Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Естер, 2-р хэсэг: “Хэрэв би үхэх ёстой бол үхнэ”

“Естер, 2-р хэсэг: ‘Хэрэв би үхэх ёстой бол үхнэ,’” Хуучин Гэрээний семинарын багшийн гарын авлага (2026)

“Естер, 2-р хэсэг: ‘Хэрэв би үхэх ёстой бол үхнэ,’” Хуучин Гэрээний семинарын багшийн гарын авлага

Естер: 95-р хичээл

Естер, 2-р хэсэг

“Хэрэв би үхэх ёстой бол үхнэ”

Screenshot from the video Esthers Courage

Есүс Христийн дагалдагчдын хувьд бид өөр өөр нөхцөл байдалд байж болох ч бүгдэд маань зоригтой байх хэрэгтэй үе гарна. Естер ард түмнээ аврахын тулд үхэлтэй нүүр тулж магадгүй байсан ч Их Эзэнд найдан зориг гаргасан. Энэ хичээл суралцагчдад Их Эзэний хүслийг биелүүлэхийн тулд зоригтой үйлдэхэд тусална.

Суралцагчийн бэлтгэл: Таньдаг хэн нэгэн нь Их Эзэний хүслийг биелүүлэх зоригоо харуулсан жишээг хуваалцахад суралцагчдыг урь.

Боломжит суралцах үйл ажиллагаа

Зоригтой байх дуудлага

Дараах түүх шиг зоригтой байдлыг харуулсан хэн нэгний туршлагаас хуваалцан, хичээлээ эхлэх талаар бодож үз.

Ерөнхийлөгч Томас С.Монсон дараах түүхийг хуваалцсан.

16:18

Би Дэлхийн II дайнд Нэгдсэн Улсын тэнгисийн цэрэгт алба хааж байхдаа эрэлхэг гавьяа, баатарлаг явдал, эр зоригийн үлгэр жишээнүүдийг харж байсан. Хэзээ ч мартагдамгүй нэгэн тохиолдол бол манай Сүмийн гишүүн биш, залбирахдаа санаа зовдоггүй, 18 настай нэгэн цэргийн чимээгүй зориг юм. Заримдаа танхай этгээдүүд тохуурхаж, үл итгэгчид шоолдог байсан ч хорооны 250 эрэгтэйгээс орой бүр орныхоо дэргэд өвдөг сөгддөг ганц хүн бол тэр цэрэг байсан. Тэрээр толгойгоо бөхийлгөн, Бурханд хандан залбирдаг байв. Тэр үүнд хэзээ ч эргэлзэж байгаагүй юм. Тэр хэзээ ч шантарч байгаагүй. Тэр зоригтой байсан. (“Хүчтэй бөгөөд зоригтой бай,” 2014 оны 4-р сарын Ерөнхий чуулган, 87)

Зориг гэдэг үгийг сонсоод та хэнийг боддог вэ?
Хожмын үеийн гэгээнтэн өсвөр үеийнхэн зориг гаргах хэрэгтэй ямар ямар нөхцөл байдал байж болох вэ?

Тэнгэрлэг Эцэг таныг илүү их зориг гаргаасай хэмээн хүсэж болох сургууль, гэр орон эсвэл найзуудтайгаа холбоотой тодорхой нэг нөхцөл байдлыг тунгаан бод. Уг нөхцөл байдлыг судлах тэмдэглэл дээрээ бич.

Естерийн түүхийн үлдсэн хэсгийг судлахдаа уг нөхцөл байдлыг зоригтойгоор даван туулахад Тэнгэрлэг Эцэг, Есүс Христ хоёр танд хэрхэн тусалж чадахыг мэдэхэд тань туслах Ариун Сүнсийг урь.

