Seminary
Esdras 1; 3–7; Nehemias 2; 4–6; 8: Kinatibuk-ang Pagpasabot

“Esdras 1; 3–7; Nehemias 2; 4–6; 8: Kinatibuk-ang Pagpasabot,” Manwal sa Magtutudlo sa Seminary sa Daang Tugon (2026)

“Esdras 1; 3–7; Nehemias 2; 4–6; 8: Kinatibuk-ang Pagpasabot,” Manwal sa Magtutudlo sa Seminary sa Daang Tugon

Esdras 1; 3–7; Nehemias 2; 4–6; 8

Esdras 1; 3–7; Nehemias 2; 4–6; 8

Kinatibuk-ang Pagpasabot

Sa mga 587 BC napilldi sa mga Taga-Babelonia ang Jerusalem, gilumpag ang templo, ug gidala ang binihag nga mga Judeo sa Babelonia. Pila ka dekada ang milabay, daghang Judeo ang namalik sa Jerusalem ug mibuntog sa mga kalisdanan sa pagtukod pag-usab sa templo ug ang mga paril libot sa Jerusalem.

icon sa seminaryPag-ampo alang kanila gamit ang ilang ngalan. Ang pag-ampo gamit ang ngalan sa imong mga estudyante makatabang nimo sa pagpangandam aron makadawat og insperasyon nga mas makatabang sa mga indibidwal sa imong klase nga mas maduol sa Langitnong Amahan ug kang Jesukristo. Aron makakat-on og dugang, tan-awa ang “Giampo sa Manluluwas Kadtong Iyang mga Gitudloan” diha sa Pagtudlo Sumala sa Pamaagi sa Manluluwas. Para sa dugang pagbansay, tan-awa ang “Pag-ampo alang kanila gamit ang ilang ngalan” diha sa Pagpalambo sa mga Kahanas sa Magtutudlo.

Pangandam sa pagtudlo

Ang mosunod nga impormasyon naghatag kanimo og mga ideya kon unsa ang imong gikinahanglan nga andamon daan alang sa matag leksiyon.

Esdras

Katuyoan sa leksiyon: Aron tabangan ang mga estudyante nga mobati og dakong tinguha sa pagpangandam aron simbahon ang Ginoo sa Iyang balaang templo.

  • Pagpangandam sa estudyante: Dapita ang mga estudyante nga ilista ang mubo og tagal ug taas og tagal nga mga butang nga ilang mabuhat aron makapangandam sa pagsimba sa Ginoo diha sa templo. Dayon, pwede nilang ikonsiderar kon sa unsang paagi ang ilang pagpangandam makaapektar sa ilang kasinatian sa templo.

  • Imahe: Ang Templo sa Salt Lake niadtong bag-o pa lang ning napahinungod

  • Bidyo: “Hearts, Love, and the Temple” (24:33) gikan sa time code 21:46 hangtod 24:05

  • Handout: “Pagpangandam sa Pagsimba sa Ginoo diha sa Templo”

  • Sulod nga ipakita: Mga pangutana sa kataposang bahin sa leksiyon

Nehemias

Katuyoan sa leksiyon: Aron tabangan ang mga estudyante nga magpabiling nakatutok sa buluhaton nga gipabuhat kanila sa Langitnong Amahan.

  • Pagpangandam sa estudyante: Dapita ang mga estudyante nga mosulod sa klase nga naay gilistang tulo ka butang nga ilang gibati nga gusto sa Langitnong Amahan nga tutokan nila: usa ka butang para niining semanaha, usa para sa mosunod nga pipila ka tuig, ug usa para sa ulahing bahin sa kinabuhi. Pwede nimong isugyot sa mga estudyante nga nakadawat na sa ilang patriyarkal nga panalangin nga basahon kini pag-usab sa dili pa maglista.

  • Mga bidyo: “Paghimo sa Kon Unsay Pinakaimportante” (1:42); “Ang Sinserong Tinguha sa Kalag” (3:28)

  • Sulod nga ipakita: Duha ka pamahayag gikan ni Elder Dieter F. Uchtdorf; mga instruksiyon para sa kalihokan sa pagtuon

  • Mga materyal alang sa mga estudyante: Igong gidaghanon sa blangko nga papel nga ihatag sa kada gagmayng grupo