“Ester: Kinatibuk-ang Pagpasabot,” Manwal sa Magtutudlo sa Seminary sa Daang Tugon (2026)
“Ester: Kinatibuk-ang Pagpasabot,” Manwal sa Magtutudlo sa Serminary sa Daang Tugon
Ester
Ester
Kinatibuk-ang Pagpasabot
Human mapildi sa mga Taga-Persia ang imperyo sa mga Taga-Babelonia, gitugotan ang pipila ka Judeo nga mobalik ngadto sa Jerusalem. Ang ubang Judeo nagpabilin sa Persia. Panahon sa pagmando ni Hari Ahasuero, usa ka Judeo nga ginganlag Ester ang gipili ingon nga rayna. Wala sultihi ni Ester ang hari nga Judeo siya. Si Haman, usa sa mga magtatambag sa hari, nagplano nga patyon ang tanang Judeo sa gingharian. Nagpakitag kaisog si Ester ug mirisgo sa iyang kinabuhi sa pag-adto atubangan sa hari ug gibutyag ang daotang plano ni Haman, aron maluwas ang iyang katawhan.
Hatagi og gibug-aton ang ehemplo ni Jesukristo. Samtang naningkamot kita sa pagkinabuhi sa ebanghelyo sa Manluluwas, dili lang kita basta magsunod sa mga baroganan; atong gisunod si Jesukristo. Siya ang hingpit nga ehemplo sa tanang baroganan sa ebanghelyo. Dihang magpunting kita sa hingpit nga ehemplo sa Manluluwas, gihatagan natog kahigayonan ang Espiritu Santo sa pagpamatuod bahin ni Jesukristo ug magdasig sa imong mga estudyante sa pagsunod Kaniya. Aron makakat-on og dugang, tan-awa ang “Hatagi og Gibug-aton ang Ehemplo ni Jesukristo” (Pagtudlo Sumala sa Pamaagi sa Manluluwas, 6). Usa ka ehemplo sa paghimo niini naa sa Leksiyon 95: “Ester, Bahin 2.”
Pangandam sa pagtudlo
Ang mosunod nga impormasyon naghatag kanimo og mga ideya kon unsa ang imong kinahanglan nga andamon alang sa matag leksiyon.
Ester, Bahin 1
Katuyoan sa leksiyon: Aron tabangan ang mga estudyante nga makaila kon sa unsang paagi kita ibutang sa Langitnong Amahan sa mga sitwasyon nga makatabang Niya sa pagpalampos sa Iyang Buluhaton.
-
Pagpangandam sa estudyante: Ikonsiderar ang paghangyo sa mga estudyante nga mainampoong mamalandongon kon sa unsang paagi molampos ang buhat sa Langitnong Amahan pinaagi kanila niini nga klase sa seminary o sa ilang ward o branch, eskwelahan, siyudad, o pamilya
-
Mga bidyo: “Pray for Eyes to See as He Sees” (6:26) gikan sa time code 2:23 hangtod 4:54; “Mga Tubag sa Pag-ampo” (12:39) gikan sa time code 2:16 hangtod 4:32
-
Sulod nga ipakita: Usa ka chessboard ug mga pi piyesa sa chess o hulagway sa chessboard
Ester, Bahin 2
Katuyoan sa leksiyon: Aron tabangan ang mga estudyante nga uban ang kaisog sa paghimo sa kabubut-on sa Ginoo.
-
Pagpangandam sa estudyante: Dapita ang mga estudyante nga mangandam sa pagpakigbahin og ehemplo kon ang ilang kaila nagpakitag kaisog sa paghimo sa kabubut-on sa Ginoo
-
Mga bidyo: “Magmakusganon Ka ug Magmaisug” (16:18) gikan sa time code 5:29 hangtod 6:22; “For Such a Time as This” (13:44) gikan sa time code 5:12 hangtod 9:41 ug 11:10 hangtod 13:44; “Courage” (3:18)
-
Sulod nga ipakita: Imahe ni Jesukristo; imahe ni Ester
Sukda ang Imong Nakat-onan 6
Katuyoan sa leksiyon: Aron tabangan ang mga estudyante nga mamalandong sa mga tumong nga ilang gitakda ug sa pagtubo nga ilang nasinati sa ilang pagtuon sa 1 Mga Hari 17–Ester.
-
Pagpangandam sa estudyante: Dapita ang mga estudyante sa pagtambong nga andam sa pagpakigbahin og tudling sa kasulatan nga makahuloganon para nila gikan sa ilang pagtuon sa Daang Tugon. Hangyoa sila nga maghunahuna kon sa unsang paagi nakatabang nila ang maong tudling sa pagsunod kang Jesukristo.
-
Sulod nga Ipakita: Ang mga graphics nga gigamit aron tabangan ang mga estudyante nga susihon ang ilang mga tumong.