Manwal sa Magtutudlo sa Seminary sa Daang Tugon

Mga Sulod
Ulohan nga Pahina
Pasiuna sa Manwal sa Magtutudlo
Daang Tugon nga mga Leksiyon
- Welcome sa Daang Tugon
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko sa Pagkabanhaw
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Numeros 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Maghuhukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Mga Cronicas 14–20, 26, 30
- Esdras 1, 3–7; Nehemias 2, 4–6, 8
- Ester
- Job 1–3; 12–14; 19; 21–24; 38–40; 42
- Mga Salmo 1–2; 8; 19–33; 40; 46
- Mga Salmo 49–51; 61–66; 69–72; 77–78; 85–86
- Mga Salmo 102–103; 110; 116–119; 127–128; 135–139; 146–150
- Mga Panultihon 1–4; 15–16; 22; 31; Ecclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3, 7, 16–18, 20
- Jeremias 31–33; 36–38; Mga Pagbangotan 1, 3
- Ezequiel 1–3; 33–34; 36–37; 47
- Daniel 1–7
- Oseas; Joel
- Amos; Abdias; Jonas
- Miqueas; Nahum; Habacuc, Sofonias
- Hageo 1–2; Zacarias 1–4, 7–14
- Malaquias
Mga Leksiyon sa Pagpangandam sa Kinabuhi
- Doktrinal nga Kahanas: Pagpangita og mga Tubag sa Akong mga Pangutana
- Mga Kahanas sa Pagtuon sa Kasulatan
- Giya sa Alang sa Kalig-on sa mga Kabatan-onan
- Pag-ugmad sa Pagbarog pinaagi sa Kinaugalingong Paningkamot
- Pisikal ug Emosyonal nga Kahimsog
- Pagpangandam alang sa Umaabot nga Edukasyon ug Panarbaho
- Magmalamposon sa Pag-eskwela
- Pagpangandam sa Misyonaryo
- Pagpangandam alang sa Templo
- Mga Pagtulun-an sa mga Lider sa Simbahan
Apendiks

2 Mga Cronicas 17–20: Pagkaplag sa mga Baroganan diha sa mga Kasulatan

“2 Mga Cronicas 17–20: Pagkaplag sa mga Baroganan diha sa mga Kasulatan,” Manwal sa Magtutudlo sa Seminary sa Daang Tugon (2026)

“2 Mga Cronicas 17–20: Pagkaplag sa mga Baroganan diha sa mga Kasulatan,” Manwal sa Magtutudlo sa Seminary sa Daang Tugon

2 Cronicas 14–20; 26; 30: Leksiyon 91

2 Mga Cronicas 17–20

Pagkaplag sa mga Baroganan diha sa mga Kasulatan

Kamo ba naghunahuna unsa ang inyong buhaton aron mas mapaduol ni Jesukristo? Ang hari sa Karaang Tugon nga si Josaphat mao ang labing maayong ehemplo sa pagbuhat niana. Ang iyang katawhan mibiya sa Ginoo ug misimba sa dios-dios. Si Josaphat mipili nga mosunod ni Jehova ug mitabang sa iyang katawhan sa pagbuhat sa ingon. Kini nga leksiyon makatabang sa mga estudyante nga makat-on sa pag-ila sa mga baroganan sa ebanghelyo gikan sa mga kasulatan.

Pagpangandam sa estudyante: Ikonsiderar ang pagdapit sa mga estudyante sa pagpamalandong sa unsay ilang nakat-onan sa ilang personal ug pamilya nga pagtuon sa mga kasulatan. Mahimo silang motambong sa klase nga andam sa pagpakigbahin og baroganan nga ilang nakit-an ug sa unsang paagi kini makatabang kanila.

Posibleng mga Kalihokan sa Pagkat-on

Mga angkla sa kahilwasan

Ipakita ang musunod ng litrato sa usa ka tawo nga nagkatkat sa bato.

Kon kamo mokatkat sa pangpang, unsa nga ikipo ang inyong kinahanglan?
Nganong importante man ang ikipo?
Kon atong ikompara ang atong mga kinabuhi sa pagkatkat sa usa ka pangpang, unsa ang gihatag sa Ginoo kaninyo aron sa pagtabang nga luwas nga molampos?

Ang mga estudyante mahimong mopakigbahin og lain-laing mga tubag. Samtang ilang buhaton, pasalamati sila sa ilang mga tubag, ug pangutan-a nganong mahimong makatabang kining mga butanga. Ang mosunod nga tubag mao ang gitutokan niini nga leksiyon.

Si Elder Richard G. Scott (1928–2015) sa Korum sa Napulog Duha ka Apostoles mitudlo:

Ikaw ug ako mahimong makaseguro nga makakab-ot og takos nga mga tumong sa kinabuhi pinaagi sa pagsabot ug kanunay nga pagsunod sa sakto nga mga baroganan nga nagikan sa gipadayag nga kamatuoran.

