Manwal ng Guro ng Seminary para sa Lumang Tipan

Mga Nilalaman
Pahina ng Pamagat
Pambungad sa Manwal ng Guro
Mga Lesson sa Lumang Tipan
- Halina’t Basahin ang Lumang Tipan
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko ng Pagkabuhay
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Mga Bilang 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Hukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Cronica 14–20; 26; 30
- Ezra 1; 3–7; Nehemias 2; 4–6; 8
- Esther
- Job 1–3; 12–14; 19; 21–24; 38–40; 42
- Mga Awit 1–2; 8; 19–33; 40; 46
- Mga Awit 49–51; 61–66; 69–72; 77–78; 85–86
- Mga Awit 102–103; 110; 116–119; 127–128; 135–139; 146–150
- Mga Kawikaan 1–4; 15–16; 22; 31; Eclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3; 7; 16–18; 20
- Jeremias 31–33; 36–38; Mga Panaghoy 1; 3
- Ezekiel 1–3; 33–34; 36–37; 47
- Daniel 1–7
- Oseas; Joel
- Amos; Obadias; Jonas
- Mikas; Nahum; Habakuk; Sefanias
- Hagai 1–2; Zacarias 1–4; 7–14
- Malakias
Mga Lesson sa Paghahanda sa Buhay
- Doctrinal Mastery: Paghahanap ng mga Sagot sa Aking mga Tanong
- Mga Kasanayan sa Pag-aaral ng Banal na Kasulatan
- Para sa Lakas ng mga Kabataan: Paggawa ng mga Pagpili
- Pagkakaroon ng Pag-asa sa Sariling Kakayahan o Self-Reliance
- Pisikal at Emosyonal na Kalusugan
- Paghahanda para sa Edukasyon at Trabaho sa Hinaharap
- Pagtatagumpay sa Paaralan
- Paghahanda ng Missionary
- Paghahanda para sa Templo
- Mga Turo ng mga Lider ng Simbahan
Apendiks

Esther, Bahagi 2: “Kung Ako’y Mamamatay, ay Mamatay”

“Esther, Bahagi 2: ‘Kung Ako’y Mamamatay, ay Mamatay,’” Manwal ng Titser ng Seminary para sa Lumang Tipan (2026)

“Esther, Bahagi 2: ‘Kung Ako’y Mamamatay, ay Mamatay,’” Manwal ng Titser ng Seminary para sa Lumang Tipan

Esther: Lesson 95

Esther, Bahagi 2

“Kung Ako’y Mamamatay, ay Mamatay”

Screenshot from the video Esthers Courage

Bilang mga tagasunod ni Jesucristo, lahat tayo ay magkakaroon ng mga pagkakataon kung saan kailangan nating magpakita ng tapang, kahit na maaaring magkaiba ang ating mga kalagayan.Nagpakita ng tapang si Esther nang umasa siya sa Panginoon habang nahaharap sa posibleng kamatayan para mailigtas ang kanyang mga tao.Ang lesson na ito ay makatutulong sa mga estudyante na kumilos nang may tapang na gawin ang kalooban ng Panginoon.

Paghahanda ng estudyante: Anyayahan ang mga estudyante na maghandang magbahagi ng isang halimbawa tungkol sa isang pagkakataon na nagpakita ng tapang ang isang taong kilala nila para gawin ang kalooban ng Panginoon

Mga Posibleng Aktibidad sa Pag-aaral

Kumilos nang may tapang

Maaari mong simulan ang klase sa pamamagitan ng pagbabahagi ng karanasan ng isang tao na nagpakita ng tapang, tulad ng sa sumusunod na kuwento.

Ibinahagi ni Pangulong Thomas S. Monson ang sumusunod na kuwento:

16:18

Noong nasa serbisyo pa ako ng United States Navy noong World War II, nalaman ko ang tungkol sa katapangan, kagitingan, at mga halimbawa ng katapangan.Ang tandang-tanda ko ay ang lakas ng loob na taglay ng 18 taong gulang na marino—hindi siya miyembro—na hindi nahiyang magdasal.Sa 250 katao sa pulutong, siya lang ang gabi-gabing lumuluhod sa tabi ng kanyang kama, kung minsa’y sa gitna ng pangungutya ng mga usisero at pagbibiro ng mga di mananampalataya.Nakayuko ang ulo, nagdarasal siya sa Diyos.Hindi siya natakot.Hindi siya nag-alinlangan.Siya’y matapang.(“Ikaw ay Magpakalakas at Magpakatapang na Mabuti,” Liahona, Mayo 2014, 67)

Sino ang naiisip ninyo kapag narinig ninyo ang salitang katapangan?
Ano ang mga sitwasyon kung saan maaaring kailanganin ng mga tinedyer na Banal sa mga Huling Araw na magpakita ng katapangan?

