Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Иов 1–3; 12–13: “Гэвч би Түүнд итгэх болно”

“Иов 1–3; 12–13: ‘Гэвч би Түүнд итгэх болно’” Хуучин Гэрээний семинарын багшийн гарын авлага (2026)

“Иов 1–3; 12–13: ‘Гэвч би Түүнд итгэх болно’” Хуучин Гэрээний семинарын багшийн гарын авлага

Иов 1–3; 12–14; 19; 21–24; 38–40; 42: 97-р хичээл

Иов 1–3; 12–13

“Гэвч би Түүнд итгэх болно”

The Old Testament prophet Job depicted kneeling on the ground looking up to the light of the Lord. His friends are in the background of the painting. Job has one hand stretched toward the light. (Job 42:1-8)

Хүнд хэцүү үед Бурханд үнэнч байх гэж зүдэрч байсан үе танд бий юү? Иов бол Бурханд үнэнч, ивээл хүртсэн хүн байв. Иов эд хөрөнгө, үр хүүхэд, эрүүл мэндээ гэнэт алдсан. Гэхдээ Иов Есүс Христэд итгэх итгэлээ алдаагүй. Энэ хичээл нь суралцагчдад сорилт бэрхшээлийн үед Тэнгэрлэг Эцэг, Есүс Христ хоёрт итгэх илүү их хүсэлтэй болоход тусалж чадна.

Суралцагчийн бэлтгэл: Сорилт бэрхшээлүүддээ хэрхэн хандсанаа эргэцүүлэн бодоход суралцагчдыг урь. Ангид ирэхдээ туршлагаасаа ярилцах бэлтгэлтэй ирэхийг тэднээс хүс.

Боломжит суралцах үйл ажиллагаа

Өнөөдрийн хичээл эхлэхээс өмнө дараагийн хэдэн ном (Иов–Солонгосын дуун) яруу найргийн эсвэл мэргэн ухааны уран зохиолын номууд хэмээн нэрлэгддэг гэдгийг суралцагчдад хэлэх нь тустай байж болох юм. Эдгээр ном нь яруу найргийн хэлбэрээр бичигдсэн бөгөөд түүхийг өгүүлэх зорилгогүй. Эдгээр ном бусад судрын нэгэн адил биднийг Есүс Христ рүү чиглүүлж, Түүнийг дагахад тусалдаг. (Тайлбар: Иосеф Смит Соломоны дуун номыг “сүнслэгээр өдөөгдөөгүй бичиглэл” хэмээн дүрсэлсэн [Joseph Smith Translation, note on Song of Solomon].)

Бид сорилтод хэрхэн ханддаг тухай

Хичээлээ эхлэхдээ самбар дээр “А хүн”, “Б хүн” гэж бичих талаар бодож үз. Суралцагчдыг нэг хүнийг нь урт хугацааны, нөгөөг нь богино хугацааны сорилт бэрхшээлтэй тулгарснаар тус бүрд нь нөхцөл байдлын жишээ гаргаж ирэхэд урь. Доорх санаанууд тус болж магадгүй.

А хүн бага байхаасаа л … ёстой болсон.
Өнөөдөр Б хүний хувьд бүх юм улам л дордож байна. Эхлээд …

Суралцагчдыг энэ хоёр жишээг зохиосны дараа “А хүн”, “Б хүн” хоёр дээр дараах асуултуудын талаар ярилцахад урь. Суралцагчид хоёр хоёроороо эсвэл жижиг бүлгээр ярилцаж болно.

Энэ хүн уг сорилтыг давж чадахгүй бол яах вэ?
Энэ хүн уг сорилтыг сайн давж гарвал яах вэ?
Хэрэв энэ хүн уг сорилтыг Тэнгэрлэг Эцэгт итгэх итгэл найдвараар даван гарвал яах вэ?

Суралцагчдад ярилцах цаг гаргаж өгсний дараа тэдэнд өөрсдийн сорилт бэрхшээлүүдийг хэрхэн даван гарч байгаа талаар бодоход тусал. Дараах үйл ажиллагаа нь үүнийг гүйцэтгэх нэг арга юм.