Mga baroganan mao ang angkla sa kahilwasan. Adunay gigamit nga sama sa puthaw nga mga angkla ang mokatkat og bungtod aron molampos kon dili imposible nga mga pangpang. Kini makatabang kanimo nga adunay pagsalig sa bag-o ug dili kabisado nga mga sirkumstansiya. Sila mohatag kanimo sa proteksiyon sa unos sa kaaway sa kinabuhi. (“The Power of Correct Principles,” Ensign, May 1993, 32)

Usa sa mga pamaagi nga ang Langitnong Amahan mahigugmaong mihatag kanato sa tinuod nga mga baroganan mao ang pinaagi sa mga kasulatan. Samtang kita magtuon sa mga kasulatan, kita magtinguha sa pag-ila niini nga baroganan o mga pamahayag sa kamatuoran nga makatabang kanato sa atong mga kinabuhi.

Tingali makatabang nga mamalandong ang mga estudyante sa ilang kasamtangang abilidad sa pag-ila sa mga baroganan sa mga kasulatan. Ania ang usa ka paagi sa pagbuhat niini.

Paggahin og higayon sa pagpamalandong sa mosunod nga mga pangutana:

Unsa ako kamasaligon sa akong abilidad sa pag-ila sa mga baroganan?
Unsa ko kamaayo sa pagsabot kon sa unsang paagi ang mga baroganan makatabang kanako sa akong kinabuhi?

Samtang inyong tun-an kini nga leksiyon sa kinabuhi ni Josaphat, tinguhaa ang tabang sa Espiritu Santo sa pag-ila sa tinuod nga mga baroganan nga makatabang kaninyo.

Mga baroganan gikan sa kinabuhi ni Josaphat

Human sa kamatayon sa iyang amahan, si Josaphat nahimong hari sa Juda. Ang Israel ug Juda parehong mitalikod gikan ni Ginoong Jesukristo. Sila misimba sa mini nga mga dios-dios.

Basaha ang 2 Mga Cronicas 17:3–4; 19:4, ug tan-awa unsay inyong makat-onan mahitungod ni Josaphat. (Timan-i: Ang Baalim nagpasabot sa mini nga mga dios-dios.)

Unsa ang nakapadani kaninyo mahitungod ni Josaphat?

Sa dihang naghari na si Josaphat, ang iyang katawhan diha na sa pagka-apostasiya. Si Josaphat naningkamot pag-ayo sa tibuok niya gingharian sa pagtabang sa iyang katawhan sa pagsunod ni Jehova (Jesukristo). Atol niini nga gutlo, ang kaaway ni Josaphat misulong aron makiggubat batok sa iyang katawhan. Unsa ang nahitabo niini nga mga sirkumstansiya nagpakita sa lainlain nga mga baroganan.

Ikonsiderar ang pagpasabot sa mosunod nga kahanas sa pagtuon aron sa pag-ila sa mga baroganan.

Usa ka paagi sa pag-ila sa usa ka baroganan mao ang pagtan-aw sa relasyon sa duha ka butang. Pananglitan: tungod ni A, nahitabo ang B. O tungod kay gibuhat sa usa ka tawo ang A, ang Ginoo misaad o mihatag sa B.

Basaha ang mosunod nga mga bersikulo isip usa ka klase aron sa paghatag sa mga estudyante og oportunidad sa pagpraktis gamit ang kahanas.

Basaha ang 2 Mga Cronicas 17:6 ug 19:3, nga mangita sa mga baroganan sa kinabuhi ni Josaphat. (Timan-i: taas nga mga dapit ug kakahoyan mao ang mga dapit nga simbahan sa mga mini nga dios-dios.)

Ang pipila ka baroganan nga mahimong mailhan sa mga estudyante mao ang:

Samtang ang atong mga kinabuhi nakapunting sa Dios, sayon ra natong mapapahawa ang daotan gikan sa atong mga kinabuhi (tan-awa sa 2 Mga Cronicas 17:6).
Samtang atong papahawaon ang mga daotan sa atong mga kinabuhi, mahimong mas andam kita nga magtinguha sa Dios (tan-aw sa 2 Mga Cronicas 19:3).

Ngano nga kini nga mga baroganan makatabang?

Human sa pag-ila sa mga baroganan gikan sa nangagi nga mga bersikulo isip usa ka klase, dapita ang mga estudyante sa pagpraktis sa pag-ila sa mga baroganan sa gagmay nga mga grupo o sa ilang kaugalingon. Ipagamit nila ang mosunod nga mga bersikulo.

Basaha ang 2 Mga Cronicas 20:1–9, 14–17, 20–22, nga mangita sa dugang tinuod nga mga baroganan.

