Manwal ng Guro ng Seminary para sa Lumang Tipan

Mga Nilalaman
Pahina ng Pamagat
Pambungad sa Manwal ng Guro
Mga Lesson sa Lumang Tipan
- Halina’t Basahin ang Lumang Tipan
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko ng Pagkabuhay
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Mga Bilang 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Hukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Cronica 14–20; 26; 30
- Ezra 1; 3–7; Nehemias 2; 4–6; 8
- Esther
- Job 1–3; 12–14; 19; 21–24; 38–40; 42
- Mga Awit 1–2; 8; 19–33; 40; 46
- Mga Awit 49–51; 61–66; 69–72; 77–78; 85–86
- Mga Awit 102–103; 110; 116–119; 127–128; 135–139; 146–150
- Mga Kawikaan 1–4; 15–16; 22; 31; Eclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3; 7; 16–18; 20
- Jeremias 31–33; 36–38; Mga Panaghoy 1; 3
- Ezekiel 1–3; 33–34; 36–37; 47
- Daniel 1–7
- Oseas; Joel
- Amos; Obadias; Jonas
- Mikas; Nahum; Habakuk; Sefanias
- Hagai 1–2; Zacarias 1–4; 7–14
- Malakias
Mga Lesson sa Paghahanda sa Buhay
- Doctrinal Mastery: Paghahanap ng mga Sagot sa Aking mga Tanong
- Mga Kasanayan sa Pag-aaral ng Banal na Kasulatan
- Para sa Lakas ng mga Kabataan: Paggawa ng mga Pagpili
- Pagkakaroon ng Pag-asa sa Sariling Kakayahan o Self-Reliance
- Pisikal at Emosyonal na Kalusugan
- Paghahanda para sa Edukasyon at Trabaho sa Hinaharap
- Pagtatagumpay sa Paaralan
- Paghahanda ng Missionary
- Paghahanda para sa Templo
- Mga Turo ng mga Lider ng Simbahan
Apendiks

Pambungad sa Mga Awit, Bahagi 1: Mga Propesiya tungkol kay Jesucristo sa Mga Awit

“Pambungad sa Mga Awit, Bahagi 1: Mga Propesiya tungkol kay Jesucristo sa Mga Awit,” Manwal ng Titser ng Seminary para sa Lumang Tipan (2026)

“Pambungad sa Mga Awit, Bahagi 1: Mga Propesiya tungkol kay Jesucristo sa Mga Awit,” Manwal ng Titser ng Seminary para sa Lumang Tipan

Mga Awit 1–2; 8; 19–33; 40; 46: Lesson 100

Pambungad sa Mga Awit, Bahagi 1

Mga propesiya tungkol kay Jesucristo sa Mga Awit

An open hymnbook with a violin in the background.

Ano ang itinuturo sa iyo ng mga paborito mong himno tungkol kay Jesucristo?Ang mga himno ay nagbigay-daan sa mga musikero at makata na ipahayag ang kanilang mga nadarama tungkol sa Tagapagligtas sa loob ng maraming siglo.Tulad ng maraming modernong himno, ang ilan sa mga awit ay nagtuturo at nagpapatotoo tungkol sa buhay at misyon ng Tagapagligtas.Ang lesson na ito ay makatutulong sa mga estudyante na mas maunawaan ang buhay at misyon ni Jesucristo gaya ng ipinropesiya sa Mga Awit.

Paghahanda ng estudyante: Anyayahan ang mga estudyante na pagnilayan kung paano nagtuturo at nagpapatotoo tungkol kay Jesucristo ang kanilang mga paboritong himno.Anyayahan silang maghandang magbahagi sa klase ng paboritong himno tungkol kay Jesucristo.Kung sa palagay ng mga estudyante ay wala silang paboritong himno, sabihin sa kanila na maghanap sa aklat ng himno ng mga kantang nagtuturo tungkol kay Jesucristo.

Mga Posibleng Aktibidad sa Pag-aaral

Mga himnong nagtuturo tungkol kay Jesucristo

Ano ang matututuhan natin tungkol sa Tagapagligtas at sa Kanyang buhay mula sa mga salita sa himnong ito?
May isa pa bang himno tungkol sa Tagapagligtas na may espesyal na kahulugan sa iyo?Kung oo, bakit?

