Jobit 1–3; 12–13

Merreni parasysh ta filloni orën mësimore duke shkruar në tabelë “Personi A” dhe “Personi B”. Ftojini nxënësit të krijojnë një skenar për secilin person, një që përshkruan një sprovë afatgjatë dhe një që përshkruan një sprovë afatshkurtër. Nxitjet vijuese mund të ndihmojnë.

Pasi nxënësit t’i kenë krijuar të dy skenarët, ftojini ata të diskutojnë pyetjet vijuese për “Personin A” dhe “Personin B”. Ata mund ta bëjnë këtë në dyshe ose në grupe të vogla.

Pasi nxënësit të kenë pasur kohë për të diskutuar, ndihmojini ata të mendojnë rreth mënyrës se si reagojnë ndaj sprovave të tyre. Sa vijon është një mënyrë se si mund ta bëni këtë.

Mund t’i shkruani përgjigjet e nxënësve në tabelë. Para se ta vazhdoni historinë e Jobit, merreni parasysh të lexoni ose të përmblidhni sa vijon.

Për t’i ndihmuar nxënësit të kuptojnë bisedën e parë, mund t’u kërkoni tre vullnetarëve të lexojnë. Njëri vullnetar mund të lexojë fjalët e tregimtarit, një tjetër fjalët e Zotit dhe i treti fjalët e Satanit. Kërkojuni nxënësve t’i lexojnë fjalët pa i dramatizuar ato në asnjë mënyrë. Merreni parasysh t’i paraqitni pyetjet vijuese rreth të cilave nxënësit të mendojnë ndërsa dëgjojnë.

Lejojini nxënësit t’i japin përgjigjet e tyre. Nëse është e nevojshme, ndihmojini nxënësit të kuptojnë se Satani shpalli që Jobi ishte i drejtë vetëm sepse Zoti e bekonte atë. Për ta vërtetuar këtë shpallje, Satani donte që Jobit t’i hiqeshin bekimet.

Për pjesën tjetër të historisë së Jobit, ju mund të krijoni një tabelë si vijuesja në dërrasë. Mund t’i organizoni më pas nxënësit në dyshe ose në grupe të vogla për të plotësuar tabelën. Kërkojuni grupeve që të diskutojnë pyetjet që vijojnë. Mund të jetë e dobishme të ecni rrotull për t’i ndihmuar dhe inkurajuar nxënësit. (Shënim: Ulcerat janë plagë të dhembshme në lëkurë. Jobi “shqeu” ose grisi rrobat e tij dhe e rruajti kokën si shenja vajtimi.)

Ndër përgjigjet e tjera, nxënësit mund të përcaktojnë diçka si: ne mund të zgjedhim t’i mirëbesojmë Perëndisë gjatë sprovave tona.

Merreni parasysh t’i ftoni nxënësit të gjejnë dhe shenjojnë se ku e shohin këtë të vërtetë te Jobit 13:15.

Mendoni për mënyrat se si mund t’i ndihmoni nxënësit ta rritin mirëbesimin tek Ati Qiellor gjatë sprovave të tyre. Një mënyrë është t’i vini nxënësit të kërkojnë shkrime të shenjta në të cilat njerëzit shpjegojnë arsyet pse mirëbesuan te Perëndia gjatë një sprove. Nxënësit mund të bëjnë veprimtarinë vijuese.

Nëse nxënësve u nevojitet ndihmë për të përcaktuar tregimet në shkrimet e shenjta, mund t’i ftoni ata të kërkojnë fjalën “mirëbesim” te Gospel Library [Biblioteka e Ungjillit]. Ose mund të jepni shembuj të tillë si:

Daniel 2:19–23 – Danieli u përball me urdhrin e mbretit Nebukadnetsar që të gjithë dijetarët në mbretëri (përfshirë Danielin) do të vriteshin nëse askush nuk mund ta interpretonte ëndrrën e tij.

2 Nefi 4:17–23 – Nefi vajtoi për dobësitë e tij dhe u ndje i papërshtatshëm.

Pas një kohe të mjaftueshme, ftojini nxënësit të tregojnë në grupe të vogla ose t’ia tregojnë klasës atë që gjetën. Mund të shfaqni gjithashtu për nxënësit materialin filmik “Mountains to Climb” [“Male për t’i Ngjitur”] (5:05), në dispozicion në ChurchofJesusChrist.org. Vërini ata të kërkojnë atë që tregoi Presidenti Ajring, që mund ta rritë mirëbesimin e tyre tek Ati Qiellor dhe Jezu Krishti gjatë sprovave.

5:10

Mund ta përmbyllni orën mësimore duke i ftuar nxënësit t’i shkruajnë vetes një shënim ose t’i dërgojnë vetes një mesazh me tekst duke iu përgjigjur pyetjes vijuese. Nëse shkruan një shënim, ftojini ata ta palosin atë dhe ta vendosin në xhep ose diku ku do ta shohin më vonë atë ditë. Mund të vini muzikë të qetë instrumentale ndërsa nxënësit shkruajnë.