Manwal sa Magtutudlo sa Seminary sa Daang Tugon

Mga Sulod
Ulohan nga Pahina
Pasiuna sa Manwal sa Magtutudlo
Daang Tugon nga mga Leksiyon
- Welcome sa Daang Tugon
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko sa Pagkabanhaw
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Numeros 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Maghuhukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Mga Cronicas 14–20, 26, 30
- Esdras 1, 3–7; Nehemias 2, 4–6, 8
- Ester
- Job 1–3; 12–14; 19; 21–24; 38–40; 42
- Mga Salmo 1–2; 8; 19–33; 40; 46
- Mga Salmo 49–51; 61–66; 69–72; 77–78; 85–86
- Mga Salmo 102–103; 110; 116–119; 127–128; 135–139; 146–150
- Mga Panultihon 1–4; 15–16; 22; 31; Ecclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3, 7, 16–18, 20
- Jeremias 31–33; 36–38; Mga Pagbangotan 1, 3
- Ezequiel 1–3; 33–34; 36–37; 47
- Daniel 1–7
- Oseas; Joel
- Amos; Abdias; Jonas
- Miqueas; Nahum; Habacuc, Sofonias
- Hageo 1–2; Zacarias 1–4, 7–14
- Malaquias
Mga Leksiyon sa Pagpangandam sa Kinabuhi
- Doktrinal nga Kahanas: Pagpangita og mga Tubag sa Akong mga Pangutana
- Mga Kahanas sa Pagtuon sa Kasulatan
- Giya sa Alang sa Kalig-on sa mga Kabatan-onan
- Pag-ugmad sa Pagbarog pinaagi sa Kinaugalingong Paningkamot
- Pisikal ug Emosyonal nga Kahimsog
- Pagpangandam alang sa Umaabot nga Edukasyon ug Panarbaho
- Magmalamposon sa Pag-eskwela
- Pagpangandam sa Misyonaryo
- Pagpangandam alang sa Templo
- Mga Pagtulun-an sa mga Lider sa Simbahan
Apendiks

Nehemias: “Daghan Akog Buhat ug Dili Ko Buot nga Usikan Ko ang Akong Panahon”

“Nehemias: ‘Daghan Akog Buhat ug Dili Ko Buot nga Usikan Ko ang Akong Panahon,’” Manwal sa Magtutudlo sa Seminary sa Daang Tugon (2026)

“Nehemias: ‘Daghan Akog Buhat ug Dili Ko Buot nga Usikan Ko ang Akong Panahon,’” Manwal sa Magtutudlo sa Seminary sa Daang Tugon

Esdras 1; 3–7; Nehemias 2; 4–6; 8: Leksiyon 93

Nehemias

“Daghan Akog Buhat ug Dili Ko Buot nga Usikan Ko ang Akong Panahon”

Nehemiah (Old Testament) inspecting the deteriorating walls of Jerusalem.

Gidasig sa Dios si Nehemias nga protektahan ang iyang katawhan pinaagi sa pagtukod pag-usab sa mga paril libot sa Jerusalem. Kinahanglang buntogon sa katawhan ni Nehemias ang walay hunong nga mga hulga ug mga kasamok aron mapatuman kini nga buhat. Gihatagan usab kita sa Dios og importanteng buluhaton, ug tingali mag-atubang usab kita og mga kalisdanan sa pagtuman niini. Gidisenyo kini nga leksiyon aron dasigon ang mga estudyante nga magpabiling nagpunting sa buluhaton nga gipahimo kanila sa Langitnong Amahan.

Pagpangandam sa estudyante: Dapita ang mga estudyante nga mosulod sa klase nga naay gilistang tulo ka butang nga ilang gibati nga gusto sa Langitnong Amahan nga tutokan nila: usa ka butang para niining semanaha, usa para sa mosunod nga pipila ka tuig, ug usa para sa ulahing bahin sa kinabuhi. Pwede nimong isugyot sa mga estudyante nga nakadawat na sa ilang patriyarkal nga panalangin nga basahon kini pag-usab sa dili pa maglista.

