Հին Կտակարան. Սեմինարիայի ուսուցչի ձեռնարկ

Բովանդակություն
Տիտղոսաթերթ
Ուսուցչի ձեռնարկի նախաբան
Հին Կտակարան․ Դասեր
- Բարի գալուստ Հին Կտակարան
- Մովսես 1, Աբրահամ 3
- Ծննդոց 1–2, Մովսես 2–3, Աբրահամ 4–5
- Ծննդոց 3–4, Մովսես 4–5
- Ծնունդ 5, Մովսես 6
- Մովսես 7
- Ծնունդ 6–11, Մովսես 8
- Ծնունդ 12–17, Աբրահամ 1–2
- Ծնունդ 18–23
- Ծնունդ 24–33
- Ծնունդ 37–41
- Ծնունդ 42–50
- Ելք 1–6
- Զատիկ
- Ելք 7–13
- Ելք 14–18
- Ելք 19–20, 24, 31–34
- Ելք 35–40, Ղևտական 1, 4, 16, 19
- Թվեր 11–14, 20–24, 27
- Բ Օրենք 6–8, 15, 18, 29–30, 34
- Հեսու 1–8, 23–24
- Դատավորներ 2–4, 6–8, 13–16
- Հռութ, Ա Թագավորների 1–7
- Ա Թագավորների 8–10, 13, 15–16
- Ա Թագավորների 17–18, 24–26, Բ Թագավորների 5–7
- Բ Թագավորների 11–12, Գ Թագավորների 3, 6–9, 11
- Գ Թագավորների 12–13, 17–22
- Դ Թագավորների 2–7
- Դ Թագավորների 16–25
- Բ Մնացորդաց 14–20, 26, 30
- Եզրաս 1, 3–7, Նեեմիա 2, 4–6, 8
- Եսթեր
- Հոբ 1–3, 12–14, 19, 21–24, 38–40, 42
- Սաղմոսներ 1–2, 8, 19–33, 40, 46
- Սաղմոսներ 49–51, 61–66, 69–72, 77–78, 85–86
- Սաղմոսներ 102–103, 110, 116–119, 127–128, 135–139, 146–150
- Առակներ 1–4, 15–16, 22, 31, Ժողովող 1–3, 11–12
- Եսայի 1–12
- Եսայի 13–14, 22, 24–30, 35
- Եսայի 40–49
- Եսայի 50–57
- Եսայի 58–66
- Երեմիա 1–3, 7, 16–18, 20
- Երեմիա 31–33, 36–38, Երեմիայի ողբերը 1, 3
- Եզեկիել 1–3, 33–34, 36–37, 47
- Դանիել 1–7
- Ովսեե, Հովել
- Ամովս, Աբդիա, Հովնան
- Միքիա, Նաում, Ամբակում, Սոփոնիա
- Անգե 1–2, Զաքարիա 1–4, 7–14
- Մաղաքիա
Կյանքին նախապատրաստվելու դասեր
- Վարդապետության սերտում. ինչպես գտնեմ իմ հարցերի պատասխանները
- Սուրբ գրությունների ուսումնասիրության հմտություններ
- Երիտասարդներին զորացնելու համար․ ուղեցույց
- Զարգացրեք ինքնապահովում
- Ֆիզիկական և էմոցիոնալ առողջություն
- Պատրաստվել ապագա կրթությանը և աշխատանքին
- Հաջողության հասնել դպրոցում
- Միսիոներական նախապատրաստություն
- Տաճարային նախապատրաստություն
- Եկեղեցու ղեկավարների ուսմունքները
Հավելված

Հոբ 21–24, 38–40, 42․ Դիտարկեք փորձությունները հավերժության հեռանկարից

«Հոբ 21–24, 38–40, 42․ Դիտարկեք փորձությունները հավերժության հեռանկարից», Հին Կտակարան․ Սեմինարիայի ուսուցչի ձեռնարկ (2026)

«Հոբ 21–24, 38–40, 42․ Դիտարկեք փորձությունները հավերժության հեռանկարից», Հին Կտակարան․ Սեմինարիայի ուսուցչի ձեռնարկ

Հոբ 1–3, 12–14, 19, 21–24, 38–40, 42․ Դաս 99

Հոբ 21–24, 38–40, 42

Դիտարկեք փորձությունները հավերժության հեռանկարից

Job and His Friends by Ilya Repin. Job's wife grieves behind him, while his friends, Eliphaz, Bildad, and Zophar, observe his impoverished condition.

