko ʻení mo ʻEne kau ākongá, ʻa ia naʻá Ne fakamelomelo ʻa e ngaahi meʻa naʻe hoko kimui ange ʻi he efiafi ko iá pea mo e ʻaho hono hokó. Naʻe kau kotoa ʻa e kau mēmipa ʻo e tui faka-Siú ki he ngaahi meʻa ko ʻení. Naʻa nau maʻuloto ʻa e ngaahi Saame ko ʻení. Naʻe mahino kiate kinautolu ʻa honau ʻuhingá. (“The Power of Hymns,” Ensign, July 2001, 17, 18)

Ko e fē ha feituʻu te u lava ʻo ako lahi ange ai fekauʻaki mo e faʻunga faka-Hepelū ʻo e ngaahi sāmé?

Konga Fakatupulaki L: Ngaahi Founga Faʻu Tohi Faka-Hepeluú

Lau Maau ʻi he Fuakava Motuʻá

Maʻu ha Mahino ki he Maau ʻi he Fuakava Motuʻá

Ngaahi ʻEkitivitī Fakalahi ki he Akó

Ko e mālohi ʻo e mūsiká

Hangē ko e ngaahi sāmé, ʻe lava ke fakahaaʻi ʻe he fakalea mo e hiva ʻo e ngaahi himi ʻo onopōní ʻa e ʻapasia mo e ʻofa ki he Tamai Hēvaní mo Sīsū Kalaisí pea lava ke ne fakaafeʻi e fakamoʻoni ʻa e Laumālié kiate Kinauá. Ke tokoni ke ʻiloʻi ʻe he kau akó ʻa e founga ʻe lava ke hoko ai ʻa e mūsika fakalaumālié ko ha meʻangāue mālohi, fakaafeʻi ʻa e Laumālie Māʻoniʻoní ke fakamoʻoni ki he Tamai Hēvaní mo Sīsū Kalaisi, fakakaukau ke huluʻi ha foʻi vitiō ʻo e moʻui ʻa e Fakamoʻuí, hangē ko e “Nearer, My God, to Thee” (3:30). ʻUluaki huluʻi ha sekoni ʻe 30 ʻo e foʻi vitioó taʻe ʻi ai ha ongo. Huluʻi leva ʻa e foʻi vitioó mo e ongó pe ko ha hiva toputapu ʻe taha ʻoku tā ʻi he taimi tatau. Fakaafeʻi e kau akó ke vahevahe pe ko e hā e faikehekehe ʻoku tupu mei he hivá.

3:30

Ngaahi Saame ʻoku hā ʻi he ngaahi himi fakaonopōní

Mahalo ʻe ʻaonga ki he kau akó ke nau vakai ki he founga kuo fakaʻaongaʻi ai ʻe he ngaahi himi ʻo onopōní ʻa e ngaahi veesi mei he Sāmé. Te ke lava ʻo vahevahe ha konga pe kotoa ʻo e ngaahi veesi ko ʻení. Fakaafeʻi e kau akó ke fakafehoanaki e founga ʻoku tākiekina ai ʻe he ngaahi potufolofola Sāmé ʻa e ngaahi pōpoaki ʻi he ngaahi himi ʻoku ʻoatu fakataha mo iá.

Saame 8:3–9; 9:1–2. “ʻE ʻOtua ko e Tapuhā”

Saame 26:8. “We Love Thy House, O God”

Saame 27:1. “Ko e ʻEikí ko ʻEku Maama”

Saame 33:1–6; 95:1–6. “Māmani Fakaʻofoʻofa”

Saame 37:3–9. “Be Still, My Soul”

Saame 148. “ʻA e Meʻa Moʻui Kotoa Pē”

Saame 150. “Praise to the Lord, the Almighty”

(Fakatokangaʻi ange: ʻE nofotaha ʻa e lēsoni 102 ʻi he Saame 23, ʻa ia naʻá ne ueʻi fakalaumālie ʻa e himi “Ko e ʻEikí ko e Tauhi-sipi.”)

Hili hono maʻu ʻe he kau akó ha faingamālie ke fakafehoanaki ʻa e ngaahi potufolofola Sāmé mo hono fakaleá, fakaafeʻi ha niʻihi ʻo e kau akó ke vahevahe ʻa e meʻa ne nau ʻiló.

Faʻu ha foʻi maau faka-ʻakolisitiki

Ke tokoni ke mahino ki he kau akó ha faʻahinga ʻe taha ʻo e maau faka-Hepeluú, te ke lava ʻo fakafeʻiloaki kinautolu ki he faʻu maau faka-ʻakolisitikí. Fakaafeʻi e kau akó ke nau hiki ʻa e foʻi lea “Sīsū” ʻi ha peesi ʻo ʻenau tohinoa akó, ʻo taki mataʻitohi ʻe taha ki he laine takitaha:

Hili iá pea fakaafeʻi e kau akó ke nau hiki ha sētesi ʻoku kamata ʻaki e mataʻitohi takitaha pea fakahaaʻi ha meʻa ne nau ako fekauʻaki mo e Fakamoʻuí ʻi heʻenau ako e ngaahi Sāmé he ʻaho ní.

ʻE lava ke maʻu ha sīpinga ʻo ha foʻi maau faka-ʻakololisitiki ʻoku fakaʻaongaʻi ai ʻa e foʻi lea “Sākalamēnití” ʻi he “Fun with Hebrew.”