Manwal sa Magtutudlo sa Seminary sa Daang Tugon

Mga Sulod
Ulohan nga Pahina
Pasiuna sa Manwal sa Magtutudlo
Daang Tugon nga mga Leksiyon
- Welcome sa Daang Tugon
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko sa Pagkabanhaw
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Numeros 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Maghuhukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Mga Cronicas 14–20, 26, 30
- Esdras 1, 3–7; Nehemias 2, 4–6, 8
- Ester
- Job 1–3; 12–14; 19; 21–24; 38–40; 42
- Mga Salmo 1–2; 8; 19–33; 40; 46
- Mga Salmo 49–51; 61–66; 69–72; 77–78; 85–86
- Mga Salmo 102–103; 110; 116–119; 127–128; 135–139; 146–150
- Mga Panultihon 1–4; 15–16; 22; 31; Ecclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3, 7, 16–18, 20
- Jeremias 31–33; 36–38; Mga Pagbangotan 1, 3
- Ezequiel 1–3; 33–34; 36–37; 47
- Daniel 1–7
- Oseas; Joel
- Amos; Abdias; Jonas
- Miqueas; Nahum; Habacuc, Sofonias
- Hageo 1–2; Zacarias 1–4, 7–14
- Malaquias
Mga Leksiyon sa Pagpangandam sa Kinabuhi
- Doktrinal nga Kahanas: Pagpangita og mga Tubag sa Akong mga Pangutana
- Mga Kahanas sa Pagtuon sa Kasulatan
- Giya sa Alang sa Kalig-on sa mga Kabatan-onan
- Pag-ugmad sa Pagbarog pinaagi sa Kinaugalingong Paningkamot
- Pisikal ug Emosyonal nga Kahimsog
- Pagpangandam alang sa Umaabot nga Edukasyon ug Panarbaho
- Magmalamposon sa Pag-eskwela
- Pagpangandam sa Misyonaryo
- Pagpangandam alang sa Templo
- Mga Pagtulun-an sa mga Lider sa Simbahan
Apendiks

2 Mga Cronicas 14–16: “Kon Inyong Pangitaon Siya, Inyo Siya nga Hikaplagan”

“2 Mga Cronicas 14–16: “Kon Inyong Pangitaon Siya, Inyo Siya nga Hikaplagan,’” Manwal sa Magtutudlo sa Seminary sa Daang Tugon (2026)

“2 Mga Cronicas 14–16: “Kon Inyong Pangitaon Siya, Inyo Siya nga Hikaplagan,’” Manwal sa Magtutudlo sa Seminary sa Daang Tugon

2 Mga Cronicas 14–20; 26; 30: Leksiyon 90

2 Mga Cronicas 14–16

“Kon Inyong Pangitaon Siya, Inyo Siya nga Hikaplagan”

Tingali ang ubang mga tawo magtinguha lang sa Langitnong Amahan ug ni Jesukristo kon ang mga butang maayo ra. Tingali ang uban mangamuyo alang sa Ilang tabang kon magkalisod lang. Sama ni Asa, ang hari sa Juda, mahimong magtinguha kita sa Ginoo atol sa panahon sa kalinaw ug kalisod. Kini nga leksiyon makatabang sa mga estudyante nga maghimo og usa ka plano aron sa pagtinguha sa Ginoo.

Pagpangandam sa estudyante: Dapita ang mga estudyante sa paghimo og lista sa mga paagi nga sila makapangita sa Ginoo sa ilang kinabuhi.

Posibleng mga Kalihokan sa Pagkat-on

Nagtinguha nga makita

Ikonsiderar ang pagsugod sa leksiyon pinaagi sa pagdapit sa mga estudyante sa paghunahuna mahitungod sa unsang paagi mangita sa usa ka butang nga nawala. Mahimo ninyong ilista o ipakita ang pipila ka butang nga managlahi ang balor, sama sa lapis, usa ka importanting homework nga buluhaton, usa ka cell phone, usa ka gasa gikan sa usa ka minahal, ug uban pa. Pangutan-a ang mga estudyante unsa nga mga paningkamot ilang himoon sa pagpangita sa matag aytem kon kini mawala.

Nganong ang inyong mga paningkamot sa pagpangita sa usa ka butang managlahi man magdependi kon unsa ang inyong gipangita?