Habang nag-aaral kayo ngayon, anyayahan ang Espiritu Santo na tulungan kayong makadama ang kapangyarihan ng mga salita at musika na nagtuturo at nagpapatotoo tungkol kay Jesucristo.

Ang aklat ng Mga Awit

Ang aklat ng Mga Awit ay isang koleksyon ng mga panalangin, tula, at himno na katulad ng ating modernong himnaryo sa ilang paraan.

Anyayahan ang mga estudyanteng buksan ang aklat ng Mga Awit.Bigyan ang mga estudyante ng dalawa hanggang tatlong minuto upang basahin nang pahapyaw ang ilan sa mga awit, at alamin ang pangkalahatang ideya.

Habang binabasa ninyo nang pahapyaw ang aklat, ano ang napansin ninyo sa Mga Awit na nagpapatangi rito?
Ano ang mga tanong ninyo tungkol sa aklat na ito?

Pahayaw na basahin ang Mga Awit 3, at markahan ang salitang Selah tuwing makikita ninyo ito.Bagama‘t hindi tiyak ang kahulugan ng Selah, maaaring senyales ito sa mang-aawit o mambabasa na huminto at magnilay (tulad ng musical rest).

Basahin ang Mga Awit 3, nang humihinto sa tuwing mababasa ninyo ang salitang Selah.Anyayahan ang Espiritu Santo na tulungan kang pagnilayan ang mga talatang ito.

Bakit maaaring nais ng may-akda na huminto tayo at magnilay sa mga bahaging ito?
Paano makatutulong o makapapanatag sa isang tinedyer ngayon ang pagninilay sa isa o mahigit pa sa mga bahaging ito?

Depende sa mga tanong at karanasan ng iyong klase, maaari mong maikling paliwanag ang tungkol sa ilan o ang lahat ng sumusunod:

Marami sa mga awit ay naiuugnay sa mga partikular na may-akda tulad ni David (Mga Awit 3).Hindi tukoy ang may-akda ng ibang awit (tingnan sa Mga Awit 1).
Makikita sa buong Mga Awit ang mga elemento ng tulang Hebreo.
- Ang parallelism ay tula kung saan ang dalawa o mahigit pang taludtod ay may magkakaugnay na ideya (tingnan sa Mga Awit 29:4).
- Ang pag-uulit ay isang instrumento ng tula sa Hebreo na nagbibigay-diin sa isang taludtod sa pamamagitan ng pag-uulit nito (tulad ng “Purihin siya” sa Mga Awit 150).
Sa wikang Hebreo, ang Mga Awit 119 ay isang halimbawa ng acrostic na tula.Ginagamit sa mga akrostik na tula ang unang titik ng bawat taludtod upang baybayin ang mga salita o ang alpabetong Hebreo.
Ang aklat ng Mga Awit ay binanggit sa Bagong Tipan nang mahigit 115 beses (tingnan sa Mga Awit 6:8 at Lucas 13:27).
Pagkatapos ng Huling Hapunan, umawit si Jesus at ang Kanyang mga disipulo ng isang himno (tingnan sa Mateo 26:30).Posibleng ito ay Mga Awit 113–118, ang “Hallel,” ang himnong tradisyonal na inaawit sa Paskua (tingnan sa Merrill J. Bateman, “The Power of Hymns,” Ensign, Hulyo 2001, 17).

Basahin ang Lucas 24:44, at alamin kung ano ang itinuro ng Tagapagligtas sa Kanyang mga disipulo tungkol sa mga awit pagkatapos ng Kanyang Pagkabuhay na Mag-uli.

