Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Естер, 1-р хэсэг: Энэ цагийн төлөө ч юм бил үү

“Естер, 1-р хэсэг: Энэ цагийн төлөө ч юм бил үү,” Хуучин Гэрээний семинарын багшийн гарын авлага (2026)

“Естер, 1-р хэсэг: Энэ цагийн төлөө ч юм бил үү,” Хуучин Гэрээний семинарын багшийн гарын авлага

Естер: 94-р хичээл

Естер, 1-р хэсэг

Энэ цагийн төлөө ч юм бил үү

Mormon Messages: Having Courage & Trusting the Lord: Stand Up for What You Believe In

Тэнгэрлэг Эцэг таныг энэ цаг үед, энэ газар луу яагаад хөтлөн чиглүүлснийг, мөн Түүний танаар ямар ажил хийлгэхийг хүсэж байгааг та хэзээ нэгэн цагт бодож үзэж байсан уу? Естер гэдэг өнчин иудей эмэгтэйд дээрхтэй төстэй асуулт байсан байж магадгүй юм. Естерийн Персэд олзлогдсон нь Түүний ард түмэн болох иудейчүүдийг аврахад Их Эзэнд туслах байр сууринд түүнийг аваачжээ. Энэ хичээл нь Тэнгэрлэг Эцэг биднийг хэрхэн Өөрийнх нь ажлыг гүйцэлдүүлэхэд туслах нөхцөл байдалд тавьдгийг ойлгоход суралцагчдад тусална.

Суралцагчийн бэлтгэл: Тэнгэрлэг Эцэг өөрсдөөр нь дамжуулан энэ семинарын ангид эсвэл тэдний тойрог, салбар, сургууль, хот, гэр бүлд Өөрийн ажлыг хэрхэн гүйцэлдүүлж болох талаар залбирч, тунгаан бодохыг суралцагчдаас хүсэх талаар бодож үз.

Боломжит суралцах үйл ажиллагаа

Тэнгэрлэг төлөвлөгөө

Шатрын хөлөг, дүрсүүдийг эсвэл шатрын хөлгийн зургийг үзүүлж хичээлээ эхэл. Шатрын тоглоомын талаар мэддэг зүйлээ хуваалцахад суралцагчдыг урь. Хэрэв шаардлагатай бол тоглогчид өөрсдийн дүрсүүдийг стратегийн байрлалд байршуулж, тоглоомд ялах зорилготой байдгийг тайлбарла. Та суралцагчдаас ямар хүнийг чадварлаг шатарчин гэж бодож байгааг нь асууж болно. Хэрэв суралцагчид дурдаагүй бол тоглоомын явцад чадварлаг тоглогчид хэд хэдэн нүүдлийн урьдчилсан стратегийг боловсруулдаг гэдгийг хуваалцах талаар бод. Дараа нь та ахлагч Расбандын тайлбарыг хуваалцан бидний амьдрал хэрхэн шатрын тоглоом шиг байж болох талаар бодохыг суралцагчдаас хүсэж болно.

Арван хоёр төлөөлөгчийн чуулгын ахлагч Роналд А.Расбанд ийн заасан.

Бидний амьдрал шатрын хөлөг мэт. Хэрвээ бид сүнслэг өдөөлтийг сонсох аваас Их Эзэн биднийг нэг байрнаас нөгөө рүү нүүлгэдэг. Бид эргэж хараад, Түүний мутар бидний амьдралд хэрхэн оролцож байсныг харж чаддаг. (“Тэнгэрлэг төлөвлөгөөний дагуу,” 2017 оны 10-р сарын Ерөнхий чуулган,, 48)

Яагаад бидний амьдралд Бурханы нөлөөг одоо бус, өнгөрсөн үе рүү харж байж илүү хялбар анзаардаг гэж та бодож байна вэ?

Естерийн цэдэг нь Естерийн амьдрал дахь Бурханы нөлөө түүнийг хэрхэн Бурханы ажлыг гүйцэтгэх байр сууринд тавьсныг дүрсэлдэг. Энэ хичээлээр та энэ цэдгийн эхний хэсгийг судлах болно. Суралцах үедээ Тэнгэрлэг Эцэг Өөрийн ажлыг гүйцэлдүүлэхэд туслах нөхцөл байдалд таныг хэрхэн оруулж байгааг ойлгохын тулд Ариун Сүнсийг эрэлхийлэн залбир.

