Հին Կտակարան. Սեմինարիայի ուսուցչի ձեռնարկ

Բովանդակություն
Տիտղոսաթերթ
Ուսուցչի ձեռնարկի նախաբան
Հին Կտակարան․ Դասեր
- Բարի գալուստ Հին Կտակարան
- Մովսես 1, Աբրահամ 3
- Ծննդոց 1–2, Մովսես 2–3, Աբրահամ 4–5
- Ծննդոց 3–4, Մովսես 4–5
- Ծնունդ 5, Մովսես 6
- Մովսես 7
- Ծնունդ 6–11, Մովսես 8
- Ծնունդ 12–17, Աբրահամ 1–2
- Ծնունդ 18–23
- Ծնունդ 24–33
- Ծնունդ 37–41
- Ծնունդ 42–50
- Ելք 1–6
- Զատիկ
- Ելք 7–13
- Ելք 14–18
- Ելք 19–20, 24, 31–34
- Ելք 35–40, Ղևտական 1, 4, 16, 19
- Թվեր 11–14, 20–24, 27
- Բ Օրենք 6–8, 15, 18, 29–30, 34
- Հեսու 1–8, 23–24
- Դատավորներ 2–4, 6–8, 13–16
- Հռութ, Ա Թագավորների 1–7
- Ա Թագավորների 8–10, 13, 15–16
- Ա Թագավորների 17–18, 24–26, Բ Թագավորների 5–7
- Բ Թագավորների 11–12, Գ Թագավորների 3, 6–9, 11
- Գ Թագավորների 12–13, 17–22
- Դ Թագավորների 2–7
- Դ Թագավորների 16–25
- Բ Մնացորդաց 14–20, 26, 30
- Եզրաս 1, 3–7, Նեեմիա 2, 4–6, 8
- Եսթեր
- Հոբ 1–3, 12–14, 19, 21–24, 38–40, 42
- Սաղմոսներ 1–2, 8, 19–33, 40, 46
- Սաղմոսներ 49–51, 61–66, 69–72, 77–78, 85–86
- Սաղմոսներ 102–103, 110, 116–119, 127–128, 135–139, 146–150
- Առակներ 1–4, 15–16, 22, 31, Ժողովող 1–3, 11–12
- Եսայի 1–12
- Եսայի 13–14, 22, 24–30, 35
- Եսայի 40–49
- Եսայի 50–57
- Եսայի 58–66
- Երեմիա 1–3, 7, 16–18, 20
- Երեմիա 31–33, 36–38, Երեմիայի ողբերը 1, 3
- Եզեկիել 1–3, 33–34, 36–37, 47
- Դանիել 1–7
- Ովսեե, Հովել
- Ամովս, Աբդիա, Հովնան
- Միքիա, Նաում, Ամբակում, Սոփոնիա
- Անգե 1–2, Զաքարիա 1–4, 7–14
- Մաղաքիա
Կյանքին նախապատրաստվելու դասեր
- Վարդապետության սերտում. ինչպես գտնեմ իմ հարցերի պատասխանները
- Սուրբ գրությունների ուսումնասիրության հմտություններ
- Երիտասարդներին զորացնելու համար․ ուղեցույց
- Զարգացրեք ինքնապահովում
- Ֆիզիկական և էմոցիոնալ առողջություն
- Պատրաստվել ապագա կրթությանը և աշխատանքին
- Հաջողության հասնել դպրոցում
- Միսիոներական նախապատրաստություն
- Տաճարային նախապատրաստություն
- Եկեղեցու ղեկավարների ուսմունքները
Հավելված

Հոբ 14, 19․ «Ես գիտեմ, որ Փրկիչս ողջ է»

«Հոբ 14, 19․ «Ես գիտեմ, որ Փրկիչս ողջ է»», Հին Կտակարան․ Սեմինարիայի ուսուցչի ձեռնարկ (2026)

«Հոբ 14, 19․ «Ես գիտեմ, որ Փրկիչս ողջ է»», Հին Կտակարան․ Սեմինարիայի ուսուցչի ձեռնարկ

Հոբ 1–3, 12–14, 19, 21–24, 38–40, 42․ Դաս 98

Հոբ 14, 19

«Ես գիտեմ, որ Փրկիչս ողջ է»

The resurrected Jesus Christ (dressed in white robes) standing at the entrance to the Garden Tomb. Christ is portrayed looking toward the heavens.