Երբևէ մտածե՞լ եք, թե ինչու է Աստված թույլ տալիս տառապանքը: Կա՞ն արդյոք այլ հարցեր, որ դուք տվել եք ձեր փորձությունների ընթացքում: Հոբն ու իր ընկերները իզուր էին փորձում որոշել Հոբի տառապանքի պատճառները։ Թեև Աստված պատճառները չբացահայտեց, Նա օգնեց Հոբին դիտարկել իր փորձությունները ավելի բարձր և սուրբ եղանակով: Այս դասը ուսանողներին հնարավորություն կտա օգնել ուրիշներին դիտարկել իրենց փորձությունները հավերժության հեռանկարից։

Ուսանողի նախապատրաստում․ Ուսանողներին տվեք հետևյալ հարցը․ «Ինչո՞ւ է Աստված թույլ տալիս, որ մենք փորձությունների միջով անցնենք»։ Առաջարկեք նրանց գտնել պատասխաններ՝ օգտագործելով աստվածային աղբյուրներ, օրինակ՝ սուրբ գրությունները, եկեղեցու ղեկավարների կամ իրենց ծնողների ուսմունքները: Ուսանողները կարող են հարցնել նաև իրենց ընտանիքի անդամներին և ընկերներին, թե նրանք ինչպես կպատասխանեին այդ հարցին։

Հնարավոր ուսումնական վարժություններ

Ինչո՞ւ այդ դժբախտությունները պատահեցին

Կարող եք սկսել դասը՝ հետևյալ հարցերը գրելով գրատախտակին: Դասարանին առաջարկեք ձևակերպել ևս երկու հարց, որ մարդիկ կարող են տալ՝ փորձելով հասկանալ իրենց փորձությունները: Այս երկու հարցերն ավելացրեք գրատախտակին և համարակալեք դրանք 5 և 6։ Այս հարցերին պետք է անդրադառնաք ամբողջ դասի ընթացքում:

«Երևի ես ամեն ինչ սխալ եմ անում: Ուրիշ ինչո՞ւ պետք է կյանքն ինձ համար այդքան ծանր լինի»։
«Եթե ես հետևում եմ ավետարանին, ինչո՞ւ չեմ կարող խուսափել փորձություններից և տառապանքներից»:
«Ես կարծում էի, որ Աստված սիրում է ինձ։ Ինչո՞ւ է Նա այդքան դժվարացնում իմ կյանքը»։
«Եթե Աստված իրական է, ինչո՞ւ Նա չի դադարեցնում մարդկանց տառապանքը»:

Օգտակար կլինի իմանալ, որ որոշ ուսանողներ կարող են նմանատիպ հարցեր տալ փորձությունների ժամանակ: Խրախուսեք ուսանողներին լինել բարի և հարգալից, երբ քննարկում են հետևյալ հարցը:

Ինչպիսի՞ ենթադրություններ կարող են անել մարդիկ, երբ նման հարցեր են տալիս:

Քննարկումից հետո կարող եք առաջարկել ուսանողներին խորհել հետևյալ հարցի շուրջ: Պատասխանները կարող են գրել իրենց ուսումնասիրության օրագրերում:
Ձեր կարծիքով, դուք կարո՞ղ եք որևէ մեկին օգնել դառնալ դեպի Տերը և գտնել նմանատիպ հարցերի պատասխանները: Ինչո՞ւ այո, կամ ինչո՞ւ ոչ։

Աստվածային աղբյուրներն ուսումնասիրելը կարող է հրավիրել Սուրբ Հոգուն մեր ուսման մեջ: Ուշադիր եղեք այն գաղափարներին, որ Նա կարող է ուսուցանել ձեզ, երբ դուք կարդում եք այս դասի սուրբ գրություններն ու ուղերձները: Մտածեք, թե ինչպես կարող են այս գաղափարներն օգնել մարդկանց պատասխանել իրենց փորձությունների վերաբերյալ հարցերին: Դա կարող է օգնել ձեզ ավելի լավ հասկանալ ձեր սեփական փորձությունները:

Հոբը և իր ընկերները

Ցուցադրեք դասի սկզբում պատկերված Հոբի նկարը: Առաջարկեք ուսանողներին զուգըկերոջ հետ համառոտ քննարկել այն, ինչ հիշում են Հոբի պատմության մասին: Այնուհետև կարող եք կիսվել հետևյալով․

Հոբի փորձությունների ժամանակ իր երեք ընկերներն այցելեցին նրան։ Հոբն ու իր ընկերները փորձում էին որոշել Հոբի տառապանքի պատճառները։ Սահմանափակ տեսանկյուն ունենալու պատճառով նրանք հանգեցին ոչ ճշգրիտ ենթադրությունների:

Օգտագործելով ստորև բերված հատվածները, դասարանի ձախ մասին առաջարկեք ուսումնասիրել, թե ինչ էր կարծում Հոբը իր տառապանքների պատճառի մասին, իսկ աջ մասին՝ ուսումնասիրել, թե ինչ էր կարծում այդ մասին Հոբի ընկերը՝ Եղիփազը: Կամ կարող եք ամփոփ ներկայացնել այս հատվածները և անցնել «Հավերժության հեռանկար» վերնագրին: Ամփոփ ներկայացնելու դեպքում ավելի շատ ժամանակ կմնա, որպեսզի ուսանողներն ուսումնասիրեն Հոբի պատմության եզրակացությունը և քննարկեն աշխատաթերթը:

Կարդացեք Հոբ 19․6–11 հատվածները՝ փնտրելով, թե ինչ էր ենթադրում Հոբը Աստծո մասին։
Կարդացեք Հոբ 22.5–10 հատվածները` փնտրելով, թե ինչ էր ենթադրում Եղիփազն Աստծո մասին։

Ի՞նչ սխալ ենթադրություններ է արել յուրաքանչյուրը։

Եթե ուսանողներն օգնության կարիք ունենան՝ հասկանալու իրենց կարդացածը, կարող եք բացատրել, որ Հոբը կարծում էր, որ Աստված է առաջացրել իր փորձությունները և լքել է իրեն: Եղիփազը սուտ մեղադրեց Հոբին ուրիշների հանդեպ վատ վերաբերմունքի մեջ։ Նա կարծում էր, որ Հոբի տառապանքը չարության հետևանքով է։

Հավերժության հեռանկար

Երբ Հոբն անցնում էր իր փորձությունների միջով, Աստված խոսեց նրա հետ: Աստված Հոբին բազմաթիվ հարցեր տվեց աշխարհի ստեղծման մասին, որոնց Հոբը չկարողացավ պատասխանել (տես Հոբ 38–41)։

Կարդացեք Հոբ 38․4–7 հատվածները, փնտրելով այն հարցերի օրինակները, որոնք Աստված տվեց Հոբին:

Տասներկու Առաքյալների Քվորումից երեց Դեյլ Գ. Ռենլանդը բացատրել է Աստծո պատասխանը Հոբի՝ Իրեն պատասխանելու անկարողությանը.

Աստված համբերատար և բարյացակամորեն ասաց Հոբին. «Եթե դու չես կարողանում պատասխանել իմ ստեղծած երկրի մասին իմ հարցերից նույնիսկ մեկին, հնարավո՞ր է, որ գոյություն ունեն հավերժական օրենքներ, որոնք դու չես հասկանում: Կա՞ն ձեր կողմից արված ենթադրություններ, որոնք անվավեր են: Դու հասկանո՞ւմ ես իմ շարժառիթները և այն, թե ինչպես է գործում իմ փրկության և վեհացման ծրագիրը: Իսկ դու կարո՞ղ ես կանխատեսել քո ապագա ճակատագիրը»։