Posibleng mga Kalihokan sa Pagkat-on

Pagbalda

Pila ka tuig na ang milabay, samtang nangandam ang mga piloto sa pagpatugpa sa eroplano, usa ka gamayng suga diha sa cockpit ang wala mosiga. Nabalaka kaayo sila sa gamayng suga nga wala na hinoon sila kamatngon nga paingon nang motugpa ang eroplano sa lamakan. Nahagsa ang eroplano, ug kapin sa 100 ka tawo ang namatay.

Si Presidente Dieter F. Uchtdorf, nga kaniadto diha sa Unang Kapangulohan, mitudlo og importanteng leksiyon gikan niini nga trahedya:

Ang eroplano anaa sa perpektong mekanikal nga kondisyon. Ang tanan husto ang paglihok—gawas lamang sa usa: ang naponder nga bombilya. Kadtong gamay nga bombilya—nga 20 sentimos ra ang kantidad—ang sinugdanan sa nagsunod-sunod nga mga panghitabo nga sa katapusan misangput ngadto sa makalilisang nga kamatayon sa kapin sa 100 ka mga tawo.

Siyempre , ang naponder nga bombilya dili maoy hinungdan sa aksidente; kini nahitabo tungod kay ang mga crew mibaling sa ilang atensyon ngadto sa usa ka butang nga daw importante niadtong higayona samtang wala magtan-aw sa unsay labing importante.

Ang kalagmitan sa pagpunting ngadto sa dili importante baylo sa labing importante mahitabo dili lamang sa mga piloto apan ngadto sa tanan. Kitang tanan namiligro. (“Kita Nagbuhat og Dako nga Buhat ug Dili Makaanha,” Liahona, Mayo 2009, 59)

Dapita ang mga estudyante sa pagpakigbahin kon sa unsang paagi magamit nato ang mensahe ni Presidente Uchtdorf ingon nga mga disipulo ni Jesukristo.

Dayon pwede nimong ipakita ang mosunod nga pamahayag ug hangyoon ang mga estudyante nga hilom kining basahon. Awhaga sila nga hangyoon ang Langitnong Amahan nga tabangan sila pinaagi sa Espiritu nga masabtan kon sa unsang paagi personal nilang magamit kini nga mensahe. Pwede nilang irekord ang ilang mga hunahuna diha sa ilang mga journal sa pagtuon.

Si Presidente Uchtdorf mipadayon:

Hunong og kadiyot ug sutaa kon asa nakabutang ang inyong kaugalingong kasingkasing ug mga hunahuna. Nakapokus ba kamo sa mga butang nga labing importante? Kon giunsa ninyo sa paggamit ang inyong mingaw nga mga oras mao ang makahatag og ebidensya. Asa man nakabutang ang inyong mga hunahuna kon ang gihatag nga dinaliang mga tagal sa mga buluhaton wala na? Ang inyong mga hunahuna ug kasingkasing nakapunting ba diha niadtong mga butang nga lumalabay lamang o sa mga butang nga labing importante? (“Kita Nagbuhat og Dako nga Buhat ug Dili Makaanha,” Liahona, Mayo 2009, 60)

Ang buluhaton ni Nehemias

Ipatin-aw sa mga estudyante nga usa ka Israelinhon nga ginganlan og Nehemias ang ulipon ni Artaxerxes, hari sa Persia. Daghang Israelinhon ang mibalik sa Jerusalem mga tuig ang milabay aron tukoron pag-usab ang templo. Nahibaloan ni Nehemias nga namiligro silang sulongon kay naguba pa man ang mga paril ug ganghaan nga panalipod libot sa Jerusalem.

Ikonsiderar ang pagdapit sa mga estudyante sa pagkompleto sa mosunod nga kalihokan uban ang gagmayng mga grupo. Dasiga ang mga grupo nga dili dali-dalion ang mga lakang, hinuon maggahin sa ilang panahon ug magkat-on gikan sa kasinatian ni Nehemias. Aron matabang nga magkadungan ang eskedyul sa matag grupo, pwedeng usausahon nimo sa pagpakita ang matag lakang. Hatagig igong panahon ang mga grupo aron kompletohon ang mga lakang sa dili pa ipakita ang sunod nga mga lakang.