Ikonsiderar ang pagsulat sa Pagtinguha sa Ginoo sa ibabaw nga bahin sa pisara.
Sa inyong hunahuna unsa kaha ang gipasabot sa pagtinguha sa Ginoo?

Kon ang mga estudyante maglisod sa pagtubag, mahimo ninyo silang pangutan-on sa unsang paagi nila nailhan ang usa ka tawo ug pagpalambo og usa ka maayong relasyon. Dayon pangutan-a sa unsang paagi tingali sila magtinguha sa pagkasayod ug pagpalambo og relasyon uban sa Ginoo. Tingali puwede ninyong ipasabot nga ang Hebreyohanon nga pulong sa tinguha sa mga bersikulo nga ilang tun-an karon (2 Mga Cronicas 14:4; 15:2, 12; 6:12) mao ang darash ug nagpasabot nga mangita sa, mangutana, mobisita, padayonon, mokonsulta, o gamiton ngadto sa kaugalingon.

Sa inyong journal sa pagtuon, tubaga ang mosunod nga mga pangutana:

Unsa ang pipila ka butang nga nasayran ninyo o sa uban nga nagbuhat sa pagtinguha sa Ginoo?
Unsa ang gidak-on sa paningkamot ang inyong ihatag sa pagtinguha sa Ginoo?

Sa inyong pagtuon karon, pangita og mga paagi nga mahimo ninyong tinguhaon ang Ginoo. Pagsulat og mga ideya ug mga pagbati nga inyong madawat gikan sa Espiritu Santo.

Usa ka ehemplo sa pagtinguha sa Ginoo

Ikonsiderar ang pagpakigbahin o pag-summarize sa mosunod nga parapo.

Ang mga basahon sa Cronicas ug Mga Hari naglangkob sa susama nga panahon. Sa 2 Mga Cronicas 14–16 ug 1 Mga Hari 15, atong mabasa ang istorya ni Hari Asa, ang ikatulo nga hari sa Juda.

Mahimo usab ninyong himoon ang mosunod nga tsart diha sa pisara aron pagtabang sa mga estudyante sa sunod nga kalihokan. Pwede usab himoon sa mga estudyante ang tsart diha sa ilang mga journal sa pagtuon.

Sa unsang paagi si Asa ug ang iyang katawhan nagtinguha sa Ginoo	Sa unsang paagi sila gipanalanginan sa Ginoo
Sa unsang paagi si Asa ug ang iyang katawhan nagtinguha sa Ginoo	Sa unsang paagi sila gipanalanginan sa Ginoo

Ikonsiderar ang pagbulag sa mga estudyante ngadto sa upat ka lahilahi nga grupo. Hangyoa ang matag grupo sa pagbasa sa lahilahi nga hut-ong sa mosunod nga mga bersikulo. Usa ka estudyante sa matag grupo mahimong mosulat kon unsay ilang nakat-onan diha sa pisara.

Kon ang mga estudyante nagkinahanglan og tabang sa pagsabot sa “mga kahoy” diha sa 2 Mga Cronicas 14:3, ipasabot nga mao kadto ang mga lugar diin ang mga tawo nagsimba sa mini nga mga dios.

Basaha ang usa sa mosunod nga hut-ong sa mga bersikulo, nga mangita unsa ang gibuhat ni Asa ug sa iyang katawhan ug sa unsang paagi sila gipanalanginan sa Dios:

2 Mga Cronicas 14:3–7. Atol sa panahon sa kalinaw
2 Mga Cronicas 14:9–13. Sa dihang ang mga Etiopiahanon miatake
2 Mga Cronicas 15:1–9. Atol sa panahon sa kalinaw
2 Mga Cronicas 15:10–12, 15. Atol sa panahon sa kalinaw

Ipangutana ang mosunod nga pangutana aron sa pagtabang sa mga estudyante nga mailhan ang usa ka kamatuoran gikan sa unsay ilang gitun-an. Samtang mopakigbahin ang mga estudyante, idugang ang ilang mga tubag ngadto sa tsart diha sa pisara.
Unsa ang inyong nakat-onan gikan sa mga kasinatian ni Asa ug sa iyang katawhan?