Естерийн зориг

Mormon Messages: Having Courage & Trusting the Lord: Stand Up for What You Believe In

Естер Персийн хаан Ахашверошийн хатан болсон. Естерийн асран хамгаалагч Мордехаи хааны ахлах үйлчлэгч Хаманд мэхийн ёслохоос татгалзав. Хаман уурлан хилэгнэж, хаант улсын иудейчүүдийг бүгдийг нь устгахаар хаанаас зөвшөөрөл авчээ. Мордехай хаанаас тусламж эрэхийг Естерээс хүсэхдээ, магадгүй Бурхан түүнийг “энэ цагийн төлөө” (Естер 4:14) энэ байр сууринд тавьсан байж болох юм гэж хэлжээ.

Хэрэв суралцагчдад дараах асуултад хариулахад тусламж хэрэгтэй бол та тэднийг Естер 4:10–11-ийг уншихад урьж болно.

Хаанд хандахын тулд зоригтой байх хэрэгтэйн учир юу вэ?

Естер 4:15–17-г уншаад, хаанд хүсэлт гаргахаар бэлтгэж байхдаа Естер хэрхэн зориг гаргасан тухай олж мэд.

Естерийн юу таны анхаарлыг илүү их татаж байна вэ?
Бид 22-р шүлгээс хүнд хэцүү бэрхшээлтэй тулгарах үед бидэнд тусалж болох юуг мэдэж авч болох вэ?

Утга учиртай зарчмуудыг хуваалцсаных нь төлөө суралцагчдад талархал илэрхийл. Хэрэв аль хэдийн дурдаагүй байгаа бол Тэнгэрлэг Эцэг, Есүс Христ хоёрт найдах үед тэд намайг зоригжуулах болно гэсэн зарчмыг тодорхойлоход нь та тэдэнд тусалж болно.
Естер Их Эзэнд найдсан гэх ямар нотолгоог та харж байна вэ? Энэ нь түүнд хэрхэн тусалсан байж болох вэ?

Зоригтой үйлдэл

Дараах судрын хэсгүүд нь Их Эзэн Естерийг хэрхэн зоригоор адисалсаар байсныг ойлгоход суралцагчдад тусална.

Суралцагчдыг хоёр хоёроор нь эсвэл жижиг бүлгүүд болгон хуваарил. Бүлэг эсвэл хамтрал тус бүрд дараах судрын хэсгүүдээс нэгийг оноож өг. Эсвэл нэг бүлгийн суралцагч тус бүр нэг хэсгийг судалж, бие биетэйгээ хуваалцахад бэлтгэж болно.

Судрын дараах хэсгүүдээс нэгийг судалж, Естер хэрхэн зориг гаргасныг олж мэд.

Eстер 5:1–4. Естер хаанд дөхөн очив.
Eстер 7:1–4. Естер, хаан, Хаман нар хаалттай найр хийжээ.
Eстер 8:3–6. Естер иудейчүүдийг алах зарлигийнх нь талаар хаантай ярилцав.

Дараа нь дараах асуултуудын талаар ярилц.

Естерийн үйлдлүүд хэрхэн эр зоригийн илэрхийлэл болсон бэ?
Естерийн хийсэн сонголтыг хийхийн тулд хүн Бурханы талаар юу мэдэх хэрэгтэй гэж та нар бодож байна вэ?

Хуваалцах хүсэлтэй суралцагчдыг ярилцсан зүйлээ ангийнхантайгаа хуваалцахад урь.

Суралцагчдад Есүс Христийг суралцах төвөө болгоход туслах нь Түүнийг гэрчлэхэд Ариун Сүнсийг урьдаг. Энэ нь илүү хувийн, хүчирхэг суралцах туршлагатай болоход нь суралцагчдад тусалж чадна. Үүнийг хийх нэг арга бол Естерийн түүхийг Есүс Христийн амьдрал, үлгэр жишээтэй холбох явдал юм.

(Сурч байгаа зүйлээ Есүс Христийн амьдрал, үлгэр жишээтэй холбоход нь суралцагчдад туслах нэмэлт сургалтыг Багшийн хөгжүүлбэл зохих ур чадвар [2022], 5-р хуудсан дахь “Есүс Христийн үлгэр жишээг онцол” хэсгээс үзнэ үү.)

