Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Иов 14; 19: “Гэтэлгэгч минь амьдыг би мэднэ”

Иов 14; 19: ‘Гэтэлгэгч минь амьдыг би мэднэ’” Хуучин Гэрээний семинарын багшийн гарын авлага (2026)

“Иов 14; 19: ‘Гэтэлгэгч минь амьдыг би мэднэ’” Хуучин Гэрээний семинарын багшийн гарын авлага

Иов 1–3; 12–14; 19; 21–24; 38–40; 42: 98-р хичээл

Иов 14; 19

“Гэтэлгэгч минь амьдыг би мэднэ”

The resurrected Jesus Christ (dressed in white robes) standing at the entrance to the Garden Tomb. Christ is portrayed looking toward the heavens.

Зовлон бэрхшээл, түүний дотор хайртай хүмүүсээ алдах үед найдвар олоход хэцүү байж болно. Тэнгэрлэг Эцэг Өөрийн Хүүг Цагаатгалыг гүйцэтгүүлэхээр илгээсэн бөгөөд энэ нь Аврагчийн булшнаас амилсан амилалтаар төгссөн юм. Есүс Христийн амилалтын ачаар бид найдвартай байж чадна. Энэ хичээл нь Есүс Христийн Амилалтаар дамжин ирэх найдварыг ойлгоход суралцагчдад тусалж чадна.

Суралцагчийн бэлтгэл: “Гэтэлгэгч минь амьдыг би мэднэ” дууллын үгийг сонсох юм уу уншиж ирэхэд суралцагчдыг урь. Тэд дууллаас бэрхшээлийг даван туулж буй хүнд итгэл найдвар төрүүлэх өөрсдөд таалагдсан хэсгийг сонгож болно.

Боломжит суралцах үйл ажиллагаа

Түүхэн дэх хамгийн агуу үйл явдал

Дараах асуултыг үзүүлээд, жижиг бүлгээр ярилцахад суралцагчдыг урь.

Хүн төрөлхтний түүхэн дэх хамгийн чухал үйл явдлууд гэж хүмүүсийн хэлж болох үйл явдлууд юу вэ? Яагаад?

Ерөнхийлөгч Эзра Тафт Бэнсон (1899–1994) дараах зүйлийг хуваалцсан юм:

Түүхийн хамгийн агуу үйл явдлууд нь хамгийн олон хүнд хамгийн удаан хугацаагаар нөлөөлдөг үйл явдлууд байдаг. Энэ жишгээр бол Эзэний Амилалтаас өөр ямар ч үйл явдал хувь хүмүүст болон үндэстнүүдэд илүү чухал байх аргагүй юм. (Teachings of Presidents of the Church: Ezra Taft Benson [2014], 94)

Аврагчийн Амилалтын талаар мэддэг зүйлээ болон энэ нь яагаад таны хувьд чухал болох талаар тунгаан бодох цаг гарга. Түүнчлэн Аврагчийн Амилалтыг яагаад түүхэн дэх хамгийн чухал үйл явдал гэж үзэж болох талаар бодож болно.

Суралцагчдыг Есүс Христийн Амилалт болон үүний авчирч болох найдварыг илүү сайн ойлгоход нь туслах Ариун Сүнсийг урихад урамшуулан дэмж.

Иовын асуултууд

Хэрэв та 97-р хичээл:“Иов 1–3; 12–13,”-ыг заасан бол суралцагчид Иовын зовлон бэрхшээлийн талаар юу санаж байгаагаа хуваалцаж болно. Эсвэл дараагийн догол мөрийг уншиж болно.

Иов бол хүнд бэрхийг амссан зөв шударга хүн байв. Тэр бүх эд хөрөнгөө алдаж, 10 хүүхэд нь бүгд дээрээс нь байшин нурахад амь үрэгдэж, мөн өөрийнх нь бие аймшигтай өвдөж зовсон.

Хэрэв та Иов байсан бол танд ямар асуулт байх байсан бэ?

Иов 14:7–14-ийг уншаад, Иов зовлон зүдгүүрүүддээ итгэл найдварыг хайж байхдаа асуусан хоёр асуултыг тэмдэглэ.