Basaha sa Nehemias 1:1–4; 2:1–6, 11–12, 17–18. Pangitaa ug hisgoti ang ebidensya nga gidasig sa Dios ang mga tinguha ni Nehemias nga tukoron pag-usab ang mga paril sa Jerusalem.
Isulat sa blangko nga papel ang tulo ka butang nga gihangyo sa Dios nga tutokan sa mga tin-edyer nga Mga Santos sa Ulahing mga Adlaw pinaagi sa Iyang mga propeta. Usa ka paagi sa paghimo niini mao ang pagrebyo kadiyot sa mga pakigpulong gikan sa mas labing bag-o nga kinatibuk-ang komperensiya.

Dayon, magbaylo og mga papel sa ubang grupo ug hisgoti sa inyong grupo ang ilang gisulat. (Timan-i: Tagoi ang papel sa laing grupo. Sa ikaupat nga lakang niini nga kalihokan, dugangan ninyo ang ilang gisulat.)
Basaha sa Nehemias 2:19; 4:1, 7–8, nga pangitaon ang reaksyon sa kaaway sa mga Judeo sa buhat nga gihatag sa Dios kanila. Hisgoti ang mga paagi nga gigamit ni Satanas ang susamang mga taktika karon aron mawala ang atong pagtutok sa unsa ang gipabuhat sa Dios kanato.
Tupad sa matag usa sa tulo ka butang nga gilista diha sa papel sa laing grupo, pagsulat og makabalda o kalisdanan nga makapalisod sa usa ka tin-edyer nga magpabiling nakatutok sa buluhaton nga gihatag sa Dios kanila pinaagi sa Iyang mga propeta.
Basaha sa Nehemias 4:9, 14–20 ug hisgoti unsa ang imong nakat-onan gikan sa katawhan ni Nehemias bahin sa pagdaog sa mga makabalda ug kalisdanan sa pagtuman sa buluhaton nga gihatag kanato sa Langitnong Amahan.
Iballik ang papel ngadto sa orihinal nga grupo. Basaha ug hisgoti ang mga makabalda ug kalisdanan nga gidugang sa laing grupo diha sa inyong papel. Hisgoti ang mga ideya kon sa unsang paag mabuntog sa usa ka tawo ug magpabiling nagtutok sa buluhaton nga gihatag sa Dios sa mga tin-edyer pinaagi sa Iyang mga propeta.
Isummarize sa usa lang ka kapahayag ang imong nakat-onan o gibati bahin sa pagbuhat sa buluhaton nga gihatag kanato sa Langitnong Amahan. Isulat kini nga kamatuoran diha sa pisara.

Human sa kalihokan, dasiga ang mga boluntaryo nga ipakigbahin ang ilang nakat-onan o gibati ngadto sa klase. Pwede nimong dapiton ang mga estudyante nga ipasabot ang kamatuoran diha sa pisara nga gisulat sa laing grupo ug ipakigbahin ang ilang nakat-onan gikan niini. Samtang ipakigbahin sa mga estudyante ang mga kamatuoran, tabangi silang magpunting kang Jesukristo pinaagi sa pagpangutana og sama sa, “Unsang mga pagtulun-an o mga ehemplo gikan sa kinabuhi sa Manluluwas ang makatabang nato nga mas masabtan kini nga kamatuoran?”

Mga ehemplo sa mga kamatuoran nga isulat tingali sa mga grupo mao ang:

Pinaagi sa pag-ampo, madawat nato ang proteksiyon ug kusog gikan sa Dios aron matuman ang Iyang buluhaton. (Nehemias 1:4; 4:9)

Motabang ang Dios sa Iyang mga sulugoon nga mabuntog ang oposisyon sa pagbuhat Iyang buluhaton. (Nehemias 4:20)

Sa unsang paagi makatabang nimo ang imong nakat-onan niini nga kalihokan aron magpabiling nakatutok sa buluhaton nga gihatag kanimo sa Dios?

Personal nga paggamit

Ipasabot sa mga estudyante nga si Nehemias indibidwal nga gipunting sa iyang mga kaaway. Daghan silag gisulayan nga mga taktika aron mapahunong siya sa paghimo sa buluhaton sa Dios sa pagtukod pag-usab sa mga paril sa Jerusalem. Ang usa ka taktika mao ang pagsulay og pagpagawas niya sa siyudad diin mas dali nila siyang mahimoan og kadaot.