Sa pagsasalita tungkol sa isa sa pinakamahahalagang mensaheng matatagpuan sa aklat ng Mga Awit, itinuro ni Pangulong Jeffrey R. Holland ng Korum ng Labindalawang Apostol:

Binanggit mismo ni Jesus ang aklat ng Mga Awit nang mas maraming beses kaysa sa anupamang teksto sa Lumang Tipan. …Maaaring maipagpalagay na sa buong Biblia, walang aklat ng banal na kasulatan ang malalim na tumatalakay tungkol sa misyon ng Mesiyas o sa pag-asam at pananabik sa Kanyang pagbabalik na ipinahayag sa mga kanta ng Mang-aawit.(For Times of Trouble: Spiritual Solace from the Psalms [2012], 7–8)

Ano ang natutuhan ninyo sa Lucas 24:44 at kay Pangulong Holland?Bakit makabuluhang pag-aralan ang aklat ng Mga Awit?

Tulungan ang mga estudyante na maunawaan na maaari tayong matuto tungkol sa buhay at misyon ni Jesucristo sa pamamagitan ng pag-aaral ng mga awit.Maaari mong isulat sa pisara ang katotohanang ito.

Mga Awit na nagpropesiya tungkol kay Jesucristo

Para matulungan ang mga estudyante na maunawaan ang ilan sa mga pahayag ng propeta sa Mga Awit tungkol sa buhay at misyon ni Jesucristo, ibigay ang ilan o ang lahat ng scripture reference sa ibaba.Ang sumusunod ay ilang paraan kung paano mo maaaring ipaaral sa iyong klase ang mga talatang ito:

Isulat ang mga pares ng talata sa mga piraso ng papel at ilagay ang bawat papel sa paligid ng silid.Bigyan ng oras ang mga estudyante na lumibot sa silid at basahin ang ilan sa mga propesiya at katuparan.
Paghaluin ang mga pares ng banal na kasulatan at anyayahan ang mga estudyante na itugma ang mga propesiya sa Mga Awit sa mga katuparan ng mga ito.
Ipakita lamang ang mga talata ng Mga Awit.Sabihin sa mga estudyante na gamitin ang mga footnote at iba pang tool sa pag-aaral ng mga banal na kasulatan para maghanap ng mga reperensya mula sa buhay ng Tagapagligtas na tumutupad sa bawat propesiya.

Mga Awit na nagpropesiya tungkol kay Jesucristo	Natupad na propesiya
Mga Awit na nagpropesiya tungkol kay Jesucristo Mga Awit 22:1	Natupad na propesiya Mateo 27:46
Mga Awit na nagpropesiya tungkol kay Jesucristo Mga Awit 22:7–8	Natupad na propesiya Mateo 27:41–43
Mga Awit na nagpropesiya tungkol kay Jesucristo Mga Awit 22:16	Natupad na propesiya Doktrina at mga Tipan 6:36–37
Mga Awit na nagpropesiya tungkol kay Jesucristo Mga Awit 22:18	Natupad na propesiya Juan 19:23–24
Mga Awit na nagpropesiya tungkol kay Jesucristo Mga Awit 31:5	Natupad na propesiya Lucas 23:46
Mga Awit na nagpropesiya tungkol kay Jesucristo Mga Awit 34:20	Natupad na propesiya Juan 19:31–36
Mga Awit na nagpropesiya tungkol kay Jesucristo Mga Awit 41:9	Natupad na propesiya Lucas 22:47–48; Mga Gawa 1:16–17
Mga Awit na nagpropesiya tungkol kay Jesucristo Mga Awit 69:20–21	Natupad na propesiya Juan 19:28–29
Mga Awit na nagpropesiya tungkol kay Jesucristo Mga Awit 118:22	Natupad na propesiya Mga Gawa 4:10–12

Mag-isip ng isang sitwasyong kinakaharap ninyo o ng isang mahal sa buhay kung saan makatutulong na malaman ang isang bagay na natutuhan ninyo tungkol sa buhay o misyon ng Tagapagligtas mula sa mga propesiyang ito.Isulat ang mga maiisip ninyo sa inyong study journal.

Ang buhay ni Jesucristo

Sabihin sa mga estudyante na ipakita ang kanilang pag-unawa sa buhay at misyon ng Tagapagligtas gaya ng ipinropesiya sa Mga Awit.Ang isang opsiyon ay ang pag-anyaya sa mga estudyante na talakayin ang mga sumusunod na tanong sa kapartner, maliit na grupo, o sa klase.

Pumili ng isa sa mga propesiya mula sa Mga Awit na nakita mong makabuluhan lalo na sa iyo.