Хэрэв суралцагчдад 10-р шүлэг дэх Иовын асуултыг ойлгоход тусламж хэрэгтэй бол та Иов “Бид үхэхдээ хаашаа явах вэ?” гэж асууж байгааг тайлбарлаж болно.

Та үүнтэй төстэй асуултыг хэзээ сонсож эсвэл асууж байсан бэ?

Ерөнхийлөгч Томас С.Монсоны (1927–2018) хүүхэд насны найзуудын нэг Артур Паттон дэлхийн II дайнд амь үрэгджээ. Ерөнхийлөгч Монсон энэ мэдээг сонссоныхоо дараа Артурын гэрт айлчилсан туршлагаа хуваалцсан юм:

Би зүрх сэтгэлдээ залбирсаар Паттоны гэр лүү хөтлөх танил замаар ямар тайтгарлын үгс балчир хүүгийн амнаас гарах бол хэмээн гайхширан алхлаа.

Хаалга онгойход хатагтай Паттон өөрийн хүүг тэвэрч байгаа мэт намайг тэврэн авлаа. …

[Хамтдаа залбирсны дараа] хатагтай Паттон намайг эгцлэн ширтсэнээ, “Томми, би сүмийн хүн биш, харин чи мөн. Артур дахин амьдрах уу? Үүнийг надад хэлж өгөөч” гэв. (“Mrs. Patton—the Story Continues,” Liahona, Nov. 2007, 22)

Та өөрийгөө ерөнхийлөгч Монсоны оронд байсан гэж төсөөл. Судлах тэмдэглэлдээ хатагтай Паттоны асуултад хариулан богино догол мөр бич.

Суралцагчдыг Есүс Христийн Амилалтын талаар үргэлжлүүлэн суралцахдаа бичсэн зүйл дээрээ нэмж бичихэд урамшуулан дэмж.

“Гэтэлгэгч амьдыг би мэднэ”

Иов 19:23–27-г уншаад, Иов асуултандаа ямар хариу өгснийг олж мэд.

Иов юу үнэн гэдгийг мэдэж байсан бэ?

Суралцагчид Есүс Христээс болж бид амилуулагдаж, Бурхантай дахин уулзах болно гэх мэт зүйлийг хуваалцаж болно.
23–24-р шүлэг нь энэ үнэний талаар Иовын юу гэж бодсон талаар бидэнд юу зааж болох вэ?
Есүс Христийн тухай энэ мэдлэг Иовт сорилт бэрхшээлүүдээ даван гарахад нь хэрхэн нөлөөлсөн байж болох вэ?
Энэ мэдлэг бидэнд хэрхэн тус болох вэ?

Суралцагчид дараах мэдэгдлийг бие даан уншаад, өөрт онцгой санагдсан хэсгийг хуваалцаж болно.

Тэргүүн зөвлөлийн ерөнхийлөгч Даллин Х.Өүкс Есүс Христийн Амилалтын тухай мэдлэг маань бидэнд найдвар төрүүлж болох зарим арга замыг хуваалцсан:

Үхлээс амилах нь бидний итгэлийн хувийн тулгуур багана болдог. Энэ нь бидний сургаалд утга учрыг, бидний зан байдалд сэдлийг, ирээдүйд найдварыг нэмдэг. …

Амилалт бидэнд болон бидний хайртай хүн болгонд тохиолддог мөнх бус байдлын сорилт бэрхшээлийг даван туулах хүч чадал, ойлголтыг бидэнд өгдөг юм. Энэ нь төрөхдөө юм уу мөнх бус амьдралынхаа явцад олж авдаг бие махбод, оюун санаа эсвэл сэтгэл санааны дутмаг байдал зэргийг шинээр харж ойлгоход тусалдаг. Энэ нь бидэнд уй гашуу, бүтэлгүйтэл, цөхрөлийг давах хүч чадал өгдөг. Бид бүгдэд амилуулагдах амлалтыг өгсөн тул эдгээр мөнх бус амьдралын дутмаг байдал зөвхөн түр зуурынх гэдгийг бид мэднэ. (“Аврагч маань бидний төлөө юу хийсэн бэ?,” 2021 оны 4-р сарын Ерөнхий чуулган, 73)

Та хэзээ хэн нэгнийг Есүс Христэд итгэх итгэл болон Түүний Амилалтаар дамжуулан найдвар олж авахыг харсан бэ?

