Հին Կտակարան. Սեմինարիայի ուսուցչի ձեռնարկ

Բովանդակություն
Տիտղոսաթերթ
Ուսուցչի ձեռնարկի նախաբան
Հին Կտակարան․ Դասեր
- Բարի գալուստ Հին Կտակարան
- Մովսես 1, Աբրահամ 3
- Ծննդոց 1–2, Մովսես 2–3, Աբրահամ 4–5
- Ծննդոց 3–4, Մովսես 4–5
- Ծնունդ 5, Մովսես 6
- Մովսես 7
- Ծնունդ 6–11, Մովսես 8
- Ծնունդ 12–17, Աբրահամ 1–2
- Ծնունդ 18–23
- Ծնունդ 24–33
- Ծնունդ 37–41
- Ծնունդ 42–50
- Ելք 1–6
- Զատիկ
- Ելք 7–13
- Ելք 14–18
- Ելք 19–20, 24, 31–34
- Ելք 35–40, Ղևտական 1, 4, 16, 19
- Թվեր 11–14, 20–24, 27
- Բ Օրենք 6–8, 15, 18, 29–30, 34
- Հեսու 1–8, 23–24
- Դատավորներ 2–4, 6–8, 13–16
- Հռութ, Ա Թագավորների 1–7
- Ա Թագավորների 8–10, 13, 15–16
- Ա Թագավորների 17–18, 24–26, Բ Թագավորների 5–7
- Բ Թագավորների 11–12, Գ Թագավորների 3, 6–9, 11
- Գ Թագավորների 12–13, 17–22
- Դ Թագավորների 2–7
- Դ Թագավորների 16–25
- Բ Մնացորդաց 14–20, 26, 30
- Եզրաս 1, 3–7, Նեեմիա 2, 4–6, 8
- Եսթեր
- Հոբ 1–3, 12–14, 19, 21–24, 38–40, 42
- Սաղմոսներ 1–2, 8, 19–33, 40, 46
- Սաղմոսներ 49–51, 61–66, 69–72, 77–78, 85–86
- Սաղմոսներ 102–103, 110, 116–119, 127–128, 135–139, 146–150
- Առակներ 1–4, 15–16, 22, 31, Ժողովող 1–3, 11–12
- Եսայի 1–12
- Եսայի 13–14, 22, 24–30, 35
- Եսայի 40–49
- Եսայի 50–57
- Եսայի 58–66
- Երեմիա 1–3, 7, 16–18, 20
- Երեմիա 31–33, 36–38, Երեմիայի ողբերը 1, 3
- Եզեկիել 1–3, 33–34, 36–37, 47
- Դանիել 1–7
- Ովսեե, Հովել
- Ամովս, Աբդիա, Հովնան
- Միքիա, Նաում, Ամբակում, Սոփոնիա
- Անգե 1–2, Զաքարիա 1–4, 7–14
- Մաղաքիա
Կյանքին նախապատրաստվելու դասեր
- Վարդապետության սերտում. ինչպես գտնեմ իմ հարցերի պատասխանները
- Սուրբ գրությունների ուսումնասիրության հմտություններ
- Երիտասարդներին զորացնելու համար․ ուղեցույց
- Զարգացրեք ինքնապահովում
- Ֆիզիկական և էմոցիոնալ առողջություն
- Պատրաստվել ապագա կրթությանը և աշխատանքին
- Հաջողության հասնել դպրոցում
- Միսիոներական նախապատրաստություն
- Տաճարային նախապատրաստություն
- Եկեղեցու ղեկավարների ուսմունքները
Հավելված

Հոբ 1–3, 12–13. «Ես իրեն եմ հուսալու»

«Հոբ 1–3, 12–13. «Ես իրեն եմ հուսալու»», Հին Կտակարան․ Սեմինարիայի ուսուցչի ձեռնարկ (2026)

«Հոբ 1–3, 12–13. «Ես իրեն եմ հուսալու»», Հին Կտակարան․ Սեմինարիայի ուսուցչի ձեռնարկ

Հոբ 1–3, 12–14, 19, 21–24, 38–40, 42․ Դաս 97

Հոբ 1–3, 12–13

«Ես իրեն եմ հուսալու»

