Manuali i Mësuesit të Seminarit për Dhiatën e Vjetër

Përmbajtja
Faqja e Titullit
Hyrje te Manuali i Mësuesit
Mësime nga Dhiata e Vjetër
- Mirë se Vini në Dhiatën e Vjetër
- Moisiu 1; Abraham 3
- Zanafilla 1–2; Moisiu 2–3; Abraham 4–5
- Zanafilla 3–4; Moisiu 4–5
- Zanafilla 5; Moisiu 6
- Moisiu 7
- Zanafilla 6–11; Moisiu 8
- Zanafilla 12–17; Abraham 1–2
- Zanafilla 18–23
- Zanafilla 24–33
- Zanafilla 37–41
- Zanafilla 42–50
- Eksodi 1–6
- Pashka
- Eksodi 7–13
- Eksodi 14–18
- Eksodi 19–20; 24; 31–34
- Eksodi 35–40; Levitiku 1; 4; 16; 19
- Numrat 11–14; 20–24; 27
- Ligji i Përtërirë 6–8; 15; 18; 29–30; 34
- Jozueut 1–8; 23–24
- Gjyqtarët 2–4; 6–8; 13–16
- Ruthit; 1 Samuelit 1–7
- 1 Samuelit 8–10; 13; 15–16
- 1 Samuelit 17–18; 24–26; 2 Samuelit 5–7
- 2 Samuelit 11–12; 1 Mbretërve 3; 6–9; 11
- 1 Mbretërve 12–13; 17–22
- 2 Mbretërve 2–7
- 2 Mbretërve 16–25
- 2 Kronikave 14–20, 26, 30
- Ezdras 1, 3–7; Nehemias 2; 4–6, 8
- Esterit
- Jobit 1–3; 12–14; 19; 21–24; 38–40; 42
- Psalmeve 1–2; 8; 19–33; 40; 46
- Psalmeve 49–51; 61–66; 69–72; 77–78; 85–86
- Psalmeve 102–103; 110; 116–119; 127–128; 135–139; 146–150
- Fjalët e Urta 1–4; 15–16; 22; 31; Predikuesit 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3, 7, 16–18, 20
- Jeremia 31–33; 36–38; Vajtimeve 1, 3
- Ezekiel 1–3; 33–34; 36–37; 47
- Daniel 1–7
- Osea; Joel
- Amos; Abdia; Jona
- Mikea; Nahum; Habakuk; Sofonia
- Hagai 1–2; Zakaria 1–4, 7–14
- Malakia
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Udhëzuesi Për Forcën e Rinisë
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

Jobit 14; 19: “E Di që Shpëtimtari Im Jeton”

“Jobit 14; 19: ‘E Di që Shpëtimtari Im Jeton’”, Manuali i Mësuesit të Seminarit për Dhiatën e Vjetër (2026)

“Jobit 14; 19: ‘E Di që Shpëtimtari Im Jeton’”, Manuali i Mësuesit të Seminarit për Dhiatën e Vjetër

Jobit 1–3; 12–14; 19; 21–24; 38–40; 42: Mësimi 98

Jobit 14; 19

“E Di që Shpëtimtari Im Jeton”

The resurrected Jesus Christ (dressed in white robes) standing at the entrance to the Garden Tomb. Christ is portrayed looking toward the heavens.

Mund të jetë e vështirë të gjesh shpresë gjatë sfidave, përfshirë vdekjen e njerëzve të dashur. Ati Qiellor e dërgoi Birin e Tij për të kryer Shlyerjen, që përfundoi me Ringjalljen e Shpëtimtarit nga varri. Ne mund të kemi shpresë për shkak të Ringjalljes së Jezu Krishtit. Ky mësim mund t’i ndihmojë nxënësit të kuptojnë shpresën që vjen nëpërmjet Ringjalljes së Jezu Krishtit.

Përgatitja e nxënësve: Ftojini nxënësit të dëgjojnë ose të lexojnë fjalët e himnit “E Di, Jeton Shëlbuesi Im”. Ata mund të përzgjedhin një frazë nga himni që mund t’i sjellë shpresë dikujt që po kalon vështirësi.

Veprimtari të Mundshme të të Mësuarit

Ngjarja më e madhe në histori

Paraqiteni pyetjen vijuese dhe ftojini nxënësit ta diskutojnë atë në grupe të vogla.

Cilat janë disa ngjarje që njerëzit mund të thonë se janë më të rëndësishmet në historinë njerëzore? Përse?

