Manuali i Mësuesit të Seminarit për Dhiatën e Vjetër

Përmbajtja
Faqja e Titullit
Hyrje te Manuali i Mësuesit
Mësime nga Dhiata e Vjetër
- Mirë se Vini në Dhiatën e Vjetër
- Moisiu 1; Abraham 3
- Zanafilla 1–2; Moisiu 2–3; Abraham 4–5
- Zanafilla 3–4; Moisiu 4–5
- Zanafilla 5; Moisiu 6
- Moisiu 7
- Zanafilla 6–11; Moisiu 8
- Zanafilla 12–17; Abraham 1–2
- Zanafilla 18–23
- Zanafilla 24–33
- Zanafilla 37–41
- Zanafilla 42–50
- Eksodi 1–6
- Pashka
- Eksodi 7–13
- Eksodi 14–18
- Eksodi 19–20; 24; 31–34
- Eksodi 35–40; Levitiku 1; 4; 16; 19
- Numrat 11–14; 20–24; 27
- Ligji i Përtërirë 6–8; 15; 18; 29–30; 34
- Jozueut 1–8; 23–24
- Gjyqtarët 2–4; 6–8; 13–16
- Ruthit; 1 Samuelit 1–7
- 1 Samuelit 8–10; 13; 15–16
- 1 Samuelit 17–18; 24–26; 2 Samuelit 5–7
- 2 Samuelit 11–12; 1 Mbretërve 3; 6–9; 11
- 1 Mbretërve 12–13; 17–22
- 2 Mbretërve 2–7
- 2 Mbretërve 16–25
- 2 Kronikave 14–20, 26, 30
- Ezdras 1, 3–7; Nehemias 2; 4–6, 8
- Esterit
- Jobit 1–3; 12–14; 19; 21–24; 38–40; 42
- Psalmeve 1–2; 8; 19–33; 40; 46
- Psalmeve 49–51; 61–66; 69–72; 77–78; 85–86
- Psalmeve 102–103; 110; 116–119; 127–128; 135–139; 146–150
- Fjalët e Urta 1–4; 15–16; 22; 31; Predikuesit 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3, 7, 16–18, 20
- Jeremia 31–33; 36–38; Vajtimeve 1, 3
- Ezekiel 1–3; 33–34; 36–37; 47
- Daniel 1–7
- Osea; Joel
- Amos; Abdia; Jona
- Mikea; Nahum; Habakuk; Sofonia
- Hagai 1–2; Zakaria 1–4, 7–14
- Malakia
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Udhëzuesi Për Forcën e Rinisë
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

Jobit 21–24; 38–40; 42: Të Parit e Sprovave me Një Këndvështrim të Përjetshëm

“Jobit 21–24; 38–40; 42: Të Parit e Sprovave me Një Këndvështrim të Përjetshëm”, Manuali i Mësuesit të Seminarit për Dhiatën e Vjetër (2026)

“Jobit 21–24; 38–40; 42: Të Parit e Sprovave me Një Këndvështrim të Përjetshëm”, Manuali i Mësuesit të Seminarit për Dhiatën e Vjetër

Jobit 1–3; 12–14; 19; 21–24; 38–40; 42: Mësimi 99

Jobit 21–24; 38–40; 42

Të Parit e Sprovave me Një Këndvështrim të Përjetshëm

Job and His Friends by Ilya Repin. Job's wife grieves behind him, while his friends, Eliphaz, Bildad, and Zophar, observe his impoverished condition.

A e ke pyetur ndonjëherë veten përse Perëndia e lejon vuajtjen? A ka pyetje të tjera që i ke bërë gjatë sprovave të tua? Jobi dhe miqtë e tij u munduan më kot të përcaktonin arsyet për vuajtjen e Jobit. Megjithëse Perëndia nuk dha një arsye, Ai e ndihmoi Jobin t’i shihte sprovat e tij në një mënyrë më të lartë dhe më të shenjtë. Ky mësim mund t’u japë nxënësve një mundësi për t’i ndihmuar të tjerët t’i shohin sprovat e tyre me një këndvështrim të përjetshëm.