Ano ang itinuturo sa iyo ng propesiyang ito tungkol kay Jesucristo?
Bakit mahalagang malaman ang natutuhan mo tungkol sa Kanya?

Maaari mong ibahagi ang iyong patotoo tungkol sa buhay at misyon ni Jesucristo.Maaari mong anyayahan ang mga estudyante na patuloy na maghanap ng mga reperensya tungkol kay Jesucristo habang pinag-aaralan nila ang aklat ng Mga Awit sa susunod na ilang linggo.Maaaring angkop na tapusin ang klase sa pamamagitan ng pag-awit o pakikinig ng isang himno tungkol sa Tagapagligtas, ayon sa pipiliin ng mga estudyante.

Sa Lesson 101: “Pambungad sa Mga Awit, Bahagi 2,” gagawa ang mga estudyante ng paghahayag ng kanilang pagmamahal at katapatan sa Ama sa Langit at kay Jesucristo tulad ng ginawa ng mga Mang-aawit.Maaari mong anyayahan ang mga estudyante na simulan na itong pag-isipan ngayon.Sabihin sa kanila na pagnilayan kung ano ang nadarama nila tungkol sa Ama sa Langit at kay Jesucristo at kung paano nila ipahahayag ang mga damdaming iyon.

Karagdagang Resources

Bakit natin dapat pag-aralan ang aklat ng Mga Awit?

Itinuro ni Pangulong Jeffrey R. Holland ng Korum ng Labindalawang Apostol:

Sinasabing mas malaki ang naging impluwensya ng aklat ng Mga Awit sa kabuuan sa Kanlurang bahagi ng mundo kaysa sa anupamang koleksyon ng tula na isinulat.Kung iyon man ay totoo o hindi ay maaaring depende sa uri ng literatura na gusto ng mga tao, ngunit tiyak na totoo na para sa mga mambabasa ng Biblia sa pangkalahatan, ang mga Awit ay kabilang sa mga pinakapersonal na naaangkop at pinahahalagahan sa lahat ng mga banal na kasulatan.Sa koleksyon ng lahat ng mga banal na kasulatan, ang aklat na ito ay natatangi sa matinding pag-asam nito para sa paglaya, kapanatagan at kaligtasan. …[Walang ibang aklat sa Lumang Tipan ang] maihahambing sa istilong pangpersonal, nilalaman, dami, at kalidad ng mga awit, ang mga pagsamong ito sa isang mahabaging Diyos, sa tagapagpagaling ng mga bagbag na puso, sa Tagapagligtas ng mga naaapi at nangangailangan.Dahil dito, ang aklat ng Mga Awit ay maaaring ang natatanging teksto sa Biblia na halos pantay na hinahangaan ng kapwa mga Kristiyano at mga Judio, maliban sa iba pang relihiyon—o ng wala talagang relihiyon—na nakakahanap ng kapanatagan sa mga talata nito at panghihikayat sa pag-asang ipinararating ng mga ito.(For Times of Trouble: Spiritual Solace from the Psalms [2012], 7–8)

Paano kaya ginamit ng Tagapagligtas ang mga awit?

Habang naglilingkod bilang miyembro ng Pitumpu, itinuro ni Elder Merrill J. Bateman:

Kung naimbitahan ka sa Huling Hapunan, ano ang mga maaaring angkop na himno mula sa ating himnaryo? …

Malamang na maraming himno ang kinanta noong gabing iyon.Nakasaad sa Mateo na tinapos ng Panginoon at ng Kanyang mga Apostol ang Huling Hapunan sa pamamagitan ng pagkanta ng himno bago umalis patungo sa Bundok ng mga Olibo (tingnan sa Mateo 26:30).Ano ang kinanta nila?Bagama’t wala tayong paraan para malaman ang pangwakas na himno, may isang kanta tayong nalaman.Ito ay tinatawag na Hallel, na naglalaman ng Mga Awit 113–18.Mula noong bago dumating si Cristo hanggang sa kasalukuyan, tradisyon sa mga pamilyang Judio na kantahin ang Mga Awit 113–14 bago ang hapunan ng Paskua at Mga Awit 115–18 pagkatapos nito. …