Dapita ang mga estudyante nga hilom nga kompletohon ang mosunod. Pwede nimo silang hatagan og dakong panahon ug dasigon sila nga hunahunaon kon sa unsang paagi gusto sa Dios nga kompletohon nila ang pahayag.

Basaha sa Nehemias 6:1–4, 15–16 ug pamalandongi unsa ang imong nakat-onan sa tubag ni Nehemias sa mga pagsulay sa iyang mga kaaway nga mahunong siya sa buluhaton sa Dios. (Pwede nimong markahan ug pamalandongan ang kahulogan sa bersikulo 3 diha sa imong kinabuhi.)

Kompletoha ang mosunod nga mga pamahayag sigon sa imong kinabuhi. Irekord ang imong mga hunahuna diha sa imong journal sa pagtuon o sa margin sa imong mga kasulatan tupad sa bersikulo 3.

Nagtuo ko nga gusto sa Langitnong Amahan nga akong tutokan ang .

Pipila sa posibleng mga makabalda o kalisdanan nga akong maatubang mao ang .

Ang pipila ka paagi aron makapabilin akong nakatutok sa buluhaton sa Langitnong Amahan mao ang .

Dugang nga mga Kapanguhaan

Unsa ang mga paagi nga bisan ang maayong tawo mahimong malinga?

Si Elder Richard G. Scott (1928–2015) sa Korum sa Napulog Duha ka Apostoles mitudlo:

16:37

Aduna bay daghan kaayong makadani, makalingaw nga mga butang nga buhaton o daghan kaayong mga hagit nga midat-og kanimo nga lisod nga magpabiling nakapunting sa kon unsa ang importante? Kon ang mga butang sa kalibotan mosulod sa hunahuna sa usa ka tawo, kasagaran gayod nga hatagan og pinakataas nga prayoridad ang mga sayop nga butang. Unya sayon ra nga kalimtan ang importante nga katuyoan sa kinabuhi. Si Satanas adunay gamhanan nga himan nga gamiton batok sa maayo nga mga tawo. Kini mao ang pagbalda. Iyang pun-on ang kinabuhi sa maayo nga mga tawo og “maanindot nga mga butang” aron wala nay luna para sa mahinungdanong mga butang. Wala ka ba nakamatikod nga nasakpan niana nga lit-ag? (“First Things First,” Ensign, Mayo 2001, 7)

Unsaon nato sa paggamit ang ehemplo ni Nehemias diha sa atong kinabuhi?

Si Presidente Dieter F. Uchtdorf, kanhi sa Unang Kapangulohan, mitudlo:

Hunahunaa ang gahum nga atong mabatunan isip mga indibidwal … kon, agi og tubag sa mga pagsulay nga makapawala kanato sa pokus o mopaubos sa atong mga sumbanan—ang mga sumbanan sa Dios, kita motubag og, “Ako nagbuhat og dako nga buhat mao nga ako dili makaanha.”

… Nangita [ang Ginoo] aron ilakip ang mga kalag nga dili mapaling kinsa makugihon nga mobuhat sa mga buluhaton sa pagtukod sa gingharian sa Dios—kadtong kinsa, kon nag-atubang og mga [oposisyon ug] tintasyon, moingon sa ilang mga kasingkasing, “Ako nagbuhat og dako nga buhat, mao nga ako dili makaanha.”

Kon nag-atubang og pagsulay ug pag-antus, sila motubag, “Ako nagbuhat og dako nga buhat, mao nga ako dili makaanha.”

Kon nag-atubang og pagbiay-biay ug pagbugalbugal, sila mopahayag nga, “Ako nagbuhat og dako nga buhat, mao nga ako dili makaanha.”