Амилуулалтыг ойлгох нь

Дараах заавруудыг үзүүлэхийн өмнө, бид хэлж, бичих үгсээ Аврагчийн болон Түүний бошиглогчдын үгстэй холбосноор хэрхэн хүчирхэгжүүлж болох талаар ярилцаж болно. Үүнийг хийх нэг арга зам бол судруудаас эш татах явдал юм.

Хатагтай Паттоны асуултад хариулж бичсэн догол мөрөөрөө дараах зүйлсийг хий.

Есүс Христийн тухай өнөөдөр сурсан эсвэл мэдэрсэн зүйлсээ болон Түүний Амилалтын ачаар бидэнд боломжтой болсон найдварыг ашиглан нэг юм уу хоёр өгүүлбэр нэмж бич. Иов 19:25–27-оос нэг хэллэгийг оруул.
Өөр судруудаас эсвэл Сүмийн удирдагчдын хэлсэн үг, хэллэгүүдийг ашиглан нэг юм уу хоёр өгүүлбэрийг нэмж бич. Үүнийг хийхийн тулд та Gospel Library, Судруудын удирдамж эсвэл Сэдэв ба асуулт дээрээс “Амилалт” гэсэн сэдвийг хайж болно. Та мөн Миний сайн мэдээг номло: Есүс Христийн сайн мэдээг хуваалцах удирдамж (2023) номын 48, 55–56, 58-р хуудсыг үзэж болно.

Нэмэлт эх сурвалж

Есүс Христийн Амилалт бидэнд юу заадаг вэ?

Арван хоёр төлөөлөгчийн чуулгын ахлагч Д.Тодд Кристоффэрсон ийн заасан.

13:21

Есүс Христийн Амилалт нь Түүний тэнгэрлэг байдлыг мөн Тэрээр бүхнийг даван туулсан гэдгийг гэрчилдэг. Түүний Амилалт бид Түүнтэй гэрээгээр холбогдсоныг, бид ч мөн бүхнийг даван туулж, нэг болох боломжтой гэдгийг гэрчилдэг. Түүний ачаар үхэшгүй байдал ба мөнх амьдрал бодит зүйл болсон гэдгийг Түүний Амилалт гэрчилдэг. (“Христ дотор нэг байх,” Лиахона, 2023 оны 5-р сар, 80)

Ариун сүмүүд хэрхэн Амилалтад итгэх бидний итгэлийн баталгаа болдог вэ?

Тэргүүн зөвлөлийн ерөнхийлөгч Даллин Х.Өүкс ийн тайлбарласан.

18:29

Манай ариун сүмүүд амилуулалтын бодит байдалд итгэх бидний итгэлийн амьд, хүчинтэй гэрчлэл юм. Тэдгээр нь амьд төлөөлөгчид сүнсний дэлхийд амьдардаг хүмүүсийн өмнөөс мөнх бус амьдралын бүхий л шаардлагатай ёслолуудыг гүйцэтгэх ариун нандин орчноор хангадаг. Хэрэв бидэнд бидний Их Эзэн Аврагч Есүс Христийн Амилалтын улмаас бүх хүмүүний үхэшгүй байдал хийгээд мөнх амьдралыг хүлээн авах боломж байгаагүй бол энэ бүхэн утга учиргүй байх байсан. (“Resurrection,” Ensign, May 2000, 16)

Амилалт нь өвчин эмгэгтэй, хөгжлийн бэрхшээлтэй хүмүүст хэрхэн найдвар авчирдаг вэ?

Арван хоёр төлөөлөгчийн чуулгын ахлагч Жэффри Р.Холланд ийн гэрчилсэн.