Ang pipila ka baroganan nga mahimong mailhan sa mga estudyante mao ang:

Samtang kita magpuasa ug mag-ampo alang sa kalingkawasan, ang Ginoo anaa kanato sa atong mga hagit (tan-awa sa 2 Mga Cronicas 20:1–4, 14–17).
Samtang kita magtinguha sa Ginoo diha sa Iyang templo, Siya maminaw ug motabang kanato (tan-awa sa 2 Mga Cronicas 20:9).
Samtang kita magtuo sa Ginoo ug sa Iyang mga propeta, kita mouswag (tan-awa sa 2 Mga Cronicas 20:20).
Samtang kita mosimba sa Ginoo pinaagi sa musika, Siya mopanalangin kanato (tan-awa sa 2 Mga Cronicas 20:21–22).

Kon ang mga estudyante maglisod sa pag-ila sa mga baroganan, ikonsiderar ang pagsulat sa uban o tanan nga mga baroganan sa ibabaw nga bahin sa pisara. Dapita ang mga estudyante sa pag-ila asa sa mga bersikulo nga gitun-an ang nagtudlo sa baroganan.

Pagsabot sa mga baroganan

Alang sa mosunod nga mga kalihokan, ang mga estudyante makagamit sa bisan asa sa mga baroganan sa itaas, o sila makagamit sa usa ka baroganan nga ilang nakat-onan bag-ohay lang sa ilang personal o pamilya nga pagtuon.

Pagpili og baroganan nga gusto ninyong makat-onan pa. Pag-andam og duha ka minuto nga pakigpulong niini nga kamatuoran nga naglakip sa mosunod:

Usa ka bersikulo o mga bersikulo nga inyong nabasa sa 2 Cronicas mahitungod niini nga baroganan, ug nganong inyo kining gipili
Uban nga mga kasulatan o mga pulong sa mga propeta nga makatabang kaninyo nga makasabot niini nga baroganan
Usa ka higayon nga ang Manluluwas o usa ka tawo diha sa mga kasulatan o kasaysayan sa Simbahan nga mipakita niini nga baroganan
Mga pamaagi nga kamo mobati nga kini nga baroganan gikan sa Ginoo mahimong makatabang o mahimo kitang luwas
Usa ka kasinatian diin kamo o usa ka tawo nga inyong nailhan milihok sumala niini nga baroganan, ug bisan unsa nga mga panalangin gikan sa Ginoo ang miabot isip resulta

Pwede nga ipakigbahin sa mga estudyante ang ilang pakigpulong uban sa usa ka kapares o sa gamayng grupo. O modapit kamo og pipila ka andam nga mga estudyante sa pagpakigbahin kinsa nagtuon sa lahi nga mga baroganan sa ilang mga pakigpulong diha sa klase. Tali sa matag estudyante nga pakigpulong, mahimo ninyong dapiton ang klase sa pagpakigbahin sa bisan unsa nilang komentaryo o mga pangutana mahitungod sa baroganan nga gipakigbahin sa estudyante.

Seguroha nga mohatag og igong oras sa mga estudyante sa pag-andam ug pagpakigbahin sa ilang duha ka minuto nga mga pakigpulong.
Gikan sa unsay inyong nakat-onan karon, nganong mapuslanon nga maningkamot sa pagpangita sa mga baroganan nga gihatag sa Ginoo kanato diha sa kasulatan?
Sa unsang paagi ninyo magamit ang unsay inyong nakat-onan sa inyong pamilya o personal nga pagtuon?

Dugang nga mga Kapanguhaan

Unsa ang baroganan?

Si Elder David A. Bednar sa Korum sa Napulog Duha ka Apostoles mitudlo:

Sa laktod nga pagkasulti, ang baroganan sa ebanghelyo usa ka lagda nga gibase sa doktrina alang sa matarong nga paggamit sa moral nga kabubut-on. Ang mga baroganan naggikan sa mas halapad nga mga kamatuoran sa ebanghelyo ug naghatag og giya ug mga sumbanan samtang magpadayon kita sa dalan sa pakigsaad. (“Ang mga Baroganan sa Akong Ebanghelyo,” Liahona, Mayo 2021, 123)

Si Elder Richard G. Scott (1928–2015) sa Korum sa Napulog Duha ka Apostoles mipasabot:

Ang mga baroganan lig-on nga mga kamatuoran, nga mahimong magamit sa daghang nagkalainlaing mga kahimtang. Ang usa ka tinuod nga baroganan naghimo og klaro nga mga desisyon bisan naa sa labing makalibog ug mapugsanon nga mga kahimtang. Takos ang bililhong paningkamot sa pag-organisar sa kamatuoran nga atong gitigom ngadto sa yano nga mga pamahayag sa baroganan. (“Acquiring Spiritual Knowledge,” Ensign, Nov. 1993, 86)

Nganong ilhon ug manginabuhi pinaagi sa mga baroganan?