Pag-isipan ang isang partikular na sitwasyon, tulad ng sa paaralan, sa tahanan, o sa mga kaibigan, kung saan sa tingin ninyo ay nais ng Ama sa Langit na magpakita kayo ng higit na katapangan.Isulat ang sitwasyong ito sa inyong study journal.

Habang pinag-aaralan ninyo ang natitirang bahagi ng kuwento tungkol kay Esther, anyayahan ang Espiritu Santo na tulungan kayong malaman kung paano kayo matutulungan ng Ama sa Langit at ni Jesucristo na harapin ang sitwasyong iyon nang may tapang.

Ang katapangan ni Esther

Mormon Messages: Having Courage & Trusting the Lord: Stand Up for What You Believe In

Si Esther ay naging reyna ni Haring Ahasuerus ng Persia.Tumanggi ang tagapag-alaga ni Esther na si Mordecai na yumukod kay Haman, ang pinunong ministro ng hari.Nagalit si Aman at tumanggap ng pahintulot mula sa hari na lipulin ang lahat ng mga Judio sa kaharian.Hiniling ni Mordecai kay Esther na makiusap at humiling sa hari, na sinasabi sa kanya na marahil ay inilagay siya ng Diyos sa posisyong ito “dahil sa pagkakataong ganito“ (Esther 4:14).

Kung kakailanganin ng mga estudyante ng tulong sa pagsagot sa sumusunod na tanong, maaari mo silang anyayahan na basahin ang Esther 4:10–11.

Bakit nangangailangan ng matinding katapangan ang pagpunta sa hari?

Basahin ang Esther 4:15–17, at alamin kung paano nagpakita si Esther ng katapangan habang naghahanda siyang pumunta sa hari.

Ano ang mahalaga para sa inyo tungkol kay Esther?
Anong mga alituntunin ang matututuhan natin mula sa talata 15–17 na makatutulong sa atin kapag kailangan natin ng tapang?

Pasalamatan ang mga estudyante para sa mga makabuluhang alituntunin na ibinahagi nila.Kung hindi pa nabanggit, maaari mo silang tulungang matukoy ang sumusunod na alituntunin: Kapag umasa ako sa Ama sa Langit at kay Jesucristo, bibigyan Nila ako ng katapangan.
Anong katibayan ang nakikita ninyo na umasa si Esther sa Panginoon?Paano ito maaaring nakatulong sa kanya?

Mga pagkilos na nagpapakita ng katapangan

Ang mga sumusunod na scripture passage ay makatutulong sa mga estudyante na makita kung paano patuloy na pinagkalooban ng Panginoon si Esther ng katapangan.

Maaari mong hatiin sa maliliit na grupo ang mga estudyante o maaari mo silang pagpartner-partnerin.Atasan ang bawat grupo o magkapartner ng isa sa mga sumusunod na talata ng banal na kasulatan.O maaaring pag-aralan ng mga estudyante na nasa iisang grupo ang isa sa mga talata ng banal na kasulatan at maghandang magbahagi sa isa’t isa.

Pag-aralan ang isa sa mga sumusunod na talata ng banal na kasulatan, at alamin kung paano nagpakita si Esther ng katapangan.

Esther 5:1–4.Pinuntahan ni Esther ang hari.
Esther 7:1–4.Si Esther, ang hari, at si Aman ay nagdaos ng isang pribadong piging.
Esther 8:3–6.Kinausap ni Esther ang hari tungkol sa utos nito na patayin ang mga Judio.

Pagkatapos ay talakayin ang mga sumusunod na tanong:

Paano naging pagpapakita ng katapangan ang mga ginawa ni Esther?
Sa inyong palagay, ano ang kailangang malaman ng isang tao tungkol sa Diyos upang magawa ang pasiyang ginawa ni Esther?