Gamit ang kaugalingon nga mga pulong sa mga estudyante, tabangi sila nga makaila sa mga kamatuoran nga susama sa mosunod:

Samtang ako magtinguha sa Ginoo sa bug-os kong kasingkasing, ihatag Niya kanako ang kapahulayan (2 Mga Cronicas 14:7; 15:15)
Kon ako magtinguha sa Ginoo, ako makakaplag Kaniya (2 Ma Cronicas 15:2)

Samtang ang mga estudyante mopakigbahin, ikonsiderar ang pagsukna sa follow-up nga mga pangutana aron sa pagtabang kanila nga makahunahuna mahitungod kon unsa ang ipasabot sa pipila ka pulong o mga hugpong sa mga pulong. Pananglitan, tingali pwede ninyong ipangutana, “Sa inyong hunahuna unsa kaha ang gipasabot sa pagpangita sa Ginoo?” o “Unsa kaha mahisama ang paghatag sa Ginoo kanato og kapahulayan?”

Alang sa mga pagtulun-an nga tingali makatabang niini o sa ubang mga pangutana, tan-awa ang Dugang nga mga Kapanguhaan nga seksiyon.

Pagtinguha ug pagpangita sa Ginoo

Tabangi ang mga estudyante sa paghimo og mga koneksiyon tali sa kinabuhi ni Asa ug sa ilang kaugalingong mga kinabuhi. Tingali pwede ninyong sulatan pag-usab ang anaa na nga tsart sa pisara og Unsaon nako pagtinguha sa Ginoo sa wala nga kolum ug Unsaon tingali sa Ginoo pagpanalangin kanako sa tuo nga kulom. Dayon dapita ang mga estudyante nga himoon ang mosunod diha sa mga grupo o sa ilang kaugalingon.

Agi og dugang sa unsay gibuhat ni Asa ug sa iyang katawhan, dungagi ang wala nga kolum sa inyong lista sa pamaagi nga inyong matinguha ang Ginoo. Kini nga mga pamaagi nagikan sa inyong kaugalingong kasinatian, mga ehemplo sa mga kasulatan o kasaysayan sa Simbahan, o mga pakigpulong gikan sa mga lider sa Simbahan.

Unsa ang makabalda kanato sa pagtinguha sa Ginoo?
Unsa nga tabang ang inyong gitinguha sa Ginoo bisan paman sa mga makabalda?

Ikonsiderar ang pagdapit kanila sa pagmarka sa hugpong sa mga pulong nga “inyo siya nga hikaplagan” sa 2 Mga Cronicas 15:2. Aron sa pagtabang sa mga estudyante nga makahunahuna og mga pamaagi nga kita makapangita sa Ginoo, ipangutana ang mosunod.
Sa unsang paagi ang Ginoo mipanalangin kaninyo o sa inyong kaila samtang kamo nagtinguha Kaniya?

Human ang mga estudyante mopakigbahin, awhaga sila sa pagsulat sa ilang mga hunahuna diha sa tuong bahin sa kulom sa tsart. Tingali puwede ninyong ipakigbahin nga ang mga panalangin sa mga estudyante nga gipakigbahin mahimong ebidensiya nga nakit-an nila Siya.

Maghimo og plano

Tabangi ang mga estudyante sa pagbuhat sa usa ka butang nga ilang gibati o nakat-onan atol sa leksiyon. Sa pagbuhat sa ingon, awhaga sila sa pagkonsiderar sa ilang mga impresyon nga nadawat gikan sa Espiritu sa tibuok klase. Usab, sa leksiyon 87, misusi pag-usab ang mga estudyante sa ilang mga tumong sa pagtuon sa kasulatan isip pamaagi nga mapaduol ngadto sa Ginoo. Kon magamit, ilang timbangtimbangon kon unsa ang dagan sa ilang mga tumong ug mohukom kon gusto nilang gamiton usab ang ilang mga tumong niini nga plano.

Pagpili og usa ka butang nga inyong mabuhat sa pagtinguha sa Ginoo. Tubaga ang mosunod nga mga pangutana diha sa inyong journal sa pagtuon. Pagplano kon sa unsang paagi ninyo maapil kini nga aksiyon sa inyong kinabuhi.