Përgatitja e nxënësve: Jepuni nxënësve pyetjen “Përse na lejon Perëndia të përjetojmë sprova?” Ftojini ata t’i gjejnë përgjigjet duke përdorur burimet e caktuara në mënyrë hyjnore, të tilla si shkrimet e shenjta, mësimet nga udhëheqësit e Kishës ose prindërit e tyre. Ata gjithashtu mund t’i pyesin pjesëtarët e familjes ose shokët se si do t’i përgjigjeshin pyetjes.

Veprimtari të Mundshme të të Mësuarit

Përse ndodhin gjërat e këqija?

Merreni parasysh ta filloni orën mësimore duke i shkruar pyetjet vijuese në tabelë. Ftojeni klasën të formulojë dy pyetje të tjera që njerëzit mund t’i bëjnë ndërkohë që përpiqen t’i kuptojnë sprovat e tyre. Shtojini këto dy pyetje në tabelë dhe numërtojini ato 5 dhe 6. Këto pyetje do të përmenden gjatë gjithë mësimit.

“Duhet të jem duke e bërë çdo gjë gabim. Përndryshe, pse është jeta kaq e vështirë për mua?”
“Nëse po ndjek ungjillin, përse nuk jam në gjendje t’i shmang sprovat dhe vuajtjen?”
“Mendoja se Perëndia më donte. Përse po e bën Ai jetën time kaq të vështirë?”
“Nëse Perëndia është i vërtetë, përse nuk e ndalon Ai vuajtjen e njerëzve?”

Mund të ndihmojë të pranoni se disa nxënës mund të kenë bërë pyetje të ngjashme gjatë sprovave. Inkurajojini nxënësit të jenë mirëdashës dhe respektues ndërsa diskutojnë pyetjen vijuese.

Cilat janë disa supozime që njerëzit mund t’i bëjnë kur bëjnë pyetje të tilla si këto?

Pas diskutimit, mund t’i ftoni nxënësit të përsiatin pyetjen vijuese. Ata mund t’i shkruajnë përgjigjet e tyre në ditarët e studimit.
A mendon se mund ta ndihmosh dikë të drejtohet te Zoti dhe t’i gjejë përgjigjet për këto lloje pyetjesh? Përse po ose përse jo?

Studimi i burimeve të caktuara në mënyrë hyjnore mund ta ftojë Frymën e Shenjtë në të mësuarit tonë. Kushtoju vëmendje ideve që Ai mund të të japë mësim ndërsa i lexon shkrimet e shenjta dhe thëniet në këtë mësim. Merre parasysh se si këto ide mund t’i ndihmojnë të tjerët t’u përgjigjen pyetjeve rreth sprovave të tyre. Bërja e kësaj mund të të ndihmojë të fitosh kuptueshmëri më të madhe për sprovat e tua.

Jobi dhe miqtë e tij

Merreni parasysh të paraqitni një figurë të Jobit, të tillë si ajo në fillim të këtij mësimi. Ftojini nxënësit ta diskutojnë shkurtimisht me një partner atë që mbajnë mend rreth historisë së Jobit. Mund të tregoni më pas sa vijon:

Gjatë sprovave të tij, Jobit i shkuan për vizitë tre miq. Jobi dhe miqtë e tij u munduan të përcaktonin arsyet për vuajtjen e tij. Këndvështrimi i tyre i kufizuar çoi në supozime të pasakta.

Duke përdorur vargjet më poshtë, merreni parasysh ta ftoni anën e majtë të klasës të studiojë atë që besonte Jobi rreth vuajtjes së tij dhe anën e djathtë të klasës të studiojë atë që besonte shoku i Jobit, Elifazi. Ose mund t’i përmblidhni këto vargje dhe të kaloni te kreu “Një këndvështrim i përjetshëm”. Përmbledhja do t’u mundësonte më shumë kohë nxënësve për të studiuar përfundimin e historisë së Jobit dhe diskutuar fletushkën.

Lexo te Jobit 19:6–11, duke kërkuar atë që supozoi Jobi rreth Perëndisë.
Lexo te Jobit 22:5–10, duke kërkuar atë që supozoi Elifazi rreth Jobit.