Աստված Իր իմաստությամբ գիտի, որ մեր մահկանացու կյանքի կարևոր մասն է ոչ ամեն ինչ իմանալը: Նրան վստահելու մեջ կա մի բան, որը թույլ է տալիս մեզ առաջընթաց ունենալ Նրան նմանվելու ճանապարհին։ («Trust God and Let Him Prevail», Liahona, օգստ․ 2022, 5)

Այս խոսքերն ի՞նչ են օգնում ձեզ հասկանալ Աստծո և փորձությունների մասին։

Երբ ուսանողները պատասխանեն, կարող եք մատնանշել, որ Աստված չասաց Հոբի տառապանքի պատճառը։

Կարդացեք Հոբ 42․1–6 հատվածները՝ փնտրելով Հոբի պատասխանը Տիրոջը:

Հոբի պատասխանի մեջ ի՞նչն էր առանձնահատուկ ձեզ համար։
Ի՞նչ սովորեցիք Հոբի պատմությունից, որը կարող է օգնել մեզ ավելի լավ հասկանալ մեր փորձությունները:

Ուսանողները կարող են բացահայտել բազմաթիվ ճշմարտություններ, այդ թվում՝ Աստված կարող է օգնել մեզ դիտարկել մեր փորձությունները հավերժության հեռանկարից։

Հոբն ընդունեց, որ իր հասկացողությունը սահմանափակ է՝ համեմատած Աստծո գիտելիքի հետ, և Հոբը փոխեց փորձությունների նկատմամբ իր վերաբերմունքը։ Նա հասկացավ, որ իր տառապանքը մեղքի կամ աստվածային պատժի հետևանք չէ: Աստված մեծապես օրհնեց Հոբին իր կյանքի ավարտին (տես Հոբ 42․12–13)։

Հասկանալ փորձությունները

Մենք միշտ չէ, որ հասկանում ենք մեր դժվարությունների պատճառները: Սակայն, Տերը տրամադրել է աստվածային աղբյուրներ, որոնք կարող են օգնել մեզ դիտարկել մեր փորձությունները հավերժության հեռանկարից:

Աշխատաթերթը լրացնելու ժամանակ ուսանողներին կարող եք առաջարկել վերընթերցել փորձությունների վերաբերյալ վեց հարցերը, որոնք գրված էին գրատախտակին՝ դասի սկզբում: Այնուհետև կարող եք դասարանում քննարկում սկսել՝ տալով հետևյալ հարցերը.

Ի՞նչ սովորեցիք, որը կարող է օգնել այս հարցերն ունեցող որևէ մեկին դիտարկել իր փորձությունները հավերժության հեռանկարից:
Ինչպե՞ս եք տեսել այս ուսմունքների ճշմարտացիությունը ձեր իսկ փորձությունների ժամանակ։
Ի՞նչ եք սովորում Երկնային Հոր և Հիսուս Քրիստոսի մասին՝ լսելով, թե ինչով են կիսվում ուրիշները:

Եզրափակում

Հնարավորություն տվեք ուսանողներին հանդես գալ դերախաղով՝ օգնելու ուրիշներին դիտարկել իրենց փորձությունները հավերժության հեռանկարից: Կարող եք դա անել՝ աշակերտներին զույգերի բաժանելով: Յուրաքանչյուր զույգին տվեք վեցանիստ զառ։ Ցուցադրեք ստորև ներկայացվող հրահանգները։ Կարող եք փոփոխել հրահանգները, եթե զառերը հասանելի չեն:

Անդրադարձեք գրատախտակին գրված փորձությունների վերաբերյալ վեց հարցերին՝ ձեր զուգընկերոջ հետ հետևյալ վարժությունը կատարելիս.