Դժվար է հույս գտնել դժվար ժամանակներում, այդ թվում՝ սիրելի մարդկանց մահից հետո: Երկնային Հայրն ուղարկեց Իր Որդուն՝ կատարելու քավություն, որն ավարտվեց Փրկչի հարությամբ գերեզմանից: Հիսուս Քրիստոսի հարության շնորհիվ մենք կարող ենք հույս ունենալ: Այս դասը կօգնի ուսանողներին հասկանալ այն հույսը, որը գալիս է Հիսուս Քրիստոսի հարության միջոցով։

Ուսանողի նախապատրաստում․ առաջարկեք ուսանողներին լսել կամ կարդալ «Գիտեմ, ապրում է Փրկիչն իմ» օրհներգի բառերը: Նրանք կարող են օրհներգից ընտրել իրենց սիրած արտահայտությունը, որը կարող է հույս բերել դժվարությունների միջով անցնող մարդուն:

Հնարավոր ուսումնական վարժություններ

Պատմության ամենամեծ իրադարձությունը

Ցուցադրեք հետևյալ հարցը և առաջարկեք ուսանողներին քննարկել այն փոքր խմբերում:

Ո՞ր իրադարձությունները մարդիկ կարող են նշել որպես մարդկության պատմության ամենակարևոր իրադարձություններ։ Ինչո՞ւ։

Նախագահ Էզրա Թավտ Բենսոնը (1899–1994) կիսվել է հետևյալով.

Պատմության մեծագույն իրադարձությունները նրանք են, որոնք ազդում են մեծագույն թվով մարդկանց վրա ամենաերկար ժամանակահատվածների ընթացքում: Այս չափանիշով, ոչ մի իրադարձություն չի կարող ավելի կարևոր լինել անհատների կամ ազգերի համար, քան Տիրոջ հարությունը: (Եկեղեցու նախագահների ուսմունքները. Էզրա Թաֆտ Բենսոն [2014], 94)

Մի պահ մտածեք, թե ինչ գիտեք Փրկչի hարության մասին, և ինչու է այն կարևոր ձեզ համար։ Մտածեք նաև, թե ինչու Փրկչի հարությունը կարող է համարվել պատմության ամենակարևոր իրադարձությունը:

Խրախուսեք ուսանողներին հրավիրել Սուրբ Հոգուն, որ օգնի իրենց ավելի լավ հասկանալ Հիսուս Քրիստոսի հարությունը և հույսը, որն այն կարող է բերել:

Հոբի հարցերը

Եթե դուք ուսուցանել եք Դաս 97. «Հոբ 1–3, 12–13»-ը, ուսանողները կարող են կիսվել, թե ինչ են հիշում Հոբի փորձությունների մասին: Կամ նրանք կարող են կարդալ հետևյալ պարբերությունը.

Հոբը արդար մարդ էր, որը ծանր տառապանքներ էր կրում։ Նա կորցրել է իր ողջ ունեցվածքը, իր բոլոր 10 երեխաները զոհվել էին, երբ տունը փլվել էր նրանց վրա, ու նա սարսափելի ֆիզիկական ցավ էր տարել։

Ի՞նչ հարցեր ձեր մեջ կառաջանային, եթե լինեիք Հոբի փոխարեն:

Կարդացեք Հոբ 14.7–14 հատվածները՝ նշելով այն երկու հարցը, որ Հոբն ուներ, երբ հույս էր փնտրում իր տառապանքների մեջ:

Եթե ուսանողներն օգնության կարիք ունենան՝ հասկանալու համար Հոբի հարցը հատված 10-ում, կարող եք բացատրել, որ Հոբը հարցնում է. «Ո՞ւր ենք գնում, երբ մահանում ենք»:

Ե՞րբ եք լսել կամ երբ եք տվել նմանատիպ հարցեր:

Արթուր Փաթնը՝ նախագահ Թոմաս Ս. Մոնսոնի (1927–2018) մանկության ընկերներից մեկը, սպանվել էր Երկրորդ համաշխարհային պատերազմում: Նախագահ Մոնսոնը կիսվել է Արթուրի տուն այցելելու իր փորձառությամբ՝ լուրը լսելուց հետո.