Çfarë supozimesh të pasakta pati secili person?

Nëse nxënësve u nevojitet ndihmë për ta kuptuar atë që lexojnë, mund të shpjegoni se Jobi ndjeu se Perëndia kishte shkaktuar sprovat e tij dhe e kishte braktisur atë. Elifazi e akuzoi në mënyrë të rreme Jobin për keqtrajtim të të tjerëve. Ai besonte se vuajtja e Jobit ishte rezultati i ligësisë.

Një këndvështrim i përjetshëm

Perëndia i foli Jobit ndërsa ai vazhdonte me mund për të kapërcyer sprovat e tij. Perëndia i bëri Jobit shumë pyetje rreth krijimit të botës, të cilave Jobi nuk mundi t’u përgjigjej (shih te Jobit 38–41).

Lexo te Jobit 38:4–7, duke kërkuar shembuj të pyetjeve që i bëri Perëndia Jobit.

Plaku Dejll G. Renland, i Kuorumit të Dymbëdhjetë Apostujve, shpjegoi përgjigjen e Perëndisë ndaj paaftësisë së Jobit për t’iu përgjigjur Atij:

“Ishte sikur Perëndia t’i kishte thënë me durim dhe me përzemërsi Jobit: ‘Nëse nuk mund t’i përgjigjesh as edhe njërës prej pyetjeve të mia për tokën që kam krijuar, a është e mundur të ekzistojnë ligje të përjetshme që ti nuk i kupton? A ka supozime që ke bërë që janë të pavlefshme? A i kupton shtysat e mia dhe mënyrën se si funksionon plani im i shpëtimit dhe i ekzaltimit? Dhe a mund ta parashikosh fatin tënd të ardhshëm?’

Perëndia në urtësinë e Tij e di se një pjesë jetike e përvojës sonë në vdekshmëri është të mos dimë gjithçka. Ka diçka rreth mirëbesimit tek Ai që na lejon të përparojmë për t’u bërë si Ai.” (“Trust God and Let Him Prevail”, Liahona, gusht 2022, f. 5)

Çfarë të ndihmon kjo thënie të kuptosh rreth Perëndisë dhe sprovave?

Ndërsa nxënësit përgjigjen, merreni parasysh të vini në dukje se Perëndia nuk dha një arsye për vuajtjen e Jobit.

Lexo te Jobit 42:1–6, duke kërkuar përgjigjen e Jobit ndaj Zotit.

Çfarë të bie në sy nga përgjigjja e Jobit?
Çfarë ke mësuar nga historia e Jobit që mund të na ndihmojë t’i kuptojmë më mirë sprovat tona?

Nxënësit mund të përcaktojnë shumë të vërteta, duke përfshirë Perëndia mund të na ndihmojë t’i shohim sprovat tona me një këndvështrim të përjetshëm.

Jobi e pranoi kuptueshmërinë e tij të kufizuar krahasuar me njohurinë e Perëndisë dhe Jobi e ndryshoi mënyrën se si i shihte sprovat e tij. Ai arriti të kuptonte se vuajtja e tij nuk ishte një rezultat i mëkatit ose ndëshkimit hyjnor. Perëndia e bekoi shumë Jobin në fund të jetës së tij (shih te Jobit 42:12–13).

Kuptueshmëria e sprovave

Ne mund të mos i kuptojmë gjithmonë arsyet prapa sfidave tona. Megjithatë, Zoti ka siguruar burime hyjnore që mund të na ndihmojnë t’i shohim sprovat tona me një këndvështrim të përjetshëm.

Pasi nxënësit ta përfundojnë fletushkën, merreni parasysh t’i ftoni ata t’i rilexojnë të gjashta pyetjet rreth sprovave që u shkruan në tabelë në fillim të orës mësimore. Më pas mund të drejtoni një diskutim në klasë me pyetje si vijueset:

Çfarë mësove që mund ta ndihmojë dikë me këto pyetje t’i shohë sprovat e tij me një këndvështrim të përjetshëm?
Në ç’mënyrë i ke parë mësimet që studiove të jenë të vërteta në sprovat e tua?
Çfarë po mëson rreth Atit Qiellor dhe Jezu Krishtit ndërsa dëgjon atë që po tregojnë të tjerët?