Есүс Христийн зургийг самбар дээр тавьж үзүүл. Дараах асуултуудын аль нэгийг эсвэл хоёуланг нь асуу.
Естер танд Аврагчийг хэрхэн сануулдаг вэ?
Өөрийн зоригыг харуулсан Аврагчийн амьдралын ямар ямар жишээ байдаг вэ?

Хувийн туршлагаасаа хуваалцахад нь суралцагчдыг бэлтгэхийн тулд ChurchofJesusChrist.org дээрх “Having Courage and Trusting the Lord” (3:18) зэрэг видеог суралцагчдад үзүүлэх талаар бодож үз.

3:18
Та эсвэл таны таньдаг хэн нэгэн хэзээ Их Эзэнд найдаж, эр зоригоор адислагдсан бэ?

Миний хувийн зоригтой үйлдэл

Дараах зөвлөмжүүд нь Естерийн түүхээс сурч мэдсэн зүйлээ хэрэгжүүлэхэд суралцагчдад тусална.

Хичээлийн эхэнд бодсон нөхцөл байдлынхаа талаар эргэцүүлэн бод. Хэрхэн зориг гаргаж, тухайн нөхцөл байдалд Их Эзэнд найдах талаар тунгаан бодохдоо Сүнсний удирдамжийг эрэлхийл.

Естер 4:16-г дахин уншаад, “… хуулийн дагуу биш ч гэсэн би хаан дээр орно. Хэрэв би үхэх ёстой бол үхнэ” гэсэн мэдэгдлийг онцлон тэмдэглэ.

Суралцагчид 16-р шүлэг дэх мэдэгдлийг онцлон тэмдэглэхдээ хүсвэл үүнийг зурж тэмдэглэж эсвэл тодруулж болно. Дараа нь доорх өдөөлтүүдийг ашиглан, уг өгүүлбэрийг судлах тэмдэглэл дээрээ дахин бичихэд тэднийг урих талаар бодож үз.

Зоригтой байж, нөхцөл байдлынхаа талаар Их Эзэнд найдах амлалтаа тусгахын тулд энэ мэдэгдлийг өөрчлөн бич. Үүнийг хийхэд тань туслах дараах зааврыг бөглөнө үү.

Би (зоригийг харуулахын тулд та нарын хиймээр байгаа үйлдэл) болно. Хэрэв (боломжтой үр дагавар) байвал би (Их Эзэнд найдахын тулд та нарын хийх зүйл).

Дараахтай төстэй жишээг өгөх нь тустай байж магадгүй юм.

Тэнгэрлэг Эцэг таныг найзуудтайгаа бүдүүлэг, гомдмоор үг хэллэг хэрэглэхээ болих зоригтой байгаасай хэмээн хүсдэг гэж төсөөл. Та Естер 4:16-г өөрчилж ингэж хэлж болно: “Тиймээс би хошигнож байсан ч дахин муу үг хэрэглэхгүй. Хэрэв найз нар маань намайг шоолох юм уу дооглох юм бол би үргэлжлүүлэн хичээх хүч чадлын төлөө залбирах болно.”

Бичсэн зүйлээ хуваалцах хүсэлтэй суралцагчдыг урь. Хэрэв цаг гарвал суралцагчид хуваалцсан нөхцөл байдлынхаа талаар бие биедээ зөвлөгөө өгч болно.

Их Эзэний эр зоригийн үлгэр жишээг гэрчил. Их Эзэний хүслийг биелүүлэхийн тулд найдлагаа тавих үед сорилт бэрхшээлээ зоригтой даван туулах чадварт нь итгэдэг гэдгээ суралцагчдадаа илэрхийл.

Нэмэлт эх сурвалж

Христийнх шиг зориг гаргасныхаа төлөө би хэрхэн адислагдаж болох вэ?

Арван хоёр төлөөлөгчийн чуулгын ахлагч Гари Э.Стивэнсон ийн заасан.