Энэ цагийн төлөө ч юм бил үү

Персүүд Вавилоныг эзэлсний дараа Персэд Естер, түүний асран хүмүүжүүлэгч Мордехаи зэрэг олон иудей хүн үлджээ. Персийн хаан Ахашверош эхнэр Ваштидаа сэтгэл дундуур байсан тул түүнийг явуулжээ (Естер 1:1–12-ыг үзнэ үү). Ахашверош шинэ сүйт бүсгүй хайж, Персийн бүх эмэгтэйг түүний өмнө авчрахыг хүсэв (Естер 2:1–4-ийг үзнэ үү).

Естерийн түүхийг ойлгоход суралцагчдад туслахын тулд та дараах судрын хэсгүүдээс нэгийг судлуулахаар суралцагчдыг жижиг бүлгүүдэд хувааж болно. Ангийнхандаа зориулж, уг түүхийн өөрсдийн хэсгийг тоймлон ярихад бүлгүүдийг урь. Суралцагчид цэдгийг нэгтгэн дүгнэж болох сонирхолтой арга замыг та бодож үзэж болно. Тэд түүхийг төлөөлүүлэхийн тулд цаасан дээр бэлгэ тэмдэг зурж болно (жишээлбэл: титэм, хуримын гивлүүр, хааны бөгж, илд эсвэл уйлж буй эможи). Суралцагчид уг түүхийг жүжигчлэн үзүүлж, бусад нь түүхийг өгүүлэгч болж болно.

Естер Мордехаи хоёрт тулгарсан хүнд хэцүү нөхцөл байдлыг олж мэдэхийн тулд оноосон хэсгийг унш.

Eстер 2:5–11, 15–17

Eстер 3:1–13

Eстер 4:1–9

Суралцагчид эдгээр цэдгийг нэгтгэн дүгнэж хуваалцах үеэр хэт удаан хугацаа зарцуулахгүйн тулд цаг хугацаагаа анзаар.

Эдгээр шүлэг дэх үйл явдлуудын талаар Тэнгэрлэг Эцэг, Есүс Христ хоёр юу гэж бодсон гэж та бодож байна вэ? Мордехаин тухай? Естерийн тухай?

Eстер 4:10–14-ийг уншаад, Тэнгэрлэг Эцэг өөрийнх нь амьдралын нөхцөл байдлуудад хэрхэн нөлөөлснийг ойлгоход Мордехаи Естерт хэрхэн тусалсныг олж мэд.

“Хааны эрх дархад хүрсэн чинь энэ цагийн төлөө ч юм бил үү, хэн мэдэх вэ?”(14-р шүлэг) гэсэн асуултыг суралцагчдаар тэмдэглүүлэхийг хүсэж болно.

Ахлагч Расбанд Өөрийн ажлыг гүйцэлдүүлэхийн тулд Бурхан бидний амьдралын нөхцөл байдалд нөлөөлдөг хэмээн гэрчилжээ.

Их Эзэн биднийг тэр шатрын хөлөг дээр хөдөлгөх болно гэдгийг би мэднэ. Тохиолдлын зүйл гэж санагдаж болох зүйл үнэндээ толгой дээрх үс бүрийг тоолж чадах хайраар дүүрэн Тэнгэр дэх Эцэгээр хийгдэж байдаг. Бүр бор шувуу ч Эцэгийн маань зөвшөөрөлгүйгээр газарт унахгүй. Их Эзэн бидний амьдралын хамгийн жижиг хэсгүүдэд ч оролцож байдаг бөгөөд тэдгээр үйл явдал, мөн боломж дэлхий дээр Бурханы хаант улсыг барилцахад туслах үед гэр бүл болон бусдыг өргөж дээшлүүлэхэд биднийг бэлтгэдэг. …

Тэнгэрлэг Эцэг оюун бодолдоо тодорхой нэг хүсэлтэйгээр биднийг тодорхой нэг нөхцөл байдалд аваачдаг. Тэр миний амьдралд ч ийн үйлдсэн бөгөөд та нарын амьдралд ч мөн ийн үйлдэж байгаа. (“Тэнгэрлэг төлөвлөгөөний дагуу,” Лиахона, 2017 оны 11-р сар, 49)

Бид Естер, ахлагч Расбанд нарын түүхээс Тэнгэрлэг Эцэгийн талаар ямар үнэнийг мэдэж авч болох вэ?