Përfundimi

Lejojini nxënësit të interpretojnë me role ndihmesën ndaj të tjerëve për t’i parë sprovat e tyre me një këndvështrim të përjetshëm. Mund ta bëni këtë duke i vendosur nxënësit në dyshe. Sigurojini çdo dysheje një zar me gjashtë faqe. Paraqitini udhëzimet e mëposhtme. Mund t’i ndryshoni udhëzimet nëse nuk ka zare në dispozicion.

Referoju gjashtë pyetjeve rreth sprovave të shkruara në tabelë ndërsa ti dhe partneri yt plotësoni veprimtarinë vijuese:

Zgjidh një person për të hedhur zarin.
Nëse e hodhe zarin, bëji partnerit pyetjen në tabelë që përkon me numrin që të ra. (Për shembull, nëse të ra numri një ti do të bëje pyetjen: “Duhet të jem duke e bërë çdo gjë gabim. Përndryshe, pse është jeta kaq e vështirë për mua?”)
Nëse nuk e hodhe zarin, përgjigjju pyetjes që bëri partneri yt. Përdori idetë që more nga ora mësimore për ta ndihmuar partnerin tënd t’i shohë sprovat e tij me një këndvështrim të përjetshëm. Përfshi mendime ose ndjenja që ke rreth Atit Qiellor ose Jezu Krishtit.
Ndërro përgjegjësitë dhe përsërite veprimtarinë edhe një herë. Nëse del i njëjti numër, hidhe zarin përsëri.

Merreni parasysh ta përfundoni duke shtuar dëshminë tuaj për gjërat që mund të kenë treguar nxënësit sot.

Burime Shtesë

Përse Perëndia lejon që të na ndodhin gjëra të këqija?

Presidenti Henri B. Ajring, i Presidencës së Parë, shpjegoi:

18:56

“Pasi Jobi u pendua dhe kështu u bë më i shenjtë, Zoti e bekoi atë përtej gjithçkaje që kishte humbur. Por ndoshta bekimi më i madh për Jobin ishte që qe rritur në shenjtëri nëpërmjet fatkeqësive dhe pendimit. Ai ishte kualifikuar që të kishte lumturi më të madhe gjatë ditëve që kishte ende për të jetuar.

Shenjtëria më e madhe nuk do të vijë thjesht duke e kërkuar atë. Ajo do të vijë duke bërë atë çka është e nevojshme që Perëndia të na ndryshojë.” (“Shenjtëria dhe Plani i Lumturisë”, Liahona, nëntor 2019, f. 102–103)

Presidenti Dallin H. Ouks, i Presidencës së Parë, tregoi:

12:10

“Mundimet dhe sfidat janë përvoja të zakonshme të vdekshmërisë. Kundërshtimi është pjesë thelbësore e planit hyjnor që të na ndihmojë të rritemi [shih te 2 Nefi 2:11], dhe në mes të atij procesi, ne kemi sigurinë e Perëndisë se në këndvështrimin afatgjatë të përjetësisë, nuk do të lejohet që kundërshtimi të na mposhtë. Me ndihmën e Tij, me besnikërinë dhe durimin tonë, ne do të triumfojmë. Ashtu si jeta në vdekshmëri, në të cilën janë pjesë edhe ato, të gjitha mundimet janë të përkohshme.” (“Merrni Zemër”, Liahona, nëntor 2020, f. 70)

Veprimtari Plotësuese të të Mësuarit

Doktrina e Besëlidhje 122:7. “Këto gjëra do të të japin përvojë”

Nëse nxënësit tregojnë idetë që fituan nga Doktrina e Besëlidhje 122:7, mund t’i ftoni ata ta lidhin frazën këto gjëra me thënien vijuese.