Presidenti Ezra Taft Benson (1899–1994) tregoi sa vijon:

“Ngjarjet më të mëdha të historisë janë ato që ndikojnë në numrin më të madh të njerëzve për periudhat më të gjata kohore. Nga ky standard, asnjë ngjarje nuk mund të ishte më e rëndësishme për individët ose kombet, sesa ringjallja e Mjeshtrit.” (Mësime të Presidentëve të Kishës: Ezra Taft Benson [2014], f. 100)

Ndalu një çast për të përsiatur për atë që di rreth Ringjalljes së Shpëtimtarit dhe arsyes përse është e rëndësishme për ty. Mund të mendosh gjithashtu rreth arsyes përse Ringjallja e Shpëtimtarit mund të konsiderohet ngjarja më e rëndësishme në histori.

Inkurajojini nxënësit ta ftojnë Frymën e Shenjtë t’i ndihmojë ata ta kuptojnë më mirë Ringjalljen e Jezu Krishtit dhe shpresën që mund të sjellë ajo.

Pyetjet e Jobit

Nëse e dhatë Mësimin 97: “Jobit 1–3; 12–13”, nxënësit mund të tregojnë atë që mbajnë mend rreth sprovave të Jobit. Ose mund të lexojnë paragrafin vijues.

Jobi ishte një njeri i drejtë që përjetoi vuajtje të mëdha. Ai i humbi gjithë pronat, të 10 fëmijët e tij humbën jetën kur një shtëpi iu shemb mbi kokë, si dhe vuajti nga dhembje fizike të tmerrshme.

Çfarë pyetjesh mund të kishe pasur po të ishe Jobi?

Lexo te Jobit 14:7–14, duke shenjuar dy pyetjet që pati Jobi ndërsa kërkonte shpresë në vuajtjet e tij.

Nëse nxënësve u nevojitet ndihmë për të kuptuar pyetjen e Jobit në vargun 10, mund të shpjegoni se Jobi po pyet: “Ku shkojmë kur vdesim?”

Kur ke dëgjuar ose bërë pyetje të ngjashme?

Artur Pejtëni, një nga shokët e fëmijërisë të Presidentit Tomas S. Monson (1927–2018), u vra në Luftën II Botërore. Presidenti Monson tregoi përvojën e tij të vizitës në shtëpinë e Arturit pasi e mësoi lajmin:

“Me një lutje në zemër, iu afrova rrugës së njohur për në shtëpinë e zonjës Pejtën, duke pyetur veten se çfarë fjalësh ngushëllimi mund të dilnin nga buzët e një djali të thjeshtë.

Dera u hap dhe zonja Pejtën më përqafoi sikur të isha djali i saj. …

[Pasi u lutëm së bashku], zonja Pejtën më foli duke më vështruar drejt e në sy: ‘Tomi, unë nuk i përkas ndonjë kishe, por ti po. Më thuaj, a do të jetojë përsëri Arturi?’” (“Zonja Pejtën – Historia Vazhdon”, Liahona, nëntor 2007, f. 22)

Imagjino sikur të ishe në situatën e Presidentit Monson. Në ditarin e studimit, shkruaj një paragraf të shkurtër për t’iu përgjigjur pyetjes së zonjës Pejtën.

Inkurajojini nxënësit të shtojnë tek ajo që kanë shkruar ndërsa vazhdojnë të mësojnë rreth Ringjalljes së Jezu Krishtit.

“E di që Shpëtimtari im jeton”

Lexo te Jobit 19:23–27, duke kërkuar përgjigjen që jep Jobi për pyetjet e tij.

Çfarë dinte Jobi se ishte e vërtetë?

Nxënësit mund të tregojnë diçka si për shkak të Jezu Krishtit, ne do të ringjallemi dhe do ta shohim Perëndinë sërish.
Çfarë mund të na mësojnë vargjet 23–24 rreth mënyrës se si u ndje Jobi për këtë të vërtetë?
Si mund të ketë ndikuar te Jobi kjo njohuri rreth Jezu Krishtit ndërsa ai përballej me sprovat e tij?
Si mund të na ndihmojë kjo njohuri?

Nxënësit mund ta lexojnë thënien vijuese vetë dhe më pas të tregojnë se çfarë u bën përshtypje prej saj.