The Old Testament prophet Job depicted kneeling on the ground looking up to the light of the Lord. His friends are in the background of the painting. Job has one hand stretched toward the light. (Job 42:1-8)

Դժվար ժամանակներում երբևէ դժվարացե՞լ եք Աստծուն հավատարիմ մնալ: Հոբը հավատարիմ մարդ էր, ով վայելում էր օրհնված կյանք։ Անսպասելիորեն Հոբը կորցրեց իր ունեցվածքը, երեխաներին և առողջությունը։ Սակայն, Հոբը չկորցրեց իր հավատքը Հիսուս Քրիստոսի հանդեպ։ Այս դասը կօգնի ուսանողներին զգալ փորձությունների ժամանակ Երկնային Հորը և Հիսուս Քրիստոսին վստահելու ավելի մեծ ցանկություն:

Ուսանողի նախապատրաստում․ առաջարկեք ուսանողներին մտածել, թե ինչպես են իրենք արձագանքել իրենց փորձություններին: Առաջարկեք նրանց դասի գալ պատրաստ՝ քննարկելու իրենց փորձառությունները:

Հնարավոր ուսումնական վարժություններ

Այսօրվա դասը սկսելուց առաջ ուսանողներին օգտակար կլինի ասել, որ հաջորդ մի քանի գրքերը (Հոբ-Երգ Երգոց) հայտնի են որպես բանաստեղծական գրքեր կամ Հին Կտակարանի փիլիսոփայա-բանաստեղծական գրքեր։ Այս գրքերը գրված են բանաստեղծական ձևով և նախատեսված չեն պատմությունը փոխանցելու համար: Ինչպես մյուս սուրբ գրությունները, այս գրքերը կարող են ուղղել մեզ դեպի Հիսուս Քրիստոս և օգնել հետևել Նրան: (Նշում. Ջոզեֆ Սմիթը Երգ Երգոցի վերաբերյալ գրել է, որ այն «ոգեշնչված գրություն չէ» [Joseph Smith Translation, note on Song of Solomon]։)

Ինչպես ենք մենք արձագանքում փորձություններին

Կարող եք սկսել դասը՝ գրատախտակին գրելով «Անձ Ա» և «Անձ Բ»: Առաջարկեք ուսանողներին յուրաքանչյուր անձի համար ստեղծել սցենար, որոնցից մեկը նկարագրում է երկարաժամկետ փորձություն, իսկ մյուսը՝ կարճաժամկետ փորձություն: Հետևյալ հուշումները կարող են օգտակար լինել.

Անձ Ա-ն մանկությունից ի վեր ստիպված է եղել գործ ունենալ …
Ներկայումս Անձ Բ-ի իրավիճակը գնալով վատանում է։ Ամեն ինչ սկսվեց …

Երբ ուսանողները ստեղծեն երկու սցենար, առաջարկեք նրանց քննարկել «Անձ Ա»-ի և «Անձ Բ»-ի վերաբերյալ հետևյալ հարցերը: Նրանք կարող են դա անել զույգերով կամ փոքր խմբերով:

Ի՞նչ կաներ այս անձը, եթե այս փորձությանը վատ արձագանքեր:
Ի՞նչ կաներ այս անձը, եթե այս փորձությանը լավ արձագանքեր:
Ի՞նչ կաներ այս անձը, եթե Երկնային Հոր հանդեպ վստահությամբ արձագանքեր այս փորձությանը:

Ուսանողներին բավարար ժամանակ տվեք քննարկելու համար և օգնեք մտածել, թե ինչպես են իրենք արձագանքում իրենց փորձություններին: Դա անելու եղանակներից մեկը ներկայացված է ստորև:

1-5 բալանոց սանդղակով (1-ը՝ բոլորովին ճիշտ չէ, իսկ 5-ը՝ շատ ճիշտ է) մտածեք, թե որքանով են ճիշտ ձեր մասին հետևյալ արտահայտությունները.