14:13

Би Их Эзэн Есүс Христийн Цагаатгалын тулгуур чулуу, зүйрлэшгүй бэлэг болох ариун амилалтыг гэрчилж байна! … Мөнх бус амьдралдаа хөгжлийн бэрхшээлтэй байсан бидний хайрт хүмүүс алдар суу, сүр жавхлантай, зүйрлэшгүй төгс төгөлдөр бие махбод, оюун ухаантайгаар бидний өмнө зогсох болно гэдгийг гэрчилж байна. Тэр мөч ямар гайхалтай сайхан байх бол! Гэхдээ тэр үед бид тийм гайхамшгийг гэрчилсэндээ өөрсдөө баяртай байх уу эсвэл бүрэн төгс бөгөөд “эцсийн эцэст эрх чөлөөтэй” болсон тэднийг харсандаа харин илүү баярлах болов уу гэдгийг би хэлж мэдэхгүй байна. (“Хагарсан сав шиг,” 2013 оны 10-р сарын Ерөнхий чуулган, 48)

Нэмэлт суралцах үйл ажиллагаа

Иoв 14:10. “Тэр хаана байгаа вэ?”

Суралцагчдад үхэл, амилуулалтын хооронд юу тохиолддог талаар асуултууд байж болно. Та тэдэнд суралцахад нь туслахын тулд дараах асуултууд болон судрын эшлэлүүдийг самбар дээр бичиж болно. Та суралцагчдыг бүлгүүдэд хувааж, бүлэг бүрд судлах нэг асуулт тавьж болно. Дараа нь бүлгүүд олж мэдсэн зүйлээ ангийнхантайгаа хуваалцаж болно.

Бид нас барсны дараа юу болдог вэ? (Лук 23:43; Aлма 40:11)
Бидний сүнс ямархуу харагддаг вэ? (Алма 34:34; Ифер 3:16)
Сүнсний дэлхий ямар байдаг вэ? (1 Петр 3:18-20; Алма 40:12; Сургаал ба Гэрээнүүд 138:50)

Хэрэв суралцагчдад сүнсний дэлхийн талаар илүү олон асуулт байвал ерөнхийлөгч Даллин Х.Өүксийн “Их Эзэнд итгэ” хэмээх захиасын хэсгээс харж болно.

Үүнээс гадна “What Happens after We Die?” (1:40) видеог үзүүлж болно. Суралцагчдыг Иовын асуултад хариулах юу олж мэдсэнээ хуваалцахад урь.

1:41

Амийн ус

Бидний амилуулалтад Есүс Христийн гүйцэтгэх гол үүргийг харахын тулд суралцагчид Иов 14:1–2, 7–10-ыг уншаад, Иов хэрхэн хүмүүсийг ургамалтай харьцуулсныг олж харж болно.

Ус ургамлыг амилуулдаг гэж Иов заадаг (9-р шүлэг). Есүс Христийн нэг нэр нь Амийн ус гэдгийг тайлбарла ( Иохан 4-ийг үзнэ үү). Дараа нь суралцагчид Иохан 11:25-ыг уншаад, үүнийг Иов 14:14 дээрх Иовын асуулттай холбож эсвэл харьцуулан эш татаж болно.

“Булшинд ялалт гэж үгүй”

Иов 14:10, 14 дээрх Иовын асуултад хариулахад нь суралцагчдад туслахын тулд “The Grave Has No Victory” цагийн 4:21-ээс 4:49-ийг үзүүлж болно. Суралцагчид Абурто эгчийн асуултад хэрхэн хариулж болох талаар ярилцаж болно.

9:19

Дараа нь та Амилалтын сургаал хэрхэн Абурто эгчид найдвар төрүүлж, асуултуудад нь хариулсныг харж болно. Дээрх видеоны цагийн код 4:49-өөс 6:51 хүртэл үзнэ үү.

9:19

Үүнээс гадна та “Reyna Aburto’s Story—Part 1: Heartbreak and Hope” (9:12) видеог үзүүлж болно. Видеог 5:38-д түр зогсоогоод, түүний асуултуудын талаар ярилцаж болно. Дараа нь та Амилалт хэрхэн Абурто эгчид найдвар авчирсныг харахын тулд видео бичлэгийн үлдсэн хэсгийг үзэж болно.

9:12

Есүс Христ амьдардаг учраас бид бүгд дахин амьдрах болно

“He Lives Again and So Will You” (2:28) видеог үзэж, хичээлийг дуусгах талаар бодож үз. Суралцагчид үзэж байхдаа Есүс Христийн Амилалтын талаар юу сурснаа тунгаан бодож болно. Дараа нь тэд видеоноос сурсан нэмэлт ойлголтоо хуваалцаж болно.

2:25