Presidenti Dallin H. Ouks, i Presidencës së Parë, tregoi disa mënyra se si njohuria jonë për Ringjalljen e Jezu Krishtit mund të na sjellë shpresë:

“Ringjallja së vdekuri është shtylla siguruese, vetjake e besimit tonë. Ajo i shton domethënie doktrinës sonë, shtysë sjelljes sonë dhe shpresë të ardhmes sonë. …

Ringjallja na jep këndvështrimin dhe forcën për t’i duruar sfidat e vdekshmërisë, me të cilat përballet secili prej nesh dhe njerëzit që i duam. Ajo na jep një mënyrë të re për t’i parë mangësitë fizike, mendore apo emocionale që i kemi që nga lindja ose që i marrim gjatë jetës në vdekshmëri. Ajo na jep forcën për t’i duruar hidhërimet, dështimet dhe zhgënjimet. Ngaqë secili prej nesh e ka të sigurt ringjalljen, ne e dimë se këto mangësi dhe kundërshtime në vdekshmëri janë vetëm të përkohshme.” (“Çfarë Ka Bërë Shpëtimtari Ynë për Ne?”, Liahona, maj 2021, f. 75)

Kur e ke parë dikë të fitojë shpresë nëpërmjet mirëbesimit të tij te Jezu Krishti dhe Ringjallja e Tij?

Kuptueshmëria e Ringjalljes

Para se të paraqitni udhëzimet vijuese, mund të diskutoni mënyrën se si mund t’i përforcojmë fjalët që themi ose shkruajmë duke i lidhur ato me fjalët e Shpëtimtarit dhe të profetëve të Tij. Një mënyrë se si mund ta bëjmë këtë është duke cituar fraza nga shkrimet e shenjta.

Bëj sa vijon me paragrafin që shkrove në përgjigje ndaj pyetjes së zonjës Pejtën:

Shto një ose dy fjali duke përdorur diçka që mësove ose ndjeve sot rreth Jezu Krishtit dhe shpresës në dispozicionin tonë për shkak të Ringjalljes së Tij. Përfshi një frazë nga Jobit 19:25–27.
Shto një ose dy fjali shtesë duke përdorur fjalë ose fraza nga shkrime të shenjta ose thënie të tjera nga udhëheqësit e Kishës. Për ta bërë këtë, mund të kërkosh “Ringjallje/a” te Gospel Library [Biblioteka e Ungjillit], Udhëzuesi për Shkrimet e Shenjta, ose Tema dhe Pyetje. Mund të shqyrtosh gjithashtu faqet 47, 56–57, dhe 59 të materialit Predikoni Ungjillin Tim: Një Udhëzues për Shpërndarjen e Ungjillit të Jezu Krishtit (2023).

Burime Shtesë

Çfarë na mëson Ringjallja e Jezu Krishtit?

Plaku D. Tod Kristoferson, i Kuorumit të Dymbëdhjetë Apostujve, dha mësim:

13:21

“Ringjallja e Jezu Krishtit jep dëshmi për natyrën e Tij hyjnore dhe se Ai i ka mundur të gjitha gjërat. Ringjallja e Tij jep dëshmi se, të lidhur tek Ai me anë të besëlidhjeve, edhe ne mund t’i mundim të gjitha gjërat dhe të bëhemi një. Ringjallja e Tij jep dëshmi se nëpërmjet Tij, pavdekësia dhe jeta e përjetshme janë realitet.” (“Një në Krisht”, Liahona, maj 2023, f. 79–80)

Në ç’mënyrë janë tempujt provë e mirëbesimit tonë në Ringjallje?

Presidenti Dallin H. Ouks, i Presidencës së Parë, shpjegoi:

18:29

“Tempujt tanë janë dëshmi të gjalla, funksionale të besimit tonë në realitetin e ringjalljes. Ata ofrojnë mjediset e shenjta ku mëkëmbësit e gjallë mund të kryejnë të gjitha ordinancat e nevojshme të jetës së vdekshme në emër të atyre që jetojnë në botën e shpirtrave. Asgjë nga kjo nuk do të ishte kuptimplotë po të mos kishim sigurinë e pavdekësisë universale dhe mundësinë e jetës së përjetshme për shkak të Ringjalljes së Zotit dhe Shpëtimtarit tonë, Jezu Krishtit.” (“Resurrection”, Ensign, maj 2000, f. 16)

Si mund t’u sjellë shpresë Ringjallja njerëzve që kanë sëmundje dhe aftësi të kufizuara?