Суралцагчдыг хариултаа хуваалцаж байх үед Тэнгэрлэг Эцэг биднийг Өөрийн ажлыг гүйцэлдүүлэхэд туслах нөхцөл байдалд оруулдаг гэх мэт суралцагчдын үгсийг ашиглан, үнэнийг самбарт бич.

Жич: Естер хааны өмнө очиж ард түмнээ аврах эр зориг гаргасан тухай 95-р хичээл: “Естер, 2-р хэсэг”-ээс судална.

Тэнгэрлэг Эцэгийн удирдамжийг таньж мэдэх нь

Их Эзэн танд эсвэл таны мэддэг хэн нэгэнд Түүний мутар дахь зэмсэг байх боломжийг хэрхэн өгсөн бэ?

Тэнгэрлэг Эцэгийн Өөрийн ажлыг гүйцэлдүүлэхэд туслуулахаар танд өгсөн боломжуудыг олж мэдсэн туршлагаа хуваалцах талаар бодож үз.

Тэнгэрлэг Эцэг хэрхэн Өөрийн ажлыг гүйцэлдүүлэх нөхцөл байдалд өөрсдийг нь оруулсан талаар эргэцүүлэн бодоход нь суралцагчдад туслахын тулд та тэдэнд дараах асуултын хариултыг дотроо тунгаан бодох цаг гаргаж өгч болно. Тэд бодол санаагаа судлах тэмдэглэл дээрээ тэмдэглэж болно.
14-р шүлэг дэх Мордехаигийн хэлсэн үг таныг хэрхэн дүрсэлж болно гэж та бодож байна вэ?

Хэрэв та суралцагчдад эдгээр боломжийг амьдралдаа олж мэдэхэд илүү их тусламж хэрэгтэй гэж үзвэл дараах үйл ажиллагааг хийж дуусгахад суралцагчдыг урь.

Суралцах тэмдэглэл дээрээ өөрийн амьдрал дахь хэн нэгний нэрийг (гэр бүл, сургууль, сүм эсвэл бусад газрын) бич. Тэгээд тэмдэглэл дээрээ дараах асуултуудын дор хаяж нэгд нь хариулж бич.

Тэнгэрлэг Эцэг тэр хүнийг таны амьдралд “энэ цагийн төлөө” оруулсан гэсэн ямар нотолгоог та харсан бэ? (Естер 4:14)?
Тэнгэрлэг Эцэг таныг тодорхой хүмүүсийн эргэн тойронд эсвэл тодорхой нөхцөл байдалд “энэ цагийн төлөө” тавьсан гэдгийг та хэзээ харсан бэ? (Естер 4:14)?

Зохимжтой гэж үзвэл бичсэн зүйлээ ангийнхантайгаа хуваалцах хүсэлтэй суралцагчдыг урьж болно. Суралцагчдыг хичээлийн үеэр ирсэн сүнслэг мэдрэмжийнхээ дагуу үйлдэхэд урамшуулан дэмжих талаар бодож үз.

Нэмэлт эх сурвалж

Их Эзэний бурханлаг нөлөө сонгох эрхийн зарчимтай хэрхэн нийцдэг вэ?

Вэнди В.Нэлсон эгч бидэнд ийн сануулсан.

Миний хайрт найзууд аа, та бидэнд энэ дэлхий дээр байхдаа гүйцэтгэх гайхалтай зорилгыг мөнх бус байдлын өмнөх амьдралд байхад өгсөн.