Աղոթող սրտով ես քայլեցի ծանոթ ճանապարհով՝ դեպի Փաթնների տուն, մտածելով, թե մխիթարության ինչ խոսքեր կարող են ասել պատանի շուրթերը:

Դուռը բացվեց և տիկին Փաթնը գրկեց ինձ, ինչպես կգրկեր իր որդուն: …

[Միասին աղոթելուց հետո] տիկին Փաթնը նայեց իմ աչքերին և ասաց. «Թոմի, ես ոչ մի եկեղեցի չեմ գնում, բայց դու գնում ես: Ասա ինձ, մի՞թե Արթուրը կրկին կապրի»: («Տիկին Փաթն՝ պատմությունը շարունակվում է», Լիահոնա, նոյ. 2007, 22)

Պատկերացրեք, որ դուք գտնվում եք նախագահ Մոնսոնի իրավիճակում: Ձեր ուսումնասիրության օրագրում գրեք կարճ պարբերություն՝ տիկին Փաթնի հարցին պատասխանելու համար։

Հիսուս Քրիստոսի հարության մասին սովորելու ընթացքում խրախուսեք ուսանողներին ավելացնել իրենց գրածին։

«Ես գիտեմ, որ Փրկիչս ողջ է»

Կարդացեք Հոբ 19․23–27 հատվածները՝ փնտրելով այն պատասխանը, որը Հոբը տվեց իր հարցերին։

Ի՞նչ գիտեր Հոբը, որ ճշմարիտ է։

Ուսանողները կարող են կիսվել, օրինակ, հետևյալ ճշմարտությամբ․ Հիսուս Քրիստոսի շնորհիվ մենք հարություն կառնենք և նորից կտեսնենք Աստծուն։
Ի՞նչ կարող են մեզ սովորեցնել հատվածներ 23–24-ն այն մասին, թե Հոբն ինչպես էր վերաբերվում այս ճշմարտությանը։
Հիսուս Քրիստոսի մասին այս գիտելիքը ինչպիսի՞ ազդեցություն կարող էր ունենալ Հոբի վրա, երբ նա դիմանում էր իր փորձություններին:
Ինչպե՞ս կարող է այդ գիտելիքը օգնել մեզ:

Ուսանողները կարող են ինքնուրույն կարդալ հետևյալ խոսքերը, ապա կիսվել, թե դրանցում ինչն էր առավել տպավորիչ։

Առաջին նախագահության նախագահ Դալլին Հ. Օուքսը կիսվել է որոշ եղանակներով, թե ինչպես Հիսուս Քրիստոսի հարության մասին մեր գիտելիքները կարող են մեզ հույս բերել.

Մեռելներից հարությունը մեր հավատի հուսադրող անհատական սյունն է։ Այն իմաստավորում է մեր վարդապետությունը, շարժառիթ տալիս մեր վարքին և հույս՝ մեր ապագայի համար։ …

Հարությունը մեզ հեռանկար և ուժ է տալիս դիմակայելու մեր և մեր հարազատների դեմ ծառացած մահկանացու մարտահրավերներին։ Այն օգնում է մեզ այլ կերպ նայել ֆիզիկական, մտավոր կամ հուզական տկարություններին, որ մեզ հետ են ի ծնե կամ ձեռք ենք բերում մահկանացու կյանքի ընթացքում։ Այն մեզ ուժ է տալիս դիմանալու վշտին, անհաջողությանը և հիասթափությանը։ Քանի որ մեզանից յուրաքանչյուրին երաշխավորված է հարություն, մենք գիտենք, որ այդ մահկանացու տկարությունները և հակադրությունները միայն ժամանակավոր են։ («Մեր Փրկիչն ի՞նչ է արել մեզ համար», Լիահոնա, մայիս 2021, 75)

Ե՞րբ եք տեսել, որ որևէ մեկը հույս ձեռք բերի՝ Հիսուս Քրիստոսի և Նրա հարության հանդեպ ունեցած հավատքի շնորհիվ:

Հասկանալ Հարությունը

Նախքան հետևյալ հրահանգները ցուցադրելը, կարող եք քննարկել, թե մենք ինչպես կարող ենք զորացնել մեր ասած կամ գրած խոսքերը՝ դրանք կապելով Փրկչի և Նրա մարգարեների խոսքերի հետ: Դա անելու եղանակներից մեկը սուրբ գրություններից արտահայտություններ մեջբերելն է:

Կատարեք հետևյալ վարժությունը այն պարբերության հետ, որը գրել էիք՝ ի պատասխան տիկին Փաթնի հարցի․

Ավելացրեք մեկ-երկու նախադասություն՝ օգտագործելով այն, ինչ այսօր զգացիք կամ սովորեցիք Հիսուս Քրիստոսի և այն մասին, թե ինչպես կարող ենք հույս ձեռք բերել Նրա Հարության շնորհիվ: Ներառեք արտահայտություն Հոբ 19.25–27 հատվածներից։
Ավելացրեք մեկ կամ երկու լրացուցիչ նախադասություն՝ օգտագործելով բառեր կամ արտահայտություններ այլ սուրբ գրություններից կամ Եկեղեցու ղեկավարների ելույթներից: Դա անելու համար կարող եք «Հարություն» հարցումով որոնում կատարել Ավետարանի գրադարանում, Սուրբ գրքերի ուղեցույցում կամ Թեմաներ և հարցեր բաժնում։ Կարող եք նաև վերանայել 48, 55–56 և 58 հատվածները Քարոզիր Իմ ավետարանը. Հիսուս Քրիստոսի ավետարանով կիսվելու ուղեցույցում (2023)։

Լրացուցիչ նյութեր

Ի՞նչ է մեզ ուսուցանում Հիսուս Քրիստոսի հարությունը:

Տասներկու Առաքյալների Քվորումից երեց Դ. Թոդ Քրիստոֆերսոնն ուսուցանել է.

13:20

Հիսուս Քրիստոսի Հարությունը վկայում է Նրա աստվածայնության մասին, և որ Նա հաղթահարել է բոլոր բաները: Նրա Հարությունը վկայում է, որ Նրա հետ կապված լինելով ուխտով, մենք ևս կարող ենք հաղթահարել բոլոր բաները և դառնալ մեկ: Նրա Հարությունը վկայում է, որ Նրա միջոցով անմահությունը և հավերժական կյանքը իրականություն են: («Մեկ լինենք Քրիստոսում», Լիահոնա, մայիս 2023, 79–80)

Ինչպե՞ս են տաճարներն ապացուցում հարության հանդեպ մեր հավատքը:

Առաջին նախագահությունից նախագահ Դալլին Հ. Օուքսը բացատրել է.

18:29

Մեր տաճարները հարության իրական լինելու վերաբերյալ մեր հավատքի կենդանի, գործող վկայություններ են։ Նրանք ստեղծում են սուրբ միջավայր, որտեղ փոխարինողները կարող են կատարել մահկանացու կյանքի բոլոր անհրաժեշտ արարողությունները նրանց անունից, ովքեր ապրում են հոգիների աշխարհում: Սրանից ոչինչ իմաստալից չէր լինի, եթե մենք չունենայինք համընդհանուր անմահության հավաստիացում և հավերժական կյանքի հնարավորություն մեր Տեր և Փրկիչ՝ Հիսուս Քրիստոսի հարության շնորհիվ: (“Resurrection,” Ensign, մայիս 2000, 16)

Ինչպե՞ս կարող է հարությունը հույս տալ հիվանդություններ և հաշմանդամություն ունեցող մարդկանց:

Տասներկու Առաքյալների Քվորումից նախագահ Ջեֆրի Ռ. Հոլլանդը վկայել է.

14:12

Ես վկայում եմ սուրբ Հարության մասին, Տեր Հիսուս Քրիստոսի Քավության անկյունաքարի այդ անասելի պարգևի մասին: … Ես վկայում եմ, որ մեր սիրելիները, ովքեր ունեն թերություններ մահկանացու կյանքում, կկանգնեն մեր առջև փառավորված և մեծ, զարմանալիորեն կատարյալ մարմնով և մտքով: Ինչպիսի ցնցող պահ դա կլինի: Ես չգիտեմ, թե արդյոք մենք կլինենք երջանիկ այն բանի համար, որ մենք ականատես եղանք այդպիսի հրաշքի, թե երջանիկ կլինենք նրանց համար, որ նրանք ամբողջությամբ կատարյալ են և, ի վերջո, «վերջապես ազատ են»: («Ինչպես կոտրված անոթը», Լիահոնա, նոյ. 2013, 42)