Ընտրեք, թե ով է գլորում զառը։
Եթե դուք եք գլորում զառը, ձեր զուգընկերոջը տվեք գրատախտակի վրա գրված այն հարցը, որը համապատասխանում է ձեր գլորած թվին: (Օրինակ՝ եթե դուք գլորել եք մեկ թվի վրա, հարցրեք. «Ես երևի ամեն ինչ սխալ եմ անում: Ուրիշ ինչո՞ւ պետք է կյանքն ինձ համար այդքան ծանր լինի»։)
Եթե դուք չեք գլորել զառը, պատասխանեք ձեր գործընկերոջ տված հարցին: Օգտագործեք դասից ստացված ձեր գաղափարները՝ օգնելու համար ձեր զուգընկերոջը դիտարկել իր փորձությունները հավերժության հեռանկարից: Ներառեք այն մտքերը կամ զգացմունքները, որ դուք ունեք Երկնային Հոր կամ Հիսուս Քրիստոսի վերաբերյալ:
Փոխեք պարտականությունները և կրկնեք վարժությունը ևս մեկ անգամ: Եթե նույն թիվը գլորեք, նորից գլորեք:

Ավարտեք՝ ավելացնելով ձեր վկայությունը այն մտքերին, որոնցով այսօր կիսվեցին ուսանողները:

Օժանդակ նյութեր

Ինչո՞ւ է Աստված թույլ տալիս, որ վատ բաներ պատահեն մեզ հետ:

Առաջին Նախագահության անդամ նախագահ Հենրի Բ. Այրինգը բացատրել է.

18:56

Երբ Հոբը ապաշխարեց և ավելի սուրբ դարձավ, Տերը օրհնեց նրան՝ տալով իր կորցրածից ավելին: Բայց ամենամեծ օրհնությունը Հոբի համար թերևս այն էր, որ անցնելով ձախորդության և ապաշխարության միջով, նրա սրբությունն ավելացավ: Կյանքի մնացած օրերում նա արժանացավ ավելի մեծ երջանկությամբ ապրելու պարգևին:

Ավելի մեծ սրբությունը չի տրվի պարզապես խնդրելով։ Այն կգա անելով այն, ինչ անհրաժեշտ է, որպեսզի Աստված փոխի մեզ: («Սրբությունը և երջանկության ծրագիրը», Լիահոնա, նոյ. 2019, 102–103)

Առաջին նախագահությունից նախագահ Դալլին Հ. Օուքսն ասել է.

12:10

Նեղություններն ու դժվարությունները մահկանացու կյանքի համընդհանուր փորձություններն են: Հակադրությունը՝ մեր զարգանալու աստվածային ծրագրի կարևոր մասն է [տես 2 Նեփի 2.11] և այդ գործընթացում Աստված վստահեցնում է, որ հավերժության հեռանկարից հակադրությանը թույլ չի տրվի հաղթել մեզ։ Նրա օգնությամբ, մեր հավատարմությամբ և տոկունությամբ մենք կհաղթենք: Ինչպես մահկանացու կյանքը, որի մասն են կազմում դրանք, այնպես էլ բոլոր նեղությունները ժամանակավոր են: («Ուրախ եղեք», Լիահոնա, նոյեմբեր 2020, 70)

Լրացուցիչ ուսումնական վարժություններ

Վարդապետություն և Ուխտեր 122․7: «Այս բոլոր բաները փորձառություն կտան քեզ»

Եթե ուսանողները կիսվեն գաղափարներով, որ ստացել են Վարդապետություն և Ուխտեր 122.7 հատվածից, կարող եք առաջարկել նրանց հղումով կապել այս բաները արտահայտությունը հետևյալ խոսքերի հետ:

Տասներկու Առաքյալների Քվորումից երեց Քվենթին Լ․ Քուքն ուսուցանել է.

Ինքներս զգալով այս բաները, կարող ենք օժտվել քրիստոսանման կարեկցանքով չարչարվածների հանդեպ: «Իմ սիրտը միշտ ավելի զգայուն կլինի այս ամենի հանդեպ, քան երբևէ եղել է նախկինում»,- գիտակցեց Ջոզեֆը բանտում: Նա ցանկանում էր լինել Սրբերի հետ, որպեսզի կարողանար սփոփել ու մխիթարել նրանց: «Երբևէ այնպես չեմ զգացել, ինչպես հիմա եմ զգում,- բացատրել է նա,- եթե ես չզգայի այն տառապանքները, որ զգացել եմ» [«Letter to Presendia Huntington Buell, 15 March 1839», [1], josephsmithpapers.org]։ («Որքան ողորմած է եղել Տերը», Լիահոնա, Հոկ. 2018, 63)