Бидэнд мөнх бус байдлын зорилгуудаа биелүүлэх боломж олгох ч бид заавал биелүүлэх албагүй. Биднийг хэн ч үүнийг хийхэд албадахгүй. Цаг зав, эрч хүч, авьяас чадвар, нөөц боломжоо хэрхэн ашиглахаа сонгох эрх бидэнд бий. Чухамдаа юу хийхээ сонгох нь бидний сорилтын нэг хэсэг билээ.

Та бид сонголтоо хийх ёстой. Энэ дэлхий рүү ирж, гүйцэлдүүлэх ёстой гайхалтай зорилгуудаа биелүүлэхийн тулд шаардлагатай бүхнийг хийхийг сонгох уу? …

Хайрт ах, эгч нар минь ээ, энэ үе бол үнэхээр хожмын өдрүүд! Энэ дэлхийн түүхэд одоогийнх шиг цаг үе байгаагүй. Хэзээ ч! Мөнх бус байдлын өмнөх амьдралд бид энэ дэлхий дээр байхдаа гайхалтай үйлс гүйцэтгэхээ амласан. Их Эзэний тусламжтайгаар бид үүнийг гүйцэтгэж чадна. (“Изриалын найдвар” [Өсвөр үеийнхэнд зориулсан дэлхий даяарх онцгой цугларалт, 2018 оны 6-р сарын 3], Gospel Library)

Би хэрхэн Их Эзэний мутар дахь зэмсэг болж чадах вэ?

Далын ерөнхийлөгчийн зөвлөлийн ахлагч Карлос А.Годой ийн хэлсэн.

Ах, эгч нар аа, та нар Их Эзэний мутарт зэмсэг болохыг хүсэж байна уу? Та эдгээр тэнгэр элчийн нэг нь болмоор байна уу? Бурханы санаа зовж буй хэн нэгэнд туслахаар хөшигний наад талаас Түүний илгээсэн төлөөлөгч болмоор байна уу? Түүнд та нар хэрэгтэй. Та нар тэдэнд хэрэгтэй. …

Ах, эгч нар аа, би тэнгэр элч нарт итгэдэг. Бид бүгдээрээ өнөөдөр энд байгаа бөгөөд тэнгэр элч нарын агуу том арми болох бид бүгд хайраар дүүрэн Бүтээгчийн мутарт болон бусдад тохинуулахаар энд байгаа билээ. Хэрэв бид үйлчлэхэд бэлэн байвал Их Эзэн тохинуулах тэнгэр элч байх боломжийг бидэнд олгоно гэдгийг би амлаж байна. Тэрээр хэнд тэнгэр элчийн тусламж хэрэгтэй байгааг мэддэг бөгөөд тэднийг бидний зам дээр тавих болно. Их Эзэн тэнгэр элчийн тусламж хэрэгтэй хүмүүсийг өдөр бүр бидний зам дээр тавих болно. (“Би тэнгэр элч нарт итгэдэг,” 2020 оны 10-р сарын Ерөнхий чуулган, 95)

Их Эзэний зорилгыг гүйцэлдүүлэх боломжуудыг хэрхэн илүү сайн таньж мэдэх талаар Далын ахлагч Сиро Шмайл ийн тайлбарласан.

Их Эзэн Естерт хандсан шигээ Түүний зорилгыг биелүүлэхэд тусалж чадах газарт биднийг тавьдаг. Ийм учраас Түүний өгөх боломжтой нүүр тулах үедээ бид бэлэн бөгөөд зохистой байх ёстой.

Их Эзэний мутарт зэмсэг байх боломж бид бүгдийн эргэн тойронд байдаг. Бидний үүрэг бол үйлдэхэд бэлэн байх явдал юм. Эдгээр боломж хэзээ, хэрхэн гарч ирэхийг бид ихэнхдээ мэддэггүй. Бид Ариун Сүнсний нөхөрлөлийг хүлээн авахуйц зохистой амьдарч, үйлдэх хүсэлтэй байх хэрэгтэй. Ингэснээр Их Эзэн биднийг хийх хэрэгтэй зүйл рүү маань чиглүүлэх болно (“Их Эзэний мутар дахь зэмсэг,” Лиахона, 2022 оны 7, 8-р сар, 43)

Нэмэлт суралцах үйл ажиллагаа

Эвлүүлдэг тоглоомын хэсэг бүр Бурханы хувьд чухал юм

Тэнгэрлэг Эцэгийн төлөвлөгөө дэх чухал үүргийг ойлгоход нь суралцагчдад туслахын тулд та суралцагч бүрд хангалттай зургийг эвлүүлэх хэсгүүд болгон хайчилж болно. Эвлүүлдэг зурган тоглоомын нэг хэсэг дээр нэрээ бичихэд суралцагчдыг урь. Дараа нь суралцагчид уг эвлүүлдэг тоглоомыг эвлүүлж болно. Та дараах асуултуудаар ярилцлага эхлүүлж болох юм.