Isipin, kung nais ninyo, na umaawit ang Tagapagligtas ng mundo ng mga himnong ito kasama ng Kanyang mga disipulo, na nagpahiwatig ng mga susunod na mangyayari sa gabing iyon at sa sumunod na araw.Lahat ng miyembro ng relihiyong Judio ay nakibahagi sa mga kaganapang ito.Masigasig nilang isinaulo ang Mga Awit na ito.Naunawaan nila ang kahulugan ng mga ito.(“The Power of Hymns,” Ensign, Hulyo 2001, 17, 18)

Saan ko malalaman pa ang tungkol sa tulang Hebreo ng mga awit?

Enrichment Section G: Hebrew Literary Styles

Pagbabasa ng Tula sa Lumang Tipan

Understanding Old Testament Poetry

Mga Karagdagang Aktibidad sa Pag-aaral

Ang kapangyarihan ng musika

Tulad ng mga awit, ang mga titik at musika ng mga modernong himno ay maaaring magpakita ng mga pagpapahayag ng pagpipitagan at pagmamahal sa Ama sa Langit at kay Jesucristo at makapag-aanyaya sa pagpapatotoo ng Espiritu tungkol sa Kanila.Para matulungan ang mga estudyante na malaman kung paano maaaring maging mabisang kasangkapan ang mapitagang musika, na nag-aanyaya sa Espiritu Santo na magpatotoo tungkol sa Ama sa Langit at kay Jesucristo, maaari mong ipanood ang video montage ng buhay ng Tagapagligtas, tulad ng “Nearer, My God, to Thee” (3:30).I-play muna ang 30 segundo ng video nang walang anumang tunog.Pagkatapos ay i-play ang video nang may tunog o may kasamang ibang seleksyon ng sagradong musika na pinatugtog kasabay nito.Sabihin sa mga estudyante na ibahagi kung anong kaibahan ang nagawa ng musika.

3:30

Mga Awit na binanggit sa mga modernong himno

Maaaring makinabang ang mga estudyante sa pag-alam kung paano ginamit ng mga modernong himno ang mga talata mula sa Mga Awit.Maaari mo ring ibahagi ang ilan o ang lahat ng sumusunod.Sabihin sa mga estudyante na ihambing kung paano maaaring nakaimpluwensya ang mga scripture passage ng Mga Awit sa mga mensahe sa mga kasamang himno.

Mga Awit 8:3–9; 9:1–2.“Dakilang Diyos”

Mga Awit 26:8.“We Love Thy House, O God”

Mga Awit 27:1.“Tanglaw Ko ang Diyos”

Mga Awit 33:1–6; 95:1–6.“Para sa Angking Kariktan ng Mundo”

Mga Awit 37:3–9.“Pumayapa, Aking Kaluluwa”

Mga Awit 148.“O Bawat Nilalang ng Diyos”

Mga Awit 150.“Praise to the Lord, the Almighty”

(Tandaan: Ang Lesson 102 ay magtutuon sa Mga Awit 23, na nagbigay-inspirasyon sa himnong “Ang Panginoon Ay Pastol Kong Tunay.”)

Matapos magkaroon ng pagkakataon ang mga estudyante na ihambing ang mga scripture passage ng Mga Awit at ang mga titik, anyayahan ang ilang handang estudyante na ibahagi ang natuklasan nila.

Gumawa ng akrostik na tula

Para matulungan ang mga estudyante na maunawaan ang isang uri ng tulang Hebreo, maaari mong ipabatid sa kanila ang akrostik na tula.Sabihin sa mga estudyante na isulat ang salitang “Jesus” sa isang pahina ng kanilang study journal, na isinusulat ang isang titik sa bawat linya:

Pagkatapos ay sabihin sa mga estudyante na magsulat ng pangungusap na nagsisimula sa bawat titik at sumasalamin sa isang bagay na natutuhan nila tungkol sa Tagapagligtas nang pag-aralan nila ang Mga Awit ngayon.

Ang isang halimbawa ng akrostik na tula na gamit ang salitang “Sakramento” ay matatagpuan sa “Fun with Hebrew.”