1–5 хүртэлх хэмжүүрээр (1 нь та нарын хувьд огт үнэн биш, 5 нь та нарын хувьд маш үнэн) дараах мэдэгдэл нь та нарын хувьд хэр үнэн болохыг бод:

Би сорилт бэрхшээлийг сайн даван туулдаг.
Би зовлон бэрхшээлийн үед Тэнгэрлэг Эцэг, Есүс Христ хоёроос хүч чадал олж авдаг.

Тэнгэрлэг Эцэг, Есүс Христ хоёрт итгэх илүү их итгэл найдвартайгаар сорилт бэрхшээлтэй нүүр тулахад тань тусалж болох Тэдний тухай аливаа зүйлийг мэдрэх эсвэл олж мэдэхэд нээлттэй бай.

Иовын амьдрал

Иов 1:1–3-ыг уншаад, Иовын талаар сурч болох зүйлсийг олж мэд. (Тайлбар: Төгс гэдэг үг нь “бүрэн дүүрэн, бүрэн гүйцэд, бүхэл бүтэн байх” гэсэн утгатай.)

Та нар юу олж мэдсэн бэ?

Та суралцагчдын хариултыг самбарт бичиж болно. Иовын түүхийг үргэлжлүүлэхээсээ өмнө дараах зүйлийг унших юм уу тоймлон ярь.

Иов бодит хүн байсан боловч ( Сургаал ба Гэрээнүүд 121:10-ыг үзнэ үү) түүний амьдралыг яруу найраг хэлбэрээр бичсэн гэдгийг ойлгох нь чухал. Жишээлбэл, Иовын түүх эхлэхэд Их Эзэн, Сатан хоёр хоорондоо хоёр удаа ярилцаж байгаагаар дүрслэгдсэн байдаг. Энэ нь Их Эзэн, Сатан хоёрын хооронд жинхэнэ бодит харилцан яриа болоогүй, харин бидний дайсан Сатаны үүргийг харуулдаг. Тэдгээр нь уншигчийг Иовын амьдралд тохиолдох зовлон зүдгүүр, уруу таталт, дэлхийн эд зүйлсээ алдах зэрэгт бэлтгэх яруу найргийн арга байж болох юм.

Суралцагчдад эхний яриаг ойлгоход нь туслахын тулд та гурван хүнээс сайн дураараа уншихыг хүсэж болно. Нэг нь өгүүлэгчийн үгийг, нөгөөг нь Их Эзэний үгийг, гурав дахь нь Сатаны үгийг уншиж болно. Суралцагчдыг ямар нэгэн байдлаар жүжиглэхгүйгээр уншихыг хүс. Суралцагчдад сонсож байхдаа бодох дараах асуултуудыг тавьж болно.

Иов 1:6–12-ыг уншаад, дараах асуултуудын хариултыг олж мэд.

Сатан Иовын зөвт байдлын талаар юу хэлсэн бэ?
Сатан Иовд юу тохиолдохыг хүссэн бэ?

Суралцагчдад хариултаа хуваалцах боломж олго. Шаардлагатай бол, Их Эзэн Иовыг адисалсан учраас л зөв шударга байна гэж Сатан хэлсэн гэдгийг ойлгоход суралцагчдад тусал. Сатан үүнийг батлахын тулд Иовын адислалуудыг авахыг хүссэн.

Иовын жишээ

Иовын түүхийн дараагийн хэсэгт та дараахтай адил хүснэгтийг самбар дээр зурж болно. Дараа нь суралцагчдыг хоёр хоёроор эсвэл жижиг бүлгүүдэд хуваан хүснэгтийг бөглүүлж болно. Дараах асуултуудын талаар ярилцахыг бүлгүүдээс хүс. Суралцагчдад тусалж, урамшуулан дэмжихийн тулд дундуур нь явах нь тустай байж болно. (Тайлбар: Хатгис нь өвчин ихтэй арьсны өвчин юм. Иов гашуудлын тэмдэг болгож, нөмрөгөө урж, толгойн үсээ хусуулав.)