10:35

Их Эзэн та нарт хүч чадал өгнө гэдгийг би амлаж байна. “Бурхан бидэнд айдсын бус, харин хүчний сүнсийг өгсөн” [2 Tимот 1:7]. Тэрээр тэрхүү зоригт байдал, шударга зан чанарын тань төлөө та нарыг аз жаргал, баяр баясгалангаар шагнах болно. Ийм зориг нь Есүс Христэд болон Түүний Цагаатгалд итгэх та нарын итгэл, залбирал, мөн зарлигуудад дуулгавартай байдлын тань үр дүн байх болно. (“Зориг, хүч чадал хийгээд эрч хүчээрээ үлэмж баатарлаг бай, 2012 оны 10-р сарын Ерөнхий чуулган, 64–65)

Ерөнхийлөгч Томас С.Монсон ийн уриалсан.

16:18

Бид бүгд айдас, доог тохуурхал, эсэргүүцэлтэй тулгарах болно. Нийтээр зөвшөөрөгдсөн зүйлийг сөрж, зөв зарчмын төлөө зогсох зоригтой байцгаая. Бууж өгөх бус, харин зоригтой байх нь Бурханы баталгаа болсон инээмсэглэлийг авчирдаг. Зориг нь зөвхөн баатарлагаар амь үрэгдэхэд бэлэн байхад бус, зөв амьдрах шийдвэр төгс байх үед амьд бөгөөд сэтгэл татам чанар болдог. Бид урагш тэмүүлж, амьдрах ёстой зарчмуудын дагуу амьдрах гэж хичээснээр Их Эзэнээс тусламж хүлээн авч, Түүний үгсээс тайтгарлыг олж чадах нь гарцаагүй. (“Хүчтэй бөгөөд зоригтой бай,” 2014 оны 4-р сарын Ерөнхий чуулган, 88)

Би Естерийн номоос ямар нэмэлт сургамж авч болох вэ?

Халамжийн нийгэмлэгийн ерөнхий ерөнхийлөгч Камилл Н.Жонсон ийн заасан.

10:8

Естерийн түүх бол Бурханыг амьдралдаа ялуулсан бас нэг гайхалтай жишээ юм. Өөрийгөө хамгаалж, аюулгүй байлгахад анхаарсан өгүүлэмжийг баримтлахын оронд тэрээр итгэлээ ашиглан өөрийгөө Их Эзэнд бүрэн даатгажээ. …

Мөнх бус нүдээр харахад, эмгэнэлтэй төгсөж болох байсан ч Естер өөрийнх нь түүхийг бичихийг Аврагчид зөвшөөрсөн юм. Аз болоход, хаан Естерийг хүлээн авснаар үл барам Перс дэх иудейчүүд ч аврагджээ.

Естерийнх шиг зоригийг биднээс бараг шаарддаггүй нь мэдээж боловч Бурханыг амьдралдаа ялуулж, түүхийнхээ эхлүүлэгч бөгөөд төгсгөгч болохыг Түүнд зөвшөөрөх нь Түүний зарлигуудыг болон Түүнтэй байгуулсан гэрээнүүдээ сахихыг биднээс шаарддаг. Зарлиг, гэрээнүүдээ сахиснаар бид Ариун Сүнсээр дамжуулан илчлэлт хүлээн авах харилцааны сувгийг нээдэг. Бид Сүнсний илэрхийлэлтээр дамжуулан бидэнтэй хамт бидний түүхийг бичилцэж буй Багшийн мутрыг мэдрэх болно. (“Түүхээ бичихдээ Христийг урь,” Лиахона, 2021 оны 11-р сар, 81)

Нэмэлт суралцах үйл ажиллагаа

Естерийн түүхийг унших өөр арга

“Зоригтой үйлдэл” гэсэн гарчигтай Эстерийн түүхийг судлах өөр арга зам болгож иудейчүүдийн Пуримын баярын үеэр хэрхэн уншдагтай адил байдлаар уншихад суралцагчдыг урьж болно. Энэхүү баяр ёслолын хүрээнд Естерийн түүхийг хүүхдүүдэд чангаар уншиж өгдөг аж. Мордехаи гэдэг нэрийг уншихад тэд бүгд баярлан хөөрдөг; Хаман гэдэг нэрийг уншихад тэд бүгд дургүйцэл, эсэргүүцлээ илэрхийлдэг.