Anyayahan ang mga handang estudyante na ibahagi sa klase ang tinalakay nila.

Ang pagtulong sa mga estudyante na ilagay si Jesucristo sa sentro ng kanilang pag-aaral ay nag-aanyaya sa Espiritu Santo na magpatotoo tungkol sa Kanya.Makatutulong ito sa mga estudyante upang magkaroon ng mas personal at matinding karanasan sa pagkatuto.Ang isang paraan kung paano ito magagawa ay sa pamamagitan ng pag-uugnay ng kuwento tungkol kay Esther sa buhay at halimbawa ni Jesucristo.

(Para sa karagdagang pagsasanay sa pagtulong sa mga estudyante na iugnay ang kanilang natututuhan sa buhay at halimbawa ni Jesucristo, tingnan ang “Bigyang-diin ang halimbawa ni Jesucristo“ sa Mga Kasanayan para sa Pag-unlad ng Guro [2022], 5.)

Idispley ang larawan ni Jesucristo sa pisara.Maaari mong itanong ang isa o lahat ng sumusunod na tanong.
Paano ninyo naaalala ang Tagapagligtas kay Esther?
Ano ang mga halimbawa mula sa buhay ng Tagapagligtas na kung saan nagpakita Siya ng katapangan?

Para ihanda ang mga estudyante na ibahagi ang kanilang sariling mga karanasan, maaari kang magpanood ng video gaya ng “ Having Courage and Trusting the Lord“ (3:18), na makikita sa ChurchofJesusChrist.org.

3:18
Kailan ang panahon na kayo, o ang isang taong kilala ninyo, ay umasa sa Panginoon at nabiyayaan ng tapang?

Ang aking personal na pagkilos na nagpapakita ng katapangan

Ang mga sumusunod na mungkahi ay makatutulong sa mga estudyante na ipamuhay ang natutuhan nila mula sa salaysay tungkol kay Esther.

Pagnilayan ang sitwasyong naisip ninyo sa unang bahagi ng lesson.Humingi ng patnubay mula sa Espiritu habang pinagninilayan ninyo kung paano kayo makapagpapakita ng katapangan at paano kayo aasa sa Panginoon sa sitwasyong iyon.

Muling basahin ang Esther 4:16, na binibigyang-diin ang sumusunod na pahayag: “… [at] pupunta ako sa hari bagaman labag sa batas. At kung ako’y mamamatay, ay mamatay.“

Upang matulungan ang mga estudyante na bigyang-diin ang pahayag sa talata 16, maaari nilang markahan o i-highlight ito kung gusto nila.Pagkatapos ay maaari mo silang anyayahang isulat muli ang pahayag sa kanilang study journal gamit ang mga prompt sa ibaba.

Baguhin ang pagkakasaad ng pahayag na ito upang ipakita ang iyong paninindigan na magpakita ng katapangan at umasa sa Panginoon sa iyong sitwasyon.Upang matulungan kang gawin ito, maaari mong kumpletuhin ang mga sumusunod na prompt:

At ako ay (ang pagkilos na gusto mong gawin upang magpakita ng katapangan).At kung (isang posibleng kahihinatnan), ako ay (isang bagay na gagawin mo upang umasa sa Panginoon).

Maaaring makatulong na magbigay ng halimbawa, tulad ng sumusunod:

Isipin na kunwari ay nararamdaman mong nais ng Ama sa Langit na magkaroon ka ng tapang na ihinto ang paggamit ng magagaspang at masasakit na pananalita sa iyong mga kaibigan.Maaari mong baguhin ang pagkakapahayag ng Esther 4:16 upang sabihin: “At hindi na ako gagamit ng masasamang pananalita, kahit pabiro.At kung aasarin o kukutyain ako ng mga kaibigan ko, magdarasal ako na palakasin ako na patuloy mapagsikapang hindi magsalita ng masama.”

Anyayahan ang mga estudyante na handang ibahagi ang kanilang isinulat.Kung may oras pa, maaaring magbahagi ang mga estudyante ng payo sa isa’t isa tungkol sa mga sitwasyong ibinahagi nila.