Иов ямар зовлон үзсэн бэ?	Тэд хэрхэн даван гарсан бэ?
Иов ямар зовлон үзсэн бэ? Иов 1:13–19; 2:7;	Тэд хэрхэн даван гарсан бэ? Иов 1:20–22; 2:9–10; 13:15; 23:10-ыг унш.

Иовын хариултын юу нь таны анхаарлыг татаж байна вэ?
Тийн хариулснаас харахад Бурханы талаар Иов юу гэж ойлгосон байж болох вэ?

Суралцагчид Иов адислалуудаа Бурханаас ирсэн гэдгийг хүлээн зөвшөөрч (Иов 1:21-ийг үзнэ үү), сорилт бэрхшээлүүд нь Бурханы төлөвлөгөөний нэг хэсэг гэдгийг ойлгож (Иов 2:10-ыг үзнэ үү), Бурхан түүний тухай мэдэж байсан бөгөөд зовлон зүдгүүр нь түүнийг цэвэршүүлнэ гэдгийг мэдэж байсан гэдгийг онцлон хэлж болно (Иов 23:10-ыг үзнэ үү).

Суралцагчдыг үйл ажиллагааг хийж дууссаны дараа дараахтай адил асуултыг тавьснаар үнэнийг олж тогтооход тэдэнд тусал.
Иовын жишээнээс бид сорилт бэрхшээлийн үед тус болох юу сурч болох вэ?

Суралцагчид бид зовлон бэрхшээлтэй үедээ Бурханд итгэхийг сонгож чадна гэсэнтэй төстэй хариултуудыг олж тогтоож болно.

Суралцагчдыг Иов 13:15 дээрээс энэ үнэнийг олоод, онцлон тэмдэглэхэд урих талаар бодож үз.

Судрын жишээнүүд

Суралцагчдад хүнд сорилтын үед Тэнгэрлэг Эцэгт итгэх итгэлээ нэмэгдүүлэхэд нь туслах арга замуудын талаар бод. Нэг арга зам бол хүмүүсийн сорилт бэрхшээлтэй үедээ Бурханд итгэх шалтгаанаа тайлбарласан судруудыг суралцагчдаар олуулах явдал юм. Суралцагчид дараах үйл ажиллагааг хийж болно.

Хүнд хэцүү үедээ Бурханд итгэхийг сонгосон хэн нэгний жишээг судруудаас ол.
Энэ хүн яагаад Бурханд итгэснийг тайлбарласан үг, хэллэгүүдийг тэмдэглэ.
Таны тэмдэглэсэн ойлголтууд Бурханд итгэхэд тань хэрхэн тусалсан эсвэл тусалж болохыг тайлбарлахад бэлтгэ.

Дүгнэлт

Та суралцагчдыг дараах асуултад хариулан өөрсдөдөө зурвас бичихэд эсвэл мэссэж илгээхэд урьснаар хичээлээ дуусгаж болно. Хэрэв тэд зурвас бичвэл эвхээд халаасандаа эсвэл тэр өдрийн орой нь харах газарт байрлуулахыг тэднээс хүс. Та суралцагчдыг бичиж байх үед намуухан хөгжимийн ая тавьж болно.

Хүнд сорилтын үед Тэнгэрлэг Эцэг болон Есүс Христэд итгэх хүсэлтэй болоход тань тусалсан ямар зүйлийг та өнөөдөр мэдэрсэн бэ?

Нэмэлт эх сурвалж

Сорилт бэрхшээл тулгарсан үед Аврагч надад хэрхэн тусалж чадах вэ?

Арван хоёр төлөөлөгчийн чуулгын ахлагч Дэйл Г.Рэнланд ийн бичсэн.

Есүс Христ бидний сэргээж чадахгүй зүйлийг сэргээж, бидний эдгээж чадахгүй шархыг эдгээж, нөхөж баршгүй эвдэрсэн зүйлийг засаж, бидний туулсан шударга бус байдлыг нөхөн төлөх дуртай. Үнэндээ, хэрэв бид Түүнд зөвшөөрвөл Тэрээр бидний ашиг тусын төлөө бидний зовлон шаналлыг ариулан адисалж, хамгийн гүн гүнзгий зовлонг маань ариусгах болно. Тэрээр зөвхөн биднийг тайтгаруулж, алдагдсан зүйлийг сэргээгээд зогсохгүй (Иов 42:10, 12–13-ыг үзнэ үү) бидний зовлон зүдгүүрийг бидний тусын тулд ашиглах болно.