Si Elder David A. Bednar sa Korum sa Napulog Duha ka Apostoles mitudlo:

Ang pagkat-on, pagsabot, ug pagsunod sa mga baroganan makapalig-on sa atong hugot nga pagtuo sa Manluluwas, makapalambo sa atong pagtahod Kaniya, ug makadapit og daghang panalangin ug espirituhanong mga gasa sa atong kinabuhi. Ang mga baroganan sa pagkamatarong makatabang usab kanato nga motan-aw lapas pa sa atong personal nga mga gusto ug hinakog nga mga tinguha pinaagi sa paghatag og bililhong panglantaw sa mahangturong kamatuoran samtang atong gisinati ang lainlaing mga kahimtang, mga hagit, mga desisyon, ug mga kasinatian sa pagkamortal. (“Ang mga Baroganan sa Akong Ebanghelyo,” Liahona, Mayo 2021, 123–24)

Dugang nga mga Kalihokan sa Pagkat-on

Laing paagi sa pagsugod

Hangyoa ang mga estudyante sa pagpakigbahin unsaon nila pagplano ug paghimo og malamposon nga panaw tabok sa kadagatan. Unsay kinahanglan nilang mahibaloan?

Ipakigbahin ang mosunod gikan ni Elder Richard G. Scott (1928–2015) sa Korum sa Napulog Duha ka Apostoles:

Ang tawo kanunay nga makabenepisyo gikan sa pagkamasulondon sa tinuod nga mga baroganan. Ang walay kahadlok nga mga Polynesian sa delikado nga mga sakayan mitabok sa kadagatan paingon sa destinasyon nga liboan ka milya ang gilay-on. Kana nga kalamposan nahimo dili lang pinaagi sa sulagma apan pinaagi sa pagpaminaw ngadto sa tingog sa mga baroganan sa celestial nga nabigasyon. Nagandam sila pag-ayo ug wala mahiagom sa mga tentasyon nga mopaliko gikan sa ilang agianan o molangay diha sa rota. Sa samang paagi, ikaw ug ako mahimong makaseguro sa pagkab-ot sa takos nga mga tumong sa kinabuhi pinaagi sa pagsabot ug sa makanunayon nga pagsunod sa sakto nga mga baroganan nga nagikan sa gipadayag nga kamatuoran. (“The Power of Correct Principles,” Ensign, May 1993, 32)

Ang sumpay sa sugilanon

Kon gusto nimo nga makabenepisyo ang mga estudyante sa pagkat-on pa mahitungod sa istorya ni Josaphat ug sa iyang katawhan, ikonsiderar ang pag-summarize o pagbasa sa mosunod nga parapo:

Si Josaphat ug ang katawhan sa Juda nakiggubat sa katawhan ni Ammon, Moab, ug Bukid sa Seir, nga gitawag usab og yuta sa Edom (Tan-awa sa Bible Map 10). Sila miadto sa gubat pinaagi sa pagkanta sa pagsimba ngadto sa Dios. Ang Dios dayon mipanalangin kanila pinaagi sa pagmugna og kalibog diha sa ilang mga kaaway, nga nagsumpaki ug nagpinatyanay. Ang katawhan ni Josaphat mikuha dayon sa importante nga mga bahandi gikan sa ilang patay na nga mga kaaway.

Mahimo dayon nimong dapiton ang mga estudyante sa pagbasa sa 2 Mga Cronicas 20:26–30, nga mangita kon sa unsang paagi pa ang Juda napanalanginan sa ilang pagkamatinud-anon.

Pagkamatinud-anon paglabay sa panahon

Mahimo tingali nimong ipasabot nga si Josaphat ug ang iyang katawhan mga ehemplo usab sa pagbuhat og matinud-anon nga mga lihok paglabay sa panahon.

Si Presidente Dallin H. Oaks mitudlo sa mosunod, naghatag og gibug-aton sa kaimportante sa atong mapadayonon nga mga paningkamot paglabay sa panahon:

Gitudloan kita sa daghang gagmay ug yanong mga butang sa ebanghelyo ni Jesukristo. Kinahanglan nga mapahinumdoman kita nga kon tingubon sulod sa taas nga panahon, kining daw gagmayng mga butang makahimo og dagkong mga butang. …

Wala niining gitinguha nga gagmay ug yanong mga butang ang makabayaw nato ngadto sa dagkong mga butang gawas kon ipadayon kini sa paghimo ug sa kanunay. (“Gagmay ug Yano nga mga Butang,” Liahona, Mayo 2018, 89, 91)

Unsay inyong nakita niini nga baroganan nga gipakita ni Josaphat?
Sa inyong hunahuna nganong ang pagkamatinud-anon paglabay sa panahon importante man alang kanato aron mahimong mas sama ni Jesukristo?