Sa inyong hunahuna ngano nga kini nga aksyon makatabang ninyo nga mas makit-an ang Ginoo sa inyong kinabuhi?
Unsa kaha nga mga hagit ang mahimo nimong atubangon samtang naningkamot ka sa pagbuhat niini?
Unsang piho nga mga lakang ang inyong mahimo sa pagbuhat niini bisan paman niini nga mga hagit?

Ikonsiderar ang pagtapos sa klase pinaagi sa inyong kaugalingong pagpamatuod sa mga panalangin sa pagtinguha sa Ginoo.

Dugang nga mga Kapanguhaan

2 Mga Cronicas 14:6–7. Unsay buot ipasabot sa pagpangita og kapahulayan diha sa Ginoo?

Si Presidente Russell M. Nelson mitudlo:

18:43

Bisan pa sa mga makalibog ug dili eksakto nga mga kamatuoran nga anaa sa atong palibot, kamo makakita og tinuod nga kapahulayan—nagpasabot nga kahupayan ug kalinaw—bisan taliwala sa inyong labing makahasol nga mga problema. (“Buntoga ang Kalibotan ug Pangita og Kapahulayan,” Liahona, Nob. 2022, 96)

Unsa ang gikinahanglan sa pagtinguha sa Ginoo?

Si Elder Ulisses Soares sa Korum sa Napulog Duha ka Apostoles miingon:

14:47

Kay nasayod sa tanang kinahanglanon nato niini nga kinabuhi, ang Manluluwas midapit kanato sa pagtinguha Kaniya sa matag hunahuna ug pagsunod Kaniya sa tibuok natong kasingkasing. Kini naghatag kanato sa saad nga kita makalakaw diha sa Iyang kahayag ug nga ang Iyang giya mopugong sa impluwensiya sa kangitngit diha sa atong kinabuhi.

Ang pagtinguha kang Kristo sa matag hunahuna ug pagsunod Kaniya sa tibuok natong kasingkasing nagkinahanglan nga kita mopahiangay sa atong pangisip ug mga tinguha sa Iyaha. Ang mga kasulatan nagtudlo niini nga pagpahiangay isip nga “paglig-on diha sa Ginoo” [Mga Taga-Filipos 4:1]. Kini nga binuhatan nagpasabot nga kanunay kitang magpakabuhi subay sa ebanghelyo ni Kristo ug motutok matag adlaw sa tanang butang nga maayo. Diha lamang atong makab-ot “ang kalinaw sa Dios, nga lapaw sa tanang panabot” ug “manalipod sa [atong] kasingkasing ug mga hunahuna diha sa atong pagkahiusa kang Kristo Jesus.” [Mga Taga-Filipos 4:7]. (“Pagtinguha kang Kristo sa Matag Hunahuna,” Liahona, Nob. 2020, 83)

Unsa nga mga panalangin ang moabot sa pagtinguha sa Ginoo?

Usa sa ehemplo mao ang pagpamatuod ni Moroni sa Ether 12:41. Usab, si Elder Craig C. Christensen sa Seventy mitudlo sa mosunod:

7:9

Dugang nga mga Kalihokan sa Pagkat-on

Laing paagi sa pagsugod

Ikonsiderar ang pagsulat sa pulong pag-uswag diha sa pisara. Pangutan-a ang mga estudyante sa mosunod:

Unsay mosantop sa inyong hunahuna kon kamo maghunahuna niini nga pulong?

Human sa paghatag sa mga estudyante og kahigayonan sa pagtubag, ipakita ang mosunod nga pamahayag gikan ni Elder José A. Teixeira sa Seventy.

9:42

Ang Ginoo miingon, “[Pagtinguha] ngari kanako sa matag hunahuna; ayaw pagduha-duha, ayaw kahadlok’ [Doktrina ug mga Pakigsaad 6:36]. Ang pagtinguha sa Ginoo ug ang pagbati sa Iyang presensya usa ka inadlaw nga paninguha, usa ka takus nga paningkamot. (“Pagtinguha sa Ginoo,” Liahona, Mayo. 2015, 96)

Sa unsang paagi tingali ang pagtinguha sa Ginoo ug pagbati sa Iyang presensiya mahimong “inadlaw nga tinguha”?