Presidenti Xhefri R. Holland, i Kuorumit të Dymbëdhjetë Apostujve, dëshmoi:

14:11

“Ju dëshmoj për Ringjalljen e shenjtë, atë dhuratë themeltare të papërshkrueshme në Shlyerjen e Zotit Jezu Krisht! … Unë jap dëshmi për atë ditë kur të dashurit tanë, të cilët e dinim se kishin paaftësi në vdekshmëri, do të qëndrojnë përpara nesh të përlëvduar dhe të madhërishëm, të përsosur në mënyrë mahnitëse në trup dhe në mendje. Çfarë çasti drithërues do të jetë ai! Nuk e di nëse vërtet do të jemi më të lumtur për veten tonë ngaqë e kemi dëshmuar atë mrekulli, apo më të lumtur për ta ngaqë ata do të jenë tërësisht të përsosur dhe përfundimisht ‘të lirë më së fundi’.” (“Si një Vazo e Thyer”, Liahona, nëntor 2013, f. 42)

Veprimtari Plotësuese të të Mësuarit

Jobit 14:10. “Ku është ai?”

Nxënësit mund të kenë pyetje rreth asaj që ndodh ndërmjet vdekjes dhe ringjalljes. Për t’i ndihmuar ata të mësojnë, mund t’i shkruani pyetjet dhe referencat vijuese të shkrimeve të shenjta në tabelë. Mund t’i vendosni nxënësit në grupe, duke i caktuar çdo grupi një pyetje për ta studiuar. Grupet mund t’ia tregojnë klasës më pas atë që mësuan.

Çfarë na ndodh pasi vdesim? (Lluka 23:43; Alma 40:11)
Si janë shpirtrat tanë? (Alma 34:34; Ethëri 3:16)
Si është bota e shpirtrave? (1 Pjetër 3:18–20; Alma 40:12; Doktrina e Besëlidhje 138:50)

Nëse nxënësit kanë më shumë pyetje rreth botës së shpirtrave, ata mund të kërkojnë në pjesët e bisedës “Ki Besim tek Zoti” nga Presidenti Dallin H. Ouks.

Përndryshe, mund të shfaqni materialin filmik “What Happens after We Die?” [“Çfarë Ndodh pasi Vdesim?”] (1:40). Ftojini nxënësit ta tregojnë atë që mësojnë që i përgjigjet pyetjes së Jobit.

1:40

Uji i Gjallë

Për të parë rolin qendror të Jezu Krishtit në ringjalljen tonë, nxënësit mund të lexojnë te Jobit 14:1–2, 7–10, duke kërkuar mënyrën se si Jobi i krahason njerëzit me bimët.

Jobi jep mësimin se uji u rikthen sërish jetën bimëve (vargu 9). Shpjegoni se një emër për Jezu Krishtin është Uji i Gjallë (shihni te Gjoni 4). Nxënësit mund të lexojnë më pas te Gjoni 11:25 dhe ta lidhin ose ta bëjnë atë referencë-kryq me pyetjen te Jobit 14:14.

“Varri Nuk Ka Fitore”

Për t’i ndihmuar nxënësit t’u përgjigjen pyetjeve të Jobit te Jobit 14:10, 14, mund të shfaqni materialin filmik “The Grave Has No Victory” [“Varri Nuk Ka Fitore”] nga kodi kohor 4:21 deri në 4:49. Nxënësit mund të diskutojnë mënyrën se si mund t’u përgjigjen pyetjeve të Motrës Aburto.

9:19

Mund të shihni më pas mënyrën se si doktrina e Ringjalljes i solli Motrës Aburto shpresë dhe iu përgjigj pyetjeve të saj. Shikojeni të njëjtin material filmik nga kodi kohor 4:49 deri në 6:51.

9:19

Përndryshe, mund të shfaqni materialin filmik “Reyna Aburto’s Story – Part 1: Heartbreak and Hope” [“Historia e Reina Aburtos – Pjesa 1: Zemërthyerje dhe Shpresë”] (9:12). Mund ta ndalni materialin filmik te kodi 5:38 për të diskutuar pyetjet e saj. Më pas mund të shihni pjesën tjetër të materialit filmik për të parë mënyrën se si Ringjallja i solli shpresë Motrës Aburto.

9:12

Për shkak se Jezu Krishti jeton, ne të gjithë do të jetojmë sërish

Merreni parasysh të shihni materialin filmik “He Lives Again and So Will You” [“Ai Jeton Sërish dhe Kështu Edhe Ju”] (2:28) për të përmbledhur orën mësimore. Ndërsa nxënësit shohin, ata mund të sjellin ndër mend atë që kanë mësuar rreth Ringjalljes së Jezu Krishtit. Ata mund të tregojnë më pas idetë shtesë që i mësojnë nga materiali filmik.

2:25