Plaku Kuentin L. Kuk, i Kuorumit të Dymbëdhjetë Apostujve, dha mësim:

“Përjetimi i këtyre gjërave vetë mund të na dhurojë mirëkuptim të ngjashëm me të Krishtit për ata që kanë hidhërime. ‘[Z]emra ime do të jetë gjithmonë e më e butë pas kësaj’, kuptoi Jozefi ndërsa ishte në burg. Ai dëshironte të mund të ishte me shenjtorët për t’i qetësuar dhe ngushëlluar. ‘Nuk do të mund të isha ndier kurrë siç ndihem tani’, shpjegoi ai, ‘nëse nuk do të kisha vuajtur padrejtësitë që kam vuajtur’ [‘Letter to Presendia Huntington Buell, 15 March 1839’, [1], josephsmithpapers.org].” (“Sa i Mëshirshëm Ka Qenë Zoti”, Liahona, tetor 2018, f. 63)

Çfarë ju bën përshtypje nga kjo thënie?
Si ju kanë përgatitur sprovat për të treguar dashamirësi si të Krishtit për të tjerët?

Jeta para lindjes

Shpjegoni se për ta ndihmuar Jobin të fitonte një këndvështrim të përjetshëm, Perëndia i bëri Jobit pyetje rreth shumë gjërave përfshirë jetën para lindjes.

Ndërsa nxënësit lexojnë te Jobit 38:4–7, kërkojuni atyre të kërkojnë atë që mund të na mësojnë këto vargje rreth jetës para lindjes.

Përse mendoni se këto pyetje mund të kenë qenë të dobishme për Jobin për t’i marrë parasysh?

Plaku Ronald A. Rasband, i Kuorumit të Dymbëdhjetë Apostujve, dha mësim:

11:28

“Kur përballen me një vuajtje të tillë disa mund të pyesin: ‘Si mundi ta lejonte Perëndia i Plotfuqishëm që të ndodhte kjo?’ Dhe më pas bëjnë atë pyetje që duket e pashmangshme: ‘Pse më ndodhi kjo mua?’ Përse duhet të përjetojmë sëmundje dhe ngjarje që i bëjnë të paaftë ose u shkaktojnë vdekje të parakohshme pjesëtarëve të familjes apo u shkaktojnë atyre vite të tëra vuajtjeje? Pse këto dhembje?

Në këto çaste, mund të kthehemi te plani i madh i lumturisë i hartuar nga Ati ynë Qiellor. Ai plan, kur u paraqit në jetën paratokësore, na bëri të gjithëve të lëshonim britma gëzimi [shihni te Jobit 38:7]. E thënë thjesht, kjo jetë është një përgatitje për ekzaltimin e përjetshëm dhe ky proces nënkupton prova dhe sfida. Gjithmonë ka qenë kështu dhe askush nuk përjashtohet.” (“Mësime të Veçanta”, Liahona, maj 2012, f. 80)

Kur përballemi me sfida, përse mund të na ndihmojë të kujtojmë fakti që u gëzuam për mundësinë që ta përjetonim jetën në tokë?

Dritëshkurtër nga ana shpirtërore

Pasi nxënësit ta diskutojnë fletushkën, merreni parasysh të shihni materialin filmik “Lejojeni Perëndinë të Triumfojë” nga kodi kohor 5:50 deri në 8:25. Ftojini nxënësit të kërkojnë idetë që dha Presidenti Rasëll M. Nelson, rreth të parit të sprovave tona me një këndvështrim të përjetshëm.

18:51

Marrja e njohurisë shpirtërore

Nëse ka kohë në fund të orës mësimore, mund t’i ftoni nxënësit të shqyrtojnë historinë e Jobit, duke kërkuar mënyrat se si i përdori ai parimet e marrjes së njohurisë shpirtërore.

Ndajini nxënësit në tre grupe. Kërkojini secilit grup të lexojë një parim të ndryshëm të materialit Marrja e Njohurisë Shpirtërore te Dokumenti Bazë i Zotërimit Doktrinor (2023). Vërini ata të kërkojnë sa vijon:

Fjalët ose frazat në paragrafët e caktuar për ju që ju kujtojnë Jobin.
Mënyrën se si Jobi i përdori ato parime ndërkohë që përballonte sprovat e tij.