Լրացուցիչ ուսումնական վարժություններ

Հոբ 14.10։ «Ո՞րտեղ է նա»:

Ուսանողները կարող են հարցեր ունենալ այն մասին, թե ինչ է տեղի ունենում մահվան և հարության միջև: Oգնելու համար նրանց սովորել՝ կարող եք գրատախտակին գրել հետևյալ հարցերը և սուրբ գրությունների հղումները: Կարող եք ուսանողներին խմբերի բաժանել՝ յուրաքանչյուր խմբի հանձնարարելով ուսումնասիրելու մեկ հարց: Այնուհետև խմբերը կարող են դասարանի հետ կիսվել իրենց սովորածով:

Ի՞նչ է տեղի ունենում մեզ հետ, երբ մահանում ենք: (Ղուկաս 23․43, Ալմա 40․11)
Ինչպիսի՞ն են մեր հոգիները: (Ալմա 34․34, Եթեր 3․16)
Ինչպիսի՞ն է հոգիների աշխարհը։ (Ա Պետրոս 3․18–20, Ալմա 40․12, Վարդապետություն և Ուխտեր 138․50)

Եթե ուսանողները լրացուցիչ հարցեր ունենան հոգևոր աշխարհի վերաբերյալ, կարող են դիտել նախագահ Դալլին Հ. Օուքսի «Տիրոջն ապավինիր» ելույթից հատվածներ:

Որպես այլընտրանք՝ կարող եք ցուցադրել «Ի՞նչ է տեղի ունենում մեզ հետ, երբ մահանում ենք» (1:40)։ Առաջարկեք ուսանողներին կիսվել իրենց սովորածով, որը պատասխանում է Հոբի հարցին:

1:42

Կենդանի ջուր

Մեր հարության մեջ Հիսուս Քրիստոսի կենտրոնական դերը տեսնելու համար ուսանողները կարող են կարդալ Հոբ 14.1–2, 7–10 հատվածները՝ փնտրելով, թե ինչպես է Հոբը մարդկանց համեմատում բույսերի հետ:

Հոբն ուսուցանում է, որ ջուրը կենդանացնում է բույսերը (հատված 9)։ Բացատրեք, որ Հիսուս Քրիստոսի անուններից մեկը Կենդանի ջուր է (տես Հովհաննես 4)։ Այնուհետև ուսանողները կարող են կարդալ Հովհաննես 11.25 հատվածը և այն կապել կամ խաչաձև հղում կատարել Հոբի հարցին Հոբ 14․14 հատվածում:

«Գերեզմանը հաղթանակ չունի»

Որպեսզի օգնեք ուսանողներին պատասխանել Հոբի հարցերին Հոբ 14.10, 14 հատվածներում, կարող եք ցուցադրել «The Grave Has No Victory» տեսանյութը՝ 4։21-ից 4։49-ը։ Ուսանողները կարող են քննարկել, թե ինչպես կարող են պատասխանել քույր Աբուրտոյի հարցերին:

9:19

Այնուհետև դուք կարող եք դիտել, թե ինչպես հարության վարդապետությունը հույս բերեց քույր Աբուրտոյին և պատասխանեց նրա հարցերին: Դիտեք տեսանյութի 4:49-6:51 հատվածը։

9:19

Որպես այլընտրանք, կարող եք ցուցադրել «Reyna Aburto’s Story—Part 1: Heartbreak and Hope» տեսանյութը (9:12): Կարող եք դադարեցնել տեսանյութը 5:38 րոպեին՝ քննարկելու նրա հարցերը: Այնուհետև կարող եք դիտել տեսանյութի մնացած մասը՝ տեսնելու, թե ինչպես հարությունը հույս բերեց քույր Աբուրտոյին:

9:12

Քանի որ Հիսուս Քրիստոսն ապրում է, մենք բոլորս նորից կապրենք

Դասի ավարտին կարող եք դիտել «He Lives Again and So Will You» տեսանյութը (2:28)։ Դիտելիս ուսանողները կարող են խորհել, թե ինչ սովորեցին Հիսուս Քրիստոսի հարության մասին: Այնուհետև նրանք կարող են կիսվել լրացուցիչ գաղափարներով, որ սովորեցին տեսանյութից:

2:27