Энэ үйл ажиллагаа нь энэ семинарын ангийн гишүүн бүрийн ач холбогдлын талаар бидэнд юу зааж байна вэ?

Естерийн түүхийн нэмэлт видео

Суралцагчдыг Естерийн түүхийг судлах явцад судрын хэсгийг уг түүхийн видеогоор баяжуулах нь тустай байж болно. Бүлгүүд Естерийн түүхийн өөрсдийн хэсгээс хуваалцсаны дараа та “Энэ цагийн төлөө ч юм бил үү” видеоны дараах хэсгүүдийг үзүүлж болно.

1-р хэсэг: цагийн код 0:00-ээс 1:50 хүртэл.

2-р хэсэг: цагийн код 1:51-ээс 5:08 хүртэл.

3-р хэсэг: цагийн код 5:09-өөс 11:10 хүртэл.

13:44

Естерийн түүхийн төгсгөл (цагийн код 11:10-аас 13:44 хүртэл 95-р хичээл: “Естер, 2-р хэсэг” дээр авч үзэх болно.)

Их Эзэн Өөрийн ажлыг гүйцэлдүүлэхэд туслуулахаар илгээгдсэн бусад хүн

Их Эзэний ажлыг гүйцэлдүүлэхэд оролцсон хүмүүсийн амьдрал дахь Түүний мутрын талаарх бусад судрын жишээг үзэх нь суралцагчдад тустай байж болох юм. Үүнийг хийх нэг арга бол өөрсдийнх нь бодлоор Их Эзэний бурханлаг нөлөөг харуулсан түүхтэй судар дээрх эсвэл Сүмийн түүхэн дэх хэн нэгнийг сонгоход суралцагчдыг урих явдал юм. Хэрэв суралцагчдад удирдамж хэрэгтэй бол та дараахын заримыг суралцагчидтай хуваалцахаар сонгож болно.

Рут Наоми хоёр: Рут 1:14–19
Зарефат дахь эх ба Елиа: 1 Хаад 17:8–16
Бяцхан шивэгчин ба Нааман: 2 Хаад 5:1-3
Абиш ба леменчүүд: Алма 19:16–17
Оливер Каудери, Иосеф Смит хоёр: Иосеф Смит—Түүх 1:66–67

Суралцагчид өөрсдийн сонгосон хүн болон Тэнгэрлэг Эцэг уг хүнийг Өөрийнхөө ажлыг гүйцэлдүүлэх нөхцөл байдалд хэрхэн оруулсан тухай товч танилцуулга бэлдэж болно.

Их Эзэн биднийг Өөрийнх нь нэрээр бусдад үйлчлэхийг урьдаг

Бид бусдад тохинуулахдаа Их Эзэний ажлыг гүйцэлдүүлэхэд хэрхэн тусалж чадахыг ойлгоход нь суралцагчдад туслахын тулд “One-on-One (Ministering with Love)” видеог та цагийн код 1:21-ээс 5:55 хүртэл үзүүлж болно.

13:2

Ерөнхийлөгч Нэлсон өөрийнхөө амьдрал дахь Тэнгэрлэг Эцэгийн бурханлаг нөлөөний жишээнүүдийг “Sweet Power of Prayer” (Лиахона, 2003 оны 5-р сар, 8) цагийн код 4:21-ээс 8:21 хүртэл болон “Эгч нараасаа гуйх гуйлт” (2015 оны 10-р сарын Ерөнхий чуулган, 96) цагийн код 8:28-аас 10:52 хүртэл хуваалцжээ.

16:47

15:33