Ես լավ եմ արձագանքում փորձություններին։
Փորձությունների ժամանակ ես ուժ եմ գտնում Երկնային Հորից և Հիսուս Քրիստոսից:

Բաց եղեք Երկնային Հոր և Հիսուս Քրիստոսի վերաբերյալ այնպիսի ճշմարտություններ զգալու կամ սովորելու համար, որոնք կօգնեն ձեզ դիմակայել ձեր փորձություններին՝ Նրանց հանդեպ մեծ վստահությամբ:

Հոբի կյանքը

Կարդացեք Հոբ 1.1–3 հատվածները` ուշադրություն դարձնելով, թե ինչ եք սովորում Հոբի մասին։ (Նշում. կատարյալ բառը թարգմանվում է որպես «ամբողջական, լրիվ, շիտակություն ունեցող»:)

Ի՞նչ գտաք:

Ուսանողների պատասխանները կարող եք գրել գրատախտակին: Նախքան Հոբի պատմությունը շարունակելը, կարող եք կարդալ կամ ամփոփ ներկայացնել հետևյալը։

Կարևոր է հասկանալ, որ Հոբը իրական մարդ էր (տես Վարդապետություն և Ուխտեր 121.10), բայց Հոբի կյանքի մասին պատմվում է՝ օգտագործելով բանաստեղծական տարրեր: Օրինակ` երբ սկսվում է Հոբի մասին պատմությունը, Տերն ու սատանան նկարագրվում են որպես երկու խոսակցություն վարող: Դրանք իրական փոխգործակցություններ չեն Տիրոջ և սատանայի միջև, այլ ցույց են տալիս սատանայի դերը՝ որպես մեր հակառակորդ կամ թշնամի: Դա բանաստեղծական միջոց է՝ ընթերցողին նախապատրաստելու այն ամենին, ինչ լինելու է Հոբի հետագա կյանքում՝ նրա տառապանքներին, գայթակղություններին և աշխարհիկ բարիքների կորստին:

Որպեսզի օգնեք ուսանողներին հասկանալ առաջին խոսակցությունը, երեք պատրաստակամ ուսանողի խնդրեք կարդալ այն: Առաջին ուսանողը կարող է կարդալ պատմողի խոսքերը, երկրորդը՝ Տիրոջ խոսքերը և երրորդը՝ սատանայի խոսքերը։ Խնդրեք ուսանողներին կարդալ այդ խոսքերը՝ առանց դրանց որևէ դրամատիկ երանգ տալու: Կարող եք ցուցադրել հետևյալ հարցերը, որպեսզի ուսանողները լսելիս մտածեն դրանց շուրջ:

Կարդացեք Հոբ 1․6–12 հատվածները՝ փնտրելով պատասխաններ հետևյալ հարցերին․

Ի՞նչ էր պնդում սատանան Հոբի արդարակեցության մասին։
Ի՞նչ էր սատանան ուզում, որ տեղի ունենա Հոբի հետ։

Ուսանողներին հնարավորություն տվեք կիսվելու իրենց պատասխաններով: Անհրաժեշտության դեպքում օգնեք ուսանողներին հասկանալ, որ սատանան պնդում էր, որ Հոբը արդար էր միայն այն պատճառով, որ Տերն օրհնել էր նրան: Սատանան ուզում էր, որ Հոբի օրհնությունները վերանան, որպեսզի ապացուցի այդ պնդումը։

Հոբի օրինակը

Հոբի պատմության հաջորդ մասի համար գրատախտակին կարող եք գծել հետևյալ աղյուսակը։ Այնուհետև ուսանողներին կարող եք բաժանել զույգերի կամ փոքր խմբերի` աղյուսակը լրացնելու համար: Այնուհետև առաջարկեք ուսանողներին քննարկել լրացուցիչ հարցերը: Օգտակար կլինի շրջել դասարանում՝ ուսանողներին օգնելու և խրախուսելու համար: (Նշում․ թարախապալարները մաշկի ցավոտ վերքեր են։ Հոբը «պատառոտեց» կամ պատռեց հագուստը և սափրեց գլուխը՝ ի նշան սգի)։