Human ang mga estudyante adunay panahon sa panaghisgot, mahimong dapiton ninyo sila sa pagtubag sa pagpamalandong nga mga pangutana sa sinugdanan sa leksiyon.

Mosalig sa atong kaugalingong Kapitan

Aron sa pagtabang sa mga estudyante sa pagkonsiderar kon unsay gipasabot sa pagsalig sa Ginoo, mahimo ninyong tun-an ang istorya diha sa 2 Mga Cronicas 13 ni Abias, amahan ni Asa. Ipasabot nga ang mga Israelita nabahin ngadto sa duha ka gingharian: ang Amihanan nga Gingharian sa Israel ug ang Habagatan nga Gingharian sa Juda. Usa ka gubat ang mitumaw tali sa Israel, nga gipangulohan ni Hari Jeroboam, ug sa Juda, nga gipangulohan ni Hari Abias.

Dapita ang mga estudyante sa pagbasa sa 2 Mga Cronicas 13:4, 10–12, nga markahan ang mga pulong o mga hugpong sa mga pulong nga nagpakita asa si Abias ug ang iyang katawhan misurender. Kon makatabang, mahimo ninyong ipasabot nga sinunog ang mga halad ug insenso, pagbutang sa pan sa lamisang lunsay nga bulawan ug ang pagdagkot sa mga suga (bersikulo 11) tanan bahin sa katungdanan sa mga pari sa pagsimba diha sa templo.

Tabangi ang mga estudyante sa pag-ila sa usa ka kamatuoran sama sa ang Dios mao ang atong Kapitan. Mahimo nimong dapiton ang mga estudyante sa pag-cross-reference sa bersikulo 12 ngadto sa Mga Hebreohanon 2:10: “mag-uugda sa ilang kaluwasan.”

Unsa sa inyong hunahuna ang gipasabot sa ang Dios mao ang atong Kapitan?
Unsa ang inyong nahibaloan mahitungod sa Dios nga naghimo Niya nga maayong Kapitan?

Dayon dapita ang mga estudyante sa pagbasa sa 2 Mga Cronicas 13:13–20, nga mangita unsa ang nahitabo tungod sa pagsalig ni Abias ug sa iyang katawhan ngadto sa Dios isip ilang Kapitan. Human sila makabasa, tingali gusto ninyong dapiton ang mga estudyante sa pagmarka sa hugpong sa mga pulong nga “tungod sila misalig sa Ginoong Dios” diha sa bersikulo 18.

Sa unsang paagi ka gitabangan sa Dios samtang kamo misalig Kaniya?

Pagpili nga dili mosalig sa Dios

Aron sa pagtabang sa mga estudyante nga malikayan ang sayop nga dili mosalig sa Dios, mahimo ninyong taposon ang istorya ni Asa diha sa 2 Mga Cronicas 16. Ipasabot nga si Asa mitalikod gikan Kaniya sa ulahing bahin sa kinabuhi.

Dapita ang mga estudyante sa pagbasa sa 2 Mga Cronicas 16:1–12, nga mangita sa duha ka ehemplo kon sa unsang paagi si Asa wala mosalig sa Dios. Tabangi ang mga estudyante nga makasabot nga si Asa mikuha sa pilak ug bulawan gikan sa templo aron nga paliton ang tabang sa Siria sa pagpildi sa Israel (tan-awa sa 2 Mga Cronicas 16:1–6). Usab si Asa wala magtinguha sa tabang sa Dios sa iyang mga sakit (tan-awa sa 2 Mga Cronicas 16:12). Kon gikinahanglan, tingali inyong ipasabot nga si Asa walay sayop sa pagpili nga magtinguha sa tabang sa mga doktor, apan wala siya usab magtinguha sa tabang sa Dios. (Alang sa dugang niini nga konsepto, tan-awa sa Dallin H. Oaks, “Pag-ayo sa Masakiton,” Liahona, Mayo 2010, 47.)

Unsa nga mga kahadlok nga tingali aduna si Asa nga nakapahimo niya nga dili mosalig sa Dios?
Unsa nga mga kahimtang diin ang mga tin-edyer makasinati og sama niini nga mga kahadlok?
Unsay inyong nasayran mahitungod sa Ginoo nga mahimong makatabang sa usa ka tawo nga mosalig Kaniya sa malisod nga kahimtang?