Аврагч бүх зүйлийг зөв болгох хүчтэй бөгөөд үүнийг хийхийг хүсдэг. Тэрээр бүр нурж унасан зүрхийг ч бүрмөсөн засах дуртай (Дуулал 147:3-ыг үзнэ үү). Иовын номын хамгийн чухал сургамж бол бид юу ч болж байсан Бурханд болон Түүний төлөвлөгөөнд итгэж амьдрахаар сонгож болох явдал юм. (“Trust God and Let Him Prevail,” Liahona, Aug. 2022, 7)

Сорилт хэрхэн адислал болж болох вэ?

Далын ахлагч Айзак К.Моррисон ийн хэлсэн.

10:53

Бид Иеремиа, Иов, Иосеф Смит, Нифай зэрэг мөнх бус амьдралын сорилт бэрхшээлийг туулж гарсан үлгэр жишээ, агуу хүмүүсийн олон түүхийг судруудаас уншдаг. Тэд бол хахир хатуу нөхцөлд ч Их Эзэнийг дагахыг сурч мэдсэн мөнх бус хүмүүс байсан. …

Эргээд бодоход, би хамгийн хүнд хэцүү мөн биеийн амрыг хойш тавьсан үеүддээ өөрт хэрэгтэй хамгийн чухал сургамжийг авч байсан. Миний өсвөр насанд тохиолдсон хэцүү зүйлс, семинарын ангид Сүмийн талаар сурч байсан үе, шинэхэн хөрвөгч, бүрэн цагийн номлогч байсан цаг хугацаа, сургуулийн боловсрол эзэмшиж байх үед тулгарсан сорилт бэрхшээл, дуудлагаа хүчирхэгжүүлэхийг хичээж байсан цаг мөч, гэр бүл зохион тэднийгээ халамжилж байсан үеүд маань намайг ирээдүйд бэлтгэсэн. Би Их Эзэнд итгэх итгэлийнхээ тусламжтайгаар хэцүү нөхцөл байдалд хэр зоригтой зогсоно төдий чинээ Түүний шавийн хувьд өсөн хөгжиж байдаг.

Бид давчуу бөгөөд нарийн зам дээр нэгэнт гарсан бол амьдралын хүнд хэцүү зүйлс гэнэтийн мэт санагдахаа больдог. Есүс Христ “зовсон зүйлсээсээ дуулгаварт” суралцсан юм. Бид ялангуяа өөрсдийн бэрхшээлт үеүдэд Христийг дагах аваас Түүнтэй улам илүү адил болж чадна. (“Бид Түүгээр дамжуулан хүнд хэцүүг даван туулж чадна,” Лиахона, 2022 оны 11-р сар, 116)

Аврагч бидэнд зовлон зүдгүүрийг даван гарахад хэрхэн тусалж чадах вэ?

Далын ахлагч Жонн А.Маккун ийн хэлсэн.

9:10

Бид Христийн дагагчдын хувьд амьдралдаа бэрхшээл, сорилтоос ангид байна гэж үгүй билээ. Бид ихэвчлэн ганцаараа зүтгээд давшгүй, магадгүй боломжгүй мэт санагдах хэцүү зүйлсийг хийх шаардлагатай тулгардаг. Аврагчийн “Над руу ир” гэсэн урилгыг хүлээн авах үед [Матай 11:28], Тэрээр … бидэнд хэрэгцээтэй дэмжлэг, тайтгарал, амар амгаланг өгдөг. Хамгийн гүнзгий сорилтуудад ч гэсэн бид Түүнд найдаж, хүслийг нь хүлээн авснаар Түүний хайрын дулаахан тэврэлтийг мэдэрч чадна. “Христ баяр баясгалан” [Рассел М. Нэлсон, “Баяр баясгалантай байж сүнслэг байдлын хувьд тэсэж үлдэх нь” 2016 оны 10-р сарын Ерөнхий чуулган, 71] учир бид Түүний үнэнч шавь нартаа зориулсан баяр баясгаланг мэдрэх боломжтой. (“Христэд ирж, хожмын үеийн гэгээнтний ёсоор амьдрах нь,” 2020 оны 4-р сарын Ерөнхий чуулган, 41)