Нэг суралцагчийг өгүүлэгчийн хэсгийг унших зуур өөр хоёр суралцагчийг дараах судруудыг уншихад урь.

Өгүүлэгч: Хаан Естерээс юу хүсэж байгааг нь асуухад хаан, Хаман хоёрт зориулан бэлтгэх найрт тэднийг ирнэ үү гэж Естер хүсжээ. Хаан, Хаман хоёр урилгыг хүлээн авав.

Суралцагч 1: Естер 5:9, 12–14

Өгүүлэгч: Хаан найрын өмнөх шөнө унтаж чадсангүй. Тэрбээр өөрийнх нь амийг хороох гэсэн оролдлогыг Мордехаи зогсоон, амийг нь аварсан тухай албан ёсны мэдээ хүлээн авчээ. Үүний үр дүнд тэрээр Хаманыг Мордехаид агуу их хүндэтгэл үзүүлэх болгосон нь Хаманы Мордехаиг болон иудейчүүдийг үзэн ядах сэтгэлийг улам нэмэв.

Суралцагч 2: Естер 7:1–6, 9–10

Өгүүлэгч: Ахашверош хаан Хаманыг үхсэний дараа иудейчүүдийг хамгаалах, хаант улс доторх дайснуудаа устгах эрх мэдлийг олгон хоёр дахь зарлигийг гаргажээ. Иудейчүүдийг Хаманаас чөлөөлөгдсөнөө санахад нь туслах зорилгоор Пуримын баярыг тэмдэглэж иржээ. Мордехаи хаант улсын хоёр дахь эрх мэдэлтэй албан тушаалтнаар өргөмжлөгдсөн.

Мацаг барилтын ач холбогдол

Хэрэв та 92-р хичээл: Эзра дээр мацаг барих талаар заагаагүй бол энэ хичээл дээр онцолж болно. Суралцагчдыг Естер 4:15–17-г судалсны дараа та тэднээс яагаад Естер болон иудейчүүд ийм хүнд хэцүү үед мацаг барихыг сонгосны учрыг асууж болно. Дараа нь та дараах мэдэгдлийг харуулж болно.

Далын ахлагч Хорхэ Ф.Зэбаллос ийн заасан.

Мацаг барилт нь бидэнд сүнслэг хүч чадлыг авчирч, энэ амьдралын хүнд сорилтуудад тэсвэртэй байхад бэлтгэдэг. (“Дайсны довтолгоонд тэсвэртэй амьдралыг бүтээх нь,” Лиахона, 2022 оны 11-р сар, 51)

Суралцагчдад Их Эзэн биднийг чин сэтгэлээсээ мацаг барих үед сүнслэг хүч чадлаар адисалж чадна гэх мэт үнэнийг олж тогтооход тусал. Суралцагчид Их Эзэн чин сэтгэлээсээ мацаг барьсан хүнийг сүнслэг хүч чадлаар адисалсан тухай судраас эсвэл өөрсдийн амьдралаас мэддэг өөр жишээнүүдээс хуваалцаж болно.

Бардамнал, уур хилэн уналтад хүргэдэг

Бардамнал, уур хилэнгийн аюулын талаар ярилцах нь суралцагчдад тустай гэж үзвэл Естер 3:1–6, 8–11 болон 5:9–14-ийг уншихад тэднийг урих талаар бодож үз. Суралцагчид Хаманы мэдрэмж, үг яриа, үйлдлийг хайж болно. Хаманы тухай болон түүний сэдлийн талаар юу сурч мэдсэнийг нь суралцагчдаас асуу. Дараа нь Хаманд юу тохиолдсоныг мэдэхийн тулд Естер 7-г уншиж эсвэл нэгтэн дүгнэх талаар бод.

Суралцагчид өөрсдийнх нь мэдрэмж, үйлдэлд юу нөлөөлдөг талаар дүгнэлт хийж болно. Амьдралдаа эдгээр мэдрэмж эсвэл үйлдлүүдийн аль нэгийг нь анзаарсан үедээ Тэнгэрлэг Эцэгтээ хандахад тэднийг урь.