Ի՞նչն էր տառապանք պատճառում Հոբին։	Ինչպե՞ս արձագանքեց Հոբը։
Ի՞նչն էր տառապանք պատճառում Հոբին։ Կարդացեք Հոբ 1․13–19, 2․7։	Ինչպե՞ս արձագանքեց Հոբը։ Կարդացեք Հոբ 1․20–22, 2․9–10, 13․15, 23․10։

Հոբի արձագանքի մեջ ի՞նչն է առավել կարևոր ձեզ համար։
Ի՞նչ էր հասկանում Հոբն Աստծո մասին՝ այդպես արձագանքելու համար։

Ուսանողները կարող են նշել, որ Հոբն ընդունում էր, որ իր օրհնությունները եկել են Աստծուց (տես Հոբ 1.21), հասկանում էր, որ փորձություններն Աստծո ծրագրի մի մասն են (տես Հոբ 2.10) և գիտեր, որ Աստված տեղյակ է իր մասին, և որ իր փորձությունները պետք է կատարելագործեն իրեն (տես Հոբ 23․10):

Երբ ուսանողներն ավարտեն վարժությունը, օգնեք նրանց բացահայտել ճշմարտությունը՝ տալով հետևյալ հարցը:
Ի՞նչ կարող ենք սովորել Հոբի օրինակից, որը կարող է օգնել մեզ փորձությունների ժամանակ։

Ի թիվս այլ պատասխանների, ուսանողները կարող են բացահայտել հետևյալը. մենք կարող ենք որոշել վստահել Աստծուն մեր փորձությունների ժամանակ:

Կարող եք առաջարկել ուսանողներին գտնել և նշել, թե որտեղ են տեսնում այս ճշմարտությունը Հոբ 13.15 հատվածում:

Օրինակներ սուրբ գրություններում

Մտածեք եղանակներ, որոնցով կարող եք օգնել ուսանողներին մեծացնել իրենց վստահությունը Երկնային Հոր հանդեպ իրենց փորձությունների ժամանակ: Եղանակներից մեկն այն է, որ ուսանողները փնտրեն սուրբ գրություններ, որտեղ մարդիկ բացատրում են փորձության ժամանակ Աստծուն վստահելու իրենց պատճառները: Ուսանողները կարող են կատարել հետևյալ վարժությունը։

Սուրբ գրություններում գտեք օրինակ, երբ որևէ մեկը որոշել է վստահել Աստծուն իր փորձությունների ժամանակ:
Նշեք բառեր կամ արտահայտություններ, որոնք բացատրում են, թե ինչու էր այդ մարդը վստահում Աստծուն:
Պատրաստվեք բացատրելու, թե ինչպես են ձեր նշած հասկացությունները օգնել կամ կարող են օգնել ձեզ վստահել Աստծուն:

Եզրափակում

Կարող եք ավարտել դասը՝ առաջարկելով, որ իրենք իրենց համար գրություն գրեն կամ իրենք իրենց ուղարկեն հաղորդագրություն՝ պատասխանելով հետևյալ հարցին: Եթե գրություն են գրում, առաջարկեք ծալել այն և դնել իրենց գրպանը կամ որևէ տեղ, որտեղ կտեսնեն այդ գրությունն օրվա ընթացքում: Դուք կարող եք միացնել մեղմ գործիքային երաժշտություն, երբ ուսանողները գրում են:

Ի՞նչ զգացիք այսօր, որն օգնեց ձեզ ցանկանալ վստահել Երկնային Հորը և Հիսուս Քրիստոսին փորձությունների ժամանակ:

Օժանդակ նյութեր

Փրկիչն ինչպե՞ս կարող է օգնել մեզ փորձությունների ժամանակ:

Տասներկու Առաքյալների Քվորումից երեց Դեյլ Գ. Ռենլանդը գրել է.