Нэмэлт суралцах үйл ажиллагаа

Гансрал гуниг ба сэтгэл гутрал

Суралцагчдад уйтгар гуниг, өвчин шаналлыг даван туулах тухай ярилцах нь тустай байж болно. Хэрэв тийм бол тэднийг Иов 3:23–25-ыг уншаад, Иов гэр бүл, эд хөрөнгө, эрүүл мэндээ алдсаныхаа дараа ямар сэтгэгдэлтэй байсныг олж мэдэхэд урь. Дараах асуултууд нь суралцагсдад Иовын хэлсэн үгсэд талархахад тусалж болох юм:

Иовын сорилт бэрхшээлийнталаарх мэдрэмжийг та хэрхэн дүрслэх вэ?
Уй гашуу, итгэл найдваргүй байх хоёрын ялгаа юу байж болох вэ?
Бид ийм мэдрэмжийг даван гарахад туслуулахаар Тэнгэрлэг Эцэг, Есүс Христ хоёрыг хэрхэн урьж болох вэ?

Тайтгарал хэрэгтэй тэднийг тайтгаруулах нь

Найз нөхөд нь Иовын сэтгэлийг тайвшруулдаг тухай бодох нь суралцагчдад тустай байж болох юм. Тэд эцэстээ Иовыг нүгэл үйлдсэн гэж буруутгасан ч, найзууд нь эхлээд Иовтой хамт гашуудсан бөгөөд түүнийг тайвшруулдаг. Суралцагчид Иов 2:11–13-ыг уншаад, Иовын найзуудын юу нь тэдэнд сэтгэгдэл төрүүлснийг олж мэдэж болно. Суралцагчид эдгээр шүлгийг Мозая 18:8–10-тай холбож, Мормоны Номон дахь холбогдох зөвлөгөөг олж болно.

Гашуудахад хамт байж, тайтгаруулах хэн нэгний хичээл зүтгэлээр та хэзээ адислагдаж байсан бэ?

Суралцагчдыг тэдний анхаарал халамж хэрэгтэй хэн нэгний талаар бодоход урьж болно. Тэднээс энэ хүний нэрийг бичихийг хүс. Дараа нь суралцагчид уг хүнд тусалж, тайтгаруулах ямар нэг зүйл бичиж болно.

Иовын амссан зовлонгоосоо сурч авсан сургамжууд

Иовыг зовж байх үед найзууд нь Бурхан Иовыг нүглийнх нь төлөө шийтгэж байна гэж хэлсэн гэдгийг ойлгоход суралцагчдад тусал. Иов энэ зэмлэл болон өөрийн бодолтойгоо тэмцэж байхдаа Бурхны тухай мэдэх гэж хичээж байгаагаа илэрхийлсэн.

Иов 12:9–13, 16; 13:15–16-г уншаад, Иов Бурханы талаар юу мэдэрч, сурсныг тэмдэглэ.

Та нар юу тэмдэглэсэн бэ? Энэ нь яагаад чухал юм шиг санаж байна вэ?
Тэр мөчид Иовд ямар санагдсаныг та хэрхэн дүгнэх вэ?

Бэрхшээлийг даван туулах

Суралцагчид Их Эзэнд итгэсэн хүмүүсийн талаарх судруудыг олсны дараа “Барианы шугамыг гатлах нь: Саад бэрхшээлийг даван туулсан түүх” (11:53) видеог үзэж болно. Суралцагчдыг Даллин сорилт бэрхшээлтэй үедээ Есүс Христэд итгэхэд нь түүнд юу тусалсныг олж мэдэхэд урь.

11:52