Magpatotoo tungkol sa halimbawa ng katapangan ng Panginoon.Ipahayag ang iyong pagtitiwala sa kakayahan ng iyong mga estudyante na harapin ang kanilang mga hamon nang may tapang habang umaasa sila sa Panginoon na gawin ang Kanyang kalooban.

Karagdagang Resources

Paano ako mapagpapala sa pagpapakita ng katapangang tulad ng kay Cristo?

Itinuro ni Elder Gary E. Stevenson ng Korum ng Labindalawang Apostol:

10:35

Ipinangangako ko na palalakasin kayo ng Panginoon.“Sapagka’t hindi tayo binigyan ng Dios ng Espiritu ng katakutan; kundi ng kapangyarihan” [2 Timoteo 1:7].Bibiyayaan Niya kayo sa inyong kagitingan at matwid na pag-uugali—ng ligaya at galak.Ang gayong kagitingan ay bunga ng inyong pananampalataya kay Jesucristo at sa Kanyang Pagbabayad-sala, inyong mga panalangin at sa pagsunod ninyo sa mga kautusan.(“Maging Matapang sa Kagitingan, Lakas at Gawain,” Liahona, Nob. 2012, 52)

Panghihikayat ni Pangulong Thomas S. Monson:

16:18

Lahat tayo ay daranas ng takot, pangungutya, at pagsalungat.Nawa’y magkaroon tayo—lahat tayo—ng tapang na salungatin ang gusto ng nakakarami, ng tapang na manindigan para sa prinsipyo.Katapangan, hindi kompromiso, ang kinalulugdan ng Diyos.Ang katapangan ay nagiging isang tunay at kasiya-siyang katangian kapag ito ay itinuring hindi lamang bilang kahandaang mamatay kundi ng determinasyong mamuhay nang marangal.Sa ating pag-unlad, sa pagsisikap na mamuhay gaya ng nararapat, tiyak na tatanggap tayo ng tulong sa Panginoon at mapapanatag sa Kanyang mga salita.(“Ikaw ay Magpakalakas at Magpakatapang na Mabuti,” Liahona, Mayo 2014, 69)

Anong mga karagdagang aral ang matututuhan ko mula sa aklat ni Esther?

Ipinaliwanag ni Pangulong Camille N. Johnson, Relief Society General President:

10:8

Si Esther ay isa pang magandang halimbawa na hinayaang manaig ang Diyos sa kanyang buhay.Sa halip na sariling kaligtasan lamang ang isipin, siya ay nanampalataya, at lubos na ipinagkatiwala ang sarili sa Panginoon. …

Handa si Esther na ipaubaya sa Tagapagligtas ang pagsulat ng kuwento ng kanyang buhay, bagama’t sa pananaw ng mortalidad, maaaring maging kalunus-lunos ang wakas nito.Sa kabutihang-palad, tinanggap ng hari si Esther, at nakaligtas ang mga Judio sa Persia.

Mangyari pa, ang gayong katapangan ni Esther ay bihirang hingin sa atin.Ngunit kapag hinayaan nating manaig ang Diyos, ang hayaan Siya na maging may-akda at tagatapos ng ating mga kuwento, nangangailangan ito ng pagsunod natin sa Kanyang mga kautusan at pagtupad sa mga tipang ginawa natin.Sa pagsunod natin sa kautusan at pagtupad sa tipan mananatiling bukas ang linya ng komunikasyon para sa atin upang makatanggap tayo ng paghahayag sa pamamagitan ng Espiritu Santo.At sa pamamagitan ng mga pahiwatig ng Espiritu, madarama natin ang kamay ng Panginoon, na isinusulat ang ating mga kuwento kasama natin.(“Anyayahan si Cristo na Maging May-akda ng Inyong Kuwento,” Liahona, Nob. 2021, 81)

Mga Karagdagang Aktibidad sa Pag-aaral

Isang alternatibong paraan kung paano babasahin ang kuwento tungkol kay Esther

Para sa alternatibong paraan kung paano mapag-aaralan ang kuwento tungkol kay Esther sa ilalim ng heading na ”Mga pagkilos na nagpapakita ng katapangan,” maaaring anyayahan ang mga estudyante na basahin ang salaysay sa paraang katulad ng kung paano ito binabasa sa pagdiriwang ng Purim ng mga Judio.Bilang bahagi ng pagdiriwang na ito, babasahin nang malakas sa mga bata ang kuwento tungkol kay Esther.Kapag binasa ang pangalang Mordecai, lahat sila ay magbubunyi; kapag binasa ang pangalang Haman, lahat sila ay magsasabi ng “boo” o magpapakita ng pag-ayaw.