Ի՞նչը տպավորեց ձեզ այս խոսքերից:
Ինչպե՞ս են ձեր փորձությունները պատրաստել ձեզ դրսևորելու քրիստոսանման կարեկցանք ուրիշների հանդեպ:

Նախաերկրային կյանք

Բացատրեք, որ որպեսզի օգնի Հոբին ձեռք բերել հավերժության հեռանկար, Աստված հարցեր տվեց նրան բազմաթիվ բաների մասին, այդ թվում՝ նախաերկրային կյանքի մասին:

Երբ ուսանողները կարդան Հոբ 38.4–7 հատվածները, խնդրեք նրանց նշել, թե այս հատվածները ինչ կարող են մեզ ուսուցանել նախաերկրային կյանքի մասին:

Ձեր կարծիքով, այս հարցերն ինչո՞ւ կարող էին օգտակար լինել Հոբի համար:

Տասներկու Առաքյալների Քվորումից երեց Ռոնալդ Ա․ Ռասբանդն ուսուցանել է.

11:28

Ոմանք կարող են հարցնել, երբ հանդիպում են այսպիսի տառապանքի, ինչպե՞ս կարող է Ամենազոր Աստվածը թույլ տալ, որ սա պատահի: Եվ այնուհետև այդ անխուսափելի թվացող հարցը, ինչո՞ւ սա պատահեց ինձ հետ: Ինչո՞ւ մենք պետք է հիվանդության և այնպիսի իրադարձությունների հանդիպենք, որոնք հաշմանդամ են դարձնում կամ վաղաժամկետ տուն են կանչում ընտանիքի թանկագին անդամների, կամ պատճառ են դառնում բազում տարիներ ցավով ապրելու փորձառությունն ունենալ: Ինչո՞ւ խոր վիշտ ունենալ:

Այս պահերին մենք կարող ենք դառնալ դեպի երջանկության մեծ ծրագիրը, որի հեղինակը մեր Երկնային Հայրն է: Երբ այդ ծրագիրը ներկայացվեց նախաերկրային կյանքում, մենք բոլորիս ցնծացինք ուրախությունից [տես Հոբ 38․7]։ Պարզ ասած, այս կյանքը հավերժական վեհացման փորձառություն է, և այդ գործընթացը նշանակում է փորձություններ և դժվարություններ: Դա միշտ այդպես է եղել, և ոչ ոք բացառություն լինել չի կարող: («Հատուկ դասեր», Լիահոնա, մայիս 2012, 80)

Երբ հանդիպում ենք մարտահրավերների, ինչո՞ւ կարող է օգտակար լինել հիշելը, որ մենք ցնծում էինք Երկրի վրա ապրելու հնարավորության համար:

Հոգևորապես կարճատես

Երբ ուսանողները քննարկեն աշխատաթերթը, կարող եք դիտել «Թող Աստված տնօրինի» տեսանյութը՝ 5:50-8:25: Առաջարկեք ուսանողներին նշել նախագահ Ռասսել Մ. Նելսոնի գաղափարները մեր փորձությունները հավերժության հեռանկարից դիտարկելու մասին:

18:52

Ձեռք բերել հոգևոր գիտելիքներ

Եթե դասի վերջում ժամանակ մնա, կարող եք առաջարկել ուսանողներին վերանայել Հոբի պատմությունը՝ փնտրելով, թե ինչպես նա օգտագործեց հոգևոր գիտելիքներ ձեռք բերելու սկզբունքները:

Բաժանեք ուսանողներին երեք խմբի: Յուրաքանչյուր խմբի խնդրեք կարդալ Հոգևոր գիտելիքներ ձեռք բերելու սկզբունքներից մեկը Վարդապետության սերտման հիմնական փաստաթղթում (2023)։ Խնդրեք նրանց փնտրել հետևյալը.

Ձեզ հանձնարարված պարբերություններում փնտրեք բառեր կամ արտահայտություններ որոնք ձեզ հիշեցնում են Հոբին:
Ինչպես Հոբն օգտագործեց այդ սկզբունքները՝ իր փորձությունները համբերությամբ տանելու ժամանակ։