Ang atong Langitnong Amahan nangita niadtong dili motugot nga ang mga butang nga walay hinungdan mobabag kanila sa ilang pagpangita sa kahangturan. Nangita Siya niadtong kinsa dili motugot nga ang pangdani sa kasayon o ang mga laang sa kaaway mobalda kanila sa buluhaton nga Iyang gihatag kanila nga buhaton. Nangita Siya niadtong kansang mga buhat mohaum sa ilang mga pulong—niadtong kinsa moingon uban sa pagsalig, “Ako nagbuhat og usa ka dakong buhat, mao nga ako dili makaanha.” …

Mainiton nakong pag-ampo nga bisan sa mga tintasyon, dili gayud nato paubsan ang atong sumbanan; nga bisan sa mga makabalda, bisan asa pa man kini naggikan, dili nato wad-on ang atong pagpokus ngadto sa unsay labing importante; nga kita unta mobarug nga matinguhaon ug maghiusa, magtinabangay og pas-an, samtang kita maisugong modala sa bandila ni Ginoong Jesukristo.

Akong iampo nga kita unta … mopataas sa atong mga ulo uban sa dili mapaling-paling nga tingog nga mopahayag ngadto sa kalibutan nga, “Kami nagbuhat og dako nga buhat, ug kami dili moanha.” (“Kita Nagbuhat og Dako nga Buhat ug Dili Makaanha,” Liahona, Mayo 2009, 59)

Dugang nga mga Kalihokan sa Pagkat-on

Kinatibuk-ang Pagpasabot sa basahon ni Nehemias

Sa dili pa sugdan sa mga estudyante ang kalihokan sa grupo diha sa seksiyon nga “buluhaton ni Nehemias” sa leksiyon, makatabang tingali sa mga estudyante nga makita ang mubong kinatibuk-ang pagpasabot sa dagan sa istorya. Magamit dinhi ang bisan hain sa mosunod nga duha ka video.

“We Are Doing a Great Work and Cannot Come Down” gikan sa time code 8:36 hangtod 11:54. Si Presidente Dieter F. Uchtdorf, kanhi sa Unang Kapangulohan, mihatag og kinatibuk-ang pagpasabot sa Nehemias.

18:37

“Nehemiah” (1:38) in Old Testament Stories for Kids.

1:38

Ang mga sumbanan sa Dios

Makatabang tingali sa mga estudyante nga makita kon sa unsang paagi ang ehemplo ni Nehemias magamit sa piho nga mga sugo ug sumbanan nga gidasig sa Dios sa mga lider sa Simbahan nga ihatag kanato. Pwede nimong hangyoon ang mga estudyante nga ilista ang pipila sa mga sugo ug sumbanan nga gihatag sa Dios kanato. Dayon hangyoa ang mga estudyante sa pagpakigbahin og lainlaing paagi nga matental tingali kita nga anam-anam ipaubos ang maong mga sumbanan. Dapita ang mga estudyante nga gamiton ang yubag ni Nehemias sa tentasyon ni Sanbalat ug Gesem (tan-awa ang Nehemias 6:3–4) diha sa modernong mga sitwasyon dihang matental tingali sila nga “usikan” ang mga sugo ug sumbanan sa Dios.

Pwede pod nimong dapiton ang mga estudyante nga itandi ang kalig-on ni Nehemias sa pagdumili sa pagkanaog ngadto sa asoy ni Lehonti sa Alma 47:1–18. Lig-on usab nga midumili si Lehonti sa mga pag-agni ni Amalickiah nga mohawa gikan sa kaluwasan sa unang mga higayon. Pero dili sama kang Nehemias, sa ngadtongadto nadala si Lehonti sa tentasyon ug miresulta ni sa iyang kamatayon.

Nehemias 6:3. “Daghan akog buhat ug dili ko buot nga usikan ko ang akong panahon”

Human mabasa sa mga estudyante ang Nehemias 6:1–4, 15–16, apan sa dili pa nila kompletohon ang mga pamahayag diha sa seksiyon nga “Personal nga paggamit” sa leksiyon, ikonsiderar ang pagpakita sa pamahayag ni Presidente Uchtdorf gikan sa seksiyon nga “Dugang nga mga Kapanguhaan.” Makahatag tingali kini sa mga estudyante og mga ideya kon sa unsang paagi magamit sa ilang kinabuhi ang ehemplo ug mga pulong ni Nehemias.