Հիսուս Քրիստոսը սիրում է վերականգնել այն, ինչ մենք չեք կարող վերականգնել, բուժել վերքերը, որոնք մենք չեք կարող բուժել, ուղղել այն, ինչ անուղղելիորեն կոտրվել է, փոխհատուցել ցանկացած անարդարության համար, որին մենք բախվել ենք։ Իրականում, եթե մենք հնարավորություն տանք Նրան, Նա մեր տառապանքը կվերածի օգտի և մեզ համար կսրբագործի մեր ամենախոր տառապանքը։ Նա ոչ միայն կմխիթարի մեզ և կվերականգնի կորցրածը (տես Հոբ 42․10, 12–13), այլ նաև կօգտագործի մեր փորձությունները մեր օգտի համար:

Փրկիչը զորություն ունի ամեն ինչ ճիշտ դարձնելու և ցանկանում է դա անել: Նա սիրում է ընդմիշտ նորոգել նույնիսկ փշրված սրտերը (տես Սաղմոս 147.3): Հոբի գրքի ամենակարևոր դասն այն է, որ մեզանից յուրաքանչյուրը կարող է որոշել ապրել իր կյանքը՝ վստահելով Աստծուն և Նրա ծրագրին, անկախ ամեն ինչից: («Trust God and Let Him Prevail», Լիահոնա, օգոստոս 2022, 7)

Ինչպե՞ս կարող են փորձություններն օրհնություն լինել։

Յոթանասունից երեց Իսահակ Կ. Մորիսոնը ասել է․

10:52

Սուրբգրային շատ պատմություններ կան հզոր ու ազնվական առաջնորդների մասին, ինչպիսիք են Երեմիան, Հոբը, Ջոզեֆ Սմիթը և Նեփին, որոնք զերծ չեն եղել մահկանացու կյանքի դժվարություններից և մարտահրավերներից: Նրանք մահկանացուներ էին, որոնք սովորեցին հնազանդվել Տիրոջը, նույնիսկ ծանր պայմաններում։ …

Անդրադառնալով իմ սեփական փորձառություններին՝ ես հասկանում եմ, որ լավագույն դասերից մի քանիսը սովորել եմ կյանքիս ամենադժվար ժամանակներում, այն պահերին, որոնք ինձ դուրս են բերել իմ հարմարավետության գոտուց: Այն դժվարությունները, որոնց ես հանդիպել եմ երիտասարդ տարիքում, երբ, լինելով նորադարձ, սեմինարիայում սովորում էի Եկեղեցու մասին, երբ լիաժամկետ միսիոներ էի, ինչպես նաև այն դժվարությունները, որոնք պատահել են կրթություն ստանալու, կոչումներս մեծարելու և ընտանիք կազմելու ժամանակներում՝ ինձ պատրաստել են ապագայի համար։ Որքան ավելի քաջաբար եմ մոտենում դժվար հանգամանքներին, Տիրոջ հանդեպ հավատքով, այնքան ավելի շատ եմ աճում իմ աշակերտության մեջ:

Կյանքի դժվարությունները չպետք է անակնկալ լինեն մեզ համար, երբ մենք կանգնում ենք նեղ ու անձուկ արահետի վրա։ Հիսուս Քրիստոսը «չարչարանքներից հնազանդություն սովորեց»։ Հետևելով Նրան, հատկապես մեր դժվար ժամանակներում, մենք կարող ենք աճել և ավելի նմանվել Նրան: («Ամեն դժվարություն կարող ենք հաղթահարել Նրա միջոցով», Լիահոնա, նոյ. 2022, 116)

Փրկիչն ինչպե՞ս կարող է օգնել մեզ դիմանալ մեր տառապանքներին։

Յոթանասունից երեց Ջոն Ա. Մակքյուն ասել է.

9:10

Որպես Քրիստոսի հետևորդներ, մեր կյանքում մենք զերծ չենք մարտահրավերներից և փորձություններից: Մեզանից հաճախ պահանջվում է դժվար գործեր կատարել, որ եթե մենակ փորձեինք, դժվար կլիներ, և գուցե՝ անհնարին: Երբ մենք ընդունենք Փրկիչի «եկ ինձ մոտ» հրավերը, Նա կապահովի աջակցություն, մխիթարություն և խաղաղություն, որոնք անհրաժեշտ են: … Նույնիսկ մեր ամենածանր փորձությունների մեջ մենք կարող ենք զգալ Նրա ջերմ սիրո գրկախառնումը, երբ վստահում ենք Նրան և ընդունում Նրա կամքը: Մենք կարող ենք զգալ ուրախություն, որը պահված է Նրա հավատարիմ աշակերտների համար, «քանզի Քրիստոսն է ուրախությունը» [Ռասսել Մ. Նելսոն, «Ուրախություն և հոգևոր գոյատևում», Լիահոնա, նոյ. 2016, 82]: («Եկեք դեպի Քրիստոս` ապրելով որպես վերջին օրերի սրբեր», Լիահոնա, մայիս 2020, 36)