Anyayahan ang dalawang estudyante na basahin ang mga sumusunod na banal na kasulatan habang binabasa ng isa pang estudyante ang bahagi ng tagapagsalaysay.

Tagapagsalaysay: Matapos tanungin ng hari si Esther kung ano ang kailangan nito sa kanya, tinanong niya kung pupunta sila ni Haman sa isang piging na ihahanda niya para sa kanila.Tinanggap ng hari at ni Haman ang paanyaya.

Estudyante 1:Esther 5:9, 12–14

Tagapagsalaysay: Hindi makatulog ang hari noong gabi bago ang piging.Ipinabasa niya ang ilang opisyal na ulat at nalaman niyang iniligtas ni Mordecai ang kanyang buhay sa pamamagitan ng pagsasabi ng tungkol sa pagtatangkang pagpatay sa hari.Dahil dito, inutusan niya si Haman na magbigay ng malaking parangal kay Mordecai, na lalong nagpasidhi ng pagkapoot ni Haman kay Mordecai at sa mga Judio.

Estudyante 2:Esther 7:1–6, 9–10

Tagapagsalaysay: Pagkatapos ng kamatayan ni Haman, si Haring Ahasuerus ay nagbigay ng pangalawang utos para maproteksyunan ang mga Judio at binigyan sila ng kapangyarihang lipulin ang kanilang mga kaaway sa loob ng kaharian.Pinasimulan ang Pista ng Purim upang tulungan ang mga Judio na alalahanin ang pagkakaligtas nila mula kay Haman.Si Mordecai ay hinirang bilang pangalawang namumuno sa kaharian.

Ang kahalagahan ng pag-aayuno

Kung hindi mo itinuro ang tungkol sa pag-aayuno sa Lesson 92: Ezra, maaari mo itong bigyang-diin sa lesson na ito.Pagkatapos pag-aralan ng mga estudyante ang Esther 4:15–17, maaari mong itanong sa kanila kung bakit sa palagay nila ay pinili ni Esther at ng mga Judio na mag-ayuno sa ganoong kakila-kilabot na sitwasyon.Pagkatapos ay maaari mong ipakita ang sumusunod na pahayag:

Itinuro ni Elder Jorge F. Zeballos ng Pitumpu:

Ang pag-aayuno ay naghahatid sa atin ng espirituwal na lakas at naghahanda sa atin na maging matatag sa mga pagsubok ng buhay na ito.(“Pagkakaroon ng Isang Buhay na Hindi Kayang Impluwensiyahan ng Kaaway,” Liahona, Nob. 2022, 51)

Tulungan ang mga estudyante na matukoy ang katotohanan, tulad ng: Maaari tayong pagpalain ng Panginoon ng espirituwal na lakas kapag taos-puso tayong nag-ayuno.Maaaring magbahagi ang mga estudyante ng iba pang halimbawang alam nila mula sa mga banal na kasulatan o mula sa sarili nilang buhay kung saan biniyayaan ng Panginoon ang isang tao ng espirituwal na lakas dahil sa taimtim na pag-aayuno.

Ang kapalaluan at galit ay maaaring humantong sa pagbagsak

Kung makikinabang ang mga estudyante sa pagtalakay ng tungkol sa mga panganib ng kapalaluan at galit, maaari mong anyayahan ang mga estudyante na basahin ang Esther 3:1–6, 8–11 at 5:9–14.Maaaring hanapin ng mga estudyante ang mga damdamin, salita, at kilos ni Haman.Itanong sa mga estudyante kung ano ang natutuhan nila tungkol kay Haman at sa kanyang mga motibo o hangarin.Pagkatapos ay maaari mong basahin o ibuod ang Esther 7 para malaman ang nangyari kay Haman.

Maaaring suriin ng mga estudyante kung ano ang nag-uudyok sa kanilang sariling mga damdamin at kilos.Anyayahan sila na humingi ng tulong sa Ama sa Langit kapag napansin nila ang alinman sa mga damdamin o kilos na ito sa kanilang buhay.