Լրացուցիչ ուսումնական վարժություններ

Տխրություն և ցավ

Ուսանողների համար օգտակար կլինեն քննարկումները տխրությանը և ցավին դիմակայելու վերաբերյալ: Առաջարկեք նրանց կարդալ Հոբ 3․23–25 հատվածները՝ փնտրելով, թե ինչ էր զգում Հոբը իր ընտանիքը, ունեցվածքն ու առողջությունը կորցնելուց հետո: Հետևյալ հարցերը կօգնեն ուսանողներին գնահատել Հոբի արտահայտությունները.

Ինչպե՞ս կբնութագրեք Հոբի զգացմունքներն իր փորձությունների վերաբերյալ։
Ո՞րն է տարբերությունը վիշտ զգալու և հուսալքություն զգալու միջև:
Ինչպե՞ս կարող ենք հրավիրել Երկնային Հորը և Հիսուս Քրիստոսին, որ օգնեն մեզ հաղթահարել այդ զգացմունքները:

Մխիթարեք նրանց, ովքեր մխիթարության կարիք ունեն

Ուսանողներին օգտակար կլինի մտածել Հոբի ընկերների մասին, որոնք մխիթարում էին նրան։ Թեև նրա ընկերներն ի վերջո մեղադրեցին Հոբին մեղք գործելու մեջ, նրանք սկզբում եկան սգալու Հոբի հետ և մխիթարելու նրան: Ուսանողները կարող են կարդալ Հոբ 2․11–13 հատվածները՝ փնտրելով, թե ինչն է առավել տպավորիչ իրենց համար Հոբի ընկերների մեջ։ Ուսանողները կարող են խաչաձև հղումով կապել այս հատվածները Մոսիա 18․8–10 հատվածների հետ՝ փնտրելով Մորմոնի Գրքում տրված համապատասխան խորհուրդը:

Ե՞րբ եք օրհնվել ձեզ մխիթարելու կամ ձեզ հետ սգալու որևէ մեկի ջանքերից:

Ուսանողներին առաջարկեք հիշել մեկին, ով կարող է իրենց ուշադրության կարիքն ունենալ: Խնդրեք նրանց գրել այդ մարդու անունը: Այնուհետև ուսանողները կարող են գրել որևէ բան, որ կարող են անել՝ այդ մարդուն օգնելու կամ մխիթարելու համար:

Դասեր, որոնք Հոբը քաղեց իր տառապանքից

Օգնեք ուսանողներին հասկանալ, որ Հոբի տառապանքների ժամանակ նրա ընկերներն ի վերջո եզրակացրին, որ Աստված պատժում է Հոբին մեղքի համար: Երբ Հոբը տառապում էր այս մեղադրանքի և իր մտքերի պատճառով, նա արտահայտեց այն, ինչ իմացել էր Աստծո մասին:

Կարդացեք Հոբ 12․9–13, 16, 13․15–16 և նշեք, թե ինչ զգաց և իմացավ Հոբն Աստծո մասին:

Ի՞նչ նշեցիք: Ինչո՞ւ եք դա կարևոր համարում։
Ինչպե՞ս կամփոփեիք Հոբի զգացմունքներն այդ պահին։

Խոչընդոտների հաղթահարումը

Երբ ուսանողները գտնեն սուրբ գրություններ, որոնցում մարդիկ վստահում են Տիրոջը, կարող եք դիտել «Crossing the Finish Line: A Story of Overcoming Obstacles» տեսանյութը (11:53): Առաջարկեք ուսանողներին փնտրել, թե ինչ գիտեր Դալլինը, որն օգնեց նրան վստահել Հիսուս Քրիստոսին իր դժվարությունների ժամանակ:

11:52